2012年8月6日星期一

我的漫畫風雲

又係一篇一直好想寫但就一路冇落到筆嘅Blog文,
今次係多得雅虎嘅「溫馨提示」,我先至記返起六年前同自己嘅一個約定咋!~
每個人心入面都總會有一套心愛嘅卡通,小弟亦唔例外,
喺呢度,不如就等我同大家分享吓一啲陪住我一齊成長嘅卡通片同動漫人物啦!~
第一套想同各位分享嘅,係喺80s永垂不朽嘅經典名作《聖鬥士星矢》,
佢係我第一套迷上嘅漫/動畫,記得細個為咗追呢套嘢,幾乎搞到晚晚都要捱眼瞓,
因乜解究我會咁鍾意《星矢》?答案好簡單啫~連歌仔都有得唱啦!~
正所謂:無敵嘅聖衣~金剛璀璨好美麗~唔係鐵~係聖衣~著咗打都打得勁啲呀嘛!~
仲有呀~嗰班聖鬥士連啲絕招都有型有款過人㗎!~
乜嘢天馬流星拳、鑽石星塵拳、廬山昇龍霸、星雲鎖鏈、鳳翼天翔……
每招每式都有特定名堂,實在係型棍到不得了!~
 
《聖鬥士星矢》嘅角色有如天上嘅繁星一樣數之不盡,
而喺咁多位聖鬥士當中,我最鍾意嗰個就係白鳥座冰河(Cygnus)。
冰河係一名日俄混血兒,佢擁有一把飄逸嘅金髮同埋一雙迷死人嘅藍眼晴,性格冷傲憂鬱,
加上擅長用冰(可以食一世免費刨冰~XDXD~),所以又有「冰原貴公子」呢個稱號。
佢為人好孝順但弊在有鋪戀屍癖,每日都要咬住支花潛落海底下面探佢過咗身嘅阿媽,
佢命犯天煞孤星,先剋死老豆同師父,之後仲要被迫殺死埋自己嘅老友同師公卡妙,
而佢同卡妙用「曙光女神の寬恕」決鬥嗰幕,更堪稱係《聖鬥士》裡面其中一場最精彩嘅戰役。


最鍾意《聖鬥士》邊個章節?仲使問!梗係百看不厭嘅《黃金十二宮》啦!~
但唔知車田正美條友仔係咪同我哋巨蟹座有不共戴天之仇呢?
將佢畫到成個人渣敗類咁都算啦!仲要次次都死得咁鬼樣衰!~XDXDXD~

除咗《黃金十二宮》,《冥王篇》亦都係本人極之喜愛嘅章節……
「這種觀音兵  偉大到令你窒息  捨身出擊  當炮灰去送命  就是被犧牲  也是整定」
呢次大鑊喇!星矢嘅小宇宙消失咗呀!唉~為女死為女亡,為女入埋大棺材,值得咩?

當年睇完呢個結局個心真係好唔舒服,永遠打不死嘅星矢,終於都要同各fans講聲Bye Bye喇!~
想問有邊個麻甩仔嘅屋企係從來冇捐過錢畀BANDAI?
我相信大部分80後家長,都應該跌過唔少錢畀呢間公司,
足以證明《聖鬥士》嘅玩具系列喺當時真係每個細蚊仔嘅收藏夢想嚟㗎!~

事隔23年,《聖鬥士星矢》嘅正統續集總算係正式面世本來收到呢個消息我都幾期待㗎!~
之但係,你整到班雄糾糾嘅聖鬥士成個變咗性嘅美少女戰士咁,真係搵鬼睇咩大佬?

《龍珠》,可能係世界上最受歡迎嘅一套漫/動畫,
佢嘅影響力有幾大?睇怕都唔使我多講喇!先唔講亞洲地區先……
你淨係睇吓歐洲,連班鬼佬都要拍返套真人版電影嚟向《龍珠》致敬你就知佢有幾堅啦!~
問心嗰句,當年我對呢套嘢查實係又愛又恨(指動畫版),
理由係乜?咪就係因為佢哋經常鍾意搞到啲情節又長又唚囉!~
變隻猩猩又要講一集,變次超西又要拖幾集,儲個元氣彈又要儲成幾個禮拜。

講返《龍珠》本身嘅歷史,佢係日本名漫畫家鳥山明喺1984年開始創作嘅漫畫,
故事嘅概念同初期嘅角色設定,有唔少都係嚟自明代文學家吳承恩嘅著作《西遊記》,
早期嘅劇情大部分比較偏重於搞笑多於打鬥,係去到後期先變得越嚟越暴力。


呢一本絕版珍藏你哋見過未?封塵多年……估唔到仲可以搵得返!~
角色方面,《龍珠》嘅主角孫悟空係全世界心地最善良嘅一位漫畫人物,
佢重情重義、樂於助人、唔記仇,又願意犧牲小我,完成大我,
而且份人仲一啲機心都冇,絕對稱得上係一名絕種好男人,
同呢類人做朋友認真一流之極,至於做佢老婆同個仔呢~就……

有個全宇宙最好打嘅老公都唔係咁過癮㗎咋!你睇吓悟空個老婆芝芝就知啦!~
我認為佢都算得上係全套《龍珠》入面最陰功嘅女人,
個老公成日冇尾飛陀,日日淨係掛住練功同拯救地球,完全冇理過屋企嘅嘢,
佢一個女人要撐起成頭家,含辛茹苦咁湊大兩個仔,又時時都要為家計而奔波勞碌。

另外,呢嚿可憐嘅望夫石仲有兩項極之慘情嘅記錄,可以話係前無古人,後無來者,
一係佢無啦啦要接受一個同自己個孫年紀一樣咁大嘅老公(GT篇),
二係佢唔經唔覺已經做過三次寡婦(同一個男人),唉~直程係慘過白燕呀!~

孫悟空個大仔孫悟飯係我喺《龍珠》入面最鍾意嘅一個角色,
你淨係睇吓我細個嗰陣個髮型就知道我舊時係有幾咁迷佢啦!~XDXDXD~
記得打斯路大戰嗰陣,我差唔多晚晚都會捕住個電視機等睇戲,
因為喺《斯路篇》嘅悟飯的確係威水到盡,身為當輯世上最強嘅龍珠戰士,
比老豆悟空仲要犀利,之後鳥山明更打算用佢嚟暫代悟空做主角,
只係當時日本嗰面啲Die-hard fans嘅反對聲音太大,
鳥山明先至迫住要將悟飯越畫越弱仲要貶埋佢做大茄喱啡,威力之低,
令網民紛紛發出恥笑之聲,仲抵死到幫佢起咗個花名叫「野比飯」。
外型俊朗嘅杜拉格斯都係我喺《龍珠》另一個幾鍾意嘅角色,
佢嗰個「中間分界」髮型,都吸引過唔少80後男仔爭相模仿。
你哋睇吓郭天王初出道個髮型,係咪同杜拉格斯個髮型有幾分相似呢?
以前有本漫畫仲曾經咁樣惡搞過佢哋,相當之抵死好玩!~XDXDXD~
嘩嘩嘩~呢個封面就夠晒經典喇!~
有冇人認得呢張相嘅原型係嚟自城城邊張唱片嘅Cover呢?
講到呢度,我腦裡面忽然間有一個突發奇想,就係除咗郭富城之外,
仲有啲乜嘢藝人係會同《龍珠》啲人物掛到勾嘅呢?好似比達咁呀……
「呀~格古洛~」哈哈~如果你哋唔識佢係邊個嘅話,
就嗱嗱聲去租返套《陀槍師姐II》嚟睇吓啦!~XDXDXD~

