2007年9月12日星期三

是日早餐 - 老豆牌餐蛋治 + 七喜一罐

老豆整嘅餐蛋治真係無人能及呀!好味程度簡直係滿分!
講起嚟,真係有少少慚愧,
我嫲嫲、老豆、老媽子同女朋友……
佢哋全部都係低調嘅廚壇高手,
而我呢?頂多只可以夾硬稱自己為「煮丁麵專家」,
哈哈哈哈~不過,如果換另外一個角度嚟講嘅話,
我又可以話自己雖然係「天生勞碌命」,
但就由細到大都甚有口福喎!嘻嘻~
記得細個嗰陣每次個肚一唔舒服,我就會打開雪櫃拎罐七喜出嚟止屙,
久而久之就飲上癮,有好多朋友都唔信我……
其實七喜真係可以拎嚟止屙㗎!呢招係老媽子以前教落嘅!
喺屙到九彩嗰陣,呢種「另類療法」分分鐘仲快見效過食保濟丸!
呵呵~講開又講,七喜換裝都真係換得好鬼死密,
但我自己就都係比較鍾意以前啲款多啲!
特別係94年嘅「FiDo DiDo」同埋04年嘅「足球戰國」。

1 則留言: