2014年3月12日星期三

《名副其實長話短說 之 乜都噏大集匯》

喵~今日我就想同大家講吓耶穌~你未必鍾意聽不過聽咗好過冇~
最近屋企對面個單位進行翻新工程,搞到我朝朝都冇覺好瞓!
唉~拜託佢哋班友盡快完工啦!朝朝咁樣鑽法,我真係就嚟癲㗎喇!
有咁多嘢想講,講乜嘢先好呢?首先就講吓我班老友記先啦!
早排同返咗香港冇耐嘅新地妹加埋經已失蹤多時嘅倪匡佑先生去咗Neway唱通宵K,
唔經唔覺,原來我哋三個都相識咗有十一年咁耐……
好開心可以借住呢次機會懷緬一下昔日一齊唱K唱通頂嘅青䓤歲月!~XDXDXD



與其日夜懷念,不如立刻Action,實行玩個夠本!
當晚,各人放下拘束開懷暢飲,仲唱咗好多首飲歌,真係非常痛快!

要約埋聚舊嘅又點只一班舊K友?仲有三位識咗接近十七年嘅中學老死!
自從Alan生日之後都有成三個幾月冇圍埋一齊吹水喇!搵日一定要出嚟啤啤佢先得! 
古語有云:「酒逢知己千杯少」,有好嘢梗係要同一班老友一齊分享!
嗱!有興趣嘅朋友,記住要盡早報名?因為名額有限,先到先得呀!
講完老友,又講吓波經,踏入2014年,利記個勢頭確實係鋭不可擋,
除咗喺聯賽保持不敗之身,仲打出咗多場令人拍案叫絕嘅代表作。
先喺白鹿徑大炒熱狗公,再返晏菲路淨食四粒拖肥糖,
而數到最經典嘅,都莫過於係喺主場強姦兵工廠一幕。
我夠膽講,今屆嘅英超聯賽絕對係近年嚟鬥得最難分難解兼夾最難爭逐嘅一季,
勢估唔到喺亂世底下,紅軍領隊羅渣士嘅表現完全令人刮目相看,
尤其係佢激活球員嘅功力,更加令小弟深深折服!
佢行事好有膽識,而且勇於求變,仲好肯畀機會同埋鼓勵班新仔,
此外,佢亦多次嘗試用一班現有球員去填補隊中嘅一啲空缺位置,
雖然球隊喺一開始仲未適應新陣式同新打法嘅情況之下曾經甩轆過幾次,
不過幸好成班波就越打越順,仲越嚟越有信心,講真呀~
如果渣哥喺季尾能夠以現時呢個殘缺不全嘅陣容保住前四甚至後上奪冠嘅話,
咁佢就好有機會瞬即成為晏菲路嘅新一代傳奇人物!
加油呀渣哥!我知你好快就會證明到畀所有人睇,球迷一直以嚟對你嘅等待係值得嘅!
頭領導有方,球員亦輪住發威,先有SAS,後有SSS,
然後再有SSSS(Suarez + Sturridge + Sterling + Skrtel),
再加埋擁有無限體力嘅軒達臣以及越老越可愛嘅隊長謝拉特,
利記今季強勁嘅攻力確實令一眾英超守衞聞風喪膽,
其中謝記仲創下咗個人職業生涯裡面嘅助攻次數新高。
前線如狼似虎,後防卻一如以往似足一隻性感小野貓,
呢種「有前冇後,打死罷就」嘅踢法,不禁就令我諗起伊雲斯時代嘅利物浦。
咁當然,米仔、副隊同大抽嘅個人質素就肯定好過當年占士、凡美同巴比多多聲,
我諗今季之所以失球咁多,可能只係因為班後防球員仲未習慣球隊個新陣式啫!
希望佢哋同將會復出嘅沙高、盧卡斯喺嚟緊嘅賽事上都可以打醒十二分精神,
唔好再要一眾利迷㩒爆屋企個平安鐘喇! ~XDXDXD~
 
海鮮拼盤」惡鬥「鳩斬滷味」,最終到底誰勝誰負?3月16號晚即自有分曉!
「笑聲笑聲~~獌家拎~~快樂發心內~~」
強烈支持我最愛嘅莫椰子再度刷新佢嘅驕人紀錄,繼續推動世界球壇進步!

