2007年7月25日 星期三

23-7-2007 - 家樂Green Box失聲唱K遊

前晚又同阿華、柏盛去咗唱K!
以前我覺得去唱K如果冇番六、七個人以上嘅話,個感覺就會好怪!
尤其係冇女仔嗰陣!因為如果冇女仔喺度……啲男女合唱歌都真係唔知搵邊個去唱好!
不過,近年我就開始比較鐘意幾丁友去唱K多啲!點解?一嚟冇咁嘈!
二嚟……就係當我點一啲偏門少少嘅歌嚟唱嗰陣都唔怕會俾人當我係一個另類份子!哈~

其實我個喉嚨都發炎咗好耐,甚至痛得連發聲都有啲困難!
不過前晚我就依然好堅持要同佢哋落K唱番晚!因為我近排壓力真係好大!
所以學《男歌女唱》入面嘅黃子華話齋:
「都市人咁鬼多壓力,真係一定要靠唱K去舒緩壓力先至得!」
喺呢度,真係好想多謝阿華同柏盛!多謝你哋兩位好兄弟肯陪我癲足成晚!
雖然你哋可能唔知……其實前晚我嘅心情本來係好down㗎!
但係同你哋玩完一晚之後……我而家嘅心情就好番好多喇!

哈~喺唱K嗰陣,我忽然間就諗起陳奕迅嘅一首歌…… 
「喉嚨痛得要死  全沒有心機  卡拉今晚不OK」
計我話,其實喉嚨痛又有乜好怕喎?正所謂唱K能醫百病!
得閒無事嗌番晚,真係仲有效過你啪十粒消炎丸呀!

《23/7/2007之Green Box失聲唱K遊部份實錄》



開下聲先!柏盛featuring小弟嘅K歌之王!~



等盛盛再整番首勁歌Monica俾大家熱下身先!~



再嚟!大佬華嘅與神對話!~



估唔到會有呢首超級冷門歌唱喎!黃舒駿嘅馬不停蹄的憂傷!~



再唱多首冷門歌,華人第一男聲林志炫蒙娜麗莎的眼淚!~



喂!呢隻歌HIT嗰陣你出咗世未呀盛哥仔?~




唱到甩哂咀甩哂Key……我唱嘅誰叫我!~



等咗成晚終於都等到喇Tragedy!~



嚟多首Night Fever!~



盛盛女歌男唱,仲要係日文歌……First Love!~



大佬華又玩女歌男唱,梅豔芳嘅烈焰紅唇!~



大佬華featuring小弟將冰山劈開!~



兩兄弟整多隻
Beyond名曲 - 舊日的足跡!~



最後一曲……大佬華婚紗背後!~

沒有留言: