四日前,我一個人到紅館看了克勤的30週年演唱會,在這兒想藉著這篇觀後感來跟大家分享一下自己於當晚的一些所見所聞和所思所想……
![](https://blogger.googleusercontent.com/img/b/R29vZ2xl/AVvXsEjmNG13GjbQQuIgacwk7f5_uz4-NibEzRrtGoJ9U_r5TAN5VTtHw6CJc2lSQ2aZItX4yEm2WC5cbAYKqsQYmuofETVb9lc4v4Ao-TzUo46Z-godLSl6GNdpa-UewbD0ALT3BGYXK6XIw7dq/s1600/1.jpg)
11/9/2017 李克勤慶祝成立30週年演唱會(尾場)Rundown
開Show時間:晚上八時三十分
完Show時間:晚上十一時五十九分
01. 舊歡如夢
02. In The City
03. Medley:30克/紅日
04. 藍月亮
05. 當找到你
06. 告別校園時
07. 一生不變
08. 活著為求甚麼
09. 天水圍城
10. 二十四城記
11. 失魂記
12. 無朋友
13. 沒有你贏了世界又如何
14. 也曾相識(譚詠麟、李克勤合唱)
15. 一個人飛(譚詠麟獨唱)
16. 最愛
17. 左鄰右里
18. 今晚唱勁歌
19. 一枝花
20. 禮拜六無節目
21. 我著十號
22. 請你早睡早起
23. 閃電傳真機
24. 深深深
25. 偷偷摸摸
26. 不知不覺愛上你
27. 高妹
28. 情非首爾
29. 空中飛人
30. 眷戀
31. 妳是我的太陽
32. 希望
33. 夏日之神話
34. C3PO
35. 大會堂演奏廳
36. 命運符號
37. 一個都不能少
38. 球迷奇遇記
39. Victory
40. 護花使者
41. 回首
Encore
42. 月半小夜曲
43. 舊生會
44. 合久必婚
45. 九月中的陌生人
46. 我不會唱歌
47. 一千零一夜
48. 再見穿梭機
49. 飛花
50. 紙牌屋
51. 只想您會意
52. 好戲之人
53. 誰願分手
54. 愛不釋手
前陣子因為生病的關係,深怕我的咳嗽聲會騷擾到旁邊的觀眾,因而遲遲未有前去購買今次演唱會的門票。後來,多得五蜈蚣標神保佑再經過一段時間的靜養,我的身體才漸漸恢復健康,並於開騷前一個星期趕及到通利琴行買了一張尾場的票,作為一個廿多年的忠實歌迷,都算是對自己有所交代吧!哈哈~好!事不宜遲!我們不如就趕快乘坐時光機回到2017年9月11號當晚吧!Come On!般若波羅蜜~
呼~距離演唱會開始的時間還有一個小時多,要儘快去找點東西醫醫肚才行!
人生首次撇下女友獨自去紅館看演唱會,因此,本人就先到場館附近的茶餐廳吃一碟豆腐火腩飯來紀念此事。
吃完飯到紅館附近的都會商場逛了一會,還順便去洗手間放低幾両,之後我就提早15分鐘來到場館。
數數手指,原來克勤都有六年時間沒有開過個人演唱會,為了隆重其事,他所屬的唱片公司《英皇娛樂》於早前就揚言會不惜工本將紅館打造成一個萬人嘉年華大派對。眾所周知,克勤以往的個唱都是以音樂和唱功行先,例如是邀請管弦樂團、小交響樂團作伴奏,但這次適逢入行30週年,他就決定要搞搞新意思,除了找之前在《容祖兒李克勤演唱會2015》合作過的何秉舜和幫鄭秀文做過舞台設計的Fran9來擔任其音樂總監及演唱會總監之外,還特意請來好友黃偉文為他挑選服裝。他表示今次的紀念騷會將視覺效果放在歌曲前面,並會注入一些豐富的娛樂元素,務求讓觀眾看到一個完全不一樣的李克勤。
各位勤迷,Are You Ready?3!2!1!演唱會一開場,克勤就以一身全黑的Tuxedo造型登場,並於多位Dancer陪同下唱出其舞蹈生涯癲峰之作〈舊歡如夢〉,全新編排的舞步配合強而有力的音樂節拍,親身為後輩羅志祥示範何謂正宗的「屌西舞」。
開開車我Gel Gel Hair~穿梭於都市我開心些~開開車我Gel Gel Hair~穿梭於都市我開心些~由一代鬼才林振強填詞,並收錄於1989年《Purple Dream》大碟內的〈In The City〉,假如將它放在現今樂壇的話應該就會被一眾網民稱為「膠歌」。克勤在演繹這首歌時吊著威也還向著台兩邊做出向前傾斜離地45°的動作,當演唱完畢,舞台上空隨即放出絢麗奪目的煙花,讓全場掌聲不斷。
一九八七簽約後台上唱歌~由出道、拍劇唱到做無記契仔拿勁歌金曲獎,再由老婆盧淑儀、偶像譚詠麟唱到阿叔食煙和蒙面啟賢,最抵死的是連舉世聞名的送禮事件都搬進歌詞裡頭,作為是次紀念騷的主題曲,這首〈30克〉當中的故事和表達出來的幽默,是要有一定資歷的克勤歌迷才可以領略得到!
唱完一連串的快歌Medley,克勤就用優美綺麗的〈藍月亮〉和溫暖且窩心的〈當找到你〉來緩和現場歡眾的高漲情緒,四平八穩的表現就好比原聲唱片一樣。
第一次現場看到克勤拿著一把結他自彈自唱,感覺還頗新鮮,但說到底這始終都不是他的專長,有見及此,克勤就嘗試用其靚聲來蓋過自己在彈奏技巧上的不足,更罕有地散發出一陣自然純樸的民歌味道,亦令人深深感受到他的那一份懇摯。
由〈活著為求甚麼〉、〈天水圍城〉、〈二十四城記〉和〈失魂記〉所組成的「社會現象四部曲」是我在整個演唱會裡面最喜愛的一個部分。先用〈世界末日的早上〉的音樂做引子,接著克勤就站上一個小小的20呎高台唱出〈活著為求甚麼〉,游刃有餘的假音比CD內的版本發揮得更為理想。而在演唱〈天水圍城〉時,克勤就以一個非常斯文的四眼Look示人,並用其澎湃激昂的唱腔把歌中那份磅礡的氣勢與氛圍表露無遺,但聲音就不太入咪。至於個人極為期待的〈二十四城記〉Live Version聽起來則明顯不及大碟版本細膩,比如在一些需要轉折的地方上,以克勤的歌唱水平是應該可以將這些細節位處理得更完整的。可幸的是,他於四部曲最終章〈失魂記〉中甚為肉緊的演繹就總算為先前兩段不完美的演出扳回一城。
社會現象四部曲完結,在間場時,大會就播放了一班克勤好友如譚詠麟、劉德華、郭富城、謝霆鋒、鄭秀文、陳慧嫻、周慧敏等人預錄的短片,當影片播放完畢,克勤就立刻現身為大家帶來一首句句不押韻,字字唔啱音的〈無朋友〉,說句老實話,我一向都極之討厭這首歌,所以這3分15秒很自然就成為了小弟的「廁所位」。
要數克勤過去一些跟友情有關的高質作品,於1996年收錄在《當找到你》專輯的〈沒有你贏了世界又如何〉絕對是當中的表表者。來到演唱會中段,他就用這首「友誼之歌」來呼喚是次紀念騷的壓軸嘉賓譚校長出場,並跟他合唱了一曲〈也曾相識〉,他們兩人一唱一和,甚有默契,譚校長帶點滄桑的歌聲配上克勤超凡的神級和音,真是聽得人如痴如醉!而在嘉賓Solo部分校長就特意選了克勤的〈一個人飛〉,於整個演唱過程入面,校長雖然稍有甩拍的情況出現,偶爾還會走音和唱錯歌詞,但這種隨性的演繹方式就如同幫克勤上了一課,也讓我們了解到……有些歌曲是無需要唱到很完美很靚聲才算是最好的。
說起來,我還真的沒有想過自己居然會被克勤與譚校長這一段深厚的師徒情感動得雙眼通紅,習慣了現今世界的殘酷遊戲,習慣了職場上的虛情假意,習慣了某些家人和朋友的冷嘲熱諷,在社會打滾得越久,我就越感覺到如果一個人一生能夠遇到一個像校長這樣的貴人,確實是一件相當難能可貴的事。
