2022年4月16日星期六

回首當年,那些被點名力捧的天王偶像接班人⋯⋯

 
五位曾被認定為天王接班人的華語男歌手,如今各走各的路,人生際遇亦迥然而異⋯⋯
要數到90年代站在黎張劉郭旁邊“凳腳”的「第五天王」,首先我會想到以歌藝行先的李克勤,接著是主打苦情歌路線的許志安,然後是聲勢最為接近四大天王的鄭伊健,一個專為漫畫改編電影為生的男人⋯⋯
還記得1996年,由鄭伊健擔綱主演的【古惑仔】風頭可謂一時無兩,人氣幾乎壓過劉德華;與郭富城並肩拍【風雲雄霸天下】,主題曲都是交由他錄唱。本來形勢大好,直到1999年轟動全城的“奪麵雙琪”事件,加上長期被新公司英皇投閒置散,只是短短三年時間,浩南哥便迅速走下神壇,更漸漸給一眾後輩超越並取代。
千禧過後,鄭伊健最為出彩的銀幕表現,個人的排位是:至愛電影毫無疑問是2002年與張柏芝合演的【無限復活】,至愛電影角色則是【九龍冰室】裡的九紋龍,至於從影以來的最佳代表作?那就必定非【第一誡】裡面的黃Sir莫屬。


回到歌手身分的話,平心而論,鄭伊健的唱功就只屬BB班級別,幸好聲線獨特具辨識度,而且戲味濃郁,儘管有部分樂迷常批評他唱歌似背書,可是,這份藏在骨子裡的“冷”和一些節奏強勁的新潮舞曲混合起來,卻產生出相得益彰之效。要知道,一個人的聲音能否“型得起”完全是與生俱來,並不是靠後天便能將勤補拙,試想想,假若將〈極速〉、〈風雲〉和〈天煞孤星〉交給李克勤、古巨基或側田去唱,肯定會立刻變得十分滑稽,就算強如羅文,由他演繹的〈我的歌〉,聽起來亦顯得有點怪裡怪氣,足見“鄭氏唱腔”確是有其出彩之處。

那些年買過的鄭伊麵唱片及Cassette帶,今日信和埋單價應該Total $50有找!
嚴選最喜愛的鄭伊健好歌二十首

1. 仍能情深愛上 (作詞:小美,作曲/編曲:陳光榮) 
2. 情路狂奔 (作詞:勞雙恩,作曲:陳光榮,編曲:Alex San)
3. 天氣的錯 (作詞:林夕,作曲/編曲:陳光榮) 
4. 直至消失天與地 (作詞:林振強,作曲:Yoshihiki Bessyo,編曲:黃偉年) 
5. 只會因你唱 (作詞:古倩敏,作曲:陳光榮,編曲:趙增熹) 
6. 有你便有我 (作詞:陳少琪,作曲/編曲:陳光榮) 
7. 風雲 (作詞:林夕,作曲/編曲:陳光榮) 
8. 天煞孤星 (作詞:林夕,作曲/編曲:陳光榮) 
9. 一個為妳甘去蹈火海的人 (作詞:林振強,作曲/編曲:陳光榮) 
10. 我的歌 (作詞:黃偉文,作曲:葉良俊,編曲:陳光榮) 
11. 爸爸的汽水 (作詞:林夕,作曲/編曲:Barry Chung) 
12. 吻感 (作詞:黃偉文,作曲:馮正,編曲:符元偉) 
13. 奇妙旅程 (作詞:方家煌,作曲:鄭伊健,編曲:陳光榮) 
14. 夜還未深 (作詞:潘源良,作曲:Toshiaki Matsumoto,編曲:Barry Chung) 
15. 友情歲月 (作詞:劉卓輝,作曲/編曲:陳光榮)
16. 無人地帶 (作詞:周禮茂,作曲/編曲:陳光榮)  
17. 甘心替代你 (作詞:劉卓輝,作曲/編曲:陳光榮)
18. 動地驚天愛戀過 (作詞:周耀輝,作曲/編曲:陳光榮) 
19. 雙面人 (作詞:陳少琪,作曲/編曲:陳光榮) 
20. 不要哭了 Acoustic Version (作詞:周耀輝,作曲:桑田佳佑,編曲:陳光榮) 


最喜愛合唱歌曲方面,〈知己,自己〉、〈熱血燃燒〉〈一於奉陪〉〈興波作浪〉〈一起飛〉這堆來自“古惑系列”的主題曲/插曲定必榜上有名。

也許,在鄭伊健的終極目標清單上,事業從來都不是他的第一選項,懂得怎樣去享受人生才是最重要的一環,我想,這也是大多數都市人所嚮往的理想生活模式。
雖然經常被戲稱為「單線Solo始創人」,又給網民起名「Chef Le Mon」來暗諷他的半桶水廚藝,但只論創作天分及作品命中率,謝霆鋒就絕對是五人之中最高的。
甫入行即受到“萬人圍屌”,22歲便炒了一部名貴法拉利還因“頂包”一案入獄,全靠老爸謝老四繼承的俊俏外表,再配合自身的努力,才讓檸檬大哥銳變成香港娛樂圈公認發展得最成功的星二代。面對從未嘗試過的人生,他深深明白,哭是沒有用的,於是就咬緊牙關一路苦撐下去,並將“MK”兩字演繹到極致,完美展示何謂“柒到盡頭便是型”。
不說你們可能不知,謝霆鋒原來是金像獎史上唯一一位集齊最佳新人、最佳男配角及最佳男主角的大滿貫演員,也是香港首位80後金像影帝,然而,外界對於他的演技評價卻是毀譽參半,秒秒“Chok爆”的浮誇形象更是深入民心,若然這一刻要我選出其演藝生涯的最優秀演出,排名則如下:【半支煙】裡的煙仔>【十月圍城】裡的鄧四弟>【新警察故事】裡的鄭小鋒>【綫人】裡的細鬼>【怒火】裡的邱剛敖。
事隔多年再看【半支煙】,劇情的確是頗為中二,不過瑕不掩瑜,它在本人心目中的地位仍然是無可動搖,而謝霆鋒在戲中的角色以至該片的主題曲〈愛後餘生〉,即使放到現在感覺依舊是相當討好,簡直如同度身訂造一樣。


談到歌唱這一塊,我認為謝霆鋒最大的優勢莫過於是他那亮度十足兼且銳利得很的標誌性鼻音,能夠用這種發聲方式產生共鳴,驟聽似是容易,實則做起來其實是有一定的難度。

嚴選最喜愛的謝霆鋒好歌二十首

1. 愛後餘生 (作詞:林夕,作曲:謝霆鋒,編曲:伍樂城) 
2. 潛龍勿用 (作詞:林夕,作曲:謝霆鋒,編曲:王雙駿) 
3. 因為愛所以愛 (作詞:林夕,作曲:謝霆鋒,編曲:Davy Chan) 
4. 只要為你活一天 (作詞/作曲:洪典,編曲:Terence Teo) 
5. 一廂情願 (作詞:林夕,作曲/編曲:伍樂城) 
6. 香水 (作詞/作曲:陳珊妮,編曲:王雙駿) 
7. 玉蝴蝶 (作詞:林夕,作曲:謝霆鋒,編曲:王雙駿) 
8. 夜了醉了就想哭 (作詞:林利南,作曲:Vehnee Saturno,編曲:吳慶隆) 
9. 不是定理 (作詞:因葵,作曲:謝霆鋒,編曲:王雙駿) 
10. 黑夜馬戲團 (作詞:黃偉文,作曲:Franz Schubert、Eric Kwok,編曲:Eric Kwok、李端嫻)
11. 不要說謊 (作詞:林夕,作曲:Hatake,編曲:Adrian Chan)  
12. 改造人 (作詞:因葵,作曲:陳奕迅,編曲:劉志遠)
13. 遊樂場 (作詞:林夕,作曲:謝霆鋒,編曲:長崎良美、孫偉明) 
14. 不需要安慰 (作詞:李敏,作曲:謝霆鋒,編曲:黃中岳) 
15. 不愛跳舞 (作詞:洪愛莉、A Team,作曲:陳俊廷,編曲:Terence Teo)
16. 一了百了 (作詞:林夕,作曲/編曲:伍樂城) 
17. 謝謝你的愛1999 (作詞:林利南,作曲:陳俊廷,編曲:Terence Teo) 
18. 我想飛 (作詞:孫國華,作曲:謝霆鋒,編曲:Anodize) 
19. 罪人 (作詞:梁芷珊,作曲:謝霆鋒,編曲:Davy Chan) 
20. 前前後後左左右右 (作詞:林夕,作曲/編曲:伍樂城) 

