2010年1月23日星期六

2009回顧(電影篇 2)

工作關係,本人可謂睇盡好爛電影.....

2009年我心目中的爛片二十大(排名不分先後) 
家有囍事2009
大內密探靈靈狗
愛到底
血戰新世紀
矮仔多情
保持愛你
死神傻了
蕩寇
殺人犯  看後感
機器俠
狼災記
怪談
追影
刺陵
功夫廚神
Goal! III
龍珠:全新進化(Dragonball Evolution)
我係殺手,年中無休
The Limits of Control
死神4來了(The Final Destination

比悲傷更悲傷的故事


2009年我心目中的各項最爛選擇

最爛男主角


王祖藍(矮仔多情)
後記 :
坦白講,其實我幾鍾意睇王祖藍喺電視上嘅演出,
但唔知點解
佢一上大銀幕就完全變咗做另一回事。
我唔知佢係想急於表現定點啦!~ 
佢平時所有嘅硬滑稽表現方式,喺大銀幕放大下就更顯浮誇,
而最重要嘅係,印象中佢好似套套戲都係用埋D一式一樣咁演法,
次次都係講嘢高音D,然後好大動作咁搞一輪.....
再爆多幾句唔鹹唔淡嘅雞腸,最後就以一個極為得戚嘅表情作結尾,
老老實實,呢種極度「overact」嘅演戲方式,
做配角就還可以,
做主角?實在係睇壞觀眾對眼!

最爛女主角

鄧麗欣(保持愛你

後記 :
演語障人士,不過睇落似智障人士多D.....


最爛男配角

黃百鳴
家有囍事2009
最爛女配角

鄭融
死神傻了
最爛新演員

羅凱珊撲克王何浚尉愛情故事
 
最爛編劇 & 最爛導演 

杜緻朗、周顯揚殺人犯
後記 :
原來你們(編、導)才是真正的殺人犯。


最爛電影

龍珠:全新進化(Dragonball Evolution)/Goal! III
我的2009經已一一回顧完畢,希望所有Blog友在2010年各方面一切安好。

34 則留言:

  1. 王祖藍當最爛男主角真係當之無愧

    回覆刪除
  2. 最初對龍珠充滿期待,不過估唔到個戲情真係意料之外!

    回覆刪除
  3. 可唔可以加多套巨乳排球, 真係好爛
    [版主回覆01/30/2010 21:24:00]
    無睇過.....(反而睇過AV版!XD)

    回覆刪除
  4. 我眼中 王祖藍 的每一個動作 (不論演戲唱歌廣告及主持) 都 over 得好緊要....

    回覆刪除
  5. 比悲傷更悲傷的故事,名字的確可能會令人卻步。
    再加上我早己受不了韓國人的絕症情節,
    男女主角頂著眼袋苦著口面就想騙我的眼淚?
    這些老土招數,實在爛透了!
    [版主回覆01/30/2010 21:31:00]
    泡菜劇式絕症劇情,十級o既鬼哭神嚎.....
    男演員塗厚粉底,女演員終日哭哭啼啼....
    劇情拖拖拉拉...
    吵到人都崩潰.....

    回覆刪除
  6. 葉念琛呢條死肥仔根本就係香港電影既害群之馬,
    成日搵Stephy條港女拍埋d垃圾片,但係弊就弊在好多小朋友鐘意睇
    D MK仔女仲將佢片入面d垃圾愛情觀學到足
    獨家試愛,十分愛,,我的最愛,保持愛你
    愛愛愛,愛你老母咩肥琛
    仲有條港女獎門人Stephy,演技無,歌藝又無身材面貌亦無
    淨係識係度扮純情,仲話要進軍荷李活喎
    睇下條八婆同條死肥仔幾時收皮啊
    [版主回覆01/30/2010 21:14:00]
    鬼才「孽大導」曾經講過一句絕頂金句:「我要觀眾絕望!」

    回覆刪除
  7. 《家有囍事2009》不用說,劇情完全是夾硬堆砌出來,製作又差劣,
    跟當年的《家有囍事》(即周星馳、張國榮那個)完全不能相提並論。
    坦白說,若不是電視台播不用錢的話,
    根本不會在戲院或租碟看,完全浪費金錢和時間。

    其實你以上的爛片名單,我很多都沒看,因我很小心地選擇看電影,
    更不能容忍付60-70多元卻原來是一部爛片,我會很憤怒,故會盡量避看爛片的。
    去年我看的影片中,我個人認為是劣作的還包括:《金錢帝國》、《天水圍的夜與霧》、
    《復仇》及《竊聽風雲》,我知當中有些你是不同意,但純粹是個人見解而已。

    王祖藍其實是有才華的,我看他在《同事三分親》及《畢打自己人》都演得很好(尤其前者),
    但你也知在商業的社會上,加上無線的作風,通常若你掂了的話,都會不停為你接job...接job,
    兼要你不斷重複做同一事情及表情,總之要玩到你殘為止。That's why你會看見他是越來越誇張及過火,
    可能在某程度上不是他個人意願,也不能完全怪他的。當然,以上的都是我個人看法而已。
    [版主回覆01/30/2010 21:23:00]
    哈哈~~~相信如果唔係我o既工作關係....
    我都唔會見識到呢堆爛片....

