2014年5月13日星期二

《You'll Never Walk Alone》

等了又等,等了24年的英超錦標,最終還是落在他人手中,
自英超成立以來,利物浦就總是與冠軍無緣……
在這些年來,利記雖曾分別拿下歐聯、歐協、歐超、足總盃及聯賽盃錦標,
但偏偏英超就好像成為了紅軍和神奇隊長謝拉特的宿命,
縱使球隊在今季表現脫胎換骨,並曾數度在落後的情況下努力追趕,
可惜最後還是與這座英超獎盃擦身而過。

對於這個結果,我非但沒有失落,反而還感到有點欣慰,
能夠看著球隊在今季兵源嚴重不足的狀況下仍上下一心拼盡十二分努力去爭取錦標,
並重拾昔日「Spice Boys」年代的那份衝勁和活力,這都比贏得一個聯賽冠軍來得更重要,
因此,作為利迷其實就只需要給予一眾紅軍戰士最大的掌聲和支持便足夠,
包括曾貢獻過兩個入球和奮力戰鬥到底的外借兵摩西斯施素高
輸掉比賽是不要緊的,但就千萬別失去我們最引以為傲的YNWA精神,
小弟由伊雲斯年代開始成為利迷,期間曾陪伴利記經歷過大大小小的起起跌跌,
說句真心話,一個見證過「學神之亂」的利迷,真沒有甚麼好怕的!
更何況利物浦是今季英超唯一一支能與「億萬大軍」曼城力戰到最後一刻的球隊,
所以,我認為一眾球員是絕對可以光明正大的抬起頭步出球場,並盡情享受球迷的掌聲和喝彩。
在此非常感謝你們為利迷獻上一場比「525」更為感動人心的「Make Us Dream」奇妙旅程,
在38場的漫長觀戰過程中,利迷們雖不知撳爆了多少個平安鐘和吃了多少箱「救心」,
但對我們一眾球迷來說,這確實是一個讓人難以忘懷的經典球季。

希斯堡事件檔案公開,96名死難者總算是沉冤昭雪;
利物浦女子隊成功奪得22年來的首個聯賽錦標;
多位歷代名宿於希斯堡25週年慈善紀念賽中聚首一堂,
大帝上帝齊齊回歸晏菲路,利物浦乘著這股高昂的士氣,
在多支強隊狀態不穩的情況下於今個球季一洗多年頹風,
並打出多場令人拍案叫絕的代表作,例如是雙殺死敵曼聯、
九蛋贈熱刺,還在晏菲路先後強姦兵工廠及同巿宿敵拖肥。
此外,多場的絕地反勝,再加上兩位紅軍外借兵於英超戰場分途殺敵,
令利記的最大競爭對手曼城和車路士都相繼失分……
種種跡象加起來,讓沉睡多時的紅軍重新燃起了奪冠的希望。 
然而,在利記奪冠呼聲最高之時,向來理性的我卻依然保持著冷靜的心態,
直到球隊於「天王山之戰」險勝曼城之後,
隊長謝拉特所流下的男兒淚以及他對眾隊友一段極具感染力的激勵宣言,
那份滿腔的熱血就瞬間將我心底裡面的冰塊徹底融化。

正當天時、地利、人和都萬事俱備之際,
神奇隊長的離奇一跣,就讓本來近在咫尺的聯賽錦標白白溜走……
這是利物浦24年以來第三度跟英超獎盃擦身而過……
第一次是95/96年球季,當時利記的領隊是擅打進攻足球的伊雲斯
在那一個球季球隊靠著麥馬拿文科拿列納一眾「Spice Boys」一路過關斬將,
搭配老將班尼斯和天才前鋒哥利摩亞,讓紅軍一度成為奪標熱門,
可惜這一屆的聯賽錦標,最後就斷送在神經刀門將占士手中。 
第二次是08/09年球季,當時利記的領隊是有「戰術大師」之稱的賓尼迪斯,
那一季,球隊擁有讓世界球壇都為之羨慕的鑽石中場線……
前場有神奇隊長謝拉特,中場有能傳能射、眼界廣闊的大腦沙比阿朗素
後場就有以爛打聞名的馬斯查蘭奴作最後一度屏障,前線則有大熟大勇的王子費蘭度托利斯
真稱得上是英超成立以來最強的紅軍陣容。這支近代最強紅軍在當屆曾長期佔據聯賽的榜首位置,
還分別以2-1、4-1雙殺曼聯,惟在賽季的後半段就多次被數支中下游隊伍逼和,
最終就以4分之差屈居亞軍,更被死敵曼聯追平其18次奪得英格蘭頂級聯賽錦標的紀錄。
而這一次,也是最接近的一次……
論陣容今屆的紅軍肯定是三屆當中最弱的,
但各球員就憑著高昂的士氣不斷殺敵,還陸續刷新球會的多項紀錄,
眼見復興在望,在最關鍵的時刻……
隊長謝拉特的一個致命失誤,就讓球隊瞬即從天國折返人間。
有幾位非利迷朋友問我,利物浦來到最後階段突然止步,
你內心有沒有半點怪責過謝拉特?每次聽到他們提出這樣的問題……
通常我都會選擇笑而不語,我堅信,凡是利物浦的真球迷,都不可能會怪責隊,
正如在1994年的世界盃,意大利靠著巴治奧一人之力一路殺入決賽,
及後卻因為巴治奧在關鍵時刻射失十二碼而痛失冠軍,
那麼有人會認為巴治奧是意大利失冠的千古罪人嗎?
當然不會啦!少了他,意大利根本就不會走到這一步,同樣道理,
身為紅軍隊長謝拉特在今季的爭標過程中一直扮演著一個不可或缺的重要角色,
除了為球隊貢獻多個精彩的十二碼,更刷新了自己在職業生涯裡面的助攻次數新高。
你說,看著這位神奇戰士如此拼命的演出,難道我們還會因為他的一個失誤而怪責他嗎?
我想,各利迷在今季之所以會那麼著緊這個聯賽錦標,
絕大部分的原因都是希望謝拉特能在退役前完成他等待已久的英超冠軍夢,
已效力利物浦近26個年頭的他,至今已度過15個英超球季,
看著身邊的隊友一一離開球會,他就仍然選擇留在晏菲路為利記遮風擋雨。
回首當年,在謝拉特剛出道時,我常跟別人說:「這個新仔踢法蕃薯,將來一定難成大器!」
那時候,他亂衝亂撞的踢球方式時常都會被對手狠狠的招呼,
但不管給人侵犯多少次(哪怕是他的小拉特),他都照樣會面不改容的往前衝,
我和一位利迷朋友還為此而幫他起了一個花名叫「鐵春袋」。
以前我一向都認定謝拉特空有一身蠻力,並且踢法極為粗糙,實在難登大雅之堂。
可是,後來他大幅度的進步,就令我跌得一地眼鏡碎,更深被他的衝勁和熱血所感染,
多年以來,這位利物浦隊長一直忠心耿耿,對球隊可謂貢獻良多,並一力擔起捍紅軍的重任。
以上是隊長一段情深意重的鐵血宣言,面對這樣的一位真漢子,真是教我如何不愛他啊?
論激烈程度,今屆的英超都算得上是近年之最,
無論是爭標區、中游區還是護級區,都要爭逐到最後幾輪賽事才能分出勝負。
雖沒有像11/12球季曼城在補時階段反勝昆士柏流浪力壓曼聯奪冠那種峰迴路轉的場面,
也沒有05/06年球季的「熱刺集體中毒事件」那麼富娛樂性,
但是對於一班球迷來說(特別是利迷),毫無疑問是一個讓人看得血脈沸騰的刺激賽季。
在聯賽開鑼前夕,試問又有誰可以想得到,於季前被外界一致看淡……
在季中還頻頻爭兵失敗的褪色勁旅利物浦,來到季尾居然會成為一隊爭標大熱呢?
不過說到底,還是要恭喜今屆冠軍曼城,
若果你問我,輸給曼城你服嗎?我會答你:
「輸給曼城這間富豪球會,我絕對不服!這支球隊根本是用金錢堆砌出來的!」
只是,當我每一次想起曼城球迷為希斯堡事件所做的一切,
還有他們的主帥柏歷堅尼被利記擊敗後在看台等待謝拉特並緊緊握住他的手給他鼓勵,
單是這兩點,已經值得我們一眾利迷給予無限量的尊重和掌聲。
上季排名第七,今季只以2分之微不敵曼城屈居亞軍,身處英超亂世之下,
利物浦領隊班頓羅渣士的表現確實是讓人刮目相看,尤其是他激活球員的功力。
這名北愛少帥行事很有膽識,而且勇於求變,又很願意給機會一班新人,甚有親和力。
在戰術方面,他就多次嘗試用現有球員來填補某些空缺位置,
其中將隊長謝拉特移後一格轉打防中這個安排更是神來之筆。
在還未適應新陣式及新打法時,有好幾位球員雖然都曾經“甩轆”過幾次,
幸好及後很快便收復失地,還越打越有信心,並踢出一種無堅不摧的進攻風格
說真的,以利記季初這個殘缺不全的陣容來看,能夠重回BIG 4經已是極限了
沒想到羅渣士不僅幫利記保住前四位置,竟然還可以帶領球隊一度衝冠,
這一切,簡直是Mission Impossible(冇可能做得到)!
縱然是後生可畏,但在今個球季裡,羅渣士還是有很多令人摸不著頭腦的安排,
首先是在作客車路士一役中離奇換入名不經傳的新人史密夫
而在「摩巴大戰」及「水晶戰役」當中就更突顯其貪勝不知輸的固執個性。
這就是羅渣士與師傅摩連奴之間的最大分別,摩連奴為求勝利會不擇手段大踢醜陋足球,
你可以罵他卑鄙、無恥、賤格,重點是人家又的確能緊緊抓住你的弱點將你擊倒,
話說回來,我們還真的要謝謝摩連奴他在晏菲路擺放的這一架大巴,確是給愛徒上了寶貴的一課,
讓他知道泊大巴也是戰術的一種,為甚麼馬體會能夠完美拆巴?為甚麼就連諾域治也懂得以巴還巴?
但願渣哥能吸取這個深刻的教訓,並於來屆帶領利記在英超/歐聯戰場上大放異彩!
 
