2015年3月3日 星期二

《心情隨筆之二月記事本》

在某位口水佬發表他的長篇廢話之前,我CoCo在這兒先祝大家在羊年喜氣洋洋、
身體健康、出入平安、心想事成、萬事勝意、大吉大利……
男的就和我一樣年頭Chok到年尾,女的就和我一樣天天靚到飛起!恭喜恭喜Meow~
Hello~祝各位羊年快樂、身心安康、事事順境!
不知道大家在新年那段期間去了哪裡玩呢?我自己就一如以往都是在工作中渡過……
「先生,不好意思啊!戲票已經全部賣完了!」 
說真的,這種全院滿座的盛況我真是很久沒有看過了!
「叮噹呀~誰都喜歡你~小貓也自豪~」
在今年農曆新年檔期的眾多部賀歲片當中,暫時跑出的……
不是低俗不堪的12金鴨,不是無聊低智的賭城風雲2
不是粗製濫造的衝上雲霄,不是黯淡無光的浮華宴
也不是老少咸宜的荒失失企鵝,而是70/80後的童年回憶《STAND BY ME:多啦A夢》。
如果沒記錯的話,這套《STAND BY ME》的劇情應該是參照原著漫畫頭七卷的部分情節改編而成
然而,儘管是新瓶舊酒,但有些人、有些回憶、有些畫面,不管看多少次都還是會讓人感動不已。
在現今步伐急速的社會上,我們每天都是在擠迫和喧鬧中渡過,
所以,能夠借著光影世界暫時回到童年時代休息一下,哪怕只是短短的95分鐘,都是一種幸福。
叮噹、大雄、阿福、技安、靜宜……一張張熟悉的面孔……
即使改了名字,那份親切和溫暖的感覺就依然如舊。
在故事結尾我們看著叮噹離去為什麼會那麼難過?那是因為……
那個真正屬於我們的叮噹真的要走了!他真的要跟我們說再見……再也回不來了!
坦白說,我不是一個很容易哭的人,但一想到這兒我就忍不住鼻酸起來!
散場時,我看到一對情侶,男的大概就跟我差不多年紀吧!女的應該就只有17、8歲……
然後,當那個男人正在飲泣的時候,旁邊的小女友就不停的恥笑和揶揄他!
看到這種情境,我腦海裡就立刻浮現出一句說話,就是:「細路,妳識條鐵咩!」
如果你/妳有一部時光機,你/妳最想跟過去的自己說些什麼?此時此刻,我最想跟他說的是…… 
小朋友,請珍惜你現時所擁有的一切!別以為所有事情都是必然的!
好好享受和嫲嫲、阿毛、黃薰老師相處的每一刻,不要再那麼幼稚和懦弱了!大傻瓜!
小時候我跟大雄一樣,是一個十分軟弱無能的小孩……
每當遇上不快的事情,我就只會偷偷的躲起來哭……
那時候,嫲嫲就像叮噹一樣一直在背後守護著我…… 
所以無論我在外面受了多大的委屈,吃了多少苦,流了多少淚……
只要一回到家,那些心病就會不治而癒!在我心目中,嫲嫲就是我生命中唯一的依靠
然而,隨年漸長……我就開始習慣把悲傷留給自己……
我開始拒絕別人觸碰我的內心世界,因為我清楚知道……你們永遠不會懂得我傷悲。
我不喜歡讓另一半分擔我的悲憂,因為……男人實在不該讓女人太累!
漸漸習慣了一個人,開始覺得孤獨比擁抱實在……不知從何年何月何日起…… 
我開始習慣將所有悲傷都記錄在文字中,也慢慢學會如何堅強地去面對迎面而來的困境…… 
卻沒發現,原來自己變得越來越自私健忘,不近人情…… 
而跟親人和朋友之間的距離亦越來越遠……就這樣,時間匆匆流逝…… 
來到今天,當我看著已經病得有點神智不清的嫲嫲,內心真是百感交集。



林保全叔叔,真的謝謝你!謝謝你曾經給了我們一段美好的時光,我會永遠記在心裡的!
希望你和大雄(盧素娟女士)在另一個世界可以繼續快樂的生活下去吧!

談到電影,又怎能不提近日的世界影壇盛事奧斯卡呢?
今屆奧斯卡競爭可謂相當激烈,各個獎項的入圍人馬都極具份量,
而當中就以54歲美國著名女星Julianne Moore最為威水!
這位頒獎禮常客憑著在《Still Alice》裡面的細膩演出成功贏得影后殊榮,
同時也成為史上首位集齊歐美重要獎項的大滿貫影后,成績輝煌。
影后寶座毫無懸念,影帝的爭奪就鬥得難分難解!
最後,憑著於《The Theory of Everything》演活霍金一角的Eddie Redmayne,
就成功擊敗Michael Keaton和Benedict Cumberbatch等對手,一撃稱帝。
另外,也要恭喜同樣是首奪奧斯卡的荷里活實力派演員J.K.Simmons!
女配角得主Patricia Arquette之前所飾演的電影我還真是不太熟悉,
比較有印象的相信就應該是1994年Ed Wood
Congratulations Alejandro González Iñárritu!You're a Genius!
早前於一篇看後感中我就曾經講過,你的名字勢必會在影史上留下一筆
Birdman亦肯定會成為近年最具話題及爭議性的電影!
希望你在往後的日子能夠再為觀眾帶來無限驚喜,繼續震撼整個影壇。
工作方面,與公司三位新同事相處都尚算融洽,
不過我那位惹人討厭的師傅就如常地到處點火和生事,不停給我添麻煩!
都已經活到這個年紀了!還經常要一個後輩幫你擦屁股!哼!真是羞家到極!
新年期間,食店紛紛收爐,外面有如一個死城,無啖好食!
因此小弟就唯有親自下廚!在這兒,不如又和大家分享一下我的新年大餐吧!
我本身不是很喜歡吃蘿蔔糕,但適逢新春佳節就吃幾件來應一應節吧!
玫瑰鼓油靚雞飯 + 十分足料西洋菜湯,非常豐富的開工晚餐!
賀年宵夜大放送:碧綠帶子珊瑚蚌!帶子夠鮮甜,珊瑚蚌夠爽口又夠彈牙!正正正!
鮑魚和海參這兩種名貴食材到底可以怎樣配搭?
花膠海參炆冬菇配生菜底?即食鮑魚撈麵?
最終,牠們就通通都跳進我媽媽的佛跳牆裡去……

掃貨!掃貨!掃貨!補倉!補倉!補倉!阿信屋果真是一個美食天堂啊!

最近公司附近的平價超巿終於都將本人最愛喝的飲品YOU.C1000重新上架,
那我就當然不會放過這個大好機會把它們盡掃回家吧!