    其實每個人對爛片o既定義都唔同....
    所以大家o既選擇當然亦會有少少唔同....
    你所提到的(劣作),其實大部份我都幾認同!~
    除o左《天水圍的夜與霧》....
    但我都明白你響blog度所講o既刻意之處....
    尤其係最後任達華殺張靜初果度....

    回覆刪除
  8. 真係睇到我媽媽声! 今年呢部呢?
    好唔好睇我都會去睇, 因為我鍾意睇鄭仲基做戲嘛.

    回覆刪除
  9. 最諷刺係好似係全年票房最高的港產片....=.=
    ....唉....真係睇完會變左殺人犯ar.....>.<
    完全同意Eminem兄的回應.
    [版主回覆01/30/2010 21:05:00]
    所以未來唔排除會有《開心鬼2012》....
    《八星2011報喜》同《最佳拍檔之千里救巨嬰》....

    回覆刪除
  10. Goal 3我未有時間看,真的很差嗎?
    [版主回覆01/30/2010 21:01:00]
    對.....非常差.....

    回覆刪除
  11. 2009十大港產爛片

    推介一:《殺人犯》

    理由:一部電影在導演及編劇的「合作」下打破歷年下限:對警務工作零認識的空想、處處犯駁的情節、離奇的聲音變動,電影難得地可以由頭爛到落尾,郭富城招牌式演繹為其爛效果加強不少。倘若不幸先行觀看電影預告片的話,恐怕觀畢後有已被殺的感覺。

    推介二:《死神傻了》

    理由:一個本來不俗的意念,可是受制於製作條件,結果出現紅磡當觀塘、場景來來去去相近。雖然電影有十多名演員領銜主演,但大部份演到不知所謂,當中酒樓一場各位演員演出木訥,足以反映觀看時觀眾反應,看起來也被質量嚇到傻了。

    推介三:《刺陵》

    理由:朱延平的「功力」,為電影提供了肥腫難分的周杰倫、表情欠奉的林志玲及語無輪次的曾志偉。劇本將一眾盜墓電影、西部電影以至《魔戒》都可以抄得爛透,電影頭尾植入式廣告明顯得令人髮指,剩下的只有犯駁截枝劇情,觀看時還以為是將片名倒轉成「凌遲」處死一樣。

    推介四:《花木蘭》

    理由:馬楚成傾力獻世之作:片中出現《星願》式騎呢思念、將軍陳坤催淚上更勝裴勇浚,眾人打鬥場面拍得無形無實,巾幗英雄花木蘭陷入韓劇苦戀,以往的愛情與動作強項全部陽萎,也許胡軍張大口的表情足以形容觀眾觀畢的驚嚇反應。

    推介五:《怪談》

    理由:電視節目拍成電影版本,結果水準還比電視也不如。電影為大家見証了司徒法正的力量,既可將明明沒有話題硬扯至多個話題,又可突然之間毫無先兆下在緊急關頭忽然出現,也許這些怪談,比起電影本來表達的主題更靈異,莫非要為觀眾來個就地「正法」?
    [版主回覆01/30/2010 20:51:00]
    我覺得《花木蘭》其實都過得去,雖然唔係好好,但唔算係爛片.......

    回覆刪除
  12. 推介六:《蕩寇》

    理由:除了攝影,電影幾乎達到一無是處之地。黃秋生與小田切讓於演繹上鬥無奈鬥不濟,同時劇本也鬥得過且過兼解拆不了。電影語言不停地轉、畫面不停地轉、演員不停地轉,結果電影玩藝不足但悶偽有餘,可算是今年助眠之選。

    推介七:《愛出貓》

    理由:七條的六條再次出動,換來一班更不濟的演員,結果即使演員用回自己名字演出卻只提供朗誦式演技。一眾導演各有各拍欠缺默契,結果出來電影拍到一截一截,人物關係忽然轉動,為學生們於開學先行被院商「出貓」,實在無奈。

    推介八:《愛得起》

    理由:馬偉豪與火火雙人合導的進退失據之作。電影將內地與香港搞到難以分清,邵兵的忽然狂躁固然難看,但遠遠不及陳柏霖欠缺層次的感情戲份。中港融合結果弄到水溝油的田地,花香港納稅人的錢在拍垃圾麼?

    推介九:《大內密探靈靈狗》

    理由:電影犯上喜劇大忌之一,就是令觀眾點笑也不太笑得出來。舊片重拍竟可一成不變欠缺思維,男、女主角喜感不足,通俗不足又創作力欠奉,到底王晶是否看得內地市場太久,就連創作思維也加上防火長城乎?

