2011年7月21日星期四

李克勤 & 香港小交響樂團演唱會2011觀後感

20/7/2011 李克勤 & 香港小交響樂團演奏廳2011(第四場)Rundown

開Show時間:晚上八時二十分
完Show時間:晚上十一時十三分

01.《睡美人》圓舞曲(香港小交響樂團)
02. G小調第五《匈牙利舞曲》(香港小交響樂團)
03. 我不會唱歌
04. 天水圍城
05. 天河
06. 罪人
07.《馬刀舞》(英皇口琴五重奏)
08. 嫲嫲
09. 藍月亮
10. 深深深
11. 一個人飛
12. 三弦樂器演奏(趙太生三弦)
13. 回首
14. 希望
15. 護花使者
16. Medley:榮譽勳章/愛不釋手
17. 舊歡如夢(逆行演繹)
18.《我的太陽》(
三大男高音
19. 天這樣藍(
三大男高音
20. 飛花(與
三大男高音
21. Medley
球迷奇遇記/夏日之神話/我著十號/Victory
22. 合久必婚
23. 高妹
24. 九月中的陌生人
25.
只想你會意
26. 紅日
27.
薩拉熱窩的羅密歐與茱麗葉
28.
幾分鐘的約會
29.
最佳位置
30.
我為何讓你走
31.
《愛之祝福》(香港小交響樂團)
32.
月半小夜曲
33.
紙婚
34. 大會堂演奏廳
35. 再見穿梭機

Encore
36. 花落誰家
37. 三千零一夜
38. 在我身邊


觀後感 :

闊別十五年再入紅館,為的是觀看《李克勤 & 香港小交響樂團演奏廳2011》,
在看這場演唱會之前,我分別在Facebook和一些論壇上,
都看到有許多先前入場觀看過的朋友都異口同聲地說:
「零瑕疵的李克勤,事隔多年總算是載譽歸來了!」
為甚麼大家會這樣說呢?若果你是
克勤的Die-hard歌迷,
應該都不難發現他唱現場的水準相比起以前確實是下降了不少,
這個問題,
太約是從克勤在03年和校長開完首個《左麟右李》開始吧! 
在《左麟右李演唱會2003》過後的一段長時間,克勤不論在大小型的公開場合上,
唱Live都不時會有假音虛弱和高音乏力的情況出現,
這種飄浮不定的水準,足足維持了六、七年之久,
而最失準的那次,相信應該是《得心應手演唱會2006》,
看完這個演唱會的DVD,我簡直不敢相信在台上唱歌的人是李克勤

回說這個演唱會,老實說,起初我的確是抱著一種存疑的心態進場,
但……當克勤唱完開場的第一首歌,我之前所擔心的種種問題就完全一掃而空,
對!這是我們所熟悉的李克勤!Bravo & Wonderful~Welcome Back!

