2015年2月11日 星期三

飛鳥俠(Birdman)看後感:難道非要浮誇嗎?

「難道非要浮誇嗎 無謂是非與真假 拼排場包裝比身價 
誰是大贏家 誰是大贏家 只要畫面夠驚訝 只要內容夠爆炸
一張嘴開出了天花 嬉笑怒罵
 只能在夜裡鏡子前 偷偷講實話」
看完整齣戲,我腦海裡就立刻浮起了這幾句歌詞……

於我而言,《Birdman》絕對是一齣大悲劇!
在戲中,主角Riggan一步步將自己推往一個萬劫不復的無間地獄當中……
他討厭隨波逐流,但又渴望在這個五光十色的演藝圈裡面發光發熱。
他不願吃老本,希望破舊立新但又經常緬懷昔日風光。
他沒有Twitter,沒有Blog,就連一個Facebook account都沒有!
他表面上看起來憤世嫉俗、不屑萬物,但其實就只是為了掩飾自己心底裡的不安……
他害怕跟其他人一樣,他擔心自己變得不再重要。
然而,在他視而不見的地方就總會有新東西誕生,
而一直不願跟著時代巨輪前進的他很自然就漸漸被觀眾所遺忘……
坦白說,看畢全片,我並不覺得Riggan有什麼值得人同情之處!
我只覺得他為人過份理想化、自視過高,做事從不顧及別人感受,
還經常沉醉在自己想像出來的理想世界裡面,才導致事業、家庭兩失意。
在整部電影中給我印象最深刻的對白,是Riggan在化妝間跟前妻說的:
「如果有天我跟George Clooney一同遇上空難,
然後明天早上……當Sam(Riggan的女兒)看報紙的時候……
會看到George Clooney的照片,沒我的事。妳了解嗎?
……妳知不知道Farrah Fawcett和Michael Jackson是在同一天去世的?
這幾句說話完全顯示出Riggan的自我存在感極低,
也證明了他除了不懂如何去當一個稱職的好丈夫和好父親之外,
更不懂怎樣去愛一個人!他的眼中從來就只有自己……
他將崇拜當成是一種愛當自己遇上事業不順時還會將怨氣發洩在家人身上!
他發瘋起來會向妻子扔菜刀,然後不久又會跟妻子說自己有多愛她……
所以我認為,其實像Riggan這樣的男人根本就不值得擁有任何愛。
已經年過半百仍然死抱著理想不願向現實作出妥協,
終日只懂埋怨和慨歎,從不檢討自己,也不會嘗試去欣賞別人的優點……
於我看來,Riggan這個老頑固真是既天真又可悲!
他內心非常妒忌靠著《Iron Man》賺到盆滿砵滿的Robert Downey Jr.
他認為對方樣樣都不如自己,但就從來都沒有想過……
其實他同樣也可以靠著《Birdman》去賺取自己真正想要的東西。
坦白說,誰都知道……搞藝術就注定會成為小眾…… 
所以你若是一意孤行要走這條路內心便不要那麼矛盾吧!想搞另類又想得到所有人的認同?
難道就因為你很努力去做一件跟潮流沾不上邊的事,別人就一定要買你的賬嗎?
世間上哪有那麼便宜的事?再者,我認為每樣東西都是需要一定的時間來用心經營的!
你們知道張學友唱了多少首罐頭歌才敢推出其首張粵語爵士專輯《Private Corner》嗎?
你們知道黃子華開了多少場楝篤笑才夠本錢去拍一部仆直神作《一蚊雞保鑣》嗎?
我一直都認為……一個人若要成功就首先要有一敗塗地的準備!
正所謂「富貴險中求」,若沒有承受失敗的勇氣,就別妄想自己可以一步登天!
要知道觀眾向來都是最殘酷和真實的!儘管你怎樣孤芳自賞,終究都是孤單的……
 一部多好的作品,最終還是要跟人群接觸,要不然你不如就只演給你自己一個人看就好了!
不過說真的,我認為在現今世代所謂的「紅」,其實是有點變態的紅!
紅不代表好,好不等於紅,你唱功不好、演技不濟沒關係!
只要你夠怪、夠出位和沒有羞恥心就可以了!默默耕耘經已不再流行,懂得嘩眾取寵才是王道!
你想一本正經的去唱歌和演戲?不行的!現在在後面操作的人根本就不會用心聽/看你的歌聲和演技, 
而前面在看的人,他們的眼睛和耳朵也不一定會分得清好與壞,他們一般都是習慣邊看邊罵……
這也是某電視台能夠一直獨大的主要原因!為什麼《愛回家》可以長拍長有?
為什麼《獎門人》可以無限復活?為什麼王袓藍李思捷杜如風會越罵越紅?
坦白說,只要觀眾繼續無視他們,他們自然就會慢慢消失於大家眼前!
但諷刺的是,每次當這三位被一眾網民狂插的犯眾憎主演或主持的劇集/節目一播出,
各討論區竟然就經常會出現「爆post」的情況!所以說穿了就是大部分的觀眾最喜歡看的……
其實就是這種千篇一律和嘩眾取寵的東西,只是在於你自己承不承認而已。



除了王袓藍李思捷杜如風這種越罵越紅的例子之外,
現時在娛樂圈還有一種令人難以置信的爆紅現象,
就是靠著一些標奇立異的舉動來殺出重圍
李逸朗,一個出道超過十年都沒有一首代表作的N線奀星,
最近竟然就憑著一首鬼哭神嚎的「傻女」鹹魚翻生,更一度成為全城熱話。
而這首不堪入耳的傑作的YouTube點擊率,到目前為止就已經超過100萬。
所以說,有時候聽/觀眾的口味就是那麼令人難以捉摸!
Batman、Superman、Iron Man、Thor、Captain America……
不知從何年何月何日起,超級英雄電影逐漸風靡全球影壇……
老實說,我本人其實並不抗拒這類型的英雄片,
像《The Avengers》這種大堆頭的「雜扒套餐」,

單從視覺的觀感上而言的確是非常吸引!
只是,如果繼續讓這種流水作業式的製作雄霸巿場的話,
那麼,長此下去對整個電影工業的發展來說絕對是非常不健康的!

