2019年7月4日 星期四

陳昇三十週年《華人公寓》巡迴演唱會(香港站)觀後感

六日前,我一個人到KITEC看了陳昇的三十週年演唱會,在這兒想藉著這篇觀後感來跟大家分享一下自己於當晚的一些所見所聞和所思所想……

28/6/2019 陳昇三十週年《華人公寓》巡迴演唱會(香港站)Rundown

開Show時間:晚上八時十五分
完Show時間:晚上十一時八分

01.擁擠的樂園
02.然而 - 你不會知道
03.牡丹亭外
04.告訴媽媽
05.最後一次溫柔
06.鼓聲若響(阿Von合唱)
07.水尾郵便車(阿Von合唱)
08.福爾摩莎(阿Von合唱)
09.路途(阿Von合唱)
10.穗花
11.風箏
12.恨情歌
13.把悲傷留給自己
14.子夜二時,你做什麼?
15.鴉片玫瑰
16.別讓我哭
17.華人公寓
18.如風的少年
19.紅色汽球
20.愛情釀的酒(阿Von獨唱)
21.鏡子
22.歸鄉
23.歡聚歌(阿Von合唱)
24.Summer(阿Von合唱)

Encore
25.北京一夜(劉萍合唱)
26.你怎麼捨得我難過 + 二十歲的眼淚

出門前喝了半瓶紅酒,就當是Warm Up一下吧!這瓶酒是一位台灣好友送給我的,想不到當我喝完幾杯之後身上居然完全沒有敏感反應,感覺真爽!呵呵~說起來,還真要再一次感謝雪玉姐啊!
從家裡到KITEC的交通很不方便,為免遲到,所以我便提早了半個小時來到會場。
開Show前有什麼期望?嗯~沒有什麼!只求可以淋漓痛快哭一場就好……
各位樂迷,Are You Ready?3!2!1!甫一開場昇哥就以一首〈擁擠的樂園〉為這場音樂聯歡會打開序幕。這是昇哥出道的第一支主打歌,那時候滾石為他推出首張個人專輯,在唱片文案上就洋洋灑灑寫著:「如果你覺得我有一點怪,那是因為我太真實」。的確,第一次接觸到這首歌,就總覺得它從旋律、編曲、歌詞以至歌者的演繹上都給我有一種怪裡怪氣的感覺,但又會令人莫名其妙的愛上。記得那個「樂園」在當時還帶點清澀,就像夏日裡的冰水一樣。然而,事過境遷,昔日那些俏皮跳脱的假音部分如今已全變成不加思索的嘶吼,這個隨性奔放的版本聽後就如同喝了一口重砲級高濃度台啤,使人身心舒暢。
熱身完畢後,昇哥就為我們帶來第二首歌,那就是〈然而 - 你不會知道〉。我極喜歡昇哥這次的演唱,淡定平和的語氣,抹走了塗在原版表層的甘苦味,所呈現的是一份豁然的釋懷,Just like a bird in the sky~
留意舞台左邊有一個投影幕,當選出專輯封面後樂隊就會下節奏讓大家知道接下來所演唱的是哪一首歌,這種用心的安排可以給一些非昇迷更清楚了解到每首歌的出處。
隨著歌單的變化,轉眼就來到第三首歌,是來自《美麗的邂逅》專輯的〈牡丹亭外〉,這首歌雖說是改篇自古典黃梅調,但就仍然保留了一點昇式風格在裡頭。至於歌詞方面就涉及了【牡丹亭】、【女駙馬】、【黃粱記】這三部名著。三個截然不同的民間故事,為整首歌賦予了豐富的文化內涵,意味深遠。黃粱一夢二十年~依舊是不懂愛也不懂情~寫歌的人假正經,聽歌的人最無情~特別喜歡昇哥於歌末那仰天一笑,甚是瀟灑。唱完〈牡丹亭外〉,緊接下來的是來自《這些人,那些人》專輯的〈告訴媽媽〉,同樣是中國風味很濃並且故事感很強的一首歌。告訴媽媽我想她~告訴媽媽我欺騙了她~欺騙他我已快有個家~過盡千帆皆不是,斜暉脈脈水悠悠,一份卸不下的孤獨感,一些不能觸碰的真相,因為深怕遠在家鄉的至親掛心而選擇跟異鄉的陌生人傾訴,為的就是要保留一個美好幻想給媽媽。昇哥的演唱諧中帶傷,笑中有淚,令全場樂迷為之動容。
Wow~本人十分期待的〈最後一次溫柔〉要登場了啦!昇哥在開段用一種較為軟性的唱法來表達歌中那豐沛的情感,聽起來相當討好,可惜去到Chorus部分昇哥便開始有錯漏百出的情況出現,破音、忘詞、跑調樣樣來,唱著唱著就連他自己都忍不住笑場了!哈哈~
全世界的帥哥美女來到這裡~開車不喝酒~喝酒不開車~警察們都是我的兄弟~看完演唱會請乖乖回家~千呼萬喚始出來的〈鼓聲若響〉依舊風趣好玩,一向擅長搞氣氛的昇哥除了不時High爆扭籮自娛之外,還即席改了一段歌詞。看著半合體的新寶島康樂隊(煜哥黃連煜沒來),心中滿是感動,亦不得不讚阿Von的聲音狀態保持得真好,又難怪昇哥會那麼放心把歌中最高音的部分全交由他去處理。至尊神曲大駕光臨掀起群情高漲,趁這股熱浪還未飄散,昇哥和阿Von就連續唱了三首台語歌,分別是〈水尾郵便車〉、〈福爾摩莎〉,還有就是紀錄片【不老騎士-歐兜邁環台日記】的主題曲〈路途〉,唱畢全曲〈路途〉,昇哥就表示當年在片中參與演出的十七位長者有一半已經不在人世,言語間盡是感慨。
當各人正在思考人生之際,昇哥就戴上一副粗框眼鏡一本正經地跟我們分享了他跟初戀情人〈穗花〉一段淒美感人的往事,並透過台語和國語的交織帶出他們在身份上的差異,字字句句都充滿著一份不捨的無奈。其後唱到〈風箏〉時,本來一臉嚴肅的昇伯伯又瞬即化身成一位淘氣老頑童穿梭於Fans群當中。當曲子完結,台上就剩下木結他與鋼琴兩種樂器的演奏,配合場內昏暗的燈光,份外有格調,真的好有feel。
「歌是我寫的,我愛怎樣唱就怎樣唱!」這是昇哥在演唱〈恨情歌〉時所發生的一段小插曲。當唱到歌曲的中段,昇哥就突然喊卡,還一直盯著其中一位樂手笑問自己剛才是否唱錯了,接著又若無其事的繼續唱下去。這到底是一段預先Rehearsal的特別情節還是一場由心而發的即興表演?據我觀察昇哥多年來在一些台灣綜藝節目上的表現,那當然是一場100%的即興演出啦!哈哈~完成這場即興表演,昇哥就唱出了他在香港最為人熟悉的超級經典〈把悲傷留給自己〉,更再度落台跟Fans們來一個世紀大合唱,成功將現場氣氛推至最高點,此時此刻,我們就仿如置身於一間大型的露天Pub內。坦白說,我向來都不太喜歡歌手在演唱的過程期間不斷將咪遞給觀眾,畢竟大家來這裡都是想聽你唱歌,而不是來跟其他人玩集體唱K,但這些事情發生在陳昇身上,不知為何我又會照單全收,一切就如他在歌末加插的一句歌詞所言:可不可以~可不可以~沒有問題!
熱鬧過後,昇哥就收起笑臉獻唱了一曲〈子夜二時,你做什麼?〉,扣人心弦的演繹,像是一個飽歷蒼桑的老漢子瑟縮一角獨自哀號,甚為入戲,這個深情卻不矯情的現場版本,讓我重新認識到這首歌。
看了大半場演唱會,我的心情就如同坐過山車一樣起伏跌宕,才剛被一曲〈子夜二時,你做什麼?〉感動得差點流下男兒淚,不消一會,昇哥又拿著一束〈鴉片玫瑰〉帶我們走到一片蔚藍色的天空下,從容的結他弦音沙沙地響,歌者悠悠地唱著,那一抹淡淡的秋意,甜蜜中又滲著一點酸,一支善變多情又長滿刺的紅玫瑰,果真令一眾男士又愛又恨。
〈別讓我哭〉的前奏一起,昇哥就隨意唱了一大堆外星語言,我也聽不太清楚他在唱什麼,只是隱約聽到一句We Will Rock You,之後,在他身旁的樂隊成員就運用樂器逐一介紹自己,介紹完畢,昇哥就吹著口琴加入他們的行列,場面極之歡欣愉快。望著眼前這位長得頗像桑田佳祐的大叔,回想起十六年前他在《愛情蒲公英演唱會》裡的每一幕畫面,真是百般滋味在心頭。以前,我從沒想過自己有天會迷上陳昇的歌,不過隨著年紀漸長,我就開始漸漸明白到「昇歌」的魅力所在,還越來越懂。
忍了兩個多小時,過往開Show總是滔滔不絕的昇哥在演唱完Concert點題作〈華人公寓〉和〈如風的少年〉後忽然有感而發說了一些話:「一個不能說話的演唱會原來是這麼的辛苦,以前開演唱會總是喋喋不休,講話比唱歌還多,但這次導演規定不能說,就一直唱,我沒有說的話,就換你們來台北的時候再說好啦!我認為我對香港的感情很豐富,因早年在這兒開發了國語歌市場。Anyway,衷心的,我愛香港,希望它很好、好好的。」眾所周知,昇哥自發現有某部分大陸人上廁所不愛關門,便被一個最講民主自由的國家封殺至今,但是,素來以個性直率聞名的他就始終如一,從不會受到外界任何束縛。出道以來,他只會做自己喜歡做的事,他反服貿、反統一,不願做人民幣的奴隸。他的人生目標並不是只有賺錢,他要自由的呼吸,想唱什麼就唱什麼,閒時就喝個兩杯,是個真正的開心快活人,這份隨心所欲任我行的超凡境界絕非一般常人能夠參透得到的,尤其在這個利慾薰心、群魔亂舞的商業社會下。
說完一番真.愛港感言,昇哥就跟隨著響起的拉丁旋律舞動搖擺……哦~是我曾經最愛的昇歌〈紅色汽球〉呢!這是昇哥在演唱會當晚最淋漓盡致的一個演出,當唱到興起,他更忍不住要和面前的咪Stand上演一場親密的調情戲。待這股熱情奔放的氣流吹散,蓄勢待發的阿Von就私人調製了一瓶〈愛情釀的酒〉給我們品嘗,這瓶酒味道偏淡,度數也很低,大概只有3%Vol左右,但喝完身體還是會感到暖暖的。
我常在想,昇哥在編寫〈鏡子〉的時候究竟正經歷著怎麼樣的生命矛盾呢?這是一首好苦好苦的歌,很多句子都得一次不換氣並拉得好長好長,好像不唱到挖心掏肺就很難結束。每次看著昇哥唱到緊閉雙眼、垂首皺眉,一副心如刀割的模樣,都會深深感受到那種鋪天蓋地的痛楚。我都已經不再愛我自己就不會在乎愛了你~又不是渴望已錯過了今生還要來生去等待~所謂「初聞不知曲中意,再聽已是曲中人」,聽到這兒,我終於控制不住眼眶裡的淚水……
認識我的人都知道,我是一個很難哭的人,儘量聽了一首如此淒涼悲壯的〈鏡子〉,我都只是眼眶泛紅,並沒有痛哭流涕,直至昇哥哼起〈歸鄉〉的頭幾句歌詞,我的淚線才正式宣布失守,想不到這碗滲著濃濃古早味的心靈雞湯竟然擁有那樣巨大的殺傷力,歌裡的每一字每一句都勾起了我對嫲嫲的思念之情。
歡樂的時光過得特別快,轉眼就來到演唱會尾聲,曾獲得第七屆金曲獎最佳作曲的〈歡聚歌〉、逢Show必唱的〈Summer〉,一個臨時舉辦的大型夏日沙灘派對,引領全場三千多名觀眾站起來盡情狂歡共舞,在一群滿身酒氣的台灣/大陸昇迷重重包圍之下,我的鬱悶與哀愁就連帶我臉上的淚痕一同蒸發。
來到Encore環節,昇哥就心血來潮邀請了本為座上客的女徒弟劉萍( 怎麼又是姓劉?XD~)上台合唱一曲膾炙人口的〈北京一夜〉,這位嫁到香港的台灣姑娘歌聲雖不及原唱劉佳慧般驚艷,但其四平八穩的表現,就至少讓人聽得安心。
以黃品源金曲〈你怎麼捨得我難過〉作引子的〈二十歲的眼淚〉是今次演唱會的結尾曲,剛才在台上偷偷小酌一瓶的昇哥帶著微醺醉意強忍淚水忘情演唱,沙啞哽咽的聲音伴我走回弱冠之年那顛沛流離的血腥歲月,那解不開的惆悵與迷茫,思想起兩位遠奔天國的知己好友,一堆未完成未兌現的承諾,一個個無法實現的願望,到現在,那些片段已經飄散至九霄雲外去了,原來……年紀確是會斬殺熱血的。
是二十歲的男人就不再哭泣~讓我們彼此就這樣約定~到六十歲的時候我們快中風~聽著聽著,心裡面仍舊是有點戚戚然……哈哈哈哈~
Hong Kong,I Love You~Good Night~歡迎來參加我的第二十六次跨年,台北見!
在接近三小時的狂熱同樂會裡,我的孤寂短暫撤離了,我不用去思考生活上所碰到的種種難題,能夠逃避俗世的煩囂,感覺確實好棒。可是,當人群開始慢慢散去,當璀璨歸於平靜,我呆站在會場門口回味那份久違的悸動,我清楚明白……縱然有百般不捨,我都總要接受曲終人散這個事實。
PS:部分照片是轉載自昇迷Artemis Tong、Xialu Zhong的Facebook以及各大報章。

寫在生辰前半小時 3/7/2019 11:30 pm
新世代革命號角響起,引發一系列的維特效應,三封遺書三條命,讓整個香港的氣氛比頭上那片灰白的天空更要烏雲蓋頂。在某些人心目中,或者會真心認為他們的犧牲是多餘的,但站於三名革命者的立場來看,憂鬱的死去,也許就比沒有靈魂並成為斯德哥爾摩症候群來得有尊嚴。始終每條生命都是一個個體,任誰都沒有權利去決定各人思想和意願。因此,我覺得除了他們的家人之外,旁人實在沒有資格去批評這三位逝者的半句不是。
還有半個小時我就正式踏入人生的第三十六個年頭,今年我的願望就只有一個,就是不想再見到有任何一個人嘗試用自我了斷的方式來撼動當今政權。相信我,裝睡的人是永遠不會叫得醒的,更何況是那班良心早就被狗叼走的高官政客……
另外,關於數位藝人在反送中事件上的一言一行,我想說的是:別人愛怎麼想愛怎樣說我們控制不了,這就是所謂的言論/思想自由。要知道,這班人的職業是演藝人員,是自由市場上的一件商品,儘管他們曾經帶給你/妳許多美好的回憶,但事實上大家本來就是互不認識的,所以根本就不存在失望與否的問題。那當然,當看到Deanie姐、黃耀明、王喜這幾位那麼有風骨的藝術工作者,我就仍是會打在心底裡由衷地佩服和欣賞。
最後,致一班因政見不合而分道揚鑣的舊友:很抱歉,到今日,我依然完全無法認同你們的想法。不過有一點可以肯定的,就是非常感謝各位一直以來給我的鼓勵和支持,還是那一句,君子交絕,不出惡聲,若然你們執意要為了立場各異這個理由而選擇跟我斷交的話,我不會阻止,亦阻止不了,但我深信總有一日,未來的歷史必定會告訴你們/我們誰是對的。俗語有云:人在做,天在看,好人一世平安,衷心祝福每一位。

202 則留言:

  1. 對依家既香港,係“痛心疾首”

    回覆刪除
  2. 生日快樂🎂
    【把悲傷留給自己 】陳昇的歌聲平淡中帶點悲傷,我剛聽了。
    朋友因政見不同而無法相處,也是無可奈何。

    回覆刪除
    回覆
    1. 多謝EE姨,其實我個底線已經set到好低,我從來唔會主動同佢哋傾政治嘢。😅

      刪除
    2. 大夫:呢鑊真係哭崩長城鳥……😭

      刪除
  3. 外表雖是大叔但心靈明顯不是.....

    回覆刪除
    回覆
    1. 我反而覺得佢心靈成熟到另一個境界,正宗係快活過神仙!🍺

      刪除
  4. 生日快樂~~
    道不同不相為謀, 無需勉強

    回覆刪除
    回覆
    1. 多謝,因為呢啲事都有心痛咗一陣,但係諗諗下又覺得……如果你真心覺得我係你朋友就唔應該控制我思想!🙃

      刪除
  5. 生日快樂狂兄,這篇寫得極好,雖唔係陳昇歌迷但一路看都好投入其中,沒有唱不再讓你孤單嗎?好可惜啊。

    回覆刪除
    回覆
    1. 冇唱,不過可能睇得太投入,所以到完場都冇留意到呢點……😂

      刪除
    2. 係呀~同埋我真心覺得當晚嘅氣氛唔係好適合唱呢首歌……😅

      刪除
  6. 在外國政見不同乃是司空見慣的事,不明白在香港為什麼要搞成這樣,大陸就更不用說了,所以說有中國的地方就有分裂的本錢,沒有錯的。我都唔認同示威者的做法,但我理解他們點解要這樣做。

    回覆刪除
    回覆
    1. 因為他們的總統都是由人民直選出來的,你看荷里活那些明星全部的政治立場都很分明,是會站出來說明,哪有大陸和香港的藝人那麼鵪鶉!講到尾就是個國家小氣,愛秋後算帳!🙄

      刪除
    2. 中共一世都唔可能比真普選香港人,除非世界變…

      刪除
    3. 就算名義上話俾你暗地裡咪又可以黑箱作業,你睇下而家香港啲頒獎典禮就知啦!😂

      刪除
  7. 一直好鐘意陳昇,低調,深情,感性且不失童真
    做人最緊要對得住良心

    回覆刪除
    回覆
    1. 我好欣賞每一個唔使睇大陸面色就可以自給自足嘅藝人,好似陳昇、甄妮、Dodo姐同Deanie姐。👍🏻

      刪除
    2. 陳昇:我把中國市場封殺了!因為我不缺錢
      https://youtu.be/RnqxHtUIJFs

      刪除
  8. 生日快樂同學仔,文筆越來越好呢

    回覆刪除
  9. 生日快樂,又大一歲la咸濕仔!我都同你講左九千幾次政治嘅嘢擺響個心就可以,雖然我明白有時候人地問你你又唔鍾意講假話

    回覆刪除
    回覆
    1. 我已經冇喺Facebook動態講啲乜㗎啦~咁你冇理由連我喺人哋個page講乜都要干涉㗎嘛!😑

      刪除
    2. 我始終覺得做朋友做家人都冇理由去控制人哋個思想,所以我亦從來都唔會同佢哋理論,因為我清楚知道每個人有每個人嘅諗法。😐

      刪除
    3. 去到干涉就過份咗D,咁就算啦

      刪除
  10. 生日快樂。。。寫得好好。。。。
    為政治立場分道揚鑣真係好無奈。。。。。。><

    回覆刪除
  11. 喺呢度會繼續share陳昇多年以嚟一啲好精彩嘅Live演出。🍻

    回覆刪除
    回覆
    1. 太多長留言,為免混亂,我轉頭有時間將啲片搬落下面,請繼續留意……🐈👇🏻

      刪除
  12. 很詳盡,我也是當晚的座上客,閣下文章所寫的都好有共鳴,在香港要找到相關的觀後感真是少之又少。

    回覆刪除
    回覆
    1. 香港一夜 ~ 《陳昇華人公寓巡迴演唱會》
      https://inanna2013.blogspot.com/2019/06/blog-post_29.html?m=1

      刪除
  13. 生日快樂,有個更好的明天.

    回覆刪除
  14. 生日快樂,很精彩的觀後感。剛才又出現一名以死相諫的30歲女子,實在不應再以這種方式去衝擊中共政權,他/她們用盡自己生命呼喊出來的聲音,瞬間就消失在漆黑的夜空裡。暴虐的共產黨視而不見、傲慢的港共官員聽而不聞。《逃犯條例》仍然存在,被捕人士依然在囚,香港黑警繼續作惡;甚至中環海濱光速割讓,撐警集會如期舉行,七一升旗依然進行,實哀已。

    回覆刪除
    回覆
    1. 多謝,我相信當赤化問題徹底蠶食整個香港嘅時候,情況就會更加失控。🇨🇳

      刪除
  15. 生日快樂ar迪迪~~~
    為左政治立場反面呢個理由真係好荒謬~~~大家又唔係政治飯~~~同埋印像中你出親嚟食飯都唔會講呢d嘢啦~~~點解都會搞成咁??

    回覆刪除
    回覆
    1. 因為大部分人都想人哋認同佢嗰套,所以就算我唔出聲唔回應都一樣照被割席……👋🏻

      刪除
    2. 早啲認清對方嘅底線都係好事嚟嘅……🙂

      刪除
  16. 早晨小子,生日快樂祝你身體健康天天開心.
    為政治立場鬧交好無謂,我出到去同朋友食飯從來唔會講呢d.
    香港既年輕人真係要加油,唔好輕易自殺家人會好傷心.

    回覆刪除
    回覆
    1. 多謝山sir,其實我出去食飯都係從來唔講呢啲嘢,只係有時佢哋提起我唔回應講到明話唔傾政治都好似唔得咁,對於呢一點我都冇辦法。我都好擔心近日嘅事會形成一種維特效應,希望大家真係可以好好諗清楚,當年唔得掂喺DSE事件上所講嘅每一句說話已經證明佢哋班狗官全部都係冇人性。👎🏻

      刪除
    2. 根本成個香港教育制度都好有問題la,歷屆做親教育局長呢個位基本上無個好人咁濟,主要原因係好多都唔係讀教育出身.

      刪除
    3. 山sir,You got the main point!👍🏻

      刪除
  17. 生日快樂啊!希望你身體健康, 日日都要開心!
    君子之交淡如水, 朋友嘅嘢不要太上心, 最緊要自己覺得開心舒服最重要, 可能一世唔再見, 又可能N年後因為一D事做返朋友, 邊個知ja, 活在當下啦!

    回覆刪除
    回覆
    1. 多謝索瑪莉,而家香港嘅矛盾真係越嚟越深,先係香港人同大陸人,然後就到差佬同市民,跟住再分裂成建制派、反對派,到後來仲拆開成為和平同激進派等等等等……簡直就沒完沒了!😾

      刪除
  18. 生日快樂啊,一如以往,一個好詳盡嘅敍述~
    我喺溫哥華呢面都有留意香港嘅新聞,睇到班學生咁樣真係好心痛呢,以我記得香港好似有好多年冇試過有人用死去抗議政府,係為咗乜嘢迫到一班香港市民日日民怨沸騰?

    回覆刪除
    回覆
    1. 多謝,講真有邊個後生仔唔想留喺屋企打下機得閒就拍下拖,點解要出去硬食催淚彈仲有晒心理準備去坐政治監先?成日話坐低慢慢傾,傾乜嘢呀?犧牲咗四條人命就連提都冇提過,件李慧瓊子仲搞笑,話係咪想見血你哋先肯收手?咁講即係嗰四條人命完全唔係生命啦!林鄭仲好笑,次次話同啲學生閉門會議轉頭就拉鳩人掟鳩人催淚彈,你叫人仲點信你呀?連講句撤回都唔肯,遲啲咪又係會推出一堆換湯不換藥嘅赤化政策慢慢滲入香港,反國教好似冇咗件事跟住而家咪又有好多幼稚園用緊普通話教學同埋用自己嘅歷史書教歷史,作為一個成日強調自己好強大嘅國家唔該就先面對返自己之前所犯過嘅錯,一味喺度塗脂抹粉係冇用㗎!而家資訊咁發達!😡

      刪除
    2. 最記得當年林鄭一句「官到無求膽自大」真係技驚四座~好一個最打得嘅特衰政府,計我話佢係「人到無求便無恥」至真啊!

      刪除
    3. 習總揀佢唔揀鬍鬚曾梗係有原因……🙂

      刪除
  19. 巴打生日快樂,自殺潮大爆發,林奠一句嘢都無講過

    回覆刪除
    回覆
    1. 建制派頭目李慧瓊子有出嚟講過嘢,佢話係咪要見血先收手?即是完全漠視咗四條人命……😑

      刪除
  20. 生日快樂! 一年靚仔過一年! 健健康康 :D

    89年迷陣昇至今, 你是個長情的人啊!

    回覆刪除
    回覆
    1. 唔係呀~我喺千禧年代中期先開始正式follow佢啲歌。anyway,多謝。🐈

      刪除
  21. 寫得好好,令我哋冇響現場嘅朋友好似親歷其境咁!!唉,本來見到愛隊第六次拎歐聯係一件好開心好開心嘅事,但之後香港所發生嘅嘢就令到大部分香港人嘅心情好似坐過山車咁!鍾鎮濤佢哋班人就算啦!個個離曬地根本都九唔搭八,只係估唔到梁家輝會出去啫!本身仲好鍾意睇佢做戲添!!

    回覆刪除
    回覆
    1. 多謝,我都係,明明愛隊拎第六次歐聯應該夠我打好耐飛機,但唔知點解種開心嘅心情就冇停留好耐。唉~上次525嗰次又係,咁啱撞正我最好嘅朋友同埋ex一齊同一年走,搞到我完全享受唔到嗰一份喜悅……😐

      刪除
    2. 其實任何一個人出去我都唔會好意外,事實上以前有好多人都有少少大中華膠嘅心態存在,你諗下以前大陸一出事香港人有邊次唔係仆街咁仆去捐錢俾佢哋先?但跟住我哋得到啲乜嘢?係一次又一次嘅背叛,沙士明明就係你哋大陸人傳過嚟跟住你一個屈尾十就話係你哋救返我哋?屌你老味有冇咁撚離譜?你咁樣講對唔對得住謝婉雯醫生?而家嘅香港人只係醒目咗,唔會再俾你哋班大陸人呃,我哋大部分人已經清楚知道,無論我哋捐幾多錢根本就唔會捐到落去班災民手裡面,呢啲都只係冰山一角嘅問題,仲有好多好多好多嘢形成到大家對呢個國家咁反感,絕對唔係一朝一夕㗎!😠

      刪除
    3. 仲捐錢?而家喺街見到個阿婆跌低都唔知過唔過去扶佢好啦!!D大陸文化真係好黑人憎!!呢排follow利記D轉會新聞,睇黎球隊季初應該又唔會買人,勁灰,FSG OUT!!!

      刪除
    4. 睇定啲先啦~呢幾季買人都係興無聲無息……😊

      刪除
  22. 這音樂會於我而言95%完美,唯一遺憾是沒聽到〈不再讓你孤單〉。

    你也不要讓自己太孤單。

    回覆刪除
    回覆
    1. 音樂會尚有個很喜歡的點,就是能現場看到貝斯手林羿妏的演出,她不算美,卻很酷!

      刪除
    2. 多謝,我反而覺得那天整個氛圍不太適合唱〈不再讓你孤單〉,不知道為什麼……🤣🤣🤣

      刪除
    3. 我也有留意到樂隊裡面有幾位很有型格的女士,其中一位叫林小歐,著紅衫那位,因為我有台灣朋友有follow她facebook,所以我才認出了這位女結他手。🎸

      刪除
    4. 其實一開始我頗期待他會唱《思念人之屋》裡面的歌,我幻想如果現場聽〈喝完這杯咖啡就走開〉應該會很震撼,不過,我相信女聲部分就不會有人可以取代到彭佳慧。另外,我聽身旁的台灣昇迷說在高雄的巡迴站Encore兩首歌分別是〈發條兔子〉和〈狗臉的歲月〉,想不到來到香港就一首都沒有唱。😑

      刪除
    5. 兩位結他女將 unplug 的環節很好,但電結他尤其各自 solo 的部份就唔夠火候啦;林小歐好些,另一位笑容很甜,但獨奏就給比了下去咯。

      刪除
    6. 另外我覺得〈牡丹亭外〉和〈告訴媽媽〉的女聲部分聽下去總覺得有點怪怪,應該是預先錄好的。

      刪除
    7. 你說得對,是預先錄好的。如果可以唱 live 當然更好 (可能沒有預算給 backing vocalist,很可惜)。

      刪除
    8. 呢個版本嘅女聲唱得好好!👍🏻👏🏻👏🏻
      https://youtu.be/mHIKv1F7T64

      刪除
  23. 生日快樂呀,睇你嘅描述呢個concert氣氛應該超好。
    撚伯同阿B就算吧啦,同福祿壽另外果兩件一樣,從來冇對佢哋嘅人格有期望過!

    回覆刪除
    回覆
    1. 多謝,其實我又唔覺得呢班人撐警就等如係冇人格,佢哋都可以有自己嘅一套諗法,但坦白講呀~一班上晒岸嘅人又點會明白人間疾苦?同埋我老母以前係真係識鍾鎮濤,佢話佢份人不嬲都係戇鳩鳩唔知個世界發生乜事……🤣🤣🤣🤣

      刪除
    2. 福祿壽三條友都係行運行到落腳趾尾,撚伯食正日本歌流行嗰條水跟住一路紅足咁多年,低B之前話就話破產但係就有成班friend接濟佢,娶個身老婆又有錢,小狗阿叻就唔洗講啦!淨係娶到秀姑已經贏曬,要佢哋體諒班後生簡直係天方夜譚!

      刪除
    3. 以前只要努力就有機會可以發到圍,如果佢哋生喺呢個年代相信就已經會變成三個娛樂圈失蹤人口……🙂👋🏻

      刪除
  24. Happy-B-Day,Alan Tam,Kenny B,You Suck!!!!