假如將“搞靚衫”DJ余迪偉的照片和現時的陳曉東混在一起,一時間或許你亦會分不清誰是誰?看著眼前這個把自己弄得像Barbie男友阿Ken的前偶像男神,實在很難令人想像,在1995至98年期間,尚未“膠化”的東爺居然會是一名風靡萬千少女的學生妹殺手,甚至連年少時的謝霆鋒和陳奕迅都及不上他的火紅程度。
回首當日,初出道的東東真是殺盡一眾雌性動物,一副青澀的臉孔,一雙深邃的大眼睛,搭配其招牌虎牙展露出來的燦爛笑容,並且能作能唱,從他歌聲裡,我們還可以隱約聽出張敬軒唱腔雛形的味道,難怪在中學時期,身邊有九成女同學都將這位陽光男孩視為夢中情人。
專輯張張大賣,金曲、廣告傳遍全台灣大街小巷,更被冊封為「香港四小天王」,無奈好景不常,所有威風事蹟都在2001那一年畫上句號。明明整個走向是一片光明,何解會一下子從高峰跌入低谷?主要原因有三個,一是與恩師戴思聰因錢銀轇轕反目成仇;二是有傳情同姊弟的經理人為他跳樓喪生;三,也是最關鍵的,就是跟張柏芝分手後給向華強老婆陳嵐力數七宗罪,包括:用情不專、胡說八道、無品無行、先斬後奏、欺騙感情、害人不淺、借芝過橋,一個原本頂住無上光環的大眾寵兒在一夜之間不幸成了千夫所指的絕世渣男,自此,陳曉東便逐漸將陣地轉移到中國大陸。
音樂作品方面,陳曉東的高音通透且極具穿透力,唱起情歌來溫婉柔美,重點推介他於2002年5月推出的大碟《從未忘記》,專輯內每一首歌曲都各有特色,無論是黃金組合“張亞東 + 林夕”合力炮製的〈娛樂無窮〉、〈去街〉〈迷你〉,抑或是創意無限的神作〈武林中人〉,以及盡顯陳曉東寫作才華的的〈劃火柴〉〈借歪〉,均充分呈現其唱腔的可塑性。另外值得一提的是排在Track 6的〈無人城市〉,由黃偉文執筆寫下的歌詞果真猶如預言般準確,一字一句都很切合疫情之下的社會環境。
手頭上擁有的五張陳曉東唱片,當中只有《從未忘記》和《新舊樣本12首》是我自掏荷包購入,其餘都是別人遺留下來的!哈~
嚴選最喜愛的陳曉東好歌二十首

1. 感覺瞬間 (作詞:陳曉東,作曲/編曲:黃尚偉) 
2. 無人城市 (作詞:黃偉文,作曲/編曲:Eric Kwok) 
3. 孤單的夜裡我不孤單 (作詞:厲曼婷,作曲/編曲:鮑比達) 
4. 武林中人 (作詞:林夕,作曲:謝杰、呂為光,編曲:Josef)
5. 不必說感謝 (作詞:林夕,作曲:F. Moettini,編曲:劉諾生)
6. 一萬年 (作詞:陳少琪,作曲/編曲:劉諾生)
7. 天亮說晚安 (作詞:林夕,作曲:吳國敬,編曲:吳國敬、孫偉明)
8. 結他 (作詞:陳少琪,作曲/編曲:方樹樑)
9. 借借你肩膊 (作詞:林夕,作曲/編曲:雷頌德) 
10. 突然心動 (作詞:二水,作曲/編曲:孔凡東)
11. 黑色領帶 (作詞:李敏,作曲/編曲:黃貫中) 
12. 病人 (作詞:林夕,作曲:伍樂城、陳曉東,編曲:伍樂城) 
13. 娛樂無窮 (作詞:林夕,作曲/編曲:張亞東) 
14. 明天 (作詞:潘源良,作曲:Joey Monteverde,編曲:吳慶隆)
15. 不安的快樂 (作詞:林夕,作曲/編曲:劉志遠) 
16. 水瓶座 (作詞:黃偉文,作曲/編曲:黃尚偉)
17. (作詞:易家揚,作曲:包小柏,編曲:包小松) 
18. 一個人 (作詞:林夕,作曲/編曲:黃尚偉) 
19. 從心愛你 (作詞:陳少琪,作曲/編曲:方樹樑)
20. 追到外太空 (作詞:蕭雅智,作曲:Barry Chung,編曲:劉祖德、林子揚)

總覺得孫耀威的歌藝一直被人嚴重低估,昔日與森美並稱「中大雙雄」,曾憑著其清新帥氣的外表紅遍中港台三地,歌聲深情、五音齊全且唱功穩定,巔峰時期常被台媒拿來跟「亞洲小旋風」林志穎作比較,還有意將演藝版圖伸展至日本,可惜,98年的一次“半途出走事件”,就讓他的歌唱事業直插谷底,更慘遭唱片公司雪藏及封殺,直至2007年才正式回歸樂壇⋯⋯


重返本土演藝圈後的老孫很快便迎來第一個小陽春,首支派台歌〈思前戀後〉大受樂迷歡迎,成為三台冠軍歌,緊接推出的粵語專輯《So Far So... Close》又穩坐HMV銷量榜四周冠軍,遺憾的是熱度無法持續維持,到後來,他所發表的作品都鮮見有水花濺起,試過找新晉當紅唱作人林家謙聯同「鬼馬詞神」梁栢堅創作歌曲〈#DLGH (跌落個海) 〉,企圖玩諧音博取公眾注意,但最終累積的view數卻只有27606,有見及此,孫耀威便索性拋下一切北上“搵銀 ”,並誤打誤撞當起直播網紅。

相信孫耀威怎想也想不到,單是與網友閒話家常、彈彈唱唱,竟然會吸引多達350萬名fans上線觀看,還一度令Server癱瘓,就這樣讓他狂賺4000萬人民幣,亦因而獲得許多商演機會。
嚴選最喜愛的孫耀威好歌二十首

1. (作詞:劉卓輝,作曲:陳光榮,編曲:陳光榮、伍樂城) 
2. 我不怕哭 (作詞:林夕,作曲/編曲:陳光榮) 
3. 愛的故事 上集 (作詞:潘偉源,作曲:高橋恭司,編曲:唐奕聰)  
4. 愛的故事 下集 - 但願他珍惜你 (作詞:李敏,作曲/編曲:徐日勤) 
5. 仍然喜歡你 (作詞:張美賢,作曲:陳光榮,編曲:Alex San) 
6. 一億三千八天 (作詞:林振強,作曲/編曲:伍樂城) 
7. 愛自那天遇上 (作詞:張美賢,作曲:Vehnee A.Saturno,編曲:符元偉) 
8. 愛情白皮書 (作詞:潘偉源,作曲/編曲:陳輝陽) 
9. 午夜迷迭香 (作詞:楊黎蘇,作曲/編曲:陶喆) 
10. 思前戀後 (作詞:林夕,作曲/編曲:謝國維) 
11. 留住夏季的風 (作詞:潘偉源,作曲:織田哲郎,編曲:Alex San) 
12. 慰問 (作詞:潘偉源,作曲/編曲:陳光榮) 
13. 戀愛宣言 (作詞:林夕,作曲/編曲:伍樂城) 
14. 情狂 (作詞:何厚華,作曲:薛忠銘,編曲:洪敬堯) 
15. 習慣 (作詞:何厚華,作曲:黃國倫,編曲:王豫民) 
16. I Will Be Here For You (作詞:林振強,作曲:Diane Warren,編曲:徐日勤) 
17. 開蓬車上等你的人 (作詞:因葵,作曲/編曲:唐奕聰) 
18. 愛你心不變 (作詞:孫耀威,作曲:Richeal Marx,編曲:洪敬堯) 
19. 情割不斷 (作詞:鄭中庸,作曲:賴雨辰,編曲:洪敬堯) 
20. 不可含怒到日落 (作詞:周耀輝,作曲:孫耀威,編曲:鄧建明、舒文)

在此,想特別談一談列在第二位的〈我不怕哭〉,1997年,曼聯球星傑斯為手錶品牌鐵達時拍了一系列以愛情為主題的廣告,甫出街即時引起一陣轟動,之後,負責配樂的陳光榮便索性抽出Intro譜成一首完整的歌曲交給孫耀威配唱。由於老孫當時已約滿BMG,故此,此歌就只收錄在合輯《非常男人2》內。
看到這兒各Blog友是不是以為我在說笑?相中那位大叔竟曾是台灣一線當紅偶像?就連小S、范曉萱、路嘉怡都做過他的粉絲?
1989年挾著「小虎隊師弟」紅孩兒組合出道,單飛發展後所發行的首張個人大碟《還記得我嗎》雲集華語流行音樂界的幕後精英如楊明煌、陳大力、李子恆、屠穎、娃娃、林美杏、劉虞瑞、鍾興民等人聯手打造,不僅銷量突破七白金,還藉此入圍第七屆金曲獎最佳新人。其後,尚未闖出名堂的陳奕迅來台宣傳國語專輯《一滴眼淚》時,也曾被某些媒體冠以「港版張克帆」的稱號,可見當年克帆哥的人氣有多高。


以上是張克帆年輕時與「豹嫂」胡蓓蔚合唱的〈相愛〉MV,那時克帆哥的樣子真的好像溫兆倫 x 陳鍵鋒 x 蕭正楠的混合體!