也許就如Birdman(Riggan的心魔)所說,
一些絮絮叨叨、囉囉嗦嗦的人生哲學,誰要看啊
這就是理想與現實的掙扎!我相信每一個電影人跟Riggan一樣,
都渴望自己可以拍出一部有劇情、有深度而且叫好又叫座的驚世鉅作,
但奈何來看的人最愛的就卻是打打殺殺、槍林彈雨和驚天爆炸,
他們眼睛就是喜歡看這種空洞無物、了無新意的東西,
所以即使《Transformers》拍得有多爛,就還是可以不斷添食和狂掃全球票房。
記得吳宗憲在《康熙來了》曾經講過一個故事,
我不知道這個故事是真是假,但我自己就覺得頗有意思!
他說一代喜劇大師Charlie Chaplin在某一次演出裡面從頭演到尾,
一直拼命搞拼命弄都沒有半個人笑,台下的觀眾全部都是十分冷漠的!
不過他就堅持繼續演下去……演著演著就不小心踩到自己的拐杖,還當場跌倒了!
然後他就慢慢爬起來,爬起來之後又再摔了一跤!
結果就在那個時候,他生命中最大的一次掌聲竟然就在此時出現了!
接著他在後面所演的每一秒觀眾都覺得非常好笑,然後Chaplin到後台就講了一句話,
他說:「舞台上的表演,最精彩的就是發生錯誤的那一次。」
的確,絕大部分人都總是喜歡看人出醜。Riggan花了多年的時間和心血去籌備他的舞台劇
為了演好這台戲,他不惜傾家蕩產,放棄所有!可惜就一直無人問津…… 
但沒想到後來因為一次意外的「離奇祼奔事件」,就反而令這齣戲造成了巨大迴響並得到空前的成功。
這對於向來視藝術為第一生命的Riggan來說真是一個極大的諷刺!
同時也印證了Chaplin的另一句名言,就是:「別人的悲劇,就是大家的喜劇。」 
不管你信不信,認不認同,這就是事實。喂朋友你每次考試測驗都拿100分,別人是不會好好記住你的!
眼看自己最深愛的演藝事業被現實狠狠摑了一巴,讓Riggan感到非常絕望,
他完全無法接受這種侮辱,於是在舞台劇首演當晚,Riggan就將道具槍換成一把真槍,
然後就朝自己鼻子一轟!這到底是自毀還是為藝術犠牲?相信就只有Riggan本人才知道!
不過可以肯定的……就是當Riggan在舞台上作出「最後一撃」之後,台下立即掌聲如雷,呼聲不絕!
而在Riggan昏迷住院那段期間,不同國家的人都紛紛為他祈禱,他的Twitter不到一天就有8萬人follow,
他的舞台劇被外界一致讚好,就連一向討厭他的那位影評人都不得不為他寫下一份正面的評價。
死了比活著賺更多的錢,出事後才漸漸受到世人所重視……這種例子在歷史上實在是屢見不鮮!
John LennonMozartGogh……他們離世多年,至今仍是被人不停「浪費」
陳僖儀,一個本來毫不起眼的香港女歌手,在一次車禍中不幸喪生,
然後一大班「忽然歌迷」就在Facebook、Blog和各大討論區紛紛為她送上悼念……
這似乎是千古不變的定律!就像片中的Riggan Thomson一樣……
這個冥頑不靈的藝術家本想在舞台上作出一次最後的控訴,並正式跟Birdman這個身份Say Goodbye!
殊不知大難不死後就反而令自己更像一個打不死的超級英雄,還受到很多人的敬仰和膜拜
這到底是命運的捉弄還是巧妙的安排?同一件事,不同的人會有不同的看法……
不過有時候人往往就是這樣……唱歌紅了就想做藝術家玩另類音樂,
演戲紅了就想當導演和投資電影,脫星紅了就想將以前曾經脫下來的衣服一件件穿回…… 
為什麼當一個人有了成就就會想背棄自己的過去?我相信這應該是一個就連愛恩斯坦都無法解答的問題。
不過,站於一班支持者的立場來說,偶像的離去其實也不一定是件壞事(所指的離去是退隱不是離世)!
因為只有這樣,他們的光環才可以永久保存。所以我有時會想……若果Michael Jackson還在生,
他現在是否就會跟Katy PerryTaylor SwiftJustin Bieber等人一同競逐Grammy呢?
李小龍還在生,現在又會否像某位國際武打巨星一樣遺臭萬年呢?
黃家駒還在世,他又會否被一眾無知的新一代評為不入流? 若果張國榮梅豔芳沒有離開,
他們在未來是不是就會跟陳偉霆、阿Sa、阿嬌爭奪影帝/后寶座呢?哈哈~真是想起都打冷震!
另外,這部電影亦稍稍揭示了現今傳媒的一些操作手法例如其中有一幕……
Riggan約了幾位記者做訪問,希望他們可以幫忙宣傳一下自己那一部自編自導自演的冷門舞台劇。
不過在整個訪問過程入面,一班記者的話題就只是不停圍繞在Riggan會否重演Birdman
還有就是他有沒有整容這兩點,至於這部戲的內容和上映日期,根本就沒有半個人有興趣去理會。
在現今世代,傳媒就只會關心藝人的私穩和花邊新聞,而部分影評人就只會隨著其個人喜好撰寫評論,
他們喜歡你的話就可以無條件贈你十個正評,討厭你的話隨時就可以無緣無故給你千個負評!
再加上一大堆以攻擊對手為大前題的「兼職打手」……在這種本末倒置的風氣之下……
