2009年我心目中的爛片二十大（排名不分先後）
大內密探靈靈狗
愛到底
血戰新世紀
矮仔多情
保持愛你
死神傻了
蕩寇
殺人犯 看後感
機器俠
狼災記
怪談
追影
刺陵
功夫廚神
Goal! III
龍珠：全新進化（Dragonball Evolution）
我係殺手，年中無休（The Limits of Control）
死神4來了（The Final Destination）
比悲傷更悲傷的故事
2009年我心目中的各項最爛選擇
最爛男主角
王祖藍（矮仔多情）
坦白講，其實我幾鍾意睇王祖藍喺電視上嘅演出，
但唔知點解，佢一上大銀幕就完全變咗做另一回事。
我唔知佢係想急於表現定點啦！～
佢平時所有嘅硬滑稽表現方式，喺大銀幕放大下就更顯浮誇，
而最重要嘅係，印象中佢好似套套戲都係用埋D一式一樣咁演法，
次次都係講嘢高音D，然後好大動作咁搞一輪.....
再爆多幾句唔鹹唔淡嘅雞腸，最後就以一個極為得戚嘅表情作結尾，
老老實實，呢種極度「overact」嘅演戲方式，
做配角就還可以，做主角？實在係睇壞觀眾對眼！～
最爛女主角
鄧麗欣（保持愛你）
演語障人士，不過睇落似智障人士多D.....
最爛男配角
黃百鳴（家有囍事2009）
鄭融（死神傻了）
羅凱珊（撲克王）、何浚尉（愛情故事）
最爛編劇 & 最爛導演
杜緻朗、周顯揚（殺人犯）
原來你們（編、導）才是真正的殺人犯。
最爛電影
龍珠：全新進化（Dragonball Evolution）／Goal! III
王祖藍當最爛男主角真係當之無愧
回覆刪除最初對龍珠充滿期待，不過估唔到個戲情真係意料之外!
回覆刪除可唔可以加多套巨乳排球, 真係好爛
回覆刪除[版主回覆01/30/2010 21:24:00]
無睇過.....(反而睇過AV版!XD)
我眼中 王祖藍 的每一個動作 (不論演戲唱歌廣告及主持) 都 over 得好緊要....
回覆刪除比悲傷更悲傷的故事，名字的確可能會令人卻步。
回覆刪除再加上我早己受不了韓國人的絕症情節，
男女主角頂著眼袋苦著口面就想騙我的眼淚？
這些老土招數，實在爛透了！
[版主回覆01/30/2010 21:31:00]
泡菜劇式絕症劇情,十級o既鬼哭神嚎.....
男演員塗厚粉底,女演員終日哭哭啼啼....
劇情拖拖拉拉...
吵到人都崩潰.....
葉念琛呢條死肥仔根本就係香港電影既害群之馬,
回覆刪除成日搵Stephy條港女拍埋d垃圾片,但係弊就弊在好多小朋友鐘意睇
D MK仔女仲將佢片入面d垃圾愛情觀學到足
獨家試愛,十分愛,,我的最愛,保持愛你
愛愛愛,愛你老母咩肥琛
仲有條港女獎門人Stephy,演技無,歌藝又無身材面貌亦無
淨係識係度扮純情,仲話要進軍荷李活喎
睇下條八婆同條死肥仔幾時收皮啊
[版主回覆01/30/2010 21:14:00]
鬼才「孽大導」曾經講過一句絕頂金句：「我要觀眾絕望！」
《家有囍事2009》不用說，劇情完全是夾硬堆砌出來，製作又差劣，
回覆刪除跟當年的《家有囍事》(即周星馳、張國榮那個)完全不能相提並論。
坦白說，若不是電視台播不用錢的話，
根本不會在戲院或租碟看，完全浪費金錢和時間。
其實你以上的爛片名單，我很多都沒看，因我很小心地選擇看電影，
更不能容忍付60-70多元卻原來是一部爛片，我會很憤怒，故會盡量避看爛片的。
去年我看的影片中，我個人認為是劣作的還包括：《金錢帝國》、《天水圍的夜與霧》、
《復仇》及《竊聽風雲》，我知當中有些你是不同意，但純粹是個人見解而已。
王祖藍其實是有才華的，我看他在《同事三分親》及《畢打自己人》都演得很好(尤其前者)，
但你也知在商業的社會上，加上無線的作風，通常若你掂了的話，都會不停為你接job...接job，
兼要你不斷重複做同一事情及表情，總之要玩到你殘為止。That's why你會看見他是越來越誇張及過火，
可能在某程度上不是他個人意願，也不能完全怪他的。當然，以上的都是我個人看法而已。
[版主回覆01/30/2010 21:23:00]
哈哈~~~相信如果唔係我o既工作關係....
