大埔富山和食料理（2009-04-07）

大埔呢間【富山】我只係第一次嚟食，
嗯～來唔來都應該試下D新嘢嘅……
費事嚟親大埔都走去食【御八築地】啦！

我覺得呢度D嘢整體質素麻麻咋喎！
食物方面，琪姐推介嘅炸墨魚咀粒算幾好，
煙煙靭靭，食落個口感又幾脆，
至於D壽司都OK，尤其係海螺壽司同吞拿魚壽司，
但係佢哋D帶子壽司粒帶子就真係好鬼細粒囉屌！
而要數全間舖最唔掂嘅一款食物一定係個海鮮湯烏冬，
唔係話佢D料差而係個湯淡得嚟又完全唔夠熱，
講真，食湯粉個湯凍冰冰絕對係大忌囉大佬！

食物質素參差，服務方面亦唔好得去邊！
坐咗成晚，唔叫D侍應埋嚟都唔使旨意有人主動幫手加茶，又成日漏單，
雖然阿琪姐同我講，話平時同佢屋企人次次嚟幫襯各樣嘢都唔錯㗎！
只係唔知點解今日佢哋D嘢食同服務態度就特別差！
嗯～我諗……可能係因為本人太過樣衰嘅關係啦！哈哈哈哈～

不過點都好啦！我相信呢間嘢都係冇下次㗎喇！
計我話如果想食好嘢都係去返【御八築地】啦！
又或者都可以再博一博試埋附近間【尚壽司】嘅……