2010年9月16日星期四

心情隨筆 16/09/10

上星期跟她吃飯時   我竟然一句說話都不敢跟她說
我不敢告訴她真相   我太貪圖這一刻的快樂氣氛
我承認現時的我   是不可能冷靜地去處理當前難題的

我真的很希望   她現在是在跟我開一個大玩笑 
她明明是記得自己來過這兒   她根本就記得所有事情
她應該
只是看我常悶悶不樂   才跟我玩玩而已
哈哈   好一個患有妄想症的大笨蛋

最近瘋狂迷上六十年代搖滾女王Janis Joplin的音樂
她直率性感的嗓音   在藍調搖滾下盡情嘶吼   令人聽得很爽

其實我並不是不愛搖滾   只是不愛那些不痛不癢的假搖滾
又或者是一些毫無內容的混雜嘈音   所謂Rock and Roll   是一種態度
並不是隨隨便便大喊兩聲就能偽裝出來的
對於近日某歌唱比賽的賽果
有不少朋友和網民都批評無記做馬做得太出面
但其實   超級海軍大戰水兵大道   我們真的需要那麼在意嗎

近來整隊利記的狀態   完全可以用慘不忍睹來形容
攻不銳守不穩   中場又欠缺動力和創造力
但無論利記今季戰績如何   作為擁躉還是一定會支持球隊到底

有些累   不是喊累   也不是含淚就能解決的
有些解決   不是有極限   就是有缺陷
因此   不如此刻靜靜的
在工作中避世
我想   繼續工作   都總好過在家裡自舔傷口吧 
 
這星期在公司附近交的一班新朋友   可愛嗎
 
另外   在公司附近到處尋找美食   也是一種快樂的生活嗜好
昨晚跟媽媽和嫲嫲吃飯   發現嫲嫲整個人消瘦了不少
原來   又是家中那個瘋癲的女兒把她氣壞了
看到她這樣   我非常心痛   卻無能為力
   近日那些垃圾來電真是夠多了
朋友   其實我一直沒有接你的電話   已經算是表明立場了
所以
   你又何苦為了乞求那五百塊人情而不停騷擾我呢
另一位朋友   一些事情   騙得了别人   也騙不了自己
只要是謊言   終究會有被拆穿的一天
坦白說
   我遲遲未有拆穿你   純粹只是因為友情兩個字
我看你還是早日回頭是岸吧   須知道   我的容忍是有限度的
唉   這個世間妖魔鬼怪確實是多不勝數   到處都是
每天都圍繞在我生活的周邊   真的很煩
天天聽著看著他們的言行和卑劣行為
我實在不懂該怎樣去躲避
嘿嘿
   但來到今日   我終於想到一個絕妙的方法來對付你們了
以後有誰敢惹我   我就用沈默悶死你   哈哈

38 則留言:

  1. 超級海軍大戰水兵大道

    萬分認同,一矢中的。

    回覆刪除
  2. 狂兄,那炸醬麵看起來好像不錯呢!
    請問你公司是在哪一區?那麼多貓!
    [版主回覆09/18/2010 02:17:00]
    在Hung Hom!~
    這炸醬麵餐只需$17,非常超值!~

    回覆刪除
  3. 心情唔好,就宣洩一下,回復最好既心情面對身邊人
    [版主回覆09/18/2010 02:18:00]
    面對身邊人我一向唔會表露我的陰影面....

    回覆刪除
  4. 神奇女俠Natalie2010年9月16日 下午12:02

    真係FEEL到你唔係好開心‥
    自己無能力改變的‥就放下‥做多點令自己開心的事罷‥
    [版主回覆09/18/2010 02:19:00]
    謝謝妳呀!~

    回覆刪除
  5. 我身邊都有很多異形..怪獸..我每天都要想盡辦法避開他們
    [版主回覆09/18/2010 02:20:00]
    妳有護花使者嘛!~XDXDXD~

    回覆刪除
  6. 版主買左克勤隻新碟未啊?好期待你嘅碟評....
    [版主回覆09/18/2010 02:23:00]
    未買...過幾日先....

    回覆刪除
  7. 見你有新 BLOG 登場,太好喇!! 儘管又是一次控訴也好 ~ ~
    憑相片及其他少少線索,我想那裡應該是 "西九龍中心" 吧?
    她當然不會忘記,怕只怕是選擇性失憶了吧?

    "甚麼巨星" 一向沒空觀看,但偶然聽到冠軍小妹早兩次的演唱,
    也覺得還可以啊 ~ ~ (決賽當然無收看,誰會記得?)