    回覆刪除
    回覆
    1. Thx,我覺得高志森同埋李力持呢啲先係正宗仆街,上面嗰兩個只係長期住喺堅離地城唔清楚個社會發生緊乜事。🌍

      刪除
  25. 香港政府當然有不足和有貪污的人,不過大多數都是勤奮為市民服務的公務員,不應一竹竿打沉一船人。
    在殖民地時代不准示威遊行,沒有選舉投票的權利,福利亦沒有今天的多。大家都相安無事,中國人就是崇洋的多。
    只是回歸後房屋一項是最失敗的。當年第一屆的特首董伯伯提議建公屋和居屋八萬五千戶,但是因為引起樓價大跌而遭受全城圍插 !當時我心就想:將來唔夠公屋點算好 ?
    *
    因此第二屆特首曾蔭權不再提議起公屋,攪到十年都沒有起過公屋! 今日最大的問題是劏房貴到飛起! 有啲議員都很浪費時間,只係反對埋晒啲無謂的事頂,例如:
    氣急敗壞的反對林鄭不事先徵詢各人意見,就走上北京商談讓西九建故宮文物展覽館! 堅決反對一地兩檢的高鐵建造! 完全漠視民意! 不過為反而反!
    一般人置業買屋困難,這是誰之錯 ?
    身為議員不能只顧利用學生去冒險,耍盡力提出為基層貧民謀福利的方案。拉布尤其可惡,真是浪費公帑! 香港自漢朝以來,都是中國的土地,搞港獨好嗎 ? 到時請外國駐軍,不要東江水,開支一闊三大,只是益了外國人的庫房。

    回覆刪除
    回覆
    1. 妳好阿姨,八萬五想法絕對係冇錯,最衰其實係班商人同中產,一影響到自己嘅利益就個個出晒嚟嘈,佢哋幾乎全部控制住成個香港發展同經濟步伐,佢地請少啲人失業率就升,壟斷得好緊要。呢十幾年間,好似所有香港人都變得好貪婪,只講錢,個社會已經變到好瘋狂搶錢嘅狀態。

      刪除
    2. 而比起住屋問題,我覺得人口政策就更加需要檢討,其實香港人係好易氹,你只要解決每日150人入港同埋新界好多公眾地方一啲擺到明暗地裡賣淫嘅行為,我肯定會少四分一人上街,但奈何香港政府尤其係近兩屆,喺偏袒新移民嘅程度方面就越來越甚,淨係講上公屋呢個問題已經引起一大堆中港矛盾嘅問題,以前嘅新移民落到嚟個個勤奮工作值得尊重,而家嗰堆全部好食懶飛又可以光速上公屋但就完全冇人管制,由得香港冚唪唥變晒做呃飲呃食綜援新移民集中地,但一個普通香港人申請公屋就十年都未排得到,樣樣嘢加加埋埋就令到某班政棍有機可乘,其實一直有睇我Blog嘅人都知我一向都對大部分泛民議員好反感,尤其係張超雄,我諗真係冇乜人記得而家香港遍地新移民、假難民同南亞人全部都係呢條友搞出嚟!次次遊行就走出嚟貓哭老鼠假慈悲,我一向討厭建制派,但我更加憎佢呢種人!仲有一點嘅就係有好多唔鍾意中國都未必係港獨派,我就係其中之一,坦白講,大陸嘅歷史已經令到好多香港人對佢哋嘅法治完全失去信心,佢哋連文化大革命同六四都唔願意面對,一尾硬推國民教育但佢哋班高官就全部又送晒啲仔女去外國讀書自己又攞晒外國戶籍,試問又點能夠服眾?有時候倒不如大大方方承認自己曾經犯過嘅錯誤咪仲更加會得到多啲人支持,就好似德國,不過我知道中共一世都唔會。

      刪除
    3. 呢篇係一個年輕人所寫嘅一段感受,我轉載落嚟俾大家睇, 希望大家都嘗試企喺佢哋嘅角度,諗一諗佢哋點解會變成而家咁,講真有邊個後生仔唔想留喺屋企打下機得閒就拍下拖,點解要出去硬食催淚彈仲有晒心理準備去坐政治監先?我認為絕對唔係純粹因為政棍挑撥咁簡單,係佢哋真係感到絕望。

      《致上一代:點解年輕人要搞事》

      當你係佢地嘅年紀時,申請公屋只要幾年就有,而家,申請公屋,單身由18歲排到50歲都未上到樓,而同時間新移民可以極速上樓。

      當你係佢地嘅年紀時,一年有過萬居屋供應,一年可以抽幾次,中簽機會唔低,私樓亦唔係遙不可及而家,一年一次抽居屋,得三幾千個單位,幾十萬人爭,仲難中過六合彩,私樓更加係絕望,除非你有父幹。

      當你係佢地嘅年紀時,政府正在將市民由木屋,臨屋帶上公屋,居屋。而家,政府話年輕人冇屋住,可以住橋底水管屋或者官民合辦嘅劏房。

      當你係佢地嘅年紀時,雖然未至於想買樓就買樓,但要解決居住問題都唔算難,有租務管制,租都租得起,再加各種置業資助計劃,冇幾多人會因為住屋問題而冇得結婚
      而家,大把年輕人拍十年拖都唔敢結婚,就算結左分都要分開住,就係因為屋貴到租唔起買唔起。

      當你係佢地嘅年紀時,大學畢業起薪萬幾,食個早餐十幾蚊,
      而家,大學畢業起薪都係萬幾,但食個早餐係三四十蚊。

      當你係佢地嘅年紀時,一個人做嘢可以養一家幾口
      而家,兩口子做嘢都唔知夠唔夠養家。

      當你係佢地嘅年紀時,撞正移民潮,做三幾年野就有得升職人工翻幾翻,公務員冇人想做。而家,個個年輕人志願都係政府工,如果唔係,私人工隨時做十年人工都係多三幾千。

      當你係佢地嘅年紀時,公園真係公園,營地真係營地,冇錢去旅行,放假拍拖去行下公園露下營都可以享受寧靜,而家,公園係大媽跳老舞同私下賣淫嘅地方,營地就係大陸人嘅免費酒店,仲嘈過旺角。

      當你係佢地嘅年紀時,政府係鼓勵建設香港,為香港出一分力,成個香港朝氣勃勃而家,政府係不斷叫年輕人去大灣區,但同時又不斷放一大堆不事生產嘅大陸人落嚟。

      當你係佢地嘅年紀時,唔會有官二代富二代同你講成功需苦幹,因為當時苦幹的確會有出路。而家,劉鳴煒之流最鐘意同年輕人講去少次日本就買到樓,但去少一次日本都追唔到樓價一個月升幅。

      當你係佢地嘅年紀時,民意能夠直達政府,建制泛民都可以喺政府各部門佔一位置,更加唔會動輒被DQ。而家,連監警會都容不下一個中間派,莫講話政府內部,議會就早已失效,政府議案絕對通過,議員議案就絕不通過。

      當你係佢地嘅年紀時,對住嘅係一個會重視人命嘅政府。而家,對住嘅係一個若蓮喪子嘅政府,係一個老師自殺因為唔捱得,學生自殺因為冇做好生涯規劃,年輕人死諫被完全無視嘅冷血政府。

      當你係佢地嘅年紀時,港督夠膽單人匹馬落區食蛋撻,體察民情。而家,特首唔將方圓一公里封閉生人勿近都唔敢落區 

      總括而言就係,當你係佢地嘅年紀時,香港到處都充滿希望活力。而家,香港對大部分年輕人都係絕望,日復日工作結果連安居樂業嘅微細願望都遙不可及。

      刪除
    4. 提倡“港獨”是完全無意義的。上世紀英國的維多利亞女皇,她在位很久,竟然派人去一些富饒的島嶼去扮盜賊大肆搶掠! 然後派兵去救援,從此長駐在島上,成為了她的殖民地。因此,過去英國有「日不落國」的稱號! 因為全世界都有她的國旗升起。
      自從二戰結朿,各地紛紛脫離獨立,像新加坡就是一個好例子,他們自組軍隊,也從來不用看英美大國的臉色做人。
      如果香港獨立,就要依賴外國,比依賴中國更糟糕! 因為唇亡齒寒。認賊作父不是好辦法。

      刪除
    5. 我們的上一代人,大多數都是因為避共產黨而來了香港。所以在97年之前很多人移民,是為了給子女一條生路。之後,因為外國其實不是那麼好,都紛紛回流到香江了。
      因為雅虎時期有一位網友回了大陸定居,所以我跟隨上大陸網,在六年來看過大陸各省人民很多的網誌,他們很多人都會寫回憶兒時到今天的生活。
      因此知道他們都很憎恨貪污與造假食物的人!很多人都很慶幸今天生活的安泰,放假時就去旅行,或者自駕遊。
      當然有些人很响往外國的生活,認為大陸人民的質素差。可是去到外國之後,又很想念家鄉的好。
      *
      至於年青的一代,是完全不知道「文化大革命」這回事,要參觀展覽才知道。至於
      6.4則是個禁忌,因為被香港炒作得很厲害。
      不知道當時的形勢很險峻,不清場的話,那一百萬人(學生)在六月大暑天聚集在天安門很久,預料會爆發疫症!!!這個消息在當時的新聞也有報道,我也聽到。
      *
      在軍隊未曾清場之前,軍車被圍,士兵站在車上日晒雨淋,更被拖出燒死,並掛在樹上示眾!這一筆賬又如何計算? 士兵也是人家媽媽的寶具兒子喔 !
      那些照片我在工商日報社裡看過。
      在文革時期,鄧小平,習仲勳都是受害者,他們不會因此而叛國,他們選擇努力建設中國,今天中國能夠擠身於國際行列,不用看歐英各國的臉色,寸土不讓,令人佩服,我不要做一個亡國奴。
      人是要向前看,不要只看到人家的錯,一味的拖後腿。大陸有人造假貨騙人,有人貪污,有人欺壓平民,當然是要不得 ! 但也有漢奸要設法去提倡疆獨、藏獨,台獨、港獨,企圖使中國四分五裂,我就很不同意!
      民主派很多的所謂「已完」,很多都操著滿口英語,久不久就去外國朝聖,居心叵測。

