2009年8月5日 星期三

最後……你也走了 - Xabi

經過一輪擾釀之後,
沙比最終還是選擇乘搭「銀河艦艇」離開「晏菲路」....
但我相信大部分利迷應該都會尊重他的決定!
至少在我心目中,他絕不是一個見利忘義的叛徒!
沙比,記得你首次為利記上陣對保頓的時候...
我就曾對一位朋友說:「我終於找到列納的接班人了!」
我之所以這樣說是因為沙比列納一樣,
都是一位能傳能射,眼界廣闊的中場大腦!
從他們身上,很容易便會找到一些相似的特質...
沙比列納同樣都是球壇數一數二的帥哥,
除了能夠長傳、遠射和控制中場之外,
還擁有高度的閱讀球賽能力和出色的自由球技巧!
經歷過「Spicy Boy時代」的利迷,
相信就應該會較為明白我的想法吧!
但老實說,如果要我認真去比較的話...
我認為以整體而言,沙比其實比列納還要強得多!
舊的不走,新的不來...
沙比的替補人選,帥似乎已經鎖定了幾個目標...
保臣阿古蘭尼還有比利時的迪科亞...
到最後不論是誰加盟,我們都必需接受「沒有沙比的日子」。
再見了,沙比
你為利記作出的貢獻,我們利迷將會永留心中!!
祝你在「銀河艦隊」發展順利,YNWA!!!

18 則留言:

  1. 真係唔想沙比走,不過我地會專重佢既決定。
    其實官方係唔係已經確認左?因為今日會考放榜,所以我未有時間睇利記既消息。
    最希望阿古蘭尼可以加盟啦,佢既射述真係唔錯,D世界波可能仲多過隊長。
    打破悶局可能係靠佢!但佢做唔做到沙比既野仲係未知知數!點都好啦,我地都要支持佢。
    [版主回覆08/05/2009 22:18:00]
    「皇馬」官方已經確認o左!~
    另外,我同你一樣....都好希望阿古蘭尼可以加盟!~
    因為除左利記,我最鐘意o既球隊就係「羅馬」!~
    但我就頗擔心佢會適應唔到英超o既節奏...
    老實講,自蘇拿之後....
    近年己經好少意粉國球員可以響英超球壇上占一席位啦!~

    回覆刪除
  2. 真係真係好唔捨得佢離開利記呀......
    我都相信佢走絕對不是見利忘義的, 作為佢的FANS當然會祝福佢的發展更上一層樓!

    回覆刪除
  3. 冇左沙比, 唯恐托利斯都會回落, 甚至.....
    [版主回覆08/06/2009 22:04:00]
    我而家反而係擔心代替沙比o既阿古蘭尼會過唔到體測..........

    回覆刪除
  4. Sorry呀 ~ 你在我網誌的回應我以為係講緊本小說 ~ ~
    沙比今次離開,其實上季季頭賓sir已經俾足心理準備我地....
    誰知沙比爭氣得咁緊要,打出表現最好的一季,怎教我地一眾利迷唔黯然呢~ ~ 唉。
    天下無不散之筵席,今次和平分手亦令大家冇咁唔開心。
    希望沙比更上一層樓,可以的話...........早日回歸紅軍。
    [版主回覆08/07/2009 19:34:00]
    唔緊要唔緊要!~
    唉....其實我地真係唔怪得沙比....
    賓Sir上季初已經放哂風話想賣走佢,
    仲不停想買巴利番o黎取代佢!!~
    但之後又嫌錢少唔放佢走!!~
    老實講,俾著我都灰啦!!~
    但沙比上季無好似Hea碧響熱刺果陣咁交行貨....
    而且仲打出超水準!!~
    其實都算係仁至義盡啦!!~
    咁專業o既一個球員,又抵我地咁錫佢o既!!~

    回覆刪除
  5. 傷心中...係利記最有望一奪失落19年聯賽冠軍既一季失去中場大將,唉~
    點都好,多謝沙比仔對利記咁多年既貢獻!
    [版主回覆08/07/2009 19:20:00]
    唯有樂觀一點啦!~
    舊o既唔走,新o既唔o黎...
    希望阿古蘭尼可以響利記發熱發光....
    但最緊要都係健健康康!!~

    回覆刪除
  6. 懷斯:阿古蘭尼比艾朗素「更危險」

    在羅馬隊的挪威後衛看來,意大利國腳比西班牙國腳具有更強的進攻性……

    前利物浦球員懷斯一年前加盟了意甲勁旅羅馬,現在已逐漸適應了意甲環境的他卻在這兩天看著土生土長的羅馬中場阿古蘭尼前往利物浦,用以頂替已前往皇家馬德里的艾朗素。

    28歲的懷斯在《每日快報》上對比起了自己的兩個前隊友,「當我剛到羅馬隊時,我還沒聽說過阿古蘭尼。那時我只知道托迪、迪羅斯和麥薩斯。當然在我初到羅馬的那幾個月中,極有能力的阿古蘭尼是最讓我感到驚喜的球員。」

    懷斯接著談了阿古蘭尼具有的才能,「他控球很好,所以能傳出好球、做出精妙的跑位,他極具職業素養而且還勤奮努力。他盤球不是因為個人表現,而是希望推動全隊進攻。他從不會原地不動,他總在奔跑不息。」