你們可以想像身為歌手的克勤從出道至今經已填過百多份歌詞嗎?在唱完自己於1993年寫給周慧敏的〈最愛〉後,他就即席在台上開了一個小型作品展,老少咸宜的〈左鄰右里〉、風趣抵死的〈今晚唱勁歌〉、麻甩玩味的〈一枝花〉、〈禮拜六無節目〉、鼓動人心的〈希望〉、描述一名夜歸女子的〈請你早睡早起〉、為2006年世界盃寫的〈我著十號〉和經典兒歌〈閃電傳真機〉,除了這堆輕快作品之外,克勤還曾經寫下許多首膾炙人口的經典情歌,例如是〈夏日之神話〉、〈大會堂演奏廳〉、〈深深深〉、〈眷戀〉、〈妳是我的太陽〉、〈偷偷摸摸〉、〈不知不覺愛上你〉、〈高妹〉、〈空中飛人〉、〈情非首爾〉,還有以星戰作為題材的新歌〈C3PO〉等。兩段作品展Medley足足長達20分鐘,這項挑戰對於唱功穩定的克勤而言當然就毫無問題,唯一缺點就是不夠投入,更給人有一種小型歌迷聚會之感。
用〈命運符號〉來總結克勤30年的歌唱生涯實在是最適合不過!也許是動了真情的關係,克勤在演繹這首由自己親自作曲兼填詞的作品時就顯得格外用心,無論在音準、拍子和感情投放方面均準確到位,再一次證明這位人兄跟《龍珠Z》裡的孫悟飯一樣,每次都要去到重要關頭才會進化成超西2使出真功夫。此外,曾得過「金話梅影帝」的他又跟我們透露於明年將會首度擔任電影導演這個崗位,聽到這個消息真是令我感到興奮不已!難道本人日盼夜盼,望穿秋水的驚世巨作《新舊歡如夢之怪叔叔跳古怪舞》與《現袋舞王叻大戰屌西舞王勤》終於都上映有期了嗎?
克勤向來都是一位標準的足球發燒友,在鳴謝各單位的環節上,他就特別要求每位樂手穿上球衣登場,還請來著名足球評述員蔡育瑜替他做旁白,而獻唱第三段快歌Medley時,他更故意將朗尼和C.朗拿度的慶祝動作加插入舞蹈之中。說真的,這段隨隨便便的載歌載舞比開場那幾段精心編排的「殭屍舞」真是好看多了!
在演唱〈回首〉之前,克勤就率先預告各人最關心的Encore環節將會於這首歌完結後正式展開,但就正當他還在表演的時候,有部分觀眾竟然就紛紛起立離場,這舉動對台上的歌手實在是太不尊重了!喂喂~你們就不能等人家唱完整首歌才離開座位嗎?不過話分兩頭,真不知道這種事先張揚的Encore文化到底是由誰發明的?既無聊又嚴重騷擾到一班真心想聽歌的人,說穿了根本就是一場故弄玄虛的無聊把戲!唉~為什麼大家就不能正正經經地把一早安排好的歌曲一次過唱完呢?
每逢開騷必定會唱的〈月半小夜曲〉、〈合久必婚〉、〈我不會唱歌〉、〈飛花〉,十次開騷九次都會唱的〈一千零一夜〉、〈只想您會意〉,老貓燒鬚甩了一大段歌詞的〈紙牌屋〉,九成勤迷心目中的遺珠之最〈九月中的陌生人〉,石沉大海多年的〈舊生會〉以及克勤本人很喜歡的〈再見穿梭機〉〈好戲之人〉和〈誰願分手〉……坦白說,在整個Encore環節當中還真是保守得令人有點失望!除〈舊生會〉外,大部分的選曲不是一些耳熟能詳的超級經典就是在上幾次Concert唱過的!雖然有一位男性觀眾從開場不久就大聲高呼著〈此情此境〉這個名字,到差不多完場他仍是要鍥而不捨地不停嘶喊,但時運高的克勤就一於繼續裝作聽不見!哈哈哈~
轉眼間就來到演唱會的尾聲,當克勤在演唱結尾曲〈愛不釋手〉時,一班歌迷就拿著自己的手機來製造星海隨著他的歌聲飄動,令克勤一度哽咽還差點唱不下去,其後更激動得哭成淚人!此時,全場萬多名歡眾馬上幫忙接唱,整個畫面實在是非常溫馨,十分有愛。
總括來說,若撇除死忠歌迷這個身份來看的話,這場30週年演唱會雖不算是精彩萬分,但就絕對誠意可嘉。在入場前,有幾位看過這場Concert的朋友就語重心長的跟我說:「入去看場Show不用那麼執著!Take It Easy!Just For Fun!」只是,作為一個單純的愛歌之人,我還是希望克勤可以將重心放在歌唱方面,尤其是上年在台北小巨蛋看完林志炫的演唱會後,我內心就更期望有一天他都會試著去舉辦一個極大規模的音樂盛典。我當然明白,商業社會終究是商業社會,特別是現在來看演唱會的人絕大多數都是以氣氛行先,正因如此,克勤才會免費贈送兩支嘈到拆天的仆街吹氣棒給我們亂扑一通。或許有人會問:「像李克勤這類實力派唱將還有必要搞那麼多花臣嗎?」針對這一點,我想說的是……縱使外界經常批評克勤不夠星味,可是怎麼說他都曾算是半個偶像派, 而且整個人所散發出來的娛樂氣味又甚重,這也是他的製作團隊為何會於這場騷內安排多段只求博君一笑的舞蹈環節和加插一幕幕五光十色的舞台效果的其中一個主要原因。
各位,還記得曼聯以前有位名叫艾雲的球員嗎?一直都覺得這位球員在球場上的作風跟克勤唱歌的風格很像,都是平平穩穩絕少犯錯那種,分別就在於前者肯定就沒有後者那麼熱衷送禮!嘻嘻~既然克勤是一個超級曼迷,那我就嘗試借用這位愛爾蘭左後衛來形容他在今次演唱會的表現吧!某日,艾雲突然被領隊費格遜安排出任進攻中場這個位置,由於陣中所有能勝任這個位置的人都受傷了!於是,他只好聽從Boss吩咐硬著頭皮上陣。在串演攻中的這段期間,艾雲縱然未有拿過一場MVP,但這位人稱「穩定先生」的球壇老將助攻助守的勤奮表現就成功協助球隊獲得九連勝的佳績。
有時候,正所謂「十隻手指有長短」,要李克勤將所有專注力都放在舞蹈上面,即是等同叫郭富城在整場Concert裡面都不要跳舞,然後就請一隊交響樂團來讓他大Show唱功一樣,簡直是阿茂整餅!但當看著一個年近半百的人仍有勇氣跳出其專屬的Comfort Zone並願意花時間去克服自身的肢體障礙,我認為單是那份堅持和熱誠已經值得大家給他一個讚。
六年前,我跟女友兩人在紅館看了《李克勤 & 香港小交響樂團演唱會》,這場Concert雖然沒有什麼花巧的東西,也沒有什麼令人感到深刻的畫面,但一首蕩氣迴腸的〈三千零一夜〉就勾起了我和女友一些埋藏在心底內多時的戀愛片段。六年後,我一個人在同一個場館觀看《李克勤慶祝成立30週年演唱會》,這場紀念騷跟六年前的小交演唱會一樣,同樣是沒有什麼讓人感到驚喜和拍案叫絕的地方,不過,於這場騷上就赫然給我「偶遇」一位好久不見的小學同學和一位素未謀面的老Blog友,儘管我們只是互相在facebook問候了幾句,但那份遠距離的祝福卻深深溫暖我的心房,同時亦印證了我在多年前說過的一句話……就是有些回憶,有些感動,還是只有李克勤才可以帶給我的!Mr.Lee,Good Show & Thank You~
一連九場的演唱會結束後,相信有很多忠實勤迷跟我都有著同一個疑問,那就是:「我們日盼夜盼的Side Track演唱會究竟要等到何年何月才能得得得償所望呢?」其實我的要求並不多,只需要一部普普通通的鋼琴、一個中等水平的鋼琴師和一堆百聽不厭的滄海遺珠,再加上一位名叫李克勤的香港男歌手就可以了!至於場地方面就隨便你們吧!就算是類似早前那種用Facebook Live形式去做的Mini Mini Concert我都OK!來吧克勤哥~難得林憶蓮、楊千樺、容祖兒和梁漢文等人都先後幫你試好水溫,那不如你就試著跟趙傳大哥學習勇敢一點啦!千萬不要讓這些Side Track變成一堆無人認領的「嘥Track」啊!