    利物浦...........
    這兩年的表演簡直是對 利迷 的一次大試練,
    留下的就永遠不會獨行的一群吧?

    貓是敏感的 ~ 每逢我行近,牠們總會速逃!! 你看牠們對你多親切~

    我最近也被一位朋友所傷! 付出的一向不望回報,心領已很足夠,
    但總不成將良心變了狗肺吧?這個世界太歪 ~ 人的自私程度難以估計......
    迪哥,振作,共勉!!!
    [版主回覆09/18/2010 02:58:00]
    那兒是圓方廣場!~

    我也不知道為何....
    從小在村...所有貓就總是愛圍在我的身邊....
    也許是貓的觸覺很敏銳,所以知道我其實是個好人啦!~

    但.....雖然身邊大部分人都一早認定我是一個沒良心的大壞蛋,
    不過即使如此,也不代表我要如他們所願....
    就算連親人上天也不相信我,
    我也不會改變我做人的態度....

    也許是在現實世界....
    我從來沒有時間去抖氣,想想自己....
    所以最近...所有事情加起來....終於就爆發了!~
    所以我才會在這兒盡情宣洩我的陰影面....

    司徒Sir...被朋友所傷的滋味...我絕對明白...
    那當然,如果那個朋友還可以傷害你,
    那就說明了……你其實還是十分在乎你與他/她的友情.....
    但若要裝作腦殘和拋棄自尊去乞討一段友情的話,
    那個就不是我了!~
    司徒Sir你的想法,會不會也是跟我大概相同呢?

    對!~共勉!~一起努力!~

    回覆刪除
  8. 利記今個開季真係令人好失望呀!
    你講得好岩呀..攻不銳,守不穩!某D球員又hea踢又無heart,
    如果唔盡快改善,今季目標應該係前十算吧!
    [版主回覆09/18/2010 02:23:00]
    唉~~自求多福啦.........

    回覆刪除
  9. Janis Joplin ~ 白人唱出尤如黑人的聲線,可惜早逝 : (

    回覆刪除
  10. ღ* Q u E E n i e *ღ2010年9月17日 上午1:07

    晚安!!!

    回覆刪除
  11. 佢地都係流浪貓黎ga?好得意~~
    [版主回覆09/18/2010 02:26:00]
    有人養的!~
    左面冰室養,中間街市養,右面報紙檔養....

    回覆刪除
  12. Janis Joplin既Cry Baby絕對係悲歌中既經典
    一開始果下狂吼,果陣孤寂真係聽到人心都寒
    Janis Joplin唱歌果陣既果種爆發力,淨係聽CD果陣己經好震撼
    如果係Live既話,震撼就更加係加大多幾廿倍
    但可惜,叻既人通常都係死得早
    Jimi Hendrix、Jim Morrison、Janis Joplin同Kurt Cobain
    四個瓜老襯果陣都係27歲
    歐美D搖滾樂迷仲起埋個名叫(Forever 27 Club)」吹漲

    我都好憎果D仆街pop band扮假rocker,
    好似Mr.、On9野仔同擦膠合唱團,真係廢到唔廢
    [版主回覆09/18/2010 02:28:00]
    Mr.、野仔同RubberBand?
    真係唔該搖完就好滾啦.....

    回覆刪除
  13. 我周邊的妖魔鬼怪就是自己,怎辦?
    [版主回覆09/21/2010 02:36:00]
    那就更要接受!~
    我自己也想了很久....想了多年...
    總是想不到令我喜歡自己的地方 ....
    但這個身軀,自己畢竟也背負了二十七年....

    有些朋友們在失落時,總會想到我和想依靠我....
    但當我撐不住時...我又可以依靠誰?
    其實就是自己!~我會在這兒盡情宣洩我的陰影面....
    但回到工作和現實...就不容許我再脆弱....

    鐸兄,我可以,我相信你也可以!~共勉之!~

    回覆刪除
  14. 下場必挫曼聯 - 血洗奧脫福。

    回覆刪除
  15. 完全唔知林欣彤唱歌有乜咁好聽?鬼食泥咁!
    咬字又唔清楚,冇字幕我根本就唔知佢唱咩9?
    [版主回覆09/21/2010 02:38:00]
    聽o左半首我就好自然咁熄o左部電視...