張克帆雖不是典型的唱將級人馬,聲音內卻包含著一份莫名的吸引力,那種自然流露的真摰情感溫暖而窩心,耐聽度甚高,尤其是上面一張名叫《風的淚》的新歌加精選輯,真稱得上是曲曲精彩,保證讓你一聽上癮!
嚴選最喜愛的張克帆好歌二十首

1. 誰都不該讓你心碎 (作詞:鄔裕康,作曲:蘇淑洳,編曲:屠穎) 
2. 結局 (作詞:厲曼婷,作曲:徐禹,編曲:屠穎) 
3. 風的淚 (作詞:許常德,作曲:王學真,編曲:王豫民)
4. 用盡一生的愛 (作詞:林美杏,作曲:楊明煌,編曲:屠穎)
5. 別在下雨天偷偷的哭泣 (作詞:李姚,作曲:楊明煌,編曲:屠穎)
6. 愛錯了 (作詞:李姚,作曲:薛忠銘,編曲:屠穎)
7. 還記得我嗎 (作詞:劉虞瑞,作曲:李子恆,編曲:屠穎)
8. 兩個世界 (作詞/作曲/編曲:張克帆)
9. 難道你現在還不知道 (原唱:郭富城,作詞/作曲:張洪量,編曲:屠穎)
10. 深深愛著你 (作詞:劉虞瑞,作曲:殷文琦,編曲:王豫民)
11. 我只在乎你 (原唱:何潤東,作詞/作曲/編曲:張克帆)
12. 脆弱 (作詞/作曲:吳旭文,編曲:屠穎) 
13. 如果明天還是傷 (作詞:李子恆,作曲:陳慶良、李子恆,編曲:江孝文) 
14. 為愛傷心為你痛 (作詞:林美杏,作曲:殷文琦,編曲:王豫民)
15. 絕世 (作詞/作曲/編曲:唐健)
16. 戒了愛 (作詞:鄔裕康,作曲:徐禹,編曲:Terence) 
17. 寂寞轟炸 (作詞:姚若龍,作曲/編曲:周傳雄)
18. 梳子的話 (作詞:陳志文、莊立帆,作曲:莊立帆,編曲:莊立帆)
19. 避難所 (作詞:林桂平,作曲:陳建寧、陳政卿,編曲:屠穎)
20. 我是個SOSO的男生 (作詞:陳建寧、蕭閎仁,作曲/編曲:蕭閎仁)

縱使早已由國內青春紅星淪為各大綜藝節目的通告藝人,又被好友吳宗憲取笑在下坡這條路上走得非常成功,經歷過大起大落的跌宕變化仍能從容地邁步前行,亦未有從他的臉上感受到落魄潦倒的頹廢氣場,真正做到能屈能伸,這或者是和克帆哥生性豁達有關吧!


最後,送上由張克帆翻唱的〈只是太愛你〉,希望大家喜歡。

如對類似的文章感興趣,請移玉步到以下網址:

香港悲情歌王 - 許志安

最喜愛的李克勤經典歌曲/滄海遺珠/個人大碟

一個李克勤歌迷眼中的陳奕迅

昔日的歌神接班人 - 鄭中基

古巨基係咪真係小兒科?

不日出版 - 回首當年,那一群來勢洶洶的樂壇過江龍⋯⋯

204 則留言:

  1. 呢層樓我將會用嚟推介返上面有提及過嘅一啲音樂分享,敬請留意……🎧

    回覆刪除
    回覆
    1. 鄭伊健全集 Part 1 🎧

      不要哭了
      https://youtube.com/playlist?list=OLAK5uy_n264gGdiCW24Q6JmfBVtEOjfoVs_8ozGc

      撒哈拉
      https://youtube.com/playlist?list=OLAK5uy_nInHR0vsn3mlS6Xh3mzO3AQUWtZMJukBY

      On Stage
      https://youtube.com/playlist?list=OLAK5uy_ngfLOcxF0YUFcyu_M21hcP2ku9PMVfw-U

      Got To Be Real
      https://youtube.com/playlist?list=OLAK5uy_leWKSH0g521pLxC-ansaTel1yutfqV03U

      The Best Show
      https://youtube.com/playlist?list=OLAK5uy_mousQZ2KAyV0IpHeqjKDIsE9PY-bRyqD4

      刪除
    2. 鄭伊健全集 Part 2 🎧

      Life(EP)
      https://youtube.com/playlist?list=OLAK5uy_mecJyIJMHpfgGwqPmPEngCkqqarSrfmcw

      Earth
      https://youtube.com/playlist?list=OLAK5uy_lLPSn_wTIejFObxmV-rWgP6V3mvWqIbpw

      愛發狂(國語EP)
      https://youtube.com/playlist?list=OLAK5uy_lT-lvibfOvw3Y-bJ9Qs3KrHS6DI7Q8ZLI

      如果天空要下雨
      https://youtube.com/playlist?list=OLAK5uy_nQHe84vboNK9WJ1toPfhuRPYfHbeFj0wk

      Life II(EP)
      https://youtube.com/playlist?list=OLAK5uy_nu9sO4hUk-MQutaQiMNVdcgeiMepOncRM

      偏愛你 (國語專輯)
      https://youtube.com/playlist?list=OLAK5uy_kuIamlO8ZdyiMIK4kAxAQtHWaIRRr5kO4

      Eternity(EP)
      https://youtube.com/playlist?list=OLAK5uy_mep_c-P-jSIwQe_5yRGImUpxcw1ktPelQ

      伊健‧十三(精選集)
      https://youtube.com/playlist?list=OLAK5uy_mBaVVoKUcfHTzHNCFxUzkPLWXdqaTJPZ8

      刪除
    3. 鄭伊健全集 Part 3 🎧

      222098演唱會
      https://youtube.com/playlist?list=OLAK5uy_kfMff2g2tV43UGQ1YuvmNo4c_yIQ0XGCs

      Senses
      https://youtube.com/playlist?list=OLAK5uy_mFbZlqnLDXVlAGNskjWOJ8IoztTDZyanc

      初夏之戀
      https://youtube.com/playlist?list=OLAK5uy_l1YpljLD3rkxdiFgRk6jh0qnf3w-Eh6SA

      Together!
      https://youtube.com/playlist?list=OLAK5uy_n-Oq8YD7jSwc3rHv3Np_R3arpO-Hu4ze4

      雙面人
      https://youtube.com/playlist?list=OLAK5uy_lKrMSn1XyEzHwtDUQO2uEm56MAKRPNaLA

      Beautiful Life
      https://youtube.com/playlist?list=OLAK5uy_kSUtYlvX5tSjo33EII0urofKmTVVZvoAY

      Ekin Magic
      https://youtu.be/AU4AGSalFwQ

      Myself
      https://youtube.com/playlist?list=OLAK5uy_kRSxDaIHIyMGQF8mPuMZclWYIuW0-oMBU

      Discover(新曲+精選)
      https://youtube.com/playlist?list=OLAK5uy_kkaPrZ7KOy_OpT0wx0CZvoIdCZVsZp5ek

      鄭伊健 Beautiful Day 2011演唱會
      https://youtube.com/playlist?list=OLAK5uy_nEDMeODDsNcQ5ZrpgkY_Z6MRTnSG735eQ

      刪除
    4. Ekin唱live都幾嚇人,但認同你講某啲歌又真係佢唱先至有feel。

      刪除
    5. 淨係一首極速應該已經玩死好多人……🤣

      刪除
    6. 謝霆鋒全集 Part 1 🎧

      My Attitude
      https://youtube.com/playlist?list=OLAK5uy_kSHe3urRZqlQfy7tvsmfQhw15hWLoAdTU

      Horizons
      https://youtube.com/playlist?list=OLAK5uy_m3Wxu5vw9CZuY4CQRDEaJHgmEOLhqOQvw

      Believe
      https://youtube.com/playlist?list=OLAK5uy_mhm7eqvM7Uu43GrAZbI_ydlzmU2oSZY5k

      零距離
      https://youtube.com/playlist?list=OLAK5uy_mToT8wa8jwNk_jixbfaNKIofZNohal4NA

      VIVA
      https://youtube.com/playlist?list=OLAK5uy_lqyhejadYLG7_XZ7y8JiT7Z66oBAQNf9k

      刪除
    7. 謝霆鋒全集 Part 2 🎧

      玉蝴蝶
      https://youtube.com/playlist?list=OLAK5uy_kC4aLWVBU9Bhj9EL4aZCWCbEWX3Z6Q2fY

