2011年10月29日 星期六

國語樂壇再出發.李克勤《似曾相識》


【專輯曲目】:

01.似曾相識  試聽
02.你要的未來  試聽
03.越開心越寂寞  試聽
04.最佳良藥  試聽
05.補償  試聽
06.看著你走  試聽
07.分不了手  試聽
08.偶爾平凡  試聽
09.天河(粵語)試聽
10.孔明燈(粵語)試聽

自上次粗製濫造的《愛可以問誰》出師不利後,
相隔五年,樂迷才等到克勤的全新國語專輯推出……
老實說,克勤在粤語樂壇的地位,當然是不用置疑!
不過,他在國語樂壇的地位,就一直都是處於一個邊緣位置!
在很多台灣樂迷心目中,李克勤仍是一個相當陌生的名字……
同期歌手蘇永康杜德偉許志安甚至周慧敏在台灣都有自己的代表作!
但唱功比他們有過之而無不及的克勤,不知為何就一直打不開台灣這個市場!
那邊的人……大多都只知道他是香港的一位知名唱將,唱功很好……
雖然克勤當年在台灣曾被冠以「零瑕疵歌手」的美譽,但就僅此而已!
他多年來最為台灣樂迷所熟悉的歌曲,極其量應該就只有一首「情牢」。
在香港被公認是唱得之人的李克勤,何解會在華語樂壇石沉大海呢?
我個人的見解是,太字正腔圓的歌手,在台灣樂壇(尤其是現在)是很難大鳴大放的!
由當年的周華健庾澄慶伍佰,到後來的周杰倫陶喆王力宏……
有多少個是咬字清楚和正正規規地唱歌的?
更何況像克勤這類型的唱將型歌手,在九十年代的台灣樂壇根本就不缺!
說唱功,有趙傳巫啟賢伍思凱這類唱功紮實的鐵肺歌手!
講靚聲,張信哲林志炫都比你更加〝零瑕疵〞!
再加上克勤的歌唱風格和台風又不是特別鮮明的那種(像張學友的那種獨特唱腔)……
因此,他就始終沒法在當時競爭激烈的情況下脫穎而出,就這樣三度跟台灣樂壇擦身而過。
克勤的頭三張國語專輯雖然在市場上沒有得到成功,
不過當中亦不乏一些好歌,尤其是《情牢》這張專輯,耐聽度極高!
所以當時有不少歌迷都希望克勤可以繼續推出更多的國語專輯!
但我們又怎想得到,苦等八年之後……等到的卻是如此〝爛〞的一張《愛可以問誰》!
終於……我們又等了足足五年,才等到這一張《似曾相識》!
這次克勤找來華語樂壇兩大製作人黃韻玲李偉菘來製作專輯,
令本來對此碟不甚期待的我重燃不少信心……
大碟聽後感 :

當我把這張專輯放入唱機仔細聽了多遍之後……
個人的第一個感覺是:
「李生!既然你今年銳意要進軍華語市場,那為何不先把你的國語練好呢?」
我所指的不是他的發音問題,他的發音其實沒有錯……
只是感覺他好像有點刻意要唱準每一個字,
而導致咬字有點緊,有些齒音亦頗為明顯……
所以,單從聽覺上的感受而言,聽多了就會略有點兒不舒服……
雖然以整體來說,克勤在感情上的發揮已經比《愛可以問誰》那時自然多了!
但他就還是沒有將國語歌那份應有的樂韻完全表現出來。
也許是因為太久沒唱國語歌所以生疏了吧!
記得克勤在頭三張國語專輯根本就沒有這些問題出現!
那時候他對國語歌曲的詮釋非常自然,歌聲中滲透著濃濃的感情……
但想不到在多年後的今日,他竟然就退步成現時這種程度!唉~
若先撇下咬字問題不談,整張專輯的水準還是不錯的!
碟內的歌曲及整體所呈現出來的感覺都很有台式風味!
至於曲式就有點像克勤多年前的一張粵語專輯《飛花》。
大家還記得《飛花》碟內的其中一首經典「不知不覺愛上你」嗎?
這首歌剛好就是出自這次專輯的其中一位製作人李偉菘的手筆!

黃韻玲所製作的曲目 : 似曾相識、越開心越寂寞、補償、分不了手
李偉菘所製作的曲目 : 你要的未來、最佳良藥、看著你走、偶爾平凡

兩位在華語樂壇享負盛名的頂級製作人,分別挖掘出克勤在音樂上截然不同的兩面……

黃韻玲就如唱片專頁上面的簡介所說,
她喜歡將歌手真實的聲線不保留地表達出來,並愛將簡約的生活態度加進歌曲內,
錄製歌曲時更要求克勤用一把少許沙、少許沉的聲音來演繹!
克勤的表達來得愜意又不一樣,將公整的味道減去之後,卻有點粗糙而原始的罕有質感。

至於李偉菘在行內就是出了名嚴格的!
在他的嚴密監控之下,就將克勤的完美靚聲在這張專輯完全表露無遺。

接下來,就簡評一下專輯內的十首歌曲吧!