除了一堆戰利品之外,還有姑姑、朋友和同事買來的珍貴手信……
介紹完我的「新春飲食之旅」後,又和大家分享一下我的「二月飯局」吧!
今年情人節我和姑姑跟往時一樣都是各自在工作中渡過!
不過前陣子我們就去了沙田一間有名的日本拉麵店用餐,就當是補祝Valentine's Day吧!
相約多時的中學好友飯局終於都成事了!
這間位於旺角兆萬中心9樓的日式放題才剛開業不久就經已吸引了大批食客捧場!
我自己就已經先後帶過多位朋友光臨此店,個個吃完都讚不絕口!
哈哈有機會我再和大家詳細的介紹一下這間食店吧!裡面的食物真是相當值得推介!
轉眼間,龍、Alan就已經成為了別人的好丈夫和好爸爸,
就剩下我和Jimmy兩個未婚男子,時間真是過得很快!
在這兒,我衷心祝願你們在新一年一帆風順、健康幸福、
家庭和睦、生活美滿!並祈望我們這份友誼可以一直延續到老。
正所謂「滾死不離三兄弟」,提到老友又怎能少了輝哥和文峰老弟的份兒呢?   

另外,最近在公司附近就開了一間名叫快炒的炒粉麵飯外賣店,
我自己就先後試過他們的唐人街炒飯和意大利蕃茄海鮮意粉,
真是意想不到的好味道!以後吃下午茶或晩飯又多一個新選擇了!
 

最近本Blog的瀏覽人次突然瘋狂飆升,
原因是有天我在某討論區開了一個主題,
名叫「唱歌機器失靈:細數李克勤、林志炫的感人演繹」。
顧名思義,就是要替這兩位歌手作出一次大平反!
坦白說,一開始我並沒有預料到這個話題可以引起如此大的迴響,
更萬萬想不到這件事最後竟然會「推到上報」!
就這樣,我一些塵封已久的克勤、林志炫樂評就因此而得以重見天日!
至於李克勤和林志炫到底是不是一部唱歌機器?
個人的見解是……有沒有感情、感不感動,這種感覺從來都是很個人!
於我的立場而言,聽一個歌手唱歌就只有音準、拍子和氣息是有一定的準則和標準
老實說,作為一個專業的歌者,如果連這些最基本的要求都未能達到的話……
那麼你們還跟別人談什麼感動啊?再者,不同年代就有不同年代的演繹方式,
在我心目中音樂從來就只有好不好聽,並沒有老不老套這回事。
就像現時華語樂壇流行亂耍花腔、轉音多多、真情流露,一切都以感覺行先,音準為次!
字正腔圓是一種罪,沒呼吸聲就會被形容為是一部機器,不夠「人氣」!
對於這種潮流,我只能說,若將現時最流行的歌手如周杰倫、
陳奕迅、方大同等人放在80、90年代初,那麼他們的唱腔和演繹方式就一定會惹人非議,
情況就如現在的林志炫和李克勤一樣,都會被那一代的人當成怪物般看待。
不說大家可能不知,我當初之所以會有開Blog這個念頭,
其中一個主要原因就是為了將林志炫的好歌推介出去!
記得有位Blog友曾經說過:「喂為什麼你連寫篇影評都硬是要將林志炫牽扯進去呢?」
我承認,為了要讓更多人認識到這位好歌手,有時候我的宣傳方法真是層出不窮、無孔不入!
不過可惜的是……無論我怎樣賣力去宣傳,在香港就始終沒有多少人對他的音樂感興趣
反而在台灣和內地就不時會有人轉載我的文章來作討論!
我曾經在台灣的PTT和內地的天涯論壇、百度貼吧看過我的文,
也因為這樣而認識到一班來自台灣、內地、新加坡和馬來西亞的炫迷,
後來還跟他們成為了好朋友!此外,最令我驚喜的是……
原來就連林志炫本人也曾經因此而到訪過小弟的寒舍!
哈哈哈哈真是「有炫千里能相會」!這種感覺實在是太奇妙了!
為什麼我會那麼欣賞林志炫這位歌手?
一是因為他的內斂,二是因為他那種好學不斷、精益求精的精神,
三是因為他對歌唱事業的那份尊重、執著和堅持。
先談內斂這個部分,志炫的歌聲優美清亮,高音娓娓道來,字字鏗鏘……
他的演繹聽起來似是清清淡淡,但卻在不知不覺間……
將人們那些躲藏在心底裡面多時的痛苦回憶全都挖出來。
我常說,聽他的情歌就好像感冒一樣,是很難「斷尾」的!
那種痛並不是一剎那,而是慢慢鑽進你的心裡…… 
再來就談談他在歌唱上的用功,坦白說,志炫的先天條件其實並不算很好
他的聲帶偏薄、偏細、欠厚度,大大限制了他的發揮空間,
不過他就憑著後天不斷的努力成功突破舊有框框,
更開始嘗試挑戰「沒離開過」這類音域極為闊廣的歌曲。
最後再談談他對歌唱方面的態度,當年一首「單身情歌」讓志炫紅遍整個大江南北,
不過向來對作品質素甚有要求的他就拒絕成為一個罐頭歌王,
到後來他還因為一首「離人」而跟當時所屬的唱片公司鬧翻!
於是他在一怒之下就決定跳出來自組公司,正式開始獨立製片的生涯。
說真的,在這個競爭激烈的商業社會上,又哪有獨立製作人的生存空間?
你沒錢找人寫歌,沒錢租高級錄音室,沒有合適的發行管道,更不會有人替你宣傳!
你來來去去都是改篇和翻唱別人的作品,就算你演繹得再好,複製品始終是複製品!
要知道,再好的歌手,沒有好的作品,最終都只會是曇花一現。
不過這也是很正常的!沒有錢,別說是周杰倫,就連周柏豪都不會給你寫歌!
此外,你還需要靠演唱會和一些商演賺來的錢去維持整間公司的運作……
我覺得這就是志炫在後期人氣突然急速滑落的主要原因
你說,一個為了堅持自己理想而不願向生活妥協的歌手,
一個為了治好鼻竇炎而選擇冒險去進行開刀手術的歌手,
一個為了保持聲線完美就連一杯冰水都不會碰的歌手,
無論你認不認同、欣不欣賞,我認為都很值得大家給他一個讚!

 

說了那麼久,不如又和大家分享一下林志炫和李克勤一次絕無僅有的合作吧!
 


