2012年6月30日星期六

狂熱過後的寂寥


四年一度的歐洲國家盃轉眼就要進入總決賽的階段,到底哪一支隊伍會登上2012歐洲一哥寶座?答案於後天就自有分曉。

決賽的戲碼將會是神奇球隊意大利迎戰衛冕冠軍西班牙,四年前意大利於十二碼大戰敗給對手,這一次能否復仇成功?而西班牙早前於分組賽放虎歸山,又會否因此而付上沉重代價?這一場藍色與紅色之間的較量,著實叫人非常期待。
Buffon Vs Casillas,兩大當今世界最強門神の對決,也是決賽中的另一個亮點。
論整體質素,西班牙的實力無疑是被看高一線,惟陣中有多名主力都先後拿過上屆的歐國盃及世界盃,在這種狀況下,恐怕在戰意方面會及不上對手意大利。此外主教練Del Bosque飄忽不定的戰術安排亦是球隊衛冕的一個重大隱憂。
試猜猜誰人會在決賽中擔起西班牙的進攻大旗?是Negredo?是Torres?是Pedro?又或是再採用460無鋒戰術?又抑或來一個反高潮……讓從未在今屆賽事上陣過的Llorente作先發?而Del Bosque最終的決定,又將會是玩死對手,還是玩殘自己呢?
在歐國盃開賽前,相信都沒有人會將意大利定為爭標熱門吧?可是,他們穩步上揚的表現,就讓不少球迷甚至是球評家都跌破眼鏡。我想,可能大家都忘記了!意大利這支球隊,向來都是醜聞越多就越強大的!1980年,金童Paolo Rossi涉入賭博和假波案而被足協處以禁賽三年,在提前解禁後,他卻帶領意大利拿下82年世界盃冠軍並獲得當屆金靴獎;2005年,意大利球壇再爆出假波醜聞,意甲勁旅Juventus更直接被降至意乙聯賽,殊不知在翌年的世界盃,意粉兵團卻在銀狐Lippi帶領下神奇奪冠。今年,在歐國盃舉行前夕,意國球壇剛好又再爆出一連串醜聞,其中涉及的球會更達至21間,還有52位職業球員受到處罰,當中涉案最重的四名球員更被罰禁賽五年,這一切,確實是巧合得讓人有點吃驚!難道此安排都是正在意味著歷史又要再一次重演?嘿嘿~真是天曉得……
意大利在今屆歐國盃之所以能夠打出攻守兼備的漂亮足球,陣中有三名老將的出色表現絕對是功不可沒!首先是球隊的中場大腦Pirlo,妙到毫巔的精準長傳、一腳藝高人膽大的吊射十二碼,足以讓球迷們見識到什麼叫做「The ginger old is spicy」!~
保方保方,保住後方!多次如有神助的精彩撲救,加上持續穩定的表現,在小弟眼中,你依然是當今世界球壇的第一門神。
事隔六年,意大利又再次出現一名偉大的左後衛,他……就是Federico Balzaretti。
老將固然出色,但眾多位意軍新世代,同樣都是不容小覷。
防守大將Chiellini在對愛爾蘭時因為左腳肌肉拉傷而被迫退場,在防守力嚴重受損底下,作為替補的Bonucci表現可謂相當稱職,那種一夫當關,萬夫莫敵的氣勢,真不禁令我想起全盛時期的Fabio Cannavaro。
「入完波點解要慶祝?呢個係我嘅工作,你有見過郵差送完信之後會好興奮咁慶祝咩?」
喂~西班牙~聽見了沒有?蓄勢待發的巴神,正準備好好教訓你們!~
實不相瞞,本人一向都很欣賞現任意大利的主教練Prandelli,這絕對不是馬後炮!除了Liverpool之外,我最喜歡的球會就是A.S. Roma,猶記得在2004年,當Prandelli剛接任執教Roma時就傳出其妻子患病的消息,於是他在上任不久後便馬上辭去主教練一職,希望能全心全意照顧當時病危的妻子,這個充滿溫情的舉動深深觸動世人,也讓我對這位絕世好男人留下一個深刻的好印象。縱然沒有一張光鮮亮麗的履歷表,在執教期間也未曾得過任何大型錦標,但其低調、務實又懂得善用人才的行事作風,就成為了意大利邁步向前的主要關鍵。
在今屆歐國盃的經典場面有很多,每支球隊都各有不同的經歷和際遇,有喜亦有悲……
曾被視為最大黑馬的俄羅斯在首場比賽中大勝捷克,氣勢如虹,在出線形勢一片大好的情況下,卻奇跡地以0比1不敵悶蛋足球王國希臘而黯然出局。
相反,在首場比賽中大敗而回的捷克,最後卻成功晉身八強,也創紀錄成為歐國盃史上首支擁有得失球數目都仍能以首名出線的國家隊伍。
其後捷克於八強止步,04年歐國盃神射手Baros亦決定從此退出國家隊。
怎樣才稱得上是真正的死亡之組?請睜開雙眼看清楚吧!~
在死亡B組率先執包袱的,是坐擁一班優秀球員的無冕之王荷蘭。話說回來,我認為荷蘭今次在分組賽以零分出局根本是咎由自取!隊中有一個英超神射手(Van Persie)、一個德甲神射手(Huntelaar),再加上Sneijder、Robben和Van Der Vaart等頂級進攻好手,但踢出來的效果竟然是如此的拖泥帶水,還毫無team work!唉~真想不到,當年完美呈現出十上十落的全能足球,到今天為求取勝居然會自毀其華麗風格,更漸漸變成了一支極其醜陋的功夫足球隊,而踢出荷蘭足球最性感一面的,卻是幾名荒失失的後防守衛,作為一個十八年的荷蘭死忠,看著這箱不堪入目的爛橙,實在是心傷之極。
回家吧~你們這班少爺兵!好好反省一下,然後在兩年後就約定在巴西再創輝煌。
Hey~叻哥~不要再哭了!我們荷蘭球迷……就註定是命苦的啦!~
丹麥在死亡B組奮戰到最後一刻都還是要無奈出局,但他們那份頑強的鬥志和堅毅不屈的精神,就足以贏得一眾球迷的支持。
Kuyt、Agger,加油!You'll Never Walk Alone!~
與西班牙一同被視為最大熱門的德國,本來每一步都行得順風順水,遺憾的是……
比利:「德國會拿冠軍!~」
烏鴉咀一出,誰能匹敵?可憐的日耳曼民族,你們就只好認命了吧!~
Angelalady~球隊已出局,妳終於都可以安心回國去處理國家事務了!~
在此,我仍想讚揚一下德國隊中幾位表現出色的球員,像是Lahm、Khedira、Ozil、Neuer、Reus和Klose等人……
望著Neuer在比賽尾段時的那一團火,我真的很想大聲地說一句:「掌聲唔該!~」
至於在死亡B組中以次名資格出線的葡萄牙,他們隊中的王牌C.Ronaldo,就總算在國際大賽中証明其實力所在。以往逢遇上大型賽事常常會頓成一隻軟腳蟹的C朗,在今屆歐國盃的表現,就比先前代表國家隊上陣時進步了不少,而他在分組賽對荷蘭半場休息時的變髮事件,也成為了一個潮爆周邊話題。
如果你問我,直至現時為止……今屆歐國盃踢得最精彩、最好看的比賽是哪一場?那麼我肯定會首推西班牙和意大利在分組賽的首輪對決!~
這一場讓人目不暇給的攻防戰,希望他們在決賽中能再上演一次!~XDXDXD~
「別煩我!我正在思考我的人生方向!~」
讓我來介紹……他是我的球壇新偶像 - Balotelli。