難道你還期待有人會花時間用心去探討你這部枯燥乏味的舞台劇嗎?Riggan,你這個人真是好傻好天真!
這部電影給我最大的反思就是……如果我是Birdman,我應該怎樣去面對自己的人生呢?
我應該找個理由隨波逐流,還是勇敢前行掙脫牢籠?我個人的想法是……
做人必須要有夢想,但就更需要懂得向夢想妥協!別老是想著別人來過活,這不是逃避,
這是給自己一條生路!還有就是……如果你堅持要做好一件事情,就請你先別計較掌聲的大小!
我始終都認為,只要你肯咬緊牙關一直苦拼下去,什麼事情都總是會有開花結果的一天!
那當然,一朵花的大小,並不是我們能夠完全控制的,有時候人生就是這樣……
你越是想要得到的東西,它就越是會遠離你所以我們必須要慢慢學會凡事隨緣
才能活得瀟灑自在!千萬不要事事追求完美,因為過份強求就不幸福了!
一群優秀的演員,是一套好電影不可缺少的重要部份!《Birdman》這部電影之所以能夠扣人心弦,
一眾演員在戲中的賣力演出絕對是功不可沒!但有一點頗有趣的是,不知道是巧合還是悉心安排呢?
在戲入面有不少演員都是曾經演出過超級英雄電影的!例如是昔日的「蝙蝠俠」Michael Keaten
The Incredible HulkEdward Norton還有就是The Amazing Spider-ManEmma Stone
沒有好的作品,再好的演員,也只會是曇花一現。
Micheal Keaton在8、90年代曾經出演過兩集Batman
更因為這部膾炙人口的超級英雄電影而攀上事業高峰
不過其後他就決定脫下蝙蝠戰袍嘗試轉型,
於是他的事業從此就一落千丈,還漸漸成為一位甘草演員。
只能說Micheal Keaton的經歷和遭遇跟戲中主角Riggan實在是太相似吧!
所以找他來出演這個角色,真是不作他人之選。
如果Micheal Keaton是荷里活影壇「風光不再」的最佳例子,
那麼Edward Norton就肯定是「懷才不遇」的代表人物!
Edward Norton一出道便憑著其首部作品《Primal Fear》獲得奧斯卡最佳男配角提名,
而其後他在《American History X》和《Fight Club》裡面的出色表現就更是令人眼前一亮。
他非常懂得運用眼神來演戲,絕對是一名天才演員!不過不知為何……
在《Fight Club》之後Edward Norton的聲勢就好像一年不如一年……
更被曾合作過的多位男星例如是Brad PittMatt DamonBen StillerMark Wahlberg遠遠拋離
但幸好,皇天不負有心人,時隔16年,這位沉寂多時的天才演員……
就終於靠著自己在Birdman裡面如入無人之境的驚豔演出再度受到奧斯卡的垂青。
荷里活新一代浮誇女王Emma Stone今次在戲中就繼續貫徹其浮誇本色!
而她能夠憑著Sam一角在各大頒獎禮得到多個女配角提名,
除了可以被列入「2015年荷里活影壇十大不可思議事件」之外,
深深了解到「難道非要浮誇嗎」這句話背後要傳達的意思。
Naomi Watts所飾演的Lesley在戲中雖然沒有太大的發揮空間,
但向來演出穩定的她就還是把角色的性格特點恰如其分的表現出來。
Zach Galifianakis完全擺脫過往的傻佬形象,成功將一個自私自利,
只顧自己賺錢不管別人死活的經理人演繹得入木三分。
在戲中飾演Riggan女友LauraAndrea Riseborough雖然戲份不多,
不過她就充分將Laura喜怒無常的個性表露無遺,十分搶鏡。
向來「貴精不貴多」的Alejandro González Iñárritu在我心目中一直都是電影界的殿堂級人物!
這位墨西哥性格導演過往的作品風格都是偏向灰色調 ,他的拍攝手法自然而深刻,又不落俗套,
其經典舊作21 GramsBabelAmores Perros至今仍是讓我回味不已。
說真的,看完整部《Birdman》其實我是頗surprise的!沒想到導演今次竟然會用一種黑色幽默的方式
來包裝這部灰暗沉重的悲劇,特別是Riggan飛回劇場那一幕(事實上是搭的士),真是令人拍案叫絕!
另外他在片中利用一些巧妙的剪接呈現出一鏡到底的效果,那種出神入化的拍攝技巧同樣叫人歎為觀止。
於我而言,《Birdman》絕對是當今影壇一次革命性的突破!
Alejandro González Iñárritu這個名字也勢必在影史上留下一筆。
至於這部電影的結局想表達的到底是什麼?Riggan到底是升天了還是歸天了?
這會是Sam吸毒之後所產生出來的幻覺嗎?還是Riggan其實早就已經進入彌留狀態?
散場之後,我的腦海裡就依然遺留下一大堆問號,久久揮之不去……
最後,衷心希望Michael Keaton於本月尾能夠順利撃敗Eddie Redmayne
Bradley Cooper等人坐上奧斯卡影帝寶座一洗頹風!Old Batman,在此祝福您Good Luck!