某位曼迷朋友在羅渣士剛出任利記領隊時曾不斷抨擊和嘲笑他,
但我就依舊堅持自己的立場,不信大家可以翻查我的舊文,
我一直都相信渣哥在將來一定會成為晏菲路新一代的傳奇人物,
任你們笑我自瀆也好,馬後炮都好,我仍是真心認為…… 
能看到利記踢回昔日那種水銀瀉地的進攻足球,真的比贏得一個聯賽冠軍更令人鼓舞!
就好像2001年侯利亞替利記贏得五冠王時,我非但沒有感到半點喜悅,反而還引以為恥!
原因是當時利記所採用的勝利模式,就正正是現時摩連奴所採用的大巴戰術(甚至更龜縮)。
其實,老侯功績好,亦為利記付出過不少心血,他除了獨具慧眼購入希比亞
懷斯麥亞里士打等物超所值的球員,更一手提拔謝拉特加歷查成為隊中的一線主力。
在心底裡,我很敬重這位老人家,但另一方面,又極痛恨他迫走科拿,還破壞利物浦的傳統打法,
總而言之,侯利亞是很值得我們尊重的,但就肯定不會是一位令我稱心滿意的利記領隊。
而其後接任的賓尼迪斯則是近代最強的一位利記教頭,
他戰術多變,並且心謀遠慮有「盃賽專家」和「魯營不敗男」等稱號的他,
更令利記一躍變成歐聯一隻人見人怕的勝利鳥,也讓他成了串王摩連奴最大的一顆眼中釘。
另外,肥賓對利物浦那一份真摯而執著的愛,亦同樣叫人為之動容,
遺憾的是,他的偏執性格和差勁的人際關係,就成為了自己在晏菲路最大的一塊絆腳石。
至於鶴頂紅嘛……我就只想送他一句YNWA(You Never Win Anymore)!
最後是曾經在2010/11年球季一手將利記從降班漩渦拯救出來的晏菲路大帝杜格利殊
這位紅軍傳奇在球員時代已為利記立下了不少汗馬功勞,
並曾以領隊身份為球隊贏過三次頂級聯賽錦標。可惜的是,將近12年的空白期,
就令重新執掌利記的杜格利殊步步為艱,而他在2011/12年的「水貨風雲」
更是將球隊推至另一個低谷,但儘管如此,回歸後的大帝……
在離任前就還是替利物浦贏得一個聯賽盃冠軍,成功為球隊打破了6年的冠軍荒。
自King走後,我們一眾利迷都在等待一個能夠幫利物浦重建盛世皇朝的救世者,
還一度誤以為波亞斯馬天尼斯將會是晏菲路的真命天子,直到班頓羅渣士的出現……
坦白說,假若渣哥選擇繼續堅持這種「有前冇後,打死罷就」的踢法,
向來崇尚進攻足球的我就必定會大呼過癮,但想令一支球隊更上一層樓,
有時候你亦要學會放下一些執著和堅持,須知道單靠一招半式是不能稱霸天下的!
若然渣哥再執迷不悟下去的話,他就很大機會會成為第二個伊雲斯(本人最愛的利記領隊)。
加油啊渣哥!下季執好條防線再接再厲,帶領利記創佳績
希望你可以證明給所有人看,我們一直以來對你的等待是值得的! 
教頭領導有方,球員亦輪住發威,先有SAS,後有SSS,
然後再有SSSS(Suarez + Sturridge + Sterling + Skrtel),
在今個球季,利記強勁的攻力實在令一眾英超守聞風喪膽!
前線如狼似虎,後防卻似足一隻性感小野貓,
這條脆弱不堪的防線,真不禁令我想起90年代中期的利物浦。
那當然,論個人質素,米仔、副隊和大抽就一定比占士凡美巴比好,
再者,今季的失球數字持續高企,很大程度只是因為各守衛還未熟習領隊的新陣式,
祈望他們在來季可以打醒十二分精神,別再要一眾利迷撳爆家裡的平安鐘了!
頂替連拿成為晏菲路新門神的比利時國腳米奴特他在季初神勇的表現為球隊保住了不少重要分數,
特別是在聯賽首場對史篤城時他所救出的那球十二碼,就彷彿為整隊紅軍打了一支強心針。
無奈的是,在往後的賽事入面,他就繼承了利物浦門將的「優良傳統」,時常蝦碌發波瘟,
希望米仔在下個球季能好好改善這種不穩的狀態,並早日克服接高波這個弱點吧!
在季初差點被渣哥打入冷宮的史基泰爾,在今個球季就大打爭氣波,成為紅軍後防的一支定海神針。
另外值得一提的是,這名帶刀侍衛在今季就總共為球隊貢獻了11個入球,當中就包括4個世紀烏龍波。
於上年夏天以自由身加盟的前曼城中堅高路托尼在今個球季雖犯下了不少致命失誤
不過他在季初擔任「救火中堅」時的那份鬥心和拼搏精神,仍是值得我們為他喝采的。
在今季以1800萬英鎊加盟的前巴黎聖日耳門隊長沙高
其一流的體能和身體條件曾讓一眾球迷對他寄予厚望,
但與此同時,他極差的球感和過份高章的踢法,就不時讓身邊的隊友吃盡苦頭。
驟眼看來似是有點貨不對辦,但在現階段我還是對這位法國年青國腳充滿信心,
畢竟沙高今年才24歲,尚有很大的進步空間,我深信他只要好好加強其位置感和判斷力,
再跟一眾前輩學習如何提高自己的壓場感,那麼在將來他便一定可以成為紅軍後防的核心主腦。
 
