三條傻佬去唱K，到底誰才是真正的K歌之王？

噚晚同琪姐食完飯之後約咗柏盛同華Dee兩條傻佬去唱K唱通頂，

呵呵～其實而家諗返起都覺得好好笑，話說柏盛同華Dee兩個本來係完全唔認識㗎！

但估唔到經過上次K聚，佢哋兩條友就竟然一拍即合，

我諗，可能係因為呢兩位人兄同樣都係傻傻哋同戇狗狗嘅關係啦！

兩條戇狗狗 + 一隻大癲狗……

我認為我哋應該可以組成一隊驚天地，泣鬼神嘅組合，

不如就叫做「狂歡三傻」啦！哈哈哈哈哈哈～

《16/12/2006 三傻唱K實錄》



喂～哥仔！唱緊歌嗰個好似係我喎！你做咩欖嘢衝出嚟搶鏡呀？



各位～有請2006年最受歡迎男歌手嘅得主 - 盛盛！



Ha～Ha～Ha～Ha～死得啦～死得啦～



我夠膽講，就算搵真正嘅Bee Gees嚟，
都唔會唱到大佬華呢種咁熱情奔放嘅感覺！



盛盛又學人唱Bee Gees……



嘩～估唔到首歌咁高音，唱到我青筋爆裂咁滯！



同盛盛夾手夾腳去強姦一首世界名曲！



新天長地久之男大當戀女大當愛，真係仲難唱過Victory……



仆你個街，亞視嚟嘅喂！縱橫四海嘅主題曲烽火情天。



好耐冇唱過嘅……張宇，乳一直下。



最後一曲，飲飽食醉……唱到夠皮……明天請早，起身返工！Zzzzz