182 則留言:

  1. 回覆
    1. 又是近年流行的開放式結局!

      刪除
  2. 我仲要睇,唔可以睇劇透.

    回覆刪除
  3. 原來這部戲咁有深度...............我係凡夫俗子,不會明白.

    回覆刪除
    回覆
    1. 我都係凡夫俗子,沒問題的!

      刪除
  4. 昔日的蝙蝠俠米高基頓靠飛鳥俠鹹魚翻生,另一位蝙蝠俠韋基馬唔知道又身在何處呢?

    回覆刪除
    回覆
    1. 之前好似變咗做一個大肥佬!最近先瘦番D!

      刪除
    2. 佢近日嘅新聞:
      http://hk.apple.nextmedia.com/en…/realtime/20150201/53394366

      刪除
  5. 寫得好詳細,我睇完都好有感受,太多了,實在沒有能力每樣都說清楚,就亂筆抒發一下情緒吧,始終看完難受,
    BIRDMAN的執迷不悟,是很多人一生都戒不掉的壤習慣,要是你有感受,這電影引發你要說的不止數千字,相反,有些人也許會奇怪這電影好看在哪兒。
    這片不是懸疑片,亦不用解謎,不用別人去解讀然後強行得出一個真相,重點在於你如何想,你說他是喜劇,你可以當成一個過氣演員大難不死必有後福的故事,重點只要做到當中含有作者的批判而又有空間讓你想就可以
    有人說這電影裝模作樣自命不凡好矛盾,總會有一些這樣的人這樣想,我明白的,相方如何討論都不會有共識,因為人就是不同的,正如有人覺得好悶,但我被他自然不順的咬字又或者奇特的鼓聲由頭帶落尾,不必要強求,總有一些爭議才有價值
    坦言看完我也不會憤世疾俗,對所有嘩眾取寵的東西敬而遠之,自命清高。但看完這樣一個故事,我又有點可悲的費力地想有什麼好演員被我遺忘想憑一己之力把他提拔起來,投射一點關注以免成就下一個BIRDMAN;然而我依然對之後陸續上影英雄大片滿滿的期待,不亦樂乎,對網上熱門話題蜂擁而至,毫無改變,。
    身不由己是藉口,也是原因吧,無論BIRDMAN和我自己跟所有人都是,想自由的飛,也不是那麼的容易

    回覆刪除
    回覆
    1. 唔係呀!你都寫得好詳細!亦幾認同你部分嘅講法!總之喺我立場嚟講,一套戲能夠得到一堆人認同,即使有一堆人反對,都已經代表佢係一部「有價值」嘅作品,講真如果呢套係賭城風雲或者係金雞SSS,仲會有咁多正反兩面嘅評論咩?

      刪除
  6. 我最近想起梁誇歌詞, 係睇到強國女星的求婚新聞, 它也不過是一場 show
    我好同意你講, 有時名歌星演員嘅提早離埸, 或會成就一段傳奇
    西洋電影常起用有點年紀的演員來當主角, 為什麼香港的會那麼難呢? 不過講開打冷震, 我有過一次經驗, 就係睇再說一次我愛你, 見到男女主角配搭, 我有D滴汗

    回覆刪除
    回覆
    1. 你最後一段話令我諗起王晶之前串HKTV起用元華、姜大衞同林嘉華做男主角段新聞!

      刪除
  7. Brilliant writing and performance by the best cast of this movie.
    Alejandro González Iñárritu is a genius.

    回覆刪除
  8. &...This movie must be really personal for Michael Keaton.
    I mean, they should just change the name of the movie to "BATMAN or (The Real Life of Michael Keaton)"
    I wish Michael will win an Oscar. His performance was brilliant.

    回覆刪除
  9. 淨睇戲名好難想像可以獲咁多項提名!

    回覆刪除
    回覆
    1. 有機會一定要看看此片啊!包你有驚喜!

      刪除
  10. 對我來說中規中矩,我不是很喜歡這種有點現實有點抽像的東西,Emma Stone水平真不怎麼樣,一雙金魚眼就快跌出來。

    回覆刪除
    回覆
    1. 佢做戲個樣永遠都係咁猙獰,相比之下,我都係比較欣賞佢嘅「咪咀」才能!XDXDXD~

      刪除
    2. Emma Stone - Lip Sync Battle
      http://m.youtube.com/watch?v=bLBSoC_2IY8

      刪除
    3. 嘩好厲害!我要重新估計佢,哈哈。

      刪除
    4. 真係好有才華!香港而家班歌手真係要睇下,等佢哋知道原來咪咀都要有技巧㗎!XDXDXD~

      刪除
  11. 我覺得Birdman真係好似我,一路睇兩行眼淚狂流,呢個世界實在太荒謬!

