千鈞一髮、險過剃毛、相當刺激……

頭先探完嫲嫲同柏盛去咗老麥吹水，
我只係飲咗一杯中雪碧同食咗包細薯條，
走嗰陣個肚都冇乜嘢㗎！點知當我一上車，個肚就忽然間狂痛，
係前所未有嘅嗰種劇痛，直頭好似萬馬奔騰一樣！
正當我想縮沙落車嗰陣，OH！車門已關！直出大老山……
一入隧道，我個人開始坐立不安，仲不停咁喺架車度行嚟行去，
好快我已經忍到面青口唇白仲標晒油，咁我唯有出絕招，
深呼吸漲大個肚，嘗試將D屎谷返入去，果然冇耐即刻見效，
但係好景不常，當我好辛苦咁捱過呢五分鐘嘅【大老山生死時速】，
我個肚又再次嚟料，當時我好撚緊張，真係好驚頂唔住！
之後架車一停站我即時閃電式跳落車，但一落地我就心知不妙喇！
What The Fuck？呢度竟然四周圍都冇屎坑？
咁就仆街喇！唔通我條型到爆嘅Wrangler真係要葬身喺呢度？
於是我就爆發自己最大嘅小宇宙，用埋生命僅餘嘅一啖氣，
深呼吸快步行過一條好撚長嘅行人天橋，博一博對面會唔會有屎坑，
但好不幸，我又再度估計錯誤，心諗：「死喇！呢次真係賴閪喇！」
幸好，當我想放棄之際，有一個神位（崗位）突然出現喺我眼前，
裡面仲坐住一個著住螢光衫嘅叔叔，嗰呢一刻，我覺得個阿叔就有如耶穌降臨一樣，
跟住我唔理三七廿一劉翔上身咁跳過條欄杆，然後再大力拍佢玻璃，
請求佢借坑一屙，最後多得呢位螢光教父拯救咗我，准我入去用佢哋個員工屎坑，
當我一入廁格，我就立即褲連底褲一嘢除落嚟，
哇屌呀！條屎仲快撚過行雷閃電呀！我諗只要遲多三秒左右……
我就肯定會玩撚完！舊屎好大督，賴咗就大碌！感謝主，阿門！