一張丟空了無人坐的凳，仍令我再不禁地行近，曾在遠遠的以前，這凳子裏，父親仿似巨人⋯⋯🪑 生平買過夏韶聲 四隻碟，四隻都入晒「我最喜愛嘅廣東專輯」50名之列，雖然講唔上係忠實fans，但佢有好多首歌都曾經深深打動過我，加上呢次開宗明義大大隻字寫住《LAST SUMMER》，咁就更加唔可以走雞啦！🫡 3/8/2025 夏韶聲《LAST SUMMER》演唱會 (尾場) Rundown
開Show時間：晚上八點二十五分
完Show時間：晚上十一點五分
01. 童年時
02. 童年夢想
03. 假假地
04. 搖擺心窩
05. 大國崛起
06. Nothing’s impossible
07. Apache
08. Dance On (與彭健新 合奏)
09. Move It (與彭健新 合奏合唱)
10. 聲音 + 可愛的笑容 (彭健新 獨唱)
11. Try…Say Goodbye 雪影 (何卓彥 口琴伴奏)
12. 車站 (與呂喬恩 及詠詩 合唱)
13. Always On My Mind (與呂喬恩 合唱)
14. 今天昨天 (與竹田和夫 合奏)
15. New York Woman (與竹田和夫 合奏合唱)
16. Red House (竹田和夫 獨唱)
17. 天眼
18. Chaos
19. 香港香港
20. 惡夢
21. 酸雨
22. 珍惜這地球
23. Departure
24. 結他低泣時
25. 說不出的未來
26. 永不放棄
Encore
27. My Friend
28. 空凳
29. 交叉點 闊別紅館舞台18年，Danny 選擇喺紅館同一班知音嚟個最後一聚，為咗隆重其事，佢唔只專誠請咗恩師竹田和夫 過嚟做客席結他手，仲搵埋一眾後輩包括：口琴演奏家CY Leo 、無伴奏合唱組合SENZA 、唱作人呂喬恩 ＆Vincie ，以及長年合作無間嘅BLACK WINE樂隊 ，實行單純以好Band好歌會知音，當晚嘅曲目相當全面，有大家耳熟能詳嘅Hit Song，亦有堆作品係代表着夏 爺喺唔同階段嘅人生觀同世界觀。🌍 打頭陣嘅〈童年時〉沿用返1985年Gary Tong 所做嘅編曲，昔日情懷重現，依舊細膩感人；〈童年夢想〉算係一首令我幾意外嘅選曲，不過呢一類平鋪直敍又毫無爆點嘅勵志歌，始終唔係太適合喺Concert入面唱；〈假假地〉特意加強咗鼓聲部分，進而提升成首歌嘅節拍感，聽落去比大碟版本嚟得更生動更流暢，夏 爺嘅記性簡直係勁到爆，將呢種融合Funk、Rap嘅輕搖滾曲風演繹得淋漓盡致，聽得超過癮，認真估佢唔到。🤩 已經年屆72歲嘅夏 爺喺演唱會頭段可謂狀態大勇，完全不枉其「香港搖滾之父」之美名，緊接落嚟嘅〈搖擺心窩〉火力十足，令人熱血沸騰，成功帶動全場觀眾情緒，氣氛非常熱烈。🤟🏻 由一名本地草根Band仔，漸漸喺主流樂壇闖出名堂，把聲粗獷得嚟又帶點感性，似係聽緊Bruce Springsteen 唱中文咁。由於夏 爺所流行嘅歌幾乎清一色係Pop Ballad，所以細個嗰陣，成日都會有眼不識泰山咁用一種半信半疑嘅目光去看待佢嘅Rock友身份，直至買咗上面呢張《搖擺心窩演唱會》CD，我先至真正感受到Danny Summer 嘅魅力所在。❤️🔥 當日高唱着紀念六四嘅〈媽媽我沒有做錯〉，今日蒙着雙眼為祖國獻上一曲〈大國崛起〉，曾經熱血嘅Band壇大佬，早已變到阿媽都唔認得。