談起好歌手,最近,本人頗欣賞的女歌手李佳薇就終於登上了《我是歌手》的舞台!
其實由該節目的第一季開始,我就已經十分期待李佳薇的出現!
但想不到她竟然就要等到第三季才有機會上台和各歌手競技……
而最終這位馬來西亞鐵肺女王雖然就以一票之差位列A-Lin之後抱憾出局!
但可幸的是……儘管她在這個舞台上只是一閃而過……
不過,她在比賽當晩的精彩演出就成功贏得一眾樂迷的擊節讚賞!
希望經此一役之後她可以獲得更多機會去展現其超凡的歌唱魅力吧!
我始終認為……像她這樣的好歌手、好聲音,是應該要讓更多人聽見的。

寫完戲經、食經、歌經,又寫寫波經!踏入2015年,利物浦的氣勢真是鋭不可擋!
自敗給皇者獌聯之後,球隊很快便成功收復失地,並且越戰越勇,
他們除了先後撃敗曼城、熱刺、修咸頓等前列隊伍之外,更將聯賽不敗紀錄增加到11場。
球隊重回正軌,一眾球員亦重新找回自信!
在手刃藍月亮一役當中,有多位球員的演出都叫人眼前一亮,
而其中古天奴和軒達臣兩球有如足球小將上身的「世界波」
就更稱得上是技驚四座!同時也印證了他們苦練的成果。
另外,狀態越來越好的袓阿倫在該仗的世界級表現,也讓一眾利迷倍感安慰。
人類已經無法阻止開竅後的古天奴!在經過一段時間的沉寂之後……
來到季中,這位巴西魔術師靈氣再現,狀態全面復甦,更為球隊貢獻了多個重要的入球和助攻。
希望古仔可以保持著這股勇態帶領紅軍繼續前進吧!GoGoGo
被視為下任隊長的熱門人選,軒達臣決定以行動打破大家對他的疑惑!
為了提升自己的表現和催谷體能,他經常都會留在Melwood訓練場額外加操,
並且在場上一再證明,他是絕對能夠勝任隊長這個位置的!
也印證了一句話,就是:「只要你夠努力,凡人其實也不一定會輸給天才。」



當大部分球迷正在不斷抨擊和看貶祖阿倫的時候,
我就一直堅持自己的立場!不信大家可以翻查我的舊文!
我一直都堅信祖阿倫在將來一定會成為利物浦陣中一個不可或缺的無名英雄!
他的護球能力極強,在中後場的串連工作做得十分出色,
特別是現時隊中的唯一正宗防中盧卡斯還在養傷,他的作用就顯得尤其重要。

自阿蘇走後,年紀輕輕的史達寧就成為了紅軍的進攻重心,
從突破、組織到攻門,大部分時間都均由他一手包辦。而在王牌射手史杜歷治受傷缺陣之下,
他就更要肩負起球隊的入球重擔,所承受的巨大壓力真是可想而知。
所以,我認為我們一眾利迷應該給予這位90後年青人一點時間和耐性讓他成長!
此外,亦希望球隊與他的續約風波可以早日平息,因為他和古天奴都是利物浦未來的重要資產。
史杜歷治在傷癒復出後的首場賽事便立刻取得入球,
充分展示其驚人的射手觸覺和把握力,不過他的比賽狀態就依然有待提升。
若要成才,先放雪櫃!經過一輪冷凍之後,破冰重生的米奴列果真是脫胎換骨,
還成功協助球隊創下29年來連續5場作客不失球紀錄,實在可喜可賀!

門神全面歸位,巴神又何時才能正式解凍呢?我熱切期待這天的來臨!
利物浦今季利用蘇亞雷斯那筆巨大的轉會費一口氣簽入九位新兵,
可惜他們在季初踢出來的表現就令人大失所望,
球隊更因此而被外界一致看衰他們將會步上季熱刺的後塵。
不過,在經過一輪調整和適應之後,一眾新兵的狀態就開始陸續恢復過來,
而其中德國小將安利簡的表現就更令人刮目相看!
這位年僅21歲的通天老倌踢法成熟穩重、沉著冷靜,甚有領袖風範。
從他身上我看到了基迪拉、波歷克、巴布和馬圖斯等德國名將的影子,
足見其無限的潛力。坦白說,只需花975萬磅就能覓得如此猛將,果真是物超所值!
外型俊朗、踢法瀟灑的拉蘭拿加盟利記不久便迅速成為一眾香港女利迷眼中的新寵兒
而這位靚仔亦沒有辜負球迷的期望和支持,每次落場都必定會拚盡全力……
一再用表現來證明自己並不是虛有其表!左右腳皆能,技術又十分全面的他……
既擁有麥馬拿文秀麗純熟的腳法,同時亦擁有古治那份打不死的拼搏精神!
我認為在利物浦隊中,就以他和祖阿倫最適合領隊羅渣士現時的戰術體系。
與拉蘭拿並稱「前修咸頓孖寶」的域奇林拔在加盟後雖然沒有得到太多上陣機會,
但作為球隊的後備殺手,他每次落場就還是交足功課,做好本分。
在今個冬季轉會窗,力爭護級的QPR、阿士東維拉都表示希望羅致這位射手,
不過林拔經過慎重考慮之後,最終就選擇留在晏菲路繼續打拼。
說真的,我自己就當然十分希望林拔可以在利物浦一直踢至掛靴,
因為這樣,他的感人勵志故事才能得以延續下去。
若單計足球智慧這方面,我認為在隊中能夠跟古天奴並駕齊驅的就只有馬高域一人!
記得這位塞爾維亞新星在季初那種Hea過Hea碧的踢法曾令我一度對他失去信心……
不過幸好其後他就漸漸適應了英超的比賽節奏,其足球天賦亦慢慢得以呈現。
速度有如風馳電掣的西班牙左後衛艾拔圖摩蘭奴,
他在英超初登場雖然表現失準,不過其後很快便漸漸回復應有水平。
而他在作客大勝熱刺所射入的那一球電光火石的「絕頂金球」
就不禁讓我想起前利物浦重炮鐵閘懷斯。
老實說,我認為摩蘭奴的速度和體能均屬世界頂級水平,
不過其位置感、判斷力和舞技就真是有待磨練。
安利簡、拉蘭拿表現可人,馬高域、摩蘭奴逐漸上力……
林拔和文基路雖然上陣不多,但就依然表現稱職,而巴神亦開始有復甦跡象……
在眾多位新兵入面,除了仍在里爾的奧歷治之外,如今就只剩下路夫蘭一人還在等待發酵……
在季初,我們利迷每次只要看到首發陣容入面有路夫蘭,就必須要準備個平安鐘和幾箱救心!
不知道是適應問題還是八字問題,路夫蘭每次正選落場都是撞板多過食飯,
就連射十二碼都會一飛衝天!那種荒失失和手忙腳亂的醜態,
就不禁讓我想起當年史譚在加盟獌聯初期亦曾經出現過類似的情況……
希望路夫蘭在往後的日子能夠盡快重拾信心,並向所有人證明自己的身價和質素
努力啊Dejan!利物浦的最後一道防線就靠你和沙高、史基泰爾好好守住了!