獌聯牌正宗齋滷味、一支富含大檸賓,再加多粒萬壽無「薑」嘅莫椰子糖……
呢個係我喺獌狗逼和富咸之後post上利迷群組嘅「找數套餐」,
只要可以睇住獌狗一路沉淪落去,本人係絕唔介意食多十幾餐齋滷味㗎!
唔知道我最尾嗰個願望到球季結束之後會唔會實現呢?喺現階段我真係完全唔敢諗
事關一個經歷過焗桑拿同鶴頂紅年代的利迷,喺諗嘢方面係會比較負面少少!哈~
波經噏完就輪到食經,近日,我漸漸迷上咗公司附近一間叫做《風神》嘅外帶壽司店,
自從食過呢間位於必嘉街83號嘅「優質平價壽司」之後,我就冇再幫襯過《爭鮮》喇!
食完「優質平價壽司」,又帶咁多位嚟到紅磡一間好好味嘅茶記度開餐,
誠意推介呢樹嘅羅漢齋炒麵同埋XO醬雞絲炒一丁,夠鑊氣之餘又唔太油,實在係頂呱呱!
 
超抵價早餐之選,$24就有交易,我開早一定會食佢!
睇住呢間茶記開張,到後來仲漸漸成為咗佢哋嘅常客,
到而家,我同呢度個老闆娘同伙記已經熟到一個就算齋坐都會有例湯飲嘅程度,
咁都唔只呀!有時候我仲會自己斟茶同落單㖭!~XDXDXD~
 
嘻嘻~你睇吓連公司嘅開年飯我都係搵佢一手包辦埋!

《永勝茶餐廳》

地址:紅磡必嘉街95號地下
電話:2365
3683
營業時間:星期一至日:08:30 - 01:00

各項評分(五個為滿分)


食物質素:㊣㊣㊣
抵食程度: ㊣㊣㊣

服務態度:㊣㊣㊣

環境: ㊣㊣
衛生:㊣㊣㊣


前日係姑姑嘅生日,本身佢同我話諗住去食韓燒嘅!
咁我就同佢講話,既然生日就梗係要食豪啲啦!起初佢都話好㗎!
但到咗當日,我哋就由深水埗行到太子,再由太子行到尖沙咀……
沿途仲經過好多間韓燒舖頭,但係最後,姑姑就突然轉駄話唔想食,
我事後問佢點解?佢就答我話因為佢睇到個餐牌之後發覺啲嘢太貴,所以唔捨得食……
呵呵喺嗰一刻,我忽然間覺得自己真係好幸福呀!可以搵到一個咁為我著想嘅女人!
唔食貴價韓燒,我同姑姑就決定轉移陣地去食潮洲打冷,唔知各位Blog友仲記唔記得呢?
呢間打冷其實我喺一篇口水多過茶Blog入面老早就介紹過,
亦同多位兄弟喺度開過餐,不過帶姑姑嚟食就係第一次。 
不厭其煩要再次推介呢度嘅招牌芥辣墨魚片,簡直係人間美味! 
 