    回覆刪除
  12. 又寫長論文,睇到頭暈暈

    回覆刪除
  13. 或者人們入戲院看電影,只是想放鬆一下,享受一下視覺效果。。。

    回覆刪除
  14. 你寫得好好呀~雖然我冇睇過套戲,但係我覺得你響入面所講ge種種現象真係講得好到位~~好似杜如風咁我一向超憎佢~~所以逢親有佢ge節目我一概都唔會睇~~~至於李逸朗好心佢就自量下la~~~出黎獻醜仲要大大聲~~~直情影衰香港班歌手呀!!!

    回覆刪除
    回覆
    1. 搞另類詐癲扮傻,某程度嚟講其實佢好聰明!XDXDXD~

      刪除
  15. Michael Keaton 老了很多.....
    Edward Norton 比較喜歡American History X. 好過演 HULK 那類 superhero movie.

    回覆刪除
    回覆
    1. Edward Norton去演超級英雄片實在係大材小用!

      刪除
  16. 不和現實妥協, 引起了別人注意最終也會被立離群的, 無謂 ...
    週五愉快!

    回覆刪除
  17. 人生不要太緊張, 活好自己, 每天開心就算了.

    回覆刪除
  18. 寫得好到位ar~like~

    回覆刪除
  19. 好認同文中所提及的幾個荒謬現象,所以我看家駒眼不見為淨也是好事一件。

    回覆刪除
    回覆
    1. 全香港都在Free Style,全台灣都在R&B,全美國都在Rap,只有流行,沒有音樂,我看他眼不見為淨絕對是好事一件。

      刪除
  20. 好多人的一生,都是Birdman!
    我覺得「別人的悲劇,就是大家的喜劇。」 才對,才可以解釋世界的主流思潮。

    回覆刪除
  21. 而家D傳媒淨係會報導D人幾時撻著、幾時爆房、幾時偷食、幾時結婚、幾時離婚、幾時生仔、幾時破產,其實真係關我鳥事咩?但偏偏呢D嘢就係銷量嘅保證....by the way,篇文寫得好好。

    回覆刪除
    回覆
    1. 我唔係扮清高,我真係一向都唔多睇呢啲八卦新聞,尤其係結婚、離婚、爭產、走光呢啲,煩死人!

      刪除
  22. 午安,Teddy!
    祝羊年健康快樂!
    百事興旺!

    回覆刪除
  23. 套戲好好睇,我好佩服你總係可以喺ㄧ部戲度睇到咁多嘢!!

    回覆刪除
    回覆
    1. 其實每個人都可以看到不同的東西!

      刪除
  24. 超現實,感覺好難好高深,沒有共鳴,但Michael Keaton演得確實出色。

    回覆刪除
  25. 你的評語很專業, 亦佩服你可以在一齣戲中,悟出了那麼多的道理!那些道理,也可應用到我們的日常生活中。例如付出跟回報,並不成正比!你對觀眾的心理,有精確的掌握,好像看賽車,有觀眾期待意外的生等等。急流勇退,才可以名流青史,在自己最輝堭的時候退隱或者逝去,才可以永遠給觀眾留下最美好的回憶,就好像李小龍,張國榮等等。謝 謝你的分享!

    回覆刪除
    回覆
    1. 所以在所有名人當中我最佩服發哥,就只有他才能真正做到淡泊名利和遊戲人間這種境界。

      刪除
  26. 其實戲就是人生、戲不但反映出人生種種、還可以擴闊看官嘅思想空間。

    回覆刪除
    回覆
    1. 這就是電影最吸引人之處!

      刪除
  27. 情人節快樂!兩情相悅,情感相交,便是情人。

    回覆刪除
  28. 李逸朗咁嘅奀星,唔靠呢啲嘩眾取寵嘢可以靠咩嘢!擺明係博出位!係得嘅晨早紅咗喇!駛哭喪!可悲啊!我絶對相信,香港樂壇是冇得救的!

    回覆刪除
    回覆
    1. 你非常直接,但我很認同。

      刪除
  29. 真係好like你寫ge movie review~夠詳盡夠豐富又夠特別~

    回覆刪除
  30. 迪哥呢篇好掂,睇盡人生百態!!

    回覆刪除
  31. 俾人罵總好過冇人理,起碼有人識嘛
    依家周圍充斥垃圾,啲垃圾一係有後台,一係厚面皮,明明冇料扮四條,咁多垃圾,真係可怒耶呀

    回覆刪除
  32. 巴打你D影評往往都好似一棍棍打落黎咁, 下下入哂肉
    用林志炫首浮誇既歌詞黎用引, 好野#good#

    套野出得幾岩時候#good#
    好多創作人、演戲、畫畫、寫書、作曲, 傾盡一生都係為左娛樂大家,
    想讓自己為人所愛, 感受愛, 被關注
    但係可悲係呢個世道根本無乜人欣賞呢班有實力有熱忱既人(例如主角):-(
    睇完全片返去片頭睇返個兩句問答,好大感觸
    如果你都曾經為討好人、想受歡迎而努力過#hoho#

    睇完深深佩服男主角Michael Keaton,
    兩個男配角 Zach Galifianakis, Edward Norton既功力#good# #good# #good#
    最佩服係導演果種拍攝手法好帶到俾我對主角Riggan果種心理狀況既了解
    睇緊同睇完都明白到RIGGAN果種心理壓力幾咁難承受:-(:~(

    睇完可能會同BLACK SWAN作對比, 但BIRDMAN帶出既訊息多好多#good# #good#

    回覆刪除
    回覆
    1. 「幸運兒不是我 因為我選擇的路很難走
      如果夠出色卻不能出頭 至少也做到沒第二個我」

      我覺得你必須要有呢種胸襟先可以真真正正去談理想,因為現實往往都係事與願違,所以我更欣賞Sixto Rodriguez呢種拎得起放得低嘅真男人!