「點解鍾意艾加呀?好簡單!因為佢夠型夠雷夠響又夠霸氣囉!」
一個會將「YNWA」四個字紋在手指上的靚仔忠臣,又豈能輕易放走他呢?
古治離開後,格連莊臣的水準便開始有不停下滑的跡象,
或許是少了這位荷蘭鐵人在右路跟他不停交替換位及協防的關係吧!
芥蘭強在近幾季經常都會有攻不銳守不穩和夢遊球場的情況出現,
事到如今,貴為英格蘭國腳級人馬的他都是時候要扚起心肝打出自己應有的身價了!
不然的話,他便會被一眾晏菲路後起之秀取而代之。
因膝部傷患而在今季提早收咧的荷西安歷基於早前終於正式復操,
傻西啊傻西~你以後一定要一直健健康康啊!有你的長期坐陣,真是有如星級猛將加盟!
法拿根是利物浦隊中少數能取得正選位置的英格蘭青訓產品,
從寂寂無名的小將到今日成為紅軍後防的重要主力,
這位利記富二代在今季的出色表現,就連前巴西名宿卡富都讚好!
於早前這位球星還特意前往晏菲路與這位「RedCafu」會面。
哈哈~我看根仔你還是快點拜卡富叔叔為師吧!
如果你可以從這位大前輩身上學到七成左右的功力,著實是利記之福啊!
由昔日的二千萬水貨變成現時利記一個不可或缺的核心球員,
軒達臣在今季的進步幅度之大可謂相當驚人!
他幾乎踢足了全季的每場聯賽,其跑不完的氣力和打不死的鬥志,
在球隊的進攻及防守方面都發揮了極大的作用,成為晏菲路另一位百屌成才的代表人物。 
提到百屌成才,又怎能不提提盧卡斯・利華的名字呢?
唉~說起來還真是一殼眼淚!鶴臣執教期間,盧卡斯的表現可說是突飛猛進,
他除了於2010/2011球季被利迷票選為球會年度最佳球員,其搶斷成功率更是冠絕四大聯賽,
可惜其後的一次重大傷患,盧卡斯遲遲未能發揮出全盛時期的一半水平。
我常在想,假如盧盧可以打出在鶴臣年代時的七成水準,利記就不需要常常為防中這個位置傷透腦筋了!
祖阿倫在加盟利記以來表現一直只屬平平,
但我就堅信他在未來一定會展現其應有的質素和實力,
加油啊Joe!不管其他人怎樣看,我還是十分看好你!
在上季季中加盟的巴西小將古天奴其機動性的踢法以及高效率的傳球質素讓他迅速成為利迷的新寵兒。
我認為古仔若想令自己的足球事業更上一層樓的話,就一定要立心改善其飄忽的射術及心理質素。 
史達寧羅渣士的提攜下在不足半季的時間就憑著其優秀的個人技術迅速成為了家喻戶曉的英超新星,
而今季在「黃金拍檔」蘇亞雷斯的護蔭底下,史達寧的表現更是突飛猛進。
前線方面,在利記的史獨真是完全不獨,還與哨牙蘇組成一隊極有化學作用的「SAS」組合,
並在本賽季攜手為球隊打進了52個入球,冠絕世界球壇。
「看看威風的他,雙腿好似摩打,扭波踢波頂瓜瓜,有嘴巴的都讚他!」
在上季怒咬伊雲奴域,事後遭足總判罰停賽10場……
然後在今季季初又與雲加合演了一場精神分裂的戲碼,令一眾球迷感到哭笑不得。
近年fit到漏油的阿蘇,果真是一位令人又愛又恨的天使魔鬼混合體!
但平心而論,這個哨牙仔在今季光芒四射的世界級表現,又真是好得叫人無話可說!
既是英超神射手,又是英格蘭雙料足球先生,阿蘇在2014年可謂贏盡光榮!
不幸的是,在今個球季破盡紀錄的他卻始終未能為球隊奪得首個聯賽錦標,
而他在球隊作客以3:3賽和水晶宮之後抱頭痛哭的那一幕,
就成為了不少利迷在今個英超球季最深刻的一個感人場面。
上面這段文字到底是留隊宣言還是告別預言?阿蘇在來季還會留在晏菲路為球隊開山劈石嗎?
還是會繼麥馬拿文奧雲沙比阿朗素艾比路亞之後成為下一位轉投銀河艦隊的紅軍球員?
時至今日,阿蘇已經是利物浦的無價之寶,給他離隊對紅軍來說當然是百害而無一利。
在今個球季他出盡九牛二虎之力協助利記重返歐聯戰場,如今目標已達,球隊亦逐漸重回正軌……
故此,蘇神,請留下來繼續為利記打江山吧!如果沒有你,就算賺了一億又如何呢?
假若要你們選出今季利記之最感動時刻,不知道大家又會如何選擇呢?
抱頭痛哭的阿蘇、喜極而泣的隊該會是大多數利迷的心水選擇吧?
但對我而言,今季的最感動時刻,則是集合多位歷代名宿的《希斯堡25週年慈善紀念賽》。
依舊瀟灑的老麥、依舊靚仔的列納、依然狀態十足的路加和列馬倫
依舊好身手的占士和小韋,還有尊貴的大帝與上帝,以及一眾發福名宿和利記名將,
這場慈善紀念賽,實在有太多無法言喻的感動湧上心頭……
當看見眾人推King出球場那一幕,我經已忍不住紅了眼眶,
這一刻,就連曼聯後備球員奧雲都變得順眼得多!
我想,這應該是我深愛利記多年的主要一個原因吧! 
回望過去,當初我之所以會愛上利記,是被我一位摯友所影響。
90年代中期,在香港最盛行的足球聯賽是意甲,
談到英超,比較資歷淺的球迷通常只會記得曼聯、阿仙奴和利物浦這三間球會。
由於本人一向偏愛紅色,那當時我就唯有在曼聯與利物浦之間作出取捨,
90年代正值是紅魔皇朝,那時候曼聯除了坐擁簡東拿簡察斯基麥克曉士
舒米高恩斯等球星坐陣之外,還有一班蓄勢待發的後起之秀正在默默崛起,
例如是堅尼高爾沙柏簡察斯基以及還未成型的「七小福」。
儘管球星臨立,當時的我不知為何就總是對這支星光熠熠的「紅魔鬼」提不起興趣,
反為就迷上了另一支紅衫球隊,那就是曼聯的終生宿敵利物浦。
在90年代中期的利記雖然正處於一個非常低潮期,其最大成就是贏得95年的聯賽盃,
不過當時的領隊伊雲斯就成功將「Pass & Move」戰術重新注入隊中,
並重用麥馬拿文科拿列納哥利摩亞等新星,為球隊增添了不少朝氣和活力,
祟尚進攻的足球風格在當年經常都會被外界批評為華而不實,
但這種水銀瀉地的悅目打法卻深深吸引著我,更令我成為利迷至今。 
各位老利迷,還記得這一隊曾經在當年令所有英超後衛都望風而逃的前鋒組合嗎?
他們的合拍程度,比起今季的SAS可說是有過之而無不及,
那些眉來眼去的撞牆配合,簡直就是現實版的戴志偉麥泰來
剛開始我和很多球迷一樣,都是將球星放在球隊前面,
所以當看到老麥、科拿列納相繼離隊,就讓我對利物浦的熱情一下子冷卻下來……
可是到後來,我就漸漸愛上利物浦這間球會,
更真正體會到何謂 “No one's bigger than the club”。
多年來,看著隊中球星一個個離去,但我就還是堅持留下來繼續支持球隊,
而到現在我就更加可以肯定在未來不管是誰離開,都不會影響我對利記的那份感覺。
1958年慕尼黑空難,曼聯半隊以上球員罹難,
當時利物浦主動借出五位球員讓死敵完成球季,不收分文;
2007年,11歲男童Rhys Jones在利物浦市懷疑被童黨槍殺,案件震動英國。
Rhys一家都是愛華頓的球迷,同市宿敵利物浦在歐聯外圍賽前,
特別邀請Rhys的家人親臨利物浦主場晏菲路球場,
並歷來首次在主場播放愛華頓會歌,向Rhys致哀,
Rhys的家人進場時,利物浦球迷更全體站立以示祝福。
舊將舒維爾倒戈射入世界波,死敵曼聯球員阿倫史密夫在比賽中不幸斷腳,
在晏菲路的主場球迷不但沒有喝倒彩,反而更立刻鼓掌以作鼓勵;
在今個球季,利記雖然在主場慘敗於車路士腳下,
但在場的利迷就依然努力繼續為球隊唱歌打氣至完場,
這份獨特的人情味和溫暖窩心的親切感,是我在任何一間球會裡面都找不到的。  
正因為這份獨有的人情味和親切感,讓很多球員即使離開後都心繫著球隊,
大帝、肥賓、科拿沙比路加和希比亞那些就不用多說了!
想不到連巴布舒維爾這些年青小將同樣都是那麼有情有義,
曾跟利記鬧得不歡而散的王子托利斯和馬斯仔,
在離隊後亦分別有為球隊講好說話及作出了一些貢獻,
前者就曾經鼓勵和游說史杜列治加盟利記,讓紅軍從此多了一部入球機器,
而後者於2010年為巴塞奪取歐聯冠軍時,就宣稱要將這次勝利獻給一眾利迷。 
寫到這兒,不如就馬上列出我心目中的歷年最愛/最差利記陣容吧!
這是個很適合我們一眾利迷去討論的一個話題,不知道閣下的選擇又會是如何呢?
歡迎各利迷進來跟小弟盡情交流心得,好讓雙方可以了解一下各自的喜好及看法!
後記 :
為甚麼會沒有杜格利殊?為甚麼會沒有奇雲基謹?為甚麼會沒有基文斯
為甚麼會沒有魯殊?為甚麼會沒有比士利?為甚麼會沒有艾德烈治
相信每個年代的利迷各自都會有自己偏愛的球員,而我就明顯是『Spice Boys』派的!