演唱會以一首〈我不會唱歌〉揭開序幕,克勤的表現四平八穩,但就略嫌不夠〝肉緊〞;
其後的〈天水圍城〉氣勢磅礡克勤的演出開始漸入佳境,唱得很放;
接下來是新歌天河零瑕疵的演繹好比原聲唱片;
悲情歌〈罪人〉被安排為演唱會的握手歌曲,真是大煞風景;
〈嫲嫲〉的真假音轉換部分流暢自然無痕跡,但在演繹方面就不及CD版本細膩;
藍月亮〉相當動聽,克勤靚聲配合口琴演奏,感覺十分和諧;
重新編排的深深深有點驚喜,很佩服克勤Perfect的音準拍子感。
全晚第一個高潮,是來自鬼馬的三弦演奏家趙太生老師,
他帶著墨鏡與演唱會的首席結他手Jam歌的一段,實在是過癮非常
竟然可以用三弦彈出電結他的聲音,著實讓人看得目定口呆! 
Hotel CaliforniaBeat It!COOLCOOLCOOL
但可惜的是克勤終不是一名Rock友,因而未能配合這場精彩的Rock Show。
特別想向葉詠詩所帶領下的香港小交響樂團送上最大的歡呼及掌聲,
他們的演出實在太精彩了而用搖控器指揮的一幕更是經典。
等了九年,終於等到榮譽勳章〉的Live版本,還有機會在現​場親身聽,
儘管克勤在當晚只是唱了半首降Key版,但小弟已經感到很滿足
逆行演繹的舊歡如夢難度其實頗高,
要將所有的歌詞和音準都記住並不能有半點出錯,
只能說克勤不愧是一部行走CD機,到Reverse播放時居然是100%準確!
與三大男高音合唱的〈歲月風雲氣勢逼人克勤在三大高手面前表現毫不遜色,
至於歌劇版〈飛花明顯是玩味成分比較多,而克勤的歌劇腔就……哈哈哈
不過亦聽得出來
克勤開段是故意搞笑的,到後段唱意大利文時就盡顯功架。
驚喜果真是一浪接一浪!沒想到聽完最愛遺珠〈榮譽勳章〉之後,
還可以聽到〈九月中的陌生人〉的Live版本,真的好開心!
我和女友都覺得克勤這個四眼Look好靚仔啊!
還要故意學林峯擺個Chok樣,真的把我們笑死了!
此外,當克勤在唱〈只想你會意〉和〈紅日〉時,
鏡頭就有帶到當年這兩首歌的MV女主角楊釆妮
演唱會的另一個高潮,是克勤用多首別人的歌來唱盡一些社會現象……
例如是借薩拉熱窩的羅密歐與茱麗葉來明嘲暗諷陳振聰龔如心的遺產案;
最佳位置影射傳聞中的三大特首候選人; 
再用幾分鐘的約會來表達時下學生哥學生妹的新世代戀愛態度
並在螢幕上打出「在公眾地方行為不檢實屬違法」字句。
在唱我為何讓你走時,螢幕就立刻轉播包致金侄女Amina由襲警到入獄的片段,
歌詞句句到肉,風趣兼抵死,
成功贏得全場掌聲。
談到
我為何讓你走這首歌,我自己就始終認為還是郭富城的原裝版本最為討好,
坦白說
,論唱功郭富城一定遠遠都不到克勤的層次,
但這種少男情懷的青溼味道,既使你唱功有多強,演繹不了就是演繹不了
用一些經典遊戲音樂來做配襯的快歌Medley感覺幾cute幾fresh,
配上克勤兩個兒子RyanRex的CG動畫,場面既可愛又溫馨。
紙婚的Live版本感情滿瀉,揮灑自如,
雖然在唱最後一句時〝撻Q〞,但整體來說仍是一次Good Take。
大會堂演奏廳這首歌,相信克勤都應該唱過有上千次吧 
但想不到一向唱功穩定的他,於整個演唱過程當中就發生了一點小意外。
在唱第二段副歌的時候克勤入Key就稍為慢了半拍左右,
可是經驗老到的他很快便成功收復失地,還越唱越好,並流暢地把整首歌唱完
這種情況,如果歌手處理得好,聽眾可能根本就不會聽出有什麼問題,
但即使發現了
你可能也只會像我樣想,就是打從心底的佩服這位歌手
克勤在尾段的時間,有感而發的向我們說:
「在過往兩、三年,李克勤將很多時間投資在小朋友身上,
希望可以教他們踢波、唱歌,病又可以帶他們看醫生,
多了和小朋友相處,加上四大唱片公司和TVB的問題,
因而令大家覺得克勤的曝光率下降。
其實事業重要,但我就更珍惜和家人相處的時間,
希望將來我都可以成為一個稱職的爸爸。」
聽完這兒,我個人也有一點感受……
認識我的人都知道我是
克勤的忠實歌迷,
他的唱片,我全部買齊,他的歌,我首首都倒背如流,
但是,我就從來都不會向別人承認:「李克勤是我的偶像。」
因為我欣賞
克勤,只是單純欣賞他的歌藝,
他演的戲、追捧的球隊和政治立場,我通通都不喜歡!我只是喜歡聽他唱歌而已。
但在這幾年,我開始越來越欣賞
克勤的為人和他自愛自重的生活態度,
我真心認為,像他這樣的好男人、好爸爸,真是值得叫人尊重。

克勤獻唱再見穿梭機時,螢幕便隨即播出一家四口的合照,
身為人父的他將他多年來經歷過的高低起跌全都唱出來演繹十分到位,
這個溫暖窩心的現場版本,令我重新認識到這首歌
感謝克勤感謝你昨晚再度獻唱三千零一夜〉,
這首歌對於我來說是有著一份極為重大的意義……
「回頭當那天的我永遠未叫座   但妳的雙腳亦留在愛河
當天原來妳哭過    但妳不忍心再打擾我
抬頭當這天的我要快樂慶賀   但妳彷彿眼淚從未留過
妳太了解我   同遇那天便已清楚   不可使我難過」
每次聽到這段,我就會不禁鼻子一酸雙眼通紅……
非常感謝這首歌,讓我可以憑歌寄意,以此去讚頌她的偉大
演唱會的結尾曲是在我身邊克勤的深情演繹,
為這次演唱會畫上一個非常完滿的句號。
不知道克勤近年是否被校長傳染呢忘詞情況還真的比以前多了不少
十五年前,我在紅館看了Beyond的精彩Live&Basic演唱會》,
還記得家強硬咽地唱著祝你愉快海闊天空全場歌迷不禁同聲一哭……
那年我十三歲,還是一個小孩,所以還沒有完全感受得到那份感動
十五年後我再踏此地觀《李克勤 & 香港小交響樂團演奏廳2011》,
這個演唱會沒有任何花巧,也沒有什麼令人印象深刻的畫面……
有些感覺,有些感動,就只有李克勤才可以帶給我的。
Good Show~我最愛的香港男歌手 - 李克勤
熱切期待你和Lam叔在9月的CrossOver音樂會
PSRundown和部份照片是取自「Hacken Zone」與克勤的微博

80 則留言:

  1. 有冇天河??
    [版主回覆07/25/2011 03:42:00]
    有!~

    回覆刪除
  2. 我尋晚都有去聽...真係聽出耳油...
    但好奇怪之前幾場都有guest...點解係尋晚無...
    楊采妮唔係就係guest呀???
    [版主回覆07/25/2011 03:41:00]
    無嘉賓都ok啊!~
    不過如果係請同公司Mr.同謝安琪果堆我真係情願佢無..
    費事聽完之後一堆耳屎!!!~

    回覆刪除
  3. 很詳盡的後記,多謝分享!

    回覆刪除
  4. wa。。。九月中的陌生人 & 榮譽勳章。。very nice。。。^^
    我會去看尾場。。希望都會有suprise la。。^^"

    回覆刪除
  5. 100% 同感, 克勤始終都係一個人唱晒成個 concert 先至似樣 (笑)
    劍心都係剛剛喺大陸出完 trip 返來, 一落機就直接趕去紅館睇頭場,
    不過冇拎相機所以冇相影到出來; 好在仲有尾場可以補飛,
    到時影多 D 靚相放上來俾大家睇啦 (笑)

    回覆刪除
  6. 我都係克勤既Die-hard歌迷,
    不過以前佢既演唱會我唔係次次都睇,
    但係呢幾年我就每次佢開都會睇,
    今次可算係我人生第一次同一個演唱會睇兩次,(18號, 21號)
    (因為我覺得自己年紀開始大啦,
    偶像都年紀大啦, 可以講話睇得一次得一次啦),
    克勤係我既成長佔咗一個好重要既部份,
    每次聽佢既歌都不其然會俾返好多回憶我,
    睇到今次既show我真係感到好驚喜好滿足架!
    [版主回覆07/25/2011 03:39:00]
    我人生都係第一次現場睇克勤o既演唱會!~
    因為我本身隻眼有事...同埋細個無$$啦....
    大個又要打兩份工,根本就無時間...
    所以我一向對睇演唱會都唔係太感興趣......
    但今次碰巧朋友有飛讓出o黎(佢知我係克勤o既Die-hard歌迷)....
    再加上我女朋友又話好想睇...所以就去睇o左!!~
    不過克勤今次都真係無令我失望!~
    成晚聽,我個腦都有好多回憶浮現!~佢D歌真係陪住我成長!~

    回覆刪除
  7. 又唔唱不必對我好?
    [版主回覆07/25/2011 03:32:00]
    佢而家邊樹唱到呀.........

    回覆刪除
  8. 送禮勤柒還柒[369] 不過唱歌真係幾撚屈機#yup#
    一個人飛#good# 呢期成日J[bomb]

    回覆刪除
  9. 我都同意佢今次唔記得歌詞既情況比以往任何一次演唱會都嚴重左,
    但今次把聲明顯好左好多 (比起 06, 08 兩次個唱),
    好多歌之前唱得唔係咁好既都唱得好左。
    例如《大會堂演奏廳》,我本身入場對佢唱呢隻歌都冇咩期望,
    因為佢之前都唱得好 hea,點知佢唱第二次副歌既時候唱得咁爆,
    佢唱完之後我直情打左個冷震添。《月半小夜曲》呢 D 都有感情左好多,
    至於個 D 我想佢唱好耐既遺珠 (如榮譽勳章、九月中的陌生人) 就唱得冇咩特別。
    整體黎講,係佢繼 2001 港樂之後咁多個個人演唱會,
    我覺得呢個 show 係唱方面只係稍稍輸畀港樂!
    [版主回覆07/25/2011 03:29:00]
    如果計唱Live,《情情塔塔》好過今次....
    但今次個Show音樂元素就高D!~
    《港樂》果次太完美啦....好難唔輸....