吓?乜嘢話?莫非你就係傳說中嘅超級撒亞人?~XDXDXD~
咁撒旦個女,即係悟飯個老婆比迪麗,又會令大家聯想到邊一位藝人呢?
吓?我?唔係吓化?
係呀!妳再望真啲睇吓添啦!~
哦哦~~咁我而家明白晒喇!~
喺《龍珠》度曾出現過無數個膾炙人口嘅反派角色,而當中我喜愛嘅就係佢,
一個只係會喺劇場版出現嘅型爆奸角,個名叫做布羅連,又或者係博洛尼。
喺《布歐篇》完結後,《東映動畫》就順勢推出咗一套《龍珠》嘅非正統續集叫做《龍珠GT》,
呢套動畫並唔係由鳥山明本人所原創嘅,啲畫功亦明顯比以前粗糙咗好多,
而個故事大綱更加係鬆散得很,較為可取嘅,就係佢所設定嘅嗰一個感人Ending同埋堆主題曲/插曲。

《聖鬥士星矢》喺80s成功掀起咗一股聖衣熱潮,而《龍珠》喺90s就引爆出一陣閃卡風暴,
乜嘢單閃、暗閃、閃中閃我之前都儲咗唔少,足足有成本簿咁厚㗎!~

提起鳥山明,當然就唔可以唔提埋佢嘅另一部大熱卡通《IQ博士》啦!~
作為無厘頭文化嘅開山鼻祖,段段情節都令人笑到碌地。

喺成套《IQ博士》入面我最鍾意嘅角色就係小雲、小吉同埋嗰舊粉紅色嘅米田共,
諗返起細個嗰陣,我成日都會取笑我表姐係米田共皇后,原因係佢個樣真係生得好似小雲!~哈哈哈~
真正嘅「Chok界始祖」並唔係林峯,亦唔係劉華,而係瀟灑又得,猥瑣仲得嘅則卷千平。
《IQ博士》同《龍珠》一次絕無僅有嘅Crossover,充分見證小雲力大無窮嘅神秘力量!~XDXDXD~
由冨樫義博所創作嘅《幽遊白書》,係小弟從小至今最喜愛嘅一套日本動漫,
冨樫喺呢本漫畫中發揮出天馬行空嘅想像力,創造出一段段令人難忘嘅經典情節。
套嘢一開始係以短篇故事形式去描述主角浦飯幽助點樣變成靈界偵探嘅過程,
但去到後期,冨樫就唔知點解會忽然將佢轉型為格鬥漫畫。

妖狐藏馬係我喺成部《幽遊白書》入面最鍾意嘅一個角色,
佢頭腦冷靜、聰明機智,應善良時善良,應冷酷時冷酷,係一個極受異性歡迎嘅紅髮美男。
小閻王嘅下屬、幽助嘅靚女助手牡丹,係一個近乎完美嘅漫/動畫女角色,
傻大姐嘅樂天個性加上百變嘅潮爆造型,真係教我如何不愛她呀?
我自己就特別Like喺動畫裡面
口頭禪多多又古靈精怪牡丹
一句幾乎集集都會出現嘅「咦喂~」,仲鬼咁鍾意叫桑原做桑仔,
多得香港名配音員鄭麗麗嘅精彩演繹,直接令牡丹呢個角色變得更為生動同有趣。

而喺整套漫/動畫入面,我喜愛嘅奸角就係「黑天使」仙水忍。
呢個角色嘅性格非常複雜,佢本身同主角浦飯幽助一樣都係一名靈界偵探,
只係後來見識過人類極醜惡嘅一面,先漸漸走上成魔之路,仲決定要令所有人類滅亡。
我對仙水印象最深刻嘅一幕,係當佢見啲人類用盡各種超殘忍嘅方式嚟虐殺一班小妖怪,
跟住佢就當場崩潰,仲殺晒在場嘅所有人類,然後就同阿樹講咗一句:「呢度一個人都冇。」
除此之外,佢多重人格嘅特質,亦都引起好多《幽遊》迷探討同研究佢,
好佩服冨樫能夠創造出一個咁具人性化嘅動漫角色,真不愧係業界公認嘅天才。

感情線方面,幻海大師同戶愚呂(弟)之間嘅呢一段微妙關係亦都係為人津津樂道。
喺我心目中,冨樫義博係當之無愧嘅鬼才,同時亦都係一個出晒名嘅超級大Hea精,
當年佢突然草草咁結束咗個故仔,搞到《幽遊白書》個結局落得一個爛尾收場,
不過整體嚟講,《幽遊白書》就依然係一套值得大家回味再回味嘅A級漫畫作品。

「圓圈加一點  圓圈加一點  下面畫枝波板糖  再畫個呼拉圈  再畫個呼拉圈」
《叮噹》應該係唔少人心入面一個恆久而美好嘅童年回憶,
曾經有一段時間,叮噹喺我心目中嘅地位甚至比聖誕老人仲要高,
我諗有好多人喺以前都有機會會同我一樣有幻想過自己有日身邊會出現一個叮噹常伴左右。

《叮噹》本身到底有冇一個正確官方結局?呢個問題到今時今日都仲有人喺度不停談論緊,
而當中傳得最熱嘅一個結局,都莫過於話大雄本來係一個植物人,而且仲患有嚴重嘅妄想症,
乜嘢叮噹、靜宜、技安、阿福,全部都只不過係佢腦裡面嘅一啲幻想嚟……
嗰陣聽到呢個結局,
真係搞到我內心極度不安,心諗阿不二雄你唔係咁大整蠱呀?
好彩到後來大個咗,我就確定呢個Dark到爆嘅結局原來只係啲人吹出嚟嘅,
妖~我真心覺得放流料呢班友簡直係罪大惡極囉!居然咁樣去傷害班小朋友嘅弱小心靈!~

《俏皮扮嘢貓》,仲有冇人記得呢套嘢呀?
佢係全世界最正嘅一套貓貓卡通片,仲好睇過紅爆全球嘅《加菲貓》。
《足球小將》係高橋陽一最出名嘅一套代表作,亦都係世界上最死唔斷氣嘅漫畫作品,
由《少年篇》、《世青篇》到《ROAD TO 2002》《Golden-23》……
仲有一大堆短篇故事同外傳,咁樣睇嚟,高橋陽一都幾等錢使喎!~

筆者學生時期所畫嘅劣作,咳咳~真係不堪入目……再一次證明封筆是對的!~XDXDXD~
好老實講,呢套漫畫個頭係開得幾好嘅,但係本嘢去到後期啲劇情認真係拖得太離譜,
所以喺《ROAD TO 2002》之後,我就決定以後都唔會畀高橋陽一呢條友再呃到我一亳子,
去到而家,就算係唔使畀錢我都懶得再去睇呢本嘢,費事睇到眼冤!~
但有樣嘢幾搞笑嘅係,高橋陽一由我出世嗰年就一路打飛機打到上大空,
但勢估唔到打吓打吓,
日本足球又真係變得越來越勁揪,最近喺奧運仲殺埋入四強添!~

喺《足球小將》裡面咁多個角色當中,我最鍾意嘅就係「玻璃王子」三杉淳,
呢個曾經令戴志偉心服口服嘅天才球員,去到世青篇就開始慢慢畀高橋陽一嚴重弱化,
唉~冇法子啦!鬼叫佢唔係主角咩!試諗吓若果佢一直冇病冇痛,咁志偉哥咪唔使上位?