後記 :
這是自我認識利記以來看過最差的紅軍廿二人,
他們有些是演出與身價不符,有些更稱得上是一無是處,
但凡是有真心為球隊付出過血汗的鬥士,
無論表現如何,我都還是會送上深深的祝福和支持。
好~就讓往事借過,過去就讓它過去,齊齊迎接下一個球季的來臨!
近日關於利記的轉會傳聞有很多,當中傳得最熱烘烘的,就是在今個球季大放異彩的修咸頓隊長拉蘭拿
每年都會有一些莫名奇妙的傳聞發生在利記身上,而最近傳得最離譜的……就是這位人兄。
爭咩呀~兩樣溝埋變做Dount吖~笨!(設定對白)
於今個球季在外面殺出一條新血路的三位利記外借兵波連尼
蘇素艾沙迪在下個球季會否重返晏菲路?個人就頗期待前兩者的強勢回歸。
咳咳~這兩位人兄嘛!我只能跟你們說一句:「朋友,藝術是不能勉強的!~XDXDXD~」
正所謂「舊的不走,新的不來……
在今個球季鮮有發揮機會的艾斯柏斯艾拔圖,預計未來將會被球會掛牌出售。
好!球季完結!都是時候要清一清一些舊賬了!
感謝利記給我動力再度戒煙,此文為證,絕不反悔!
 
嗯……這個嘛……各利友放心!
只要一日有利記在的話,這條J數還是會無限期生效的!~XDXDXD~ 
2003年,我身邊其中兩位最重要的人(前女友、最好的摯友)相繼離世……
久久未能平復的悲痛心情,讓我的人生一度走向灰暗低谷;
2005年,即悲劇發生後的第二年,利記於土耳其伊斯坦堡寫下「525歐聯神話」,
當時仍在落泊的我卻未有用心去好好感受那份興奮和喜悅。
直至上年,我的人生開始重回正軌,還漸漸釋懷了這件事,正式走出陰霾。
來到今個球季,我總共看了利記接近九成的賽事,雖然球隊到最後仍是四大皆空,
而在若干年後,大部分人可能亦只會記得曼城是2013/14球季的英超冠軍,
但我深信對於一眾利迷來說,這一個球季所發生的事,將叫我們永世難忘。
 
還會繼續等下去嗎?等!等一生都等!
 
要我說多少次我還是那一句:
「I am very proud to say I am a Liverpool supporter!
一生一隊波,高低也一起,是足球的浪漫。愛利,是我一生無悔的選擇。」
 
喂~點呀打靶仔!夠唔夠詳細呀?我諗你喺下面係唔會搵到一本咁詳細嘅足球雜誌㗎喇! 
仲要同你細說利物浦㖭嗱!我呢個兄弟都算唔話得喇啩!
數吓手指,都有成四年冇寫過信畀你喇衰佬!記得上次寫信畀你嗰陣,
利記就啱啱步入一個仆街時期,估唔到最後球隊就足足用咗四年時間先翻到身,
真係等到成班利迷頸都長呀!老友,仲記唔記得我同你當年個約定呀?到今日我仲係冇忘記過㗎!
哈~等吓等吓,計埋今年,原來我哋都已經等咗廿一年,喺你走咗之後……
利記就分別拎過歐聯、足總盃同聯賽盃,但就依然都係攞唔到佢哋第一次嘅英超冠軍。
究竟我哋個「三冠朝聖夢」要到幾時先可以實現呢?咦喂~唔知點解我覺得下季有啲機喎!
如果成事嘅話,咁到時就等我呢個盲俠幫你到晏菲路走一趟啦!
不過呢就算成事我都要睇吓條女得唔得閒先,你知啦!我呢個視障人士唔行得遠㗎嘛!
唔搵人做我支盲公竹?過到去畀人劏咗都唔知乜事呀!到時就真係地獄見喇仆街!
 
毛、希斯堡球場慘劇的96位亡魂,你們安息吧!
相信我!利記一定會在短時間內重回輝煌時代!小弟以此文立誓! 
 《我的昔日紅軍回憶錄》

我最愛的球員,始終都是你 - 麥馬拿文

Goodbye My God!

加西亞給利迷的信

永遠的利記大佬,晏菲路的鐵血保鏢 - 希比亞

最後……你也走了 - Xabi

別了,「前度」王子!

謝謝你,鐵人十八。 

 
部分資料來源和相片是取各大報章和Liverpool OLSC HKSAR Branch。

211 則留言:

  1. 由幾年前肥賓走左之後望住隊波跌 , 去到谷底睇住Henry,King同羅渣士一個一個出黎救隊波 , 有今日咁既成績其實已經好滿足 !

    回覆刪除
    回覆
    1. 呢十年一眾利迷真係好似搭咗幾程過山車咁!

      刪除
  2. 恭喜!恭喜!你終於找到一個戒煙理據了! 你對利記嘅歷史如數家珍,洋洋萬字,佩服!佩服! 我不怪責謝老四跣腳,但我奇怪,喺無壓力之下,點解有球員要將個波橫傳俾謝拉特呢?

    回覆刪除
    回覆
    1. 其實大家都預唔到會有呢個意外出現,所以真係唔可以怪任何人!

      刪除
  3. 回覆
    1. 這篇文的瀏覽、交流人次非常多,辛苦也是值得的!

      刪除
  4. 見到S7喊到震晒!feel到佢既passion無人能及;隊長忍痛安慰;K4發揮阿哥角色一路陪佢番更衣室,令我覺得今日我地隊波唔係完結,而係更好將來既開始!

    回覆刪除
    回覆
    1. 利記真係好需要哨牙蘇呢類爭勝心咁強嘅球員!希望下季林拔都可以俾到一班利迷無盡驚喜!

      刪除
  5. 有心唔怕遲,來季再來過啦^^

    回覆刪除
  6. 我只是路過...哈

    回覆刪除
  7. DiDi你真係好勁~d文筆仲勁過好多大學生~~~

    回覆刪除
    回覆
    1. 我覺得其實睇下你有冇心寫啫!用心寫妳都可以㗎!

      刪除
  8. 雖然對足球無乜興趣,但...佩服你對足球能如數家珍,洋洋萬字!

    回覆刪除
  9. 回覆
    1. 一定!不過可能在未來看到一齣好戲或聽到一張好唱片的話,我又會姣婆守唔到寡!XDXDXD~

      刪除
  10. 覺得Mr.Kiu 的文章很有價值 , 雖然唔知你跟我們暫別原因 , 但希望不要讓我們等得太久 !!
    祝身體健康 / 生活愉快....

    回覆刪除
  11. Till We meet again next year and we will sing together .... We Are The Champion....
    Thanks to Suarez hope stay tuned with Liverpool next season
    The real change for BR to be a good manager for liverpool fc
    We Love u Gerrard You ll got it next year...YNWA

    回覆刪除
  12. 雖然我唔識得足球, 但你不論講音樂, 講生活都係超長的post, 夠晒詳細, 我永遠都做唔到啦!抖夠好返黎啦吓!

    回覆刪除
  13. 睇完更加覺得Liverpool比Man City更值得贏今季英超冠軍,25年過去,希望可以給幸存者一D慰藉同再次欣喜嘅理由;俾死難者一個終極嘅安息,狂兄,江湖再見。

    回覆刪除
    回覆
    1. 只要盡力過便不會有遺憾了!徐大導,有緣再會!

      刪除
  14. 你捧利記!我捧你的網誌!

    回覆刪除
  15. 嘩!好長的一篇!雖然冇興趣足球,但佩服你寫得咁詳細的一篇。

    回覆刪除
    回覆
    1. 對自己最愛的球隊,真是千言萬語道不盡。

      刪除
  16. 你又有新發展呀? 為何說暫別? 文章不論多寡, 你每篇都寫得好好啊! 我們是看得到的. 希望在未來日子裡你過得開心, 事事如意啊!

    回覆刪除
  17. 最差陣容竟然冇禾路連、迪奧夫同巴布?btw好文。

    回覆刪除
    回覆
    1. 禾朗連當年係自由身轉會利記,佢出場唔多但都有5個入球同做過唔少靚二傳,係!以整體嚟講佢係表現唔好,但相比起高價水貸摩連迪斯其實佢都算係交足功課㗎喇!

      刪除
  18. thanks for sharing!!!!! it's so touching T-T reminds me of the valuable moments this season~

    YNWA!

    回覆刪除
  19. Teddy 保重, 休息夠就回來啦, 不要等得太久 !
    《 You'll Never Walk Alone 》 ar! 有緣再會。

    回覆刪除
  20. 是一位專業足球評審專家!!厲害厲害^^

    回覆刪除
  21. 一口氣睇哂,超級感動,超級好睇

    我覺得謝拉特有個缺點,就係會太受逆境波所影響
    呢個問題無論係踢利物浦同埋英格蘭都係咁
    佢一沉,班波跟住一齊跌
    如果以往利物浦,就會有希比亞古治咁既人叫醒隊波
    但現今陣容就無呢D大哥球員

    羅渣士臨場處理都係比較弱勢
    明眼人都睇到佢係應付唔到一D突發野
    摩連奴擺大巴果場真係食滑你

    狂小子,暫別暫一個月左右好喇,你個BLOG風格係獨有
    出面D BLOG冇人會好似你寫咁有心機同咁真心分享架

    回覆刪除
    回覆
    1. 謝隊今季太大壓力喇!而家連歷查都走埋佢個擔桃就更加重,至於俾車仔打低嗰場我認為摩佬真係打咗渣哥一大巴掌!令佢知道一隊波要持久發展就一定要有Plan B!希望下季林拔可以做到呢個角色啦!我覺得佢一定係嗰種非常有passion同heart嘅球員,對打逆境波同破大巴陣應該幾有用!