「他擁有史杜歷治的身型、史達寧的速度。」謝拉特曾經這樣形容過佐敦艾比。
作為利物浦在今個冬季轉會窗的唯一一項重要收購」,
艾比很快便憑著其高速的盤球技巧和過人的膽識嶄露頭角,
並以實力證明自己絕對是英超甚至是世界球壇的潛力股。我深信在未來……
他和史達寧、史杜歷治、奧歷治、沙高、巴神和奧祖所組成的這股「晏菲路黑色力量」
將會成為一眾英超後防和講波佬(尤其是和仔和大哥瑜)的惡夢。
前進吧渣哥!還有12場決賽正在等著你!
忘記歐霸出局的傷痛,帶領利記繼續再創高峰吧!加油啊!
踏入羊年,利物浦的喜事真是一件接一件!
想不到失散多年的Gerrard Family(跟哪一位姓好呢?)
來到今天終於都一家團聚……實在是太感人了!
據西媒《阿斯報》報導,隊長謝拉特的告別賽將於3月29日於晏菲路球場舉行
屆時眾多位前紅軍球員將重返利物浦獻技,當中就包括費蘭度托利斯、
連拿、懷斯、沙比阿朗素、馬斯查蘭奴和蘇亞雷斯等人……
那麼到時候……摩仔便可以正式跟自己的「親生父母」相認了!哈哈哈哈哈~
各位,知道年初一踩狗屎是代表什麼嗎?
呵呵呵看來今年我是注定要行狗屎運了!
嘻嘻看看!我不用出去拜年就已經有如此豐富的收穫!
而今年公司的開工利是亦由往時的$300加碼至$500!
在上星期我還非常罕有地到馬會買了一張六合彩!
不過呢我自己就向來都沒有什麼橫財運,也從不強求!
說句心底話,我今年的新年願望其實真的很簡單,就是希望我自己、
我的家人、女友、朋友和貓貓大家都身體健康、快快樂樂、一切平安!
至於我和姑姑的感情就繼續無風無浪、長長久久…… 
和一班好友友誼永固,工作順順利利,小人通通遠離我,那我就滿足了!
另外,也希望近日在香港所發生的種種問題能夠早日得到解決!
很老實說,水貨客橫行、濫用綜援、隨地大小便、搶福利、搶物資…… 
這些問題絕對不是一朝一夕的事情!正所謂「冰凍三尺,非一日之寒」……
當年,董建華這個始作俑者將香港人和大陸人齊齊放落油鑊,
然後若干年後,偉大的梁振英不但沒有化解這場紛爭,
更火上加油推出一系列維穩政策,嚴重激化兩地民眾的對立情緒!
直到現在,中港矛盾已經到了一個一發不可收拾的地步!
所以我認為禍港禍民的「一簽多行」必須叫停!
不然的話就只會引發更多巿民上街遊行!別再跟我們說什麼包容!
人與人之間應該互相尊重,你不尊重我,難道我還要跟你說感恩嗎?
隨地大小便明明就是他們的錯,如果你們看到還不站出來糾正他們的話,
那不是包容,是縱容!老懵董、689,事情發展到如此地步……
我只能說,你們真是功德無量啊!真是非常感謝你們的大恩大德!
因此在這兒,我先祝董生在新一年每天都龍精虎猛、身壯力健,努力活到78歲!
然後我再祝689先生的愛女齊昕在娛樂圈發展順利,早日星夢成真!衷心祝福你們。
最後,我還要在此預祝我的好朋友Sandy新婚快樂、早生貴子!Congratulations!
好!眼瞓!收筆!早抖!Bye ByeZzzzzzzzz

193 則留言:

  1. 學會享受寂寞 ,是有深度的人才懂的.
    除了叮噹 ,其他都有看, 尤其Eddie Redmayne, 在看霍金一片時,就知道小金人非其莫屬 ,果然 !
    早就說了, 出賣香港的, 正是某些所謂的"愛港之人"! 爛人!

    回覆刪除
    回覆
    1. 經歷過複雜嘈吵的生活,才會懂得享受寧靜的每一刻。

      刪除
  2. Coco好靚貓,祝你貓肥屋潤

    回覆刪除
  3. 隻貓表情好嬌, 若是大戲院滿座更感熱閙!

    回覆刪除
    回覆
    1. 佢做緊戲咋!轉頭就咬我了!嗚嗚~

      刪除
  4. Happy New Year~貓貓好cute~多啦A夢好好睇~

    回覆刪除
  5. 的確 , 叮噹 / 大雄真的伴著我們成長 , 載滿著不少童年回憶 !!

    回覆刪除
  6. 「叮噹呀~誰都喜歡你~小貓也自豪~」大家可能係由細睇到大呀, 回味...

    回覆刪除
    回覆
    1. 還是比較喜歡叮噹這個稱呼!

      刪除
  7. 狂兄,羊年快樂!每逢新春佳節就是我們最繁忙的時候啦!

    回覆刪除
    回覆
    1. 《多啦A夢》除了是今年賀歲之冠,更成功打破《午夜凶鈴》保持了十六年的日本電影在港最高票房紀錄。此片更以開畫首日大收三百三十萬港元,成為最高開畫票房日本片,比第二位的《崖上的波兒》多近九十萬。

      刪除
    2. 對啊徐大導!別人的假日就是我們加班的時候啦!

      刪除
    3. 叮噹的票房真是令人鼓舞!

      刪除
  8. 這篇又一樣的精彩無倫,想問寫要多長時間和是否一寫到尾?謝謝分享!

    回覆刪除
    回覆
    1. 這篇算短了!前前後後大概花了兩小時左右吧!

      刪除
  9. 一切終將歸於平淡,能享受平淡的生活,是幸福的。

    回覆刪除
  10. 無論卡通版或現實版的叮噹與大雄,我都送上你們真誠的祝福!願大雄你不開心的內心世界快快轉化開心的的天地!慈愛的嫲嫲我祝福你!

    回覆刪除
  11. 還未有空去看叮噹,希望不會喊:P
    Patricia Arquette勁鍾意睇佢主演的鬼線人
    btw,還是比較喜歡有變化的歌手,至少快歌慢歌都要handle到,是最基本的要求;個人不太喜歡唱首首歌都一模一樣的歌手,實在太沉悶了,當然你也可說是風格一致,但我就麻麻地....