另外,佢哋嘅生腸拼鵝腸又係令人好食到停唔到口!
嗱!有相為證㗎!上年柏盛同輝少嘅生日飯我都係帶佢哋嚟呢度搞掂!
個個食完之後都讚不絕口,證明絕無老點!~XDXDXD~
《紅伶飯店》

地址:佐敦吳松街19號地下
電話:2385 3524

營業時間:星期一至日:18:00 - 04:00

各項評分(五個為滿分)


食物質素:㊣㊣㊣
抵食程度: ㊣㊣

服務態度:㊣㊣㊣

環境: ㊣㊣
衛生:㊣㊣㊣


同姑姑打完冷,趁個肚仲有空位就嗱嗱淋去咗附近一間甜品舖度食糖水……
咳咳~呢排個人咁燥,都係時候要食返碗清熱滋潤嘅綠豆沙下一下火!
食完糖水,姑姑竟然意猶未盡,仲話想繼續掃街,
於是,我就去咗佐敦寧波街一間幾出名嘅街舖度買咗一堆口立濕畀佢同伯母做宵夜。
嘩~飲飽食醉之後仲包埋外賣宵夜,今次您應該滿載而歸喇啩? 
正所謂無論愛得有幾深,買粒鑽石至均真!咦~睇過!又真係幾閃喎!
計我話,姑姑您就唔應該再將佢收埋喺屋企嘅床下底養曱甴喇!
間唔中都要喺適當時候畀佢出嚟見吓光先得㗎嘛!~XDXDXD~
屌~講呢啲我同您仲邊度有計衰鬼~XDXDXD~
 
姑姑,古語有云:「女人四十先開花」,
喺呢度,先祝年年歲歲,青春不老;再祝歲歲年年,一生平安;
最重要快快樂樂,幸福美滿,希望喺未來嘅日子我可以向您繼續多多學習!嘻~ 

同場加映 - 好戲在後頭之我和邱導有個約會
近排朋友、家人同姑姑都異口同聲話我成個人發福咗,
嗯~對於呢種講法,我只係想講……你哋班友真係有所不知喇!
朕近期不斷瘋狂增肥,查實係為咗新片《人肉叉燒包第三集之獌記滷味齊齊斬》、
《伊波拉病毒第二集之決戰狄波拉》以及《陰陽路第689集之睇你點死》嘅拍攝,
而企喺我旁邊嘅就係鼎鼎大名嘅Cult片教父邱禮濤大導演,嘿嘿大家期待唔期待先?
除咗我之外,CoCo前排亦都落實咗要接拍一齣斥資億萬嘅驚世鉅作
個戲名就暫定為《希特貓傳奇》,以上兩部猛片都係由《鳩噏院線》榮譽發行。
身兼《Ghostbusters》系列創作人,
戲中飾演四位捉鬼敢死隊成員之一嘅美國男星Harold Ramis,
於美國時間2月24日喺佢芝加哥嘅住所中過身,享年69歲。
 
呢個捉鬼組合,相信唔少八十後睇到都必定會深有感觸……
停筆前,亦衷心希望馬航事件嘅死難者家屬能夠早日振作,並誠心祈求會有奇蹟出現。
好喇!同大家吹住咁多先!要上床瞓覺囉!886!喵~Zzzzzz~

196 則留言:

  1. 好壞念鵝腸麵, 爽口! 不過附近沒 ...
    我家附近也不時有工程修路, 燥音也很煩!

    回覆刪除
    回覆
    1. 我本身麻麻地鐘意食鵝腸,不過紅伶就例外。

      刪除
  2. Hi Bondi,
    有歌聽, 有野食, 還有, 《鳩噏院線》發行你和 MIAO ,擔綱的影片, 期待中......

    回覆刪除
  3. CoCo有新戲上一定捧場架。哈哈.....

    回覆刪除
  4. 有得食、有得唱、果然過引之致!繼續happy、唔好畀佢停呀!

    回覆刪除
  5. 介紹食店的資料充足, 可以按圖索驥去搵就OK喇! 謝謝你的分享啊!

    回覆刪除
  6. 補祝姑姑生日快樂! 她有你在身邊,日日都快樂! 青春常駐! 身體健康!