《男兒當入樽》係我有生以來睇過最熱血、最感動嘅一套體育卡通,
每當《君が好きだと叫びたい》第一個音符響起嘅時候,我嘅回憶之窗就會自動打開……
一向都覺得櫻木花道呢個角色根本就係井上雄彥所創造出嚟嘅Rodman卡通版,
同樣係籃板王,同樣係壞孩子,同樣係行為出位,同樣係野性難馴嘅壞孩子,
同樣係行為出位,亦同樣係一名充滿熱血嘅運動員,
而咁啱Rodman又係本人最愛嘅一位NBA名將,所以我對櫻木呢條紅毛仔就特別有好感。
敵對球員方面,我最欣賞嘅係被稱為「帝王牧」嘅海南隊王牌牧紳一。
佢擁有冷靜嘅頭腦、強健嘅體魄、充沛嘅體能同一流嘅分波能力,
並且攻守兼備,仲攞過三次神奈川縣大賽MVP,係一個天生嘅領導者。
《男兒當入樽》嘅經典場面有好多,最引起人共鳴嘅就肯定係流川同花道擊掌呢一幕,
呢一份男人嘅浪漫,真係好難再喺其他漫畫度搵得到㗎喇!~
童夢幻影球~~提起體育卡通,唔知又有冇人認識上面呢套嘢呢?
幾年前喺屯門做嘢嗰陣,《蠟筆小新》真係陪我度過咗好多個寂寞嘅晚上,
百厭嘅小新、可愛嘅小葵、單純嘅小白,每一個角色都帶畀我好多回憶同歡樂,
可惜嘅係,隨住作者臼井儀人嘅離世,以後就唔會再有全新嘅《蠟筆小新》出現。
喺度我好想再同呢位小新嘅“真爸爸”講一聲多謝,願你喺另一個世界可以快快樂樂咁過活。

夜晚有小新陪我食宵夜,朝頭早就有花師奶一家陪我食早餐,
呢家人令我知道,原來有時候,一啲日常生活上好無聊嘅瑣碎事都可以好好笑㗎!~
好多人都好鍾意睇美食漫畫,尤其係講日本料理嗰啲,
當睇完呢堆漫畫之後,大家就可以喺視覺上滿足到平時一啲好難實現嘅美食夢想,
而喺日本眾多本料理漫畫當中,我就最鐘意以上呢兩本。
鍾意《將太的壽司》嘅理由好簡單,因為小弟人生不能冇
壽司!~XDXDXD~
而鍾意《伙頭仔昆布》嘅原因,首先係欣賞本嘢個作者嗰一份無窮無盡嘅創意,
其次係草蜢所唱嘅嗰首主題曲真係好入腦, 都稱得上係動漫界嘅香港區世紀名曲。
講起一啲好好聽嘅卡通片主題曲,嚟到呢一刻你/妳又會諗起邊一首?
個人喜好如下:《長腿叔叔》《機動警察》《達爾大冒險》《高智能方程式》
《Exam》,請問呢度有冇Blog友同我一樣都曾經有買過呢本周刊呢?
全因呢本嘢,先令我認識到一堆冷門得嚟又好好睇嘅漫畫。
《Boy聖子到》,呢套嘢當年喺日本都幾紅㗎!但喺香港好似就唔係咁多人識咁。
至於《魔界美少女》呢本嘢就有少少《奇幻潮》Feel,入面嘅每一段故事都好有警世作用。
男blog友們,仲記得自己第一次買鹹書嘅經過嗎?以上呢兩本H漫就係本人生平第一次去書報攤買嘅鹹書。
呢本嘢盞鬼又抵死,正宗係少少鹹,多多趣,直頭係笑死人冇命賠!~XDXDXD~
日本有好多電視劇同電影都係改編自一啲知名嘅漫畫作品,
而當中最令我留下深刻印象同拍得最好嘅,就要數到《GTO》同《Death Note》。
先講《GTO》,雖然套劇同電影都拍得幾好睇,但係我就始終都係鍾意漫畫版多啲,
我覺得喺呢個世界上,根本就唔會有演員演得到漫畫入面嗰個鬼塚英吉,
嗰種癲癲喪喪嘅表情同埋賤賤惹人愛嘅特質,真係淨係喺漫畫入面先可以感受得到。

至於《Death Note》我反而就比較鍾意嗰兩套改編電影多啲,尤其係個結局……
居然諗得到用L嘅假死同調換本死亡筆記嚟引夜神月跌落陷阱,哈哈~真係高招!~
我之所以咁Like呢個結局,原因只係得一個,就係我唔想L輸畀嗰條PK夜神月!~哼~
其實漫畫版個Ending都算唔錯嘅,流克夠狠,尼亞夠串,夜神月又死得夠樣衰,
但個結局就稍為有啲煽情過頭,而畀條PK咁死法亦太過便宜佢了。
講返套戲我就不得不讚扮演L嘅松山研一,佢的確係演得十分神似,
而畀人彈到九彩嘅藤原龍也,我認為佢都算演得唔錯嘅,
只係可能佢喺外型上缺少咗夜神月嗰份陰沉嘅感覺,
再加上佢又冇刻意去模仿原著,先至會畀人踩得咁盡啫!~

坦白講,我有時都會諗,假若畀我擁有一本Death Note嘅話,個結果究竟會變成點呢?
答案係:千祈咪鬼畀我攞到呀!事關我份人EQ咁低,到時候實搞到世界大亂!~
好~講咗咁耐日本漫畫,都係時候要分享返一啲正斗港漫,首先係由甘小文所畫嘅《至GOAL無敵》,
咪睇本嘢啲畫功睇落核核突突咁呀~入面嘅內容當真係正斗到暈!~
我成日都會諗,假如劉偉強今時今日再拍一輯《古惑仔》……
而戲裡面嘅劇情就跟足晒原著嚟拍嘅話,出嚟個效果就必定會爆到七彩,
你哋試諗吓,向來懶係正氣嘅浩南哥忽然變咗做條陰險大奸狗喎!真係諗起都興奮啦!~

由於《古惑仔》嘅成功,牛佬嘅出版社就食住個勢相繼出版咗一系列同類型嘅江湖漫畫,
而當中令我留下最深印象嘅,就係呢本巨星雲集嘅《江湖大家族》。
劉德華、郭富城、梁詠琪、陳曉東、任達華、邱淑貞、鄭秀文、吳孟達、萬梓良……
有一集仲連木村拓哉都有,真係齋睇明星都值回書價。

