遊玩歸來，繼續上路 🛬👩🏾‍🤝‍👨🏻

話咁快已經返咗嚟香港十二日，都係時候要蒲吓頭出返篇Blog，就當係做個記錄。📝

Hi～咁耐冇見，只係想同各位哥哥姐姐打聲招呼，純粹路過，唔使理我！喵～🐈‍⬛

獨自遠飛～天涯或遠地～透過這清風擁著你～期待已久嘅歐洲之旅Part II轉眼結束，坦白講，要喺十三日內遊歷五個國家同走遍各個城市嘅主要景點，確實唔係一件容易嘅事。😬

Watching every motion in my foolish lover's game～On this endless ocean, finally lovers know no shame～Turning and returning to some secret place inside～Watching in slow motion as you turn around and say～Take my breath away～Take my breath away～🇩🇪

每日啤酒當水飲，完全冇planning，總之漫無目的想做就做，喺呢三日兩夜嘅「快閃慕尼黑之行」入面，最驚喜嘅都莫過於係喺Augustiner-Keller認識到兩位嚟自台灣嘅老人家，佢哋唔只堅持要請我食飯，後來仲互相加埋LINE。🍻

至於著名菜式方面，嚟到德國，就當然要試吓當地嘅豬腳，加多杯透心涼嘅冰凍大啤，簡直係頂級絕配，正到無倫！🍴

Puorte 'e calzune cu nu stemma arreto～Na cuppulella cu 'a visiera aizata～Passa scampanianno pe' Tuledo～Comm'a nu guappo, pe' te fa' guardà～🎹

Tu vuo' fa' l'american''Mericano, 'mericano～Sient'a mme chi t' 'o ffa fa～Tu vuoi vivere alla moda～Ma se bevi whisky and soda～Po' te siente 'e disturba～🎷

Tu abball' o' rock'n'roll～Tu gioch' a baseball～Ma 'e sorde p'è Camel～Chi te li dà? La borsetta di mammà～🥁

Tu vuo' fa' l'american''Mericano, mericano～Ma si' nato in Italy～Sient' a mme, nun ce sta niente 'a fa～Okay, napulitan～Tu vuo' fa' l'america'～Tu vuo' fa' l'america'～🇮🇹

Comme te po' capi' chi te vo' bene～Si tu le parle miezo americano～Quanno se fa l'ammore sott' 'a luna～Comme te vene 'ncapa 'e di': "I love you!"💕

因為一部最深愛嘅電影《The Talented Mr. Ripley》而隻身嚟到意大利南部嘅一個美麗小島Procida，跟住順道感受一下拿坡里市區嘅熱鬧氣氛，本來plan好咗下一年先實行嘅夢想旅程，竟然喺今次歐遊中即興完成。😌

Btw，生平第一次食正宗嘅意大利Pizza，實在聞名不如見面，問心嗰句肯定係美帝邪惡改良版吸引好多！🍕😆

朝早喺酒店食個自助早餐，之後去Palác knih Luxor瘋狂購物，CD、寫真、年曆、書籤、啤牌、Postcard、Figure、雪櫃貼、眼鏡盒包羅萬有，想帶晒所有嘢返屋企？得！嗱嗱臨攞個荷包嚟放一放血先啦！💸

先喺Tančící dům、老城橋塔、克萊門特學院同捷克共和國國家圖書館旁邊打個卡，見有啲尿急，咪求其搵間Bar借個廁所，順便飲杯Pilsner，然後沿住查理大橋一路行到連儂牆＞老城廣場＞天文鐘，途中經過Sex Machines Museum，又入去觀摩咗一粒鐘；嘆完個越式下午茶，再享受埋尾站奇幻幻象博物館嘅視覺體驗，想一日玩轉布拉格，真係話都冇咁易。🫰🏻

Chiquitita, tell me what's wrong～You're enchained by your own sorrow～In your eyes there is no hope for tomorrow～🎼

ABBA博物館、室內得零下10℃嘅ICEBAR、色彩繽紛嘅斯德哥爾摩老城、全世界最大嘅Ikea、Alexander Isak成名地Strawberry Arena、電影《龍紋身的女孩》重要場景Slussen地鐵站、位於Råsunda嘅Gamla Filmstaden (瑞典名導Ingmar Bergman曾經喺度工作過！🤩) ⋯⋯🎬