    回覆刪除
  10. 回勇?咁高妹唱成點呀?近年佢唱呢首live冇次唱得似樣
    [版主回覆07/25/2011 03:27:00]
    〈高妹〉都係唱得唔好!~〈合久必婚〉都係!~

    回覆刪除
  11. 像李克勤這般的好男人,這世間上又有多少呢?

    回覆刪除
  12. 李克勤唱最佳位置應該會幾好聽..
    [版主回覆07/25/2011 03:25:00]
    真係好好聽!~

    回覆刪除
  13. hi hi~你好呀~你好喜歡聽李克勤D歌
    [版主回覆07/25/2011 03:23:00]
    我的最愛華語歌手!~

    回覆刪除
  14. 你都係噚晚嗰場, 幸會幸會

    回覆刪除
  15. 〈他唱現場的水準真的是嚴重下降!〉.............有同感

    回覆刪除
  16. 嘩!九月中的陌生人LIVE,一定好正啦!

    回覆刪除
  17. 李克勤加埋交響樂團一定好正
    [版主回覆07/25/2011 03:20:00]
    天作之合,不作他選。

    回覆刪除
  18. 四眼Look,掂!

    回覆刪除
  19. 睇到你上面個rundown,星光時期個堆歌克勤都仲係好少唱..
    又係唱"回首"同"希望"呢兩首真係你唔悶我都悶啦!
    其實星光果陣都有好多好正既hit song架..
    好似"寂寞夜晚".."偷偷摸摸".."為你流淚"呢堆..
    多來黎都係李克勤演唱會既失蹤人口。
    [版主回覆07/25/2011 03:20:00]
    〈偷偷摸摸〉同〈為你流淚〉....
    呢兩首唱Live一定好爆!~又係恨o左佢唱好多年....

    回覆刪除
  20. 我同太太睇19號嗰場,當晚第一次唱,
    我哋有跟住唱﹔不過,唱咗頭一段就被歌詞感動到唱唔到落去
    (特別知 ​呢首歌係寫俾盧淑儀嘅)結果克勤真的‧‧‧‧‧‧

    回頭當那天的我永遠未叫座
    但你的雙腳亦留在愛河
    當天原來你哭過
    但你不忍心再打擾我

    抬頭當這天的我要快樂慶賀
    但你彷彿眼淚從未留過
    你太瞭解我 同遇那天便已清楚
    不可使我難過

    回覆刪除
  21. 想不到唱"九月中的陌生人",
    呢首奇怪地當時係沒被"谷"既一首歌, 但心目中係絕對值得"谷"既.
    "我不會唱歌"....呢首歌唱K真係好好玩. :-)
    另外佢呢兩年為左屋企, 唱功水準難免下跌,
    不過反而更欣賞都係他多年來都冇乜緋聞或負面新聞. (除左初出道,開始寸那期..)
    你講起beyond那次演唱會, 亦係自己唯一一次入去聽佢地 live既演唱會,
    氣氛感動得難以形容, 真係得那次才有, 其他的都給予不到........
    [版主回覆07/25/2011 03:12:00]
    我呢排唱K鐘意玩〈再見演奏廳〉!!~

    回覆刪除
  22. 全晚最鍾意係趙太三那段,最驚喜!

    回覆刪除
  23. 可以看到精彩演唱會值得高興呢...

    回覆刪除
  24. 嘩, 原來你係克勤fans. 我係亞倫fans,
    當年克勤同亞倫拍嘅時候, 我唔覺得克勤把聲有咩問題,
    因為亞倫更有問題, 無已前咁有heart.
    不過, 已我第一晚所見, 克勤唱完歌劇版〈飛花), 啲低音就去唔到,
    見佢唱得辛苦, 唱咗幾首後再出場, 可能响後台飲咗啲嘢令佢舒服番啲,
    再出場又好番八成, 唔知係咪因為歌劇版, 唱嘅方法唔同,
    傷聲? Anyway,佢好賣力, 個show好好睇.
    [版主回覆07/25/2011 03:10:00]
    唱得太高音之後,D低音係會難出好多....

    回覆刪除
  25. 成個演唱會"正"到絶, 回味中......^^

    回覆刪除
  26. 認識我的人都知道我是克勤的忠實歌迷,
    他的唱片,我全部買齊!他的歌,我首首都倒背如流!
    但是,我就從來都不會向別人承認:「李克勤是我的偶像!」
    因為我欣賞克勤,只是單純欣賞他的歌藝……
    他演的戲、追捧的球隊和政治立場,我通通都不喜歡!我只是喜歡聽他唱歌而己。
    << me 2..所以由他出道至今我都無加入佢 fans club.
    但我欣賞他. 會默默支持他. 開演唱會出碟都一定會去及買.