      刪除
    6. 胡適曾經講過:現在有人對你們說:「犧牲你們個人的自由,去求國家的自由!」我對你們說:「爭取個人的自由,就是爭取國家的自由;爭取個人的人格,就是爭取國家的國格!」老實講,我真係好憎呢一班成日嚟香港呃飲呃食嘅蛀米大蟲!佢哋嘅所作所為除咗影衰哂其他中國人之外,仲搞到呢個世界越來越醜惡,越來越污糟!因為有佢哋,大家開始對捐錢買旗做善事都有所顧忌……因為有佢哋,人類僅有嘅同情心就漸漸變得可笑同多餘!再者,一個國家不停做假貨,不停貪污腐敗,不停欺壓平民限制言論自由,不停做黑心食物,視國民嘅生命如狗命,種種原因加埋一齊,試問又點令人真心愛國呢?事實上,我認為大部分香港人唔係唔愛國,只係唔會盲目愛國,如木偶般隨當權者嘅指揮而舞動。其實道理好簡單,國家對人民好,人民自然就會愛!以我自己嚟講,我從來都唔主張港獨,但而家呢個國家,恕我完全冇辦法去愛,我覺得而家係佢唔愛我哋,而唔係我哋唔愛佢,情況就好似梅艷芳個阿媽咁樣,一個咁嘅阿媽你仲點樣能夠全心全意去孝順佢呢?😞

      刪除
    7. 如果那些新移民是愛國的,就不會設法走來香港啦! 當他們發覺香港住不好,搵食難,就寧願攞失業救濟金。反而那些沒有離開家鄉的人,努力之下住好食好,紛紛起屋或買樓,而城市人的環保意識亦相應提高。
      因為人人都憎恨做假和黑心食物,所以只要一發現,立刻就見光死,被舉報掃盪了。很久都沒有發生過這類事情,怎會有人容忍這種事情出現哩!
      原來很多人家都生活得很愉快,偏偏要把大陸說成是人間地獄,初時我都覺得很詫異,現在都習慣了。

      刪除
    8. 中國一早就應該需要有全面嘅衛生文化教育,大家諗下如果可以教育下所有新移民唔好再四周圍大小便,然後排隊就學下唔好打尖,跟著平時啲言行舉止就禮貌少少,唔好再個個落嚟好食懶飛無事生產,咁我相信所謂嘅中港矛盾就唔會發展到今時今日咁嘅地方,但我知道……去到呢個階段都好難返到轉頭!更何況中國現時根本就冇諗過要解決呢個問題,反而就一味喺度硬推啲洗腦教育同每日放百幾個新移民落嚟溝淡香港文化,咁新一代香港人感到自己嘅地位受到威脅,咪開始不斷做出反抗嘅行為,我覺得呢啲嘢係相對嘅,一隻手掌絕對係拍唔響!阿姨妳諗下如果一個阿媽成日偏心另一個仔最終會造成乜嘢效果 ?道理其實唔複雜,但我真心明白點解你哋會唔認同班後生嘅行為,只係我想大家可以花少少時間去思考一下佢哋為乜個個都會有一種以死相搏嘅心態出現……😞😩

      刪除
    9. https://unwire.hk/2019/07/09/social-score-system/tech-secure/amp/

      有時間可以去以上網址,睇下中國未來想暗中推行嘅呢個政策,大家覺得一個真心愛人民嘅國家會容許呢啲事情發生咩?全民計分制,根本就如同一個大型監獄!😡😡😡

      刪除
    10. 一個曾經鬧政治紛爭的國家,人民曾經陷於水深火熱之中,質素當然會差了。但從他們各省各地的網民寫的網誌所見,普遍都是正常而且愉快。每達假期都會旅行,或者自駕遊。新的一代衣飾趨時,不落人後。
      我一直有注意大陸的發展,有些感想寫在森源兄處,可以去參考一下。
      也可以看看這條link:
      https://johnklon.blogspot.com/2019_06_11_archive.html
      不難見到有外國勢力在策劃推動。另有一幅圖在我的網誌內。
      也罷,人都各有不同的觀點與視角,Teddy你繼續憎恨你的共產黨,我有我對國內的親友寄以欣賞吧。

      刪除
    11. 我諗呢種討論真係好難會得到一個完全理性嘅局面,始終每個人所經歷過嘅嘢都唔同,睇到呢度我好似聞到有少少火藥味,咁我就唯有作出我喺呢件事上面嘅總結同見解啦。畢竟阿姨真係我一個非常敬重嘅長輩Blog友,所以我真係唔想因為雙方嘅立場各異而搞到有乜嘢不快嘅情況出現。

      首先關於有冇外國勢力入侵呢一點,其實我向來都唔係好在乎,因為喺好早之前我就已經成日有喺文章度提及過,就係我一向都認為喺政治嘅世界入面就只有「天下烏鴉一樣黑」呢個道理,做得當權者同政客嘅就一定係黑吃黑,最終受苦嘅永遠都只會係一班平民百姓。

      另外,我認識好多長輩朋友(事實上喺我傾到偈嘅朋友當中大部分年紀都係比我大),佢哋都有同我講佢哋喺外國居住咗一段時間受盡歧視,然後就忍受唔住再搬返嚟香港。針對呢一點,我想講嘅係,唔係每一個對中國有意見嘅人都一定係祟洋或者係支持泛民。相反,我係從來都未俾個一毫子蘋果日報賺亦好少睇佢哋嘅報紙,至於泛民班人由始至終我都冇投過一張票俾佢哋,而喺上面好多段嘅回應入面,我想表達嘅就係而家有大部分嘅年輕人個出發點都係好似上幾代人嘅前輩咁(為咗逃避中共來港),不過佢哋所選擇嘅方式就同以往嘅人唔同,或者係因為佢哋覺得自己已經冇路可走吧?我明白阿姨嘅出發點係心痛班年輕人,我都係一樣,但我覺得我哋第一點真係要諗清楚嘅係點解佢哋會有呢種思想?係咪佢哋所受到嘅壓迫真係太大呢?特別係喺生活上,即係我先前多次所講到嘅就係政府對於新一批新移民同港人之間極度大細超呢個問題。

      刪除
    12. 仲有就係睇到阿姨嘅呢段回應,我就想貼返我喺2016年年頭所寫嘅其中一段文字,我想講嘅係,其實我由始至終都冇將中共同中國嘅所有人民畫成一個等號。

      節錄如下:
      「你說我會不會因為香港現時所發生的種種問題而歧視所有大陸人和抵制所有來自大陸的東西?我會不會因為自己的政治立場而跟所有藍絲和警察朋友割席?我的答案是:人是應該擁有獨立思想的!不要隨便「歸邊」,也不用隨波逐流。我的回鄉卡一直沒有續期,我抵制CCTVB多年,我罷看王晶,拒裝樂視,拒用小米,但同時我又不Like 100毛,也不喜歡看毛記電視,更覺得「話你戇鳩怕你嬲」是首爛歌。而一些來自中國的歌手,他們的專輯我曾經都買過不少,像是王菲、那英、丁薇、李泉、崔健和黑豹樂隊等等……正所謂「針無兩頭利」,
      事實上,到今天,我跟我的藍絲朋友、警察朋友和大陸朋友都還是好朋友。再者,其實我身邊有很多來港定居多年的大陸朋友都跟我一樣,他們都十分痛恨共產黨和那些不守秩序的自由行,同時亦非常反對國民教育、廿三條和一簽多行。於我的立場而言,大陸人不一定是敵人,那些口口聲聲說自己愛港的香港人也一定是盟友。你可以說我是大愛撚,也可以說我是假扮中立的五毛,但我真心覺得,一些常把愛國愛港掛在嘴邊的人,到最後其實往往才是真正的害國禍根。」

      對於阿姨所講話而家中國有好多人民都係比較正常同進步咗,呢一點我都唔反對呀,我之前都因為寫過一啲音樂文章而認識到一班住喺上海或者係北京嘅大陸朋友,有啲仲喺台灣見過面食過飯,佢哋普遍都係好有文化同見識,到而家我哋依然都係好朋友,仲成日有keep住聯絡。

      我嘅諗法從來係好簡單,我由頭到尾痛恨同所針對嘅都係我所見到嘅同所認識嘅一班落嚟無事生產同埋呃飲呃食嘅新移民,呢啲人可以攞盡社會福利同埋極速上樓,實在係對一班努力工作嘅香港人好唔公平,呢一點我係一直都好堅持嘅。講真,如果政府可以好好正視呢啲問題,我根本就搵唔到任何理由去反對佢,奈何佢哋嘅做法就係一直逃避唔肯面對市民嘅不滿同訴求。

      刪除
    13. 很感謝 Teddy的詳盡回應! 深知每一個人的生活體驗和觀點都不大相同,除了表達自己的意見之外,也要留給別人以空間,不能強求別人和自己的思想完全一致。
      所以我是平心而論的,我最怕火藥味。所以也很怕那些隨意指罵不同意見的人,都是一言堂,其實是交流不到意見的。
      *
      香港這個彈丸之地不過是700萬人口,今時今日也搞到兩邊勢成水火 ! 彷彿永無寧日;在中國有14億人口之眾,當然不會個個人都是那麼仁義道德和守法,正是「樹大有枯枝,族大有乞兒!」誰有那麼本事,將14億人都裁剪合度,成為一個可愛的人呢 ? 一些培訓教導的中心,又被外國炒作是人間地獄。
      能夠守得住國土,不受列強欺侮;能夠照顧到經濟向上發展,這個難度其實是很高的 !
      *
      大陸初期,聽說真是同吃大鑊飯,資產充公收歸國有,是為共產!可是自從鄧伯伯要改革開放,讓一部份人先富起來,於是人人都設法投資,為錢瘋狂了!早已經轉變成為一個資本主義的模式,很多“有辦法”的人,都很自私自利,哪裡肯與你共產!說笑吧。至於每一個成年人,要不要加入成為共產黨員,都是悉隨尊便,絕對不會勉強。入黨,也有規章條件的,不是人人都可以。
      *
      其實先父是國民黨員,我不會偏幫。我也從來沒有讀過什麼的愛國學校。
      自從2014年佔中事件發生,我一直多方留意,今次反修例事件弄得熱烘烘,如火如荼,更加使我想找出事件的端倪。現在仍然在探討之中,很高興收到你的意見! 我會珍而重之儲存起來。
      阿姨已經步入晚年,有緣得到各方看重,我深感榮幸! 我也會本著持平的心,去看每一件事物,從而寫出自己的心聲。

