兩條麻甩痴漢漫遊東京・熱（三）

不得了喇！不得了喇！等咗咁耐，眾人期待已久嘅第三輯《兩條麻甩遊東京》終於都要出爐喇！嘿嘿～Blog友們～你哋開唔開心？興唔興奮？😍

時間過得真快，距離上一集《兩條麻甩痴漢漫遊東京・熱》原來足足有四年咁長，話說呢個曾經意外成為本人開Blog以嚟收視最高嘅遊記系列 (其後畀膽顫心驚・險過剃頭・不堪回首 之 醉爆台北遊！打破咗) 已經接近100%被擱置，點知早幾日無聊開著部電腦整理一堆旅行同日常生活相，整吓整吓，就立心想完成埋餘下嗰兩輯⋯⋯📌

喺IG、TikTok、Youtube盛行嘅世代堅持寫Blog確實係有少少不合時宜，但我始終認為有啲開心往事就只有用文字去記錄，先至可以保存內裏嗰一份令人回味嘅溫度同情懷，並唔係一般速食文化能夠取代得到。🌞

好～廢話少講！Are You Ready？《兩條麻甩痴漢漫遊東京・熱》第三集現在正式開波！🎥

喺今集我同華Dee會帶大家繼續玩轉東京各個地方，而喺內容方面就會走返頭一集嘅小小鹹多多趣路線，凡未滿18歲嘅細蚊仔、細蚊女，記住要拉埋阿爸、阿媽、阿嫲、阿爺、阿公、阿婆、舅父、舅母、姨媽、姨丈過嚟陪你一齊收睇。🔞

時光倒流返去2017年6月21日早上，一起身從上野搭JR中央線到三鷹駅南口落車轉乘接駁巴士往首個目的地，位於東京都三鷹市下連雀1-1-83嘅三鷹之森吉卜力美術館。🚏

當日行程有些少趕，所以只係喺車站附近吔咗個撻當做早餐。🍰

注意接駁巴係需要收費嘅，成人單程¥210，小童¥110，據知過咗咁多年個車費一樣冇變，都算得上係良心企業喎～🤔

嚟到美術館門口見到人頭湧湧，即刻嗱嗱聲霸返個靚位準備入場！👥

由於館內係嚴禁拍攝同錄影，對有關展品感興趣嘅朋友，或者就要親身飛到現場參觀囉！👀

不過如果你要我坦白講嘅話，入面其實真係冇乜好行，但既然山長水遠過到嚟，又點可以唔買返啲精品返屋企做紀念呢？😌

各自搵到想要嘅嘢，就馬上起行搭JR總武線往「動漫天堂」中野進發⋯⋯🚞

剛到步望吓隻錶，咁啱Lunch Time已到！於是立刻去咗中野區5-52-1一間CP值極高名叫名代宇奈とと嘅鰻魚專門店度開餐，由中野駅北口行過嚟唔使4分鐘，一碗細嘅鰻魚飯只需¥500 (約34 HKD) 即有交易，簡直平到我唔信！😲

呢款全日套餐 (¥1250) 有飯有湯有沙律，塊鰻魚外脆內嫩，仲帶有一陣濃厚嘅炭燒香味，碗飯軟熟又夠熱，個湯清甜得嚟零味精，成set食完感覺極之滿足。🤩

傳說中有個女巫在世上～長長頭髮～兩眼發青光～🧛🏻‍♀️

Mandarake係位於東京著名購物中心Nakano Broadway裏面，從2F至4F總共有28間舖頭，各式各樣嘅昭和復古商品、古董玩具，各個年代嘅遊戲機、遊戲加上大量經典小說、漫畫、電影／動畫DVD，保證令你行到唔捨得走。☝🏻