    回覆刪除
  27. 我睇果場無唱天河、花落誰家,又無唱九月中的陌生人,你就好啦~~
    我都好想聽呀~~仲有第一場明明有好戲之人,但第二場開始就無唱啦,
    睇黎系cut左,尾場大概都無,好可惜 有校長做嘉賓,
    合唱一生中最愛好聽但校長搞左好多gag,霸左好多時間
    克勤一開頭果幾首都麻麻地,唱到嫲嫲開始就好好聽。
    藍月亮呢個版本我好中意呀!深深深只系驚喜,但唔多中意。
    回首、歲月風雲、月半小夜曲、大會堂演奏廳、在我身邊唱得特別好
    飛花系搞笑多,我都系想聽返原版多D
    紅日有個小交管樂+敲擊版,唔知點解第三場開始就唱返原版lu。
    新版雖然變左好多,但我接受到,可能克勤覺得觀眾反應唔熱烈,
    所以cancel左(又系ge,以往唱紅日都系全場好high,
    但新版中段系靜同慢的,無左帶動氣氛的作用)
    副眼鏡唔靚呀,救命,一睇到笑左,仲聽到身邊有觀眾竊笑添
    [版主回覆07/25/2011 03:07:00]
    但妳果場有〈當找到你〉wor!~不過有校長咩都抵番哂啦!!~

    認同呀!~〈歲月風雲〉、〈大會堂演奏廳〉、
    〈回首〉同〈在我身邊〉我果場都係唱得好好!~
    〈深深深〉呢個版本老實講我都唔鐘意呀!~
    都係鐘意原版!!~人地明明係慘歌...
    都唔明點解近年唱live次次都要將首歌變輕快版!~
    〈飛花〉我都係鐘意原版多D!!~原版克勤唱得太經典太優美啦!!~
    〈紅日〉新版個概念我覺得ok wor!~不過觀眾唔buy就無計!~

    戴眼鏡chok果下睇到真係笑o左!!~

    回覆刪除
  28. 域 (流亦詩)2011年7月22日 下午5:31

    李克勤絕對是個實力超凡的歌手。
    在下之所以說他是實力超凡並不只是因他可以唱到零瑕疵、而是他的歌路廣泛。
    一般歌手只擅長唱某類形的歌、在下大膽的說、李克勤是全天后的。

    回覆刪除
  29. 您有一個開心的晚上啦 ~
    做人是應該懂得享受 生活的情趣, 讓自己能布輕鬆愉快的心情呢 ~
    [版主回覆07/25/2011 02:53:00]
    對呀!~不過也要謝謝朋友讓出來的票啦!~

    回覆刪除
  30. 克勤真係香港硯果僅存既唱家班
    [版主回覆07/25/2011 02:52:00]
    徐大導果然識貨!!!~

    回覆刪除
  31. 多謝你的分享,可以讓我又沉醉在當晚的快樂中!

    回覆刪除
  32. 望到楊釆妮d眼紋,真係覺得歲月不饒人
    當年佢話哂都係一代玉女掌門人,
    可惜遇人不淑,痴著條衰佬,搞到人又老錢又冇條仔又走佬
    [版主回覆07/25/2011 02:51:00]
    Eminem兄,我反而覺得佢而家有味道D wor!~以前太清純玉女feel啦!~

    回覆刪除
  33. 我記得老媽最鐘意聽佢唱個首:
    當年相戀意中人! 大家性情近..
    舊歡如夢啊!

    回覆刪除
  34. 李克勤的好歌聲配上絃樂尤其動聽,唱功穩定始終是他的最大賣點,
    前年的CARnival Show看得多確實是令人倒胃口,大抵也是一個實力派歌手。
    [版主回覆07/25/2011 02:47:00]
    嘉年華式演唱會係香港特色...無辦法....
    我自己就最唔鐘意克勤新年開show!~成日掛住逗利是....

    回覆刪除
  35. 我噚晚去睇, 好中意三弦演奏家趙太生老師果PART, 真係大開眼界, 正到暈HIGH到爆.

    回覆刪除
  36. 薩拉熱窩的羅密歐與茱麗葉!!!
    洋蔥頭強伯嘅傑作!!!一隻我好鬼鐘意嘅歌!!!
    [版主回覆07/25/2011 02:46:00]
    呢首歌林振強真係填得好好!!~

    回覆刪除
  37. 今晚尾場有劉華呀

    回覆刪除
  38. 驚喜真是一浪接一浪!沒想到聽完最愛遺珠〈榮譽勳章〉……
    還可以聽到〈九月中的陌生人〉的Live版本!真是開心死了!

