2010年8月3日星期二

WHY?

今日,我的心情指數可說是跌到了谷底……

一名法官的姪女三度襲警仍獲輕判,消息震撼整個警隊,
連市民網民都看不過眼,更呼籲一人一信,要求律政司覆核重判。
對於這件事,個人並沒有太大的怒氣,
因為我一向都知道法律面前,從來都是窮人含撚!
法律根本是用來欺負窮人和老實人的最佳工具,
不要說襲警了!就算是藏毒、不小心駕駛、刑事毀壞、醉駕、普通襲擊……
總之只要你是大法官親戚或是有權有位有勢的人士就無須坐監,
以上那些事情,都是曾經在現實中有發生過的。
說到這兒,我自己就準備了兩個故事,想和你們分享一下……
第一個故事:

簡單D講,K先生嘅一位舊校友H先生喺前幾日揸車撞到個阿婆,
個婆婆噚晚死咗,先唔討論件事個實情到底係點,
但係,H先生同佢班朋友喺Facebook上嘅留言,就令K先生睇到眼火爆!

節錄H先生喺Facebook上嘅留言

(個阿婆死前)

「阿婆係架車被拖走的時候阿婆仲急救緊~!~~!
車主唔係我,第3保唔知保唔保呢?
保險收左工,不過打左去話星期一上去話我知點做。
告我不小心扣5分就停牌lu,之前影左2次衝燈扣左10分!」

「我都希望阿婆冇事,不過阿婆年紀好大(應該有7-80歲)」

「其實如果婆婆太辛苦頂住條命都情願她早d去個舒服d的地方!」

(個阿婆死後)

 「個阿婆琴晚過左身, 唔知之後點呢..............」

 「可能會睇下係唔係落地撞到後腦而引致~!~!依家應該要等佢出報~!」



屌你老味!人哋係畀你撞撚到呀而家!你講到好似同你一D關係都冇咁!
D死人語氣輕描淡寫,第一時間淨係諗住有冇得claim保險,
但就從來冇諗過去探下個阿婆同慰問下阿婆D家屬!
仲有7-80歲又點?你老母!你唔撞個阿婆佢可能會有100歲命㗎!
但就算個阿婆冇……都唔代表你可以咁做!
喂~阿哥!你之前已經有晒前科,點解仲係死不悔改?
同埋更重要嘅係,喺案發之後,我就完全感覺唔到你有絲毫悔意,
相反,你條撚樣竟然仲有心情上Facebook發表埋呢D咁嘅垃圾言論!
情願個阿婆早D去個舒服嘅地方?家吓係你送人去死呀仆街!
不過最令我眼突嘅,都係條撚樣班腦殘朋友嘅回應……

節錄H先生班腦殘朋友喺Facebook上嘅回應

「細佬..問心無愧就得..阿婆唔會怪你..希望在明天無事架^_^」

「可能驗到佢本身是有病,不關你事呢,不要太擔心.」

「ngngng, 又可能係wor, 佢本身都咁老, 可能真係唔關你事呢 ...」



What The Fuck?呢班仆街個腦究竟係乜撚嘢構造?
家陣個阿婆都死撚咗喇!仲點怪佢個仆街杏家橙呀?
再講,即使最尾個官判你冇事,但你條撚樣D語氣就令人覺得……
你只係怕事唔肯承擔,打上Facebook係想人撐你同企圖推卸責任,
你老味你得閒上Facebook鳩噏,點解又唔去同阿婆D親屬道句歉呀?
你條人渣有妻有兒,真係唔撚怕會有報應㗎?正仆街!趁地淋啦!
第二個故事:

K先生和S小姐曾是一對無所不談的青梅竹馬,
S小姐有一位同性知己叫做C小姐,
C小姐本身是一個感情生活非常豐富的前衛女性,
她和K先生表面上是朋友,但實質上就一直保持著SP的關係。

有一晚C小姐如常地通宵夜蒲,但就很不幸遇上一件慘絕人寰的悲劇,
當晚她的富家子男友聯同幾位損友誘騙她喝下一杯「加料」飲品,
然後就把她迷姦了!C小姐醒來後十分害怕和傍惶她不敢告訴任何人,
於是只好找K先生幫忙,K先生知道此事後鼓勵她報警,
並一直在C小姐身旁朝夕相伴以作支持,
那時候的K先生只有十八歲,思想比較純真,
當時在他腦袋裡只有一個念頭,就是法律是公正的,
上天是有眼,人是有良知的,只可惜,得出來的結果卻是……
三位被告被判無罪並當庭釋放,面上還掛著得意的笑容輕鬆地離開法院,
至於受害人C小姐則被對方的辯護律師多番出言侮辱和攻擊,
及後更受不住打擊而精神崩潰,還被送往精神病院。
不清楚實情的S小姐在得知此事後,就把C小姐的遭遇全歸咎於K先生,
她直覺上認為其好友之所以會被人送到精神病院,
這一切肯定是因為K先生為人浪蕩濫情而導致的。
在這件事之後,S小姐和K先生之間的友誼就開始變得比以前生疏,
雖不致於反目成仇,但就始終無法回到昔日的友好關係,
假若你是K先生,你會忍心把所知道的實情告訴S小姐嗎?