    回覆刪除
    回覆
    1. 還未落畫啊!要看就要快了!XDXDXD~

      刪除
  12. Teddy, 我雖然甚少看電影,但從你的網誌中,對電影增加了認識。真的想不到,一齣卡通動畫,竟然能夠在眾多影片中脫穎而出!你的網誌內容詳盡,文筆流暢,插圖風趣幽默,我給你一百個 LIKE !羊年復始,萬象更新,祝你及府上各人身體健康,萬事勝意,還有跟你感情挺好的姑姑,幸福快樂!

    回覆刪除
  13. 新年快樂!
    我而家仲睇緊 Patricia Arquette 套 Medium 呀 (又重播中), 佢今年有套新電視劇 CSI Cyber
    音準, 字正腔圓, 羅文就係好例子啦, 不過之後人就覺得佢老土啦

    回覆刪除
    回覆
    1. 羅文絕對是粵語歌壇的最佳典範!

      刪除
  14. 這都是我打算要看奧斯卡電影, 尤其是Stand by me, 還有, 明天要看的<解碼遊戲>.
    祝Teddy羊年進步, 身體健康!

    回覆刪除
  15. 最鐘意睇你寫大集匯,好豐富好有娛樂性!!

    回覆刪除
    回覆
    1. 呵呵~其實我也寫得很開心啊!

      刪除
  16. 好多朋友睇完叮噹都忍唔住流淚 , 情懷只可以變成回憶呢~!!
    祝你羊年身體健康 , 工作順利 , 嫲嫲早日康復~!!

    回覆刪除
    回覆
    1. 為何會感動?因為我們再也回不了昔日的純真年代了!

      刪除
  17. 大哥新年快樂,咦?點解唔見利記段大事回顧嘅?
    我諗所有八十後睇完多啦A夢之後都肯定會想流馬尿,除非你係個冷血嘅人。

    回覆刪除
    回覆
    1. 本身只係想寫一兩段,點知一寫就收唔到手,所以......有時間先再補上,麻煩你等等!

      刪除
    2. 正!真係好鐘意睇你寫利記長文!

      刪除
    3. 因為大家都是死忠利迷嘛!

      刪除
  18. 新春愉快,心想事成!
    你寫的內容很豐富呢

    回覆刪除
  19. 好犀利ar你~D文竟然可以遊走世界各地~~仲因為咁而識到朋友~~
    btw每次睇到你個blog d 食物相都會覺得好肚餓~~

    回覆刪除
  20. 講左九百幾次都仲未帶我去間日本放題!

    回覆刪除
  21. 你好, 貓貓都好啊? 祝你好運連連, 身體健康, 想咩有咩呀?
    戲我好少睇, 但林志炫和李克勤的歌聲就一流喇! 謝謝分享!

    回覆刪除
  22. 或者,今年農曆年,我已經入了戲院3次,但想分享,都是這隻貓,我想最TOIUCHING那段一定是大雄在雪山救靜宜(靜香)那段.
    http://blogcity.me/blog/reply_blog_edit.asp?f=YFP7GITUOH239628&id=706172

    回覆刪除
    回覆
    1. 令我最感動的是叮噹臨走前不停細數大雄缺點那一幕!

      刪除
  23. 祝你新年快樂!萬事勝意!身體健康!
    又一篇精彩資料豐富的網誌,謝謝分享!

    回覆刪除
  24. Time Is Changing新年快樂呀!我都睇咗Stand By Me 多啦A夢,因為保全叔嘅關係,所以睇到多啦A夢最後話佢要走嗰度真係俾佢感動到喊咗出嚟,呢啲童年回憶真係多多錢都買唔到㗎!多啦A夢,林保全先生,藤子.F.不二雄先生,多謝你哋。

    回覆刪除
    回覆
    1. 真的非常感謝他們為我們留下那麼多美好的回憶。

      刪除
  25. 祝你羊年開懷笑,洋洋得意步步高,吉祥如意身邊繞,健康幸福不會少。

    回覆刪除
  26. 《STAND BY ME》係大家的集體回憶!

    回覆刪除
  27. 我都好內疚, 太忙沒有時間和貓貓玩呢!!!

    預祝元宵佳節開心快樂!

    回覆刪除
  28. 雖然稍稍遲,十月也是拜年時...
    恭喜Teddy,迎羊得意,稱心如意,健康快樂,萬事勝意!

    回覆刪除
  29. 港人平時努力工作, 新年一定收鋪休息.

    回覆刪除
  30. 晚安小子,你段多啦A夢影評寫得好感人,睇到我有D眼濕濕.

    回覆刪除
  31. 我都有睇叮噹同埋霍金~~
    新年快樂啦~祝你身體健康~

    回覆刪除
  32. 羊年吉祥!恭祝闔府康和!事事順利!
    Teddy 對林志炫的喜愛和推崇真的令人感動。我也很喜歡聽他唱的歌。

    回覆刪除
    回覆
    1. 謝謝相當有品味的阿姨!哈哈~

      刪除
    2. 過獎了!祝好運連連,蜜運康和。

      刪除
  33. 迪哥,林志炫呢d咁高class既歌手..而家d人邊樹識聽架?
    佢地淨係識將爆袋迅呢個超級爛聲王捧上天架咋!

    回覆刪除
    回覆
    1. 我只能說,各有長處,各有不同的演繹方式,都是好歌手,無須刻意去作比較。

      刪除
  34. 祝好友*•♥開心快樂♡*¨`*•ღ 元宵節❤

    回覆刪除
  35. 靚仔新年快樂呀!
    我年年新年都會差唔多睇晒所有戲, 但今年堅無咩興趣, 除左叮噹外, 佢喎!我實睇!喊死人咩!

    回覆刪除
  36. 生活實在太多點滴的事情要記下, 用心去記的話,真係可以寫多幾篇...
    再祝你身體健康, 日日平安...

    回覆刪除
    回覆
    1. 所以才要將它們一一記下來給未來的自己看。

      刪除
  37. 一早就知你個689土共唔會幫香港啦!唔單只唔幫仲想擴大一簽多行,實行溝淡本土人整沉香港!所以我支持梁齊昕繼續發花癲,皆因佢可能係全港唯一一個可以整瓜689既人。

    回覆刪除
    回覆
    1. 我也支持香港最後武士齊昕繼續發花癲!

      刪除
  38. 狂兄、睇你這編精彩嘅「talk east talk west」文章真係心花怒放。我還發現你煎嘅蘿荀糕認真靚到唔知點形容囉!

    回覆刪除
    回覆
    1. 很靚嗎?我覺得賣相很醜呢!XDXDXD~

      刪除
  39. 作者已經移除這則留言。

    回覆刪除
  40. Teddy 兄,
    好文章,
    來自美好生活呢。
    誰不是大雄,
    但一定會有很多叮噹嘅。
    祝你
    天天開心!