咳咳~凡人們請別再研究巴神的走向及邏輯!要知道,天才的世界,你永遠不會懂!~
「I know your feel!dude!~」
「I know your feel too!baby!~」
「我和你吻別~在出局之夜~我的心~等著迎接傷悲~」
其實你們的表現已經算是很不錯了!四年後再度捲土重來吧!加油~克羅地亞!~

被視為十六強中最弱小的魚腩部隊愛爾蘭一如所料三戰全敗,零分出局,但這群拼盡全力的鬥士,仍是得到外界一致尊重。
若不把對意大利的那場分組世紀對決作計算的話,被視為最大熱門的西班牙,在其餘賽事的大部分時間基本上都是從頭悶到尾,尤其在四強對葡萄牙時,更是一度令我誤以為這是一場沒有輸贏的友誼賽。老實說,我並不討厭西班牙,也很喜歡Xabi、Reina及Casillas等球員,但正所謂驕兵必敗,來到決賽階段,西班牙都應該是時候要受一點教訓!~
早就由一支三獅軍團演變成一隻無牙老虎的英格蘭,在今屆賽事就充分演繹出何謂好波不如好運的符碌本色。先有Welbeck在對瑞典時的那球怪腳入球,再來就是對烏克蘭時球証償還給他們在兩年前南非世界盃的那球冤枉問題球。
然而,運氣就總有用盡的時候,無論怎樣努力,他們仍是逃不出十二碼魔咒,就這樣敗給了豪言看AV都不看英軍十二碼錄影的意大利門神Buffon。
隊長,別氣餒!下季你還要協助利記重回Big Four位置的!~
本以為法國隊是故意保留實力,怎想到你們原來並不是裝出來的。
Ribery孤掌難鳴,可說是全無用武之地,真是可惜~可惜!~
縱使未能更進一步,但身為烏克蘭一代傳奇,Shevchenko就重現其核彈頭本色,他在分組賽首仗對瑞典時以兩記頭槌協助球隊反勝2比1,當他在比賽尾段被換出時,全場7萬名球迷都在齊聲高呼其名字,感人指數直達滿分。
一直都覺得……若Ibrahimovic不是生於瑞典,他的成必定會比現時更高!雖然他每次上場都會給人有一種「hea吓hea吓」的感覺,但打從心裡,你就總是會徹底拜服於他的秀麗腳法之下,在比賽中只要他一拿球,所有守衛都會對他忌諱三分。
不過話雖如此,像意大利、西班牙,甚至是經已出局的德國,都再三用行動來提醒Robben、C.Ronaldo和Ibrahimovic等人,足球是需要十一個人去踢的!並不是只靠你一個人的球技就能稱霸世界。
儘管比賽還未結束,但不知道各位有在收看Euro 2012的blog友們,在迄今為止,大家心目中的最佳陣容及最差陣容又會包括有哪些球員呢?
     我心目中的Euro 2012最佳陣容