首波主打「似曾相識」在外界反應只屬一般,
更有樂迷批評此歌連做sidetrack的資格都沒有!
只能說鹹魚青菜,各有喜好吧!我自己就頗喜歡這首歌……
我認為它是一首很有畫面感和意境的一首歌!
鬼魅的旋律加上玄妙的歌詞,再配上那個很有《吸血迷情》feel的MV……
克勤這個失憶男的故事,仿佛就浮現於我們眼前!
自己頗喜歡姚若龍的那份詞,特別是最後的幾句,真的很有意思!
「所謂幸福  不是用完美定義  而是互相體諒  彼此感激」

李偉菘製作的「你要的未來」旋律優美,是本人在這張專輯內最喜愛的一首作品,
克勤在這首歌裡選用了一種非常輕柔的唱腔來表達歌中的氛圍,甚為討好!
而在假音部份方面亦表現出〝零瑕疵〞的風範,將其唱功發揮得淋漓盡致。

「越開心越寂寞」曲式夠大路,歌詞夠淺白,兩個字:好聽!

「最佳良藥」是一首帶點Jazz味的輕快作品,
那種充滿跳脫色彩的曲調,本來是頗有格調的!
但奈何這首歌的歌詞實在是相當不濟,
不知所云之餘,更有多處地方〝唔啱音〞!令人失望不已……
歌詞不濟,那麼歌者的演繹又如何呢?
聽得出克勤一開始是有意以一種淡而輕的唱腔去迎合歌中那種快樂氣氛……
特別是一開始的那句「Hey  這世界怎麼了」聽起來就讓人十分驚喜!
感覺上克勤就好像在跟我們輕鬆的談天一樣!
但唱下去……他的老毛病又來了!尤其是去到副歌部分……
總覺得他的演繹還是不夠放鬆!尤其在咬字上,更給人有一種〝綁手綁腳〞的感覺。

「補償」是一首頗有畫面的歌,講與舊情人聚餐,心中百感交集,但已恨錯難返……
克勤的演繹甚為激動,將歌中那份無力感詮釋得很傳神!越聽越入味。

「看著你走」內斂而感人,歌詞所說的像是那個男人「補償」後的延續故事……
克勤的演繹不錯,也唱出那份隱隱作痛的無奈心情,但如果可以再放輕一點來唱就更好了!
另外,個人覺得這種淡淡的歌其實點到即止就好!不斷重覆副歌部分,只會讓曲子顯得有點冗長。

「分不了手」很有台灣偶像劇主題曲的feel,輕輕鬆鬆的一首歌,感覺好舒服!

「偶爾平凡」果真是十分平凡!屬〝左耳入右耳出〞之作!
不過可幸的是歌詞填得不錯,雖然不算是很有深度,但亦偶有佳句!
對!人生真的不需要太追求完美!其實有時候……偶爾平凡也好。

最後就是專輯內特別收錄的兩首廣東作品「天河」和「孔明燈」……
這兩首歌都是由克勤近年經常合作的Eric Kwok所監製和創作的!
兩首歌來說我就較為喜歡「天河」,簡單的旋律和歌詞,卻勾起了段段情懷……
克勤不加修飾的樸素演繹,讓人聽起來感到很舒適,十分感動! 
「收音機轉眼播完經典的歌  很動人的一首歌  原來  原來模糊地唱過」
我想起Beatles的「Yesterday」和Bee Gees的「First of May」……你/妳呢?

相比之下「孔明燈」就較為失色!我覺得Eric Kwok首曲OK!克勤亦發揮得好好!
不過陳詠謙的那份詞,我就真是不敢恭維了!
我覺得生填的詞是有構思有畫面,但就常常喜歡在一些稜角位亂塞字企圖〝過骨〞!
老實說,像「天河」這種輕輕幾筆帶過的小品,可能還可以給你胡混過關!
但再深入寫下去的話,就難免會漸漸破綻百出了!
「學賣柴  落雨上大街  眨眼間  擺出學生哥姿態 」
「賣懶賣懶  賣到三十世界太殘酷  十個大志  九個沒眉目  察覺便已技窮」
「踏雪  踏雪  未見獵梅  放棄太容易  又上路了  很快一輩子  哪裡嘗有夢兒 」
不停在不該落筆的地方落筆,感覺上他就好像在玩填字遊戲一樣。