銀河唯一的秘密～公廁裏頭含柒～佢叫淫婦～網格絲襪～底褲滴滿汁～💦

鬼太郎系列專櫃，主角、配角、閒角齊齊聚埋一齊任你選擇。💁🏻‍♂️

嘩～上面盒嘢有咩咁巴閉？居然賣成¥120000？請問有冇一啲神通廣大嘅Blog友解答到以上問題？🤨

呢堆模型素體全部都要親自上色，完全唔適合我呢類超級懶人。🙅🏻‍♂️

1234567～睇中邊條女就講低Number，服務員會盡快埋嚟幫你處理！💁🏼‍♀️

哦～先生想搵個有前有後嘅奶媽幫你湊仔？No Problem！我立即幫你安排！🙇🏼‍♀️

正所謂自古香車配美人，睇啱邊部隨時打畀我！小妹24小時On Call！🙋🏼‍♀️

Hey～小姐！我查實淨係想問吓邊層有舊式遊戲機睇咋！依家搵到喇！麻煩晒妳～😅

歡迎光臨Mandarake Galaxy，請隨便入嚟打卡參觀！🤳🏻

紅白機、超任、SEGA Saturn、Game Boy，仲有店內冇得買嘅Game Gear同N64，通通係筆者非常懷念嘅童年／少年回憶。🎮

講到遊戲界嘅跨世紀常勝將軍，高達同街霸肯定係當中嘅表表者，由80年代持續到今時今日仍然深受大眾喜愛，認真係唔簡單！🙌🏻

喺90年代紅透半邊天嘅洛克人，唔知你哋又有冇玩過？😬

小學時期最常玩嘅兩隻Game，《七龍珠Z III 烈戰人間》&《熱血格鬥傳說》。🤜🏻🤛🏻

各位80後麻甩仔仲記唔記得佢？曾擁有「丁字褲女王」之稱嘅已故前AV女優飯島愛。👙

日本唔止盛產女優，連聲優都有可能闖出屬於自己嘅一片天，好似現年35歲嘅花澤香菜，就係其中一個相當成功嘅例子。🎙

有「動畫歌帝王」之稱嘅水木一郎曾唱紅過無數首卡通片／特攝歌曲，包括【鐵甲萬能俠】、【太空堡壘】、【幪面超人】等，喺2001年2月仲嚟過香港會展開騷。🎤

迷途迷途孤燕～未得歸家這小孤燕～夜晚嚇怕小燕～小燕徨恐的小燕～乳燕乳燕望著天天邊～誰同情小小孤燕～徬徨乳燕～迷途燕孤單小孤燕～👣

價值¥15000嘅Super Mario World音樂琴譜 + 原版全曲集，貴唔貴就見仁見智喇！🎼

Every night she walks right in my dreams～Since I met her from the start～I'm so proud I am the only one～Who is special in her heart～The girl is mine～The doggone girl is mine～I know she's mine～Because the doggone girl is mine～🎶

OH～係我嘅NO.1偶像「The King Of Pop」Michael Jackson嘅周邊產品區域呀！尖叫聲！📣

Cause this is thriller, thriller night～There ain't no second chance against the thing with forty eyes, girl～Thriller, thriller night～You're fighting for your life inside a killer, thriller tonight～🧟

You know I'm bad, I'm bad, you know it (bad, bad, really, really bad)～You know I'm bad, you know, woo (bad, bad, really, really bad)～You know I'm bad, I'm bad (bad, bad)～You know it, you know (really, really bad)～And the whole world has to answer right now～Just to tell you once again～Who's bad？⚠️

Do you remember the time～When we fell in love～Do you remember the time～Do you remember the time～When we fell in love～Do you remember the time～⏳

Every day create your history～Every path you take you're leaving your legacy～Every soldier dies in his glory～Every legend tells of conquest and liberty～📚

