大埔御八築地（2007-12-23）

噚晚同女朋友去咗大埔間《御八築地》度食飯，
哈哈～講咗咁耐，今次終於都有機會再嚟開餐喇！

我哋當晚叫咗好多嘢呀～有燒魷魚筒啦！燒帆立貝啦！
中華冷麵啦！九州拉麵啦！仲叫咗好多壽司同埋女友最愛嘅火龍卷！

呢排忙到甩轆，每日就連食餐飯都要急急腳，
講起上嚟，都好耐都冇食過一餐令我咁滿意嘅晚飯！呵呵呵～
另外，叫咗咁多嘢，埋單都係$296，認真係抵到爛呀！

嘻嘻～呢碟嘢係之前無聊嗰時影嘅，每晚返工都一定會去幫襯嘅一間茶餐廳，
佢嗰度嘅銀芽三絲飯真係超級好食，間茶餐廳係位於佐敦渡船街附近，
個名叫做《錦興茶餐廳》，誠意向大家推介！