      刪除
    14. 喺我心目中我依然覺得阿姨係一個好善良嘅老人家,您一樣係好緊張班年輕人,只係大家所睇嘅出發點唔一樣。

      刪除
    15. 年青人本來就是未來的棟樑,是將來社會的主人翁,因此很希望他們能夠明辨是非,可以分到黑白,不致被別有用心的人所利用。
      在現實生活中,所見到的年青人大多都是樂於助人的。但在今次事件中,有些較年長的年青人,行為很無聊或過激,也偏離了正軌,對此我感到很失望! 對於這個我們辛辛苦苦多年來建立起來的都市,是感到痛心的。
      因為今天大陸己經改革開放,蓬勃發展,香港已經失去了往日的優勢,這樣給搞幾搞,真係好傷! 當中有很多日人和越南人的後代,尤其是後者和警方互相積怨甚深,他們真是不顧一切的。始終依靠暴力去破壞,不是一個好的行為。
      有幾個年青人曾經跪在美孚站外,舉牌要求市民罷工罷市,這樣是好嗎? 這是給香港帶來更大的傷害!!! 既然可以跪,何不以跪求的方式,軟著陸應比暴亂、破壞,讓市民予以更大的同情和加分。 至於要求的事項,是否合理,也是能不能成功的主要因素。
      現今米國自己好戰多次出兵外地,弄到多年來經濟下滑,十分眼紅中國壯大,很想堵塞中國的南大門香江,借題挑撥說是和平示威,又另外加入一些過激的份子,使這裡成為示威之都,和平受損,聲譽盡失! 他們要另起爐灶,就可以坐收漁人之利。因為香港原本就有不少仇警的人,為了報復,而破壞了法治,這樣對於香港並無好處,整體經濟環境都會受害。

      刪除
  26. 6月16日,一個63歲男子,去悼念早前在太古大廈失足墮樓的男子出事現場。
    他在離開乘船回九龍的時候,在港島碼頭遇到一剛去完參加「民陣」遊行的23歲年青男子,兩人因為爭路互相推撞,63歲男子被推跌倒!被送入醫院。因此腦部出血,兩日後不治去世。
    這麼善心的一個人,為什麼沒有人去碼頭悼念他呢 ?

    回覆刪除
    回覆
    1. 呢種情況係我最唔想見到,就係一班年輕人開始因為自己嘅立場而仇視某啲老人家,我明白每個人嘅經歷都唔同所以所持嘅思想同理念都會有分別,我有時都會同一班比較年輕嘅朋友講,話佢地絕對唔可以因為人哋嘅諗法同你唔同就將人哋妖魔化同定性為一個心地唔好嘅人,更唔可以因為自己嘅政見而同屋企人鬧返,咁嘅行為係好唔值得。

      刪除
    2. 謝謝邦邦的詳細回應! 大家可以交流一下意見,不嫌我囉唆,這是我的榮幸!
      看到邦邦是很明白事理,不是一些動輒就謾罵和仇視不同意見的人。
      也看到一些年青人只看到前人的安泰,都以為人家一踩即就。
      老一輩人,來港真是一家八口一張床,捱了很多年,才得上樓。當時若果一家不夠五個人(在7、80年代才減為三個人)都沒有資格申請公屋!政府話之你乜嘢 !
      一個人也可以申請公屋,是後來特區政府才有的事。
      就因為十年都沒有起過公屋,真是一個一災難!劏房竟然貴到飛起!這是政府的政策失誤!
      *
      因為香港的低下階層人士,在港沒法找到合適的對象,才走到國內娶老婆,所以放行她們來港團聚是必要的。當時新移民來港立刻可以領取到綜援,有些男人更認為這是一條財路,當時有些阿伯寧願與老婆離婚,走去深圳娶個年青女人來港。
      那時有人徵詢我的意見,知道了這個不尋常的現象,已經改為「凡新移民來港,必須住上7年才有資格領取綜援。」
      可是,因為一些由大陸來的女人,她不是鬧離婚,而是因為丈夫因病去世,她又要養育兒女,難以出外工作,有些社工要求癈除這條~新移民必須住滿七年才可以領取綜援的條例。到時又可能有新的一重災難。

      刪除
    3. Teddy,看到你所說的:
      「呢十幾年間,好似所有香港人都變得好貪婪,只講錢,個社會已經變到好瘋狂搶錢嘅狀態。」
      真的,如果每一個人,都只是向錢看,其餘甚麼人情、親情都不顧了,真是很可怕的一件事!
      *
      如果一味嫉妒人家比自己好,一味看不開,人人如此的話,整個社會就充滿戾氣!
      那個在台灣殺了女友的年青人,殺了人,逃回香港,拿著女死者的提款卡,瘋狂購物,竟然毫無愧色!
      早前看到另一則報道~一個正在讀大學的女學生,天天逃學卻對家人說是去上課。更可怕的是她先焗死父母,然後自殺 ! 遺書是說因為得了一個患濕疹的皮膚病,不想活下去了。
      她為何要父母陪死呢 ? 她那位正在去了上班的姐姐,驟然之間就失去了爸媽和妹妹,情何以堪! 唉!現代的年青人......教育政策很失敗!
      聽說塗搽牙膏,可以醫濕疹。當然飲食小心很重要。

      刪除
    4. 有好多方法我都試過晒㗎喇~包括阿姨妳所講嘅牙膏,但其實好多人都知道皮膚病呢樣嘢肯定係跟一世,最多係控制病情,一定冇可能斷尾。我當日都有睇到一個患濕疹嘅小妹妹殺死自己老豆老母然後再自殺嗰單新聞,當時睇完我個心真係非常之唔舒服!雖然我100%唔認同呢位小妹妹嘅行為,但係作為過來人我就絕對清楚同了解每一位皮膚病患者嗰種無助無援嘅感受。眼見身邊嘅朋友喺社會上努力打拼同盡情享受生活嘅同時,我哋就不斷要為自己嘅身體而戰,呢種感覺實在係既無奈又感慨!😫

      刪除
    5. 回第一段:所以我先成日同人講話根本就冇可能要人哋完全接受自己嘅諗法,因為每個人嚟自唔同年代就會有唔同嘅生活、經歷同思想。老一輩嗰代捱過好多鹹苦,嗰陣科技亦唔發達,言論自由呢樣嘢對於佢哋嚟講可能就冇咁重要。之後再講遠啲,去到我嗰個年代,我係80後,不過我好早就出嚟做嘢,所以有段時間我都會覺得而家班後生又唔捱得講嘢又冇禮貌份人又唔孝義,但後來接觸佢哋多咗,我就漸漸體諒同明白佢哋所面對嘅困境。阿姨,相信我,呢班後生仔嘅本質真係唔壞㗎~只係因為而家個政權太大細超,所有事都偏幫晒近年落嚟班新移民,先形成今時今日咁嘅局面,呢種狀況我好多年前已經喺個Blog度有提及過。老實講,就我認識嘅所有新一批落嚟嘅新移民,佢哋全部都係好食懶飛兼乞人憎,仲成日覺得我哋香港人欠咗佢咁!而某班幾十歲嘅鹹濕伯父有啲仲要抱埋孫都仲要成日上去惹花惹草仲將佢哋娶埋落嚟,咁都唔只,仲要臨老整多一盅兩件害死個細路,點解呢班咁無賴嘅人竟然可以極速上樓?但一班努力工作嘅後生仔就等成十年都仲未輪到公屋?呢種極唔公平嘅待遇就係引發佢哋上街嘅其中一個重要原因,反送中只係一個導火線。要知道,二百萬人上街嗰日唔只係一啲後生仔,仲有好多中年甚至係長輩嘅朋友。我真心覺得,如果林鄭再唔好好處理中港矛盾呢個問題,所爆發嘅衝突只會越嚟越多。😑

      刪除
    6. 在鏡頭前看到,一些年青人其實好被動,而且說話好純真。都是被政棍挑撥的多,煽動年青人來要脅政府!而重要決策的行動,都是由年長些的人去做!亦出動過一個健碩的阿伯去罵戰叫囂,企圖使警總裡面的人打開側門,出來對抗。
      在網上亦看到一些洋人向年青人教路、示範掟磚頭。
      6月毛婆向一班年青人溫柔地問:「要頭盔、口罩、手套的就出聲,這裡有。」
      他們只會讓自己的仔女遠離,卻鼓動其他的年青人去冒險,太無良!

      刪除
    7. 而家嘅年輕人其實思路好清晰,已經唔係咁容易受人挑撥,今次嘅遊行全部都係自發性,同嗰班政棍唔係有太大關係,甚至喺一啲報導都可以清楚睇到佢哋當中直頭有人企出嚟鬧爆泛民嗰班愛做馬騮戲嘅政治演員!📢

      刪除
    8. 有些泛民“已完”可能只是想以和平示威的方式去和政府對著幹;但不容置疑~有些早已靠攏了洋人的“已完”就策劃了很充足的裝備,教人準備以暴力進攻!
      所以和平與暴力之間,也分成了兩派。
      至於為什麼有人不會衝,有人很想衝,這個視乎他受了哪一方的影響。
      你說做騷去勸阻的演員“已完”,可能就是前者較為和平的一派,不想給人以暴力的感覺,所以去當好人的角色,也是為了加分。

      刪除
    9. Teddy,你說今次嘅遊行全部都係自發性,可能是說不是讒議員的“民陣”,因為有好幾個“已完”在議會上都很撐佢哋,所以我以為他們是同路人。
      至於毛姑姑,鏡頭拍到她招呼一班年青人,細心地問要不要頭盔、口罩、手套等,這算不算是教唆? 算不算是自發?

      刪除
    10. 據知很多年青人都是在網上看到呼籲,或受到朋輩的影響,於是一呼百應,視為一件難得的大事,又可以有一種成就感。至於那篇年青人的自述,我已看清楚了。
      在較早前的篇幅,亦有所回應。在這裡不再重複了。

      刪除
  27. 寫得好正,D比喻用得一絕,現場多數係大陸人?