![](https://blogger.googleusercontent.com/img/b/R29vZ2xl/AVvXsEgcCoeLLFgzKJmDGztDFXjYB-Srb30JvoZxAfDVkWMp6P3xNKGu9UfA8Jllua4jsUhWdrrfOiDfu8VdceqXq9HXkigR9E0g9P35sRvnOJtVCqig0DkVOsCS5jrMPOfdCsaw6hJyViuasXQ/s1600/maxresdefault.jpg)
PS:部分照片、影片、Rundown內容是轉載自李克勤、鄭紹康的Facebook專頁/Anita Chan小姐/Hacken Zone/hk01和各大報章。
《舊歡如夢》 李克勤 @李克勤慶祝成立30週年演唱會
回覆刪除https://www.youtube.com/watch?v=2hKgqNjIBhQ
《In the City》 李克勤 @李克勤慶祝成立30週年演唱會
https://www.youtube.com/watch?v=_8Z8v_kGo7g
《30克/紅日》 李克勤 @李克勤慶祝成立30週年演唱會
https://www.youtube.com/watch?v=8IW0Wr1gpBE
李克勤 反斗舊歡如夢.wmv:http://youtu.be/uB4k6SKZNtA
刪除講到屌西舞嘅精髓點可以唔提呢段?[sosad][369]
嗰陣時跳舞好似有自信啲!先唔好理佢跳得好唔好……😂😂😂
刪除(4K)李克勤 - 藍月亮(live@「李克勤慶祝成立30週年演唱會」)
刪除https://www.youtube.com/watch?v=O55KM-ldbws
《當找到你》 李克勤 @李克勤慶祝成立30週年演唱會
https://www.youtube.com/watch?v=ipkzDBOMN3U
(4K)李克勤 - 告別校園時(live@「李克勤慶祝成立30週年演唱會」)
刪除https://www.youtube.com/watch?v=4eXYln1YUbw
一生不變 @李克勤慶祝成立30週年演唱會
https://www.youtube.com/watch?v=1nggjqOzvWc
《活著為求甚麼》 李克勤 @李克勤慶祝成立30週年演唱會
刪除https://www.youtube.com/watch?v=9q1IG6pihSs
《天水‧圍城》 李克勤 @李克勤慶祝成立30週年演唱會
https://www.youtube.com/watch?v=muagXgyxN2E
《二十四城記》 李克勤 @李克勤慶祝成立30週年演唱會
https://www.youtube.com/watch?v=2fu2X7rgKiQ
《失魂記》 李克勤 @李克勤慶祝成立30週年演唱會
https://www.youtube.com/watch?v=x5QgpEEk3SE
《無朋友》 李克勤 @李克勤慶祝成立30週年演唱會
刪除https://www.youtube.com/watch?v=pHwH7M5x-LA
沒有你贏了世界又如何@李克勤慶祝成立30週年演唱會 (嘉賓譚詠麟出場)
https://www.youtube.com/watch?v=WH8T36ShQkg
《也曾相識》 李克勤 譚詠麟 #左麟右李 @李克勤慶祝成立30週年演唱會
https://www.youtube.com/watch?v=poCRvKTGfT4
《一個人飛》 譚詠麟 @李克勤慶祝成立30週年演唱會
https://www.youtube.com/watch?v=tVubZvFF9F8
《最愛》 李克勤 @李克勤慶祝成立30週年演唱會
刪除https://www.youtube.com/watch?v=X_gJxHnbXRM
填詞medley(左鄰右里_今晚唱勁歌_一枝花_禮拜六冇節目_我著十號_請妳早睡早起_閃電傳真機) 李克勤 @李克勤慶祝成立30週年演唱會
https://www.youtube.com/watch?v=yOGl_UIiu4s
深深深_偷偷摸摸_不知不覺愛上你_高妹_情非首爾_空中飛人 @李克勤慶祝成立30週年演唱會
https://www.youtube.com/watch?v=_BUBBk29oMo
眷戀 你是我的太陽 希望 夏日之神話 @李克勤慶祝成立30週年演唱會
https://www.youtube.com/watch?v=PKSX0pNaWA4
《C3PO》 李克勤 @李克勤慶祝成立30週年演唱會
https://www.youtube.com/watch?v=8x7ZNQIZ_E0
《大會堂演奏廳+命運符號》@ 李克勤慶祝成立30週年演唱會
https://www.youtube.com/watch?v=cO_t2ZWYcOY&t=3s
(4K)李克勤 - 命運符號(live@「李克勤慶祝成立30週年演唱會」)
刪除https://www.youtube.com/watch?v=9L5ZcxdLLwE
李克勤慶祝成立30週年演唱會 - 一個都不能少 / 球迷奇遇記
https://www.youtube.com/watch?v=LKUtvkbXaNY&t=223s
(4K)李克勤 - Victory&護花使者(live@「李克勤慶祝成立30週年演唱會」)
https://www.youtube.com/watch?v=c4eODYWiZLw
《回首》 李克勤 @李克勤慶祝成立30週年演唱會
https://www.youtube.com/watch?v=nSnD4Q7IMXo
《月半小夜曲》@ 李克勤慶祝成立30週年演唱會
刪除https://www.youtube.com/watch?v=y5564lQsXG8
《舊生會》 李克勤 @李克勤慶祝成立30週年演唱會
https://www.youtube.com/watch?v=aCL5f-EkgcY
(4K)李克勤 - 合久必婚(live@「李克勤慶祝成立30週年演唱會」)
https://www.youtube.com/watch?v=W_ZD1g_KTCI
《九月中的陌生人》 李克勤 @李克勤慶祝成立30週年演唱會
https://www.youtube.com/watch?v=QRMfq8iM6Og
《我不會唱歌》 李克勤 @李克勤慶祝成立30週年演唱會
刪除https://www.youtube.com/watch?v=Mj3bunEhfNs
《一千零一夜》 李克勤 @李克勤慶祝成立30週年演唱會
https://www.youtube.com/watch?v=U6L1DnvLVP0
《再見穿梭機》 李克勤 @李克勤慶祝成立30週年演唱會
https://www.youtube.com/watch?v=D-LkijWvtrI
飛花 @李克勤慶祝成立30週年演唱會
https://www.youtube.com/watch?v=S-8ec9FZipc
李克勤慶祝成立三十週年演唱會尾場~ 紙牌屋
刪除https://www.youtube.com/watch?v=YufPyxGY-io&t=133s