總括來說,這是一張值得細細品味的專輯……
雖然整張碟沒有太大突破,但幸好作品水準都很平均,亦算耐聽。
不過如果克勤想憑著這張《似曾相識》來打響華語唱片市場的話……
我認為就沒有什麼可能了!因為整張專輯好聽是好聽,但就不夠搶耳和缺乏記憶點!
再加上克勤在國語咬字方面又未如理想……
因此要在現今R&B和哭腔氾濫的台灣唱片市場分一杯羹,實在是相當困難!
此外碟內的十首歌曲流行元素亦欠奉,要進軍內地市場也不是一件容易的事!
看來克勤要在華語樂壇佔一席位,仍需繼續加倍努力。

最後……又是很多人談論的一個老問題……
風格不改?變化不大?歌路不寬?太過完美?
對於這些重覆不斷的批評,作為一個多年的克勤歌迷,我只想說……
我們喜歡李克勤,就是因為他是李克勤……
我覺得他只需做回自己就可以了!當然有時候偶然轉轉style是可以……
但試想想如果有一天,克勤方大同或是黃貫中的唱法來完成一張專輯的話……
我相信……這一定會比你看十次《索多瑪120天》來得更可怕。

推介歌曲 : 似曾相識、你要的未來、越開心越寂寞、補償、天河

86 則留言:

  1. 部份歌曲試聽應該很快便會被刪除,要試聽就快手了!XD

    回覆刪除
  2. "由李偉菘作曲的「你要的未來」旋律優美,
    是本人在這張專輯內最喜愛的一首作品。。。"
    偉菘老師是製作人。作曲人是解傳勤先生吧?
    [版主回覆10/29/2011 16:10:00]
    謝謝更正!XD

    回覆刪除
  3. 你要的未來 作曲人寫錯囉!
    [版主回覆10/29/2011 16:11:00]
    謝謝更正!XD

    回覆刪除
  4. 「所謂幸福 不是用完美定義 而是互相體諒 彼此感激」寫得真好!
    [版主回覆10/29/2011 16:13:00]
    對對對!

    回覆刪除
  5. 克勤D歌真係陪住我地成長,好感動!

    回覆刪除
  6. TIC, 佢近年既歌我都少聽,通常都係 Hit 歌我先至識。
    不過呢張碟既封面我就覺得好好,好難得佢有一個髲型我覺得襯佢。但係呢個好掂!
    [版主回覆10/31/2011 18:50:00]
    哈哈~個cover都幾復古!
    台灣樂迷應該會因此而將佢列為費玉清同林志炫呢類型嘅歌手。
    不過我都認同呢個hair style真係好襯克勤,幾有貴族feel!

    回覆刪除
  7. 幾靚仔喎佢今次個造型
    [版主回覆10/31/2011 18:51:00]
    成個貴族咁!

    回覆刪除
  8. 原美靚聲!
    [版主回覆10/31/2011 18:52:00]
    原汁原味!

    回覆刪除
  9. 講真倫倫D國語仲爛過佢,但聽起黎都自然過佢

    [版主回覆10/31/2011 18:52:00]
    就在半夢半醒之間……

    [陳一龍回覆10/31/2011 23:58:00]
    《半夢半醒之間》當年係台灣賣得勁好!
    仲有"心手相連"同"像我這樣的朋友",
    當然唔少得內地大紅既"披著羊皮的狼"啦!

    [版主回覆11/01/2011 20:08:00]
    上次睇康熙來了聽校長講當年《半夢半醒之間》剛推出第一版就賣左二十幾萬張...
    「披著羊皮的狼」真係好正!
    最鐘意校長有一次在環球唔知幾多週年個show唱那個版本!十個正!

    [陳一龍回覆11/02/2011 02:16:00]
    環球十周年飛越音樂經典演唱會

    回覆刪除
  10. 幾銀?
    [版主回覆10/31/2011 18:52:00]
    $105

    回覆刪除
  11. 趕得上,聽晒。初聽一次,覺得「似曾相識」好聽,
    可能受MV影響。「天河」好聽。「.孔明燈」MV拍得不錯。
    [版主回覆10/31/2011 18:53:00]
    找到知音人了!

    回覆刪除
  12. 只此一家ge好碟評![good] Time Is Changing,
    你應該係第一個人寫呢張碟ge碟評!
    我四周圍搵都唔見有人討論呢張碟..[可怜]

    [版主回覆10/31/2011 18:55:00]
    去D內地網站同討論區或者會有!