然而,事隔多年,到今日,犯罪的人經已移民多年,一切就此完結了……
最後,只剩下瘋癲的C小姐、憤怒的S小姐,還有內疚自責的K先生。


三度襲警仍獲輕判,對於我來說只是笑話一則,
但面對以上這兩個故事,你還能一笑置之嗎?
小時候跟老媽見面不多,但她從小就教我……
想事情不要老是只向壞的方向想,
試試從一個樂觀的角度去看待社會的大小事情,
她說法律是公正的,這個世界是公平和有公義的,
可是,若果這個世界真的是公平和有公義……
那為何又會有以上這些混帳事情發生呢?
這堆天怒人怨的社會案件,全部都是真實的浮現在我們眼前!
公正的法律?公平?公義?請各位往公仔箱內繼續努力尋找吧!
「個世界唔應該係咁,但個世界……本來……就係咁。」
我的座右銘,多年來從來都沒有改變過。

28 則留言:

  1. 法律基本上是公平的,但由人來主宰的法律始終有不完善的地方!
    站在我的宗教觀點,人始終係罪人,由罪人來管理世界,世界又如何會有公平,公義呢?

    回覆刪除
  2. 早晨, 時間在變, 變幻オ是永恆嗎!

    回覆刪除
  3. 錢能改變一切,曾幾何時,我地都會要求人地捨生取義,去讓位俾2012上船既VIP

    回覆刪除
  4. 對於呢次事件應有切膚之痛嘅我,聞訊後真係冇太大憤慨,
    因為,比呢件事更離譜嘅都經常重覆地發生.......
    對於第一個故事,最令我難受係條仆街 d 朋友回應..............
    而第二個故事,更一次證實呢個世界(香港)玩完架喇,大家不如自求多福好過。

    回覆刪除
  5. 一向都是有錢人....有頭有面的..
    世界.....我們一般市民所謂活於公平的法律下..是假象。
    其實....全是冰山一角的事...
    有很多不平事..只是被人蓋住了未見光.....
    你太激動也只是傷自己心身......

    回覆刪除
  6. 維持原判.......我對這個判決真的失望到極點。
    香港為何會變成這樣.......

    回覆刪除
  7. 看你的網誌那麼久,總覺得你是一個頭腦清晰和把所有事情都分析得很透澈的一個人。
    但無奈有很多事情是我們無法控制的!說真的,其實我也很無奈..

    回覆刪除
  8. 在世界每一個角落都有很多灰暗和不公的事情,
    我們就算有多不接受,也需學習消化,因為我們實在是太渺小。

    回覆刪除
  9. 犯法都有自尊,咁差佬係咪唔需要自尊?官官相衛喇~~

    回覆刪除
  10. 阮X明,大大聲聲話有錢人同窮人一樣,但你條食屎狗根本就背住良心講說話,
    真係有人信咩?黑幫黑,大家都早知道,唔通佢會幫窮人咩?
    阮X明是包致金隻玩鞋狗,包X金要佢食屎,都一樣要食....
    天下烏鴉一樣黑,如果天有眼,保佑佢下世做一隻食屎狗(好似星爺套食神個吳孟達)....

    回覆刪除
  11. 狂小子
    開開心心 快樂健康 晚上好
    世界本來就不公平,因為人類嗰心係偏左!!!

    回覆刪除
  12. 人分高低貴賤
    事實擺在眼前
    法律人人平等
    此乃惑眾妖言

    回覆刪除
  13. 真係要"標童"請青天包大人返黎~~

    回覆刪除
  14. "The one thing you have to accept in life,
    which I think I accepted a long time ago,
    is that there is nothing that is absolutely fair or unfair under the sun."
    Quoted Anson Chan in an article interview. (original in English)

    回覆刪除
  15. 剃刀・魯鐸克2010年8月15日 上午6:51

    法治已死..

    回覆刪除
  16. 今期雞巴男最響
    熱烈地彈琴熱烈地唱

    回覆刪除
  17. 呢D人應該拎去皇后像廣場鞭屍!我係話你頭一篇文果班契弟!

    回覆刪除
  18. 搞乜呀,咁耐冇見想同你say hi都唔得,你d網誌成日唔比人回覆
    我以後都唔黎喇! 哈哈哈哈

    回覆刪除
  19. 呢D人無資格做你朋友啦 !

    回覆刪除
  20. 班仆街唔怕鬼節阿婆返黎搵佢哋!!!

    回覆刪除
  21. 「看清楚」這篇文的人,我認為你可以無需理會他們,
    因為他們不配當你的朋友,也不配當人。

    回覆刪除
  22. 的確,是不應該拿來講笑。

    怎可如此冷酷無情?

    回覆刪除
  23. 唔好理D廢人~

    回覆刪除
  24. 多麼可悲的一群人。

    回覆刪除