《只想你會意》 李克勤 @李克勤慶祝成立30週年演唱會
https://www.youtube.com/watch?v=eIdfWhE7ufQ
《好戲之人》 李克勤 @李克勤慶祝成立30週年演唱會
https://www.youtube.com/watch?v=nvUYIQzmZS0
《誰願分手》 李克勤 @李克勤慶祝成立30週年演唱會
https://www.youtube.com/watch?v=2HIBa6t0Q8U
李克勤慶祝成立三十週年演唱會尾場~ 愛不釋手
https://www.youtube.com/watch?v=-V1VrGQWs0Q
李克勤 《此情此境》- 李克勤慶祝成立三十週年演唱會
刪除https://www.youtube.com/watch?v=6-5npkjAJXQ
(4K)李克勤 - 一個人飛(live@「李克勤慶祝成立30週年演唱會」)
https://www.youtube.com/watch?v=2AsVYdEpv0s
《仍是老地方》 李克勤 @李克勤慶祝成立30週年演唱會
https://www.youtube.com/watch?v=J2LohQJhR0A
【李克勤慶祝成立30週年演唱會】嘉賓鄭秀文出場
刪除https://www.youtube.com/watch?v=o5pUyGZBtfo
鄭秀文 李克勤《信者得愛》@ 李克勤慶祝成立30週年演唱會
https://www.youtube.com/watch?v=hWIcKz58u6k
鄭秀文《終生美麗》@ 李克勤慶祝成立30週年演唱會
https://www.youtube.com/watch?v=BpBz6snV-j0
李克勤 X 鄺美雲 Talk @李克勤慶祝成立30週年演唱會
https://www.youtube.com/watch?v=HYmUquU-yJA
《 李克勤 X 鄺美雲 》衹有情永在 @ 李克勤慶祝成立30週年演唱會
https://www.youtube.com/watch?v=d-LRGWW6t00
李克勤成立30周年演唱會 4/9/2017嘉賓:鄺美雲 堆積情感
https://www.youtube.com/watch?v=WAPrP-YqryQ
擔任李克勤個唱嘉賓 巫啟賢大唱首本名曲
刪除https://www.youtube.com/watch?v=c2HNlq1xlnU
20170905 JW 矛盾一生 李克勤慶祝成立30週年演唱會
https://www.youtube.com/watch?v=syADsxyntiw
李克勤 C AllStar《天梯》@ 李克勤慶祝成立30週年演唱會(6/9/2017)
https://www.youtube.com/watch?v=kqmjrltu9Qc
朋友(李克勤 李玟合唱)》@ 李克勤慶祝成立30週年演唱會(6/9/2017)
https://www.youtube.com/watch?v=aGvJ0XEv26c
30周年演唱會獲群星捧場 李克勤繼續落力獻唱
刪除https://www.youtube.com/watch?v=ZybCQHntnqI
葉蒨文、李克勤《信自己、數字人生、祝福》李克勤慶祝成立30週年演唱會
https://www.youtube.com/watch?v=Y2QFqvwAfkw
周慧敏「萬千寵愛在一身+孤單的心痛」@李克勤30周年演唱會
https://www.youtube.com/watch?v=DiragZTnnmc
《癡情意外》 李克勤 陳慧嫻 @李克勤慶祝成立30週年演唱會
https://www.youtube.com/watch?v=AmbC2vBDSJk
《跳舞街》 李克勤 陳慧嫻 @李克勤慶祝成立30週年演唱會
https://www.youtube.com/watch?v=Fxv0gwH3GqY
《傻女》 陳慧嫻 @李克勤慶祝成立30週年演唱會
https://www.youtube.com/watch?v=r_swrCYN-gQ
上面有今次演唱會嘅所有片段,我已經盡量將佢哋搵出嚟,希望可以幫到所有未睇過而又有興趣想睇嘅朋友!各位,Enjoy!☕
刪除雖然我極之唔鍾意臭四,但唔可以否認佢一出黎個氣場就已經蓋過曬身為主角既李克勤,更加唔好講倫伯,葉蒨文同李玟呢d神枱級同國際級,個個一同你合唱人地就即刻變曬做焦點,呢樣野佢真係要好好返去檢討下!
刪除佢唔跳舞就咁行出嚟正正經經唱歌都有一份歌唱家嘅風範嘅,但奈何佢平時做埋咁多柒嘢,份人又過份真心膠,所以大家對佢咪有個固定形象喺度囉!😂😂😂
刪除exactly!佢唔開口講嘢都話好D,一開口就成日懶詼諧咁。
刪除咁佢講嘢又唔係話完全唔好笑,只係未至於可以開到棟篤笑嗰種……😂😂😂
刪除閃電傳真機同此情此景都好耐無聽......
回覆刪除此情此境當年明明係主打歌,唔知點解佢成日都唔唱!😡😠
刪除唱咗唔少歌喎,逐首計都值回票價。
回覆刪除般若波羅蜜
刪除菲臘兄:的確係好抵睇,總共唱咗成三個半鐘!😁👍
刪除大夫:克勤真係唱過觀自在菩薩~行深般若波羅蜜多時~😂😂
李克勤 心經
刪除http://youtu.be/4-UK3o1QGl8
狂兄每次寫克勤都總係落足料,今次都不例外。
回覆刪除《新舊歡如夢之怪叔叔跳古怪舞》與《現袋舞王叻大戰屌西舞王勤》笑死我了!
此留言已被作者移除。
刪除如果佢願意自編自導自演再搵埋叻哥同佢做雙主角就正!香港Cult片界又有新希望喇!😍🎬
刪除到時票房會不會創出前所未有嘅最低?
刪除印像中克勤有份拍嘅電影好似冇一套超過一百萬票房?
那些什麼左麟右李我愛一家人和美女廚神全部都係慘淡收場。
主演嘅就應該冇,有份演嘅就應該有!😂😂😂
刪除Yes 一族 (1991)
刪除太子傳說 (1993) ... 探長
運財智叻星 (1996) ... 神仙
漫畫風雲 (2001)
不解之謎 (2001) ... 逸思
愛在陽光下 (2003)
不可思議星期二 (第一輯) (2003)
愛在陽光下 (2003)
六壯士 (2004)
左麟右李之我愛醫家人 (2006)
美女食神 (2007) ... 杜碩堅
女人.本色 (2007) ... 威廉
王家欣 (2015)
Yes一族、太子傳說、運財至叻星同六壯士肯定有,其餘嘅就唔知,不過好似左麟右李之我愛醫家人呢啲咁嘅世紀大爛片其實有五萬票房已經當係贏……😂😂😂
六壯士其實幾好睇,盧巧音做得不錯。
刪除佢做戲好過唱歌好多!😂😂😂
刪除克勤一生可以遇到alan真係佢嘅福氣嚟
回覆刪除當年佢事業跌落谷底 真係全靠阿倫扶佢一把
能夠識到呢種貴人佢絕對應該好好感恩
好在佢份人都唔忘本 無論去到邊都會提住呢個師傅
講到呢度 我真係好想聽下譚生唱嘅一個人飛
不過 我已經完全可以想像到佢會用咩方式去演繹
上面有link可以試聽,我覺得佢唱出咗一種半夢半醒嘅感覺!哈哈~😂🍷
刪除我重複聽咗好多次 真係好有味道
刪除我覺得阿倫唱好戲之人一樣會咁好聽
我反而好想聽佢唱一個都不能少,睇下佢會唔會唱到屌屌聲?😂😂😂
刪除你唔講都唔知克勤填咗百多首歌詞。
回覆刪除而今次有咁多首歌聽,嘩,真係好抵呢!