    回覆刪除
    回覆
    1. 佢可能心諗:「條死仔激小我一日我就已經好開心喇!」

      刪除
  7. 祝你女友生日快樂! BBQ 7080 Very Good㗎!算係全港最正宗嘅一間韓燒!90%以上店員都係韓國人!

    回覆刪除
    回覆
    1. 搵日一定要捉姑姑去食一次!雖然我本人唔好韓燒!

      刪除
  8. 嘩.............唔怪得肥咗啦 , 咁多好嘢食 , 哈哈~!!!!!!!!!

    回覆刪除
    回覆
    1. 近排開始收緊身喇!之前真係太離譜!XDXDXD~

      刪除
  9. 生日快樂牙……姑姑~
    你唱功有去番當年6成功力~請繼續努力~

    回覆刪除
    回覆
    1. 我都話約我凌晨唱保證一定夠氣夠聲㗎啦!XDXDXD~

      刪除
  10. 粒石好閃,要多啲拎出來欣賞下XXXD
    btw,希望快啲完成工程等你有覺好瞓啦
    馬航也希望早日水落石出
    我諗任何人企在邱導旁都會看落肥D,因為佢太瘦hahaha

    回覆刪除
  11. 我都好鐘意食優質平價壽司的~

    回覆刪除
  12. 打冷都唔平架!無所謂啦!食得開開心心就行了!祝姑姑健康快樂!永遠美麗!

    回覆刪除
  13. 渣哥真係堅,迅速將利記回復本來嘅秀麗面目!!
    而家嘅SAS比起當年神搭哥利摩亞簡直就有過之無不及!!
    因為單計能力值我認為阿蘇除咗埋門觸覺之外其他嘢都好過神!!
    而史獨都應該唔會好似哥利摩亞條煩友得果一季半季貨仔!!
    後防方面我相信沙高同盧仔出番嚟應該會有所改善,
    放心啦!下場一定會成功劏獌!!絕對冇有怕!!

    回覆刪除
    回覆
    1. 完全係伊雲斯嗰套進攻模式!但我哋而家班後防質素就高好多!只係未適應個新陣式!如果可以搵番奇勒番嚟幫拖就好喇!雖然我知道機會好微!

      刪除
  14. 莫耶輸破咗好多紅魔紀錄,勁!

    回覆刪除
  15. $24 那個早餐最吸引我。

    回覆刪除
  16. 你的生活多姿釆!謝謝分享!

    回覆刪除
  17. 寿司我都喜歡; 不過是間中吃吓.

    至於"內臟"等食物, 不敢吃.

    Malaysia Airline?? 算我是 realist, 家屬節衰順變吧! 奇跡?? 除非去了Bermuda Triangle, N 年後突然回來......

    Ghostbusters 巳難拍第三集雖然 Dan Arkroyd 想拍.

    回覆刪除
    回覆
    1. 不想他們重拍!不想他們破壞舊版所帶給我的美好回憶!

      刪除
    2. 現在太多 reboots, 連 Poltergeist 都會有.

      刪除
  18. 港英餘孽當奴曾2014年3月12日 下午11:18

    獌記滷味、689睇你點死。。哈哈!俾你D戲名笑撚到我肚痛!

    回覆刪除
  19. 你的生活真的離不開唱K和食,不如送你一個台灣人到香港參加購物節的比賽看看.
    http://blogcity.me/blog/reply_blog_edit.asp?f=YFP7GITUOH239628&id=621425

    回覆刪除
  20. 今年春天*¤天氣唔好都有一個月呢*¤星星月光太陽躲懶了¤
    MY █▄❤vE 好朋友*都要小心身體啊¤☁*晚安甜夢

    回覆刪除
  21. 亞喵, 你介紹咁多野食呀, 有點餓添.....

    回覆刪除
  22. 你識扮聲又rock得,我諗D friend同你唱K應該會好開心,我不會唱歌同真情流露唱得好好呀!今期流行你自己cut歌個下真係笑死我,btw篇Blog好豐富,我都支持利記奪冠,等你可以戒煙成功!