    回覆刪除
  16. 今年D新人,我淨係鐘意閻奕格!佢真係又索又唱得~
    (唔知點解Yahoo Blog留唔到長回覆)
    [版主回覆09/21/2010 02:39:00]
    楚楚可憐的樣子,卻十分有爆發力!~

    回覆刪除
  17. 用沈默悶死別人, 唉, 不等於同時悶死自己 ...
    但假如妳一向是喜歡沉默不語的話,
    那 ... 對方一早已習慣 ... ... 還有用嗎 ??
    [版主回覆09/21/2010 02:40:00]
    我自嘲而已!~XDXDXD~

    回覆刪除
  18. 學臣條柒頭繼續出保臣LUCAS啦
    [版主回覆09/21/2010 02:41:00]
    出Meireles拍Joe Cole最好!~

    回覆刪除
  19. 處女林欣彤
    [版主回覆09/21/2010 02:43:00]
    處女....座?

    回覆刪除
  20. 早呵!垃圾來一件黑一件喇!無法喎!

    回覆刪除
  21. Time is Changing,好耐唔見你寫野喎,仲記得我嗎?
    好認同你將而家兩台歌唱比賽班友形容為海軍鬥水兵,
    我其實都唔知佢地一直以來係度選mud?
    係一堆唱到極難聽嘅人入面選一個較為ok嘅..
    其實又有mud意思呢?但難得而家d聽眾又受喎.

    係呢..你聽咗李克勤隻新碟【罪人】未呀?會唔會寫碟評?我覺得一般咋喎.

    我仍然會定時黎睇架,祝你早日脫離而家嘅困境,加油。
    [版主回覆09/21/2010 17:32:00]
    我記得你呀!~
    隻《罪人》我一陣會出去買!~好想睇個Moov Live!~

    講番巨聲,可能係我outdate啦!~
    我真係接受唔到一D連基本咬字同音準都未唱好嘅歌手....
    身為歌手,就要專業...
    唔同我哋...我哋鐘意響K房亂唱一通都可以!~
    咁當然..有人接受,其實佢哋己經成功左....
    呢個世界,從來都係商業社會....
    但係...你哋成日推一班根本唱唔好嘅人出黎....
    然後又成日話我哋唔支持香港樂壇....
    嘩!~大佬...你叫我點支持得落呀!?

    回覆刪除
  22. 世事有如潮流一刻長 一刻退
    長不可擋 退亦難避
    欲正道能維持 添生機 添生氣
    [版主回覆09/21/2010 16:58:00]
    魔與道

    回覆刪除
  23. 處理不到的事情不如暫時放低吧!點都好,你自己都要好好保重。
    [版主回覆09/21/2010 16:58:00]
    好,謝謝!~

    回覆刪除
  24. 超級海軍大戰水兵大道
    哈哈, 無錯, 就當係小朋友玩意啦!

    回覆刪除
  25. 幾時得閒?出來聚聚啦!成日唔聽電話~
    [版主回覆09/21/2010 16:57:00]
    公司收唔到呀....

    回覆刪除
  26. HEA BIG好波
    [版主回覆09/21/2010 16:54:00]
    貝碧教父.......我也服了他.......

    回覆刪除
  27. 為食妹和百厭仔2010年9月20日 下午1:53

    最近...真係發覺...好多野係...有心無力........

    回覆刪除
  28. 等到適當的時候才跟她說吧!!
    [版主回覆09/21/2010 16:52:00]
    我會嘗試,謝謝!~

    回覆刪除
  29. 域 (流亦詩)2010年9月20日 下午7:52

    哈囉、週一好!今日香港只有藝壇而無樂壇的。

    回覆刪除
  30. 但我真係撐唔到落去,有時真係好想就咁了結自己就算..但自己又唔甘心。
    [版主回覆09/21/2010 16:51:00]
    每個人都有每個人的感覺....我明白。
    但我覺得....要對你身邊的人負責任,
    儘管那些人為數是多還是少.....我是這樣想。

    回覆刪除
  31. 狂小子
    回來陪您們過中秋呀節日愉快

    回覆刪除
  32. 講真,兩台的歌唱比賽,一次也沒有看過,
    [版主回覆09/21/2010 16:37:00]
    沒有看過不是你的損失....

    回覆刪除
  33. 無錯,有D人就係咁撚賤!!迪哥唔使理呢個仆街!!
    [版主回覆09/21/2010 16:35:00]
    我準備將此人的預設鈴聲轉為靜音....

    回覆刪除
  34. ღ* Q u E E n i e *ღ2010年9月21日 下午9:17

    中秋節快樂!!!

    回覆刪除
  35. 有時候,生活是充滿無奈,
    有些事,更加是改變不了。

    回覆刪除
  36. "就用沈默悶死你"~~好方法,十卜十卜

    回覆刪除
  37. 愛上看你的BLOG,你都唔係成日POST,
    但一POST就真係好精財!! 正呀..圖文並X 支持支持!!

    回覆刪除