    輕輕的低聲嘆氣 Woo... 我妒忌 我妒忌

    回覆刪除
  39. 今次CONCERT真係李生回勇嘅一次演出!赞
    聽到佢講揍仔嗰段我都有D眼濕濕 可怜
    克勤對屋企人真係好好呀..

    回覆刪除
  40. PERFECT SHOW tonight。。。^^
    今晚guest有Andy Lau ar。。勁爆ar 。。><

    三千零一夜 & 榮譽勳章 & 九月中的陌生人 & 好戲之人 & 在我身邊。。。。
    hope all the song will be record into DVD la。。^^"
    [版主回覆07/25/2011 02:43:00]
    〈榮譽勳章〉晚晚都有唱!~基本上一定走唔甩...
    但〈3001夜〉同〈九月中的陌生人〉一定要放呀!!!~
    無呢兩首我唔買隻DVD啦!!!!~

    回覆刪除
  41. 你應該首首都識背啦歌神
    [版主回覆07/25/2011 02:39:00]
    合埋對眼都可以唱成晚....

    回覆刪除
  42. 我都有去睇李克勤,18/7果場就係校長做嘉賓。我覺得好好好睇~~簡直係超正~~
    成個show有意想不到既感覺,btw趙師傅真係好掂!!!
    你d相影得好靚呀~~我買唔到正面,所以坐側面睇唔到個台原來甘靚~~
    [版主回覆07/25/2011 02:38:00]
    有D相唔係我影o架!~我轉載Hacken Zone咋!~

    回覆刪除
  43. 個SHOW有冇去返港樂克勤LIVE個水平先?有嘅話我都會考慮買一張原聲DVD支持下!
    [版主回覆07/25/2011 02:37:00]
    比起06,08個Live都好啦(編排、歌、克勤狀態)!~
    當然同全盛時期o既克勤就一定係無得比o架啦!~

    回覆刪除
  44. 有人話三弦彈吉他係假,舊歡如夢回帶係預先錄好.blog主認為呢?
    [版主回覆07/25/2011 02:34:00]
    唔知啊!~
    不過睇個show要下下去計著邊part真邊part假....
    其實都好無癮!~
    講真魔術都係假架啦!~睇得開心就算啦!~

    回覆刪除
  45. 這個演唱會,看來很精彩喎!

    回覆刪除
  46. 精彩的報道,謝謝你‧

    回覆刪除
  47. 你一路聽一路mark低架?
    [版主回覆07/25/2011 02:29:00]
    我憑記憶....

    回覆刪除
  48. Good evening, Time is Changing!

    ...我喜歡克勤是從 一生不變 開始...
    ...之後, 紅日 帶給我無限 陽光 的温暖 及活力...

    回覆刪除
  49. Kay Stefani Lester.2011年7月23日 下午11:33

    你講到好似好正咁 早知我又去睇啦haha

    回覆刪除
  50. 我真不明白好好的一個演唱會,為何一定要設有一些莫名奇妙的握手位環節?
    這真是一個不解之謎。要握手倒不如乾脆開個握手會吧!
    邊唱歌邊握手又接花,歌手根本就不能在台上專心把歌唱好。
    [版主回覆07/25/2011 02:27:00]
    握手OK...但唔該唔好成日拎D悲情歌做握手位歌o羅!!~真係好怪!!~

    回覆刪除
  51. 好好睇的concert
    他的聲音比之前好了
    每次看hacken的concert都有被感動

    回覆刪除
  52. 早晨呀! 我祝您有個快樂的星期天!

    回覆刪除
  53. Time Is Changing,

    克勤有一首歌我好鍾意聽,不過太耐了,唔記得咩名…
    歌詞係:這段愛若要做到無人知,這段愛未算是愛…

    成篇野睇完落黎,最驚喜係:28 呢個數字!哈哈…

    活活
    [版主回覆07/25/2011 02:25:00]
    活活,首歌就係叫做〈這段愛〉!~

    28 呢個數字?

    回覆刪除
  54. 我睇咗19號(第3場)嗰場,幾正吖都!

    我好BUY佢講小交同播新聞呢兩個GAG,好好笑,

    克勤把聲都好fit,只係後半部有少少聲沙,

    同埋唱榮譽勳章唱得唔夠好,D假音幾乎都上唔到,

    三千零一夜降咗Key都唔係好唱到(不過係喊住嚟唱嘅)

    全場個SHOW都正,算係值回票價喇!

    美中不足嘅係嗰場嘅嘉賓梁漢文,唱到走鬼哂音,真係醜死鬼吖!
    [版主回覆07/25/2011 02:24:00]
    〈3001夜〉我果場都有唱,唱得好好!~
    雖然都係降o左key....但無法啦!~原key實在太高....
    至於〈榮譽勳章〉...我覺得即使02-04年o既克勤都未必唱得到!~
    呢首歌我覺得係克勤歷年歌曲高難度o既Top 10!!~

    Top 10

    1. 不必對我好
    2. 陷阱
    3. 情牢
    4. 榮譽勳章
    5. 為你流淚
    6. o彭門
    7. 紅日(大碟版)
    8. 三千零一夜
    9. 飛花
    10. 大會堂演奏廳

    回覆刪除
  55. 有片!
    https://www.youtube.com/watch?v=F_5bemkMRDA
    [版主回覆07/25/2011 02:08:00]
    梁漢文似係臨時上台,所以未開聲....

    回覆刪除
  56. Amy Winehouse dead at 27.Too young.She is talented.

    RIP: Amy Winehouse & 91 peoples in Norway terrorist attack

    回覆刪除
  57. same as Helloma and U, 輯錄如下

    認識我的人都知道我是克勤的忠實歌迷,
    他的唱片,我全部買齊!他的歌,我首首都倒背如流!
    我欣賞克勤,只是單純欣賞他的歌藝……
    現再加上好爸爸, 好丈夫, 好家人的身份!

    我由佢第一隻碟開始愛上佢的歌, 但我都無加入佢 fans club.
    我只會欣賞他. 會默默支持他. 開演唱會出碟都一定會去及買.

    好開心見到咁多支持克勤的粉絲

    回覆刪除
  58. 克勤的"四眼look"很有驚喜呢!

    回覆刪除
  59. 但有些感覺,有些感動……
    就只有李克勤,才可以帶給我的。 >>> 他什麼時候 .... 都是一流 !!!

    回覆刪除
  60. 克勤 .... , 本身就好靚 ... 駛學林峰 .... 一套禮服 ..........
    一把咩時間聽的好聲 , 他做戲 , 做主持 .........
    咩我都喜歡 ,,,,,,,, 聽他的瑣事 ......... 我都喜歡 ,,,,,,,,

    回覆刪除
  61. 咁你幾時又得閒唱俾我聽先?好耐冇同你唱過K啦咪神

    喂DIDi,睇到你blog個info..嘩你大曬冷wor~乜原來你做過咁多間公司ga~
    我知你好細個出黎做野,但真係唔知你連Detective Agency都做過~
    做Detective Agency係咪好好玩呢???
    [版主回覆07/26/2011 23:09:00]
    哈哈~~列o左部份公司出o黎咋...
    妳留私人回應我話妳知!~
    呢度唔方便講得太詳細....
    再唔係妳得閒打俾我!~

    回覆刪除
  62. R.I.P. Amy Winehouse 毒品害人...影響一生:~(
    未有Lady Gaga前果幾年佢簡直打橫黎行 :-(

    回覆刪除
  63. 轉貼

    克勤,做過多年賣碟王,有2年十大金曲佔2首,Eason至今也做不到,誰說他不紅?
    如你班雞雞只依903去評克勤紅不紅,只能說你地膚淺。
    03年克勤勁到,連903也不得不屈服,20年的冰也打破,送上多個大獎。
    他近年靜了,一來他三年抱兩,照顧家人。
    二來因HK樂壇由唱片公司,傳媒,樂迷也極不健康。
    903排異偏私,tvb四大為利益反面,
    唱片公司只捧埋Mr, kay,William,林峰等垃圾,有實力的被逼上神檯等收皮。
    最嚴重係陷世界(包括唱片公司,作曲作詞,傳媒,樂迷)只谷Eason一人獨大,這是極不健康。
    幾年前,仲有克勤安仔基仔梁漢文醫臣一齊谷,一齊鬥,百花齊放!
    愛不釋手,女人之苦,LonelyChristmas,必殺技,艦隊....首首hit....幾精彩!
    而家?得Eason既歌才有足夠Airplay被播到hit,其他人既歌求9其播下就落榜,plug左都冇人知。
    班雞雞樂迷被洗腦洗到Eason係"神"!其他歌手就踩踩踩,當透明。
    HK樂壇就俾成班陷加慘整諗死!
    [版主回覆08/05/2011 02:01:00]
    認同唱片公司、各傳媒和某些樂迷都只谷某些歌手獨大....
    尤其是一向自認為公平公正公開的傷孽電台.....
    我絕對認同Eason的實力,但如你所說...他們這種做法極不健康!~

    回覆刪除
  64. “當找到你”我也很喜歡,可惜的是克勤唱得麻麻,而且是握手環節
    這次不是在新年開,不用逗利是,克勤的握手環節相對地較少,
    但爲什麽仍要這麼心急,第三首歌就去握手呢...唉
    我(終於)更新blog了
    [版主回覆08/05/2011 01:52:00]
    左倫右李新年開就ok.....

    回覆刪除
  65. 一個強勁的不倒翁!
    [版主回覆08/05/2011 01:51:00]
    對對!!~

    回覆刪除
  66. 您好!以後再也許見不到您這麼好看的blog了!
    有沒有去小編輯反應一下,我反對升用YBLOG ,很沒人性化的感覺,冷冷的呀
    [版主回覆08/01/2011 11:58:00]
    在這兒寫了多年blog,經驗告訴我....去小編輯那兒反應不滿只是浪費心神....

    回覆刪除
  67. 謝謝你昨天的到訪,有時間就再黎啦!
    [版主回覆08/05/2011 01:51:00]
    OKOK!~

    回覆刪除
  68. 幾時出演唱會 DVD 呀?!?!
    [版主回覆08/01/2011 12:03:00]
    勤哥,你都唔知我地又點會知.....

    回覆刪除
  69. Thanks for your visit ....nice meeting U

    回覆刪除
  70. 你會唔會玩升級?
    [版主回覆08/01/2011 12:01:00]
    靜待其變....

    回覆刪除
  71. 克勤有很多金曲,我至今仍很喜歡....

    回覆刪除
  72. Time Is Changing,

    我同一班 Blog 友轉咗去新 Blog,
    搵唔返你地呀!!!好卦住你地呀!!

    好彩我以前有留到你地回覆既 email,
    先至可以用 email 去 click 你地既名開返黎睇咋!

    你轉唔轉過去新 Blog 呀?定係會轉第二度寫?

    活活
    [版主回覆08/05/2011 02:08:00]
    活活:

    現在我只是靜待其變....
    明天就會找一位電腦高手朋友替我back up....
    不過如果升級後版面和功能都仍是像現在新版的樣子.....
    那我就會考慮去留,但應該就不會轉地方寫了...
    習慣了這兒的一切,也不會在fb發表自己真正的內心感受....

    如yahoo大地震...可能索性就不寫了.......但我還是會定時探你們的!~

    回覆刪除
  73. 你都真係好欣賞克勤噃~ 我驚撲唔到飛睇佢同林子祥個闊><//
    [版主回覆08/05/2011 01:48:00]
    我也正在托一些朋友幫我撲撲飛....

    回覆刪除
  74. 反對雅烏新blog平台大石壓死蟹
    請大家用facebook用微博 用自己個blog,
    twister去人地個blog留言呼籲多d人嚟like呢個fb page
    如果在事件最沸騰時我們也找不到人升級行刑日時
    我們將更難召集各方寫blog的朋友了...

    回覆刪除
  75. Scott (史葛) & Smarties2011年8月6日 上午10:33

    我想問點可以買到同亞lam果場既飛架?
    我老公同你一樣都係隻隻碟買齊、首首歌識唱既同類人
    [版主回覆08/07/2011 22:35:00]
    我都托緊朋友幫手....903 D live show通常都係內部應購....

    回覆刪除
  76. 人生不斷在變化中去作出調適和平衡內心的感覺 ...
    你在這裡的努力不要白費呢 ~
    yahoo blog 真的要變, 為何你不嘗試一下呢?
    反正, 下載到自己的電腦去也可能不會相同在這網家 ,,
    何妨去適應一下?? 反正, 當初寫網誌時,
    又不知道怎麼踏出現在的樣子 , 其實要變 ,,
    又有什麼大不了的事,,不就像從新開始 ,
    這麼小的試驗正好給我們帶來一次更新 ,
    可捨可取的事如一日一夜的依循 ,,
    假如每一天也過著 相同的日子, 生活也感乏味??
    雖然也不一定, 人,是習慣的動物 ,,
    我偏要去體會萬變其中的奧妙 ,, 何況只是小小的網路點箋 ...
    [版主回覆08/07/2011 22:35:00]
    我不會轉地方的!~希望大家繼續keep住聯絡!~

    回覆刪除
  77. 你好啊.我看的是第二場.真的很好看,也很好聽.
    不過貌似沒幾個和我年紀相像的人去看. @@
    [版主回覆08/07/2011 22:33:00]
    克勤的歌迷年齡層一般都是比較大!~

    回覆刪除
  78. 出DVD你買唔買?
    [版主回覆10/03/2011 02:33:00]
    買!~

    回覆刪除