2017年11月6日星期一

兩條麻甩痴漢漫遊東京・熱(一)

嘩嘩嘩~不得了喇!不得了喇!等咗咁耐,眾人期待已久嘅第一輯《兩條麻甩遊東京》終於都要出爐喇!嘿嘿~Blog友們~你哋開唔開心?興唔興奮?😍

警告:此Blog經淫審處審定為三級文章,如未滿18歲嘅讀者請立即離開!🙅
正所謂今日唔知聽日事,得快樂時且快樂,所以喺幾個月前我就即興plan咗一個日本之旅,一心諗住同姑姑去大阪過二人世界!但點知臨門一腳姑姑竟然就以自己莫財呢個理由一口拒絕我嘅邀請,仲非常堅決咁話……如果兩個人旅行嘅洗費要我一個人出晒嘅話咁佢就寧願唔去喎!嗯~既然我呢個絕世好女友咁堅持,咁我就唯有即刻急call二奶華Dee嚟頂替佢嘅位置啦!哈哈哈~而經過一輪相議之後,我哋兩條麻甩佬就決定將目的地由較為陌生嘅大阪改為本人比較熟悉嘅東京。👬
各位觀眾,Are You Ready?《兩條麻甩痴漢漫遊東京・熱》第一集而家正式開始!🎥
一到步第一件事應該做乜好?華Dee哥話梗係要馬上吸返口帶有尼古丁嘅新鮮空氣先啦!👄
呼~抽完煙,再搵個廁所放低幾兩,然後我哋就向著上野酒店嘅方向出發!👉
喂喂~華Dee你最近咪話有病要睇醫生嘅~做乜一見到塊廣告牌就嚇到走夾唔唞呀?😲
從JR入谷口行5分鐘左右,就可以搵到呢一間位於東京都台東區上野7-12-9嘅Ueno Hotel。✌
將行李寄放喺酒店Reception之後,我哋兩兄弟就先去阿美橫丁打咗幾個白鴿轉……👣
嗯~行到悶悶哋,個肚又打晒鼓,一於就坐低整返碗刺身丼做早餐!😋
嗱~我呢碗嘢有名堂㗎!叫做任性海鮮丼(¥880),食落去個味道都算唔錯。😌
不過……唔知係咪隔離飯永遠都香啲嘅呢?同樣賣¥880,華Dee點嘅呢碗超大量金槍魚丼睇落好似正好多咁喎!😣
夏日炎炎天氣熱,喝返杯透心涼嘅冷凍飲品,個感覺簡直係爽歪歪呀喂!😆
唏唏呀唏呀唏呀唏~食飽飽,搭JR!一眨眼,我哋就嚟到今次麻甩東京遊嘅第一站。🚉
YoYoYo~歡迎大家嚟到聞名亞洲嘅毒撚天堂秋葉原!哎喲~我淨係睇到呢句標語已經隱約感受到一股好強勁嘅毒氣,認真唔講得笑!😨
望乜X嘢呀~未見過咁靚仔嘅混血兒呀?👀
吓~乜嘢話?雙傻日本巡迴演唱會?唔好意思~呢啲咁重要嘅Project我要返去同我個金牌經理人CoCo商量下先!🙏
一場嚟到秋葉原,又點可以唔拜訪一下佢哋嘅玩具模型店呢!😁
如果你係一名超級Figure發燒友,就應該唔會對SHF呢個名字感到陌生。😃
Woo~呢組系列嘅figure確係型到震呀屌!💓
無敵嘅聖衣~金光璀璨好美麗~唔係鐵~係聖衣~著咗打都打得勁啲~👊
高達戰士大集合,你哋比較Like邊一位?😉
宇宙戰艦大和號,出擊!波動炮準備!倒數10秒發射!🚀
一大堆經典電影人物共冶一爐,好不熱鬧!🎬