    回覆刪除
    回覆
    1. 首歌真係太柒喇!唔cut對唔住自己呀!我諗古天樂自己見到個MV都會即刻熄電視!

      刪除
  23. 祝Teddy喵喵, 繼續 happy、生活多姿釆!祝姑姑健康快樂!一生平安;永遠美麗!!!

    回覆刪除
  24. 哈哈,一係唔寫,一寫就幾版紙.

    回覆刪除
  25. 你啲生活好充實,絕無冷場!可以用活色生香嚟形容,令人羨慕!

    回覆刪除
  26. 你既生活真係好充實...仲好正添 !

    回覆刪除
  27. 貓咪呀..........我家星期一也來了一隻,,幫親戚守20天.......

    回覆刪除
    回覆
    1. 那妳的家在這段時間一定會充滿歡樂氣氛!XDXDXD~

      刪除
  28. 你生活真多姿多采!

    回覆刪除
  29. 很豐富 , 好似食自助餐, 鍾意邊part睇邊part .....

    回覆刪除
  30. 捉鬼創作人離去,真的好難接受!

    回覆刪除
  31. 我夠膽講我地今場食硬獌狗,不解釋,信心表現 !

    回覆刪除
    回覆
    1. G8若然繼續用以前既踼法,無可否認一定會走下坡,所以轉型係必需 ! 佢開頭踢新位置係踢得麻麻,但而家就越嚟越好 ! 希望佢可以繼續進步,有機會可以好似渣哥咁講,挑戰Pirlo X Xabi。

      刪除
    2. 用謝仔打墮後中場真係神來之筆,我以前打Winning、FIFA同FM都好鐘意咁擺,真係估唔到渣哥會夠膽咁做!

      刪除
  32. 專程去到佐敦買口立濕畀伯有...呢個未來女婿好唔話得!!!!!!!!!!good boy~~

    回覆刪除
  33. CoCo喵喵表情多多好可愛啊 ~~~

    回覆刪除
  34. 補祝姑姑生日快樂! 健康!幸福﹗美滿﹗

    回覆刪除
  35. 迪哥呢個look成個日本仔咁!

    回覆刪除
  36. 一向都好仲意貓咪!Meow...Meow...Meow...=^^=

    回覆刪除
  37. 補祝姑姑生日快樂!我好想看《希特貓傳奇》哩. 祝你、姑姑、貓貓天天開心幸福. (^ O ^)

    回覆刪除
  38. 邱導嚟你度睇戲?哈哈,上面張相...你個表情好盞鬼,真係好有宣傳新片嘅FEEL,完全唔似一般路人合照嘅感覺,你係咪本身真係識佢?

    回覆刪除
    回覆
    1. 唔係!佢套新戲《重生》之前喺我公司度做首映,所以事前佢就嚟睇一次試映先!就咁當晚我同佢就試片試到凌晨先走!

      刪除
  39. 生腸 唱K 買鑽石
    壽司 亂up 齋滷味

    回覆刪除
  40. 睇咗你個blog咁耐,我發現你每次一開雜錦文話題都總係離唔開壽司、唱K同利物浦,仲會用型貓子做引,証明你個人勁專一,哈。

    回覆刪除

  41. "姑姑您就真係唔應該再將佢收埋喺床下底喇!"...計我話...會唔會姑姑想你求咗婚先,
    才比鑽石介指見光呢?~XDXDXD~

    回覆刪除
  42. 聚餐話當年,最享受的一件事!

    回覆刪除
  43. 補祝你女友生日快樂,看相片她完全不像四十啊。

    回覆刪除
  44. 回覆
    1. 比起時下D年青人,我的生活就猶如一個清教徒一樣!XDXDXD~

      刪除
  45. 曼聯同莫耶C另ykk好失望!!!