    [豬兜仔回覆11/01/2011 00:49:00]
    搵到一篇,但睇到我火滾!!!
    http://music.douban.com/subject/6893925/
    又係陳生D粉絲![怒] [怒] [怒]

    [版主回覆11/01/2011 20:11:00]
    各有各聽法,唔需要火滾……

    回覆刪除
  13. 已肯定2nd plug係#你要的未來#[鼓掌] ,
    全隻碟我最中意呢首,好show到佢把靚聲[贊]!
    另外超開心恭喜克勤 繼#天河#奪三大電台(RTHK,商台903及新城997)NO.1,
    #孔明燈# 本周一口氣再奪三大電台NO.1]鼓掌] !

    [版主回覆10/31/2011 18:56:00]
    恭喜哂!話時話……一張碟兩plug都拎903 NO.1,佢有幾耐冇試過?

    [豬兜仔回覆11/01/2011 00:41:00]
    04年空中飛人有空中飛人同大時代,05年演奏廳有情非首爾同婚前的女人,
    06年演奏廳II有天水、圍城同公主太子,07年My Cup of Tea有花落誰家同紙婚!

    [版主回覆11/01/2011 20:15:00]
    嘩!乜原來「公主太子」同「紙婚」拎過903 NO.1架?

    [豬兜仔回覆11/02/2011 13:02:00]
    2002-2005克勤太紅啦!紅到903都冇辨法子唔俾佢!
    02年個陣高妹冇獎反而gigi首高妹正傳有俾班樂迷狂插佢地小家![怒]

    [版主回覆11/02/2011 18:28:00]
    算啦!其實每個台都有自己特別偏好嘅歌手,只係903做得比較出面D je...
    講真我覺得有冇獎都係其次,最重要嘅係……
    一個一向都唔buy你,甚至根本冇人當你存在嘅自己人派對……
    其實你仲去嚟做咩?講真就算夾硬俾個獎你都冇意思啦!
    反而好似劉德華咁年年唔去就係唔去!咁仲好啦!

    回覆刪除
  14. 似曾相識個MV拍得好好..個女model好得
    [版主回覆10/31/2011 18:59:00]
    我都覺!

    回覆刪除
  15. 克勤有新片出?咁要上網聽聽先!^_^#
    [版主回覆10/31/2011 18:59:00]
    上面有試聽呀!

    回覆刪除
  16. ✿我回哂E-Mail就關機❤嘻嘻..my friend...
    今日我老公休息✿我要講晚安先啦..
    [版主回覆10/31/2011 19:00:00]
    ❤❤❤Thx u so much❤❤❤

    回覆刪除
  17. Good morning, Time is Changing!
    ...1.) 我喜歡聽李克勤的舊歌...!
    ...2.) 至於他的新歌, 聽來聽去, 我總是不能投入...!
    ...3.)http://www.youtube.com/watch?v=wM8HH6hTH3E
    ...4.)http://www.youtube.com/watch?v=TA5FcJ1uwRE
    還是舊夢如魚得水...!
    [版主回覆10/31/2011 19:02:00]
    舊歡如夢……佢今年有個倒轉唱嘅版本!

    回覆刪除
  18. Good Morning Time Is Changing!
    你要的未來is a really really really good song.
    Thanks for your sharing.
    [版主回覆10/31/2011 19:02:00]
    You are welcome!XDXDXD

    回覆刪除
  19. 多謝妳的分享﹗
    [版主回覆10/31/2011 19:02:00]
    You are welcome!XDXDXD

    回覆刪除
  20. 火鳳凰自言自語2011年10月30日 上午7:58

    18年前在理工遇上李克勤,很陽光的大男孩!
    現在已為人父了!他的歌聲很動聽!
    [版主回覆10/31/2011 19:04:00]
    18年前應該係唱緊紅日嗰陣!

    回覆刪除
  21. 我仲以為他退休 ! **
    [版主回覆10/31/2011 19:05:00]
    譚校長都未退幾時輪到佢……XDXDXD

    回覆刪除
  22. 我都係鍾意聽佢唱廣東歌多好多。

    回覆刪除
  23. 你咁推介,都真係要聽聽先.

    回覆刪除
  24. Sometimes too perfect is not a good thing -
    when we think about technicality too much,
    we lose the passion in music.
    [版主回覆10/31/2011 19:07:00]
    我覺得佢又唔係完美……

    回覆刪除
  25. 克勤 Fans, yeah!!! good taste ^^
    [版主回覆10/31/2011 19:07:00]
    Give me ten!