正選十一人:

FW:Cristiano Ronaldo、Mario Balotelli
MF:Mesut Ozil、Xabi Alonso、Andrea Pirlo、Andres Iniesta
DF:Jordi Alba、Pepe、Leonardo Bonucci、Glen Johnson
GK:Gianluigi Buffon

後備十二人:

FW:Mario Mandzukic、Zlatan Ibrahimovic
MF:David Silva、Sami Khedira、Steven Gerrard、Yohan Cabaye
DF:Federico Balzaretti、John Terry、Sergio Ramos、Gebre Selassie
GK:Iker Casillas、Manuel Neuer

Coach:Cesare Prandelli
     我心目中的Euro 2012最差陣容

正選十一人:

FW:Aleksandr Kerzhakov、Helder Postiga
MF:Florent Malouda、Van Bommel、Christian Eriksen、Arjen Robben
DF:Stephen Ward、Sergey Ignashevich、Richard Dunne、Van Der Wiel
GK:Michalis Sifakis

後備十二人:

FW:Milan Baros、Jan Huntelaar
MF:Ashley Young、Eugen Polanski、Keith Andrews、James Milner
DF:Jetro Willems、John Heitinga、Roman Hubnik、Andreas Granqvist
GK:Wojciech Szczesny、Andriy Pyatov

Coach:Bert van Marwijk

往時每逢有一些大型的足球賽事舉行,球迷都一定會廢寢忘餐去觀看連場大戰,後來隨著世界、歐國和四大聯賽的版權全都被多間收費電視台恐慌式收購,今時今日香港人要收看一場球賽,亦早已不會像以前那般容易。想一個人在家中免費上網欣賞?或者你就要四處去跟人家乞link了!你試想想,連當初高叫「波係唔駛俾錢睇」的TVB契仔李克勤……事到如今也要倒戈去幫Now宣傳歐國盃,你說到了這種地步,我還能不唏噓嘆息嗎?
歐國盃過後,我就不用再晚晚捱夜看球,也不需要再和女友、朋友隔離,喂喂~各老友們,請大家就不要再罵我有波睇就冇人性啦!知道嗎?XDXDXD~

130 則留言:

  1. 過兩日就一切回復正常喇!!戥你女友和朋友開心呀!!
    [版主回覆07/08/2012 16:11:00]
    現在的booking已full!

    回覆刪除
  2. Stand up! stand up!! stand up!!! for Balotelli.

    回覆刪除
  3. TimeIsChaning, good afternoon.
    Have a nice weekend.

    回覆刪除
  4. Pandora 香傭講法文2012年6月30日 下午5:29

    好多靚仔
    [版主回覆07/08/2012 16:10:00]
    巴神!

    回覆刪除
  5. 近乎完美描述 歐國盃 決賽前嘅歷程, 服!!! 勁啊!!
    巴神 !!! 我由跟從大伙兒嘲笑 (低智, 臭格, 連基本照顧自己嘅行為都有難度...)
    到現在超級喜歡佢 ;(天生前鋒嘅本能, 寸爆 廢的男 及 曼狗, 仍有童心) !!
    所以決賽我估 3:1, 意大利 贏!!!
    [版主回覆07/08/2012 16:09:00]
    佢串死獌狗嗰下我真係愛死佢!

    回覆刪除
  6. 期待!
    [版主回覆07/08/2012 16:08:00]
    一切都完了!

    回覆刪除
  7. ♥好朋友♥ 窩心錫錫♥ 溫馨抱抱♥

    回覆刪除
  8. 如果最後真係義大利贏咗..咁就真係夠哂邪門啦!
    不過今屆佢哋又真係前中後都有人,前有巴神,中有派路,後又有保方!!

    回覆刪除
  9. 我覺得西班牙最後都係會打460,因為迪保斯基呢條友都係出哂名固執到死!
    [版主回覆07/08/2012 16:07:00]
    估中哂!勁呀牛牛!

    回覆刪除
  10. 好詳盡既描述
    我覺得Del Bosque決賽會出Torres,
    佢之前收起Torres 只係想激下佢D鬥志。
    打決賽點都要有個正牌前鋒掛 ?
    至於荷蘭,的確要好好思考一下人生方向。
    我唔係荷蘭球迷,但見到佢地今次踢成咁都好感慨。
    [版主回覆07/08/2012 16:06:00]
    唉!希望轉了新教頭之後他們可以早日重拾信心啦!