      Me
      https://youtube.com/playlist?list=OLAK5uy_ntHIRJdWS7i-GgiyPwgsWgk0IFcpRL0dw

      Reborn
      https://youtube.com/playlist?list=OLAK5uy_lTBU4l60hCou8WNnFGQKMfoiqO8zXymok

      One Inch Closer
      https://youtube.com/playlist?list=OLAK5uy_nliz2Iy-pyqaltTHBT70LoB9or4sJ4PLM

      刪除
    8. 謝霆鋒全集 Part 3 🎧

      謝謝你的愛1999
      https://youtube.com/playlist?list=OLAK5uy_kIKno7-UVBRD9lSBMfgM9GOKgSUCwr-68

      了解
      https://youtube.com/playlist?list=OLAK5uy_kitBm_q_oNaTbMnWCvu0QktrOTsIU3NBI

      世紀預言
      https://youtube.com/playlist?list=OLAK5uy_mPJqNyYcQhsmDGfF3n_1m6HtOwUNtXS2E

      Listen Up
      https://youtube.com/playlist?list=OLAK5uy_mNyCUF4YU_q5zkRVqCT3lbxvBqcPu8GYw

      釋放
      https://youtube.com/playlist?list=OLAK5uy_lIehMTWO1jOQcqs3L76eW524EDpJXbb5w

      最後
      https://youtube.com/playlist?list=OLAK5uy_k6nGkqOOQqoJrnktpRx9B0WrENSvH-oL8

      鋒味
      https://youtube.com/playlist?list=OLAK5uy_nrAGuVkV50cI7rW4Y93ufmYG3ypp87oz8

      刪除
    9. 陳曉東好碟推介 Part 1 🎧

      Best of Daniel Chan
      https://youtube.com/playlist?list=OLAK5uy_mwBnMqPrKQbCcnrueAxPUMvPW7suwasBw

      感覺貼心
      https://youtube.com/playlist?list=OLAK5uy_lkfitazOSkho_8ETHNACJ1QvT5hjh6EXw

      天亮說晚安
      https://youtube.com/playlist?list=OLAK5uy_l1aCMQM9bxxnn4yBKiJ8ns61Ym8BZXoqY

      不必說感謝
      https://youtube.com/playlist?list=OLAK5uy_nVDaJBJlvoADV8pwcqJIHN6zijWO0E89k

      東國度
      https://youtube.com/playlist?list=OLAK5uy_nzBUrTeNyIEozXrz-eijt6N9dQlIhYOqw

      刪除
    10. 陳曉東好碟推介 Part 2 🎧

      從未忘記
      https://youtube.com/playlist?list=OLAK5uy_kOa0H4c-JMOcS8opmZtLFw74rEONDfkyY

      I Want To Be(唱作+自選情歌集)
      https://youtube.com/playlist?list=OLAK5uy_lm8h_ap_AOxOwuj7nLJOLJ8H1KynWwaLQ

      Perfect Love
      https://youtube.com/playlist?list=OLAK5uy_kGu9bUgSxAFiT8M2fhYKJz-sL_fBggqNw

      Best Hits in Danieland
      https://youtube.com/playlist?list=OLAK5uy_m7pAxoR7UyG1ptvZMA2yRBFxAwnH6OYuI

      CIRCLE
      https://youtube.com/playlist?list=OLAK5uy_mI2NF9Y8H9xgn3XWvpA7KpT4tDtEr2tAU

      刪除
    11. 孫耀威好歌推介🎧
      https://youtu.be/o-aLC9GyzKQ

      孫耀威2007年推出的唱片《So Far So... Close》
      https://youtube.com/playlist?list=OLAK5uy_l6b6yLBLJXQApKIBwAhMZtAXg-FjNvL1E

      張克帆《風的淚》新歌加精選輯
      https://youtube.com/playlist?list=PLD-UZeYA8i8C6eSOvcWptz2CJOK6BiF92

      刪除
    12. 鄭伊健冇陳光榮幫佢度身訂做嘅話,恐怕都冇可能再走歌手呢條路,事關佢唱歌真係幾嚇人一驚..

      刪除
    13. 等於黎明如果冇遇上“樂壇大盗”雷頌德嘅話,相信佢到而家都仲係會以一大堆肉麻到嘔嘅糖衣情歌做主打,然後就再加插幾首好似我的親愛同我來自北京呢啲戇鳩歌作副選。😅🤣

      刪除
  2. 鄭伊健唱友情歲月本身都好聽(我沒有狂小子專業,所以我只能憑自身感覺表示覺得「好聽」=P),但是黃耀明翻唱那個港樂版,是少數翻唱一手佳作而又能給我驚喜的演繹。

    回覆刪除
    回覆
    1. 浩南哥唱嘅係友情萬歲;明哥唱嘅係醉生夢死。🥃

      刪除
  3. “奪麵雙琪”我喜歡邵美琪的電影劇集演藝。
    兩父子拍戲分別都很大,老豆戲中永遠是談情,個仔無論正反派都打餐死,一個賺風流錢,一個揾辛苦錢。
    時光飛逝,東東與檸檬就快升級亞叔。

    回覆刪除
    回覆
    1. 邵美琪個外型可塑性其實好高,係衰在講對白嘅時候好生硬,如果唔係應該一早上咗位做一線影星;謝霆鋒而家望落去都唔似阿叔呀,只係似30出頭,陳曉東就真係變得好唔自然。🎭

      刪除
  4. 認識一人曾經跟伊麵阿爹住同一座, 間中都會見到伊麵, 說他沒架子, 會點頭打招呼, 當時同行梁小姐就不會啦, 後來又見過現任鄭太, 也說她很自然
    陳曉東現時尊容真係唔講得笑
    至於檸檬呢, 有時真係太誇張呀

    回覆刪除
    回覆
    1. 我好細個嘅時候都見過鄭伊健,佢同我哋一齊去啲遊戲機舖頭度“dup”啲任天堂game磁碟,份人真係好冇架子,不過嗰陣佢仲未拍古惑仔,唔算好紅。😅🤣

      刪除
    2. 雖然同班藝人唔相唔識,但唔知點解我由細到大都好憎梁小姐,包括佢唱歌同演戲,我通通都唔識欣賞,尤其唱歌,聽親都覺得毛管戙。🥶

      刪除
    3. 早幾年成日喺天后見到鄭伊健,次次都係一支弓,依然好靚仔。

      刪除
    4. carry到長髮嘅香港男人真係唔係咁多,數嚟數去都係得佢同黃子華。🤔

      刪除
    5. 我細個時好鍾意鄭伊健,但聽過佢喺商場唱歌,好難聽,幾鍾意佢都會照直講。:P
      我都唔鍾意梁小姐,未到憎,但係對佢唱歌演戲都冇感覺。不過最近睇《反起跑線聯盟》又覺得佢ok,可能個角色啱佢。

      刪除
    6. 梁詠琪嚟講,我覺得佢從影至今演得最好嘅電影作品,係由黃真真執導嘅【女人本色】。🎬

      刪除
  5. 我覺得鄭伊健演技從來冇好過,只係勝在形象討好,唱歌擺明唔掂,但認同你講把聲幾型,仲要多得陳光榮下下幫佢度身訂造。

    MK鋒一生努力喺度不斷真心做柒嘢,不過論成就的確係五個人當中最高,同埋好欣賞佢對王菲嗰種敢愛敢恨。

    陳曉東唱歌長期好似缺氧但又幾有風格,佢沒落係可惜嘅,擺明俾香港傳媒寫死,再加上黐埋黑閪拍豬度。

    回覆刪除
    回覆
    1. 雖則話生得靚仔係逗多兩封利是,仲有受哥長期backup,但謝霆鋒確實係好硬淨,佢真係做到唔理外界目光咁活出自我,呢樣嘢係好值得人欣賞;林夕都曾經點名讚過陳曉東其實係可以唱得好好,呢點我都認同,好似水瓶座頭幾句咁,係得佢先唱到嗰種獨一無二嘅空靈感,就算強如張學友,我覺得佢唱嘅一萬年都係唔夠陳曉東有feel,雖然陳生喺CD版本度唱到最後嗰句「無涯視線“終”於跟我見面」係走Q晒音,然後每次唱live佢都會避咗呢一粒音。🤣

      刪除
    2. 謝霆鋒:頂包坐監
      陳曉東:畀傳媒寫到敗走香港
      鄭中基:變咗民航局剋星,機管局黑客
      陳冠希:明明造福人群,最後搞到要退出娛樂圈
      陳小春:一同佢搭上冇幾耐即刻炒車
      朱永棠:身為古惑仔一份子但彈極都彈唔起,連開演唱會都冇佢份

      嗰陣張柏芝嘅黑氣真係唔講得笑,基本上邊個黐埋去都實死冇生,係得個鬼佬唔係圈中人,所以唔知佢之後嘅情況點樣?😅😂

      刪除
    3. 朱永棠真係唔知搞乜?次次出場冇耐就瓜老襯,開演唱會又冇人預佢,明明當年係風火海最多女fans嗰個,搞下搞下直接比錢嘉樂取代咗。

      刪除
    4. 我同蕉皮哥之前有幾個mutual friend,佢班朋友同我透露過私底下朱永棠有同佢哋講覺得畀班兄弟遺棄咗,不過之後隔咗冇耐又澄清返其實大家係冇事。🤔

      刪除
  6. 首先恭喜小子愛隊擊敗曼城進入足總盃決賽,睇嚟我哋車仔同你哋又會再度碰頭.