    回覆刪除
  26. ♚ 樂寶公主 ♚2011年10月30日 下午1:28

    ☆*:..✿☆:*:*・✿☆.. 午安! ♫♫ ♪♪♪
    Happy Halloween! 香港歌手都轉唱國語歌了! ❤
    [版主回覆10/31/2011 19:08:00]
    國語歌市場大呀嘛!

    回覆刪除
  27. Time Is Changing 午安,祝週日開心愉快。
    [版主回覆10/31/2011 19:08:00]
    謝謝!

    回覆刪除
  28. 唔睇歌詞有時真係會唔知克勤哥唱乜..haha
    [版主回覆10/31/2011 19:10:00]
    我聽到哂喎!

    回覆刪除
  29. 情牢OK ga~好多參加比賽ge人都有揀黎唱~~
    但都係Hacken最好聽~~~連小豬都有唱
    http://www.youtube.com/watch?v=edBXGYeWGNA
    [版主回覆10/31/2011 19:10:00]
    小豬哥真係有品味啦!

    回覆刪除
  30. 你聽唔聽好舊好舊個啲歌架?
    [版主回覆10/31/2011 19:11:00]
    例如有邊D呢?鄧麗君同蔡琴嗰D我都OK嘅!

    回覆刪除
  31. 你寫的樂評總是那麼全面, 細緻分析,,,
    你對樂壇動態很熟悉呢 ~ 能有緣分享你努力的圖文和視聽,
    很感謝您呀 ^^~~ 很精彩的分享 ~~
    [版主回覆10/31/2011 19:12:00]
    我只是對喜歡的歌手熟悉而已!XDXDXD

    回覆刪除
  32. 情牢隻碟真係好正!聽落去係冇一首想skip!

    [版主回覆10/31/2011 19:14:00]
    係!連首「一個人飛」國語版都好正!

    [Ka Wai回覆11/10/2011 14:28:00]
    請問一個人飛的國語版叫咩名??

    [版主回覆11/16/2011 00:04:00]
    「一個人飛」國語版叫做「知己」!

    回覆刪除
  33. Date me Dinner ar!!!PK!!!
    [版主回覆10/31/2011 19:15:00]
    XDXDXD!

    回覆刪除
  34. 那些試聽, 錄音水準很高, 音色清呢 ~~^^~~
    [版主回覆10/31/2011 19:16:00]
    Hope you like it!

    回覆刪除
  35. 天河..旋律簡單而優美,淡淡既哀愁..
    呢首歌幾適合我呢d中年人士聽.,聽完真係有d感概..

    [版主回覆10/31/2011 19:17:00]
    我都就30啦!所以都幾touching!哈哈~

    [山度士回覆11/02/2011 18:29:00]
    30歲都仲好後生唧.

    回覆刪除
  36. i like Hacken too!!!
    btw, your header is very cool!!!
    [版主回覆10/31/2011 19:17:00]
    只是用小畫家求其弄的!XDXDXD

    回覆刪除
  37. 蜓子...................2011年10月30日 下午8:21

    嘩..........................水蛇春甘長.....既留言...........哈哈
    [版主回覆10/31/2011 19:19:00]
    哈哈~我長氣嘛……

    回覆刪除
  38. Hi ! Bo ~ 歲月不留人,昨日見他;老咗好多..
    [版主回覆10/31/2011 19:20:00]
    哈哈~查實佢都四十幾了……

    回覆刪除
  39. 晚安,TIC !=]你真係一個忠實克勤迷!讚!^^~
    聽左(似曾相識),(分不了手),認同你講,克勤唱國語總有點怪怪的,
    唔知係咪聽慣左佢唱廣東歌呢!另一個問題,亦可能係我個人問題,
    始終獨愛(深深深)時的克勤,(深深深)隻碟真係超好聽,知你一定都好熟,
    但我都要講,(此情此境),(浪漫長路),(心上人)都係我的飛佛,
    仲有(一千零一夜)隻碟果時都非常正呢!^^~克勤唱功了得無可否認,
    但咁多年都好似差左D運氣,或者今次轉戰大路市場,可能更有作為,繼續支持佢啦!

    [版主回覆10/31/2011 19:26:00]
    Woo~靚媽咪果然都係有品味之人XDXDXD!
    係呀!《此情此境》同《一千零一夜》兩隻碟真係好正!
    尤其係後者……好鐘意「雷雨」同「仍然深愛著你」呢兩首遺珠!
    而《此情此境》有首「聽說你失戀」都好正架!