《街頭霸王》係好多人心目中嘅集體回憶,但上面呢本《街霸》港漫唔知又有幾多人睇過呢?
由許景琛同李中興所創作嘅第一代《街霸》港漫,當年細佬年少無知,曾經覺得呢套嘢故事性好強,
劇情離經叛道得嚟又幾精彩而且仲將每位角色嘅個性特質都描寫得好細膩同鮮明深刻。
喺呢本漫畫入面,春麗係阿龍條女,又係赤目司令個養女,仲多次畀人老強(差啲);
阿KEN個名叫做賓尼,畀鐵面域加撬咗條女之後就變咗做大奸狗,之後仲大膽到背叛師門添!~
另外,佢哋
起咗一大堆自創嘅招式名,好似乜嘢皇者令呀~霸者令呀~等等……
自問對港漫認識唔深,到大咗之後我先發現許景琛同李中興呢兩位人兄……
原來喺大部分港漫迷眼中同樣都係被視為漫畫界嘅人渣敗類,而李中興仲畀人起咗個花朵叫做雞姦興,
到底佢兩個做過啲乜嘢傷天害理嘅事而搞到神憎鬼厭呢?咁我就唔太清楚喇!
因為除咗呢套《街霸》我就再冇睇過佢哋嘅其他作品。
《街霸》港漫或者有好多人冇睇過,但係上面呢隻街機Game,我諗都算係街知巷聞喇啩!~
仲有呢部《超級學校霸王》集合三大天王同BIG FOUR嘅兩位成員,
仲有鄭伊健、任達華、楊采妮、邱淑貞、劉小慧、苑瓊丹同吳耀漢, 
呢個咁強大嘅卡士陣容,真係可一不可再呀!睇過嘅請舉手!~XDXDXD~
呢篇Blog係我第一次寫嘅漫/動畫文章,如無意外亦都會係最後一次……
所以我就決定要一鋪過!實行要嚟一次卡通大晒冷!~XDXDXD~
停筆前,我想喺度再一次多謝呢一個月嚟請過我食生日大餐嘅所有朋友仔!~
能夠食足一個月嘅生日大餐,我覺得自己實在係太幸福喇!~XDXDXD~

205 則留言:

  1. 就算我無睇聖鬥士星矢, 依然覺得你介紹超級正!! 巨蟹座都唔係咁差吧~ xDD
    你提到好多套我都有睇啊~ ^-^ 不過男仔真係睇得多好多動漫呢!

    回覆刪除
  2. 而家個d兒歌同以前個d兒歌真係完全冇得比!!

    回覆刪除
  3. 我冇咁幸福lu!只懂幾句叮噹的歌。

    回覆刪除
  4. 乖乖去瞓覺...My l♥ve friend 鍚鍚...Good Night

    回覆刪除
  5. 我最鐘意《IQ博士》《叮噹》《俏皮扮嘢貓》《蠟筆小新》《花師奶》《小丸子》

    回覆刪除
  6. ice may may 雪美美、子格格2012年8月6日 下午8:37

    好多的回憶都回來了! 那些漫畫又重現了那些昔日的夢!

    回覆刪除
  7. ice may may 雪美美、子格格2012年8月6日 下午8:39

    生日快樂! 天天都吃大餐!

    回覆刪除
  8. 嘩,真係要用好多時間才可以睇晒你篇BLOG,
    聖斗士,叮噹,龍珠等等都是我當年至愛追看的劇集,
    反觀現在的卡通就好似無以前咁好劇情.
    [版主回覆08/15/2012 18:49:00]
    對!~

    回覆刪除
  9. 星矢,龍珠,入樽都係以前最喜歡既漫畫
    最近睇番龍珠完全版漫畫,再度喜歡番後期既龍珠
    另外原來BOY聖子到係日本好紅架?
    我以前睇EXAM都好喜歡睇,不過係睇日日野既新敵人,
    唔多喜歡班主角,點解香港唔紅架?
    [版主回覆08/15/2012 18:49:00]
    可能因為冇動畫版!~

    回覆刪除
  10. 晚安好謝謝你, 祝你健康快樂

    回覆刪除
  11. 咦!老友,原來你唔睇龍虎門、李小龍?!
    [版主回覆08/15/2012 18:48:00]
    我未出世!~XDXDXD~

    回覆刪除
  12. 一篇精彩又詳盡的漫畫風雲史啊!!
    補祝Tic兄生日快樂!! 身壯力健!!

    回覆刪除
  13. 日本卡通-----我看- - - - 享受無比
    臘筆小生,悟空。冇看。其他是卡通都買,
    看完/﹕給表弟妹看。三級就送給朋友。是冇回頭
    想看/要買dvd...冇得買很久。.....
    間中也買到舊作品- - 香港店買- - 怪醫,
    買回來再看。我看過的,不比別人少。....晚安

    回覆刪除
  14. 同好^0^你睇嘅動畫我自己都好LIKE~除個兩本鹹書XD~

    回覆刪除
  15. 謝謝你的到訪,有時間就再黎睇過啦!

    回覆刪除
  16. 這些都在電視看過 ^^ 漫畫我鐘意加菲 ^^

    回覆刪除
  17. 幽助:埋你單!!!
    [Molly 公路之星回覆08/06/2012 22:12:00]
    幽助:淨係我0既拳風已經可以打到你痴埋牆喇~~

    回覆刪除
  18. Molly 公路之星2012年8月6日 下午10:11

    寫得好豐富呀~~我都好鍾意龍球,
    感覺鳥山明就係漫畫界的史提芬史匹堡;
    幽遊同slam dunk我都極愛呀~紅極一時啊~~^__^~~
    特別係卡通d配音真係好正~~

    回覆刪除
  19. 1. 嘩!細個果陣大部份都看過我阿哥的錄影帶!(好睇!)
    睇完之後我阿哥仲會同我玩「聖鬥士星矢」玩具劇場版……
    2. 咦?好多都係「PG家長指引」
    3. 人造人19號同金正恩都似樣……
    4. 話說,為什麼沒有亂馬2分1?難道……你的童年沒有亂馬2分1??
    [版主回覆08/15/2012 18:46:00]
    我女友才愛《亂馬1/2》!~

    回覆刪除
  20. 咁啱呀,我都係鍾意冰河同藏馬喎。
    童夢我都有睇,會消失既麽魔球、七彩變幻球都好勁呀~~~

    回覆刪除
  21. 龍珠~我依架都睇緊~XDD

    回覆刪除
  22. 你講咁多...我淨係睇過[ I Q 博士]...同埋仲係叫[叮噹]時期的呢兩本...

    回覆刪除
  23. 以上ㄉ漫畫我大多都略知一二~'~ 但興趣ㄅ大就是ㄌ!
    可能是女生ㄉ關係吧?跟男生ㄅ一樣ㄉ地方就是女生較愛看浪漫ㄉ愛情漫畫^^
    還記得高中時最夯ㄉ就是[灌籃高手]啦~ ~

    回覆刪除
  24. 我係老餅,細個時睇嘅係超人吉田,鐵甲人同鐵甲萬能俠!

    回覆刪除
  25. 漫畫風雲大全, 詳盡 ! 後生番30年...
    Bo 仔, 人緣好呀 !! 生日快快樂樂.. !!

    回覆刪除
  26. 狂小子,post漫畫,點解唔見石黑龍同黃小虎.......
    哈哈!還有秦先生同大蕃薯.晚安

    回覆刪除
  27. blog主你好勁ar!真係大晒冷wor!

    回覆刪除
  28. 絕版珍藏龍珠......我都有噃!!!香港的第一版龍珠!!嗰時啲人名都唔同啲!
    其實我都係鍾意小悟飯多啲,係小悟飯,大咗真係弱咗好多.....
    幽遊都係經典,可惜爛尾,我都覺其實開頭好睇啲,我鍾意飛影 XDD
    哇童夢幻影球.....仲有彩虹閃耀魔球,仲有最尾最勁嘅黑洞魔球呀!!
    超級學校霸王,到今時今日再睇,我都係覺得好正囉!!!