    回覆刪除
  41. 羊年快樂!祝你喺新一年乜都好!最緊要係身體健康呀!

    我覺得我是歌手呢一季會飆高音嘅歌手實在係太多啦!又韓紅又孫楠又A-Lin又有靚穎,而家靚穎出咗局,仲要嚟多個譚維維..再加上李佳薇今次係以踢館歌手嘅身份嚟參賽,而佢又冇譚維維咁有後台..所以上集為咗保住孫楠咪唯有犠牲佢囉!真係陰功!不過唔知係整容定係化妝問題呢?佢忽然間靚咗好多好多好多..

    睇到自己嘅文章喺世界多個地方比人傳閲,嗰種滿足感一定好大,我真係好欣賞你對林志炫同李克勤嘅嗰一份堅持同執着..我都好認同你所講,感唔感動呢啲嘢從來都係個人感受,
    就正如好多人話側田同張敬軒唱歌好有感情,但我就反而覺得佢哋有時真係too much!
    仲有,如果論唱功同處理聲音方面,我認為林志炫真係世界級,不過有時我就嫌佢太過份追求完美,搞到成件事有D失真。

    回覆刪除
    回覆
    1. 我覺得咬字始終係林志炫最大嘅弱點,佢習慣鐘意一粒粒字咁唱出嚟,所以畀人個感覺就唔係好連貫,同埋佢嘅歌路真係算窄,唱唔到一啲feel style嘅野!

      刪除
    2. 李佳薇、徐佳瑩、蕭敬騰同楊宗緯係我近十年我最欣賞嘅四位華語歌手。但李佳薇同楊宗緯條路就好似比較難行啲!仲記得當日李佳薇參加嗰個乜嘢垃圾最強音畀陳奕迅cut歌,仲畀羅大佑批評到體無完膚!跟住我以為佢哋會選個好巴閉嘅人出嚟啦!點知到最後佢哋就竟然選咗一個油腔滑調嘅爛聲王做冠軍!當時真係睇到我O哂咀!

      真心希望李佳薇可以好似楊宗緯咁好好利用我是歌手呢個舞台去證明自己!講真,單以唱功嚟講,佢根本就已經係歌后級數!

      刪除
    3. 但聽聞佢喺突圍賽已經失敗咗,連基仔同阿Kit都係,復活嘅係李健、譚維維、斌斌同韓國佬,唉,真係好憎條譚維維,又臭串又煩,個經理人又柒,而家有後台大哂咩?

      刪除
    4. 但平心而論譚維維今場又真係唱得唔錯,畀佢突圍都算合理!

      刪除
  42. Happy Chinese New Year。。。^^。。。睇完Doraemon哭了兩次。。。><。。。

    回覆刪除
  43. 狂小子羊年快樂
    你冇去睇校長個演唱會咩
    定係只㑰未寫觀後感

    回覆刪除
    回覆
    1. 買唔到飛呀!嗚嗚~一龍兄你睇咗邊場(正確啲講係......你睇咗幾場!哈哈~)呀?我覺得買到張學友做嘉賓嗰場嘅觀眾真係太幸運喇!我睇YouTube有人放咗啲片上去,佢唱霧之戀實在係超超超好聽!

      刪除
    2. 第四場嘉賓張學友 - 霧之戀
      http://m.youtube.com/watch?v=PUz_R6_Xr0U

      刪除
    3. 2月23日果場 嘉賓謝霆鋒
      佢一solo我即刻去toliet

      刪除
    4. 哈哈~咁我寧願聽謝霆鋒都唔想聽五月天個阿信!

      刪除
  44. 二月食左唔少好野喎~
    祝你羊年行大運,什麼都健康~~

    回覆刪除
  45. 謝拉特紀念賽古治亨利巴哥都會出席。另外占士米拿好似已經落實左下季加盟我軍,佢做sub一流,走位好機動,來同 Ibe 輪換,中中有人傷左又可以頂。免費又人工唔太貴,我都好期待。

    回覆刪除
    回覆
    1. 占士米拿真係非常啱利記而家種打法!不過我覺得以球會近年嘅作風就唔似會買佢!

      刪除
  46. Juilianne Moore was VERY accurate in Still Alice!!

    回覆刪除
    回覆
    1. 其實佢早就已經係影后級數,只係差一個重量級獎項去證明畀所有人睇!

      刪除
  47. 新年快樂!!睇Moreno個樣好似cool cool咁,估唔到性格原來咁cute咁盞鬼!!CAN絕對係繼Hyypia之後一次最成功嘅收購,一個球員差唔多乜位都打得,仲要打個個位都可以打出水準,而且又有領導能力同感染力,呢單交易真係抵到爛!!同埋如果以現時狀態嚟計陳仔一定好過而家嘅Khedira多多聲!好鐘意你用破冰重生嚟形容米仔,信心對一個守門員真係非常重要!!希望承你貴言下一個就輪到巴神ONFIRE啦!!我都好期待隊長場告別賽呀!好掛住XABI,王子,Pepe同阿蘇!

    回覆刪除
    回覆
    1. 所以啲人成日話渣哥啲眼光唔得,其實真係要再睇定啲!我始終認為佢喺激發球員潛能呢方面真係有一手!

      刪除
    2. 謝拉特紀念賽最新update名單(1):連拿、芬倫、希比亞、艾加、懷斯、馬斯仔、沙比、王子、阿蘇、科拿、加歷查、杜奧巴、亨利、泰利,當然仲有謝拉特本人啦!

      刪除
    3. 謝拉特紀念賽最新update名單(2):

      謝拉特隊:
      Jones
      Warnock - Terry - Riise
      Xabi Alonso - Nolan - Gerrard
      Henry - Suarez - Torres - Babel
      加歷查隊:
      Reina
      Kelly - Carragher - Arbeloa
      Garcia - Meireles - Shelvey - Noone
      Kuyt - Drogba - Bellamy

      刪除
    4. 嘩!正呀!有我嘅男神美利拉斯!!

      刪除
    5. 其實一切都仲未確定,仲要睇多一排先!

      刪除
  48. 祝 Teddy, 年頭Chok 到年尾,我欣賞林志炫歌聲好有感情...完美,多啦A夢回憶伴著我們成長....!

    回覆刪除
    回覆
    1. 謝謝Yuen!好高興又覓得一位知音!

      刪除
  49. 迪哥哥,我又見到我最鍾意的貓貓了............

    回覆刪除
    回覆
    1. 呵呵~因為CoCo係我Blog嘅最大招牌嘛!