再,我看到有張相,佢好似穿咗件睡袍咁!嘻嘻…
克勤有好多好經典嘅歌其實都係出自佢自己嘅手筆!👍
刪除在克勤同盟會看到有fans share你的文章,
回覆刪除想特意過來support你,你寫得真的好好。
吹氣棒一段和最後的遺珠演唱會呼籲真是不能認同更多!
多謝支持。😆✋
刪除我冇乜嘢想講🤐
回覆刪除我非常之欣賞你嘅愛恨分明!😂😂😂
刪除癲佬又發功寫咁多字,一陣李克勤又響電台回應你😏
回覆刪除呢篇寫得咁撚溫馨,用詞又咁斯文,相信應該唔會!😊不過我覺得佢應該唔會睇到,上次只不過係屎忽撞棍有人拎比佢睇!😂
刪除😏😏😏
刪除😜😜😜
刪除點解你寫咗咁多次李克勤都仲會有咁多靈感寫到咁多嘢?
回覆刪除因為每個人各自都會有屬於自己嘅情意結。🎀
刪除以後仲可唔可以唱球迷奇遇記?
回覆刪除呢個係一個相當好嘅問題!😂😂😂
刪除點解你冇上台做嘉賓ge???😯
回覆刪除上面rundown果堆歌好似有一半以上我都聽你唱k唱過~~~😂
我有上台呀~仲同佢合唱咗一首「也曾相識」,然後自己就獨唱咗「一個人飛」,現場反應都幾熱烈,再一次多謝大家支持!😊🎤
刪除頂你~~~~😂😂😂😂😂😂😂
刪除😘😘😘
刪除好有質素的歌手,你好叻,買到飛。
回覆刪除克勤啲飛唔算好難買,係張學友、劉德華呢啲級數先會有機會撲唔到飛!😆😆😆
刪除早晨小子,就咁樣睇個show都幾抵睇喎!由八點半唱到十二點咁濟,又唱左咁多經典。好可惜呢,如果唔係有工作在身我諗我一定會走去現場睇!早排響新聞見到鄺美雲已經覺得好驚喜,冇法,唯有出碟果陣自己keep番隻支持下。我不嬲都好欣賞克勤,無論對老婆對家人對朋友對曼聯都係一樣咁長情而且形象又正面,同埋佢身為一個80s尾出道既歌手可以唱到咁多個世紀其實真係好唔容易呢!有好多同佢同期出道既歌手唔係轉左行就係直接變埋失蹤人口.
回覆刪除如果出碟照計應該會收錄晒尾場嗰啲歌,校長有份唱嗰兩首可能就除外。😆
刪除我真心覺得克勤真係完全憑實力走到今時今日,咁多年以嚟佢都冇靠啲花邊新聞去宣傳自己,就算有都係做埋啲戇戇鳩鳩嘅嘢,仲要比人笑到面都黃嗰種……😂😂😂
刪除Btw,同佢同期嗰啲藝人,我淨係講有份拍《淘氣雙子星》嗰堆,而家就得返佢同郭富城仲活躍緊!阿Paul基本上已經轉戰大陸,黃家強簡直就係半退休狀態,而黃翊同黃寶欣就潛水潛到最近先出返嚟,梅小惠、黃澤鋒就直頭好似轉埋行添!至於女主角余倩雯就嫁咗人做家庭主婦,記得克勤六年前開演唱會佢都有去睇,克勤仲將佢哋嘅合照擺上微博,之後阿Paul仲講笑咁話你哋隔咗咁多年都仲要刺激我!😂😂😂
刪除當時真係冇諗過城城後期會紅過同劇d人咁多,仲有阿Paul果陣個怕醜仔造型真係破天荒,黃翊當年出碟都唔覺佢唱得咁好,點知最近出番嚟先知佢唱現場原來咁穩咁好聽,唔只無生疏到,仲比以前進步好多.
刪除呢個我都估唔到,一直以為佢只係嗰種求其出嚟擺幾下pose嘅偶像派。😐
刪除巴打仿佛已經變左李克勤同林志炫的香港區代言人
回覆刪除其實只係因為香港比較少人寫文章談論佢哋啫……😂😂😂
刪除我有興趣看的反而是接下來鄧紫棋的演唱會^^
回覆刪除好似淨係開三場,而家唔知唱完未呢?😮
刪除上面份歌單如果俾陳奕迅唱佢應該唱到一半就要入廠急救!
回覆刪除咁好老實講,如果叫克勤全晚唱陳奕迅啲歌又係盞搞!😂😂😂
刪除54 首歌!
回覆刪除一如以往,
如到了現場。
好耐冇見red_yellow兄!😆👋
刪除撇除佢份人太世界仔同埋臨老奶共之外,佢唱歌的確係太監騎馬冇卵得頂,而且份人又算重情重義。你淨係睇下關淑怡咁忽都不停讚佢夠朋友就知!所謂錦上添花易,雪中送炭難,尤其係娛樂圈呢個咁撚虛偽嘅大染缸。
回覆刪除但講到跳舞佢就真係蒜鳩掃杷啦!呢D嘢冇天份就係天份,就算佢點落力去跳,嗰份揮之不去嘅柒味始終都唔會咁容易洗得甩…
我好認同呀~好似佢對梁榮忠就真係算有情有義!換轉其他人可能就已經會對佢一沉百踩!關淑怡其實好可惜,佢如果情緒唔係咁飄忽嘅話,以佢嘅歌藝係絕對可以更上一層樓!😟
刪除跳舞呢樣嘢有自信心係好緊要~你諗下!連佢自己都成日嘲笑自己啲舞技,咁你話佢仲點會跳得好?😂
刪除梁榮忠呢D正宗係衰咸濕,明明嗰陣無記都捧過佢做男主角又有咁多主持做…
刪除關淑怡係佢真係痴線冇辦法,佢唔同臭雞王菲呢啲擺明係扮出嚟,唔真係咁有性格。
王菲種唱法其實係參考咗鄧麗君同好幾位個外國歌手嘅唱腔而成,反而關淑怡種style就係佢自己開發出嚟,算係別樹一格。👍👍👍
刪除上面堆歌突顯到李克勤一個特點,
回覆刪除就係佢成世人都handle唔到一D有型有款又有格嘅快歌,
不過好彩仲有D足球歌可以幫佢樹立番一個鮮明嘅形象!!
之前嘅Mr.Children、廿四孝同我愛聖羅蘭其實都OK嘅~但唔知點解佢一唱Live把聲就會少咗好多變化,尤其係唱快歌嗰陣!😑
刪除唱咁多首歌,一聽又舊又老既歌,兒時的回憶不多不少都回來了
回覆刪除如果唔係佢死忠嘅話,今次個騷絕對係抵睇到爆!👍👍👍
刪除唱到12點overrun曬咪要罰錢囉???
回覆刪除佢老闆楊受成大把錢啦!😈😈😈
刪除海報拍得很靚,克勤唱歌一流!