    回覆刪除
  11. 剃刀・魯鐸克2012年6月30日 下午8:07

    大哥,呢篇真係服咗你,直頭係可以放入足球雜誌入面做專欄!
    我覺得英格蘭可以行到八強其實都已經算係好叻㗎啦!
    你諗下喎!佢哋個教頭係死老嘢鶴臣喎!
    不過每次見到楊格同占屎米拿呢兩條超級大廢柴我真係好很想爆粗!@$€#@¥€%#
    [版主回覆07/08/2012 16:06:00]
    於我而言,我都認為英格蘭能夠殺入八強,經已是超額。

    回覆刪除
  12. 唓!轉個頭你咪又係會睇埋其他個D波

    回覆刪除
  13. C喇.. 冇鯇魚尾答添..

    回覆刪除
  14. 非常精彩的解說!!!

    回覆刪除
  15. 春日鳥yahoo blog2012年6月30日 下午10:15

    超專業的足球專欄,足球(專欄)係唔駛俾錢睇既!
    我估決賽意大利贏2比1奪冠(30/6)。
    西班牙前鋒不靈,意大利後防穩固。
    西班牙後防欠穩,意大利輸中場,前鋒機會不多,勝在效率高。
    [版主回覆07/08/2012 16:02:00]
    西班牙大勝,真是一個令人始料不及的結局。

    回覆刪除
  16. 我愛三個巴!!巴士Baros,巴神Balotelli,伊巴Ibrahimovic!!
    謝仔You'll Never Walk Alone!!
    [版主回覆07/08/2012 16:01:00]
    Me too!

    回覆刪除
  17. 兩隊都唔鍾意,意大利泳沒有球星,點睇都唔似冠軍,不過最唔睇佢,次次都掂。
    唔鍾意西班牙因為唔鍾意巴塞和皇馬。
    [版主回覆07/08/2012 16:00:00]
    我以前就鐘意巴塞,現在不太喜歡了!!

    回覆刪除
  18. 快D踢完,快D!快D!yeah!!!

    回覆刪除
  19. 意大利同西班牙晉級過程都表演對辦, 呢兩隊入決賽好合理.
    德國近年來總欠點什麼, 真的說不出, 但成績都十分穩定.
    反觀荷蘭, 真的走晒樣
    英國今年都算不錯, 只是一向被人高估, 論防守差意大利兩班,
    講效率同心理永遠都不及德國, 想贏大賽, 必須返主場再加運氣了!
    [版主回覆07/08/2012 15:56:00]
    英格蘭屆屆都是給人高估的!

    回覆刪除
  20. 比利預言西班牙兩球擊敗意大利
    西班牙/hi/hi了[sosad][sosad][sosad]
    [版主回覆07/08/2012 15:54:00]
    比利輸給叻哥了!

    回覆刪除
  21. 好感動~之前諗住意粉連8強都入唔到~但宜家竟然入到final[sosad][sosad]
    幫老師&巴沙利真係暫時非常屈機#hoho##hoho#
    巴沙列堤真係J死人#love##love#偉大既左後衛今次係防守#adore##adore#
    派路保方勁到唔使講野#hoho##hoho#巴神真係好似櫻木花道[sosad][sosad]
    [版主回覆07/08/2012 15:53:00]
    tommy乜你唔係北韓嘅死忠球迷咩?

    回覆刪除
  22. 呢隊英格蘭真係同車仔一樣,好向左走向右走有運[sosad][sosad]
    英奴真係-6足球無極限[sosad][sosad][sosad][sosad]
    [版主回覆07/08/2012 15:52:00]
    真係god save the queen!

    回覆刪除
  23. 法國隊真係鳩撚到仆街,成班除左內訌,叫雞,
    屌未成年少女,自大,不和,獨食,狗,無料扮4條外,真係唔知做得出D咩
    馬雲馬田仲要射鳩卡斯拿斯個體記女友莎拉fuckfuckfuck
    [版主回覆07/08/2012 15:52:00]
    真係好無品!祝佢地一世都在球壇永不翻身!

    回覆刪除
  24. 送禮勤條仆街仔唔系話波唔駛俾錢睇既咩?
    點解而家佢幫now宣傳歐洲國家杯?
    bewteen,你隻貓型到[slick][slick][slick][slick]

    回覆刪除
  25. 我雖然唔係球迷,但知你好用心咁寫^^
    [版主回覆07/08/2012 15:50:00]
    我是分開數天寫的。

    回覆刪除
  26. 晚安, 假期愉快~~~Happy Day! /人◕ ‿‿ ◕人\Happy Always

    回覆刪除
  27. 土耳其他他 - TATA2012年7月1日 上午1:16

    好快可以去搵朋友 + 女友喇。。

    回覆刪除
  28. 嘩果然是超級波迷,寫得好詳盡。
    我唔識睇足球,不過我幾鐘意荷蘭件波衫,貪佢夠橙。

    回覆刪除
  29. TIC你好!謝謝分享!
    希望是一場精采的決賽呀!

    回覆刪除
  30. 支持西班牙!
    最緊要係有校長陪我地睇呢場冠軍戰呀!