      刪除
  50. 我想很多人看叮噹哭了, 是因為很多我們熟悉的東西消失了, 迎著來的, 是一個我們不太認識的環境.

    回覆刪除
    回覆
    1. 世界越來越污瀆,純潔自然就開始變得罕有。

      刪除
  51. 新年快樂,祝你身體健康,和女友感情到老。其實我也曾經在其他地方的網站和Facebook看到有人轉載你的樂評影評球評文,還不下於一次,當中就以林志炫最多,也許是因為香港幾乎都不會有介紹他的網站,所以你的介紹就成了香港區的權威了。能夠從這種途徑覓得良朋,真是妙極妙極。哈哈。

    回覆刪除
    回覆
    1. 無名兄,這就是我當初開Blog的主要原因!

      刪除
  52. 靚仔靚貓新年快樂ar~~嘩~見到好靚既羅白糕好想食一塊~見到你個油雞飯同兩大碟刺身已經流到口水滿地~又係一篇極邪惡ge blog~~~

    回覆刪除
  53. 利記每次打曼城一定係精彩連場同特別多靚波入,好有高手過招feel,
    古仔軒仔剃刀、猛虎、滑翔衝力射球盡出,睇得一班球迷血脈沸騰!

    以前我就已經覺得,古仔呢位小朋友好靈巧,又有足球智慧,傳送又到位,
    如果仲有埋射術咁佢就已經可以成為一位世界級球員,
    仲記得上季對候城佢一扭五好似美斯上身咁,只係衰在臨門一腳唔識把握,
    但今季睇到佢真係有好明顯嘅進步,射波好有勁度,仲可以左右腳開弓,
    最近佢所嘅幾個金球就可以證明一切!佢已經向世界級球王呢個位置邁進一大步,
    得22歲,仲有排玩,希望佢努力,最重要係球隊一定要出盡力留住佢,
    如果年年D人一打起就走,年年又要再磨合一次,呢種情況真係好唔健康!

    回覆刪除
    回覆
    1. 我反而覺得利記真係好應該向馬體會學習下!年年走一兩個主力都可以一路keep住個勢!

      刪除
  54. 你的新年 DIY 大歺好正啫 Vs 賀年手信也好丰富吖 ^^

    回覆刪除
  55. 好想知間日式放題響邊,等你ge介紹ar...

    回覆刪除
  56. 回覆
    1. 我有睇過套戲,講母子亂倫嘅!

      刪除
    2. 戲名叫Savage Grace,2007年嘅作品。

      刪除
  57. Bondi新年快樂,祝你和女友繼續甜甜蜜蜜、身體健康、工作順利。

    回覆刪除
  58. Keep住個勢,前四足總盃冠軍不是夢!

    回覆刪除
    回覆
    1. 我唔貪心,只但求利記拎到歐聯入場卷同一腳踢獌狗出前四我就滿足!

      刪除
  59. Time Time新年快樂!我諗其實一提到 勤勤ge碟評好多人第一時間都係會諗起你la!

    回覆刪除
    回覆
    1. 咁只係因為唔多人寫啫!哈哈~

      刪除
  60. 我始終無去打叮噹呀, 因為我怕會喊到豬頭咁, 我唔捨得呀...>.<
    貓貓好可愛呀, 個樣好嗲人~~
    今屆奧斯卡因為仲未落機所以無得睇, 但我都為超級綠葉J.K. Simmons得獎開心呀...

    回覆刪除
    回覆
    1. 我覺得眼淺嘅人睇完一定會喊!

      刪除
  61. 多啦A夢好多人都話好好睇呢~~~
    其他嗰D~我見D網上評論都好差下呢~

    回覆刪除
    回覆
    1. 其實另外嗰幾套唔使睇評論都已經知係衰嘢!XDXDXD~

      刪除
  62. 自己友羊年快樂,馬後炮D講,
    幾欣賞渣哥之前面對毀譽參半嘅批評但就依然堅持繼續試陣..
    終於又比佢chok左個新陣出黎..而佢之前承諾會搞好防守,而家亦明顯見到成果..
    肯放底自己嘅固執同堅持,冇再重覆犯錯,呢點真係好值得讚!

    回覆刪除
    回覆
    1. 陳仔真係好正!冇記錯佢以前已經係德國U17、21隊長..
      我覺得佢比神軒更適合做領袖,真係好認同有某位利迷所講..
      佢甚至可以「新陳待謝」,取代謝拉特!
      你淨係睇之前巴神爭射十二碼單嘢就知!
      成班人入面,佢就係一個第一個埋去處理件事嘅人!

      刪除
    2. 我始終認為執著同態度都係一個頂級領隊必須要有嘅先決條件,你淨係睇下渣哥上季點處理阿蘇件事同埋佢點調教巴神,仲夠膽將米仔、古仔、祖阿倫、路夫蘭等人放入雪櫃就知佢絕非係泛泛之輩!佢只係衰在有時太過死牛一面頸,不過好彩佢最近都識認衰!有心改都仲唔遲嘅!哈哈~

      刪除
    3. 我都認同,軒仔係有火,但就仲未夠冷靜沉著!至於史基泰爾又唔夠領袖魅力!而拉蘭拿同沙高就仲未企穩正選!所以暫時睇落陳仔真係最佳人選!

      刪除
  63. 連新移民都反水貨客,100%是香港人真的要檢討一下。

    回覆刪除
  64. 其實有今時今日既成績羅渣士已經係成功
    Even第一年黎到個年第7成績唔好,
    但睇到佢帶左個大方向去改變隊波打pass and move
    之前經歷既侯利亞,賓尼迪斯,學神,杜sir,
    睇得出隊波有改變但唔算好明顯,
    但羅渣士黎度之後俾到個感覺係隊波向好既方向改變緊.....

    回覆刪除
    回覆
    1. 認同,其實侯利亞之前嘅伊雲斯都將呢套戰術執行得好成功!只可惜伊雲斯個人畀人個感覺就冇乜野心!

      刪除
  65. 希望今季利記可以拉隊死曼狗出頭四,等班4424進ㄧ步走向破產之路
    李佳薇唱功高過條八婆Gem唔只幾班,佢紅唔起完全可以睇到而家D樂迷既質素之低
    最後祝狂兄你既羊年願望可以全部成真,放長雙眼睇下689同老董兩條賣港賊幾時釘蓋

    回覆刪除
  66. 勢估唔到3D叮噹係票房冠軍!

    回覆刪除
    回覆
    1. 3000幾萬票房裡面至少有2000萬係歸保全叔嘅!