    [kawai回覆11/01/2011 16:06:00]
    TIC,你曲線讚自己有品味呀!呵...anyway,多謝!=]
    (雷雨)我記得呀!雷雨要爆發每每瞬息間 寧靜不可掩飾巨浪會翻
    仍苦苦支撐是捨不得 我恨你抹角轉彎....
    (聽說你失戀)我都記得,你當時說我總不知 你心中所想所思太多不同時 你
    此時到底知不知 始終一心一意 始終不改真摯 是我對你這永恆 愛意 ...^^~
    哈!我讀書時,隨左鍾意哥哥之外,就係克勤啦!SEE...

    [版主回覆11/01/2011 20:18:00]
    俾妳睇穿添XDXDXD!
    我女友話克勤當年係學生王子來的XDXDXD!完全想像唔到XDXDXD!

    回覆刪除
  40. 李克勤的歌聲其實蠻好聽的,不知是否錯覺,總覺得往時的歌號得較有吸引力。
    [版主回覆10/31/2011 19:27:00]
    也是……

    回覆刪除
  41. 你好呀!Thanks for sharing.

    回覆刪除
  42. 咦!!~佢唱國語就即刻唔似你la wor~

    [版主回覆10/31/2011 19:31:00]
    哈哈~妳up咩呀?XDXDXDXDXD

    [Sundae Girl回覆11/01/2011 02:03:00]
    I mean 你唱國語就會唔似HACKEN~~但一唱翻廣東就...dont know why~ha

    [版主回覆11/01/2011 20:22:00]
    我知道妳個意思……只係覺得妳形容得好好笑!XDXDXD

    回覆刪除
  43. 很認同你對台灣樂壇的見解,你談到字正腔圓的歌手,
    令我想起另一位實力派歌手 - 呂方,他的情況跟李克勤也有點像,
    又是那種值得細味的完美音色,縱使沒有大紅過。
    但可惜的是,現在他們兩人的高音都沒有以前的清脆動人了。
    [版主回覆10/31/2011 19:35:00]
    咁呂方唱國語歌好過克勤好多!
    當年佢嘅「朋友別哭」同「彎彎的月亮」喺內地都好hit!
    而佢首「老情歌」喺台灣都有好多人識!

    回覆刪除
  44. 有時候錯了就是錯了,想「補償」 都沒有用。
    [版主回覆10/31/2011 19:36:00]
    ……

    回覆刪除
  45. TIC你好!謝謝分享好歌!Happy Halloween!!
    [版主回覆10/31/2011 19:30:00]
    Hope you like it!

    回覆刪除
  46. 【天河】 <<< 催眠曲Z_Z
    [版主回覆10/31/2011 19:36:00]
    哈哈~

    回覆刪除
  47. 陳詠謙=填詞界第一KAI子::o):o)得罪講句,佢真係廢柴中既廢柴#kill2#
    [版主回覆10/31/2011 19:37:00]
    佢好似係Wyman帶入行的!

    回覆刪除
  48. Time,Happy Halloween!克勤都係唱廣東歌好聽D!
    [版主回覆10/31/2011 19:37:00]
    Happy Halloween!

    回覆刪除
  49. 條友分明係用粵語腔口音去唱國語,咁梗係怪啦
    [版主回覆10/31/2011 19:39:00]
    哈哈~貝加兄你都覺呀?呢張同《愛可以問誰》個情況就最明顯!

    回覆刪除
  50. Good morning~ Thank you for sharing ^^
    [版主回覆10/31/2011 19:40:00]
    You are welcome!

    回覆刪除
  51. 克勤是本地樂壇賣實力的歌手,時下新人無可比~~

    回覆刪除
  52. 奇怪!為何還不安排他上台灣的電視台做宣傳呢?例如是康熙來了和百萬大歌星。
    [版主回覆10/31/2011 19:41:00]
    皮球一向都唔重視佢架啦!

    回覆刪除
  53. Long time no see。。。
    I like「似曾相識」too。。^^。。
    編曲個opening好靚。。。。個MV又有故事性。。^^。。
    [版主回覆10/31/2011 19:42:00]
    Yeah!

    回覆刪除
  54. 很喜歡克勤的一首舊國語歌<留什麼給你>,個人覺得他比孫楠唱得更出色。
    還有他和潘美辰合唱的<放不下感情>,又是一首佳作。

    [版主回覆10/31/2011 19:42:00]
    乜孫楠有唱過咩?另外總覺得「放不下感情」克勤和潘美辰的對唱很像唱山歌XDXDXD……
    「 哎~~太極功夫整饅頭哩!驚天動地。 饅頭睇落又香又甜,好鬼想食……」

    [寂寞先生回覆11/01/2011 12:06:00]
    哈哈!你講開又似喎!但首歌又的確係好鬼好聽!兩大高手過招,各有千秋。
    <留什麼給你>的原唱本身就是孫楠,但他的版本土味十足,我不太喜歡。

    [版主回覆11/01/2011 20:26:00]
    我只知道鄭秀文有唱過廣東話版!

