2021/22年度英格蘭聯賽盃冠軍 - 利物浦

經過90分鐘法定時間 + 6分鐘補時 + 30分鐘加時，再完成一場超激烈嘅十二碼大戰，久違十年，利物浦就終於喺溫布萊球場成功擊敗狀態大勇嘅車路士，第九次贏得英格蘭聯賽盃，再度成為呢項盃賽奪冠最多嘅英超球隊。🏆

Caoimhin Kelleher has won all three of his penalty shoot-outs for Liverpool in the League Cup.

◉ 1 save vs Arsenal

◉ 2 saves vs Leicester

◉ 1 winning goal vs Chelsea

The shootout hero. 🥅

要揀今場波嘅最佳球員，必定非“炒麵仔”基利靴莫屬！理由係乜？上面嘅數據已經話晒畀所有人知！平時成日見呢位愛爾蘭新星木木獨獨冇乜表情，十足十啲唔聲唔聲嚇你一驚嘅冷血殺手咁，心諗個衰仔應該都係嗰種唧都唔笑嘅Super Coolman，點知贏咗個盃接受記者訪問嗰陣，我就罕有地見到佢笑容滿面，仲差啲忍唔住喊㖭！😂

哈哈～講起上嚟，而家隊波個個龍門都咁勁又咁有大獎命，都真係一種快樂嘅煩惱嚟！😆

「因為晉級過程一直係由佢踢，呢個盃賽係佢嘅比賽，所以冇理由決賽唔繼續由佢把關。」居然夠膽喺咁重要嘅賽事入面堅持起用“炒麵仔”而冇將“艾利神”列入正選名單，真正做到言出必行，淨係呢一點，已經抵班球員同球迷咁撐你，高爸你係得嘅！👍🏻

能夠一路順利殺入決賽，有兩位球員確實係功不可沒！一個係隊中嘅聯賽盃神射手南野拓實，另一個就係遠近馳名嘅“風水前鋒”奧歷治，杜曹，想出花樣換個後備龍出嚟企圖嚇鬼擺風水陣？你問過晏菲路運財力子未呀？🤪

Hey Hey～唔使怕醜喎日本仔！呢隻盃仔你絕對捧得起有餘！😚

迪亞高祖達話：「Hi Everybody～我喺個盃賽度都貢獻過三個入球㗎！大家千祈唔好忘記！☝🏻」

雖然喺整個聯賽盃賽事入面一球波都冇入過，嚟到決賽又打到成擗屎咁，但望返“Egyptian King”今季喺英超同歐聯嘅神級表現，都係嗰句，請麻煩FSG好快快手同佢續約，咪再一拖再拖！😤

掌握今場波一半以上嘅攻勢，有速度，有技術，攞波又黐腳，呢位冬季加盟嘅哥倫比亞新兵路爾斯戴亞斯終非池中物，將來必成大器！💪🏻

提到新人，又點可以唔講吓利物浦自家出產嘅熱血小將哈維艾利洛？上年九月重創傷出，今年二月即奇蹟復出，呢一份不屈不撓嘅頑強鬥志實在令人相當佩服！👏🏻

雲將軍、阿諾，多得你哋股威猛氣勢嚇窒對面個龍門兼教練，場PK大戰先至會踢得咁順利！🤩

不過計我話，如果頭先唔係個仆街黑哨VAR阻Q住晒嘅話，馬迪普肯定老早做咗英雄！😠

Henderson: "It's mad to think we won this trophy 10 years ago. To come back and win it again is really special. The fans deserve it, the players deserve it." [sky] ⚽️

所謂十年人事幾番新，唯一留得返喺陣中嘅就只有“百屌成才皇上皇”軒達臣，去到今時今日，唔知仲有邊位球盲敢再走出嚟質疑我哋“執屎大隊長”嘅領導能力呢？🤭

Come On紅軍們！仲有英超、歐聯、足總盃三項冠軍尚未到手，請全速前進！加油！努力！GoGoGo～👉🏻

喂～喂～獌聯後備名宿，奧脫福廁所獎門人，你企開啲啦！屌你老母！咪影衰晒好冇？🤮

臨瞓前，又係時候要重溫多次門神阿列沙巴拿加嘅一腳精彩Goal Kick！🤣