      刪除
  67. 呢套Stand by me算係多啦A夢劇場版入面
    故事交代得最完整既一次,由初次邂逅到離開:~(:~(
    將好多細個睇過既故事串連埋做一套電影 好懷念#yup#
    套戲好多喊位:-(最後喊到停唔到[sosad] [banghead]
    好彩片尾有"NG"片笑返[sosad] [sosad] #good#
    開完燈唔好急住走,最後仲有少少野睇;-)
    一開始有懷念林保全:-(無左佢都唔知以後啲叮噹電影點算:-(

    回覆刪除
    回覆
    1. 我覺得冇保全叔嘅話真係播番日文原聲仲好!

      刪除
    2. 用日文原聲班C9仲唔投訴到世界末日[banghead][banghead][banghead]

      刪除
  68. Eddie Redmayne都拎到Oscar,真係唔明點解Leonardo冇
    生得似霍金就有oscar拎:o)Michael keaton輸唔緊要
    但係輸俾個雀斑仔,輸都輸得唔服啦:o):o):o)
    OSCAR MAIN ACTOR/ACTRESS不如改名做最識扮有絕症男女主角獎啦
    影帝 上年AIDS(利申:我覺得MATTHEW值得拎)今年ALS
    影后 前2年就腦退化 :o) 今年9成9又係:o)

    btw,Julianne moore,細細個就J佢,成五十幾都咁明艷照人:P^3^

    回覆刪除
    回覆
    1. 唉~Old Batman今次拎唔到真係唔知要等到幾時!

      哈哈~Leonardo嚟緊好似會拍十二個比利嘅電影版喎!睇嚟佢真係點都要將個小金人攞到手!XDXDXD~

      刪除
    2. 再拎唔到我諗佢會痴線:o):o):o)

      刪除
    3. 到時就會正式成為積尼高遜嘅接班人!XDXDXD~

      刪除
  69. 其實我唔係幾明點解會有人話林志炫把聲刺耳
    因為我覺得佢依種聲線好圓滑好好聽,同刺耳完全扯唔上關係
    又令我諗起幾年前有人係高登開post介紹張雨生
    d人又係話好刺耳好難聽,又話佢好似俾人摙住春袋咁唱都有幾個
    所以我係到諗,無論你咩聲線都好,唔通一高音
    一有少少技術同功底,d人係感觀上就接受唔到?
    講真我真係從來都冇咁覺得所以有陣時真係唔明白:o):o)

    送禮勤唱歌真係定過抬油#good#
    另外值得一讚係一啲g,k聲母既字, 佢都處理得好好#good#
    有廣東話"粒粒清"既感覺, 但又唔會太過生硬#good#

    回覆刪除
    回覆
    1. 都係嗰句:「在技巧上無可挑剔,就唯有拿感情說事了!」

      刪除
    2. 高登而家佈滿單春怪物同埋東尼大木D死忠xx(xx(xx(xx(
      證明現今世代D廢青係鐘意男人冇春袋xx(xx(xx(xx(

      刪除
    3. 我冇意見發表!XDXDXD~

      刪除
  70. 古天奴d直線應該係歐洲屬於最top果堆[sosad]
    而家d遠射, 搵唔到邊個英超中場好得過佢,
    下下都世界波[sosad] 點救[sosad] [sosad] [sosad] [sosad]
    英超d中場無腳法可言....佢巴西腳法基本上玩晒...
    奧斯卡係同鄉...但論腳法古天奴好d[sosad]
    仲有d意識同埋頭腦....英人根本完全比唔上[sosad]
    仲要勁後生...五年後應該勁到痴晒線[sosad]

    摩蘭奴好可愛#love##love#一早約定史獨跳舞 #love##love#
    https://www.youtube.com/watch?v=k6cSGZJ5KZk

    回覆刪除
    回覆
    1. 哈哈~段片超正!不過我覺得利記終有一日都係會留唔住古仔同史達寧㗎喇!始終效力皇馬同巴塞先係大多數球員嘅終極目標!

      刪除
    2. 史達寧5000萬英磅即放啦仲洗諗
      呢條友一睇就知養唔熟xx(xx(xx(xx(

      刪除
    3. 如果5000萬英磅就真係放得過!只要唔好放畀英超其他球會就得!

      刪除
  71. 經歷左咁多年理性和平戇鳩唱歌靜坐,搞左d咩出黎:o)
    佢班友唔好以為仲有好撚多時間比你搞咩理性抗爭
    政府每日放150人同綜援加碼,唔使講都知咩事
    把刀斬到埋身,你同我講要理性唔好錯殺無辜:o)
    如果有人仲以為香港死期仲設50年不變限期到,
    你都係快撚d再投胎啦,生到咁撚蠢:o):o):o)

    踢一踢d貨,整到個細路喊(仲要因為佢老母先喊)都已經可以扯到ISIS#good#
    香港道德水平高撚到[369] 屌你老味過左雨傘之後,
    黎緊呢50年香港再有咩所謂抗爭都一定爭取到任何野[369]
    點解?因為香港人都係中國人呀[369] 中國人就以奴性被支配住,
    你地香港人就係以"理性" 支配住,有咩分別[sosad]

    回覆刪除
    回覆
    1. 妖!搞喊個細路就要喊打喊殺!咁點解當年有個小妹妹死喺馬路你哋就視而不見、充耳不聞?乜話?你哋同我講道德?除咗荒謬兩個字我再冇說話好講!

      刪除
    2. 真理#good#我copy左你句野上fb#good#而家俾D道德撚插緊[sosad][sosad][369]

      刪除
    3. 咁係你自己on9!XDXDXD~

      刪除
  72. 日式放題我食過紅磡庇利街間 [赤城],食物唔錯,環境,收費都好合理,最好就系冇限時間。

    回覆刪除
    回覆
    1. 下次有機會同女友或朋友去試下先!謝謝推介!

      刪除
  73. 祝羊年大吉,龍馬精神。

    回覆刪除
  74. 我也想看叮噹, 但怕看後會流淚呢!!

    回覆刪除
    回覆
    1. 偶然清洗一下眼睛也是好事一件。哈哈~

      刪除
  75. 作為利迷,真心希望巴神係晏菲路發光發熱。畢竟加盟才半季。但無可否認既喺巴神的確比過往成熟咗好多,希望佢唔好學盧卡東尼咁遲熟就夠。

    回覆刪除
    回覆
    1. 我始終認為佢一定會打番起!希望球會可以再畀啲耐性,唔好咁快賣走佢!

      刪除
  76. 聽咗林志炫D歌...聲線真喺好圓滑,唱得好有感情!好聽!你無介紹錯!讚!

    回覆刪除
  77. CoCo ,祝你越黎越靚仔最重要身體健康呀!!

    回覆刪除
  78. 作者已經移除這則留言。

    回覆刪除