    回覆刪除
  55. 聽落去有怪怪既感覺

    回覆刪除
  56. Time Is ChangingHappy Halloween☆*:..✿☆:*:*・✿☆.!¸.
    •*´❤ ℒ ℴ ν ℯ❤. ❤`*•哈哈 多謝你 歡迎你

    回覆刪除
  57. 唱歌機器
    [版主回覆10/31/2011 19:55:00]
    但呢部機器近年經常失靈喎XDXDXDXD!
    時下D歌迷應該好buy先係架XDXDXDXD!

    回覆刪除
  58. ❤嘻嘻..my friend...❤

    回覆刪除
  59. ӇƛƤƤƳ Ѽ ĦÂĿĿØЩЄЄИ ツ ٩(●̮̮̃•̃)۶
    等我 ..... 來嚇你羅! ஒ ஓ ◦ ° ๑•ิ.•ั๑ ☺ ☻ ☺ ☻
    [版主回覆11/01/2011 18:29:00]
    ஒ ஓ ٩(●̮̮̃•̃)۶ Ѽ Ѽ 有冇去wet呀?ஒ ஓ ٩(●̮̮̃•̃)۶ Ѽ Ѽ

    回覆刪除
  60. 我係咪似似曾相识呵?呵呵呵!万圣节快乐!
    [版主回覆11/01/2011 18:29:00]
    呵呵呵~

    回覆刪除
  61. 萬聖節 快樂
    [版主回覆11/01/2011 18:30:00]
    些些~

    回覆刪除
  62. 個人意見:成隻碟d歌都好plug過似曾相識,你要的未來越聽越正!
    越開心越寂寞最plug 得過!補償d歌詞好正,最佳良藥幾fresh,支持克勤!
    [版主回覆11/01/2011 18:31:00]
    但克勤話自己最鐘意「似曾相識」同「看著你走」喎!XDXDXD

    回覆刪除
  63. 佢真係幾有實力的!

    回覆刪除
  64. 呢張碟冇一首歌係值得我飛......尤其是越開心越寂寞&補償,實在太正啦!~
    如果天河(天河Remix version)收錄埋落去就更好!~
    不過係宣傳方面,唔見巴士 & MTR 有廣告= =......
    [版主回覆11/01/2011 18:32:00]
    上次演唱會都冇宣傳啦!

    回覆刪除
  65. 當年相識李克勤 大家出去滾
    碌鳩已漸痕 銀行提現金 一千蚊
    [版主回覆11/01/2011 18:33:00]
    唔係三千蚊咩?XDXDXD

    回覆刪除
  66. 我一直都覺得純計粵語歌李克勤係羅文之後香港唱得最好的一個男歌手..
    佢就算唱幾難唱幾急的歌都可以保持粒粒字清楚,呢樣野唔夠料的歌手一定做唔到,
    因為廣東話發音其實係眾語言中最難的!但佢唱國語歌就真係唔好聽。
    [版主回覆11/01/2011 18:35:00]
    認同!

    回覆刪除
  67. 李克勤多年來都保持水準,真是值得佩服。
    現在的聽眾往往只管憑感覺聽歌,
    但其實一個真正成功的歌手是不可只靠感情唱歌, 唱功也是很重要的。
    [版主回覆11/01/2011 20:36:00]
    哈哈~太有同感了!Dr!

    回覆刪除
  68. 「零瑕疵」的嗓子....正正是演繹情歌的最大瑕疵???...
    反正,世上沒有一種情感關係不是千瘡百孔的...所以本人比較喜歡...
    張國榮、阿LAM及王傑演繹的情歌....女歌手方面黎瑞恩也跟克勤的情況類同...
    而且黎瑞恩都幾喜歡咬字咬到好「實」...所以好比較適合唱勵志歌。
    另外,多年前本人去聽日本樂壇組合.........來港舉行的演唱會...
    因為....張學友也有唱過原創作品的COVER VERSON...比如等等...,
    因此,當晚學友被邀上台當嘉賓唱情歌...點知....他唱其中一首情歌時...
    唱了開頭一句突然跌咪...跟住講了聲SORRY...再重頭唱過...
    在我眼中...學友是次正正是將情歌以「近乎最經典最近完美」的手法表現了出來....
    世上有好多藝術品....都只是接近完美非完全零瑕疵...
    世上所有活的真的鮮花更加不是完美無瑕....只有人工仿造的假花在假裝完美。
    [版主回覆11/01/2011 20:46:00]
    咁我又真係唔覺得克勤係「零瑕疵」,
    講真其實我覺得佢真係俾呢個稱號害鬼死!
    搞到佢成日都俾人串!哈哈哈哈~
    嗯....我覺得....可能我自己係屬於感情較為內斂嘅人啦!
    所以我會比較buy克勤同林志炫呢類歌手....
    張學友當然係好得!佢同阿LAM係我認為香港最好嘅兩位male singer....
    而張國榮technique雖然唔強,但就感情搭夠!我覺得佢唱歌好有線條美.....