    回返topic,五個之中我最欣賞Ekin嘅生活態度,霆鋒每次拍動作片都好博,認同你講佢真係最成功嘅星二代.東東唱歌其實幾有style,係衰唱live唔穩.

    回覆刪除
    回覆
    1. 真心講,去到呢個階段我已經好滿意㗎喇!打到呢個階段竟然仲喺度爭緊三條戰線;陳曉東唱live的確唔穩定,但另一方面有好多人亦低估咗佢啲歌其實係好難唱。😅

      刪除
  7. 最中意伊面,感激我遇見,Jerry & 包文龍
    直至消失天與地旋律一響起回憶即刻翻晒嚟

    回覆刪除
    回覆
    1. 以前嚟講鄭伊健嘅歌我都係最鍾意直至消失天與地,但自從聽過原曲之後,佢個版本就即刻大打折扣。😅

      刪除
    2. 直至消失天與地原曲:Stay あなたの声が聞きたい
      https://youtu.be/vN8qnZgzA5E

      刪除
  8. 哈囉! Happy Easter ❤(。◕‿-。)❤
    伊面都幾喜歡佢!

    回覆刪除
  9. 鋒哥比edison成頂綠帽笠上頭都仲可以面不改容,淨係呢樣嘢已經要比個good佢!👍🏻

    回覆刪除
  10. 你說的對, 伊麵把聲竹係聲線獨特具辨識度, 亦人易記!都算好聽!

    回覆刪除
  11. 上面第一張相謝霆鋒個highlight頭你好似仲早過佢留~~😂
    東東我最鍾意係猜猜猜、愛你躲你、心有獨鍾~~💌

    回覆刪除
    回覆
    1. 唔靚仔整乜頭都冇用啦!後生嗰陣貪得意啫~🤣

      刪除
    2. 你響班fd心目中不嬲都係走在時代尖端呀嘛~~~😂
      你仲係姊弟戀嘅先驅,當年真心覺得你同琪琪好in好堅㗎!!💑

      刪除
    3. 佢比我勇敢好多,事關我同佢一齊之前啲對象全部都係大過自己,但佢就係第一次,仲要係初戀,所以佢都話當初同我一齊都係諗佺搏一鋪。😂

      刪除
  12. 回覆
    1. 咁相對嚟講佢都係五個人裡面最努力嘅一位。👍🏻☝🏻

      刪除
  13. 上面頭四個都生得太靚仔,佢哋唱慘情歌我完全冇共鳴。古惑仔嚟講當年我鐘意山雞仔多過浩南哥。

    張克帆都係聽你介紹先知道佢以前係唱歌,風的淚好正呀,聽到人心酸酸,我反而有興趣知點解佢會忽然間由青春偶像變成大肥佬?中間係咪受過D乜嘢打擊?

    回覆刪除
    回覆
    1. 聽克帆哥自己講述:佢唱到咁上下諗住轉行從商,點知生意失敗仲欠落一身屎股債,所以咪要重返娛圈發展,至於一直減唔到肥應該就同佢夜生活太多有關係,不過佢最近已經成功減咗磅。🤣

      刪除
    2. 古惑仔系列我最鍾意蔣天養 :D

      刪除
    3. 萬子哥金句一籮籮,最鍾意佢笑笑口然後擰歪面,轉頭就叫肥佬黎“即刻同我躝!”嗰幕,真係霸氣外側。😍

      刪除
    4. 你哋提起萬梓良,我對佢最深印象反而唔係蔣天養而係臭口全,
      好記得佢嗌碟鮑魚雞鵝鴨絲炒飯炒底加煙肉雙蛋番茄捆邊生菜墊底飯...

      刪除
    5. 我最記得佢唱嗰幾首歌仔,今晚喐你夜唔夜呀?揸車經已摸大髀~叫雞梗係好過打飛機~一百二十六個四~然後若干年後佢喺【賭俠大戰拉斯維加斯】度又將呢段reboot一次,再放大啲語氣。😍🤩

      刪除
    6. 蔣生仲喝阿肥佬黎:「呢啲高級地方嚟㗎嘛,成日喺度𢱑腳趾!」

      刪除
    7. 呢一句唔係基哥講㗎咩?等我今晚重溫下先!😂😂😂

      刪除
  14. 我甚少看戲,故對謝霆鋒的演技未能妄下評論,但我看過他在中大的演說,有大將風範。以藝人來說,屬實力派。

    回覆刪除
    回覆
    1. 無論外面啲人點講,我都真心覺得佢真係有料嘅。👍🏻

      刪除
  15. 回覆
    1. 生得靚仔做乜嘢都無敵!🤣☝🏻

      刪除
    2. 佢演戲其實無表情,但這個無表情一扭過來變成 cool,觀眾又受,咁就掂咗。

      刪除
    3. 我咁講可能好多人會唔認同,但由古惑仔上映第一日開始,其實我就已經覺得戲入面個陳浩南毫無霸氣,仲成日戇居居畀人跣,次次都要班兄弟幫佢補鑊,尤其係企喺萬子哥、張耀揚同鄭浩南隔離就更加係相映成趣,乜Q嘢風神腿?真係唔怕笑撚死人!🤣

      刪除
    4. 絕對無霸氣 (其實從頭到尾就是在耍酷)!佢在《戰無不勝》教室裡兇「生嘢」梁家滿,斗零咁多嘅氣勢都冇,而阿生嘢居然怯咗,真係成部戲最失敗的一幕。

      刪除
  16. 記得啱啱升上中學嗰陣潛龍勿用同玉蝴蝶真係hit到爆!!

    回覆刪除
    回覆
    1. 我啱啱升上中學嗰陣最hit嘅歌係張學友嘅離開以後同鄭秀文嘅捨不得你。🎧

      刪除
  17. 五個裏面有三個奶咗共,浩南哥最優哉游哉,
    張克帆唔熟唔知唔清楚,但暫時聽落唱歌最好聽係佢

    回覆刪除
    回覆
    1. 陳曉東選擇棄港投共係完全可以理解嘅,齋講把聲張克帆一定係五個當中最靚,不過唱腔就比較old school。😆

      刪除
  18. 最鍾意Ekin Cheng套廟街故事,
    歌鍾意孫耀威首仍然喜歡你,謝霆鋒隻玉蝴蝶cd👍

    回覆刪除
    回覆
    1. 【廟街故事】明顯係行返【天若有情】套模式,又係有吳倩蓮同黃光亮,只係劉德華換咗做鄭伊健,吳孟達就換咗做葛民輝。📽

      刪除
  19. 鄭伊健唱歌認真無天分,〈友情歲月〉明哥唱出來就是不一樣 (世上有啲嘢真係好講先天,唔得嘅話點訓練都係唔得,唱歌就係其中之一)!

    回覆刪除
    回覆
    1. 佢唱歌冇天份就一定㗎喇,不過唱起快歌嚟就至少冇違和感,你試諗下如果側田唱極速成件事將會幾咁滑稽。🤣🤣🤣

      刪除
    2. 另外睇完你段留言,我就馬上自行腦補如果明哥唱風雲同天煞孤星 ,成件事會唔會即刻變得好現代好迷幻?唱極速會唔會唔使做remix就已經自動會有飄移嘅效果?🤩😍😛😜🤪😝

      刪除
  20. 我對流行曲的認知止步於四大天王,其他的看過聽過也忘了。

    回覆刪除
    回覆
    1. 當年成個香港樂壇的確係畀佢哋四個壟斷晒。🤑

      刪除
  21. 個個都係俊男,假使唱功演功尚次,淨係睇都值得女粉絲捧場啦,哈。

    回覆刪除
    回覆
    1. 喺而家班妹妹仔心目中,佢哋應該都唔算得上係美男,因為脂粉味唔夠重。😂

      刪除
  22. 我喜歡鄭伊健不爭名不爭利, 隨遇而安, 活在自己的世界。

    回覆刪除
  23. 伊健古裝扮相佳,[風雲]聶風造型完勝城仔步驚雲;[決戰紫禁之巔]劇情雖然極度胡鬧,但他所飾演的西門吹雪和華仔的葉孤城可說是平分春色;[中華英雄]我較喜歡何家勁的版本,伊健感覺始終太陽光,很難說服觀眾他是顆天煞孤星。

    回覆刪除
    回覆
    1. 我反而覺得何家勁土味電視feel太重,上大銀幕未必work;城城當年個“師奶假髮Look”一出就即刻負評如潮;【決戰紫禁之巔】我最記得就係張家輝同天心呢一pair,仲有徐錦江呢個“溫心好老契”。🤪

      刪除
    2. 都係嘅,如果由何家勁做主角,套戲可能最後埋單連一百萬票房都冇

      刪除
    3. 佢係keep得好好,但始終有陣好濃厚嘅國產味。😅

      刪除
  24. 霆鋒外型可塑性高,惟演法有點千篇一律,做奸角永遠都是幾個招牌皮笑肉不笑的表情,相較之下我反而比較欣賞他在[少年古惑仔]時的樸實;東東除了[初戀無限touch]好像已沒有什麼為人熟悉的演藝代表作,即使在[虎度門]擔正,戲份也是少得可憐;孫耀威我只記得他演過康熙,没有别的。

    回覆刪除
    回覆
    1. 【少年古惑仔】好似係“童黨”何沛東嘅最後一部影視作品。🤔

      刪除
    2. 【初戀無限Touch】嗰陣畀成班同學拉咗我去睇,我覺得成套戲個笑點全部都係落晒喺許冠英同Wyman身上,最記得英哥叫劉天蘭“老西餅”。🤣🍰

      刪除
    3. 英哥演喜劇其實有一手,係一個比人忽略咗嘅冷面笑匠。

      刪除
    4. 何沛東好可惜,以前睇同黨以為佢同十一會上到位..

      刪除
    5. 梁11同小妖真係完全變咗個吹水大叔……😆

      刪除
    6. 呢段訪問直頭係吹撚到上太空,周星馳喺【逃學威龍】之前好明顯已經紅咗啦!😆
      https://youtu.be/uDcaULWEEJg

      刪除
  25. 狂小子^^ 你好❗️ 好用心的介紹 👍👍👍 ♫.♥•♫ (")~(")
    五位曾被認定為天王接班人的華語男歌手 ..
    🐰個人有點::::偏私::::的選擇 😊 : 孫耀威吧 🎵 🎶 💚
    只因佢同我偶像有合作 🤣🤣🤣
    《就當我們的愛不曾發生過》 https://youtu.be/RbdwdFoidK0

    回覆刪除
    回覆
    1. 當年兩個喺台灣都係超級紅星,記得潘美辰仲曾經擔任嘅克勤第二張國語碟嘅製作人。☝🏻

      刪除
  26. 你提起東東同余迪偉撞樣,真係絕!呢輪爸爸成日無限LUP王傑既歌,我日日返到去都聽到咁滯。

    回覆刪除
  27. 老孫以前個形象好唔錯,又有學歷,估唔到佢都要做"網紅"

    回覆刪除
    回覆
    1. 就咁開個live鳩噏幾句hea唱一晚就賺成幾億台幣,相信好多人都想爭住做!🤣

      刪除
  28. 謝霆鋒活著viva+陳曉東結他+鄭伊健極速,當年炸機必備!!

    回覆刪除
    回覆
    1. 我記得D場當年仲有首好難聽嘅玉蝴蝶remix……🤣

      刪除
  29. 回望過去,好多人與事都改變了。

    回覆刪除
  30. 我記得傑斯個鐵達時廣告,好深情,以前睇邊估到佢真人原來咁仆街?

    回覆刪除
  31. 細個覺得伊面同邵美琪好親,所以超憎梁fing琪!~
    東東唱歌其實幾好聽,最記得星晨旅遊,在乎你感受,後來佢比傳媒搞到要離開香港的確係好可惜!~
    老孫同小志我喺讀書時期嗰陣都有迷過佢哋,老孫唱歌好聽d,小志就純粹sell個樣。

    回覆刪除
    回覆
    1. 感情嘅嘢有時好難講,但而家睇落佢同蒙嘉慧真係絕配;林志穎的確係好恐怖,完全唔識老咁樣……😅

      刪除
    2. 最估唔到嘅係小志份人竟然咁專一,
      一路都係嗰個老婆,仲要好多人踩佢老婆唔靚!~

      刪除
    3. 所以話靚仔無本心呢句嘢並唔係100%正確,其實醜樣嘅男人一樣可以好花弗。(唔包括我👻)

      刪除
  32. 鄭伊健,蒙嘉慧頗合襯。

    回覆刪除
  33. 娛樂圈就是這樣,起落浮沈,難以預料。

    回覆刪除
    回覆
    1. 他們算好了,現在還有人記得,有些跟這班人同期出道的歌手已經石沉大海多年……😷

      刪除
  34. 非常全面的分析,價值很高,雖然我並不全部認識他們,光是李克勤一個已經成就非凡,他的歌藝力壓四大天王(儘管我不認同),其他的就一般吧?在内地上綜合節目,收入高,好過在香港連工也開不了,這是我們的悲哀,八十年代的風光能回來嗎?真的期盼。

    回覆刪除
    回覆
    1. 李克勤敗在不夠台型、不懂跳舞兼且沒有較為像樣的影視作品,論演技更是近乎垃圾級別,故此未能躋身到天王地位也不算稀奇。🤔

      刪除
  35. 喜歡鄭伊健的一生愛你一個,喜歡謝霆鋒的香水,喜歡陳曉東的水瓶座,喜歡孫耀威的愛的故事上集,張克帆與歡歡的故事很催淚。

    回覆刪除
    回覆
    1. 張克帆而家都算係浪子回頭。👍🏻

      刪除
    2. 欣賞佢對另一半有情有義,明知她有嚴重情緒病都不離不棄,看完他們的訪問完全對張克帆改觀。

      刪除
    3. 我覺得佢成個人生故事都幾勵志呀~至少而家唔需要為生活勞碌,又過到自己想過嘅日子,得閒打下哥爾夫球,開live唱下歌,感覺都幾寫意。😄

      刪除
  36. 曾經睇過孫耀威同Hacken ge一段訪問,
    佢哋兩個竟然完全唔記得咗"夏日火花"lei首合唱歌...
    當孫生話佢同克勤從來冇合唱過我當堂O咗嘴😯

    回覆刪除
    回覆
    1. 唔出奇嘅,佢哋入行以來唱過咁多首歌,仲邊鬼度會記得?更何況首合唱歌仲要只收錄喺克勤一張鮮為人知嘅精選《三次元空間》裡面。📀

      刪除
    2. 我記得隻碟ge音質好靚,回來吧同天意弄人都好聽👍

      刪除
    3. 睇完你呢句,我今晚又摷隻碟出嚟聽下先!😆

      刪除
  37. 在我最熟識的是四大天王的歌聲了,其他的抱歉都忘記了,正好在這裡找來欣賞一下。
    很多年前聽過鄭伊健接受電視一個訪談節目,想不到他揮灑自如,言談切中時下男方的求偶心態,真令我肅然起敬。後來看他情路崎嶇,今天終於情歸有岸,與蒙嘉慧在一起,我也祝福他們永遠幸福快樂 !

    回覆刪除
    回覆
    1. 佢情路其實唔算崎嶇嘅,只係普通離離合合,最後都搵到個情投意合嘅另一半,有好多人可能一世都遇唔到一個適合自己嘅人,相比之下佢算好幸福㗎喇。😊

      刪除
  38. 紅同入到屋係兩件事,真正反映能唔能夠得到大眾群眾支持,最實質嘅數據當然係睇唱片銷量同埋演唱會場數。呢樣嘢伊健、克勤都做到好成績,尤其克勤向來都係賣碟保證,只係欠缺電影成就支持。

    至於安仔爆紅其實都係短短幾年,仲佔咗好大因素係因為sammi啲歌迷愛屋及烏,而家搞成咁,睇怕佢一世都唔使旨意翻得到身。

    孫耀威喺香港根本唔入流,就連紅館騷都未開過。

    數完五大天王,去到東東、霆鋒已經係下一代嘅事。

    你最後寫到張克帆,每次見到佢我只係會諗到四個字:自甘墮落。

    回覆刪除
    回覆
    1. 克勤當年喺香港嘅平均唱片銷量一定高過郭富城,尤其係星光時期,除咗《Hackenation》同兩張國語碟之外基本上隻隻都賣過雙白金;許志安最紅嘅作品始終都係局限喺歌曲上,佢真正賣得好嘅唱片其實只係得一張半張;張克帆後生份人本身都爛玩,咁落去人氣急跌真係時間問題,加上佢唱腔真係好old school,唔會紅得好耐。😅

      刪除
    2. 安仔最紅嗰期真心真意都係賣得嗰8萬幾張,佢咁多隻碟銷量最好應該係驚喜交集十七首,好似有三白金。

      刪除
    3. 歌曲就靠男人最痛鹹魚翻生,但真正推佢上一線嘅就肯定係呢張精選,好記得當年身邊有好多同學都有買,返到學校仲日日喺度傾裡面啲歌。☝🏻

      刪除
  39. 林夕曾稱讚陳曉東若果用心唱的話,其實是可以唱得很好的,當時我不太get到他的意思,但聽過不必說感謝這首歌之後便完全明白了。

    回覆刪除
    回覆
    1. 算係早期嘅錄音室歌手,衰在唱現場唔穩。🤔

      刪除
  40. 談起謝霆鋒我只記得一段新聞:

    GLAY 邀請謝霆鋒做嘉賓,謝霆鋒與GLAY一齊出現在演出現場的大門。突然駛來一部黑色的豪華房車,裡面原來是日本視覺系的祖師組合 X-JAPAN 的YOSHIKI(林佳樹),GLAY很禮貌地和 YOSHIKI 交談了一會,YOSHIKI寫了一點東西給GLAY,一邊的謝霆鋒用英文請求YOSHIKI也寫一張,但是繁忙的YOSHIKI沒有聽到。關上左車門就離開了。謝霆鋒從日本回到香港後,傳媒詢問謝霆鋒與日本藝人的合作,並問起對視覺系既感想。謝霆鋒不削地說:"X"的胭脂氣太重,并宣稱"X"根本唔識音樂。當主持人問起HIDE(松本秀人)時,謝霆鋒更是厭惡地說"咩日本第一的結他手,我看他根本不懂得怎樣彈結他。 "

    自此沒有再留意他任何作品,口出狂言肚子卻沒有東西。

    回覆刪除
    回覆
    1. 嗰陣黃貫中都好似有戇鳩鳩咁幫口。🫣

      刪除
    2. 仗義執言為霆鋒出氣
      黃貫中彈Glay結他技術唔掂
      文: 張國文、李穎研
      10/03/2002

      日本樂隊Glay早前公開批評謝霆鋒結他技術不濟,前晚本地Band壇前輩黃貫中, 力撐霆鋒說:「Glay都唔係好掂!音樂最緊要係誠意,而且霆鋒都有下苦功,睇 到佢有進步。」

      前晚黃貫中(Paul)在會展舉行《唱好黃貫中音樂會》,吸引過百歌迷進場欣賞, 女友朱茵亦有到場打氣,場面熱鬧。

      早前日本樂隊Glay大彈霆鋒彈結他不濟,前晚同是擅長彈結他的阿Paul,力撐霆鋒 對音樂有熱誠和不斷進步,他更直指Glay的結他技術亦不見得特別好。

      霆鋒有音樂熱誠

      阿Paul認為,批評其他人的技術是一個愚蠢的做法,因為好與不好,往往是見仁見智 ,他說:「其實Glay都唔係好掂!不過冇得講好唔好!音樂係好抽象,最緊要係要有 誠意同Enjoy(享受),我同霆鋒雖然唔熟,不過都睇到佢有下過苦功,亦睇到佢有進 步。」

      朱茵歌藝有進步

      阿Paul近期忙於為女友朱茵灌錄唱片,更不時與她在音樂上有所爭拗,但阿Paul承認 朱茵的歌藝有顯著進步。前晚不施脂粉的朱茵全程大方任影,當問到閨中密友蔡少芬 與吳奇隆分手一事,朱茵便說:「做朋友砼梗係有傾過,但就唔方便講太多,總之無 論點我都支持佢,(咁蔡少芬心情點?)哎呀!唔好問我啦!」

      搵到段新聞……😂

      刪除
    3. 朱茵唱歌難聽指數比Twins更高。

      刪除
    4. 所以話愛情係令人盲目嘅……😆

      刪除
  41. 鄭伊健100%純偶像派冇異議
    霆鋒有少少創作天分 但作品流於表面上唔到大枱
    認同你講東東把聲可塑性高,佢翻唱danny首脈搏奔流好正
    孫耀威所有嘢都四平八穩 但聽佢唱成晚演唱會應該會好悶
    張克帆D歌都係睇你個blog先認識 後生同老咗變化的確好大

    回覆刪除
    回覆
    1. 脈搏奔流我分別聽過陳曉東同張敬軒個版本,後者唱功明顯比前者好好多,但聽落就係完全唔啱feel。🤫

      刪除
    2. 陳百強原版
      https://youtu.be/xAO2Haf8Rx4

      陳曉東版本
      https://youtu.be/Z1mU0jNCkkU

      張敬軒版本
      https://youtu.be/1aBBWQWFYOE

      刪除
    3. 張敬軒個版本我聽咗幾句就熄咗佢 完全唔啱feel

      刪除
    4. 我其實都唔係咁鍾意聽佢翻唱舊歌。🤔

      刪除
  42. 伊麵後生堅靚仔,同maggie絕對係郎才女貌~~梁gigi就算la!!呢d犯眾憎一向冇品兼賤格,一出道就飛咗個圈外男朋友,又搞到個空姐比人炒,唱歌難聽做戲又咁多年都冇進步,最近睇viu套新劇直頭覺得佢拖垮曬成個劇組~~🙅

    MK瘋由細到大都咁作狀,佢同牛華d所謂演技我真係完全唔識欣賞~~🙄

    總括嚟講五個裏面最鍾意當年嘅東東,未變滴奶之前佢勁pure勁ture,我有買佢啲cd㗎!佢有首冷門歌叫"講一次",勁好聽~~~😍

    回覆刪除
    回覆
    1. 陳曉東唱糖衣情歌落足料夠晒冧,但我始終都係比較鍾意佢後期的作品,好有味道。👍🏻

      刪除
  43. 回想1998年纪念香港回归一周年的晚会,陈晓东出场时候粉丝的尖叫声盖过了很多大牌

    心有独钟
    比我幸福
    风一样的男子
    我比谁都清楚

    都很好听

    回覆刪除
    回覆
    1. 佢係可惜嘅,明明可以上到一線……🤨

      刪除
    2. 你睇返以前有條港台片段,東東同謝霆鋒、陳奕迅、王力宏、陶喆一齊出嚟唱歌,佢都係企中間,歡呼聲亦都係最多。

      刪除
    3. 嗰段片王力宏最經典,唱到甩晒beat……😂

      刪除
  44. 自己友,今晚對拖肥點睇?
    睇到獌家吓嘅表現令我諗返起羅渣嗰時最後一次作客old toilet,又係輸到冇晒火氣,連尊嚴都冇埋,原來企喺對面睇係咁爽😂

    回覆刪除
    回覆
    1. 到頭來都係要靠運財童子,下季冇咗佢點算?😭

      刪除
    2. 擺喺其他隊又未必發揮到佢啲風水……😆

      刪除
  45. 回返主題,我覺得上面幾個香港嘅唱歌都麻麻,最差鄭ekin,陳東較好但唱live極屎,張克帆唔熟唔評論

    龍心算啦,佢唔單單揸結他為型,佢係做廚拍戲劇甚至走去溝王菲都係為咗扮型,佢成世仔懶型就係佢嘅專業

    極度懷疑當年所謂佢作果D歌都係同人買然後寫佢個名上去
    ,目的係用嚟塑造音樂才子呢個形象,以蛋記D仆街作風,為咗捧紅一個藝人/打擊對手,有乜係做唔出㗎?

    回覆刪除
    回覆
    1. 有傳麥浚龍啲作品都係一樣,話【殭屍】幕後導演其實係清水崇。🧐

      刪除
    2. 呢條二世祖d料明顯攞錢堆砌,出道已經攞錢買fans

      刪除
    3. 我覺得佢本人係有藝術觸覺嘅,從殭屍部戲嘅選角就可見一斑。🧟‍♂️

      刪除
  46. 淨係講食女一定係老孫完勝

    老孫戰績:鄭家榆、酒井、應采兒、楊秀惠、陳美詩
    濕鳩偽大廚:戴思聰個女、趙學而、盧巧音、柏G、蝗菲
    余迪偉:柏G、不知名台灣妹、不知名大陸妹
    浩南哥:邵美琪、西班牙老公、蒙嘉慧、醜婦黎芷珊
    肥佬帆:rip歡歡、陳寶蓮、癲婆李婉鈺、現任老婆双兒

    回覆刪除
  47. 很深入的文章,對於我這個主要聽90年代歌長大的人來說,特別有共鳴
    以上幾位男歌手都曾逼近一線(或是一線尾),但又差少少去到頂峰,當中最跌眼鏡是陳曉東,90年代中後形勢曾超好,但最後竟甩碌……
    除了 從未忘記 外,國語碟 perfect love亦十分好聽,不過推出時已時不予他了

    回覆刪除
    回覆
    1. 張亞東嘅音樂一般香港樂迷係唔會識得欣賞。🤨

      刪除
  48. 鄭伊健算是香港男明星中演古裝扮相最好看的,其次是劉德華。

    回覆刪除
  49. 睇到東東嗰段,陳太話勁有共鳴,當年佢勁憎向太同張柏,芝如果唔係遇上呢兩條終極八婆,東東一早已經升格為天王。

    回覆刪除
  50. 最鍾意陳曉東,水瓶座&心有獨鍾&貼心都係我嘅愛歌~

    回覆刪除
  51. 每個人的人生總會有起起跌跌...他們應該見慣風浪!!!