    回覆刪除
  46. 回覆
    1. 所以好食最重要!基本上而家喺出面食乜都貴!

      刪除
  47. 邊個比你放我張相上去ga??仲要整歪人個咀!!又搞到我塊面成個吸血鬼咁!!作死你呀!!!

    回覆刪除
  48. 鵝片 My favourite
    9斬燒味輸9梗
    Harold Ramis R.I.P.
    鑽石恆久遠 一顆永流傳
    K歌之王 仲唔係你

    回覆刪除
  49. 預祝你戒煙成功..

    回覆刪除
  50. 點解我覺得喵咪好似同你越來越似樣咁ge?~

    回覆刪除
  51. 咁樣戒煙法,哈~

    回覆刪除
  52. 下場一定要打番謝班死狗,一腳踢到肥童同Van Pussy收山就啱!

    回覆刪除
    回覆
    1. 劏狗成功!希望佢今晚歐聯出埋局,咁就真係完美喇!

      刪除
  53. R.I.P. We will miss you Harold .

    回覆刪除
  54. Hope that everyone is safe and be found soon. The airline should consider deploying Air Marshals as soon as possible to restore confidence.

    回覆刪除
  55. Teddy,補祝您姑姑生日快樂、身體健康!

    回覆刪除
  56. 鵝片可能會引發皮膚敏感,要注意小心,切勿多吃。

    回覆刪除
  57. 我很少去唱K呢,皆因我五音不全的,我每次也呆坐然後飲雜果賓治。
    每天新聞也在報導馬航事件呢,但我們又愛莫能助,嗚嗚……

    回覆刪除
    回覆
    1. 其實嚴格來說我也是個音痴!唱K開心盡興就好!XDXDXD~

      刪除
  58. 壽司看起來不錯,請問是否跟爭鮮一樣也是賣$3件?

    回覆刪除
  59. 狂賀利記劏狗成功,加油!今季我撐你地首度英超登頂!

    回覆刪除
  60. Time Is Changing 兄的網誌,
    怎會錯過?
    今次寫到真係好幸福的 Teddy Kiu ,
    更萬萬不能錯過呢。
    祝你姑姑生日快樂。

    回覆刪除
  61. 四強鼎立!紅軍封王!曼聯今季玩完了,爽!!

    回覆刪除
  62. 你個fd倪匡佑個腔囗好撚正,唔唱鹹歌真係埋沒左佢 [sosad] [sosad] [sosad]
    btw,條女把聲好似幾好J :P :P :P :P :P

    回覆刪除
    回覆
    1. 基本上佢唱任何歌都係用劉華腔!XDXDXD~

      刪除
    2. 下次叫佢唱鹹歌啦 [sosad] [sosad] [sosad]

      刪除
    3. 我碌鳩又痕又腫,想起屌閪發惡夢!

      刪除
  63. 天才莫椰子帶左成季都踢到pat屎咁都仲有人話俾時間佢[sosad] [sosad]
    睇椰子press con真係仲好笑過睇youtube啲fail片[369] [369] [369]
    btw,其實真係好想君子捧一次英超:-( :-(-( :-(

    回覆刪除
  64. 搭飛機真係好危險,所以金正日同金正恩就算越洋出訪死都唔坐飛機#yup##yup##yup#

    回覆刪除
    回覆
    1. 生死有命,他們真是不幸!唉~希望奇蹟會出現吧!

      刪除
  65. 巴打唔好打我,我覺得你姑姑呢張相有D似木偶楊怡同狐狸定欣 #hehe# #hehe#
    btw,你隻貓真係好有霸氣#love# #love# #love# #love#

    回覆刪除
  66. 嘩~ 你個生活都幾多姿多彩,有甘多朋友陪住一起開心解悶,正!