      刪除
    2. 我覺得黑天鵝比較似鼓動真我多啲!

      刪除
    3. 仲有蔣志光,佢又係好不屑香港樂壇
      但又可以走一條屬於自己既路,仲過得好自在#good#
      同埋望真D,Riggan個格其實有D似王傑就真
      又係果種眾人皆醉佢獨醒既狀態[sosad][sosad]
      條友之前都還好,但而家出番黎就成個怨婦咁
      日日左彈右彈然後就吹到自己上天空,仲成日葡萄學友[369][369]

      刪除
    4. 張學友去到而家咁高地位仍然會不斷咁去鑽研自己嘅歌藝,王傑就成日淨係識得記住自己以前有幾威,唱功、聲線就一年不如一年......一個故步自封,一個謙虛務實,呢個就係佢哋之間嘅最大分別!所以佢真係冇得妒忌人哋嘅成就!

      刪除
  33. 如果照Riggan精神分裂冇超能力黎推斷
    結局不過係主角崩潰自殺
    Sam被刺激精神病發(主角遺傳)
    佢地兩父女都有自我毀滅傾向
    Sam係劇場同人扑野 ,食大麻都係因為呢種傾向#hehe# #hehe#

    如果照個人理解,
    我諗最尾個女係見到佢老豆變左飛鳥俠咁飛
    係指個女見到佢老豆心魔, 終於明白佢老豆
    而佢見到佢老豆咁自由咁飛咁得到解脫所以好開心
    實質上佢老豆當然係跳樓死左:~( :~(

    回覆刪除
    回覆
    1. 亦有可能係套戲其實根本就冇結局!事實上導演一早就已經企喺鏡頭背後笑鳩我哋白痴!XDXDXD~

      刪除
    2. 如果係咁仲絕[369][369][369][369]
      我一早都話飛鳥俠唔係一部單單批判英雄電影既戲架啦[369][369]
      影視台班on9仔仲成日懶醒[369][369] [369][369]

      刪除
    3. 其實自己睇到乜咪乜囉!根本就冇一定嘅標準!

      刪除
  34. 杜如風老豆係嘉禾高層
    佢話而家好似仲要老豆找卡數
    人生目標係唔做野xx(
    所以話有父幹好過做李嘉誠
    點解? 李嘉誠都想辦法錢搵錢父幹
    每日都要想辦法點樣去洗錢 [sosad] [sosad]

    當你知道佢既歷史後
    就明白,佢係正宗香港公主
    唔係公主病,而係伸隻手出黎有人埋單
    話今日好悶就會有10個男仔渣車係樓下等
    放工會有仔渣車搶頭淡湯等[sosad] [sosad]

    我相信好多人都唔知佢乜來頭
    就算80後都未必人人知
    但知道既會覺得佢係好撚傳奇
    根本係公主既教母[sosad] [sosad]

    補多句
    唔知佢野既人,會當佢死肥婆行出黎攪攪陣
    知佢野既人,就會明白自己連追佢既條件都未有
    就算係有條件既,係佢眼中都只屬一般[sosad]

    真係想講句,你太年輕了[sosad] [sosad]

    回覆刪除
    回覆
    1. 肥婆風終極金牌打手生力嘉士伯你都唔識?[sosad] [sosad]

      刪除
  35. 最後我想講, 巴打我係你就唔會理柒影視台班on9仔
    反正你唔洗post上去都一樣會有人睇你D文, 洗鬼同佢地係度9up咩? xx(

    而家上面已經變哂質! 好似成班U汪、香討過哂檔咁
    個個唔係愛回家就乜鳩喜相逢, 唔係就個個扮哂哲學家自己打飛機
    無論你up乜佢都係要同你唱反調, 總之佢up既就係真理, 估唔到玩討論區都要一言堂xx(

    我一睇到你個post有契弟叫人讀電影史又話乜高手就已經唔鳩想睬佢地
    就連回都費鳩事! 屌你地咁有文化咁撚高高在上咪咪撚上高登囉
    咁一見如故不如約埋去考古然後爆房互屌屎忽格劍啦
    睇到呢種連討論套戲都要分等級既人, 真係好撚想嘔xx( xx(xx( xx(
    屌唔係毒到要拎呢D野黎去擦存在感呀? 係你先會咁撚on9同班八公係度周旋#ng##ng#

    回覆刪除
    回覆
    1. 觀點與角度從來都係人人唔同,我冇可能要任何一個人認同我,我寫歌、戲主要都係想人留意下部電影或首歌曲,但我欣賞有獨立思考嘅人,唔會人云亦云,咁只係堅持己見,都係嗰句,大家傾番套戲,注意番套戲,我唔理你分乜嘢門派,講乜嘢理論,我寫電影看後感/唱片聽後感向來都係想人留意番個作品,所以先從來唔會加「影評」兩字落去(除咗寫李克勤唱片,我絕對有信心自己篇文可以加碟評兩個字上去)!因為都知自己對電影比較專業既嗰一塊係比較外行,所以先會想睇下其他人嘅睇法。當然佢哋可以繼續覺得寫篇看後感或者討論電影係要好似佢哋所講,要去讀電影又要點點點點,但就算講幾多次我都唔會改變自己嘅睇法,就係任何人都有權寫看/聽後感(注意係看後感唔係影評,登喺報紙雜誌果啲先叫影評, 喺Blog post得嘅,除非你注明自己篇嘢係影評,如果唔係一律都應該被列為個人感想),就算係阿爸、阿媽、阿公、街邊個小朋友、橋底個阿伯都一樣可以,而佢地寫出嚟嘅嘢亦唔一定冇point,我始終都認為電影係一樣大眾娛樂,係任何人都有資格作出評論,所以就算我唔認同佢哋嘅睇法,嘈完一輪,最終我都係會尊重番對方,繼續討論番套作品。