我都唔會見識到呢堆爛片....
其實每個人對爛片o既定義都唔同....
所以大家o既選擇當然亦會有少少唔同....
你所提到的(劣作),其實大部份我都幾認同!~
除o左《天水圍的夜與霧》....
但我都明白你響blog度所講o既刻意之處....
尤其係最後任達華殺張靜初果度....
真係睇到我媽媽声! 今年呢部呢?
回覆刪除好唔好睇我都會去睇, 因為我鍾意睇鄭仲基做戲嘛.
最諷刺係好似係全年票房最高的港產片....=.=
回覆刪除....唉....真係睇完會變左殺人犯ar.....>.<
完全同意Eminem兄的回應.
[版主回覆01/30/2010 21:05:00]
所以未來唔排除會有《開心鬼2012》....
《八星2011報喜》同《最佳拍檔之千里救巨嬰》....
Goal 3我未有時間看,真的很差嗎?
回覆刪除[版主回覆01/30/2010 21:01:00]
對.....非常差.....
2009十大港產爛片
回覆刪除推介一：《殺人犯》
理由：一部電影在導演及編劇的「合作」下打破歷年下限：對警務工作零認識的空想、處處犯駁的情節、離奇的聲音變動，電影難得地可以由頭爛到落尾，郭富城招牌式演繹為其爛效果加強不少。倘若不幸先行觀看電影預告片的話，恐怕觀畢後有已被殺的感覺。
推介二：《死神傻了》
理由：一個本來不俗的意念，可是受制於製作條件，結果出現紅磡當觀塘、場景來來去去相近。雖然電影有十多名演員領銜主演，但大部份演到不知所謂，當中酒樓一場各位演員演出木訥，足以反映觀看時觀眾反應，看起來也被質量嚇到傻了。
推介三：《刺陵》
理由：朱延平的「功力」，為電影提供了肥腫難分的周杰倫、表情欠奉的林志玲及語無輪次的曾志偉。劇本將一眾盜墓電影、西部電影以至《魔戒》都可以抄得爛透，電影頭尾植入式廣告明顯得令人髮指，剩下的只有犯駁截枝劇情，觀看時還以為是將片名倒轉成「凌遲」處死一樣。
推介四：《花木蘭》
理由：馬楚成傾力獻世之作：片中出現《星願》式騎呢思念、將軍陳坤催淚上更勝裴勇浚，眾人打鬥場面拍得無形無實，巾幗英雄花木蘭陷入韓劇苦戀，以往的愛情與動作強項全部陽萎，也許胡軍張大口的表情足以形容觀眾觀畢的驚嚇反應。
推介五：《怪談》
理由：電視節目拍成電影版本，結果水準還比電視也不如。電影為大家見証了司徒法正的力量，既可將明明沒有話題硬扯至多個話題，又可突然之間毫無先兆下在緊急關頭忽然出現，也許這些怪談，比起電影本來表達的主題更靈異，莫非要為觀眾來個就地「正法」？
[版主回覆01/30/2010 20:51:00]
我覺得《花木蘭》其實都過得去，雖然唔係好好，但唔算係爛片.......
推介六：《蕩寇》
回覆刪除理由：除了攝影，電影幾乎達到一無是處之地。黃秋生與小田切讓於演繹上鬥無奈鬥不濟，同時劇本也鬥得過且過兼解拆不了。電影語言不停地轉、畫面不停地轉、演員不停地轉，結果電影玩藝不足但悶偽有餘，可算是今年助眠之選。
推介七：《愛出貓》
理由：七條的六條再次出動，換來一班更不濟的演員，結果即使演員用回自己名字演出卻只提供朗誦式演技。一眾導演各有各拍欠缺默契，結果出來電影拍到一截一截，人物關係忽然轉動，為學生們於開學先行被院商「出貓」，實在無奈。
推介八：《愛得起》
理由：馬偉豪與火火雙人合導的進退失據之作。電影將內地與香港搞到難以分清，邵兵的忽然狂躁固然難看，但遠遠不及陳柏霖欠缺層次的感情戲份。中港融合結果弄到水溝油的田地，花香港納稅人的錢在拍垃圾麼？
推介九：《大內密探靈靈狗》
理由：電影犯上喜劇大忌之一，就是令觀眾點笑也不太笑得出來。舊片重拍竟可一成不變欠缺思維，男、女主角喜感不足，通俗不足又創作力欠奉，到底王晶是否看得內地市場太久，就連創作思維也加上防火長城乎？
推介十：《機器俠》
理由：電影雖然有著不俗的愛情感覺，可惜除上以外爛處更多，片中人物每每不了了之，其造型水平還令人以為看Ａ貨外語片， 鄭中基的不倫不類演出及胡軍不明所以的表達，為電影的爛味平添不少分數。
[版主回覆01/30/2010 21:00:00]
靈靈狗!?古天樂個撚太撚廣告都好笑過呢套野!!!~
Worthless:
回覆刪除Transformer 2
Dragonball Evolution
家有囍事2009
殺人犯
Has Redeeming Facet:
Terminator Salvation
The Twilight Saga:New Moon
海雲臺
[版主回覆01/30/2010 20:43:00]
《海雲臺》本來ok...但有d地方拖得太長....
貝加的09爛片十大之選:
回覆刪除家有囍事2009 , 龍珠 全新進化 , 跳出去 , 怪談 , 風雲2
反轉豬腩是王子 , 殺人犯 , 撲克王 , 復仇 , 大內密探靈靈狗
最爛男演員: 古天樂(撲克王)
最爛女演員: 徐熙媛(大內密探靈靈狗)
最爛劇本: 復仇
最爛導演: 馮德倫(跳出去)
[版主回覆01/30/2010 20:42:00]
古天樂同徐熙媛做喜劇的確係好生硬...
馮德倫大導演?唔係比BT害o既話,
佢已經攞左奧斯卡啦!!~
殺人犯
回覆刪除吸血新世紀2
風雲2
彭氏契弟回水呀
回覆刪除[版主回覆01/30/2010 20:36:00]
挑!~兩條友仔又9UP.......
王祖藍,鄧走音 娛樂圈兩舊煩膠#yup# #yup#
回覆刪除鄧走音: I am very thanks them[sosad] [sosad] [sosad] [sosad] [sosad]
王祖藍 d所謂演技就真係膠到核爆...
殺人犯 「我尋晚又諗起你老婆喇」 Kama對腳可以玩成晚
回覆刪除[版主回覆01/30/2010 20:35:00]
又唔要 MIU MIU啦!?
殺人犯真係好爛，好心佢一係就由頭到尾都怪，
回覆刪除唔好個劇本一開始就正正常常，然後無啦啦又懶係反高潮，
導演個表達手法又滑稽，真係只能夠講句眼高手低..
[版主回覆01/30/2010 20:34:00]
講真,《家有囍事2009》同《矮仔多情》個劇本都好爛!~
但《家有囍事2009》本來就係一套胡鬧賀歲片,
而《矮仔多情》亦唔係一套劇情片...
(雖然天若有情果part真係爛到仆街!~)
我覺得愛到底第一及第四個故事是ok的，但如果分別拍成一套90分鐘的電影就不行了﹗
回覆刪除第一個故事那點無奈和傷感是有點令我動容的。
而第四個故事像電視綜藝節目的笑劇多點，不過看周采詩投入的演出又有趣喎﹗
[版主回覆01/30/2010 20:28:00]
係...如果只係放響電視做短劇都ok........
家有喜事2009,真係垃圾中嘅垃圾！
回覆刪除但呢套翻炒野竟然係上年最高票房港產片,
咁唔怪得黃百鳴會再翻炒拍花田喜事2010啦！
可能王祖藍唱慣歌劇，佢做戲(包括電視劇)真係幾誇，
回覆刪除第一二套還可接受，睇多幾次真係開始頂佢唔順。
我無睇刺綾，但朱延平呢兜友九十年代已經係專拍大爛片的表表者，
回覆刪除阿周杰倫又完全唔識做戲，只能扮COOL掩飾，
林志玲得個樣，做戲勁生硬，講真呢套野真係好睇極有限。
[版主回覆01/30/2010 19:42:00]
周杰倫忙住拍劇拍戲,上年連碟都無出....
朱延平?一向都係爛片o既保證!~
雖然《刺陵》比起08年o既絕世大爛片《功夫灌籃》o黎講...
已經算係好D...但....爛片終究還是爛片......
好少睇戲
回覆刪除上年的港產片真差勁
回覆刪除恭賀新禧！心想事成！
回覆刪除祝新春萬事勝意，身體健康！祝情人節有情人終於眷屬！
回覆刪除謹賀新年~
回覆刪除恭喜發財 萬事勝意 身體健康!
回覆刪除祝您財源廣進，身體健康，心想事成，合家平安!
回覆刪除我閒閒沒事幹在此祝你生活愉快...笑口常開
回覆刪除我過來同你拜年，虎年事事順景！所有舊東西一掃而空！
回覆刪除Time is Changing,
回覆刪除凡事看開點，生活樂一點！
祝你虎年心想事成，身體健康！
[版主回覆03/05/2010 23:05:00]
謝謝!~活活你也是啊!~
農曆新年已過了多天，快點開開心心回來啦!!!
回覆刪除[版主回覆03/05/2010 23:05:00]
司徒Sir!~我回來了!~