    [版主回覆07/08/2012 15:48:00]
    哈哈!叻哥正一馬後炮!

    [小黃部屋回覆07/26/2012 00:23:00]
    校長講4:1先, 阿叻執佢口水尾咋! 一向唔多like佢,
    成人窒阿倫, 嗰日仲要搞到佢喺鏡頭前黑面, 我都嚇左一跳!
    小黃家族一向捧西班牙, 花師奶見到1:0, 就話: 一於4:0啦! 果然開口中!
    不過意大利一粒都無係慘D既! 西班牙一換人就入波, 意大利就受傷離場!

    回覆刪除
  31. 再世林尚義X伍晃榮化身

    回覆刪除
  32. 我唔睇波, 只知老闆買德國贏,結果輸咗! 他一定會再買意大利或西班牙win囉!

    回覆刪除
  33. final on tmr's night!!! it's time to buy more snacks and beers!!! ^^

    回覆刪除
  34. 你隻猫都好似喜歡足球喎
    [版主回覆07/08/2012 15:46:00]
    佢好鐘意咬波波!

    回覆刪除
  35. 等看誰領風騷

    回覆刪除
  36. 火鳳凰自言自語2012年7月1日 上午6:44

    狂熱過後的寂寥!
    現在我凖備回香港了,也是狂熱過後的寂寥罷

    回覆刪除
  37. Time:早晨呀!狂熱過後的寂寥!謝謝您的分享!我祝您週日快樂!

    回覆刪除
  38. 7월을 첫주일로 열어가는 날입니다. 비가내린 후라 산천초목들은 푸루룸울
    과시하는 듯 활작 웃고있는듯 합니다. 하루를 시작하는 오늘도 더 큰 행복을
    만드는 일 함께하시길... -불변의흙-

    回覆刪除
  39. 多少男人為這球賽顛狂。。。當然不能顛落去囉。。。女人不愛。。。哈哈!

    回覆刪除
  40. 我唔睇架...最為你女友開心, 唔使再做"球寡"啦 ! 拍掌,拍掌

    回覆刪除
  41. 蜓子...................2012年7月1日 上午10:15

    完全唔識,,,,,,,,,,所以答唔到咀tim.......

    回覆刪除
  42. 晚晚捱夜很傷肝的,保重身子。
    [版主回覆07/08/2012 15:40:00]
    現在終於可以回復正常了!

    回覆刪除
  43. 謝謝到訪! Happy Sunday !

    回覆刪除
  44. (*
    ♥ )....Good Morning
    ██Ɔ
    早晨喇time is changing,祝你假日愉快...'*♥‿♥*

    回覆刪除
  45. 狂熱與寂寥,兩個極端,真的要調解好,心情才能正常運作呢。
    [版主回覆07/08/2012 15:39:00]
    對啊!

    回覆刪除
  46. 時代唔同晒啦!.... 乜嘢都係錢作怪.

    回覆刪除
  47. Time is Changing, 午安.
    食住Pizza, 飲住Red Bull, 睇大戰囉. Enjoy. 假期愉快.
    ☀┏━━┓~ƸӜƷ
    ┏┛ ღ ღ ┗┓Happy Day.
    ┗◎━━◎┛~。o0○
    [版主回覆07/08/2012 15:39:00]
    當日牙痛,只有吃雪糕看球!

    回覆刪除
  48. 迪哥,今屆我一場都冇睇過!今晚要睇啦!今次我捧意大利粉!
    保方VS Casillas?梗係保方勁D啦!Casillas係健威咋!一味反應快...
    邊樹夠意大利林源三打呀?
    [版主回覆07/08/2012 15:37:00]
    乜意大利個龍唔係叫做希林狄咩?
    意大利林源三、西班牙健威.....咁.....邊個係森崎?

    回覆刪除
  49. 午安你好謝謝你, 祝福你七一快樂

    回覆刪除
  50. 最尾張相影得喵喵好型ar~

    回覆刪除
  51. Time Is Changing午安:分享香港回歸祖國十五周年,心情愉快。
    [版主回覆07/08/2012 15:36:00]
    謝謝福婆婆。

    回覆刪除
  52. 看來整個形勢都是傾向意軍。因為一來如你所說:他們越墮落就越強大。
    二來就是歐國盃好像是從未試過有一支球隊是可以冧莊的。
    [版主回覆07/08/2012 15:35:00]
    西班牙創造歷史了!

    回覆刪除
  53. 週日快樂, time is changing 你好, !

    回覆刪除
  54. very professional explanation! which team will win?
    have a good day and a good game!
    [版主回覆07/08/2012 15:30:00]
    西班牙大勝了!

    回覆刪除
  55. 作為德迷既我真係好矛盾,一心諗住入梗決賽復仇剝牙!
    但又俾班意大利佬一腳踢左出局.搞到我而家唔上唔落,
    又想西班牙輸,但又唔想意大利贏!問你死未?
    計我話,最衰都係比利呢條死人烏鴉嘴!正一仆街佬黎!
    [版主回覆07/08/2012 15:30:00]
    比利在決賽成為了一隻失靈鳥!

