世盃狂熱過後⋯⋯

Tukoh, tukoh taka, tukoh tuh, ta-ta～Tukoh tuh, ta-ta, tukoh tuh, ta-ta～Tukoh, tukoh taka, tukoh tuh, ta-ta～Tukoh tuh, ta-ta, tukoh tuh, ta-ta (يلا سوا)～Tukoh, tukoh taka, tukoh tuh, ta-ta～Tukoh tuh, ta-ta, tukoh tuh, ta-ta～

四日前和一位已經下班卻自願陪我OT至凌晨兩點的好同事在公司觀看了一場被許多球評家及球迷視為世界盃歷史上最扣人心弦的史詩式決賽，全程超過120分鐘毫無冷場，未到最後一分鐘都不知道鹿死誰手，簡直是精彩過戲！

正所謂講多無謂，回帶睇片最實際！以上精華片段是轉載自ViuTV YouTube頻道。

誰是阿根廷的奪冠功臣？必定非表現如有神助的瘋子門將馬天尼斯莫屬！其次是隊中的主要靈魂美斯，而第三位則是在比賽初段為隊友搏得12碼並取得一個關鍵入球的迪馬利亞。

那當然，冷靜沉實兼且調動得宜的44歲少帥史卡朗尼，同樣也是功不可沒。

甫出道便受到老馬、細哨欽點及提攜，再憑藉自身的天賦和努力成為當之無愧的世一球王，如今更成功協助阿根廷時隔36年再度捧走世盃冠軍，再加上之前拿下的重要錦標如美洲國家盃、奧運、世青盃、歐聯 (4次)、世界冠軍球會盃 (3次)、歐洲超級盃 (3次)、歐美超級盃、西甲 (10次)、西班牙超級盃 (7次)、國王盃 (8次)、法甲、金球獎 (7次)、世界足球先生 (2次)、歐洲最佳球員 (3次)，細數美斯曾獲得的多項成就，真是叫其他對手望塵莫及。

今期我個朵好似雷咁響～你回撚晒塘就唔該你畀個位我上～長江後浪推前浪就係人都知～唔該你閃撚開～咪撚阻鳩住！(設計對白)

如果要選出該場決賽的MVP，我一定會毫不猶豫將麥巴比的名字填上去！這位剛滿24歲的法國足球天才以8個入球力壓美斯奪得金靴獎，光芒四射的精湛演出，猶如大哨上身一樣，進一步奠定其新一代球王地位。

如果想開心～為什麼需要忍？我是神話的聲音～你會否幫我含？(設計對白)

師兄請放心，一返到巴黎，我就會叫副主席艾卡利法賣你去阿拉伯同朕嘅偶像阿朗齊齊等退休！(設計對白)

不僅是美斯和C朗，39歲的丹尼爾艾維斯、38歲的泰亞高施華、37歲的摩迪、36歲的紐亞&基奧特、35歲的蘇亞雷斯&卡雲尼、34歲的布斯基斯&利雲度夫斯基，以及33歲的德國前鋒湯馬士梅拿，都很有可能在卡塔爾跳完這場「世盃最後探戈」之後便正式卸下身上那件國家隊球衣，靜待一眾後輩接班。

除了冠亞軍阿根廷和法國之外，要數今屆最令我難忘的五支隊伍，分別是首度躋身4強的「非洲黑馬」摩洛哥、堪稱「加時王上王」的季軍克羅地亞、熱血至上的「藍武士」日本，還有唯一沒有在法定時間落敗的「橙色兵團」荷蘭和在分組賽爆冷擊敗阿根廷的「亞洲雄獅」沙地阿拉伯。

我心目中的卡塔爾世界盃2022最佳11人

領隊：列格古 (摩洛哥)

門將：達米安馬天尼斯 (阿根廷)

中堅：堤亞高施華 (巴西)、加華度爾 (克羅地亞)

左閘：馬高斯阿古拿 (阿根廷)

右閘：夏基美 (摩洛哥)

中場：基沙文 (法國)、比寧咸 (英格蘭)、摩迪 (克羅地亞)

前鋒：麥巴比 (法國)、基奧特 (法國)、美斯  (阿根廷)

HELLO你哋好～小弟個名叫做比寧咸，嚟緊將會過晏菲路跟軒哥搵食，請多多指教。(設計對白)

喂～𡃁仔！你係咪搞錯咗少少嘢呀？出名孤鳩寒仲登晒廣告想賣盤嘅F$G又哪有錢買你呢？(設計對白)

吓～乜嘢話？你大我呀？我啱啱先遞咗份轉會申請畀多蒙特咋喎！(設計對白)

嘿嘿～兩位咪傻啦！偉大嘅芬威集團擺明係禾稈冚珍珠，早幾日仲派人同我傾晒合約準備過檔㖭呀！唔信可以問吓意大利著名足球記者Di Marzio㗎！(設計對白)

嗶嗶～返嚟囉～返嚟囉～唔好再發埋咁多白日夢，再唔起身返工就遲到扣勤工㗎喇！(設計對白)

Hey～唔使騰！No Problem！萬大事有我高爸撐住！一陣喺伊蒂哈德球場舉行嘅聯賽盃16強壓軸戰，我哋利記絕對係志在必得！(設計對白)

多名國腳級人馬回歸助陣，且看紅軍能否以衛冕身份一顯實力，實行一洗季初頹風。