位於日本東京都千代田區外神田一丁目嘅《ラジオ会館》係一座充滿秋葉原流行文化特色嘅商業大樓,呢度以前嘅商店係售賣電子零件同無線電設備居多,而家就變成Figure、毛公仔、布公仔、偶像商品、鐵路模型、服裝等商品嘅大本營。👆
Fans遍佈全球嘅龍珠戰士、東洋最知名嘅超級女英雄美少女戰士、堪稱日本新一代嘅動漫畫經典新世紀福音戰士、遊戲界巨星Mario家族,就連近年hit爆嘅監獄學園Figure都有!👍
睇見櫃入面嗰幾部Game Boy同啲Game Boy盒,真係乜嘢童年回憶都返晒嚟!😊
聲優迷請注意!呢個area就係你哋荷包嘅墓地!💀
呵呵~估唔到咁都比我喺度撞到我屋企裡面嘅其中一位新住客餃子先生!😜
行完《ラジオ会館》,我哋就去咗一間名叫《KOTOBUKIYA》嘅人氣動漫產品專門店度探下一班勁cutie嘅卡通人物。😙
呢楝《SEGA遊樂場》樓高5層,如果想玩夾公仔同太鼓達人可以去1F/2F,如果想玩射擊類同音樂類遊戲就可以行上3F/4F/5F。🔫
喺秋葉原渾渾噩噩遊蕩咗一段時間,我先發現呢度大部分玩具嘅價錢居然比信和、皆旺、兆萬同現時點仲要貴好多!😮
我覺得作為一個稱職嘅電影工作者,係好應該嘗試花些少時間深入咁去了解一下人哋嘅電影文化,大家話我講得啱唔啱?📀
咳咳~就咁嘅!我哋兩兄弟忽然間諗起有啲日用品想買,咁多位大哥,你哋可唔可以暫時停一停機先呢?📵
Hello~兩位後生仔,行咗咁耐有冇見肚餓呀?有冇興趣入嚟叫返隻雞食下咁呀?揀啱邊個Number可以隨時Call我!📞
喺下午茶時段叫雞?唔好喇啩~計我話我哋不如就求其搵間Cafe入去嘆杯茶食件餅扮下上等人仲好啦!🍰
好~嘆完個Afternoon Tea,就要同呢個毒撚王國講聲再見喇!あきはばら!Sayonara~👋
離開秋葉原之後,我哋就乘坐JR山手線嚟到全東京最大嘅美食購物集中地,就係位於東京車站嘅《東京駅一番街》。💸
哈哈~呢間舖頭啲手作仔又做得幾精緻喎!👏
若果我冇記錯個Logo嘅話,呢度應該就係日本富士電視台旗下動畫嘅商品專門店。📺
等我同大家介紹一下,上面嗰班香蕉精(Nanana)就係東京電視台嘅原創吉祥物。🍌
咦~左下角嗰間擺咗一大堆多啦A夢產品喺門口嘅精品店好似好吸引咁啵!💙
其實右邊嗰隻姣到震嘅粉紅超人到底姓甚名誰?我真係好想知道呢嚿咁樣衰嘅蛋散早排點解可以喺香港玩具界掀起一陣搶購熱潮……😑
深受一眾女學生同OL歡迎嘅鬆弛熊雖然喺香港呢面都有專門店,但若要一次過搜羅最多最齊最新嘅Rilakkuma產物,就當然要嚟日本嘅《Rilakkuma Store》走一敞啦!🐻
咁多位靚仔靚女埋嚟睇埋嚟揀喇喂~男左女右多種款式任你選擇!📢
你哋睇下~一向洗錢唔眨眼嘅華Dee哥話咁快已經搵到佢嘅心頭好喇!😏
東京駅警察官呼籲:有一班動物小偷近日經常喺東京駅一帶橫行,請各遊客好好昅實自己嘅財物!👮
銀河唯一的秘密~天際最強人物~正氣朋友~性格忠實~英勇未變質~🎤
世界第一打怪物~將惡人重罰~厭惡邪惡~哪怕衝突~邪惡馬上消失~🎤
護衛人類~挽救地球~看守這宇宙~這進行曲~一高奏~妖怪便逃走~山頂嘅朋友大家一齊唱!🎤
奴隸獸~奴隸獸~東一隻~西一隻~東一腳~西一腳~給批鬥~抱著頭退後~十秒便失手~🎤
你老味你兩條友仔走入嚟又唔幫襯~仲強姦埋本大爺首飲歌!係咪嫌命長呀而家?💢
呢間《LEGO click brick》喺東京、大阪、九州同北海道等地區都有分店,聽聞佢同其他Lego Shop/Outlet最大嘅分別就係可以「自訂文字」製作出一款款獨一無二嘅Lego鎖匙扣!🔑
集英社呢個大名,相信每一個日本漫畫迷都應該有聽過啩?👂
龍珠、聖鬥士星矢、男兒當入樽、浪客劍心、海賊王、狐忍,呢啲都係佢哋曾經連載過嘅漫畫巨作!👑
哎吔~行到有啲攰攰哋添~喂悟空~麻煩拎兩粒仙豆嚟回一回氣先唔該!😩
Hey~朋友!食粒仙豆都唔夠?請過嚟呢邊叉叉電!🔌
完成整個充電過程,你哋就可以變成宇宙最強嘅超級撒亞人喇!💥
嘩屌~究竟係邊個天才諗到將菲利大王變做垃圾桶?想笑撚死朕咩?😂
由松竹直營嘅《松竹歌舞伎屋本舗》,淨係齋睇個門面已經好有藝術氣息。👘
劇場賣店嘅人氣商品、原創商品,多款精美嘅人手作商品,仲有一啲歌舞伎公演嘅介紹,所有喜歡日本歌舞劇嘅朋友,你哋絕對唔可以錯過!📣
Lady & Gentleman~華Dee哥Shopping Time!⏰
正當華Dee仲喺另一邊廂搏殺緊嘅時候,我自己就一個人戇鳩鳩咁行咗去吉卜力工作室嘅周邊商品專賣店。👦
歡迎嚟到どんぐり共和国~咁多位哥哥姐姐~有冇興趣將我哋全部帶哂返屋企呢?💞
就等我嚟帶大家去參觀一下呢個共和國入面嘅環境啦!Yeah~一行入去就比我搵到我想要嘅獵物,實在係太Lucky喇!🌟
你哋見唔見到呀~有一班搶人錢唔使本嘅吸血小怪物喺度同我哋揮緊手!😱
咦喂~你睇你睇~呢班吸血鬼個死人款望落去好似仲猖狂過頭先嗰班喎!😖
喺度靜靜雞同大家講個秘密~我細個嗰陣成日都覺得飛天紅豬俠係參照我老豆畫出嚟嘅!🐽
家長們可以放心~呢度嘅文具同小童餐具款式都算幾齊全。👪
一班入得廚房出得廳堂嘅家庭主婦,請稍移玉步到呢邊嚟~💋
Yo~靚女們~唔使騰~No Problem!行多兩步就係你哋嘅戰場!💪
喵喵喵~多謝惠顧~為您服務係我哋嘅榮幸~期待您嘅再度光臨啊~喵~💕
咕嚕咕嚕~話咁快就嚟到晚餐時間!人嚟~今晚本大爺決定要大開殺戒!🍣
呢個係極上天然金槍魚套餐,價值¥3500。👅
呢個set係本店最受歡迎嘅店長推介,又名Omakase(¥3000),意思係不問菜單,不問做法,所有食材均交由廚師發辦。✔
兄弟~難得今日咁開心,就破戒同你隊返杯大啤啦!Cheers~🍻
《築地すし好-和-》