    回覆刪除
  56. 我今晩決定瞓身意大利!個賠率咁鬼好分,真係唔買就笨!狂小子,你呢?今晚落咗乜?。
    [版主回覆07/08/2012 15:28:00]
    我唔賭波的。

    回覆刪除
  57. 做球迷常常要夜夜不眠,真是開心又痛苦。
    [版主回覆07/08/2012 15:28:00]
    對啊!

    回覆刪除
  58. time is changing 晚上好,
    祝七一假期愉快。

    回覆刪除
  59. 做球迷常常要夜夜不眠,真是開心又痛苦。
    [版主回覆07/08/2012 15:27:00]
    對啊!

    回覆刪除
  60. 女友沒怨言嗎?
    [版主回覆07/08/2012 15:27:00]
    沒有。

    回覆刪除
  61. DiDi~~我俾你叻哥張相笑到傻左~~

    回覆刪除
  62. 等咗4年就係等今日咋!你班友仔唔好衰俾我睇呀!
    [版主回覆07/08/2012 15:26:00]
    兩年後再來吧!

    回覆刪除
  63. 如果最後巴神做埋神射就perfect!Time Is Changing,你嗰兩個陣容真係好正,
    我相信最佳陣容嗰度應該人人都會放派路入去,因為佢今屆嘅演出真係光芒四射!
    但最差陣容嗰度我就會拎走保斯迪加同巴路士,然後放雲佩斯同賓斯馬落去,
    因為呢兩條友真係正宗水貨!至於其餘嘅我就大部分都同你諗法相同。
    [版主回覆07/08/2012 15:25:00]
    派路今屆嘅演出真係超水準。

    回覆刪除
  64. 有波睇就無人性,haha

    回覆刪除
  65. 李克勤:「搵食啫!」
    [版主回覆07/08/2012 15:22:00]
    犯法呀?

    回覆刪除
  66. 狂小子,歐杯~逢意德敗!有波在,冇人在

    回覆刪除
  67. 到時就有時間同貓咪玩啦!!

    回覆刪除
  68. 喂喂狂小子!迪帥話今晚會大打三箭頭陣式喎!
    [版主回覆07/08/2012 15:22:00]
    原來又是胡弄玄虛。

    回覆刪除
  69. 雖然一般來說,決賽未必精彩,不過今晚會是個無眠夜,通霄睇波!

    回覆刪除
  70. 這次英格蘭隊唯一的優點就是在於團結了!
    但是也不能掩蓋所有問題。好好練練吧!
    希望2014年再見的時候真能看到一支讓人滿意的英格蘭隊。
    anyway,碧咸落選英國大軍,無緣奧運。
    [版主回覆07/08/2012 15:20:00]
    其實我覺得而家碧咸就算係打EURO同下屆世盃都OK!用佢都好過用占士米拿啦!

    回覆刪除
  71. Time Time今晚睇Now定TVB?
    [版主回覆07/08/2012 15:19:00]
    TBB

    回覆刪除
  72. 今次歐洲足球賽, 我, 一場也沒有看, 雖然我一向喜歡看足球比賽 ...
    不過, 今晚我會看西班牙對意大利 呵~

    回覆刪除
  73. 我覺得西班牙上場打到尾個狀態真係好瘋狂,佢地會唔會一直都係留緊力
    [版主回覆07/08/2012 15:17:00]
    Woo~你猜中了!

    回覆刪除
  74. 身為一個丹麥球迷,每屆的足球大賽都只能以一個中立球迷的身份去觀看,
    没有什麼比這更悲哀的了。此外你說到收費電視台獨霸所有大型足球賽事版權這個問題,
    我相信在兩年之後,我們可能就要預早半天到奧海城霸位才有波看,
    抑或死死地氣,在九十分鐘內硬食兩碟炒飯或三碗蛋牛麵,
    然後再叫五杯檸茶咖啡,才可以欣賞到C.朗拿度和美斯的球技。
    [版主回覆07/08/2012 15:17:00]
    原來俗流兄是丹麥球迷。舒米高、勞特立兄弟、干查.....

    回覆刪除
  75. 小哥,倫倫係TVB
    [版主回覆07/08/2012 15:15:00]
    哈哈!

    回覆刪除
  76. I love the Euro 2012 theme "決戰草原"。。^^。。
    [版主回覆07/08/2012 15:14:00]
    好熱血。

    回覆刪除
  77. 西班牙GoGoGo !
    [版主回覆07/02/2012 15:47:00]
    2-0了~

    回覆刪除
  78. 小子,I guess西班牙 3-1 意大利 (loser)
    我認為意大利真係有暗湧,佢地上場對德國尾段真係錯失左好多機會,把握力始終係差D,
    仲有今場好似連邦利拿都好似話冇得踢.(累積yellow card)
    [版主回覆07/02/2012 15:49:00]
    叫糊?