回覆刪除我都覺得今次張poster影得唔錯!👍👍👍
刪除我覺得克勤嘅演唱會睇一次就夠,除非係你呢種咁diehard嘅fans
回覆刪除其實我都好認同你所講,除非你係譚校長或者係容祖兒嘅歌迷,如果唔係佢嘅演唱會真係睇一次就夠,因為每次唱嚟唱去都係嗰啲歌……😂😂😂
刪除你講Hacken跳舞同改戲名果幾part笑到我流眼淚~
回覆刪除我都明白有d歌手對於某d人黎講係會有唔同嘅特殊意義~
好似我明明已經對羅祥開始冇乜feel~
尤其係自從不用分那麼細都是中國人同鬼豬不和事件之後~~
但係每逢佢出碟開show我都係會留意下但就冇以前咁瘋狂~~
其實真係好難要求每一個人都要同自己嘅立場一樣,特別係藝人同我哋本來就係唔相唔識嘅~所以要支持佢當然就係要支持返佢喺演藝方面嘅成就。坦白講除非你去到溫兆倫嗰種地步,即係已經完全唔當自己係一個人,如果唔係嘅話我不嬲都好少理藝人嘅政治言論!咁當然,好似陳昇同黃耀明呢啲咁忠於自我嘅歌手我就點都會為佢加返唔少分數。👈👍👍👍
刪除咁我覺得克勤至少都冇唔記得香港班fans~
刪除相反羅祥上完大陸發展之後真係成個人都變曬~~
咁呢個我就唔太清楚喇!😅😅😅
刪除你獨自去偷歡,還吃了碟據說是男人的浪漫...豆腐火腩飯,哈哈
回覆刪除不過碟飯唔多好食,啲飯好鬼硬……😵
刪除此留言已被作者移除。
回覆刪除諗起我就扯火啦,走去睇咗第二晚,開頭都覺得ok嘅:-(
回覆刪除然後佢竟然同我講當晚嘉賓係彤叔昔日契家婆鄺乳暈[fuck]
咁都算啦,最多我咪入廁所打個J出返嚟[bomb]
點知出返嚟,你老味喺度玩打邊爐作品放題hea唱無極限[fuck]
成晚認真唱過幾多首歌?不倫不類走去學人跳咁多老舞[fuck]
學巴打你話齋唔該將D精神放返落唱歌嗰度好過啦屌[fuck]
講真如果撇除30週年呢個主題,咁我覺得呢個演唱會就只係合格邊緣……😅😅😅
刪除鄺美雲點都好過周慧敏嘅~周慧敏根本而家一開口就已經走晒音,我都唔知佢之後點開演唱會……😂😂😂
刪除慾女敏之前開演唱會同平時上電視咪又係全部走Q晒音[sosad]
刪除大部分片都可以響youtube睇得番,同埋佢落咗妝應該殘到爆[369]
但成五十歲都可以keep住呢個樣,就算已經上咗妝一樣可以稱為之為勁!😂😂😂
刪除between,我當晚聽咗此情此景,全場真係靜個鬼[sosad]
回覆刪除所以唔怪得送禮勤條撚樣成日唔敢開sidetrack演唱會[sosad]
講真呀~喺9場演唱會入面我覺得起碼有5場嘅觀眾都係佢嘅遊離fans嚟!所以對啲冷門歌有咁嘅反應其實都好正常!不過我相信如果佢肯開遺珠演唱會嘅話,開一場半場就肯定冇問題!但條友本身份人咁市儈,仲夠膽死成日喺facebook大大隻字寫住「我愛商演!」,你試諗下呢種人點會為咗你班死忠做蝕本生意呀?😂😂😂
刪除呢樣嘢雞蓉就好過佢多多聲[fuck]
刪除至少人哋真係會為咗班死忠特登開個sidetrack演唱會[fuck]
只能夠講95年嗰次演唱會比佢嘅影響同震撼實在係太大,搞到佢鳩縮到而家……😂😂😂
刪除我都有睇,我不是其fans,但感到佢好有心唱好多好歌比我地聽。唔同上次張學友咁商業化,唱埋好多唔hit嘅國語歌取悅big6聽眾。
回覆刪除銀兄睇咗邊場?我覺得如果唔係佢fans睇呢個show應該會睇得開心啲!作為二十多年嘅忠實歌迷,我反而就覺得佢今次個演唱會好鬼商業化,我哋成班死忠就係希望佢唱多啲冇咁hit嘅歌!哈哈~😂😂😂
刪除仲有,我諗克勤自己都想唱多啲國語歌嘅!因為我見到在場都有幾多大陸歌迷喺度……但老實講呀~佢由出道到而家有幾多首出名嘅國語歌先?答案係🅾❗😂👋
刪除我每次好唔開心嘅時候都會拎佢首紅日同球迷奇遇記嚟聽,之後就會充滿正能量!利記琴晚主場和咗般尼,好好好失落,成晚都瞓唔著!!!
回覆刪除紅日一定要聽大碟版本,其餘嘅版本全部都唱唔返嗰份應有嘅激情同朝氣。🎤🌞
刪除般尼場波就算啦腦友~利記對住般尼兄弟一向都冇運行㗎啦!和波算執到㗎喇……😂😞😭
刪除竟然冇唱北京北角同熱愛基本法?
回覆刪除30週年又唔請葉劉做嘉賓?咁真係講唔過去..
我覺得佢應該請陳克勤上台同佢Jam返首「告別議會時」!😈😂
刪除Teddy 睇得和寫得盡興吧?
回覆刪除我兩兒也是睇尾埸,坐488的區,說非常享受
估唔到大家又係同場喎!😆👋
刪除我睇嗰場有唱三千零一夜,我都好感動
回覆刪除你意思係小交演唱會定今次呢個30週年紀念騷?😮
刪除今次,9/9嗰場
刪除聽網上面啲人講話佢唱到眼濕濕……🎤
刪除總覺得李克勤成也阿倫,敗也阿倫,感覺多年來都好像是他的跟班。現在他的行事作風比以前保守了又越來越隨波逐流,完全沒有一個前輩級歌手應有的風範。
回覆刪除絕對同意!👍
刪除你好,我是臺灣的克勤fans,這次也有飛去香港看演唱會(9/9場),無意間逛到你的部落格,覺得你關於音樂的評論好有意思,而且有好多好棒的分享,所以猶豫了一下還是來留言了,好少看到這麼有內容的文章!