    回覆刪除
  29. 證明你係80後, 哈!
    果位係唔係霍達華?
    [版主回覆08/15/2012 18:44:00]
    你指比達?佢叫駱達華!~

    回覆刪除
  30. 至愛都系龍珠~~

    回覆刪除
  31. 嘩..俾你寫哂啦..仲得了既....
    好多套都知, 但冇套係完全睇哂架囉....
    最熟既就係IQ博士,叮噹同小新啦....
    想當年仲買左好多小新既漫畫同手版公仔添呀...
    依家諗返,我都竟然做過咁痴痴地既野...
    [版主回覆08/15/2012 18:43:00]
    也是個回憶呢!~

    回覆刪除
  32. 《GTO》日劇個舊版都係比新版好睇同流暢好多!
    雖然以人物造型同情節嚟講,新版就比舊版更接近原著,
    尤其係D鹹濕部份,但係如果論演技新版嗰堆演員就比舊版嗰堆差得太遠喇!
    好似演鬼塚嘅AKIRA咁!雖然夠賤又夠放,但D戲就仲誇過三哥苖僑偉!
    相反舊版嘅鬼塚反町隆史雖然就唔係太跟原著去演,但係至少都叫做自成一格呀!
    [版主回覆08/15/2012 18:42:00]
    沒有看過新版呢!~也沒有興趣!~

    回覆刪除
  33. 生日快樂! 天天都快樂!
    最鐘意 《IQ博士》 《叮噹》 《小丸子》 重現了那些昔日的夢!

    回覆刪除
  34. Good morning, Time is Changing !
    ...旣然你喜歡日本動漫, 應該是動漫節的常客...
    ...http://www.youtube.com/watch?v=5BiEjksrkMs
    張慧雯 、 魏焌皓- J2動到爆(1)2012香港動漫電玩節...
    [版主回覆08/15/2012 18:39:00]
    我從未去過動漫節呢!~

    回覆刪除
  35. 嘩! 真係特級精彩呀!補祝賀你生日快樂,身體健康!

    回覆刪除
  36. 有幾套卡通,我都曾經陪我個仔一齊睇過!

    回覆刪除
  37. Belate Happy Birthday!
    記憶中只餘下《叮噹》《IQ博士》

    回覆刪除
  38. 剃刀・魯鐸克2012年8月7日 上午1:43

    我嘅動漫dreamlover TOP 3:
    1)不知火舞(餓狼傳說)2)火野麗(美少女戰士)3)牡丹(幽遊白書)

    回覆刪除
  39. 80年代日本漫畫巨作係大友克洋嘅AKIRA,可以話係佢將Manga帶去歐美市場。

    回覆刪除
  40. 勁呀...
    ...thank you for sharing, time is changing and good morning.

    回覆刪除
  41. Pandora 香傭講法文2012年8月7日 上午3:28

    Happy Birthday!!

    回覆刪除
  42. slam dunk!!!! i dropped my tears at the ending ~~~

    回覆刪除
  43. 呢篇離題WOR,話人人心中的一套.... 你好多套WOR...

    回覆刪除
  44. 真喺豐盛!
    恭喜你!

    回覆刪除
  45. 點可以冇新宿小男人、同級生同淚眼煞星架?

    回覆刪除
  46. J2台依家有重播"IQ博士"。生日快樂喇!

    回覆刪除
  47. 好精采的卡通.

    回覆刪除
  48. 哈哈, 正到~~ 心目中有以下:"淚眼剎星,北斗之拳,龍珠,足球小將,
    IQ博士,男兒當入樽", 足球小將只要高橋san繼續畫落去, 仍會繼續睇. =)
    HappY BirthdaY~~

    回覆刪除
  49. 早晨小子,好豐富既內容.我最鐘意既漫畫係龍虎門同足球風雲.

    回覆刪除
  50. 늘~방문하여 기쁨주셔서 감사하구요 무더운 오늘이지만 활력이
    넘치는 기분 좋은 날 되세요 건강하시구요.... -불변의흙-

    回覆刪除
  51. 卡通真是無得彈, 我很喜歡呢﹗足球小將是我首選啊﹗

    回覆刪除
  52. 我都無記起乜卡通人物, 可能我真係隔左一代

    回覆刪除
  53. Time is Changing, 早安. 你講的動漫, 我只睇過一部份.
    《幽遊白書》唔算離譜, 接著的《Hunter x Hunter》去到邊?
    與運動有關的動漫, 最喜歡的還是 Slam Dunk, 首OP 及 EP 勁正.
    叮噹, 細個常睇, 有一次睇到喊, 不過,唔記得乜事了.
    Death Note 最正的角色係L.
    近期無乜點睇動漫, 最喜歡係One Piece. 謝謝分享.
    祝你時刻開心健康幸福. 週二愉快.
    ☆▅▅▅▅☆
    ╭╯♥♥♥♥╰╮
    ║♥安康♥║
    ║♥開心♥║
    ╰═════╯

    回覆刪除
  54. 套套都係經典!多謝分享!

    回覆刪除
  55. 早晨~健康Happy¸.•*¨`*.•*¨`*.•*¨`*

    回覆刪除
  56. 蜓子...................2012年8月7日 上午11:20

    早晨..你細過好得意...............

    回覆刪除
  57. 你呢篇寫得好盞鬼~~

    回覆刪除
  58. 童夢我至愛呀,你有漫畫?我搵極都搵唔到
    [版主回覆08/15/2012 18:35:00]
    我都冇!~

    回覆刪除
  59. Time:您好!我祝您週二快樂!身體安康愉快!

    回覆刪除
  60. 你寫漫畫真係如數家珍,佩服!
    食足一個月生日餐,你都好幸福喎!大個仔喇!

    回覆刪除
  61. 我都記得我個陣好鍾意睇死亡筆記....

    回覆刪除
  62. 晚安!漫畫很少睇...圖片好得意..謝謝詳細介紹!...
    嘩...好多嘢食....好開心...祝生日快樂!身體健康!

    回覆刪除
  63. My l❤Ve Friend good night...ღღღ.(◕▽◕)ѼѼѼ

    回覆刪除
  64. TIC你好!謝謝分享!
    創意無邊卡通片!

    回覆刪除
  65. 我鐘意伊藤潤二嘅富江系列。嘩!你D生日大餐都好豐富喎!

    回覆刪除
  66. 午安~祝週二快樂!身體安康愉快!

    回覆刪除
  67. 厲害!!!! 又要慢慢睇完內文先同你傾 ~~

    回覆刪除
  68. 我嘅卡通片至愛:伙頭智多星

    回覆刪除
  69. 午安! 補祝你生日快樂!

    回覆刪除
  70. 開心星期二, time is changing, 大家快樂喔!

    回覆刪除
  71. 以上漫畫只有"男兒"聽過! 一來不是個那個年代!
    二來不熱衷!
    你還有一我新的網誌未看吖

    回覆刪除
  72. 午安﹗你好﹗多謝你的分享﹗

    回覆刪除
  73. i like "我係西瓜刨" 卡通片,
    它特別之處是每集卡通人物一樣, 但演出角色次次不同, 時好時壞!

    回覆刪除
  74. 卡通,童年的回憶!

    回覆刪除
  75. 當年我冇咁多錢買漫畫書...

    回覆刪除
  76. my love friend剛起身...早晨...
    開心又快樂...迎接美好的一天啦...

    回覆刪除
  77. 日本漫畫大師手塚治虫的「怪醫秦博士」是我永遠的最愛。

    回覆刪除
  78. 《蠟筆小新》剛出版時就被裡面內容吸引~~還有很喜歡的[悟空龍珠]手辦公仔.