各式各樣的時尚建築，靚到令我目不暇給影唔停，每一位市民都好有禮貌、笑容滿面又樂於助人，有部分年輕男女欣賞你嘅衣著或者覺得你孭個背囊好靚，甚至會主動埋嚟稱讚，只不過係短短三日，Stockholm已迅速成為Blog主最喜愛嘅歐洲城市。🇸🇪

出發前件羽絨忽然不翼而飛，喺機場先發現跌咗張八達通；千辛萬苦嚟到陌生嘅Molo Beverello，淨係搵個碼頭都搵咗成個半鐘；剛抵達Prague，一塊絕版嘅利物浦行李牌又慘被偷走；去到最後一站København，外面啲雨係咁落唔停，搞到個人冇晒心機，有一日更粗心到將一條利記頸巾漏咗喺一間泰國餐廳度，好在老闆好人幫我keep住條頸巾，使我再一次體會到人間有愛。🧣

除咗KO晒一開始所set好嘅目標，仲有幸喺München結識到新朋友，又搵到球壇偶像老麥嚟返個“世紀合照”，總括嚟講，我喺呢次《2025獨自去歐遊》中嘅經歷依然係歡笑多於唏噓。😊

I believe I can fly～I believe I can touch the sky～I think about it every night and day～Spread my wings and fly away～🧹

はりつめた弓の ふるえる弦よ～月の光にざわめく おまえの心～とぎすまされた 刃の美しい～そのきっさきによく似た そなたの横顔～悲しみと怒りにひそむ～まことの心を 知るは森の精～もののけ達だけ もののけ達だけ～🎶

非常難book嘅「吉卜力公園一日遊」，兩張門票盛惠$2858 HKD，可進入吉卜力大倉庫、幽靈之村、魔女之谷三個區域，再帶你參觀埋豐田汽車博物館，整個過程約七個鐘，包午餐同專車來回接送，另有一位導遊負責講解，絕對係貴得有道理。👍🏻

有生之年食過最好食嘅鰻魚飯同串燒，仲有令人垂涎三尺嘅「名古屋名物」棊子麵、手羽先、交趾雞料理，如果早知道呢度有咁多好嘢食，我哋應該至少會留多兩三日先走。🙂‍↕️

話說呢敞11月日本之旅，原本個主題係叫做「Osaka／Kyoto Shopping More！」，顧名思義即係一心諗住殺入大阪／京都大買特買。🛍

每次撞到達洋貓都會自動上繳¥15000至¥25000不等，漸漸已成指定動作。☝🏻

喂喂喂～而家係咪厚此薄彼先？家陣佢又係貓，我又係貓，見到Mofusand家族仲唔馬上攞張Mastercard出嚟？速速磅，唔好兩頭望！💳

行過路過唔好錯過，nogorou0506限定突襲JR難波駅，商品種類繁多，相信總有一件啱你心水。👀

起飛前誓神劈願同姑姑講以後唔會再買唱片，點知最終又係姣婆守唔到寡⋯⋯🫣

嚟過大阪旅遊多次，仲有邊一度係從未去過嘅呢？嗯～不如就搭車去池田市合味道紀念館，製作返個屬於自己嘅杯麵。⏰️

看看威風的他～雙腿好似摩打～扭波踢波頂呱呱～有嘴巴嘅都讚他～身手最堪誇～小子志可嘉～陣法腳法日練夜練～真功夫冇花假～⚽️🏃🏻‍♂️

悲しげに咲く花に～君の面影を見た～大好きな雨なのに～何故か今日は冷たくて～季節は巡り～森は染められ～風は奏でて 想い溢れて～月の欠片を集めて～夢を飾り～眠る～🥼

SE MA RU～TENGA～一心走去學打J～Chok到兩眼擎擎～雙手又痛楚～為著是要挑戰大笨柒～💥

到底我有幾鍾意食壽司？呢件T-Shirt可謂充分表達出細佬嘅心聲。🍣👅

正所謂牙齒當金使，我講過有一日要帶姑姑嚟KOBE食返餐正宗嘅神戶牛，就一定要講到做到。🐃

多得靚女琪全力贊助，我先至可以成功儲齊呢一套《蠟筆小新×Sanrio Characters》迷你公仔收藏，並且深深明白到扭蛋嘅樂趣🥰 (只限日本，香港嗰啲擺明係搵笨實！🙄)。