地址:JR東日本東京駅構内地下1階
電話:+81 3-5220-0505
營業時間:星期一至五:07:00 - 22:30;星期六至日:08:00 - 21:30

各項評分(五個為滿分)

食物質素:㊣㊣㊣㊣㊣
抵食程度:㊣㊣㊣
服務態度:㊣㊣㊣㊣
環境:㊣㊣㊣㊣
衛生:㊣㊣㊣㊣

食完晚飯,阿華就嚟咗一間好似電影《屍殺列車》咁款嘅密室度同班日本佬一齊嘆返口飯後煙。🚬
你有你抽煙,我有我睇車!呢度有咁多款唔同顏色嘅車,我諗住一次過買晒佢!都係嗰句,容易襯衫呀嘛!😎
Jesus Christ~呢架Nissan R35 GT-R真係好掂呀喂~快啲搵人同我嗱嗱臨包起佢先唔該!🎁
Oh Shit!原來間車行仲未開張!唉~真係掃興!😔
叮叮叮叮~親愛嘅遊客們~我哋商場就快要閂門喇~再一次感謝每一位嘅蒞臨!🔊
OK~咁好啦!拜拜囉~咁多位東京駅嘅居民~有緣再會!✋
第一日嘅行程就此告一段落,都係時候要搭車返上野lu!🚈
哦~《Hard Rock Cafe》嘅分店果然係佈滿世界各地喎!但係入去行咗兩轉,我先發覺裡面查實係冇乜嘢好行……🎸
冇獎問答遊戲環節:掛喺最上一排嗰五個面具,第一個係大喊十,第二個係金仔,第三個係雞雞,第四個係侵侵,跟著喺佢隔離嗰第五個面具係邊個?我只可以透露一點嘅就係答案一定唔係肥佬黎。🍎
夜已深~還有什麼人~過咗22:00,阿美橫丁啲舖頭就開始陸陸續續閂閘,起初我仲諗住入去買幾件Band Tee返去,但後來諗諗下就都係決定留到最後一day先再返嚟買個夠本!💴
嗱嗱嗱~兩位哥哥仔~眼看手勿動呀吓!唔係我咬斷你手指㗎!👶
你兩條拐子佬係咪想拐走我個仔?看招!S級臭狐攻擊!🔥
救命呀~呢件驅風行血老耆英連出晒名重口味嘅華Dee哥都大聲高呼頂佢唔順!要快快搵個地方避難先得!👈
唔使驚~Baby Groot喺大廳!你哋兩個走先~我留低做掩護!🍃
只係半年冇嚟je~呢座城堡就已經起咗咁多間新店舖……😶



歌聲響起歸家的訊號~哎~唔經唔覺又行咗半粒鐘……今次堅係要打道回酒店喇!🎶


嘻嘻~對於兩條極之大食嘅麻甩佬嚟講,呢堆宵夜大概只係夠我哋食兩日左右㗎咋!😛
糧食要充足,水源亦要充足!實行塞爆成個雪櫃!🈵
華Dee:親愛的觀眾們,是咁的~我現在要趕快去茅廁試下啲日用品質素如何,所以……多謝各位嘅收睇!我哋下次見!😈
兩條麻甩痴漢漫遊東京・熱第一集(完),To Be Continued……🙈
點呀~睇完第一集係咪覺得有啲唔係好夠喉咁呢?唔打緊!喺下一集我哋將會帶大家繼續玩轉東京各個地方(巢鴨➡谷中➡台場),而內容方面就保證比第一集健康得多,絕對係老少咸宜,大人細路都咁啱睇㗎!🌞
講開旅行,喺兩星期前我就同女朋友、老母、阿姨去台北食咗好多好嘢,而我自己亦分別到當地多間唱片舖掃咗一大堆貨,又同一班好耐冇見嘅台灣朋友唱咗成六個幾鐘頭K,最後仲差啲累到三位靚女上唔到機添!因乜解究搞到咁大鑊?想知道當中嘅事發經過,請密切留意全新一輯台灣之旅嘅出版日期……📝

218 則留言:

  1. 嘩! 呢一篇最啱啲年青人,因為好多figure 我都唔識。
    今次你又破費咗幾多呀?

    回覆刪除
    回覆
    1. 點會呀?Shu兄一向都與時並進,絕對係潮爸一名!😎👍

      刪除
    2. 如果撇除機票同酒店,我上個月喺台灣洗嘅錢應該多過喺東京嗰陣幾倍!💸

      刪除
  2. 狂兄好久不見,呢篇遊記正爆,我想問樽仙豆裡面到底裝住乜?

    回覆刪除
  3. 堆聲優CD大概幾$?我有少少興趣…

    回覆刪除
  4. 行程非常緊密, 呢D團少D腳力都唔得 XD

    回覆刪除
  5. 兄弟估下我係邊個?2017年11月6日 下午5:12

    飛機杯你都放埋上嚟?你條友仔真係完全可以唔顧形象㗎喎

    回覆刪除
    回覆
    1. 兄弟估下我係邊個?2017年11月8日 下午7:52

      你浪子嚟㗎嘛,點可以將你最淫亂一面表露出來?