    回覆刪除
  79. 貓貓你好型仔ar~~i love you~~

    回覆刪除
  80. 仆街 柒頑叻話捧意大利喎[sosad][sosad][sosad]
    呢次真係叻叻燈神對比利燈神la[sosad][sosad][sosad]
    bewteen,廢托冇得打正選#hoho##hoho# 抵向左走向右走死[369][369]
    [版主回覆07/02/2012 15:48:00]
    比利都要輸畀叻神!

    回覆刪除
  81. C朗:不怕神一樣的對手,只怕豬一樣的隊友。
    [版主回覆07/08/2012 15:14:00]
    今屆比比打得不錯啊!

    回覆刪除
  82. 隊爛燈算鳩數把啦!心都淡撚埋..以前就十上十落,而家就樹搖葉落!
    十一個球員都係各打各毫無默契..我諗而家分分鐘叫雲巴士頓,
    柏金同雲達沙佢地番出黎踢,隨時都會好過哂班契弟.
    [版主回覆07/08/2012 15:12:00]
    唉!

    回覆刪除
  83. 午安你好謝謝, 祝你午好快樂

    回覆刪除
  84. 決賽反而不太好看
    [版主回覆07/08/2012 15:11:00]
    對。

    回覆刪除
  85. ykk估到喎!haha.....!

    回覆刪除
  86. 點解要同女友、朋友隔離呀?一齊睇唔係開心d咩。
    [版主回覆07/08/2012 15:10:00]
    我比較喜歡一個人看球。

    回覆刪除
  87. 唉!真係諗都冇諗過會食成四隻蛋咁鬼甘!真係飽哂啦!
    下半場一嚟就打少個莫達,跟住巴撒列提又賣老抽,不過最火滾都係迪拿達利嗰兩球!
    見住派路、保方、巴神同邦拿利喊,真係睇到我心都酸埋!
    But anyway,我認為今屆意大利已經算叫做係超額完成,我都收哂貨㗎啦!
    [版主回覆07/08/2012 15:10:00]
    的確是超額完成,值得再鼓掌!

    回覆刪除
  88. 同埋估唔到原來邦拿利係一個超級大喊包嚟!哈哈!

    回覆刪除
  89. 咁希貓有冇陪你睇波?
    [版主回覆07/08/2012 15:09:00]
    有啊!

    回覆刪除
  90. 即係上一屆決都係意大利對西班牙?!?!?!
    [版主回覆07/08/2012 15:08:00]
    上一屆好像是四強。

    回覆刪除
  91. 今晚有D失落嗎??早一點睡覺...

    回覆刪除
  92. 4比0,輸死人。

    回覆刪除
  93. 現在的西班牙是否已經是世上最強了?真的沒有球隊可以破解到他們的打法嗎?
    [版主回覆07/08/2012 15:07:00]
    瑞士也許可以。

    回覆刪除
  94. 睇埋決賽,最佳陣容同最差陣容我會咁排:
    最佳陣容:
    FW:C. Ronaldo、M.Gómez
    MF:David Silva、Xabi Alonso、Pirlo、Iniesta
    DF:Jordi Alba、Ramos、Hummels、G.Johnson
    GK:Casillas

    sub:
    FW:Torres、Balotelli
    MF:Ozil、Khedira、De Rossi、Steven Gerrard
    DF:Coentrao、John Terry、Pepe、Arbeloa
    GK:Buffon、Joe Hart
    Coach:Del Bosque
    [版主回覆07/08/2012 15:06:00]
    托利斯真是今屆的幸運王子!

    回覆刪除
  95. 最差陣容:
    FW:Kerzhakov、Van Persie
    MF:Malouda、Van Bommel、Afellay、Robben
    DF:Clichy、Ignashevich、Dunne、Van Der Wiel
    GK:Szczesny

    sub:
    FW:Benzema、Di Natale
    MF:Podolski、James Milner、Keith Andrews、Ashley Young
    DF:Willems、Heitinga、Mathijsen、Granqvist
    GK:Michalis Sifakis、Vyacheslav Malafeev
    Coach:Bert van Marwijk
    [版主回覆07/08/2012 15:05:00]
    看完決賽,我也很想將迪拿達利選進去!

    回覆刪除
  96. 西班牙好勁
    [版主回覆07/08/2012 15:04:00]
    係!

    回覆刪除
  97. 我都唔明意大利分組賽打352明明夠揪,點解決賽要自毀長城???
    [版主回覆07/08/2012 15:04:00]
    賭輸了!

    回覆刪除
  98. 看到法比加斯和沙治奧拉莫斯件Puerta tee真的很感動!
    這兩位西班牙鬥士真是有情有義,好有義氣!
    全靠無線電視重播..
    [版主回覆07/08/2012 15:05:00]
    我看到也很感動。

    回覆刪除
  99. 雖然本人對足球冇咁熱愛..因家中沒有裝有線电視...
    全靠無線電視重播..
    [版主回覆07/08/2012 15:03:00]
    唔好裝K佬電視呀!一裝咗就連希特拉都cut唔到架喇!