喺名古屋 JR Gate Tower 6F抽到嘅《DRAGON BALL Comics Charm Collection》封面造型吊飾，由旅程第三日起一直陪伴住我同姑姑，直至整個Trip完結先突然神祕失蹤，感覺上似係龜仙伯伯顯靈保佑 (姑姑老豆花名) 幫忙擋咗堆煞再靜靜離開。😇

一場因貪婪所導致嘅人為災害，造成159人死亡 (包括1名殉職消防員)、79人受傷，31人失蹤，更無情地摧毁千個家園，作為一芥草民就算嬲到出煙，都仍然冇辦法去阻止香港呢塊土地持續腐爛，嗰種巨大嘅無力感叫人難以釋懷。有人問班當權者、問責者、監察者夜晚會驚到失眠嗎？咪傻啦！何只瞓得安心，仲日日馬照跑，舞照跳，反正捉幾個替死鬼幫手食咗隻死貓，再快快手拆晒啲棚網，叫阿嬌加多兩滴鱷魚淚，必要時撻埋上帝個朵出去頂住，轉頭又係新嘅一日！最緊要選舉照搞，外勞照用，平時記住要大聲多謝中央，朝拜習總。人生嘅嘢話嚟就嚟，話走就走，想捉都捉唔住，所以我哋更加要抱實眼前所擁有嘅一切。🫂

以前見姑姑去親日本旅行都會喺Donki買勁多日用品同貓零食畀佢家姐、阿哥、阿嫂、姑姐，當時心裏面第一個反應係：「呢啲嘢喺香港買咪得囉！慳得幾多啫？乜您份人咁戇居㗎！」仲時不時會企喺側邊擺出一副好唔耐煩嘅表情，但嚟到今時今日，我反而會格外珍惜同佢去各間超市掃貨嘅一分一秒。👩🏿‍❤️‍👨🏻

衷心感謝每一個給予我包容同支持嘅家人同朋友，等我有機會從忙裏抽閒充飽電，再重新啟程。🔌

Happy Birthday To You～Happy Birthday To You～Happy Birthday To Vincent～Happy Birthday To You～返嚟香港首先要做乜？梗係即刻約大婆華Dee坐低聚一聚！今年生日能夠得到太極樂隊御用填詞人葵叔嘅祝福，嚟緊必定虎虎生威，步步高陞。🐅🎉🐅