      刪除
  6. 見到咁多你嘅心頭好,睇嚟你呢次日本遊肯定大出血咯。

    回覆刪除
  7. 你唔好再寫長篇d😡
    2條麻甩學人食粉紅過粉人呢餅,你地好唔好意思架😰
    買車就叫佢開黎門口啦,乜包起咁唔型架😏

    回覆刪除
  8. 嘩!一開頭就放這些圖片,哈。咁點先可以同姑姑去旅行?我就,不和喜歡的人去旅行,就無興趣去旅行。

    回覆刪除
    回覆
    1. 等姑姑儲到啲錢先可以再一齊去,佢唔鐘意要我一個人比晒兩個人嘅旅行洗費……😅

      刪除
  9. 兩條咸濕仔冇王管大解放😂

    回覆刪除
  10. 間壽司店好似好正咁喎~👍

    回覆刪除
    回覆
    1. 係超正,我覺得仲正過築地市場入面嗰啲舖頭!😋

      刪除
  11. 看到上圖左上角,寫著~“ 唱片營業中,請上三樓 ”。 看來都有華人在這裡開店,招呼番啲華人。

    回覆刪除
    回覆
    1. 阿姨您好,上面最後一張圖是我上個月在台北的一些所見所聞來的!😆

      刪除
    2. 係喎,一時睇漏咗添。你喺講緊未來的預告~台北。

      刪除
    3. 希望可以趕得切喺年尾前推出!😆✋

      刪除
    4. 相信你們的台北遊,就會盡情大吃大喝,兼夾大出血購物了。

      刪除
    5. 冇錯,仲因為我嘅關係差啲搞到大家都上唔到飛機……😂😂😂

      刪除
    6. 因為忙於購買心頭好,幾乎錯過了上機時間 ? 哎, 好險。

      刪除
    7. 台北其中一張相見到老蔣同孫中山。

      刪除
    8. 我哋有去到中正紀念堂,仲影咗好多相!😆✌📷

      刪除
  12. 狂兄好耐冇見,最近幾好嘛?
    睇曬成篇遊記之後好歡樂,你寫得好搞鬼又好真實,
    個菲利垃圾桶真係笑撚死我,D日本仔果然係創意無限!

    回覆刪除
    回覆
    1. 最近公司重組架構,忙到仆街,正在考慮緊離開,之後就休息一段時間同埋出去進修下……🙊

      刪除
    2. 個菲利垃圾桶我起初都好有興趣,但諗諗下夜晚見到佢又好似好唔老黎所以就冇買返嚟……🙈

      刪除
    3. 狂兄選擇離唔離開公司我唔敢俾意見,
      但我絕對支持你出去進修,正所謂學海無涯

      刪除
    4. 多謝老Blog友支持,難得有人肯全心全意教我,真係唔可以浪費呢個機會!😉💪

      刪除
  13. 同學仔呀同學仔~你女朋友一唔響樹你就即刻曳曳了

    回覆刪除
  14. teddy 兄搭了兩程飛機,打了一程 XX .....

    回覆刪除
  15. 嘩超不文勁兒童不宜呀呢個post~
    姑姑唔響度blog主你就作大反啦哈哈~
    不過又要讚你寫得好好笑,d對白好鬼抵死~
    仲有我真係好有興趣想知你去台灣點解會搞到差d上唔到機?

    回覆刪除
  16. 早晨小子,個街頭年輕歌手自彈自唱又幾有板有眼喎.
    同埋唔講你唔知,我其實係AUTOart既fans好多年.

    回覆刪除
    回覆
    1. 佢把聲幾清純,聽落去好舒服!👍👍👍

      刪除
    2. 我本身唔係模型車迷都覺得AUTOart啲車整得好靚!😍😍😍

      刪除
    3. 早晨小子,好認同!有時d嘢真係一分錢一分貨!

      刪除
    4. 係~絕對貴得有道理!👍👍👍

      刪除
  17. 女人唔做貼身膏藥呢啲機會好難得,尤其佢知道你會同其他人去,玩盡佢呀,機會唔係時時有.

    回覆刪除
    回覆
    1. 基本上我女朋友仲瀟灑過我,佢從來都唔會過問我任何嘢……😂😂😂

      刪除
  18. 雙傻插旗東京,果然夠癲夠喪,好睇!精彩!