      刪除
    2. 補充:我係唔會因為一兩個唔鐘意我嘅人,而忽視一班長期支持我Blog嘅朋友。講真,如果有人諗住要借助某啲討論去證明自己分析電影嘅功力有幾高,咁我就衷心建議佢可以去各大報章/雜誌應徵寫影評或投身有關行業,咁就可以真真正正同一班「專業人士」交手。

      刪除
    3. 佢地夠閪膽咩?[369][369] [369][369][369][369] [369][369]
      你睇peter俾料同Danny Bailey兩條柒頭俾人圍果陣果班電影哲學家仲有冇出黎吠?
      個個即刻死哂狗啦!正一縮頭烏龜!明明冇料又要響度扮哂大袋 [369][369]
      一人多就縮埋一二角繼續做毒撚聲都冇埋,仲衰過peter同Danny兩條白痴仔
      冇撚用!就係呢班垃圾小學雞入侵,高登先開始越黎越衰#fire# #fire# #fire#

      刪除
    4. 時間可以證明好多嘢嘅!

      刪除
  36. 午安小子,李逸朗首傻女聽完真係要洗耳.

    回覆刪除
    回覆
    1. 簡直就拎去破地獄都唔靈!

      刪除
  37. 祝福您:
    ✿╔幸福╗♡╔快樂╗♡╔美滿╗✿
    ✿╚事事╝♡╚順心╝♡╚如意╝✿

    回覆刪除
  38. Michael Keaton今次好好戲,成套戲都好似度身訂造俾佢咁,雖然佢真人都可能都經歷過呢套戲入面份內心掙扎,但嗰份驚得嚟又無奈,有自信得嚟又好無信心又有少少精神分裂嘅感覺,要show到出嚟都真係唔容易。另外Edward Norton都做得好好,好想重睇返Fight Club!

    回覆刪除
    回覆
    1. 我噚晚番屋企都翻睇咗次Fight Club!

      刪除
  39. 我覺得荷里活的笑片,大都浮誇~~
    以前占基利的演譯都已經十分誇張!!

    回覆刪除
    回覆
    1. 祝你羊年事事順利,身體健康~~

      刪除
    2. 其實早期的周星馳和張家輝都很浮誇,但他們是屬於浮誇得好看那一種!而現在的王祖藍、李思捷和杜如風就是屬於浮誇得非常難看那一種,讓人看後會感到很不舒服!

      刪除
    3. 最弊就係現在的所謂笑匠, 浮誇得來難看外......仲唔好笑呢!!!!!
      反而周星馳可能有佢自己一套的搞笑方程式, 反而畀大眾港人接受!!!!

      刪除
    4. 因為呢個世代嘅人就係愛浮誇,表現越浮誇,所得到嘅掌聲就越大!

      刪除
  40. 李逸朗首傻女哭喪唱法....真喺好誇張!! 嘩眾取寵!擺明博出位!

    回覆刪除
  41. 寫得好有深度~~DiDi~至叻係你~~~~

    回覆刪除
  42. 你們這一代認為真正的蝙蝠俠是Christian Bale,對我們那一代來講,真正的蝙蝠俠是Michael Keaton。

    回覆刪除
  43. 估唔到係一個大悲劇...要攞定紙巾入場先得...
    我都有聽傻女~~~

    回覆刪除
    回覆
    1. 也不用拿紙巾那麼嚴重,因為導演用了一種黑色幽默的手法來處理!XDXDXD~

      刪除
  44. Alejandro González Iñárritu的巴別塔,21克—生命可以有多重?,狗男女的愛這三部戲都非常精彩,但是敘事上這部飛鳥俠是最流暢的,故事設定背景也更加簡單。而且表現人的情感和欲望以及命運之間的關係上,它更加真實地像文學一樣狠狠地拍打我心靈。

    回覆刪除
    回覆
    1. 相比之下,飛鳥俠已經算是Alejandro González Iñárritu最清淡的一套作品。

      刪除
  45. 高質影評,冇咁上下電影閱歷肯定寫唔出,支持.

    回覆刪除
  46. 2Ѽ15*¨ღ大家新年快樂❤º°¨♡¨✫。*♦°¨☆晚安安★⊹☾°✬☁

    回覆刪除
  47. Time Is Changing,我發覺你除咗對電影嘅認識好深之外,仲對身邊對外界嘅事物都觀察入微,所以先可以用咁多種角度去評論一部戲,好鐘意你用林志炫首浮誇,查理卓別靈舞台蝦碌事件,李逸朗首傻女呢幾樣嚟做例子,好有共鳴,犀利!

    回覆刪除
    回覆
    1. 因為不夠別人專業,所以就只能憑個人想法寫文了。

      刪除
  48. 預祝你羊年快樂~身體健康先~!

    回覆刪除
  49. 祝TIC,羊年要咩有咩,身體健康,財源廣進,事事如意!