    回覆刪除
    回覆
    1. 相比之下,鄭伊健的人生都算是一帆風順,只是有少許波折。🙃

      刪除
    2. 咁你有冇話特別喜歡那一位呢那個年代的男歌手?!!

      刪除
  52. 迷軒是無道理2022年4月26日 下午2:14

    講mk風一定要附上12度燶味嗰套柒片:-))

    回覆刪除
  53. Eric多年來都沒有什麼轟天巨大的醜聞,他和Hacken都算是圈內出了名潔身自愛的男artist。。。

    回覆刪除
    回覆
    1. 孫耀威真係冇乜醜聞, 送禮剛走紅嗰陣都成日畀話佢串。🤔

      刪除
  54. 歌壇要接班不易, 不是單單亂倏勢就會紅,都要睇有無咁既人才出現。幾位中, 估唔到係霆峰到如今仍常在媒體出現, 當初真係好多人不喜歡佢。

    回覆刪除
    回覆
    1. 咁佢又的確有值得人喜愛嘅原因,起碼有尊重自己嘅演藝事業。🤔

      刪除
  55. 陳曉東後期d作品風格係幾特別,從未忘記隻碟睇完你嘅推介之後聽番又真係好正,佢當年敗走香港確係好可惜,尤其係望住而家嗰班狗屎垃圾就更加戥佢唔抵.

    謝霆鋒凡係band友都睇佢唔起,成日扮撚曬嘢,當日踩鳩x Japan , 自己手結他連佢d fans都唔敢吹捧啦!

    張克帆老咗完全走曬樣,連後生份氣質都冇埋,都咪話唔得人驚!唯一keep到嘅係佢唱歌把聲仲維持到嗰種年輕人嘅青澀.

    回覆刪除
    回覆
    1. 張克帆仲保持到後生嗰份青澀味實在係好難得,你睇下郭富城後生唱歌幾鬼純情,家吓就算keep到個外型,把聲都成個老粗咁。👷🏽‍♂️

      刪除
  56. 我以前好鐘意陳曉東XXXXXD

    回覆刪除
    回覆
    1. 當年我身邊九成女仔friend都視佢為第一男神。😆

      刪除
  57. 以前覺得呢班人唔夠班,而家睇返直頭係超班😆

    事關現今本土樂壇真係低質到仆街,成班剩女日日潑婦罵街💩
    咁大陸姜同Error啲歌確實係難聽呀嘛,表達下又唔俾😒
    又屌鳩人唔支持本土音樂,又話唔欣賞人努力?👅
    大佬呀!好明顯班鏡粉就唔係支持音樂啦,只係求其搵啲嘢寄託💦
    請班傻西唔好再搞亂樂壇好冇?你哋已經將香港音樂嘅標準同質素大大拉低!🖕

    19才子真慘,身為學者竟然俾一班師奶窮追猛打,
    啲留言簡直令人不堪入目,我勸陶傑都係慳返淡氣唔好再同班喪屍爭論💀

    回返正題,五個裏面最欣賞浩南哥嘅性格同待人處事👍

    回覆刪除
    回覆
    1. 我而家嘅諗法係不看不聽不理不問,只要唔好有人再企圖拎塊照妖鏡走埋嚟迫我接受呢種咁荒謬嘅娛樂文化就ok,一場類似大陸評分制嘅大規模智力測試,學Blog友inanna話齋,根本就係一個扭曲嘅內循環,所謂集體起哄、趁墟、晒命、自 high,實則非常bad taste。😑

      刪除
  58. 漁迪奶係可惜嘅,後生唔得記者歡心,睇過好多報導話佢串柒柒做攝石人🤖
    出道叫紅過一陣子嘅,但好快就自動收皮比綠帽峰趕過🏃
    記得佢同西班牙老公拍初戀無限Q果時真係殺曬啲妹妹仔👅💢
    個陣英皇全力谷綠帽,日日廣告播佢首壞習慣🍔
    但迪奶首心理遊戲直頭紅遍中港台,一路都騎住綠帽單春😩
    怪就怪佢同黑洞拍豬拍拖,自從佢地一齊直到分手👋
    佢嘅人氣就不斷直插,最後去到強國都彈唔起🇨🇳
    所以話以前偽人要玩地下情唔係冇原因,尤其係迪奶呢種硬sell純品嘅🍼

    回覆刪除
    回覆
    1. 我要睇晒成段嘢先get到你講緊邊個,哈哈~張柏芝當年啲黑氣真係唔講得笑,我喺上面嘅回應有列個表出嚟……😂

      謝霆鋒:頂包坐監
      陳曉東:畀傳媒寫到敗走香港
      鄭中基:變咗民航局剋星,機管局黑客
      陳冠希:明明造福人群,最後搞到要退出娛樂圈
      陳小春:一同佢搭上冇幾耐即刻炒車
      朱永棠:身為古惑仔一份子但彈極都彈唔起,連開演唱會都冇佢份
      鬼佬:唔係圈中人,所以唔知佢之後嘅情況點樣?😅

      刪除
  59. 以前既真係靚仔, 唔係人造人, 亦唔係成面脂粉. 而家當紅果班係假面人, 厚妝過女人. 真係好恐怖. 劣幣驅逐良幣, 真正靚仔係唔入行.

    回覆刪除
    回覆
    1. 呢種風氣一開始係由韓國嗰邊帶起,一直蔓延都而家,我覺得各人有各人喜歡嘅口味,只要唔好強迫人哋接受自己嗰套,其實就冇問題。😃

      刪除
  60. 有段時間,曾經覺得陳曉東同梁詠琪好似樣,有套電影係陳曉東、張志霖做,每次陳出場,我就諗…咦,乜原來有梁份咩🤣

    又,伊麵真係好鬼靚仔😍😍

    回覆刪除
    回覆
    1. 嗰套戲仲有劉松仁、謝天華、張耀揚、柯受良同莫文蔚,最記得係邱禮濤客串嘅越南幫;陳曉東同梁詠琪後生真係餅印一樣,但到兩個老咗個樣就兩走極端。🤣

      刪除
  61. 創業難,守業更難,紅了之後能延續輝煌越來越難,紅了可能都要轉型拍戲,甚至做廚神!

    回覆刪除
    回覆
    1. 或者係拍抖音囉,雖然我到而家都唔知究竟有乜嘢咁好睇……😅

      刪除
  62. 我諗我上次無成功留到言,唔緊要啦,都係廢話一堆⋯⋯曾經覺得陳曉東、梁詠琪幾似樣😂

    回覆刪除
    回覆
    1. 唔知點解而家google會自動將一啲留言放去回收桶……😅

      刪除
  63. 懂得怎樣去享受人生才是最重要的一環<--我嘅人生目標都係一樣😆
    標誌性鼻音<--未睇到陳曉東已經出現😂 不過以前嘅陳曉東,總覺得好似小白臉咁。
    孫耀威成日覺得好似張偉健咁,得閒就會蒲頭仲幾hit吓,一時就消失咁。
    但最後個張克帆,我反而無乜印象⋯⋯竟然連我兒時偶像嘅范曉萱都係作Fans!
    這篇好正,對於我8-9十年代才開始聽歌嘅人來講好有親切感~ 你提到范曉萱幾時又會講吓佢?🤣
    嘩!過江龍預告,相信周華健最一時無兩,佢太多朗朗上口嘅廣東歌,王傑印象中唔太多但每一首都好正,有一首仲成日聽,係我流浪之歌😆

    回覆刪除
    回覆
    1. 張克帆後生好掂㗎,小S細個嗰陣直頭講到明想同佢發生關係,只係冇諗過佢後期崩壞得咁緊要;范曉萱方面應該未必會花好長篇幅去寫,因為我連佢一張CD都冇,嚴格嚟講只係擁有佢一首歌,就係收錄喺劉以達張《水底樂園》入面嘅「最好的愛煞人武器」。🎶

      刪除
    2. 你聽歌咁廣,終於都有啲我聽嘅歌首而你又無聽,Yeah~~~ 可能范俾人嘅印象係唱兒歌,所以未必會聽。其實佢命運好坎坷,12歲已經作到「自言自語」,兩年後仲填埋詞,呢個天份⋯⋯ 可惜被公司定咗位做兒歌歌手,隨後幾經辛苦先做返自己,但不知是否做回佢心目中嘅自己⋯⋯
      至於另一個我超鍾意嘅台灣歌手張震嶽,佢就真係由一出道都而家,從佢啲歌路聽得出,做緊佢真正的自己。

      刪除