11/6/2009 - 旺中Neway失聲唱K遊

當日主題 - 三條光棍齊齊唱

每年都例牌會同華Dee、柏盛去唱一次K，
學Eason話齋：「索K？不如唱K啦！」
有時候悶得太耐，真係好想發洩一下！

嘿嘿～對於我嚟講，唱K一定要同佢哋兩個死仔去唱先至最啱key，
起碼有時我點一D偏門少少嘅歌都唔會畀人當我係異類先啦！

呢幾日Yahoo blog唔知點解成日都放唔到D歌上嚟，

卒之要搞到而家先放到，真係激死！！
唉～有時壞下D人次數目同訪客名單都算係小事呀！
但而家連D基本功能都有問題，唉～簡直係無言……

《11/6/2009 旺中Neway 失聲唱K遊部份實錄》

咦～旺中Neway D壽司好似比以前新鮮咗喎！起碼叫做入得下口！
哈哈～講真，其實嗰日我哋三條友似係嚟飲飲食食同吹水多過嚟唱歌囉！
嘻～無計啦！我嚟之前就話已經喺女朋友度食咗飯啫！
但柏盛同華仔兩兜友喺出發之前就冇乜點食過嘢，
所以一嚟到佢哋就猛咁喺度嗌嘢食，而我就負責專心唱歌。

好！廢話唔多講！事不宜遲，去歌！

首先登場嘅，係我哋09年嘅超級巨聲 - Chun Wa Tong！ 

是日推介 -《神啊！求求讓我睡》

今晚唱勁歌 -《白金升降機》

深情演繹 -《傻女》

鬼魅之音 -《達文西密碼》

嘩～華仔當日嘅爆發力真係超強呀！絕對係可遇不可求！

好！我哋有請第二條光棍出場！ 
佢就係歌聲中充滿酒味，人稱「終極霸王代言人」嘅超級爛聲王 - 成蟲！

很亮！很爛！很柔！ -《再見演奏廳》

我一開口，聽眾一定會罵我！ -《在水中央》

一開始唱的時候，其實我是拒絕的！ -《天鳥》

唱！唱！唱！唱！ -《衝口而出》

我要給聽眾聽到，我喝完酒之後的聲音是這樣子！
你們喝完之後，也是這樣子！

好！最後我哋有請第三條壓軸光棍出場！
佢就係人稱「翻版蔡瘋華」，綽號舞（冇）台型白馬王子嘅Shing Shing！

瘋華首本名曲 -《愛不是遊戲》

Is This RAP？So Cool！-《Where Is The Love?》

挑戰巨聲華神飲歌 -《Stayin'Alive》

嘩！白馬王子一出，真係誰乳爭峰呀！！

特別放送：成蟲、華神Encore齊齊唱！

與華Dee的聲音玩捉迷藏 - 《深深深》

我們的飲歌 -《這一個夜》

鬆一鬆，享受這分鐘！-《數字人生》


老實講，近年我個人比以前開懷咗，真係要多得華Dee同柏盛呢兩條死仔，

尤其係喺我前幾年最低潮嘅時候，佢哋的確係畀咗好多正能量我，
對此我實在無言感激，點都好，總之一切在心中啦！

今日就當係做過記錄，等我過多排又可以拎嚟睇返開心下，
引用一位Blog友nic喺網誌一句幾有共鳴嘅說話：
「縱使將來叫我放低過去，但我還願將來會記得，
一點一滴的回憶也希望會記得，這也是我寫Blog的其中一個原因。」