    回覆刪除
    回覆
    1. 我諗有七成以上嘅人都係台灣同大陸歌迷,得三成係香港人。🍶🍾🍷🍸🍹🍺🍻🥂🥃

      刪除
    2. 班大陸人都係口裏說不身體卻很誠實,既然咁愛國點解唔封殺陳昇?

      刪除
    3. 佢哋唔敢出聲啫~而家香港都仲叫做可以呼吸到一啖自由空氣,遲啲就唔敢講喇!😑

      刪除
  28. 淫蟲倫同綠帽B就算撚數啦,無啦啦走去撐黑警,唔知頭唔知路正一九唔搭柒!都唔知佢兩條老油條係咪好似湯11咁喺上面畀人揸撚住個袋先焗撚住要撐

    回覆刪除
    回覆
    1. 我諗譚詠麟都冇諗過個回響會咁大,佢應該諗住佢啲fans點都會撐佢,點知……💿📀🔨🙈🙉🙊

      刪除
    2. 咸蟲倫out曬date回曬塘㗎喇!你聽佢啲歌就知,條戇鳩真係以為自己年年25咩?有時間就睇多啲新聞了解下民情先出嚟鳩噏啦死廢老!始終覺得佢哋都係喺上面畀人捉黃腳雞先撐黑警㗎喇!

      刪除
    3. 猶記得十一哥雪廠街之亂……❄

      刪除
  29. 生日快樂,D撐警正一垃圾 有外國護照就出來說三道四 d廢老又信到十足十 真正愛港就係我地呢d無得走要係香港守到幾十年既真香港人 唔係你呢d外國人 屌你老母

    回覆刪除
    回覆
    1. 多謝,因為佢哋吸收嘅資訊太貧乏,全部都係經過處理嘅片段,其實如果有睇live或者有份參與遊行嘅人,自然就會清楚當中發生咗乜事。🎥📸

      刪除
  30. 祝你生日快樂啊!我最近看很多港聞和與舊同學討論政事,累得要命。相信很多香港人都很累,但我們有心理準備長期抗爭,所以要揀活動參與,或用適合自己的方式。

    回覆刪除
    回覆
    1. 多謝阿芝,其實我一向都甚少跟人談論政事,畢竟每個人的經歷和思想都各有不同,是不可能要求別人完全跟隨你的想法。🙂

      刪除
  31. 生日快樂,間中哭一場是好事,關於今次警察部門的處理手法我真的好失望,他們並非單單與醫護人員對立,而是對全香港市民的挑釁。

    回覆刪除
    回覆
    1. 100%變成了一隊維穩工具,前日在屯門公園護送一群賣淫人士離開而不是拘捕她們歸案,這已經徹底跌破一個執法人員的道德底線。🔓

      刪除
  32. 生日快樂呀喵喵Blog主~
    你描述得好精彩,如果你係五月天同Jolin嘅歌迷就好~
    咁我就可以睇下你對佢哋中肯ge評價~

    一向唔鍾意譚伯~成日出嚟指指點點廢話多過乜~
    根本有好多時就唔知頭唔知路一味喺樹亂咁噏~
    明明自己包二奶又搞自己歌迷就屈人係哥迷~
    好無恥呀呢d人~叫佢同姓羅嗰個中國人一齊摺埋啦~

    回覆刪除
    回覆
    1. 蔡依林近年在舞臺上的表演真是越來越值得人讚賞,我有很多女性朋友都很迷五月天,不過不知為何我就總是對他們的音樂沒有什麼感覺。😅

      刪除
    2. 我嗰次都喺電台聽到倫伯咁講,的確幾冇品!哈哈哈~乜妳而家已經變得好憎羅志祥?😆

      刪除
    3. 憎到佢死~名都改埋~以後唔使旨意我再買佢ge任何產品~

      刪除
  33. 迪哥果然係文青,下下出口成文,但始終唔慣你咁感性
    年年25梗係撐警啦,而家啲警犬同佢一樣咁鍾意食北菇雞

    回覆刪除
    回覆
    1. 文你老味!成三十六勾仲文青?🤣🤣🤣🤣

      刪除
  34. Time Is Changing生日快樂,新一期雜誌新鮮送到一如以往咁足料寫得好好。
    經過琴日之後,我已經唔會再相信香港警佬,我同gf都話做咗咁多年人真係未見過成班差佬要保護一班擺明賣淫嘅大媽,你講得啱,而家個社會根本就係群魔亂舞,我覺得唔至全香港,應該將扮黑警保護垃圾大媽嘅直播片送到美國、英國、法國、德國等列強國家,等全世界見識一下 HK POLICEMAN嘅醜態。至於譚詠麟呢條友就算啦,典型仆街生意佬,搵哥哥同佢比真係侮辱咗哥哥,邊及我哋deanie姐咁有風骨咁可愛。

    回覆刪除
    回覆
    1. 以前就掃黃,而家就補黃,警隊嘅形象真係正式柒出國際,以後就算開幾多次撐警大會都係冇用!前日明明可以有好多種處理方法,點解偏偏要揀樣最柒嘅嚟做?話時話我細個都係比較鍾意鹹校長啲歌多啲,哈哈哈~所以話一世人流流長,都總係會留下一啲黑歷史俾人笑下……😑🤣🤣🤣

      刪除
    2. 補蝗補到出哂面啦,以後香港班雞不如直接響街邊擺檔得啦!

      刪除
    3. 好快,跟住偉大嘅祖國就會話國家沒有妓女這種職業。🙂

      刪除
  35. 生日快樂呀Time Time,呢啲寫得好深情呀,一篇好詳盡嘅演唱會記錄。記得當我睇到alan出嚟撐警嘅時候,我當時第一個反應就係克勤你千祈唔好走出嚟講嘢呀我保你大!😂

    回覆刪除
    回覆
    1. 我同一班勤迷friend都係咁諗呀~你知條友不嬲都係真心膠,成日都鍾意無啦啦衝出嚟柒㗎啦!🤣🤣🤣🤣🤣🤣

      刪除
    2. 克勤本身係醒目仔嚟嘅,係有時唔知點解無啦啦會跳制😂

      刪除
    3. 轉數快都可以係真心膠,佢咪就係一個弱化版嘅譚詠麟。😂😂😂

      刪除
  36. 生日快樂Bondi,每次看完你的看、觀後感都恨不得馬上回到現場觀看、收聽你所看、聽的演唱會、唱片、電影,今次亦不例外。對於香港警察前天在屯門事件的做法,除了失望我真的不想再說任何東西,我已經是一個政治極度冷感的人,但看到新聞上一幕又一幕的畫面,真的如你在文中所說,真是群魔亂舞,烏煙瘴氣,極嘔心,以後香港還有法治嗎?

    回覆刪除
    回覆
    1. 多謝天娜,前日嘅保黃行動真係笑死人醜死鬼!呢班大媽明明犯咗法咁多年但就完全冇人管制過,而家啲居民俾佢哋逼到爆煲要抗議你哋就竟然荒謬到要送一班無牌妓女離場?😤

      刪除
    2. 唔好意思插句嘴:
      嗰啲人擠塞喺公園裡面唱歌跳舞搵食,啲咪又多又嘈雜! 看到圖片仲有啲好色情嘅動作表演,喺咁响度搵食猛咁收錢,搞到公園烏煙障氣! 真係無眼睇!
      她們都是非法做生意,不用畀場租,真係賺到笑!
      之不過話佢地哋賣淫,又冇乜證據喎。香港一向是容許一樓一鳳,以方便d男人釋放性慾。所以如果個女人單獨賣淫是無罪的。 但如果d示威人士打死佢,就好大件事了 ! 送走她,就不至於兩敗俱傷。

      刪除
    3. 回阿姨:我有好幾個朋友住屯門,佢哋話呢班大媽賣淫已經係人所共知嘅事,佢哋都忍咗好多年㗎喇!但政府就一路唔立例管制,反而仲一路縱容!而我所講嘅犯法就係喺街頭無牌做生意嘅大媽,點解有啲後生仔喺個街度彈結他唱下歌你哋就要趕盡殺絕,然後呢班大媽擺明車馬喺度做埋啲核突嘢污糟嘢咁多年你哋就一次又一次放生佢哋仲要扮失明,而家仲當佢哋係貴賓VIP?呢啲咪就係形成中港矛盾嘅其中一個重要原因囉!就係因為香港政府太大細超呀!😠😤

      刪除
    4. 公園的管理處,居然多年來都容許班人喺度唱歌跳舞搵食,沒有去清場,很可能是有利益輸送,收了掩口費吧 ?
      如果在大街大巷上彈唱,確係唔多允許。香港政府一向對小販都很嚴格規管,因為他們的利錢豐厚,又不用交租,所以常被商戶投訴。
      政府當然有許多不足之處,但係示威人士應以大局為重,以不影響他人的生計為原
      則。

      刪除
    5. 那應該一視同仁呀~不應該偏袒這班艷舞大媽!😡😠

      刪除
  37. 作者已經移除這則留言。

    回覆刪除
  38. 生日快樂 希望真係唔好再有人自殺啦 好唔值得
    唉 睇完個撑魔警大會我都唔知講乜好 好心痛
    阿倫你到底搞咩 咁多年黎香港人咁愛戴你
    你今日竟然調轉槍頭擁抱共產黨 點解要令我地失望
    我只聽你演唱會 其他都唔會聽 由反斗星開始一直愛你
    我慶幸呢一生有你既歌陪伴 但今次你實在令我太失望
    我以後都唔會再聽你開既演唱會 亦唔會再聽你既新歌

    回覆刪除
    回覆
    1. 我反而冇乜感覺,佢有自由做佢自己認為啱嘅事,最重要係我哋本來就唔認識。不過我都明白你哋作為死忠歌迷嗰種心情,睇到網上面嗰段打鳩碎晒啲黑膠、CD同Cassette嘅Facebook片,真係完全感受到嗰位師兄絕對係哀莫大於心死。😫💿📀🔨

      刪除
    2. 我冇勇氣亦唔捨得打爛或者係掉哂所有唱片
      我個心情好矛盾,又想將政治同娛樂分開
      又過唔到自己良心果間 想一刀斬哂佢
      但又唔捨得拋棄我咁多年既所有回憶

      刪除
    3. 冷靜一排可能你哋又會覺得冇乜嘢,講到底都係一個藝人啫~大家本來就係唔認識。☺

      刪除
    4. 老痰依條友,從來只識嬉皮笑臉去賺香港人嘅錢,從來無為香港作出過任何貢獻,就連講一句稍有良心嘅說話都冇,仲包二奶棄糟糠。某年佢上電台話六四係借毒成瘡,又叫人唔好去集會,老共想立廿三條佢就話國有國法家有家規,佔中又話自己食咗三個鐘頭早餐,但唔敢表明自己反佔中,到今次逃犯條例又講多次國有國法家有家規,仲要突個龜頭出嚟撑黑警,香港人其實一向對條變色卵伯好好,係佢三番四次反過嚟殘害港人!佢到今時今日先畀人屌??已經好遲啦!!!

      刪除
    5. 呢樣就係佢最可恥嘅地方,如果佢一直貫徹始終好似汪阿姐咁我就真係冇嘢好講!🙄

      刪除
  39. 生日快樂呀!
    譚校長枉被人尊稱"校長",呢件正一樂壇垃圾

    回覆刪除
  40. 生日快樂!!好詳盡嘅觀後感!!

    回覆刪除
  41. 陳昇本身經歷很多事情,唱些滄桑的歌好適合他,我只認識他的"把悲傷留給自己"...

    回覆刪除
  42. 寫得好詳細,你記性好好呢,
    連一些很細微的地方你都記得,好厲害。

    回覆刪除
  43. 大哥生日快樂,陳昇我完全唔熟,不過齋睇你篇文都覺得好精彩!送中條例對於我呢D冇嘢做日日匿喺屋企乜都唔夠膽講嘅毒撚其實冇咩傷害,但心裏面都支持班學生,因為我清楚共產黨一定唔會淨係搞你香港人一樣嘢,呢個只係頭盤,未來肯定陸續有來,唉。

    回覆刪除
    回覆
    1. 多謝,其實你而家走出街條街一半以上都係大陸人,中共嘅融合溝淡港人政策已經遍佈整個香港,而家班年輕人只係垂死掙扎,我相信喺不久嘅將來,電影【十年】嘅劇情將會逐一喺香港出現。💣

      刪除
    2. 唉。完全唔敢想像,我仲要係一個完全唔識講國語嘅人,真係等畀人歧視到世界末日,死。

      刪除
    3. 到時就係全香港人嘅事,冇得驚……🙂

      刪除
  44. 看歌名,僅識12及26,不過陳昇個又名我都識的=P

    回覆刪除
    回覆
    1. 識〈恨情歌〉同〈北京一夜〉但就反而唔識〈把悲傷留給自己〉?😂🤣🤣🤣

      刪除
    2. 12是睇錯位,應是13.把悲傷留給自己
      26沒睇錯,是26.你怎麼捨得我難過=P

      刪除
  45. 生日快樂
    陳昇的歌好正,有滄桑味

    回覆刪除
  46. 祝生日快樂,看完整篇文特意找了子夜二時你做什麼來聽,有種說不出的淒美。

    近日的遊行是必須的,23條、國教、送中還有暗中進行的黑鏡式評分生活制,請問中共何時對港人有公平過?

    回覆刪除
    回覆
    1. 其實而家行出街身邊十個人裡面至少有七至八個都係講緊普通話,不知不覺間已經咁樣,所以我真係好佩服一班年輕人,明知九死一生都仲願意作出最後反撲……😢

      刪除
  47. 生日快樂自己友,寫得好正,我之前都想買飛睇,但係唔使一日就冇曬$380D飛..

    回覆刪除
    回覆
    1. 我本身都買唔到,一心諗住買貴飛㗎喇~點知去到最後一個時刻有一個人竟然就無啦啦放返一張飛出嚟,跟住琴行個女職員就即刻幫我搶到最後一張$380,講起嚟真係要非常感謝佢。🙏🏻

      刪除
    2. 冇計呀老婆唔肯陪我去睇,自己一條友又唔想買咁貴..你真係好彩囉咁都比你搶到

      刪除
    3. 我一個人睇都唔會買得咁貴,加上我本身睇嘢又唔係睇得好清楚……😅

      刪除
  48. 皺皮倫不嬲係食開兩家茶禮嘅PK,當年高調撐老懵董,到老懵董腳痛落台就笑鳩人,明明搞自己歌迷又唔認,仲畀劉南光篤爆佢成日響背後唱鳩哥哥,呢條撚樣到今時今日先畀人屌爆已經係執到,我都以佢為恥,好後悔買過佢十幾張黑膠同睇過佢一次演唱會

    回覆刪除
    回覆
    1. 麟伯伯其實好代表到大部分上一輩香港生意佬,佢好識走精面,成日笑口噬噬實則就好識計數,當年六四嗰陣中共冇權冇勢佢就走去參加民主歌聲獻中華,今日共產黨勢力強大佢就狗衝去撐警,明副其實係一條超級牆頭草。你可以話佢好聰明嘅,不過我就覺得佢而家都上晒岸啦~點解臨老先走嚟整臭自己個朵?博遺臭萬年俾人鞭屍?🙄

      刪除
    2. 佢而家個處理手法咪同當年畀人踢爆包二奶搞自己歌迷個反應一樣,偷偷地出條微博好似隱晦咁扮到好撚委屈咁..屌你明明當年就係你自己對莎莉唔住又要講到個老婆日嘈夜嘈好煩,完全冇承擔,仲搞到人哋要敲經念佛冇眼睇,再加埋今次呢單嘢真係男人都以你為恥啦!仲衰撚過淫蟲大哥

      刪除
    3. 可能係年紀大想走咗之後有人擔幡買水啩?😅

      刪除
  49. 成個RUNDOWN都記得咁勁既~~~~~

    回覆刪除
    回覆
    1. 其實全晚唔係唱咗好多首歌,要記住唔係太難~哈哈~😜

      刪除
  50. 迷軒是無道理2019年7月12日 下午4:04

    生日快樂巴打,個香港多d好似你咁明白事理既成年人就好。

    回覆刪除
  51. 響度再同你講多次生日快樂~🍰我仲諗住陳昇會請奶茶做嘉賓添~竟然冇?😳我一向都好憎譚伯d所作所為~搵佢同哥哥比簡直侮辱咗哥哥!😡

    回覆刪除
    回覆
    1. 多謝,而家再請到劉若英嘅機會應該唔大,記得之前陳昇做完一個訪問只不過講笑講咗句:「乜劉若英唔係佢女朋友咩?」跟住劉若英就即刻喺微博嗰度澄清。我諗係因為結咗婚之後佢覺得需要避忌下啩?😅

      刪除
  52. 生日快樂狂兄,最緊要身體健康心境愉快!等咗足足一年終於等到你所寫嘅音樂文章,之前睇咗你一篇關於陳昇嘅新碟碟評,就令我重新呼喚起對呢位前輩級歌手嘅一啲回憶...今次睇到你呢篇演唱會後感之後我就不斷摷返昇哥d歌嚟聽,好鍾意你用酒去分析某幾首歌,好正好正!

    回覆刪除
  53. 究竟老共係咪痴撚線/腦生屎?送中搞一搞已經全球關注,有外資要走,美帝法案ready,呢單都未完就想推單再甘嘅評分制?呢d變態法例萬一真係要響HK實施,到時真係全部人都會攬炒,痴L線,極權真係好恐怖!而家係監控你既行為之餘,仲要影響埋你未來行既每一步,點解要控制人到呢個地步??香港玩完你老共咪又係仆街!

    回覆刪除
    回覆
    1. 有時間可以聽聽張堅庭呢段分析,我覺得佢講得幾啱,幾值得參考。🙂

      https://youtu.be/9NiM_MEF-Ig

      刪除
    2. 個人仲有一個睇法就係,佢哋搞咁多嘢設定咁多法例,例如係23條、國教以及將來好大機會會實行嘅評分制,咁樣無非都係想繼續塗脂抹粉同洗走自己以前嘅黑歷史,講真如果64如某班愛國人士所講係一件做得正確嘅事,點解我哋偉大嘅祖國喺呢咁多年以嚟又會千方百計想去delete佢? 咁係因為做錯咗但又修補唔到,所以咪想大家同佢哋一齊忘記呢件事,要知道如果64事件唔係屠城,咁就純粹係一件殺人滅口嘅事。

      刪除
  54. 生日快樂,寫得很好,將每一首歌都描述得繪形繪聲,真不簡單。之前在網上的一些報道得知陳昇在日本各地也有展開巡迴演唱,想不到他在那邊也有一批忠心歌迷呢。有關譚詠麟這人的黑歷史,相信對於一些比較心水清的香港人就已經不用大家再多說了。當年若不是日本改編歌盛行,香港樂壇哪有他站腳的份兒?年少時會買他的唱片只因認為聽廣東歌較有親切感,但長大後很自然就會找回原唱玉置浩二和五輪真弓的原裝版本來聽,這明顯就是兩回事啊。

    回覆刪除
    回覆
    1. 多謝,藝人始終是一件商品,所以沒所謂啦,Let him go!🙂

      刪除
  55. 記得你以前介紹過佢 , 唱得好有特色 !

    回覆刪除
  56. 呢排好忙,忙緊發夢[sosad]
    忙到而家先有時間慢慢去欣賞巴打篇文[sosad]
    對住班戇鳩藍屍其實唔駛解釋咁多,留番啖氣暖下肚好過[369]
    一班淨係靠微信圈長輩圖同埋一堆奶共網站及知識嘅人
    你仲會對佢哋嘅思想有乜嘢期望?唔好衝出嚟柒已經當幫忙[369]
    對咸濕倫呢班上曬岸嘅老屎忽從來都唔應該有期望,斷估都冇理由同個雞蟲講感情?
    仲有個仆街岳華,仲喺地獄支持緊政府,唔好以為死咗就唔使鞭屍:)

    回覆刪除
    回覆
    1. 別人要怎樣想我們控制不了,我始終認為應該尊重每個人的思想自由。

      刪除
  57. 估唔到那些年既陳昇幾cute…
    北京一夜,比較喜歡劉若英既版本~

    回覆刪除