講開又講，本人同個「華」字的確係幾有緣，最好嘅兄弟、喺公司對我最好嘅上司、同我最friend嘅同事，咁橋全部都叫阿華，直頭好似有晒劇本咁。🧐

朝早去帝都酒店國穗軒飲啖茶，食件蝦餃，下午茶去邊樹？多數都係壽司郎／燒肉LIKE／初遇三揀一，兩條友返工返得咁撚Chill，因住惹人妒忌喎！🤭

呢位喺高層眼中成日冇大冇細，經常駁嘴駁舌嘅死𡃁仔，對住我從來就只有尊重兩個字，早排佢同女朋友去旺角睇《伊藤潤二恐怖體驗展》，仲好有心買咗隻杯送畀我添。🤗

命運就算顛沛流離～命運就算曲折離奇～命運就算恐嚇著你做人沒趣味～別流淚心酸～更不應捨棄～我願能一生永遠陪伴你～☀️

一向好擅長喺刻板嘅工作當中自找樂趣，例如係透過一啲模型擺設，為死氣沉沉嘅放映室添上色彩。💫

呢部ipad A16價格親民，性能中上，CP值極高，足夠應付日常需求，用嚟睇片上網解悶確一流。😁

收工返歸冇耐，四位從斯德哥爾摩搬過嚟嘅新住客正排隊準備報到⋯⋯👨‍👩‍👦‍👦

有戇豆先生同拉麵小子呢兩位新鄰居做伴，以後我屋企位壽司師傅就唔使再咁孤獨喇！😄

喵～爸爸～爸爸～乜最近多咗咁多奴才入嚟爭住幫阿姐梳毛、修甲、按摩、拗屎忽嘅？仲連外藉人士都有？😽

咳咳～肥婆妳早啲唞啦！人哋係專誠嚟搵本公主攞簽名㗎！喵～💖

距離2026尚有廿幾日，有咩想做嘅未做？有咩願望仲未達成？計我話乜嘢都係假，最緊要係闔家平安，身體健康，其餘嘅事一律隨緣唔作強求。🙏🏻

新一年有冇咩特別嘅旅遊計劃？好老實講，單係呢兩年，啲最想去嘅地方經已畀我“攻陷”得七七八八，但若果要仔細啲諗嘅話，【Trainspotting】取景地愛丁堡、北愛爾蘭首都貝爾法斯特、都柏林健力士啤酒廠、「設計之都」赫爾辛基，都可被列入下一輪觀察行列。✋🏻

Hi～親愛的炫友們！有興趣把炫哥在【歌手2025】的參賽曲目通通唱一遍嗎？這樣很好、愛·不要愛我、太難唱了、秋意濃、悟空，還嫌不夠喉可將空、我忘了我已老去、妳是我左邊的風景、羞答答的玫瑰靜悄悄地開、這世界那麼多人和天涯都加進去。🎤

喺本年5月24號好幸運睇到「昭和隱世歌姬」山崎ハコ嘅50周年記念Birthday Live，唔知去到幾時，先等到人稱「中國低調唱作才女」嘅丁薇再開Show呢？🤔

寒舍荒廢兩個多月，未來又例牌要為多篇久未更新嘅遊記“找數”，兌現對某幾位Blog友嘅承諾。另外，仲有邊啲喜歡嘅音樂想同大家分享？請坐言起“筆”！莫再做個懶惰嘅Blogger！🖊

細細個對譚耀文喺本土樂壇領域嘅最深印象：1) 第七屆《新秀歌唱大賽》冠軍，2) 把聲好鬼似張國榮，3)【聖鬥士星矢】粵語版主題曲，4) 熱愛唱Jazz、Blues，係一位鍾情於踩鋼線嘅“非商業歌手”，5)《妄想狂》喺當年走得太前，以致無人問津，記得中學時期推介親畀啲同學聽都畀人串我冇Taste。🙂‍↔️

苦等三十七年先開到佢出道以來嘅首個大型Concert，可惜開賣嗰時人在歐洲冇follow，希望下年仲會有Part 2啦！好想現場聽到譚哥唱四面情歌呀！😫

臨近年尾，繼續進行斷捨離整理，眼見呢頂起碼有成七年歷史嘅Vanson帽爛到咁，雖然有啲唔捨得，都迫住要同佢講聲Bye Bye。🥲

屌～枉我噚晚仲特登捱眼瞓撐足99分鐘，點知到頭來又係空歡喜一場！賽後見傻波眼濕濕咁話：「更衣室事，更衣室了」，當堂心都噏埋，唔通史諾終於死期到？☹️

Mohamed Salah: “I've said many times that l have a good relationship with the manager, but suddenly we don't have a relationship anymore. I don't know why. It seems like someone doesn't want me at the club. It’s not acceptable for me. I don’t get it. I have done so much for this club. I don’t have to go everyday fighting for my position because I earned it. I’m not bigger than anyone”🗣

懶理後防穿晒窿，場場大打U型足球，戰術0章法，球員喺場上個個各自為政，冇厘神氣。難得F$G肯大灑金錢投資，居然夠膽死踢到成坺屎咁，表現全無統治力。為乜要死攬契仔加普？基艾沙究竟係咪殺咗你全家？近十年利記嘅招牌癲狗式逼搶去咗邊？係教練團嘅新策略？定抑或係某幾位大佬專登放軟手腳企圖逼宮？只係玩咗四個月，史諾就一把火燒盡佢頭頂上嘅英超冠軍領隊光環，更一手破壞高普辛苦build up咗好耐嘅更衣室文化同團結精神，雖則話喺現階段，即使戰績再差，我都唔太贊成將光頭佬一炒了事，亦唔認同沙拿一而再，再而三向傳媒大吐苦水，嚴重影響隊波嘅士氣同和諧，無奈現實歸現實，照現時情況嚟睇，恐怕Slot哥同阿Mo是但一個都要執定包袱！唉～無論結果係點，你哋始終係Anfield永恆嘅傳奇，呢一份尊敬，喺我心目中係永遠唔會改變嘅。🫡