      刪除
  22. 又寫論文呀喬生?戒煙?呢樣我對你有信心!因為你有無比既意志力!哈..

    回覆刪除
  23. 多謝你來探望。你好厲害就真! 有空就寫寫,有空就來來呀! (≧∇≦)

    回覆刪除
    回覆
    1. Liverpool 離我 只有45 分鐘的車程,。。。。。可惜我對足球。。。
      一竅不通呢! -_-#

      刪除
    2. 嘩!原來您離晏菲路那麼近!好羨慕啊!

      刪除
  24. 休息是否為了世界盃呀!
    咁早放暑假???

    回覆刪除
    回覆
    1. 是有些事情需要好好處理,希望一切順利。

      刪除
  25. 你忘完後, 就好回來見見舊朋友了, 哈哈哈..... 今界就快結尾了, 希望佢地有好賽果

    回覆刪除
  26. 期待再睇到你嘅新文章,離開是為了回來
    :)

    回覆刪除
  27. 回覆
    1. 只是暫時,我這個長氣佬是不會停筆的!XDXDXD~

      刪除
  28. 世界波即將開鑼,你郤要暫別封筆!?

    回覆刪除
  29. 邦邦:你好呀!阿姨雖然不常來探望,但很記得你兒時的照片,和你對家人的心情。
    更記得你偶然的牢騷。這麼勤力的一位寫得這麼詳細的網誌實在不多呀!
    對於歌壇、影壇的走勢和分析,真係好仔細和吸引。我會回來追舊文。
    為了各位常來捧場的網友,好好休息,快快回來吧。

    回覆刪除
    回覆
    1. 謝謝阿姨,有時間我還是會跟大家分享雅虎年代的一些舊文!

      刪除
  30. 嘩﹗又休BLOG?好吖﹗祝福你, 生活愉快﹗You'll never walk alone.

    回覆刪除
  31. 利物浦的青春,曼城的金錢,昔日紅魔鬼,今日隔夜油炸鬼,雖然我係車迷,但都希望利物浦可以早日重返盛世,下季一齊努力,齊齊朾曼聯落十八層地獄!睇到最尾一段好感動,你真係一個好重友情嘅人!休一陣好番來啦!你寫D嘢真係只此一家,好好睇....

    回覆刪除
    回覆
    1. 「昔日紅魔鬼,今日隔夜油炸鬼。」哈哈!好句好句!

      刪除
  32. good post....響利群睇到人share你篇blog,我想講利物浦個球場,亨利,甚至摩連奴都話無第二個球場有呢種氣氛!!邊有球迷為死敵既史密夫,競爭對手既yaya同埋倒戈入波既舒維拍手架???只要你唔係加利仔呢種賤人,無做奧雲既行為,你都會感到好震撼!!!

    回覆刪除
  33. EE,迪哥哥仲咩唔寫啵,等你返黎。祝一切安好!!

    回覆刪除
  34. 大好形勢下利記都未能把握,又不知到何年何月才有機會奪冠了....

    回覆刪除
  35. liverpool今季真係打得好好, 可惜最後...... >.<
    希望來季更好呀!!

    回覆刪除
  36. ─▄▄─▄▄▀▀▄▀▀▄。・゚゚・MY █▄♡VҼ FRIEND
    ███████───▄▀•。。゚早晨☁¤・゚我起身嚟☁
    ▀█████▀▀▄▀──。.♬。ʚïɞ。。゚•ƸӜƷ•*•*❀•**✿・。
    ──▀█▀  *゚。.❉•:大家\(◕ヮ◕)/繼續開心上網
    ♧╬═╬♣╬╬═♧╬╬═╬♣╬═╬♧╬╬═╬♣╬═♧╬═╬♣

    回覆刪除
  37. 你真係好用心寫. 休 BLOG 期間好好叉電, 天天過得開心幸福喔. (^ O ^)

    回覆刪除
  38. 我的最愛 - "英格蘭超級足球聯賽班霸- 利物浦"

    回覆刪除
  39. 努力是累積的,明年會有好消息的!

    回覆刪除
  40. 單計這兩季表現,蘇亞雷斯已成魯殊後最強前鋒,而利物浦7號亦終於後繼有人。祝你生活愉快,有緣再聚,謝謝你一直以來的無私分享。

    回覆刪除
    回覆
    1. 希望哨牙蘇在未來可以一直留守晏菲路,並成為紅軍另一個傳奇人物!

      刪除
  41. 希望你會快d番黎寫blohg啦...等你呀~~~

    回覆刪除
  42. 好厲害的一篇"論足球"!!!

    休息, 是為了走更長的路!
    保重! ^^

    回覆刪除
  43. 我雖然不是這裏常客,但不得不盛讚Teddy寫網誌的細心和詳盡。
    休Blog真的有點可惜!當充充電吧!

    回覆刪除
  44. 純粹個人意見,利物浦歷年最佳陣容

    正選陣容:
    龍門:基文斯
    後衛:阿倫﹒堅尼地、希比亞、羅蘭遜、菲臘尼路
    中場:雷﹒堅尼地、桑拿士、奇雲基謹、謝拉特
    前鋒:杜格利殊、路殊

    後備陣容:
    龍門:谷巴拿
    後衛:尼高、阿倫漢臣、加歷查、史當頓
    中場:韋倫、森美李爾、麥馬拿文、沙比阿朗素
    前鋒:艾德列治、比士利

    回覆刪除
    回覆
    1. 奇雲基謹同基文斯係利記名宿我都係去到好後期先知....而比士利同森美李爾嘅打法我就冇機會見識,因為比士利後期去到紐記已經開始轉型!記得我有D老一輩嘅朋友同我講過話比士利嘅打法係有D似後期嘅柏金...二傳較炮出色仲要跑得勁快!佢仲話艾德列治係一個入波率相當高嘅前鋒!高巴拿 ...哈哈~~呢個神經刀真係好攪嘢!佢嘅單手撈波同超驚人嘅反應....真係令小弟畢生難忘!但好可惜我就只可以喺Youtube片重溫佢嘅經典片段,並冇親身見識過佢嘅身手,如果唔係我諗我一定會深深愛上佢!

      刪除
  45. 強帖leon慢慢睇猁精文[sosad] [sosad] [sosad]
    Blog壇比利唔淮暫別呀#fire# #fire# #fire#

    回覆刪除
  46. 今季拎唔到冠軍真係好好好可惜,估唔到打多96人最後都捱唔到最尾 ....
    某D機會一生人可能就只得一次,一跣腳,機會就會溜走 !
    我並唔怪責謝四,因為佢肯定比我更難過,而且即使冇英超冠軍指環,
    佢永遠都一樣會係利記呢一代既legend,無可替代.

    今季個打法真係好似Evans時代,SSS=神哥麥
    渣哥既凝聚力令成隊波團結一致大打爭氣波 !重生指日可待 !
    btw今季雙紅會真係好冇氣氛,成班獌都死氣沉沉,正廢物.

    下季一定要補防中同閘位,lAlALA一定要SIGN,
    L21,G2,K34,A6,A9,A11呢D完全走得 !
    但最重要都係IAN AYRE條粉人快燃D切腹死左佢.

    「I am very proud to say I am a Liverpool supporter!
    一生一隊波,高低也一起,是足球的浪漫。愛利,是我一生無悔的選擇。」

    講得好 ! The team draw win lose together ! We are not Glory Hunter !

    回覆刪除
    回覆
    1. 希望今季Ian可以做番齣好戲一班利迷睇!而家林拔搞掂咗,如果再簽埋拉蘭拿、西維爾左閘莫連奴再加多個防中(最好係破壞型,利記而家最欠缺!)我就心滿意足喇!

      刪除
  47. 貝加自選最愛陣容

    GK:Bruce Grobbelaar
    DF:David Burrows、Alan Hansen、Sami Hyypiä、Rob Jones
    MF:Patrik Berger、Dietmar Hamann、Danny Murphy、Steve McManaman
    FW:Kenny Dalglish、Ian Rush

    Substitution
    GK:Jerzy Dudek
    DF:John Arne Riise、Mark Wright、Steve Nicol、 Finnan
    MF:John Barnes、Steven Gerrard、Xabi Alonso、Dirk Kuyt
    FW:John Aldridge、Robbie Fowler

    回覆刪除
    回覆
    1. 望到你個陣容嘅左閘巴路士,就令我諗起佢喺96慈善賽嘅表現!哈哈~唔睇過真係唔知,原來佢係一個認真子!XDXDXD~

      刪除
    2. 貝加兄你竟然經歷過肥叔叔個年代?

