姑姑的生日大餐 - 伊賀日本燒肉料理（2016-3-10）

Happy birthday～哈哈哈～嘿嘿嘿～
恭祝您一歲兩歲三歲四歲長命百歲～
煩惱丟掉～蛋糕吃掉～撕掉日曆～生日快樂喲～
為慶祝深山姑姑嘅20（+21）大壽， 
所以今次巨鵰過兒就決定要以一種最簡潔嘅方式嚟完成呢篇Blog！
Everybody～Are You Ready？即刻坐上本人嘅時光機～Let's Go！

上個禮拜適逢姑姑生日，

我就帶咗佢去呢一間位於尖沙咀The Hart 3樓嘅《伊賀日本燒肉料理》度開餐……

呢度嘅放題分三個時段，分別係早段（6 - 8pm）、
中段（8 - 10pm）同宵夜時段（10pm後），可以食足110分鐘。
成人收費為$228及$258，而星期五、六、日、公眾假期及假期前夕就要另加$40，
至於小童就一律每位收費$168（90cm以下免費）。

另外，特別值得一提嘅係，呢度每張檯都會有一部平板電腦，係用嚟畀客人點餐嘅！
咁樣，大家就唔使成日要飛紙仔同走出去攞嘢飲，既方便又環保，認真抵讚！

坐低冇耐，店員就搬咗一隻巨型嘅刺身船上檯畀我哋食住先！└(=^‥^=)┐

呢個係「伊賀盛合拼盤」，裡面有牛小排、牛舌、一口牛、牛肋肉、
五花肉、豬柳蓋片同豬頸肉，全部都係姑姑嘅至愛！

姑姑話：「淨係一碟小拼盤邊度夠我攝牙罅呀？
嗱嗱臨整多碟牛牛拼盤嚟先啦！之後再整多碟海鮮拼盤畀我隔離條麻煩友添唔該！」

嘿嘿～開爐囉！開爐囉！嗱嗱嗱！我要三隻呀吓！唔好同我爭！(￣∇￣)

嗯～面對美食當前……等我整番碟辣辣螺肉醒醒胃先！

咦喂～乜呢度啲壽司咁鬼微型嘅！⊙_⊙

刺身再Encore！甜蝦、蟹肉棒、帶子、三文魚、榮螺、北寄貝、鮑片，味道確不錯！

嘩～原來話咁快姑姑已經嗌咗成檯嘢㗎嗱！

整番粒啦～整番粒啦～好好味㗎！嘻嘻～
喺姑姑呢隻大魔鬼不斷慫恿之下，本人終於都受唔住誘惑破戒“啪”咗三粒一口牛落肚！←_←

呵呵呵呵～健康蔬果什菌放題時間到！Y(＾_＾)Y

Last Order：枝豆、芝麻湯圓燒、花生湯圓燒

歡樂嘅時光過得特別快，又係時候講Bye Bye喇！
臨走食番杯冰凍嘅瑞士Mövenpick士多啤梨味雪糕，十分満足する！( ´▽` )ﾉ

 《伊賀日本燒肉料理》

地址：尖沙咀赫德道4號The Hart 3樓
電話：2887 1028
營業時間：星期日至四：12:00 - 00:00；星期五至六：12:00 - 01:00

各項評分（五個㊣為滿分）

食物質素：㊣ ㊣ ㊣ ㊣
抵食程度：㊣ ㊣
服務態度：㊣ ㊣ ㊣ ㊣ 
環境：㊣ ㊣ ㊣ ㊣ 
衛生：㊣ ㊣ ㊣ ㊣

同場加映 - 良師益友來探班！

喺上個月尾，有一位從澳洲遠道而來嘅老朋友突然返咗嚟公司探我班，大家估下佢係邊個？

登登登登～佢就係我嘅良師益友施老先生啦！
嗚嗚～施公呀施公！我真係好掛住您呀！(╯з╰)