儘管誘惑眾多，但揀完一輪最後只係買咗兩個襟章就收手，都算係好有定力。✌🏻

跟住落嚟就去睇吓啲日版電影DVD，國際影壇四大硬漢李小龍、成龍、高倉健、Peter Fonda，若果撇除私生活唔講，邊個先至係你心目中嘅真心英雄？👊🏻

冷知識一則：《街頭霸王》春麗一角最初嘅創作靈感，據講係取源於70、80年代活躍喺香港影視圈嘅前嘉禾當家武旦茅瑛。🧐

喺1994年上映嘅【活著】絕對係張藝謀執導生涯最好嘅一套作品，不服來辯。😏

情痴總有缺憾～情深總要別離～天意愛弄人～誰人可退避～時光幾次錯漏～人海幾次傳奇～聚了又分～愛情似夢迷離～🧛🏼‍♂️

被譽為20世紀60年代最具個人風格同視覺衝擊力嘅新浪潮名作《Sedmikrásky》係捷克前衛派導演Věra Chytilová出產嘅第二部長片，當年一上畫即時遭到捷克斯洛伐克當局禁映，直到1967年先正式解禁，Věra更表明要將呢齣戲獻畀每一位精神生活混亂嘅人。📽

同咁多位介紹返，我最鍾意嘅真人版卡通電影【Who Framed Roger Rabbit】，港譯【夢城兔福星】。🐰

Blu-Ray + DVD + Digital Copy + 限定版E.T.公仔只售¥4000 (約198 HKD)？仲要全新未開封？天下間竟然有咁鬼便宜嘅事？😳