    回覆刪除
  69. 孔明燈旋律同Air Supply首Goodbye有八九成似,blog主點睇?
    [版主回覆11/02/2011 18:38:00]
    你講開又真係幾似喎!尤其係副歌部份……

    回覆刪除
  70. 嘻..嘻..嘻..我回家嚟❤`*•.¸.*.✿
    my friend.Happy又一日啦❤..晚安呀..( ̄▽ ̄)

    回覆刪除
  71. 試聽哂!!冇首似會流行,但就幾好聽!!夠自然!好舒服!!
    [版主回覆11/02/2011 18:42:00]
    咁流行又唔一定=好聽,好聽又唔一定=流行嘅!
    好似「老鼠愛大米」喺內地都好鬼hit 架!但就……難聽又煩到嘔!XDXDXD

    回覆刪除
  72. 呢隻碟冇好似上幾隻碟咁搞gimmick反而仲討好,
    你要的未來D高音位唔易唱,克勤好野..

    回覆刪除
  73. 好鍾意這張國語碟.. 比我想像中好..
    廣東歌如果唱多D呢種style 一定好hit..
    除了主打歌,個人特別鍾意"補償","越開心越寂寞","你要的未來"
    [版主回覆11/02/2011 18:43:00]
    廣東碟做到咁D人就會覺得太平淡唔夠K架啦!XDXDXD

    回覆刪除
  74. 我很讚成,克勤就是要唱克勤式的歌,我最喜歡這樣的他!
    [版主回覆11/02/2011 18:44:00]
    Yeah~

    回覆刪除
  75. 喂喂Time Time!Red Mr.遲D有你要的未來唱呀!你可以去挑戰下![偷笑]

    [版主回覆11/02/2011 18:44:00]
    咁難唱你叫我點唱呀?XDXDXD

    [豬兜仔回覆11/02/2011 21:28:00]
    你唱歌咁似克勤!得ge得ge![哈哈] [ok] [干杯]

    [版主回覆11/02/2011 23:25:00]
    我投降扯白旗……XDXDXD

    回覆刪除
  76. 克勤唱國語歌始終都沒有他唱粵語歌時的那份揮灑自如的自信,
    若在香港,男歌手方面我認為已過世的羅文先生、張學友、呂方和陳奕迅唱國語歌是最標準的。
    [版主回覆11/02/2011 18:58:00]
    我諗呢個就係克勤一直喺華語樂壇地位遠遠唔及張陳兩人嘅主因!
    如果提起唱國語歌好嘅香港男歌手……我認為周華健係最好!(佢其實係香港人……)
    仲有杜德偉、蘇永康同鄭中基都好好!咁如果講最好就一定係黎明啦!
    雖然佢唱功平平……不過……佢來自北京……所以唔計!XDXDXD

    回覆刪除
  77. 另外你提到李偉菘為李克勤所寫的作品,我滿喜歡多年前的一首在我身邊。
    [版主回覆11/02/2011 18:58:00]
    我都好喜歡!

    回覆刪除
  78. 抱抱啦...嘻..嘻..嘻..❤`*•.¸.*.✿My friend
    [版主回覆11/02/2011 20:13:00]
    ❤`❤`❤`❤`THX❤`❤`❤`❤`

    回覆刪除
  79. my friend 鍚錫..我又出街食飯了...Bye Bye

    回覆刪除
  80. hacken!!! i got his latest concert live CD set ~~ ^^
    [版主回覆11/04/2011 00:43:00]
    Cool~

    回覆刪除
  81. 每首歌(試聽)都很不錯!

    回覆刪除
  82. 非常有心的碟評 支持!!
    [版主回覆11/10/2011 18:43:00]
    THX~

    回覆刪除
  83. 哇!你好厲害吖!!!

    回覆刪除
  84. 哈!今晚﹝剛才﹞9 點多 在機場 就遇見他﹝李克勤 & 盧淑儀﹞一家幾口,
    他們的小朋友 好可愛,10 點幾 又見到 温拿 5 虎。

    回覆刪除