    回覆刪除
  100. 睇完場波我真係無言以對
    無論在煮野食定足球我都係意迷
    [版主回覆07/08/2012 15:01:00]
    Me Too。

    回覆刪除
  101. 睇見意大利班球員就陰公~~仲有,西班牙真係好悶呀,搓廿九幾腳都唔斷,
    以佢哋呢個班底,世界盃最小踢到四強啦....仲想悶多幾年至夠呀大佬?
    [版主回覆07/08/2012 15:00:00]
    期望巴西!

    回覆刪除
  102. 李克勤唔流TVB血嘞!流緊NOW血
    [版主回覆07/08/2012 14:59:00]
    搵食啫!

    回覆刪除
  103. 你好
    今次作《憶王孫》正體
    單調三十一字,五句,五平韻,句句用韻,
    歡迎網友積極參與和
    請多多指教
    魚兒《憶王孫‧國力升》
    神舟九號越天征,潛水蛟龍深海成。
    國力提升多喜迎。展繁榮。步向民心天下鳴。
    魚兒《憶王孫‧夢情》
    老師何以夢連連,日所思思思夢前。
    夢裡情情情若煙。記心田。盡訴詩情如湧泉。
    回覆

    回覆刪除
  104. 諗都諗唔到意大利會食光蛋.
    [版主回覆07/08/2012 14:59:00]
    體能。

    回覆刪除
  105. 點解要隔離,一齊睇波不是更好嗎?
    [版主回覆07/08/2012 14:59:00]
    我比較喜歡一個人看球。

    回覆刪除
  106. 域 流亦詩 Louis Rick2012年7月3日 下午9:43

    其實今屆都幾有睇頭嘅。謝謝分享。晚安。

    回覆刪除
  107. 又要等多4年才有得睇啦.
    [版主回覆07/08/2012 14:58:00]
    兩年後又有世界盃!

    回覆刪除
  108. 曲終人散,有冇dd失落感?
    [版主回覆07/08/2012 14:57:00]
    早年真的會有這種感覺,現在開始適應了!

    回覆刪除
  109. 四年後又一條好漢,
    或者再近D, 兩年又一條好漢喇!

    回覆刪除
  110. 谢谢分享!欢迎回访!

    回覆刪除
  111. 真係無乜睇波, 一向電視都少睇........

    回覆刪除
  112. 恭喜Time Is Changing上了YB首頁
    [版主回覆07/08/2012 14:53:00]
    是嗎?謝謝啊。

    回覆刪除
  113. 貓貓賽後感言:我們一家人終於可以過返的正常既生活了。哈哈。。

    回覆刪除
  114. 波係唔駛俾錢睇,
    才是足球的光輝時代。
    [版主回覆07/08/2012 14:53:00]
    現在只有懷念。

    回覆刪除
  115. 西班牙最後成功衞冕歐國盃,成為首支成功蟬聯歐國盃的隊伍。
    我領會到你的感嘆,為什麼本港越來越多大型體育賽事都只能在收費電視觀看?
    這也引證本港貧富懸殊的現象將會繼續惡化。
    [版主回覆07/08/2012 14:52:00]
    對!看球早已不再是平民百姓的娛樂。

    回覆刪除
  116. Ibrahimovic 那兩張相勁正, 雖然對他印象麻麻地. =)
    "波唔駛俾錢睇".....沒法,年代已不同,呢點垃圾政府都要負上部份責任.
    [版主回覆07/08/2012 14:51:00]
    伊巴D波底真係。

    回覆刪除
  117. 叻哥個頭好似有D大~XDDD

    回覆刪除
  118. 我就只看新聞吧了.
    期待看奧運? 不過誰家有得免費播還是未知数?
    [版主回覆07/08/2012 14:50:00]
    兩台已宣佈陣亡。

    回覆刪除
  119. NBA總冠軍是熱火隊!

    回覆刪除
  120. 西班牙的確技高一籌.希望2014有隊波可以搞掂佢.德國有機
    [版主回覆07/08/2012 14:49:00]
    我睇好巴西!

    回覆刪除
  121. 射十二碼只有兩個結果,同波係circle...
    好想呢個年代再黎!

    回覆刪除
  122. 主場之利
    尼馬比人捧到咁高,唔知係咪堅料?
    [版主回覆07/15/2012 19:00:00]
    我覺得尼馬係比人捧到太高!

    回覆刪除
  123. 春日鳥yahoo blog2012年7月16日 上午1:07

    足球睇錢分上賣轉播權賣給收費台還算說得通。
    運是全人盛事,鼓吹更高更強更美的奧運精神,
    從前希臘城邦逢奧運不開戰;
    實在不應由收費台轉播。申辦奧運時就不應預計這筆不義的收入。
    [版主回覆08/01/2012 21:47:00]
    最後兩台都可以轉播,收費台得不償失!~

    回覆刪除
  124. 每次見到Sneijder,硬係諗起龍格堡~~講到荷蘭,好掛住栢金......
    真係無奈,大把人響荷蘭買到好球員,但係近年班友.......唉.......
    [版主回覆08/01/2012 21:46:00]
    唉~

    回覆刪除