36年匆匆過去，我哋見證着身邊嘅人一個一個為咗搵食而變節，睇落的確係好諷刺，但係同時亦真實反映出社會上每位打工仔嘅現況。🎭 以往睇Show好少見歌手會喺唱完五首歌之後就鄭重介紹自己隊Band，搖滾之父果然係與眾不同，而今次呢班樂手，都稱得上係小弟有生之年見過最出色嘅，尤其有一位出生於愛知縣，年僅28歲，人稱「手数姫」嘅日本女鼓手川口千里 。川口5歲開始學鼓，8歲起跟隨傳奇鼓神菅沼孝三 學師，一手爵士鼓打得出神入化，叫人歎為觀止，其Youtube Channel到目前為止更累積超過四千萬點擊。坦白講，起初覺得用中價飛$680嚟睇夏韶聲 ，確實係有啲貴，但而家再回頭諗返，淨係單單欣賞到川口 小姐喺台上嘅精彩演出，其實就經已值回票價啦！🥁 眼見幕後高手林立，身為主角嘅夏 爺亦不敢怠慢，即席彈奏1960s傳奇英國組合The Shadows 嘅經典名曲〈Apache〉，足證其深厚嘅結他功力，絕無揸流攤之意味。🎸 吓？乜嘢話？今晚嘅嘉賓居然係“OK仔”彭健新 ？哈～唔係咁玩阿叔吓化？平心而論，如果單純講結他技巧，“OK仔”話晒都係The Wynners 嘅主力成員，正所謂「爛船都有三分釘」，只係普普通通掃幾個Chord又點會難得到健仔哥呀？至於唱歌方面，你只要諗住黃百鳴 唱〈記憶棉〉嗰個畫面，然後再套用返落佢個唱腔度，咁成個觀感就會即刻fit晒㗎喇！😌 是日最大遺珠〈Try…Say Goodbye 雪影〉，要深入拆解呢首歌嘅背後故事真係說來話長，據夏 韶聲本人所講，某年嘅紅白歌唱大賽，Monta & Brothers 憑着〈但是又何奈〉 原曲〈Dancing All Night〉 勇奪冠軍，隨即吸引夏 爺買咗隊Band嘅一張album嚟聽，當中有首名叫〈Try…Say Goodbye〉嘅靚歌一直令佢念念不忘，特別係首歌嘅arrangement，於是就決定要據為己有做返個Cover Version。喺呢度想表揚一下林敏驄 先生寫嘅嗰一份歌詞，其用字之優美，恍如喺冰天雪地中披上一層朦朧嘅詩意，所描述嘅係夏 爺多年前喺小田縣短期居住期間嘅一段“迷路小插曲”，感動之外又夾雜住一陣濃濃嘅思鄉情懷，好值得人再三回味。❄️ 請唔到已退休嘅蘇芮 大姐，換嚟嘅係「和音小隊」中嘅呂喬恩 同詠詩 ，令原本空蕩蕩嘅〈車站〉，當堂變得熱鬧嘈吵，實在大煞風景。🚏 今天昨天，幾多變更幾多皺紋，今天昨天，幾多攀升幾多次尋，在我最失意，你也對我真情不泯吉他在吟，彈出了幸和不幸，沙沙聲音哼出交叉點和空櫈，可為你歌人一生才不旺這行～🎶 有時候高手一出手，便知有沒有，就等大師竹田和夫 同夏 爺親自為各位示範何謂「完美嘅Crossover」，兩師徒一齊合作〈今天昨天〉同〈New York Woman〉，竹田 仲獨自送多首Jimi Hendrix 嘅〈Red House〉畀在場萬幾名樂迷，一支Guitar，一隻Amplifier，兩隻Pedal，已足以KO所有人。🙌🏻 歡迎進入“陳仔老豆”嘅講故時間，從探討UFO宇宙嘅〈天眼〉、〈Chaos〉，到中段兩首口水多過茶嘅維穩歌〈香港香港〉、〈惡夢〉，唱到細佬差啲瞌著先再用「高質環保孖寶」〈酸雨〉同〈珍惜這地球〉兜頭拍醒我，整段Medley畀人最大嘅感覺就係「一啖砂糖一啖屎」。