    回覆刪除
  79. my love friend...早晨...

    回覆刪除
  80. Exam,好記得第一期龍珠好似已經係打緊斯路遊戲

    回覆刪除
  81. 唔知有冇睇過近年嘅冥王神話呢?巨蟹座變成非常有型既角色啦
    [版主回覆08/15/2012 18:33:00]
    冇睇過呢!~

    回覆刪除
  82. 睇到比迪麗 X Fiona個度笑死左~~
    長腿叔叔...最記得個女舍監成日都大聲嗌:茱蒂‧亞伯特~~~

    回覆刪除
  83. 域 流亦詩 Louis Rick2012年8月7日 下午6:19

    勾起點點回憶。謝謝分享。祝工作愉快!

    回覆刪除
  84. 俏皮扮嘢貓中的主角勁似我阿仔「咪芝」架呢!!!

    回覆刪除
  85. 食足一個月生日大餐真係唔係人人都可以, 你真係相當幸運+幸福!~
    你講嗰啲好多我都睇過, 不過我都係比較鍾意睇女仔啲嘅卡通片~

    回覆刪除
  86. 許景琛本第一代《街霸》D畫風完全係copy池上遼一的

    回覆刪除
  87. 我細個好鐘意睇叮噹~鐘意到癲....大個鐘意睇小新~
    IQ博士》同《龍珠》一次經典嘅Crossover....好kawaii呀~
    不過都唔夠你係電單車張相咁kawaii~

    回覆刪除
  88. 做咩post埋我煮碟野出黎ar?
    我鐘意亂馬½,足球小將少年篇,Keroro軍曹,伙頭智多星
    [版主回覆08/15/2012 18:32:00]
    同大家分享一吓你啲好廚藝嘛!~

    回覆刪除
  89. this is a cross generation cross culture presentation. very nice.
    My memory also cover some content. looking forward to the next post!

    回覆刪除
  90. 秋山女!:)2012年8月7日 下午7:02

    Death note, I know it !!

    回覆刪除
  91. Happy if Yahoo HK blog works2012年8月7日 下午7:09

    HAPPY B-DAY! 好豐富的生日餐.
    我比較喜歡龍珠與 DEATH NOTE.
    博洛尼 比較適合
    (日文是 ブロリー , BURORI, 是英文 BROLY 的日文讀法)
    GT 雖然不是鳥山明親筆, 但算不錯. 內裏歌曲比龍珠那些更好.
    唯一不好是其除六龍的設計, 力量和一星龍差好遠,
    如果設計成熟些和力量大些, 故事會更精彩.
    超級撒亞人4格古達只有 10 分戰鬥時間, 有些不夠喉.
    叮噹其實是大懶蟲, 只識吃豆沙餅和時常用工具來解决問題,
    不喜歡用腦, 不及妹妹 Doremi 聰明.
    日本還播緊, 永遠不完的卡通. Crayon chan 也是播緊.
    夜神月其實幾可憐, 其實被死神 RUUK 作玩物試驗品.
    [版主回覆08/15/2012 18:24:00]
    以前因為《叮噹》的關係,
    有段時間佷喜歡吃豆沙餅!~我也很愛Doremi!~

    回覆刪除
  92. 《龍珠》最好

    回覆刪除
  93. 死亡筆記幾年前套L Change The World拍得好廢!
    [版主回覆08/15/2012 18:20:00]
    Yes!~

    回覆刪除
  94. L之终章.最後的23天

    回覆刪除
  95. Time Is Changing晚安:天氣酷熱!請小心保護身體,健康第一。

    回覆刪除
  96. 我喜歡橙路和相聚一刻。

    回覆刪除
  97. 你的生日大餐...睇見都滿足^^

    回覆刪除
  98. 食生日大餐,食足一個月...你好有人緣喔!!
    我最喜歡看叮噹,我20多歲時,看叮噹是買一本圖書叫(兒童樂園)看的,
    後來電視有卡通片做,就有這歌曲...圓圈加一點,圓圈加一點,下面.....
    好開心你令我回到從前喔.....
    [版主回覆08/15/2012 18:04:00]
    朋友對我很好!~

    回覆刪除
  99. 貓貓漫畫我都有睇呢

    回覆刪除
  100. 卡通真係大人細路都岩睇

    回覆刪除
  101. I love Yu Yu Hakusho & DBZ..。

    回覆刪除
  102. 漫畫世界吸引好多年青人。

    回覆刪除
  103. 禾愛小忌廉同小雪兒呀!

    回覆刪除
  104. Time早晨呀!謝謝您來探望我,我祝您週三愉快!

    回覆刪除
  105. 仲有我個餐~~~你個死仔咪走數~~~

    回覆刪除
  106. 火鳳凰自言自語2012年8月8日 上午11:41

    漫畫是陪伴我們成長的蜜友

    回覆刪除
  107. 日本足球快要追上高橋陽一所畫的進度了……
    Time Time 你D畫功都唔錯啊!咪咁謙啦!

    回覆刪除
  108. 中學的時候,最愛看的漫畫就是料理漫畫了!
    《我要cake一cake》、《中華一番!》、《日式麵包王》、
    《偶像小廚師》、《伙頭爸B》、《將太的壽司》、《吉祥寺咖啡屋》、
    《華麗咖喱食桌》、《美食偵探王》、《料理仙姬》、《伙頭仔昆布》、
    《彩虹拉麵》、《美味關係》、《大食客》、《伙頭智多星》......
    嘩!想起又要流口水啦!好好味啊!

    回覆刪除
  109. 小時候也喜歡睇漫畫!補祝您生日快樂、身體健康!。

    回覆刪除
  110. 看完你這篇我用了兩天時間把《幽遊白書》從新看了一遍,
    感覺和以前不一樣,不過還是很喜歡。

    回覆刪除
  111. i LOVE DOrAeMoN。。♥♥。。 Its was dream of my childhood 。。^_^。。

    回覆刪除
  112. 我以前都鍾意睇卡通架!不過唔係你講嗰D……

    回覆刪除
  113. 真係大晒冷, 豐富到呢.

    回覆刪除
  114. 最愛龍珠、死亡筆記、男兒當入樽。
    我發現你所寫嘅我居然有90%都睇過!原來我都係一個動漫迷。

    回覆刪除
  115. 《俏皮扮嘢貓》,小時候很喜歡的卡通。Micheal好cute!還有加德里奥!

    回覆刪除
  116. 春日鳥yahoo blog2012年8月8日 下午6:56

    TIME兄真係好-好-好心機。

    回覆刪除
  117. good post~
    上面大部份我都有看過~
    許景琛套街霸真是經典,可惜之後他無以為繼
    [版主回覆08/15/2012 18:01:00]
    呢套之後我好少睇港漫了!~

    回覆刪除
  118. 我like IQ博士,我係小忌廉同小甜甜~

    回覆刪除
  119. 全部都係陪大家成長!

    回覆刪除
  120. 正!筋肉人

    回覆刪除
  121. 北斗之拳,老邦三世,金田一..賣飛佛!