    推介十:《機器俠》

    理由:電影雖然有著不俗的愛情感覺,可惜除上以外爛處更多,片中人物每每不了了之,其造型水平還令人以為看A貨外語片, 鄭中基的不倫不類演出及胡軍不明所以的表達,為電影的爛味平添不少分數。
    [版主回覆01/30/2010 21:00:00]
    靈靈狗!?古天樂個撚太撚廣告都好笑過呢套野!!!~

    回覆刪除
  13. Worthless:

    Transformer 2
    Dragonball Evolution
    家有囍事2009
    殺人犯

    Has Redeeming Facet:

    Terminator Salvation
    The Twilight Saga:New Moon
    海雲臺
    [版主回覆01/30/2010 20:43:00]
    《海雲臺》本來ok...但有d地方拖得太長....

    回覆刪除
  14. 貝加的09爛片十大之選:
    家有囍事2009 , 龍珠 全新進化 , 跳出去 , 怪談 , 風雲2
    反轉豬腩是王子 , 殺人犯 , 撲克王 , 復仇 , 大內密探靈靈狗

    最爛男演員: 古天樂(撲克王)
    最爛女演員: 徐熙媛(大內密探靈靈狗)
    最爛劇本: 復仇
    最爛導演: 馮德倫(跳出去)
    [版主回覆01/30/2010 20:42:00]
    古天樂同徐熙媛做喜劇的確係好生硬...
    馮德倫大導演?唔係比BT害o既話,
    佢已經攞左奧斯卡啦!!~

    回覆刪除
  15. 殺人犯
    吸血新世紀2
    風雲2

    回覆刪除
  16. 彭氏契弟回水呀
    [版主回覆01/30/2010 20:36:00]
    挑!~兩條友仔又9UP.......

    回覆刪除
  17. 王祖藍,鄧走音 娛樂圈兩舊煩膠#yup# #yup#
    鄧走音: I am very thanks them[sosad] [sosad] [sosad] [sosad] [sosad]
    王祖藍 d所謂演技就真係膠到核爆...

    回覆刪除
  18. 殺人犯 「我尋晚又諗起你老婆喇」 Kama對腳可以玩成晚
    [版主回覆01/30/2010 20:35:00]
    又唔要 MIU MIU啦!?

    回覆刪除
  19. 剃刀・魯鐸克2010年1月27日 上午2:38

    殺人犯真係好爛,好心佢一係就由頭到尾都怪,
    唔好個劇本一開始就正正常常,然後無啦啦又懶係反高潮,
    導演個表達手法又滑稽,真係只能夠講句眼高手低..
    [版主回覆01/30/2010 20:34:00]
    講真,《家有囍事2009》同《矮仔多情》個劇本都好爛!~
    但《家有囍事2009》本來就係一套胡鬧賀歲片,
    而《矮仔多情》亦唔係一套劇情片...
    (雖然天若有情果part真係爛到仆街!~)

    回覆刪除
  20. 我覺得愛到底第一及第四個故事是ok的,但如果分別拍成一套90分鐘的電影就不行了﹗
    第一個故事那點無奈和傷感是有點令我動容的。
    而第四個故事像電視綜藝節目的笑劇多點,不過看周采詩投入的演出又有趣喎﹗
    [版主回覆01/30/2010 20:28:00]
    係...如果只係放響電視做短劇都ok........

    回覆刪除
  21. 家有喜事2009,真係垃圾中嘅垃圾!
    但呢套翻炒野竟然係上年最高票房港產片,
    咁唔怪得黃百鳴會再翻炒拍花田喜事2010啦!

    回覆刪除
  22. 可能王祖藍唱慣歌劇,佢做戲(包括電視劇)真係幾誇,
    第一二套還可接受,睇多幾次真係開始頂佢唔順。

    回覆刪除
  23. 我無睇刺綾,但朱延平呢兜友九十年代已經係專拍大爛片的表表者,
    阿周杰倫又完全唔識做戲,只能扮COOL掩飾,
    林志玲得個樣,做戲勁生硬,講真呢套野真係好睇極有限。
    [版主回覆01/30/2010 19:42:00]
    周杰倫忙住拍劇拍戲,上年連碟都無出....
    朱延平?一向都係爛片o既保證!~
    雖然《刺陵》比起08年o既絕世大爛片《功夫灌籃》o黎講...
    已經算係好D...但....爛片終究還是爛片......

    回覆刪除
  24. 上年的港產片真差勁

    回覆刪除
  25. 恭賀新禧!心想事成!

    回覆刪除
  26. 祝新春萬事勝意,身體健康!祝情人節有情人終於眷屬!

    回覆刪除
  27. 恭喜發財 萬事勝意 身體健康!

    回覆刪除
  28. 祝您財源廣進,身體健康,心想事成,合家平安!

    回覆刪除
  29. 我閒閒沒事幹在此祝你生活愉快...笑口常開

    回覆刪除
  30. 菲安咖啡分享店2010年2月16日 下午2:08

    我過來同你拜年,虎年事事順景!所有舊東西一掃而空!

    回覆刪除
  31. Time is Changing,

    凡事看開點,生活樂一點!

    祝你虎年心想事成,身體健康!
    [版主回覆03/05/2010 23:05:00]
    謝謝!~活活你也是啊!~

    回覆刪除
  32. 農曆新年已過了多天,快點開開心心回來啦!!!
    [版主回覆03/05/2010 23:05:00]
    司徒Sir!~我回來了!~

    回覆刪除