      刪除
    3. 我大你好多架,加上我8歲就開始睇波 ! 哈.

      刪除
  48. 貝加自選最差22人

    高捷斯基:
    打英甲都唔夠班,老鶴分明靠害。

    美査:
    好有passion,但真係好撚廢。

    保臣:
    搵佢番黎打陰濕爛仔波,佢就陰鳩隊波。

    祖雲奴域:
    又一件水土不服既水貨。

    禾朗連:
    同巴布兩個簡直就係街波二人組。

    唐寧:
    二千萬身價,二百蚊表現。

    祖高爾:
    行行企企,衰到貼地。

    卻克蘭:
    大蕃薯中龍就入。

    查理阿當:
    爛泥扶唔上壁,一世打唔到大會。

    史比寧:
    一向英冠水平,唔明點解咁遲先賣佢走。

    摩連迪斯:
    630萬購入,身價同表現不成正比,入球率低唔在講,助攻二傳亦欠奉,一味等波踢,
    同佢之前係摩納哥同皇馬個陣既表現比真係差天共地,一句講哂,英超唔岩佢。

    鄧迪:
    黎果陣係威係勢,仲話佢係乜德國新希望,點知又係水貨一件!
    有人話過佢係利物浦歷來最差收購之一,我萬分認同。

    巴布:
    仲食緊波板糖,唔識用腦踢波,成日死去,獨食又扭唔到,控球射波通通唔掂,
    就算時不時有天才波睇下都係無補於事,一句講哂,呢條友能力有限。

    捷禾:
    多得侯生迫佢由進攻中場轉打左翼,結果打到成PAT屎咁。

    迪奧夫:
    獨食,球品差!埋門差!仲衰過大舊(希斯基),一千萬身價,無野叻,最叻就放飛劍。

    盧卡斯:
    技術層面未夠,攻唔得,守唔得,唔知佢做得D乜??

    基加高斯:
    賓賓用二百萬買個大炸彈番黎嚇下大家。

    巴比:
    速度有,身型有,但衰在長期無態兼不穩,漏踢情況時時有..
    但我就好欣賞佢果種拼搏精神,佢試過為救空門捨(下)身救波,仲差D撞爆小巴比。

    查奧爾:
    施丹轉身果野真係令我刻骨銘心。

    菲臘迪根:
    無位置感,無身位,最叻就係不停衝同不停仆,表現差劣,百份百唔夠班。

    伊坦積:
    一個一季出場一隻手數得哂既三四線守門員,點解都要揀佢?
    無他既,因為佢無品,所以我憎佢。

    奧雲 :
    四隻腳學乜人踢波???

    最差領隊

    侯利亞:
    理得佢幫球會拎過多少杯賽錦標,係佢一手將打法水銀瀉地既利物浦,
    改造成一隊老鼠拉龜既利物浦,呢個老懵董,罪大惡極。

    鶴臣:
    佢係獌老廢個契弟,講完。

    回覆刪除
    回覆
    1. 保臣一加盟嗰陣其實我真係一絲期望過!
      因為佢一向都打開爛仔同陰濕波,而利記又一直好欠缺呢類型嘅球員,
      但只係諗唔到佢嚟到利記之後就竟然變咗個斯文友!

      鳩折就唔好講,格衰又打得廢,
      不過佢下季好似可以回歸英超,如果佢仲喺李斯特城嘅話!

      基加高斯狀態係不穩,但就幫球隊入過唔少救命波!都叫做係加番少少分嘅!

      捷奴我覺得佢嘅個人能力本身都係平平無奇,
      咁當然老侯安排佢打左中場就更加係令佢武功全廢!

      口水佬唔係話佢唔好波....
      但係佢紀律太差又鍾意插水.....利記球隊及球迷都唔會接受佢!

      巴比 ..... 佢同凡美呢對中堅組合....真係嚇到人有得震冇得訓....

      Btw,睇到反骨仔同鶴頂紅嗰度笑死咗!XDXDXD~

      刪除
  49. 晏菲路自己友,抖夠就快d番黎la ! YNWA !

    回覆刪除
  50. 不少網友暫別, 告別, 唔哈得! 可能 blogger 始終沒 yahoo 的熱閙, 有點不易用熟吧!
    有緣再聚 ...

    回覆刪除
  51. 寫出自己心中所想或日常生活嘅見聞,都係一個好好嘅舒發心情嘅辦法。有緣自能會再見,等着你回來!

    回覆刪除
    回覆
    1. 自從重新養成寫作習慣之後,我的壞脾氣的確是比以前改善了不少!

      刪除
  52. 狂小子係超級利迷!~
    雖然小雲甚少到這裡逛! 小雲和大家都期待你的歸來!~

    回覆刪除
  53. 希望你好快會見您回來寫 blog 啦...等你呀~~~

    回覆刪除
  54. 港英餘孽當奴曾2014年5月16日 下午1:42

    勁、癲、喪好睇!應該放入晏菲路博物館。

    回覆刪除
  55. 唔捨得你呀~快d番黎ar靚仔~你個blog真係好好睇!

    回覆刪除
  56. 冷靜下來,雖然結果大不如意,但覺得今季利物浦還是有亮點的,看到尾段很感人,等待你歸來再寫好文。

    回覆刪除
  57. 哈囉、等你回來。祝愉快呀!

    回覆刪除
  58. 充完電就快d回來啦!QQ等貓貓你下一篇新文章喔!^.~

    回覆刪除
  59. 寫成萬幾字,痴撚缐㗎!我諗要寫咁多字我至少要寫成個月...啱啱睇到你張相,你金毛果陣真係好撚型!又型仔又有文才又識唱兩咀,我諗你後生一定食唔少女。睇完呢篇野之後幾欣賞你對利記嘅堅持,最後一段好touching,睇黎你呢個friend響你心目中真係佔好重位置,世盃就黎,睇下到時有冇機會又睇到你精彩嘅賽後手記。

    回覆刪除
    回覆
    1. 一切都係假象嚟!我係有名嘅封殺男優!XDXDXD~

      刪除
  60. 不看足球也被你的專情所感動,靜待你歸來,FB見。

    回覆刪除
  61. 前鋒:奇雲·基瑾、杜格利殊「比士利、魯殊」
    左中場:班尼斯「朗尼韋倫」
    右中場:麥馬拿文「森美李爾」
    中場:摩比、謝拉特「麥馬漢、麥亞里士打」
    左後衛:阿倫堅尼地「巴路士」
    右後衛:尼高「菲臘尼路」
    中堅:羅蘭遜、漢臣「希比亞、基利士比」
    守門員:基文斯「連拿」

    主帥:比爾辛奇利

    只共你分享我的最愛陣容,
    想不到時至今日左中場的問題仍然未有解決過。
    自班尼斯走後就只有貝加算合格,
    其後的基維爾,馬克干沙利斯,巴布,利亞拿都不算稱職。
    唐寧這人就更不用提了,利物浦歷年最差左翼。
    右邊中場更不濟,麥記之後人人跌棒。
    之前曾找過謝拉特串演,不理想,跟住的賓納更槽。
    古治當日給賓帥改造成右中場,勤力歸勤力
    但單靠體能無技術斬中又不夠精準,這樣令右邊攻擊力大大減弱。

    本人球齡46年,做了45年利迷,下一代也一樣。
    我生為紅軍人,死為紅軍鬼,好多謝你寫了一篇感動的好利文,YNWA。

    回覆刪除
    回覆
    1. 嘩!歡迎資深前輩光臨!
      左中場呢個問題....我覺得基維蝦第一季都打得幾好嘅!
      但只限季初,一到季中佢就已經失去靈氣....但以整體嚟講表現都算OK !
      好記得佢長頭髮時期仲入過幾球世界波添!可惜之後就成鬼日傷喇!

      至於李亞男...技術同用波佢都一流,但以翼嚟講佢嘅速度同出波就真係麻麻....

      而古治就.....有佢作用嘅!佢可以比到班隊友正能量!
      仲成日喺右路助攻助守同執漏,絕對係利記嘅其中一個無名英雄!
      你淨係睇下冇咗佢之後芥蘭強就即刻跌哂Watt就知啦!

      唐寧就睇得出佢係有heart嘅!但就明顯有心冇力!

      祖高爾我曾經有期待過!不過佢嘅表現就可以稱得上係乏善可陳!

      雖然論實力近期能量急升嘅史達寧絕對係紅軍邊路嘅未來希望!
      不過經過幾次易帥之後,而家嘅領隊羅渣士就明顯比較唔側重於翼鋒呢個位置!
      佢嘅戰術體系比人感覺就係著重球隊整體多於球員本身嘅個人能力!
      坦白講我認為呢個轉變絕對係好事!