    回覆刪除
  122. 回憶回來了Thanks

    回覆刪除
  123. 強帖流明#good##good#
    聖鬥士星矢我最like沙加:P :P :P最接近神的男人:P :P :P真係好型:P :P :P

    回覆刪除
  124. 好多人鍾意杜拉格斯,悟飯#good# tvb配音正過日文版#good#
    日文版悟空三父子搵女人配,唔matchxx(杜拉格斯同比達個種性格都配得好正#good#
    傻豬芝芝:-( :-(明明細個幾純架, 可能之後太掛住悟空諗到痴左線[sosad]
    龍珠入面最靚女o個個係蘭芝:-(當年索過莊子多多聲:-(
    佢鍾意天津飯 , 但天津飯一心只想超越悟空 ,
    跟住天津飯就同愛人餃子一起去修練 , 跟住蘭芝遲咗一步 ,
    只係講蘭芝就不停搵天津飯 ... 之後就不了了知事後我睇過鳥山明話蘭芝去向下落 ,
    鳥山明話事後唔記得咗有蘭芝呢個角色 [sosad] [sosad] [sosad]
    GT#bye#佢既設定真係痴撚線:o)悟飯嚴重弱化, 悟空只識9出波打:o)
    都唔知班友有冇睇過之前既龍珠:o)其實好多外國同日本FANS都認為 GT 係黑歷史[sosad]
    你睇龍珠MULTIVERSE 果套都不理GT就知道[sosad]
    [版主回覆08/15/2012 18:00:00]
    GT得個ending得!~成套嘢嚟計就真係好廢!~
    蘭芝我起初都想喺呢篇嘢度提吓佢!~不過後來唔記得咗!~XDXDXD~

    回覆刪除
  125. 幽游白書#yup# #yup# #yup#
    我覺得富奸D 漫畫好有藝術片FEEL,
    唔係單講求故事有幾刺激, 結局有幾正,
    而係講一種FEEL, 係感覺#yup# #yup# #yup#
    仙水忍永遠都唔係我最愛既角色,
    但就係我認為創造得最出色既角色,
    潔癖, 愛惡分明, 就係呢種性格,
    令佢由極度恨妖變成極度恨人,
    佢個種性格分裂真係好正 yup# #yup# #yup#
    細個睇漫畫唔知佢講乜,大個先知原來佢咁悲劇#good#
    仲有樹好向左走向右走gay[sosad]

    回覆刪除
  126. 我鍾意睇波都唔睇足球小將:o)我接受唔到一套漫畫D 人物身長有十五個頭:o)
    男兒當入樽 :~(漫畫版最後流川同櫻木果下GIVE ME FIVE真係感動到喊 :~(

    回覆刪除
  127. [GTO] 真係好熱血#yup# #yup# #yup#
    神崎麗美 [bomb]14歲[bomb] [bomb] [bomb]
    鬼塚都硬膠:o)有咁正既女係佢身邊,
    直程送到上門口,佢都唔食,仲係青頭仔 [369]
    [版主回覆08/15/2012 17:52:00]
    犯法㗎!~

    回覆刪除
  128. 超級學校霸王有呢個class難 [sosad],
    要佢地做埋d咁gag既角色更難 [sosad] [sosad] [sosad]

    回覆刪除
  129. 《聖鬥士星矢》我細個都有追架, 最鍾意都係冰河
    你上述所講既大部份都睇過喇, 諗番好多兒時回憶

    回覆刪除
  130. Slam dunk絕對經典,仲有浪客劍心..
    [版主回覆08/15/2012 17:51:00]
    我一集《浪客劍心》都沒有看過呢!~

    回覆刪除
  131. 上述漫畫我都有睇,勾起趣味回憶 !
    屋企還留着好多聖鬥士模型公仔添 !

    回覆刪除
  132. 午安!好開心的生日大餐!

    回覆刪除
  133. 看得出來龍珠一開始的設定是這樣的:
    悟空是悟空,烏龍是八戒,無閑是悟淨,牛魔王是牛魔王,芝芝是红孩兒。

    回覆刪除
  134. 估計車田先生很愛吃, 雙魚, 巨蟹, 金牛全部都廢得離奇, 死得肉酸.

    莊子不比芝芝好多少, 其夫不但陰森怪異, 有沒有愛過她也是問題.
    就性格而言, 比達似麻煩女人多過男人.

    幽遊白書是我最愛看的動畫, 原因只是為了配音員.
    我很不同意宅男們常先入為主, 本地配音員配得不像日本已是大錯.

    叮噹現在已不停炒冷飯, 沒有新意. 初初沒有人支持改新名,
    到現在年輕人反過來說現在的名字更正宗, 也是有趣的現象. 不過我始終愛用舊名.
    [版主回覆08/15/2012 17:42:00]
    《幽遊白書》的配音很精彩!~

    金牛應該是最廢的!~

    哈哈~我覺得比達是比較外冷內熱。

    回覆刪除
  135. 土耳其他他 - TATA2012年8月9日 下午8:14

    好多我都鍾意睇wor!

    回覆刪除
  136. 點少得城市獵人同娛樂金魚眼呀???

    [茶茶回覆08/10/2012 07:18:00]
    You are right!

    [版主回覆08/15/2012 17:33:00]
    《娛樂金魚眼》以前超任有隻GAME好好玩㗎!~

    回覆刪除
  137. 幽遊白書? My favorite,I still remember I will do my homework before the TVB show this cartoon before. Thanks to bring us our memory!

    回覆刪除
  138. 你介紹過的卡通,有很多我都未睇過........

    回覆刪除
  139. 第二張相好威風呀!
    [版主回覆08/15/2012 17:31:00]
    我覺得好娘啊!~XDXDXD~

    回覆刪除
  140. 以前好鍾意都睇龍珠!

    回覆刪除
  141. 超勁,
    帶隊回到那時候,
    當時,
    我們真是很「關心」裡面的人物呢。

    回覆刪除
  142. 先講星矢, 冥王篇最好睇~ 十二宮都唔差,
    不過電視版無啦啦加咗北歐神鬥篇, 唔知想點咁?!
    仲有黃金聖鬥士的參予太少了, 如果他們在冥界篇(不是冥王十二宮篇啊~)
    有多點與冥鬥士對揪的場面, 就更加好睇啦!
    至於足球小將, 戴志偉與小志強之間的戰鬥,
    及他們一起征戰世青盃的情節都好睇 ^^
    其他好睇的包括"伙頭智多星", "忍者亂太郎"等!
    [版主回覆08/15/2012 17:30:00]
    《星矢》我還是喜歡看漫畫多一點。

    回覆刪除
  143. 漫畫之神: 手冢治虫
    漫畫之父: 石森章太郎
    正正正!
    以我所知[叮噹]作者: 藤子不二雄·F是兩個人的名字結合,
    在[叮噹]未完之前,F君而離世,因此[叮噹]是沒有結局的。
    [版主回覆08/15/2012 17:28:00]
    沒有結局也比這些冒牌結局好!~

    回覆刪除
  144. ☆¸.•°*”˜˜”*°•.¸☆ ★ ☆¸.•°*”˜˜”*°•.¸☆
    ╔╗╔╦══╦═╦═╦╗╔╗ ★ ★ ★
    ║╚╝║══║═║═║╚╝║ ☆¸.•°*”˜˜”*°•.¸☆
    ║╔╗║╔╗║╔╣╔╩╗╔╝ ★ saturday ☆
    ╚╝╚╩╝╚╩╝╚╝═╚╝ ¥☆★☆★☆¥ ★☆週末愉快~!☆★✾◕‿◕✾
    老友記time is changing祝你有個愉快嘅週末 :)

    回覆刪除
  145. 龍珠我最鐘意笛子魔童,解釋唔到.哈

    [MAKARPURA STAR回覆08/11/2012 21:29:00]
    魔童最有性格, 比達亦好 man

    [版主回覆08/15/2012 17:27:00]
    鼻屎魔童去到後期變咗個搞笑角色!~

    回覆刪除
  146. 假日愉快!~~~~~~

    回覆刪除
  147. 基本上我同你睇嘅漫畫係一樣, 我估我大你少少啦
    [版主回覆08/15/2012 17:26:00]
    我快30了!~

    回覆刪除
  148. Time Is Changing 晚上好,
    祝週末及週日開心愉快。
    伴著你我成長的卡通漫畫!

