心情隨筆 17/09/07

8:00 am

今朝我八點鐘就起咗身，仲自己煮咗個早餐食，
呢碗自製嘅「金牌健康通粉」材料有冬菇 、白菜、瘦肉同江瑤柱，
個味道清清地，食完個感覺好舒服，食完早餐之後我落咗街，
然後就買咗份報紙同埋買定今晚嗰餐嘅餸……
哈哈～講起上嚟，都好耐冇試過親自為女朋友下廚喇！

今晚唔知點解忽然心血來潮想浪漫一下！嘻嘻～

是日晚餐 - 元綠迴轉壽司

今晚老媽子請客，去咗《元綠》度食迴轉壽司，實行兩母子齊齊撐檯腳，
講起上嚟，我同老母都好耐冇食過《元綠》喇！
哈哈～冇計啦！我哋兩個鬼死咁懶又唔願行得遠，
又忽然撩起條筋好想食壽司，咪唯有幫襯最＂就腳＂嘅《元綠》囉！
點知好日唔嚟，一嚟依然係咁多人等位！妖～

是日早餐 - 老豆牌餐蛋治 + 七喜一罐

老豆整嘅餐蛋治真係無人能及呀！好味程度簡直係滿分！

好歌不厭百回聽 -【呂方好情歌演唱會2007】

等咗咁耐，呂方隻演唱會DVD終於都喺前幾日推出咗，噚晚同老母出去食完飯之後，
我第一時間就即刻買咗呢張自己已經期待已久嘅DVD返屋企，仲急不及待開嚟同老母一齊睇。

《快樂歌喉戰》

新一輯的《快樂星期天》真是十分好看，令我又再一次迷上這個節目。
新主持蔡康永的表現非常好，既自然流暢又風趣幽默，
而在臨場反應及跟來賓的互動上亦處理得很不錯，
真不愧是得過《金鐘獎》的一級主持人呢！

現時的節目形式感覺上有點像以前的《藝能歌喉戰》，
一眾參賽者都必需分別打倒不同級別的把關者，
才能有機會挑戰最強的大魔王和贏走最後的獎金。

女人當自強 -《每當變幻時》與《女人本色》

前陣子分別看了上面這兩套同樣與香港回歸有關的港產片，
主要原因是朋友們（90%是女性）先前都不斷向我推介這兩部電影，告訴我無論如何都一定要抽空看看。