      刪除
  62. 在利迷的心目中對利物浦的喜愛都有著一個不同的原因和答案,不過我覺得最珍貴的始終是那份You'll never walk alone的精神,さよなら。 ...

    回覆刪除
  63. TIC Wish you come back soon。。。Take care。。^^。。。

    回覆刪除
  64. 好犀利Time Is Changing,呢篇直情可以直接攞去出書!我雖然唔係利迷,但講真輸比曼城真係點都唔會服!呢隊波根本就無限金錢,對其他球會嚟講真係好唔公平。仲有香港班死人勝利鏝迷,個個仲串過馬撚,頂!睇死你哋咪呢幾先捧隊波,比盡你十個咪大概得兩個係老孫年代,都係比多你啦!你話車迷都仲可以話自己係蘇拿年代開始捧隊波呀!所以佢而家比足總罰真係大快人心,鬼唔望班中東佬怕煩突然宣佈唔玩,睇下到時你班孤兒仔又轉捧邊隊!

    Time Is Changing希望你會喺世界盃開鑼之前番黎啦!好想睇下你對意大利個死亡之組嘅睇法。

    回覆刪除
    回覆
    1. 我係唔服呢隊波,但就絕對唔憎呢隊波!因為佢哋個球會同D球迷(當地)都算幾有品!

      意大利嗰組?坦白講,我覺得意粉個出線形勢真係有D暗湧!希望巴神今次可以做多次救國英雄啦!

      刪除
  65. 精彩!
    充滿感情的記敍,
    動人!

    電影、音樂、足球、食物 ,仲有好多野嘅
    超勁講述,
    等你。

    回覆刪除
  66. 最愛紅軍一隊

    基文斯 -- 紅軍歷年最佳門將,也是英國足球史上最好的門將之一
    漢臣 -- 後防大將,頭腦泠靜、路數佳、踢法優雅
    羅蘭遜 -- 當年與漢臣組成紅軍歷年最堅固無比、滴水不漏的中堅拍檔
    尼高 -- 萬能老倌,攻守兼備,還以後衛身份奪得英格蘭足球先生
    洛鐘斯 -- 曾是英格蘭的最佳右後衛,防守稱職,及後受傷患困擾,被迫提早退休
    麥馬漢 -- 無名英雄,中場上不斷奔跑搶截
    謝拉特 -- 紅軍現任神奇隊長,靠其起死回生的能力,撐起紅軍半邊天
    班尼斯 -- 腳法、速度出色,至今仍然令人難以忘懷
    麥馬拿文 -- 現在整隊英格蘭國家隊,沒有一個有麥馬拿文的腳法
    杜格利殊 -- 晏菲路皇帝,盤、傳、射皆頂級,無人可以取代
    鲁殊 -- 典型入球機器

    回覆刪除
    回覆
    1. 有D前輩同我講過,話基文斯係類似保方呢類門將,超穩定甚少犯錯。

      漢臣最光輝嘅時間我冇機會見到,
      淨係知道佢而家已經成為一個好專業嘅足球評述員。

      洛鐘斯真係利記右後備嘅不幸代表人物始祖!
      而喺佢之後嘅右閘基本除咗芬倫之外都好似冇乜邊個有運行過!
      希甘斷腳被迫收咧,巴布就無情情中咗神奇病毒!
      而家嘅芥蘭強叫做好彩D喇!不過近年就成日夢遊球場!
      唉~希望「RedCafu」根仔喺未來可以打破呢個多年嘅不幸宿命啦!

      謝四嘛!嘿嘿......只能夠講,你愛得利記,就真係好難唔愛上謝拉特,

      班尼斯其實喺我睇波嗰時已經開始走緊下坡!
      不過左邊除咗佢同貝加我真係放邊個好!XDXDXD~

      老麥嘅腳法,唔好話現役班英格蘭國腳呀!
      基本上自我睇波以嚟我都冇見過一個英格蘭球員可以咁扭得!

      刪除
  67. 最愛紅軍二隊

    高巴拿 -- 樣子諧趣,擁有飛身單手接球絕技
    希比亞 -- 位置感一流,踢法瀟灑,自漢臣、羅蘭遜後紅軍最佳中堅
    加歷查 -- 又一通天老倌,防守出色兼發揮穩定
    芬倫 -- 穩定右閘,實而不華、欄截準確、傳中球一流
    懷斯 -- 體力驚人,每次落場都拚盡全力,擁有左腳重炮與強勁的手力
    夏文 -- 世界級防中,閱讀和控制球賽節奏極強
    摩比 -- 傳球準繩度高,脚法不俗
    韋倫 -- 愛爾蘭國腳,專入金球,因為他的助攻,魯殊才有這麼高的入球量
    侯頓 -- 一個效率一流的工兵
    比士利 -- 勤力、高速、射術一流、射門刁鑽
    科拿 -- 天生射手,走位靈活、速度高、射門觸角高、把握能力強,遠射近射皆能

    回覆刪除
    回覆
    1. 大佬希絕對係近代利記嘅最佳中堅,沒有之一!
      佢同軒索斯呢對組合真係可以稱得上係滴水不漏!只可以肥賓就唔多鐘意二索!

      芬倫真係一個好穩定嘅右閘,講真.....
      如果我第二個最愛陣容唔係打352嘅話,我個右閘位人選就一定會放佢落去!

      全盛時期嘅懷斯真係冇得輸!攻得守得爆得又射得,仲要有無限體能!
      可惜喺歐聯擺過一次烏龍就俾肥賓放逐羅馬!唉~

      夏文叔係英超球壇上一個相當少有嘅智慧型防中,
      我認為當年謝拉特應該喺佢身上學過唔少嘢!

      科拿同King就唔使多講喇!一個大帝一個上帝,
      我相信佢哋應該係歷代名宿裡面最多fans嘅其中兩位!

      刪除
  68. 希斯堡慘劇當日,KING嘅辭任令到利記開始低迷,今日,事件得以平反一班利迷當然就係想贏個冠軍一洗多年怨氣!!但世事往往就唔係咁順理成章,不過呢個亦都係足球最讓引人入勝嘅地方!!下季再嚟啦!!希望你叉夠電就快D歸隊啦!!

    回覆刪除
    回覆
    1. 的確係好可惜!但各球員已經拼盡全力了!都算是對自己和一眾利迷有所交代吧!

      刪除
  69. 驚訝!竟然在facebook內看見有幾個朋友互相分享你這篇文,看來你的心血真沒有白費。好好休息,有緣再會。

    回覆刪除
    回覆
    1. 可以引起一些同路人共鳴,花點時間也是值得的。

      刪除
  70. 睇哂成篇好感動呀~充電快D番啦,唔好要班讀者等咁耐~

    回覆刪除
  71. 休息一陣好嘞~~期待你的回歸!!!

    回覆刪除
  72. 身為紐迷我之前都講過好想睇到你地登頂,諗起當年同你地打到勢均力敵,果陣既科拿、麥馬拿文同哥利摩亞真係好有球味,到後來我地衰到貼地降落英冠,然後我地升番上黎就你地開始沉,我成日都覺得利記同紐記個關係其實就好似魔童同悟空咁,曾經係宿敵後來大家就亦敵亦友,而實力亦開始有距離,但講到底大家都好珍惜同尊重呢個對手,希望下季大家再一齊努力,講真一日條死肥佬同降班教主響度我對隊波都係冇乜期望,但學狂兄話䶒撐左咁多年就唯有繼續撐到底,希望你唔好休blog休咁耐,快d番,好想睇你寫既世界盃週記!

    回覆刪除
    回覆
    1. 好鐘意悟空同魔童呢個比喻!Eminem兄,我的舊Blog友,一切心照了!下季一齊再努力為各自的愛隊加油吧!

      刪除
  73. 雖然,我不是標準的球迷,但我覺得曼聯炒掉那位毫無經驗的領隊是明智的,究竟他有沒有真正為球隊立下大功,希望大家心知.送你兩首剛面世的新歌.
    http://blogcity.me/blog/reply_blog_edit.asp?f=YFP7GITUOH239628&id=637119

    回覆刪除
    回覆
    1. 同時,你決定休BLOG是明智的,每個人都有自己的計劃,你有,我都有,其實,我去完台灣旅行,心想,工作已經很忙,再花時間寫BLOG,已經很累,同時,也可以訂下自己的轉型的計劃,都好似你一樣休BLOG一後時間,離開前送多你一首歌,首歌今天的政治氣候有關,聽完你會明白.
      http://blogcity.me/blog/reply_blog.asp?f=YFP7GITUOH239628&id=637113&catID=&catType=&keyword=&searchtype=

      刪除
    2. 請支持以下活動.
      https://fbcdn-sphotos-e-a.akamaihd.net/hphotos-ak-xpa1/t1.0-9/s526x395/1977231_10201698299367264_1583460924_n.jpg

      刪除
    3. 曼聯以後的事我就沒有興趣知道了!