回覆刪除我算是還滿新的fans,雖然我2006年就知道他了,但一直到2015年底才喜歡上他的歌,所以相比格主這種資深歌迷,想法多多少少就會有點不一樣。看到格主總有種恨鐵不成鋼的感覺,這點我都好懂,其實我是eason十多年的fans(雖然也是這樣才知道克勤的,當時兩家的粉絲水火不容啊哈),可是近幾年eason的作品及狀態卻常讓我感覺不比以往,因此我才會去找一些舊的粵語歌聽,也因此才發現原來有克勤這麼一把好聲音、好唱功,以及好作品(沒辦法,我之前知道他的作品只有愛可以問誰、似曾相識、公主太子、飛花、紙牌屋,紙牌屋跟飛花很動人,但他的國語歌就……你懂的= =)。
其實我覺得克勤的歌迷已經算幸福了,雖然你們常說他聲音不比以往,但比起eason都算keep得不錯(就算hea唱也穩,至少不會聽不到歌聲,反觀陳胖......),尤其對我們這些外粉來說,能聽到現場就已經是很感動的事(他根本不可能來台灣),我再怎麼也想不到我第一次去紅磡竟然不是為了eason,更想不到我竟然在他的歌聲裡找到遺失已久的感動,謝謝你,Hacken。
當然,格主不少對他的吐槽我還是很認同的,這些我看得很開心,能夠客觀討論作品而非一味造神是好事,希望以後還能持續看到這些文章。
不知不覺就打了這麼多,感謝格主容忍我的囉哩囉嗦。
絕對不會是囉哩囉嗦,我一向都非常欣賞願意打那麼多字的知音人,特別是來自台灣的勤迷,這真是難得的存在啊!哈哈~從你的留言看來,你第一首認識克勤的國語歌應該就是「愛可以問誰」吧?坦白說,此專輯都算是他歷年來質素最差的一張碟,在裡面就只有一首「大雨」稱得上是可以。我認為若有機會你就可以嘗試去找找他在90年代推出的三張國語專輯,全部都頗有水準的,尤其是他的國語咬字和感情投放方面都比現在好幾十倍左右。👍👍👍
刪除此留言已被作者移除。
刪除李克勤-一生何求 專輯 1994
刪除http://youtu.be/xH3NRxDB2pk
李克勤 - 《不懂溫柔》專輯 (1995)
http://www.youtube.com/playlist?list=PLmf3itujbh9cpmv9rK6i55EN9pGTxg_z3
不懂溫柔MV 李克勤
http://youtu.be/1VJW5sryA9g
李克勤 情牢
http://youtu.be/MRVMegRWJbM
李克勤 只想找到你
http://youtu.be/lw3jxejG5ag
李克勤 - 插翅難飛
http://youtu.be/DWPhlwcNtgc
李克勤 - 承認吧
http://youtu.be/Qf43cmYN42U
李克勤 - 真實謊言
http://youtu.be/6xYSkS1yMn8
李克勤 - 難道你不懂
http://youtu.be/BzEJjQ-kT4M
李克勤 - 知己(一個人飛國語版)
http://youtu.be/svHeKSZ97Uk
你可以從《不懂溫柔》這張專輯裡面發現克勤的國語咬字和現在有什麼差別,而在《情牢》專輯中你就可以找到一個真正零瑕疵的李克勤。🎤💿👍
愛可以問誰真的好囧,我當初聽到還以為是比學友年紀大的歌手(笑),後來聽到其他歌才驚覺似乎不是,這不同歌的唱腔落差有點大啊XDD
刪除我目前聽克勤的歌大概都還是2000年以後的作品(沒辦法,作品太多,一時追不完),但情牢我有聽到,那時的國語真的好正常,點解現在會......?而格主介紹的這些我也會慢慢來品味,感謝你這麼用心地寫文章!
真的很開心能看到這個部落格,在臺灣其實不容易找到同好,能這樣討論真的是件難得的事(雖然我不會寫港式用語XD,也請多擔待一下啦)~
不要緊不要緊!我在台灣那邊有一班好朋友,所以我是完全看得懂台式國語的。😆😆✌
刪除人在Vancouver錯過了克勤今次的演唱會,
回覆刪除上次佢同Joey個crossover concert我同bf有去睇,兩個都唱得好有水準~
可能嗰次克勤要兼顧嘅嘢冇咁多,加上佢同容祖兒又的確係互相迫到對方進步,所以有好幾首歌就真係明顯聽得出佢唱得特別投入。🎤
刪除克勤唱得好 , 輕快舒暢 , 聽了令人放鬆 !
回覆刪除😆😆👍
刪除Kiu兄、李克勤唱歌醒又曉填詞、確係好嘢。你提供嘅內容認真豐富、更加冇得彈。
回覆刪除😆😆😆
刪除睇到上面d選曲就知佢成世人都冇諗過再有乜嘢突破
回覆刪除近年最有突破咪就係為錢簽咗英皇囉!😂😂💰
刪除主要都係想返大陸賺人仔啫,香港樂壇仲邊有前景?
刪除冇辦法,呢個係大勢所趨……🎤
刪除off topic講下利記,真係死得啦而家,場場都30射對2射,但賽果最後係2比2,1比1上落,我哋就久攻不入,對面就只係兩三下就入到,對面次次角球死球都驚到震,相反自己角球就心諗要準備回防,嗰種失望同無奈真係難以形容,咁就算比你大炒多幾次阿仙奴都無用啦,炒完又失分比般尼之流,唉
回覆刪除而家高普似係第三季嘅羅渣士咁樣,士氣一低落就冇晒章法……😔😔😔
刪除中堅問題佢的確要負好大責任,完全冇plan b之下放走沙高
刪除馬迪普路夫蘭都傷咗,呢次真係大檸樂……😨😵😳
刪除呢個演唱會都幾精彩喎!!但做咩唔叫埋姑姑去睇呀~
回覆刪除一個同屋企人去睇頭場,一個就自己一支公去睇尾場,其實都係一種另類嘅浪漫。😂😂😂
刪除三十年來擁有那麼多經典金曲,其實都不簡單。
回覆刪除已經比很多浮浮沉沉的實力派歌手幸運得多了!😆😆
刪除李克勤唱歌好有誠意,很用心。但為了演唱會而豁出去,做很多大動作,真是有點替他担心。
回覆刪除30週年搏老命……😂😂😂
刪除喬生,我一向都唔係歌迷,影迷,唔會特登去追星,唔會八卦想要認識佢地,亦唔會用心去比較,研究作品,就算喜歡,亦唔會花錢購買。我只會在網上周圍找歌聽,喜歡的就聽多些,也不管歌曲類型,甚麼都聽一餐。一時迷過Ariel Rivera,但已成過去。
回覆刪除我只認識一些李克勤的舊歌,覺得好好聽。我不是上了年紀的人,但會欣賞舊歌。
我始終較為鐘意實體CD多啲。💿
刪除連In the city都能夠被選入歌單,反而就沒有蜜月快車呢類破格快歌?真不知道他們的團隊在搞什麼?當譚詠麟在唱愛情陷阱,夏日寒風,當張學友在唱餓狼傳說,頭髮亂了,當郭富城在唱狂野之城加N首勁歌,當黎明在唱K-pop舞曲,當陳奕迅在唱浮誇之時,你李克勤竟然就在你的30週年演唱會上唱舊歡如夢,護花使者,In the city,禮拜六冇節目,這代表了什麼?
回覆刪除其實呢樣嘢同佢本身個image都好有關係,喺呢十幾年裡面佢都有試過同雷頌德呢類音樂人合作過,但你睇下人哋寫咗啲乜嘢比佢唱?😂😂😂
刪除雷頌德同克勤合作過嘅歌有:
刪除敷衍、小心輕放、今年的嗜好、左鄰右里、嗱嗱聲、唔使驚
😂😂😂😂😂😂😂😂😂😂😂😂😂
證明有許多音樂人寫歌都是因人而異。
刪除就算比黎明嗰堆快歌佢佢都唔會演繹出嗰種應有嘅味道!😑😑😑
刪除rundown有驚喜,side tracks與金曲並重,當中 今晚唱勁歌,一枝花 同 禮拜六無節目 真心估佢唔到
回覆刪除其實呢三首歌學有一位Blog友話齋,只係將佢哋放晒入去一段打邊爐Medley嗰度,仲要只係唱咗幾句……😠😬😡
刪除我十分可以想像到睇完林志炫個演唱會然後睇佢個show落差會有幾大?而且李克勤同林志炫根本就好難比較,雖然睇落去好似係同類型歌手,但明顯一個就係吹毛求疵嘅歌唱家,一個就純粹為錢唱歌。你睇下林志炫上最新一輯我是歌手夠薑嘗試唱爵士,搖滾,就連中樂都玩埋!又唱占士邦主題曲果類超高難度痴線作品,仲要每一首都唱得有板有眼。
回覆刪除送禮勤?嚟嚟去去咪得幾種type既歌會令人為之一振,一係就我不會唱歌,天水圍城呢種好考technique既,一係就victory呢種急口令式既,其餘果d歌基本上都唔係好show到佢有乜野個人既唱功。再睇埋狂兄你上面所提供既果d演唱會片段之後,我就可以更加肯定佢份人不思進取,完全冇彎轉。
我不會唱歌呢首歌的確係完全突顯到克勤嘅長處,佢同郎朗喺我是歌手嗰次嘅合作真係前無古人後無來者,係班戇鳩仔唔知頭唔知路先會話佢係靠郎朗攞分!我夠膽講,喺全個華語樂壇裡面能夠完美配合到郎朗嘅就只有克勤一個。👈
刪除林志炫今次上我是歌手唱得最好嘅一首歌我反而覺得係裂心。🎤💔
刪除林志炫《裂心》 -《歌手2017》第10期 單曲
http://youtu.be/0Q4Z00P857s
講音準拍子送禮勤真係一定冇得輸,但林志炫響我心目中就一早已經成咗仙,係另一層次。
刪除完全同意。😆👍
刪除好友☁。゚🌙瞓覺囉🌜甜夢安睡🌛💤
回覆刪除╔══╗────╔╗ ╔═╦╦╗─╔╗╔╗・゚⊹
║╔═╬═╦═╦╝║ ║║║╠╬═╣╚╣╚╗
║╚╗║╬║╬║╬║ ║║║║║╬║║║╔╣✬
╚══╩═╩═╩═╝ ╚╩═╩╬╗╠╩╩═╝
────────── ────╚═╝☆。。゚★
🌟瞓醒話咁快又╠╣aΡpy星期二✨
話咁快就放完個假,今日又要返工囉!😆✋
刪除同學仔你都鍾意咗李克勤好多年lu
回覆刪除呢種講法好似有啲Gay,應該話鐘意咗佢啲歌好多年!😂😂😂
刪除咁多年都仲係最鍾意佢首我不會唱歌!