    回覆刪除
  19. 兩條麻甩就係去買玩具精品咋?!!...姑姑個藉口都幾特別, 唔似港女喎!!!!

    回覆刪除
    回覆
    1. 我哋總共去咗好多個地方,之後幾集將會慢慢逐一介紹!😆✋

      刪除
  20. 我諗我去到鹹蛋超人專門店嗰度應該會買到破產為止!!

    回覆刪除
    回覆
    1. 哈哈~其實香港好多地方都有鹹蛋超人啲玩具買!😆

      刪除
    2. 總覺得嗰D地方買嘅唔係正版,所以一直都唔敢買……

      刪除
    3. 應該唔會,聽聞佢哋有好多玩具都係喺日本嗰邊買返嚟!😆

      刪除
  21. 你的遊記內容總是那麼豐富詳盡,用詞又生動有趣,真的很讚。

    回覆刪除
  22. 任性海鮮丼同金槍魚丼(¥880)又大碗又好抵食 !
    台灣同香港我就從未見過 !

    回覆刪除
  23. 哈哈,你地好搞笑呢!\(^o^)/
    我好鐘意隻Rilakkuma熊啊。。(>﹏<)。。
    唔知香港間分店有冇得買呢?好想要。。@_@。。。

    回覆刪除
  24. 碗金槍魚丼超吸引!!!

    回覆刪除
  25. 我去東京一定要朝聖嘅地方就係漫畫店!

    回覆刪除
  26. 你寫得好抵死,睇到果兩隻杯我笑到標眼水,ok u win!😂

    回覆刪除
  27. 又係講波經嘅時間,睇咗一段長時間之後,真心覺得高普戰術麻麻,但眼光確係好好,SALAH今年入左7球,神射手排第2了,同盧卡古一樣..但沙拉就平好多,講真,F9喺埋門方面真係要加強好多先得,唉,如果依家有返S7,文尼+沙拉+S7就好,一隊波有一個好似S7,簡尼呢種高效射手真係好好好重要!!!

    回覆刪除
    回覆
    1. 可惜高普唔鐘意用純射手,但估唔到沙律會咁鬼啱用,如果下年加埋基達,咁文尼+沙律+張仔+基達呢個喪跑組合就真係諗起都J死人!😍😍😍

      刪除
    2. 張伯倫交喺高普手應該會勁好多,我都幾期待

      刪除
    3. 坦白講,我幾欣賞佢嗰份拼勁,球隊現時正正就好需要呢樣嘢!👍

      刪除
    4. 我諗高普主要都係睇中佢果份決心同埋跑動範圍夠闊,仲夠氣又夠快

      刪除
    5. 單憑佢係利迷呢點我就已經對佢加晒分!❤❤❤

      刪除
  28. 依家至係日本之旅第一集,台灣之旅咪有排等

    回覆刪除
    回覆
    1. 咁又未必㗎~有時間可能會出住一兩篇台灣之旅先,跟住先再寫返麻甩遊東京……📝😆✌

      刪除
  29. 兩條麻甩遊東京有乜出奇呢!我有個成熟朋友,就一條麻甩在兩個月裏遊東京兩次了!

    回覆刪除
    回覆
    1. 火姐姐好耐冇見~我遲啲都諗住一個人去日本行下!😆✌

      刪除
  30. 哈哈,條混血香腸好型仔喎
    間《築地すし好-和-》一望佢啲壽司就知佢係好嘢。
    どんぐり共和国又係會令本人荷包淪陷嘅地方。
    篇遊記好正,有機會真係要跟住你哋個行程去玩番轉先得!

    回覆刪除
    回覆
    1. 如果有機會再經過東京駅嘅話我肯定會再encore一次!🍣😋😍

      刪除
    2. 冇錯~阿Mr.混血sausage真係超型!我都忍唔住特登幫佢拍返張特寫!😎

      刪除
    3. 其實我幾有興趣睇下混血香腸先生間舖裏面啲擺設同嘢食,應該會幾有特色。

      刪除
    4. 我都覺得係,不過佢嗰陣未開舖……😯

      刪除
  31. 第二張相就已經係 TENGA, 我笑了!!!
    有冇買 FLIP ZERO?