陪住各人成長嘅日本動畫Box Set，相信梗有一盒啱你心水。😁

Woo～呢張【Kill Bill】Poster直頭係型到爆廠！可惜太大張唔太啱我⋯⋯😑

哼～臨走前點都要買啲嘢返去先得！咦～中間嗰位波濤洶湧嘅姐姐，想問吓貴公司會唔會畀客人親自驗貨㗎？🤤

哎～呢啲情趣用品，我諗我兩個係一世都冇機會用得到⋯⋯🙈

睇來睇去都冇頭緒，不如求其買兩件小玩具當交差算數！🥱

行咗成粒幾鐘個人又餓餓哋，是但搵間迴轉壽司入去坐低醫吓個肚先。🍣

原宿出晒名係日本潮流文化發源地，從中野搭JR過嚟11分鐘就到，區內有好多充滿創意嘅店舖，行足半日都唔會覺得悶。😄

唉～當時冇將最右邊嗰件Jack Daniel T-Shirt帶走，到而家我個心都仲係有啲啲遺憾⋯⋯😫

位於原宿明治通同表參道十字路口嘅Condomania係一間好鬼Cutie嘅性商店，尤其係貼喺門口嘅黃色卡通安全套吉祥物，真係十分搶眼。🍌

店裏面所售賣嘅Condom盒盒都包裝精美，而且設計時尚，至少唔會令顧客感到好尷尬，用嚟送禮確一流。👍🏻

哈哈～嗰兩條白色“假狗”個外型可愛到咁，班嬸嬸攞上手分分鐘會唔捨得用㗎啵！🤣

咳咳～唔得唔得！開始越寫越踩界添～為免篇Blog出唔到街，都係去返啲老少咸宜嘅舖頭度“鳩嗚”比較好！😜

超得意嘅小新儲物箱，用嚟裝文具又得，擺飾物亦可，得咗！🤪

埋嚟睇埋嚟揀～好好食嘅糖果、朱古力，包保大人細路一樣Like！🍬🍫

返工著住條超人孖煙通，當堂人都醒神啲！🦸🏻‍♂️🩲

呢部Coca-Cola限量復古Jukebox現時喺某拍賣網已被炒至288,000 TWD。🤑

喂喂喂～正話說好了的老少咸宜呢？但係試問又點估得到，一個經常有小朋友出沒嘅雜貨舖會擺啲咁嘅嘢喺度賣先得㗎！你話閪唔閪？🤯

行行吓華Dee話想買多幾份手信畀班親朋戚友，就喺CALBEE+原宿竹下通店掃咗4盒限定口味薯片。🥳

你有你揀手信，我有我去J-BOX FOOD STAND買返兜即叫即炸嘅超長薯條，實行兩兄弟慢慢嘆。😋

接近傍晚時分，兩條麻甩忽然心血來潮想同班貓頭鷹嚟個近距離接觸，OK～Just do it！🦉

再見喇原宿～係咁先喇～下次再玩吖～有下次嘅話～👋🏻

離開原宿之後本來想搭JR山手線直接去新宿嗰頭，但當列車差唔多到站嗰陣，我哋就忍唔住要出閘嚟一次快閃涉谷小巡遊。💨

玩咗成日個荷包依然係脹卜卜，都係時候要殺入Disk Union (地址：新宿3-31-4 山田ビル) 放一放血。📀

Let's Go Rock And Roll？NoNoNo～本大爺今次要搵嘅CD，係喺位於B1F嘅「昭和歌謠館」。🤟🏻

泣き出してしまいそう～痛いほど好きだから～どこへも行かないで～息を止めてそばにいて～身体からこの心～取り出してくれるなら～あなたに見せたいの～この胸の想いを～教えて～悲しくなる～その理由～🎧

遠處傳來熟悉的聲音～慢慢張開我的眼睛～無論經過幾多年，鄧麗君姐姐永遠係華語樂壇史上最強第一歌后，特別係佢嗰種不著痕跡嘅高超技巧，可謂前無古人，後無來者。🙌🏻

他使我像著了魔～人像是著了魔～澤田研二呀～靈魂兒像中魔～是為那歌～盡是為了他的歌～聲音裏就是有歌～靜默亦有歌～傳情達意～毋用言語～是直接感情不需要揣摩～🎵

開講有話：「細個唔讀書，大個聽執輸」，事源七年前小弟仲未學識“廃盤”呢兩個字係點解，就咁眼白白放低隻碟，令我一直都好後悔好揼春。😤

當晚嘅最大收穫，「謎一樣嘅昭和音樂真．女神」森田童子完約Polydor轉投Warner後嘅首張大碟《ラスト・ワルツ》。💿

去到晚餐時段，華Dee同我就嚟到位於新宿3-37-12 Nowadays Shinjuku 5F 嘅土古里品嚐一級和牛。🐂

涼浸浸嘅泰國風味冷麵 (¥1080) ，麵質煙煙韌韌，味道清爽酸甜，夠晒開胃。🥰

薄切生和牛配香菜 (¥1780)、前菜拼盤(¥580)、涼拌牛蒡 (¥420)。🐃

睇返張單先醒起，嗰晚我哋兩兜友每人大概係飲咗7杯白富士山啤左右。🍻

飲飽食醉就返酒店唞，埋單Total ¥17928 (約900 HKD)，都尚算可以接受啦！😝

同各Blog友分享一吓，朝頭早喺三鷹之森吉卜力美術館買返嚟嘅一啲戰利品。🤗

兩條麻甩痴漢漫遊東京・熱第三集（完），To Be Continued……👬🏻

點呀～睇完呢集係咪唔係好夠喉咁呢？唔打緊！喺《兩條麻甩痴漢漫遊東京・熱 之 最終回》，我同華神將會由淺草➡晴天塔一路玩到池袋，Blog主敢以人頭擔保，呢次嘅出版日期一定唔會拖足三年又三年，三年又三年……📝

兩條麻甩痴漢漫遊東京・熱（一）

http://timeischanging2013.blogspot.com/2017/11/MENSTOKYO1.html

兩條麻甩痴漢漫遊東京・熱（二）

https://timeischanging2013.blogspot.com/2020/04/MENSTOKYO2.html

東京の旅第一回：遊走新宿不夜城

http://timeischanging2013.blogspot.hk/2016/11/Shinjuku.html

東京の旅第二回：住在池袋的精靈家族／建在屋頂上的陽光水族館

http://timeischanging2013.blogspot.hk/2016/12/Ikebukuro.html

東京の旅第三回：拜訪多啦A夢親生父親／漫步上野動物世界

http://timeischanging2013.blogspot.hk/2016/12/Doraemon.html

東京の旅第四回：迷失Yamashiroya玩具天堂／血拼阿美橫丁商店街

http://timeischanging2013.blogspot.hk/2017/01/Yamashiroya.html

東京の旅最終回：親臨傳說中的築地市場／與畢生偶像偶遇在台場

http://timeischanging2013.blogspot.com/2017/07/TsukijiOdaiba.html