2009年4月7日星期二

大埔富山和食料理(2009-04-07)

大埔呢間【富山】我只係第一次嚟食,
嗯~來唔來都應該試下D新嘢嘅……
費事嚟親大埔都走去食【御八築地】啦!
我覺得呢度D嘢整體質素麻麻咋喎
食物方面,琪姐推介嘅炸墨魚咀粒算幾好,
煙煙靭靭,食落個口感又幾脆,
至於D壽司都OK,尤其係海螺壽司同吞拿魚壽司,
但係佢哋D帶子壽司粒帶子就真係好鬼細粒囉屌!
而要數全間舖最唔掂嘅一款食物一定係個海鮮湯烏冬,
唔係話佢D料差而係個湯淡得嚟又完全唔夠熱,
講真,食湯粉個湯凍冰冰絕對係大忌囉大佬!

食物質素參差,服務方面亦唔好得去邊!
坐咗成晚,唔叫D侍應埋嚟都唔使旨意有人主動幫手加茶,又成日漏單,
雖然阿琪姐同我講,話平時同佢屋企人次次嚟幫襯各樣嘢都唔錯㗎!
只係唔知點解今日佢哋D嘢食同服務態度就特別差!
嗯~我諗……可能係因為本人太過樣衰嘅關係啦!哈哈哈哈~

不過點都好啦!我相信呢間嘢都係冇下次㗎喇!
計我話如果想食好嘢都係去返【御八築地】啦!
又或者都可以再博一博試埋附近間【尚壽司】嘅……

3 則留言:

  1. 富凸...... 你去遲了 幾個月前, 尚可的; 而家真係平凡過平凡; 而且喺大埔嚟講, 價格係偏貴

    回覆刪除
  2. 係呀!~~下次一定唔會再去啦!~又貴又唔好食....
    大埔有咩日本菜好介紹呀?有o既話麻煩通知我一聲啊!~
    【富凸......哈哈~~我果日先同女友講話睇落去好似"富FUCK"咁....】

    回覆刪除