    回覆刪除
    回覆
    1. 冇呀~只係貪得意買個玩下!不過如果想容易攜帶其實應該買一排飛機蛋返去會比較好啲!😈🍳🍳🍳🍳🍳

      刪除
  32. didi你昔日d咸濕變態ge本性終於爆發曬出嚟~~😂姑姑一行開你就放肆la~~😂

    回覆刪除
    回覆
    1. 妳講乜嘢呀?我以前係一個超級純情又pure又ture嘅怕羞仔嚟㗎!😠😬😡

      刪除
    2. 您嗰陣都未識我,我係識咗您之後先至咁鹹濕!😈😊😍

      刪除
    3. 出嚟呃鬼食豆腐咩~~😂你細細個果陣已經係咁口多多賤賤格格㗎啦!!!😑

      刪除
    4. 點解D人講大話可以當食生菜咁😶😮💩

      刪除
  33. 好撚正,笑到hihi

    回覆刪除
  34. 看完整篇遊記,感覺上秋葉原沒想像中那麼有趣。

    回覆刪除
  35. ╔═════╗💗。゚💘
    ║░═══░║💜¨`*•💖
    ╚═════╝💚╔═╩═╗
    ░══╬══░💛⊹╬╬°¨°💕
    ░░░║░░░💙⊹╚╬═💞
    ❥*¨❣❉ღೋ*♥.¸¸。゚♡✾ഐ❤
    好友⛅・゚🌞我的早晨☕你的午安好嚟🌈
    🌴🏠🌵藍天白雲╠╣aΡpy週三🏡🌲💒🌳

    回覆刪除
    回覆
    1. 早晨朋友~今日日朝早要去進修,然後就要直落返工到十點……😥

      刪除
  36. 回覆
    1. 可以分開一個星期睇,慢慢來慢慢來!😛😜😙

      刪除
  37. 好想去集英社間Jump Shop專門店!!

    回覆刪除
  38. 迪哥點解你可以將一篇咁普通嘅遊記寫得咁撚搞笑?😂

    回覆刪除
  39. 快手啲寫啦,日本都未寫完,又預告台灣,真係吖...

    回覆刪除
    回覆
    1. EE姨~最近公司太忙喇!我自己又要去進修,真係冇乜時間寫嘢!嗚嗚~我諗我遲啲都要學小t咁樣將啲遊記分開一段段時間嚟寫,唔需要下下順住落咁出!😆✌

      刪除
  40. 有個可以一齊話走就走嘅旅友,係幸福嘅!

    回覆刪除
    回覆
    1. 仲要全程冇乜鬧交,返到嚟仲一樣咁糖黐豆先難得!😗👬

      刪除
  41. 大哥,我好羨慕同時又好佩服你可以活得咁無拘無束,仲要講到做到真係話飛就飛。成篇Blog我睇得好開心!就好似自己真係跟你哋去東京行咗一轉咁樣,極期待下一集!

    回覆刪除
  42. hahahaha!!!!!that's so funny!!!!!I can't shop laughing!!!!!

    回覆刪除
  43. Gameboy 果啲"突" 制都好呀! 等隻手啲反應靈敏啲!
    唔使只用 mouse!

    回覆刪除
    回覆
    1. 但以前每次玩完Gameboy手指公對下個位都會好痛……😣

      刪除
  44. 那間吉卜力工作室專賣店我有很多東西想買呢,很想立刻看下一集和新一輯的台北之旅。

    回覆刪除
    回覆
    1. 如果唔怕毛公仔難打理,我應該唔只買一樣嘢返去咁少!😆

      刪除
  45. 秋葉原真係男人既天堂,睇唔完既動漫...遊戲...女樸...樣樣齊~~

    回覆刪除
    回覆
    1. 但反而唔係太適合我,我都係鐘意新宿、上野同埋中野多啲!😆

      刪除
  46. 有好兄弟同你一齊去日本玩,正!
    你話有日用品要買我已經覺得怪怪地,原來係...... 哈哈!