    回覆刪除
  50. Happy Chinese New Year。。。
    I wish you all the luck, health, and fortune and all those you love。。。

    回覆刪除
  51. Time Time 新年快樂!睇完你篇影評真係好有興趣睇呢部戲,不過應該只會下載,因為嚟緊要去睇多啦A夢同荒失失企鵝....

    回覆刪除
    回覆
    1. 謝謝Rito!睇咗多啦A夢未?

      刪除
    2. 睇咗喇!我睇果場有好多人喊..

      刪除
    3. 回憶總是讓人回味......

      刪除
  52. Alejandro González Iñárritu的所有前作都不喜歡。這部也不例外。不喜歡的原因都是那些:無稽、無節操、無悲憫、故作高深。今次泛濫使用長鏡頭炫技更令人反感。道理就和瘋狂抽插兩小時不射只會教女方生不如死一樣。不過看在演員份上,就此打住。也不罵太狠了。

    回覆刪除
    回覆
    1. 祝你2015新年快樂!讓健康與吉祥與你相伴,讓溫馨和幸福將你圍繞,讓快樂與你不見不散。

      刪除
    2. 我給你的比喻笑死了!兩小時不射,那個男也應該會掛掉吧?XDXDXD~

      刪除
  53. 祝你羊年快樂, 喜氣洋洋!

    回覆刪除
  54. 自己友新年快樂!最緊要身體健康、出入平安呀!繼續寫多D精彩既影評同樂評,YNWA !

    回覆刪除
  55. 祝你羊年萬事如意!身體健康!

    回覆刪除
  56. Teddy, 祝你羊年事事順利,身體健康,戲運亨通!

    回覆刪除
  57. 恭賀新禧!萬事勝意!身體健康!龍馬精神!喜氣洋洋!

    回覆刪除
    回覆
    1. 謝謝red_yellow兄,好久不見!

      刪除
  58. DiDi新年快樂~~~等你封利是~~~~快快快~~~~~

    回覆刪除
  59. 羊羊年年進步! 身體安康愉快! 祝福你啊! (≧∇≦)

    回覆刪除
  60. Teddy 真的十分認同你的說法,紅,何謂紅!!! 分析正確非常! 人心已扭曲得。。。。不似純羊 呵呵!

    回覆刪除
  61. Bondi,祝你羊年行大運,每天是好天。

    回覆刪除
  62. 大哥新年快樂恭喜發財!祝你身體健康萬事如意財源廣進!

    回覆刪除
  63. 好專業的影評。

    回覆刪除
    回覆
    1. 只是亂寫一通,談不上專業。

      刪除
  64. 恭喜發財 恭喜發財
    發到你滿心歡喜
    恭喜發財 恭喜發財
    有信心必有盈利

    回覆刪除
  65. 好精彩..好BUY你引用既所有例子!
    呢個就係點解我會咁鐘意睇你寫影評既最大原因!
    只有你先會用咁多角度去分析一套戲背後所帶出黎既一D深層意思..
    得罪講句,外面既D所謂專業影評九成都係係度拋書包,班門弄斧..
    個個寫篇野出黎就好似要大聲咁話比人知自己有幾識電影,下下故作高深扮哂蟹咁!
    唯獨係睇你個BLOG先冇比到呢種FEEL我!

    回覆刪除
    回覆
    1. 個真相係因為我真係一個外行人嘛!所以就只能夠單靠自己嘅感覺去寫文囉!

      刪除
  66. 新年快樂狂兄,好好保重身體,愛情友情親情永固,工作順順利利..小人從此遠離你!
    利記生生性性上番前四,再拎個雙料杯賽冠軍歡送謝拉特!

    回覆刪除
  67. Teddy:祝你羊年大吉! 萬事亨通 !身體健康!

    回覆刪除
  68. 新年快樂. 祝你龍馬精神,歲歲平安,前程似錦.

    回覆刪除
  69. Hi, Bondi,
    祝如意吉祥,羊年行大運!
    Birdman 奪得奧斯卡多項大獎哩!

    回覆刪除
  70. Birdman, 好一部美國黑色喜劇電影, 榮獲最佳影片獎。 恭喜!恭喜! 你的平語也可在Google 找到呢!
    祝你身體健康! 羊年行好運! 要咩有咩!

    回覆刪除
  71. 激撚死!Batman竟然輸咗比條仆街雀斑仔!講真呢條雀斑仔除咗做霍金比較似樣少少之外,其餘大部分時間都係鳩下鳩下,最撚記得佢喺孤星淚嘅終極路人演出,真係連D字幕都有戲過佢!奧斯卡正一on99!

    回覆刪除
    回覆
    1. 佢平時啲戲的確係屎,但佢今次演霍金又真係演得幾到位,所以佢拎影帝都算係實至名歸嘅!

      刪除
  72. 羊年快樂!!! 雖然我對呢套戲不感興趣, 不過我喜歡睇你的影評, 多角度分析...

    回覆刪除
  73. 金句:
    「舞台上的表演,最精彩的就是發生錯誤的那一次。」
    「死了比活著賺更多的錢,出事後才漸漸受到世人所重視。」
    很精闢的一篇影評, 讀得過癮。坦白說, 香港不少所謂影評人一味賣弄文字, 真是唔知自己講緊乜。

    回覆刪除
    回覆
    1. 有讀者buy就ok,現在有很多熱爆的YouTube片其實都不知道在幹什麼。

      刪除