    「他的跑動確實比艾朗素多,而在禁區中的拿球和射門他也應該比艾朗素厲害。」

    「我剛到羅馬時,阿古蘭尼是我的鄰居,並給了我很多的幫助。他是我的好友,利物浦得到了一個好球員。」

    懷斯最後認為阿古蘭尼能很快適應更強調身體對抗的英超聯賽,「意甲和英超有著明顯的不同之處,意甲有更多的戰術,而英超則需要球員90分鐘內不停的上下跑動,英超更強調力量和身體對抗。」

    「但C朗拿度也不具備踢英超的體格,但他卻成為了近幾年英超的頭牌球星。每個人都能適應,這只需要時間,關鍵在於適應時間的長短。我很幸運,我從摩納哥前往紅軍很快就適應了。阿古蘭尼是能最大程度展現自己才華並渴望證明自己的球員,所以利物浦為他而來,你就很難說不。 」(Goal.com)

    希望真係如懷斯所言啦!!!~

    回覆刪除
  7. 沙比同列納真係好似,而且兩個都係靚仔~
    雖然我唔熟阿古蘭尼,只係睇過佢幾個射球既片,然而佢既射門的確係令我眼前一亮,
    不過佢似乎係個長期傷患既球員,呢一點真係令人有D擔心...

    回覆刪除
  8. AQUILANI AGREES CONTRACT

    Liverpool FC 07 August 2009

    Liverpool FC confirmed this evening that Alberto Aquilani has successfully completed a medical and agreed a 5-year contract with the club.
    The player will now continue his rehabilitation from an ankle operation under the guidance of Liverpool's medical team and is expected to be fully fit in approximately 4-8 weeks time.

    回覆刪除
  9. Redknapp 我好鍾意佢可惜成日傷.
    [版主回覆08/09/2009 21:04:00]
    唉~~好懷念一班「Spicy Boy」........
    但無奈身邊真係無咩人識列納!~

    一齊重溫下列納響利記的日子 :
    http://www.youtube.com/watch?v=z8GWBQT7KwA

    回覆刪除
  10. 佢果期利記好多正人.....如麥卡迪亞,麥馬拿文,科拿,哥利麽亞,
    [版主回覆08/09/2009 22:03:00]
    嘩!~好開心可以搵到個同期球迷呀!~

    麥卡迪亞...
    果陣佢成日右路攻上,間唔中都會有D神來之筆!!~
    佢而家響「燦美爾」做緊助教!!~

    老麥...
    唉~~離開「皇馬」之後去左「曼城」,
    一腳好波都沒踢過.....最後仲退埋休!~
    哈哈~~佢而家成個人肥肥白白!!~

    科拿同哥利摩亞.......
    相信任何一個由伊雲斯時代開始成為「利記」球迷o既人,
    都無咩可能會唔記得呢對黃金拍檔!!~
    呢對亦係我最愛o既「利記」前線組合!!~
    95-96球季,佢地合力攻入o左成55球!!~
    哥利摩亞其實真係好有天份,但可惜唔自愛....
    不過最搞笑都係佢後來無啦啦走去客串《本能》續集!~

    回覆刪除
  11. 當年你有無睇依塲波!利記vs紐記 果時我都未愛紐記 最後哥科摩亞入果球我開心到跳起.
    http://www.youtube.com/watch?v=EEee1qoIQHg
    [版主回覆08/09/2009 23:48:00]
    有呀有呀!!~
    科拿同哥利摩亞 呢對黃金拍檔真係主宰o左成場比賽!~
    尤其係哥利摩亞!!!~呢場波響小弟心目中....
    簡直就比525歐聯嬴「AC」果場更經典!!~

    話時話,果陣o既「紐記」都好勁!!~
    一班有前無後o既球星,同「利記」一樣娛樂性十足!!!~
    有型過碧咸o既真路拿、「紐記」當年o既射手費迪南....
    又有同華達拉馬、連干同期o既「哥倫比亞」國腳艾斯派拿!~
    佢係一個速度與技術兼備o既一流前鋒!!~

    此外果陣亦係奇雲基瑾領隊生涯o既黃金時代,
    仲差D壓倒「獌」拎聯賽冠軍添!!!~

    回覆刪除
  12. You'll Never Walk Alone...

    回覆刪除
  13. 「我十分感謝一班熱情的利物浦球迷,五年來對我的支持。
    這實在是非常難得的,我真的非常享受這五年。」

    「幾個月前我覺得是時候要迎接新挑戰,於是就下了決定,尋找一家新球會。
    那就是皇家馬德里介入的時候,幸運地,轉會交易得以達成,我真的很高興。」

    「我認為這是我在球員生涯上,一次必需面對的個人挑戰。」

    「我感到那是一個正確的決定,於是就尋求轉變,尋求新的經歷,
    當皇馬表示對我感到興趣,我就決定重返西班牙。」 沙比阿朗素說。

    回覆刪除
  14. 唯一感到遺憾係佢居然要同基斯癱奴同隊!

    回覆刪除
  15. 所有利迷都會感謝沙比對利物浦ge貢獻,我地永遠都唔會忘記佢架!
    祝佢係皇馬會有好ge發展,亦都要歡迎阿古蘭尼ge來投!

    回覆刪除
  16. 今季無咗沙比亞朗素,中場完全無人派牌,如果靠盧卡屎就死得啦

    回覆刪除