回覆刪除但一定要由郎朗彈琴嘅版本先至係完整。🎹👍
刪除早晨你好,謝謝分享。🍃🍃🍃
回覆刪除😊☕
刪除克勤的歌你有冇咩歌係最鍾意?!
回覆刪除反而佢有幾首舊歌幾好聽…
太多了!不能盡錄……😅😂😅
刪除最喜愛的克勤歌曲/大碟/遺珠
刪除https://timeischanging2013.blogspot.hk/2009/08/hackentop20.html
我一直對克勤都幾有好感架~~❤零緋聞之餘愛家庭~~💜
回覆刪除就算黐埋阿倫阿叻獎門人嗰度都冇學壞~~☝實在好難得~~~👍
其實佢唔係零緋聞,嗰陣佢同郭可盈有一排都傳得好行……😂😂😂
刪除但我覺得呢單野好流料下~~~係偷食都冇必要搵郭可盈啦!!!貪佢瘦猛猛冇啖肉???😵
刪除法網伊人時期嗰個郭可盈OK㗎喎!😆😆😆
刪除又是一個經典
回覆刪除😆😆😆
刪除兄弟你模仿李黑芹同痰詠倫早就已經入曬骨!
回覆刪除就好似你同黃毓民一樣!😙😘😚
刪除我唔能夠認同有部分人話佢不思進取
回覆刪除反而對我嚟講,我更加欣賞佢
或者唔擅長去做嗰樣,的確係無嘢搵嘢搞
但反之,睇得出佢有花過心思去練
想俾到唔同感覺人
克勤,的確無諗過要做一個歌唱家
佢出發點從來都以觀眾為先
我哋十幾年歌迷當然想佢唱Side Track
但實際咁講,邊個出錢先,件事太理想化
唱道《此情此境》識ge人有無一半都成問題
今次個Rundown有遺珠,Hit歌並重
我覺得已經好公平(當然我好想聽現場唱寂寞嘍囉現場)
反而,睇咁多留言,我認為好多人對克勤唔公道
Eason Hea唱爛聲就感情,克勤由歌詞、曲風一直有努力就反而係不思進取
其實佢拍檔容祖兒之前都搞過一個滄海遺珠演唱會,都非常之成功,不過佢哋最大嘅分別當然就係歌迷嘅年齡層方面。😆😆😆
刪除一個出道30年的香港歌手仍然堅持出粤语專輯和在香港開演唱會,這點還頗讓人感動的。
回覆刪除其實主要係因為佢多年嚟都冇乜國語歌市場……😂😂😂
刪除唉,真後悔沒有去看呢。
回覆刪除會出碟!😆✌💿
刪除克勤是跨越幾個年代的歌手,仍有今天的吸引力,唱功無可置疑,我想有觀眾緣其一,好好先生顧家形象入屋,和譚校長拍住上後再同容祖兒拍亦是另一個高峄.
回覆刪除百搭歌手!😆👍
刪除Time Is Changing嘅觀後感一貫精彩絕核。個人意見,自從睇過港樂克勤.Live同情情塔塔之後,李克勤往後所有嘅現場表演我都覺得唔多合格。
回覆刪除2003年左麟右李之後就開始差……🎤😑😧
刪除Time Time始終都係超級忠實勤勤迷,超級認同你所講,我都好希望克勤可以將重新放落歌唱上面...但亦極之支持佢喺今次演唱會呢種形式ge嘗試同突破~
回覆刪除特別爆like你呢句:「有些回憶,有些感動,還是只有李克勤才可以帶給我的!Mr.Lee,Good Show & Thank You~」
👍👍👍👍👍👍👍👍👍👍👍👍👍👍👍👍👍👍👍👍
希望佢下次開騷可以注意返自己嘅歌唱水準,作為多年歌迷實在唔想佢一路向住呢種嘉年華式演唱會嘅方向去行。😅😅😅
刪除歌單方面,最驚喜當然係舊生會,其次就係24城記..始終覺得克勤同佢ge製作團隊係有參考過你之前篇30克長觀後感裏面的某些建議~👍仲有,閃電傳真機同一支花d音樂一起大家都好surprise!👏
回覆刪除我覺得今次個Rundown算係不過不失,社會現象四部曲同埋李克勤小型作品展呢兩個idea都幾有意思。不過如果天方夜譚啲諗,有一日克勤嘅演唱會係可以比機會一眾歌迷去參與編排嘅話,我自己就想佢由寶記年代一路唱落去,一次過唱盡佢歷年嚟喺樂壇上嘅一啲高低起跌,中間又可以講下自己喺台灣發展嘅點滴,再唱返一兩首國語歌,仲可以唱一啲自己主演過嘅電視劇主題曲,當然咁樣數數埋埋個Rundown長度點樣濃縮又真係會諗到人頭都爆……😂😂😂
刪除得嘅,但個show要做12個鐘
刪除唔緊要,到時又可以玩打邊爐Medley放題!😂😂👍👍👍✌
刪除一生何求其實可以唱,當年都幾hit~
刪除見到有好多克勤fans分享你呢篇文
回覆刪除睇完覺得你啲觀點好中肯好到肉,相信逢係死忠都會好有共鳴
不過呢,我同大部份勤迷嘅諗法反而就吾一樣喎
我自己其實唔太贊成佢開非主打演唱會
理由係有啲歌佢響cd個版本已經係唱得最完美極致
比如係榮譽勳章,不必對我好,冷感,陷阱,情牢,真實謊言
寂寞煙雨天,風雨夜歸人,真面目,歸家多麼好呢啲
以佢而家把聲嘅狀態根本就唔會有法子處理到佢哋
我覺得與其為咗情懷而專登走去開一個膽搏膽嘅演唱會
倒不如就拎返堆cd出嚟懷緬一下佢昔日巔峰時期嘅風彩吧
你呢個諗法好特別,但其實諗落又幾有道理。👀👃👂
刪除我睇咗頭場Sammi做嘉賓氣氛好好啊。。。
回覆刪除我勁鍾意hacken唱vivian首最愛,靚聲到暈。。。
然後睇曬成個演唱會先知原來佢咁叻填過咁多hit歌!!
佢早年填詞啲用字好靚好有意境,雖然唔係話好有內容但就絕對見得下人。👍👍👍
刪除