💩 一支低泣低歎結他，和一堆一堆瑣碎舊話，伴空屋中的我坐下懷念妳，多麼的想知妳好嗎？和他一起開心快活吧？願他可跟我那樣活著全為妳～🎵 萬眾期待嘅〈結他低泣時〉去到尾段有少少拉牛上樹又跟唔到個beat，但了解到夏 爺都有返咁上下年紀，同埋佢唱歌不嬲係feel行先㗎啦！呢啲生理上嘅瑕疵，我當然會採取包容同體諒嘅態度，並報以最巨大嘅掌聲作支持。👏🏻 永不放棄，停住眼淚鼓起勇氣，永遠奮鬥就似沒有盡期，我跌下再翻起，永不放棄，人面世事心中永記，苦楚之中找到新的趣味，我更是有朝氣～🎤 LAST SUMMER IS NOT THE END？JUST THE BEGINNING？喂喂喂～阿公！你以為你暱喺後面就搵你唔到咩？冇用㗎！你啲咁出色嘅男人，無論喺邊度，就好似漆黑中嘅螢火蟲一樣，咁鮮明，咁出眾⋯⋯😶🌫️ 永遠向前，永不停步，尋求理想始終達到，陪伴著你站一線，爭取一分一秒，時間第一～My Friend～轉眼嚟到Encore環節，又一首令我喜出望外嘅選曲！1988年時間廊廣告歌 - My Friend。⌚️ 獨望著空凳願我能，再度和他促膝而坐，獨望著空凳心難過，為何想講的從前不說清楚！曾懶說半句我愛他，懶說半句我愛他，過去我說我最是要緊，今天發覺最愛他，呼叫永遠也愛他，聽我叫喊只得一張空凳～🗣 全晚最失敗嘅一個編排，都莫於係壓軸金曲〈空凳〉最高潮嗰Part，本身聽到首歌個Intro一出，我仲以為會一路用《諳2》裏面嗰個較為淡然凄清嘅BGM做底添！點知當啲眼淚差唔多標緊出嚟，佢哋竟然就忽然轉去K歌模式玩萬人大合唱，搞到我都忍不住FUCK咗一聲！😠🖕🏻💢 VIDEO
苦困皆自願，心願自信定能圓，一切皆自願，只管耕耘成敗不去算，苦困皆自願，心願自信定能圓，不理多辛酸，只管耕耘成敗不去算～今天陽光正暖～我的心更暖～👋🏻
總括嚟講，場Show喺我心目中都值80分以上嘅！至少一定比蔡琴 上年個Concert高質素得多，而夏 爺作為歌與歌之間嘅串講人亦來得好有說服力，即使有百般不捨，我依然要接受曲終人散呢個現實，能夠成為Danny Summer 告別演唱會的其中一位座上客，除咗榮幸我都唔知應該講啲乜嘢好。🤗 改編自安全地帶 〈あなたに〉嘅公路神曲〈路中情〉、港劇【烈火雄心】悲劇人物司徒拔 死後插曲〈56769 Goodbye〉、難得贏足台版原曲九條街嘅〈平凡亦快樂〉，以及由「台灣流行音樂教父」羅大佑 用心打造的火熱大作〈新聞報導〉，仲有好多首勁鍾意但無緣喺今次演唱會上現場聽到嘅夏 爺冷門正歌，今後唯有喺唱片度繼續慢慢重溫。💿 Danny Summer 入行58年，曾推出過無數首動人之作，唔知道我喺下面所推介嘅，又有冇一首啱你哋嘅心水呢？🤔我最喜愛嘅夏韶聲歌曲 TOP 20 🎼
4.新聞報導 (作詞：林振強，作曲：羅大佑，編曲：花比傲) 5.車站 (合唱：蘇芮，作詞：林振強、潘源良，作曲：林敏怡，編曲：Roel A. Garcia) 10.故居夜遊 (作詞：因葵，作曲／編曲： 劉以達、Boomeat) 11.啤酒罐 (作詞：文井一，作曲：林敏怡，編曲：Roel A. Garcia) 13.空凳 (作詞：林振強，作曲：林敏怡，編曲：Roel A. Garcia) 18.酸雨 (作詞：劉卓輝，作曲：林慕德，編曲：Donald Ashley) 20.出走 (作詞：林夕，作曲：羅大佑，編曲：Donald Ashley) 本博客嘅讀者人次同瀏覽數目篇篇唔同，大概由幾千至十幾萬不等，8年前亂鳩咁寫嘅20000字炮彈式長文試過畀“送禮勤”本尊點名提及，又有幸透過多名台灣炫友大力推廣而邀得“華語樂壇無冕歌王”林志炫 親臨寒舍，面對呢一塊人氣飄忽嘅園地，個人嘅諗法係：無論人數多寡都無損我出文嘅雅興，曾經有幾位高登年代嘅巴打建議我開設Facebook專頁或者係IG等潮流玩意，但自問文筆差劣兼且組織力極弱，亦十分抗拒捲入定期交課、為寫而寫嘅漩渦之中。由2005年寫到2025年，從MSN Spaces、Yahoo Blog寫到Blogspot，數數手指，原來都只係發表過401篇文章，又難怪成日會畀某條勁多嘴嘅臭口Blog友戲稱為「Blog界富奸」，廿年Blog壇生涯匆匆而過，“慣性走數”嘅情況喺未來會唔會有所改善？等我Plan完個《歐洲之旅II》先再誠心檢討！🤣
闊別紅館舞台18年，Danny選擇喺紅館同一班知音嚟個最後一聚，為咗隆重其事，佢唔只專誠請咗恩師竹田和夫過嚟做客席結他手，仲搵埋一眾後輩包括：口琴演奏家CY Leo、無伴奏合唱組合SENZA、唱作人呂喬恩＆Vincie，以及長年合作無間嘅BLACK WINE樂隊，實行單純以好Band好歌會知音，當晚嘅曲目相當全面，有大家耳熟能詳嘅Hit Song，亦有堆作品係代表着夏爺喺唔同階段嘅人生觀同世界觀。🌍
打頭陣嘅〈童年時〉沿用返1985年Gary Tong所做嘅編曲，昔日情懷重現，依舊細膩感人；〈童年夢想〉算係一首令我幾意外嘅選曲，不過呢一類平鋪直敍又毫無爆點嘅勵志歌，始終唔係太適合喺Concert入面唱；〈假假地〉特意加強咗鼓聲部分，進而提升成首歌嘅節拍感，聽落去比大碟版本嚟得更生動更流暢，夏爺嘅記性簡直係勁到爆，將呢種融合Funk、Rap嘅輕搖滾曲風演繹得淋漓盡致，聽得超過癮，認真估佢唔到。🤩
已經年屆72歲嘅夏爺喺演唱會頭段可謂狀態大勇，完全不枉其「香港搖滾之父」之美名，緊接落嚟嘅〈搖擺心窩〉火力十足，令人熱血沸騰，成功帶動全場觀眾情緒，氣氛非常熱烈。🤟🏻
本博客嘅讀者人次同瀏覽數目篇篇唔同，大概由幾千至十幾萬不等，8年前亂鳩咁寫嘅20000字炮彈式長文試過畀“送禮勤”本尊點名提及，又有幸透過多名台灣炫友大力推廣而邀得“華語樂壇無冕歌王”林志炫親臨寒舍，面對呢一塊人氣飄忽嘅園地，個人嘅諗法係：無論人數多寡都無損我出文嘅雅興，曾經有幾位高登年代嘅巴打建議我開設Facebook專頁或者係IG等潮流玩意，但自問文筆差劣兼且組織力極弱，亦十分抗拒捲入定期交課、為寫而寫嘅漩渦之中。由2005年寫到2025年，從MSN Spaces、Yahoo Blog寫到Blogspot，數數手指，原來都只係發表過401篇文章，又難怪成日會畀某條勁多嘴嘅臭口Blog友戲稱為「Blog界富奸」，廿年Blog壇生涯匆匆而過，“慣性走數”嘅情況喺未來會唔會有所改善？等我Plan完個《歐洲之旅II》先再誠心檢討！🤣
夏係實力歌手，現在睇落都仍然好型喎。
回覆刪除寫與不寫，隨自己心意便好。
好多發燒碟用佢啲歌.
回覆刪除佢年輕曾經做過汽水跟車，有才華的他，很快被發掘出來了！
回覆刪除溫拿最廢應該係阿強吧？ok仔至少有首剝曬衫褲剝曬鞋😆
回覆刪除