    回覆刪除
  149. 龍珠果個我係叫 布洛尼
    另外你有冇睇 富奸 既 HUNTER X HUNTER??
    [版主回覆08/15/2012 17:25:00]
    沒有看過《HUNTER X HUNTER》呢!~

    回覆刪除
  150. 勾起了很多兒時回憶

    回覆刪除
  151. Time Is Changing週日快樂。

    回覆刪除
  152. 我套漫畫、、、
    係男兒當入樽
    唔知你岩唔岩呢
    [版主回覆08/15/2012 17:24:00]
    我也超愛的!

    回覆刪除
  153. The Soul Of Mangificence2012年8月13日 上午11:29

    applause!

    回覆刪除
  154. Time:午安呀!祝您事事吉祥!

    回覆刪除
  155. 好好的分享!晚安!

    回覆刪除
  156. 我都喜歡睇漫畫.

    [版主回覆08/15/2012 17:23:00]
    波波姐喜歡看什麼漫畫啊?

    [波波回覆08/15/2012 21:06:00]
    呵呵!我係婆婆呀!你叫我波波姐,我立即覺得後生咗喇^^
    我最愛睇叮噹呢,我20幾30歲時候就開始睇叮噹,到依家都喜歡叮噹呀!

    回覆刪除
  157. 哈哈......晚上...好...

    回覆刪除
  158. ┏┯┓┏┯┓┏┯┓┏┯┓┏┯┓┏┯┓
    ┠天┠┨天┠┨快┠┨樂┠┠幸┨┠福┨ღ( 安..安)ღ ♥
    ┗┷┛┗┷┛┗┷┛┗┷┛┗┷┛┗┷┛

    回覆刪除
  159. 晚安....有福自然來,明天更美好。

    回覆刪除
  160. Morning, time is changing^^
    hehe...I love 杜拉格斯..

    回覆刪除
  161. 電影死亡筆記

    回覆刪除
  162. Time Is Changing你好
    這次作「轆轤體」《稻花香裡說豐年》
    網友可按韻作也可以用
    一先的韻來作(先前煙蓮賢憐堅燕仙然錢...)
    但每首詩要有稻花香裡說豐年
    歡迎網友湧躍參興和
    請多多指教
    「轆轤體」《稻花香裡說豐年》
    一‧魚兒 七絕
    稻花香裡說豐年,一擔心機改瘦田。
    拔草施肥除百害,辛勤更要謝皇天。
    二‧魚兒 七絕
    淅瀝荷塘落雨天,稻花香裡說豐年。
    魚蝦倚底悠游樂,碧葉撐珠映水田。
    三‧魚兒 七絕
    歡欣喜事在肥田,串寸金光耀眼天。
    笑口農家倉寶滿,稻花香裡說豐年。

    回覆刪除
  163. 香港有100個叮噹出現喇!!

    回覆刪除
  164. 晚安安, 八號風球, 小心門戶啦

    回覆刪除
  165. ("\ /")..∩~∩
    ( ' . ' )(~'.'~ )
    (__)_)(_(__)
    祝好友有個愉快的週日♬(^0^)~♪

    回覆刪除
  166. 唉~開季就大敗!仲打到成pat屎咁!係咪想降班呀真係?

    回覆刪除
  167. 你這篇我肯定會看了又看! 正到無朋友!

    回覆刪除
  168. ‎ (¯`♥´¯)
    .*•.¸.•*(¯`♥´¯)♥
    ...✰...'*•.¸.•*
    ☻/
    /▌
    / \..........*•☆•*░ Happy Every Days !░*•☆•* ¸¸¸

    回覆刪除
  169. 近來好嗎?
    [版主回覆09/16/2012 21:53:00]
    I am ok!~

    回覆刪除
  170. Hihi...belated happy birthday!! 你真係幸福呢咁多朋友同你慶祝生日!
    [版主回覆09/16/2012 21:54:00]
    Long time no see靚媽咪!~thx ar!~

    回覆刪除
  171. 解決問題...又可用神婆笫二BLOG...回番E-Mail...

    回覆刪除
  172. When you update blog?
    [版主回覆09/16/2012 21:54:00]
    update了!~

    回覆刪除
  173. 我主要是看動畫。《Death Note》電影真的比漫畫好。
    《男兒當入樽》可以話係我睇過最喜歡、最好嘅一套卡通影片!~
    《幽遊白書》也非常好看。

    回覆刪除
  174. 有時間去睇吓叮噹啦!

    回覆刪除
  175. 祝狂小子生日快樂!

    回覆刪除
  176. Time Time幾時先肯update呀?
    [版主回覆09/16/2012 21:55:00]
    update了!~

    回覆刪除
  177. Morning, time-is-changing^^
    Wish you a Beautiful Sunday ah^^

    回覆刪除
  178. 蜓子...................2012年8月26日 上午10:04

    週末愉快,,,,,,,,,,,,,,,,,,,,,,,,,,,,,,,

    回覆刪除
  179. 嘩~~~ 食足一個月既生日飯....
    有冇變左 ( 肥肥狂小子) 呢???
    hahahha~~~
    [版主回覆09/16/2012 21:55:00]
    中年發福了!~

    回覆刪除
  180. 白月兔子_冰糖2012年8月26日 下午2:55

    美少女戰士先係我杯茶ar~~!!!>w<

    回覆刪除
  181. 近期看到這句文字, 很有鼓勵性, 想和大家分享.
    人生總有起落時, 起落時不忘想喜樂事.
    [版主回覆09/16/2012 21:56:00]
    共勉之!~

    回覆刪除
  182. ice may may 雪美美、子格格2012年8月29日 上午11:31

    好利害喎! 動漫世家!

    回覆刪除
  183. 小雲小吉同叮噹 ! i like

    回覆刪除
  184. 《幽遊白書》,實在正正正正正正正讚好 ~~~~~~~~~~~~~

    回覆刪除
  185. 有共鳴!
    我中意一輝和魔童, 亦正亦邪
    [版主回覆09/16/2012 21:57:00]
    魔童後期變了搞笑角色!~

    回覆刪除
  186. 竟然大部份都有睇喎

    回覆刪除
  187. 好珍貴又值得既回憶..!
    說得對..! 好多謝小新爸爸帶了小新來這個世界讓大家分享到佢既幽默同溫馨!

    回覆刪除
  188. 我只是看碟,不看漫畫書。人與圖比例=相差過大。
    內容全=多唔看。除左魁男。黃金/十二宮一/二。有看。
    ....第三- - 少看。.....我想下載看。識不到這些人。
    "一定- -識日文才做得到。日本人對外很獨財- - -
    "應該不是。四仔有網址/應全都有。- - -謝分享.....祝愉快

    回覆刪除
  189. 長隆係好玩平靚正...影左小小相番黎... 啦...去神婆笫一BLOG有相看..

    回覆刪除