    回覆刪除
    回覆
    1. 費事講得咁露骨,唯有用代名詞……😈🙈🙊👿👅

      刪除
  47. 連個TENGA杯都夠膽放上黎
    狂小哥你果然係一個硬漢子真男人
    但更難得既係你女朋友完全唔介意
    你走果陣有冇買手信返去氹佢先
    最後想講 妖你想笑X死人咩 日用品都畀你諗得到

    回覆刪除
  48. 注意:唔好意思各位~我霎時間唔記得咗呢篇Blog本來個名,而家修正返,正確節目名稱係《兩條麻甩痴漢漫遊東京・熱》先啱!🙏⚠

    回覆刪除
  49. 係酒店睇片要幾銀? 定係至係show 個 menu 咋?

    回覆刪除
    回覆
    1. 只係show個menu出嚟,我唔太接受兩條麻甩佬坐喺度齊齊睇鹹片……😂😂😂

      刪除
  50. 秋葉原自從成為旅客勝地之後,他們的東西相對上就提升了不少。

    回覆刪除
  51. Time Time寫親遊記反應都咁好咁熱烈,會唔會耽誤咗你未來推介音樂ge計劃架?哈~不過少有喎,你今次同朋友去東京竟然冇去行當地ge唱片行?

    回覆刪除
    回覆
    1. 當然有行,不過應該會去到第三集先介紹!😆

      刪除
    2. 好想快d有得睇ar~希望唔好又要等幾個月咁耐XD

      刪除
  52. 李克勤 Hacken Lee《龍鬚糖》[Official MV]:http://youtu.be/hhO4oNEVaJ4

    你覺得首新歌點?我覺得唔錯,克勤同周國賢首次合作👍

    回覆刪除
    回覆
    1. 好似冇乜爆點,同埋唔係太啱送禮唱,似係年尾特登整首話題作谷佢拎返次903男金……😅

      刪除
    2. 宜家先拎903男金認真講真係冇乜意思,佢根本03年果屆就應該拎,只係佢哋當時夾硬要頒畀許志安👎

      刪除
    3. 再對上一年走音歌后首高妹正傳有獎攞反而高妹就冇,我覺得呢單嘢仲撲朔迷離……😈😈😈

      刪除
  53. 個行程真係岩男仔囉~~~~~女仔免問~~~哈哈~~~
    姑姑真係絕世好女友!!!!!

    回覆刪除
    回覆
    1. 我諗我成世人最好彩就係呢樣嘢!😸😸😸

      刪除
  54. 兩條麻甩痴漢漫遊東京・熱,齋睇個主題就已經笑爆鳥!
    Time Is Changing我發覺你諗呢d絕核嘢真係有一手!
    成篇遊記睇到我同gf笑過唔停,特別係你d死人旁白..
    基本上我一望到枱面兩隻杯就已經笑到抽搐!哈哈哈哈

    回覆刪除
  55. 下次去秋葉原嘗試找些地下店逛,有好多中古好物,多到一日都行不完。

    回覆刪除
    回覆
    1. 我反而係喺中野同原宿表參道見到好多中古嘢,秋葉原就唔多見有……😮

      刪除
  56. 嘩、果然內容豐富、雖然尚中有啲我唔識嘅東西、卻睇得十分過癮呢!

    回覆刪除
  57. 無人估第五個面譜嘅?
    邊個?乜水泥?

    回覆刪除
  58. 去得毒撚王國一定要去見識下正版日本AV,雖然大部分都貴到買唔落手,平時上網download bluray又唔撚使錢,但絕對係值得收藏。

    飛機杯我去親日本都會買半打返屋企,咪以為有女就唔需要,好用嗰D玩過真係會返唔到轉頭。

    回覆刪除
  59. 嘩兩件麻甩靚佬一出馬果然魅力非凡~即刻笑到我扒哂地~~😂
    好like你咁勇敢同坦白~~冒住跪玻璃鏡ge危險都要post果兩件日用品出來~~~🙇

    回覆刪除
  60. 今年4月我都去咗次日本~好想再去呢~!

    回覆刪除
  61. 行程緊密丰富,有時真要好好休息休息!

    回覆刪除
  62. 你哋行程好豐富,參觀地點亦有男士風格。

    回覆刪除
  63. 菲利大王變做垃圾好特別
    開心看完腦友的趣聞性介紹,真想去日本呀

    回覆刪除
  64. 即興旅行真係好正,一講又癮起

    回覆刪除
  65. 即興旅行真係好正,一講又癮起

    回覆刪除