    回覆刪除
  67. 我早排都俾樓下個地盤轟炸,成日一朝早就嘈醒,希望你惡夢快啲過去

    回覆刪除
  68. Happy B Day to your gf。。。^^。。。

    回覆刪除
  69. 前幾天到了紅伶,果然好介紹,謝。

    回覆刪除
  70. 午安小子,我都希望曼聯繼續沉淪落去,亦都祝你戒煙成功,不過今屆冠軍依然會係車仔.

    回覆刪除
    回覆
    1. 哼!睇下點!不過我個人嘅目標就一向都係重返歐聯戰場!冠軍?隨緣啦!

      刪除
  71. 羅生今次用控球戰術打獌弱點,明顯針對性佢地兩翼,圓勝椰絲!!

    回覆刪除
    回覆
    1. 我覺得成班獌冇乜火都係一個重點!基本上呢場除咗喪馬達、迪基亞同肥童之外,條條友都好似心事重重、死氣沉沉咁!

      刪除
  72. 期待Time Time、CoCo新戲上映!hehe~

    回覆刪除
  73. 嘩! 邱禮濤導演!!!!

    你提到Ghostbusters, 早幾日响電視睇返重播既Spaceball, 果陣Rick Moranis 後生到呢, 美好的八十年代啊!

    回覆刪除
    回覆
    1. 放首映場、試映場碰過不少巨星、名導,但唯一讓我有意慾找他合照的就只有他。

      刪除
  74. 美酒佳餚好波名曲浪漫巡禮,好blog不妨一睇再睇!

    回覆刪除
  75. 我地利物浦由09/10開始末落個個球季開始,
    我地比獌迷大大力恥笑左幾多次,
    唔好計網上討論區個啲瘋狂恥笑,
    淨係計咁多位球迷既朋友間既抽水,
    呢種感覺各位利迷一定非常明白!

    今個球季輪到獌開始衰落,我唔會無限恥笑獌,
    但我只想等佢地感受下利迷咁多年來既感受,
    同埋希望佢地明白同球隊一齊共患難共同進退既感覺。

    睇住球隊年年捧盃當然係容易啦,
    但睇住球隊踢得差就開始遞交轉會申請或者唔睇波,
    我個人覺得呢種人根本無資格話自己係某隊波既球迷。

    回覆刪除
    回覆
    1. 講真,低潮我哋都試過啦!焗桑拿、鶴頂紅時代嗰時我咪又係撐到行!我覺得一隊波喺重整期嗰時下沉係好正常,但而家獌最大嘅問題就係冇咗度氣,無論係球員同球迷都係!隊波一走樣就一次過引哂你班Glory Hunter出嚟!真係好狗肉酸!你要呢班人同你共同進退?你撚想下好喇!所以計我話雲佩斯條反骨仔真係好應該長留獌聯!因為佢條友同奧雲條撚頭一樣都係狗撚到入哂骨!

      刪除
  76. 回覆
    1. 最好早死早著!但睇來又會俾班狗反到底!唉~

      刪除
  77. 《Ghostbusters》我最記得的反而是棉花糖鬼。

    回覆刪除
  78. 睇你嘅blog篇篇都係Time is changing.

    回覆刪除
  79. 老友相聚真係特別高興,我好多朋友識超過30年,呢D真係老死啦!

    回覆刪除
  80. 利記今季真係踢幾好, 我好開心~~

    回覆刪除
  81. 永勝我去過,煮得好好味,就係白飯少咗啲,我吃唔飽好少去呢~~~

    回覆刪除
    回覆
    1. 老闆娘好好人,熟咗可以叫佢添飯送例湯!

      刪除
  82. 超抵價早餐之選 好得啊, $24 可以食到好飽

    回覆刪除
    回覆
    1. 不過佢最近成日加價,可能又係租金問題!

      刪除
  83. 你的blog都好多采多姿,原來,你的生活都一樣豐富充實!

    回覆刪除
  84. 只是寫得好像很豐富很充實而已!XDXDXD~

    回覆刪除