      刪除
    4. 謝謝chris兄,大家充電完再回來交流吧!

      刪除
    5. 支持你多做頗有意義的活動!

      刪除
  74. Time Time呢篇好正好犀利呀!都好耐冇見過咁認真去寫一篇文,從呢篇blog入面真係可以完全感受到你對利物浦ge嗰一份專一、執着同熱愛。我自己就冇話特別捧邊間球會,基本上我只係會留意世界杯同Euro,而我鐘意England當初就純粹只係因為克勤、Beckham、Rio同Owen佢地。Time,希望至少可以係世界杯final前趕番黎la!相信有好多人都好想睇下你獨到專業ge球評ga!

    回覆刪除
    回覆
    1. 今屆世界盃我應該會揀波睇,唔會睇哂全部!

      刪除
  75. 幸好這兒可留言!!
    下午好,Teddy!

    回覆刪除
  76. 猁拎唔到衰自己冇計 但最睇唔明既反而係班狗迷
    自己隊波四次對死敵一分都冇拎過
    點解班球迷仲可以咁high?
    係咪抽水果陣可以同人講:
    我有份令利記失冠架 我送多兩球球差比曼城架???
    人不要面真係天下無敵
    d獌迷寧願比金錢足球或者+2 GC 拎都唔想利拎
    其實利真是靠實力同努力先上到呢個位,仲要係踢進攻足球
    作客對拖肥 冇人會認為易踢
    利市打呲 如果叫今季英超最精彩既比賽之一
    相信冇人異議Z_Z 咁都比人反真是慘:-(獌迷 [369] [369] [369]

    回覆刪除
  77. 一季喊兩穫 鍚鏡頭 推鏡頭 抽空氣
    通街打人 自己咒自己仆街
    回傳比亨利(2次)同杜奧巴 跣腳俾丹巴巴亞
    柒事多過好事 近代球員君子謝拉特都算係經撚典 [banghead] [369]
    不過佢一心一意為心愛球隊 恥笑得黎起碼大家對佢會有尊重既[sosad] [sosad] [sosad]

    回覆刪除
  78. "I was going to sign for Real Madrid but one day before it the phone rang and Rafael Benitez spoke to me. He convinced me that Liverpool was the club for me and after that I had to change my plans. I was going to come to Liverpool."
    肥賓為垃圾猁做左好多野 :~( :~( :~(為左猁真係好多晚都無訓#adore#宜家班後生仔咁勁猁迷真係要要多謝肥賓:~(

    BTW,領隊大對決

    廢蛇係玩沙皇式獨裁,一定要控制更衣室,獨攬大權
    摩佬專玩心理戰,挑球員機,挑對手機,靠心理質素
    肥賓係睇數據做人,玩戰術部署
    人渣係玩有前冇後打死罷休,但SAS大勇又吹佢唔脹,同巴打你講一樣未見真章
    雲加就玩幼齒同數手指

    利申: 反獌, 但除左華朗同ALAN SMITH事件外我覺得廢蛇係能力最高領隊.[slick] [slick]

    回覆刪除
    回覆
    1. 老廢係英超歷年最有料嘅一位領隊,呢點我從來都冇否認過!

      刪除
  79. 猁如果買到LALALA,同Sterling 一左一右都幾恐怖[sosad]
    但我覺得佢最多值20M,放長雙眼邊條水魚會出30M[sosad]
    我諗熱狗今次唔敢玩野啦掛[369]

    BTW,Reus解約金洗唔洗3000萬鎊?:o)

    回覆刪除
    回覆
    1. 英超丐幫幫主熱狗公點會收手㗎?tommy仔你咪咁天真啦!XDXDXD~

      刪除
  80. 做乜休BLOG呀?? 雖然你每次都長篇大論, 我一係唔睇, 一睇就一口氣睇晒o架..........

    回覆刪除
  81. 晚安小子,又一篇精彩既長文章!
    好佩服你對利記既熟悉程度同欣賞你即使輸波都會抱住一種識英雄重英雄既態度.
    呢點係而家好少球迷可以做到.我一開始仲以為你會好憎摩連奴添!
    今季雖然利記同車仔一樣都係四大皆空,但大家既表現都真係絕唔失禮!
    利記仲比人評為係今季最公平同最具觀賞性既一隊球隊.
    希望下季我地一齊努力,你地執好條防線,我地執好條前線,然後番來再鬥過!

    回覆刪除
    回覆
    1. 講真,八婆摩口賤還口賤,但其實相比起以前,佢對渣哥同利記已經算唔錯㗎喇!除咗少咗好多咀炮之外,又曾經講過如果佢自己拎唔到冠軍就想渣哥拎(先唔好理佢真心定假意!)。另外,上季季中佢喺皇馬教緊嗰陣就試過借沙軒比我哋,今季又借摩西,前者絕對係好球員,後者亦有一定爆發力,只係利記自己唔啱用,呢個就真係冇辦法,唔怪得人!點都好啦!我認為身為利迷,我哋都應該要感謝摩佬嘅!話哂佢當日都有俾個意見叫渣哥嚟教利記!

      刪除
  82. 利記最好睇都係老麥,科拿,列納果個時期,果種踢法秀麗嘅進攻足球真係好好睇,班球員又個個都好有個性又有型,長短棍個人技術樣樣都齊,伊雲斯好鐘意打3-5-2,好爽,雖然果陣班波成日俾人話唔實際,但就因為呢種有前無後打罷就嘅打法而吸納咗一班支持者..不過最弊就係當時占士經常發波瘟,一有高波我就驚驚...

    之後侯利亞做領隊隊波就開始唔好睇啦,雖然佢在位期間戰績比伊雲斯好,但佢領導嘅悶蛋足球,真係睇到一眾球迷眼火爆...

    回覆刪除
    回覆
    1. 伊雲斯最大嘅貢獻就係青訓,同埋我覺得佢執教時戰績一般,其實同當年利記條後防嚴重不穩都有好大關係!不過冇計啦!我承認自己對伊雲斯係有一份偏愛喺度!佢教嘅嗰隊利記真係比而家嗰隊更具娛樂性同觀賞性!

      刪除
  83. 我的最愛

    守門員 高巴拿/連拿
    右後衛 格連莊臣/麥卡迪亞
    中堅 馬克胡禮/希比亞 魯鐸克/加歷查
    左後衛 懷斯/域奴
    右翼 麥馬拿文/李安赫臣
    中場 列納/沙比亞朗素 謝拉特/夏文
    左翼 班尼斯/基維爾
    前鋒 科拿/巴路士 蘇亞雷斯/史杜歷治
    領隊 賓尼迪斯

    無伊雲斯時代嘅利記,亦都無今日我呢個利迷,雖然我揀咗賓尼迪斯。

    回覆刪除
    回覆
    1. 李安赫臣、麥卡迪亞、巴路士..... 呢幾個名字真係令我又驚喜又懷念!
      但最令我最驚喜嘅係你竟然有選域奴!呢個左閘當年我都幾睇好佢架!
      佢當年明明打得好過查奧爾,但就唔知點解冇人肯俾機會佢.....
      之後佢分別去過蘇超、西甲、法甲同德甲踢.... 後來又重返英超.....
      唉....呢個大人球而家仲要淪落到打法國衛生波....真係慘....

      刪除
  84. 後會有期!祝事事順利!

    回覆刪除
  85. 邦邦可能去咗度暑假了!

    回覆刪除
  86. 最佳慶祝節日的方法,就是不慶祝節日,哈。狂小子、貓貓,端午節快樂!

    回覆刪除
  87. 龍舟精神,目標既定,堅毅不屈,齊心協力,奮發向前。

    回覆刪除
    回覆
    1. 近日發表了一篇網誌,虛擬故事,約2,000字,去看看!?

      刪除
  88. 大哥你點睇拉蘭拿單野?我覺得over 30m真係太貴喇!over30m再加多少少sign法比、山齊士或者平少少執個沙基利、拉傑迪番黎仲好啦!不過點都好,歡迎林拔感動回家!

    回覆刪除
    回覆
    1. 林拔嘅勵志故事真係令人好感動!
      由非職業聯賽打到英國最大球會之一,真心希望佢來季可以喺利記大放異彩!

      法比、山齊士我認為大家就唔好FF了!
      沙基利同拉傑迪簽到就固然係好!但我自己就偏向想利記簽入拉蘭拿!
      因為我認為佢嘅踢法應該會比較適合渣哥個戰術體系多D!

      刪除
  89. 休BLOG休成點呀?? 幾時復出呀?? ︿︿ 

    回覆刪除