2009年3月19日 星期四

短暫的生命

記得早排幫呢齣戲打trailer,齋睇個戲名仲以為係一部法國文藝片!
點知後來發現原來係一套非常寫實嘅港產片嚟 
喺預告中佢哋特別強調呢部戲有「絕少電影夠膽採用的三級題材」……
的確,呢類題材
港片中真係十分少見外國反而就見怪不怪 
不過能夠完全放棄內地市場,呢一點真係絕對值得我哋多多鼓勵
因為近年香港D電影
,有好多都好似淨係想拍俾大陸人睇咁…… 
有D仲完全係為咗內地市場而拍搞到拍出嚟嘅嘢就完全無哂港片嘅原有風味。
言歸正傳,我起初對呢套戲其實都幾期待!
因為我一向都幾鐘意睇一D比較寫實化嘅港片……
好似《香港製造》呀
《三五成群》呀 
同埋早年徐克《第一類型危險》等等…… 
不過當我知道呢套戲導演……
原來係「誠意十足
但技巧好俗」羅守耀之後……
我個心就當堂涼左一截因為呢類題材真係好考導演功力㗎
拍得太激又怕過唔到電檢
說教意味太重又會悶親D觀眾……
所以
要喺呢兩點中間取得平衡實在係唔容易 
咁究竟羅守耀今次嘅執導功力又有冇進步呢?我今朝早就喺公司睇咗頭場
哈~都係差唔多一貫風格鏡頭又係疾下疾下矇查查咁
至於D剪接就簡直係亂咁嚟但值得一讚係喺差館盤問嘅嗰幾場戲就拍得幾有張力!
而嚴刑迫供幾幕就疑似抄襲《賊王》同《發條燈》……
另外,喺戲嘅中段開始D文戲就略嫌過多,一度令我以為自己睇緊港台節目。
最後就係戲中一D爆粗同血腥場面我自己就認為都唔算over
一係就唔好爆,係爆就爆到盡呀嘛!就住就住咪仲唔自然!
不過邵美琪一下子handle咁多粗口就真係有D難為佢喇!
寫到邵美琪,又寫下呢套戲嘅選角問題!我認為成套戲最令我有驚喜嘅就係唐寧!
一向都覺得呢位女演員冇乜演技,每次做戲都好鐘意瞪大對眼嚟講對白……
把聲又勁唔自然!不過,今次佢演呢個既可恥又可憐嘅母親就的確係演技大躍進。
講真,碧琪呢個角色雖然係可以俾到演員有好多空間去發揮,但其實真係唔容易演㗎!
嗰種內心嘅矛盾同掙扎……真係需要有一定功力嘅演員先可以掌握得到!
而唐寧今次喺戲入面嘅演繹,我認為唔算出色,但就絕對合格有餘!
尤其係有場戲佢求邵美琪唔好再打佢,你睇到呢幕嗰陣就真係會有少少同情呢個女人……
另一個演技大躍進嘅演員我覺得就係張文慈!
估唔到佢收起性感去演一個爛撻撻差婆又幾入型入格喎
 
而邵美琪飾演嘅警務助理處長,
除咗有我之前所講佢handle唔到粗口呢個問題之外……
個角色其實都幾適合佢做!因為邵美琪本身個外型就已經好smart!
所以演繹起呢類女強人角色,單靠外型基本上就已經事半功倍。
咁當然我又唔係話佢入唔到戲,佢係入到局,表情亦做到足……
但邵美琪一向喺演技上最大嘅致命傷,就係佢講對白實在係太生硬!
所以呢次仲要佢handle咁多粗口,真係同喺傷口度灑鹽冇乜分別!
至於喺戲中演受害女童嘅嗰位小妹妹就有優點亦有缺點!
優點係佢唔似得時下嘅小演員咁,個個都俾人包裝到好似明星一樣!
就係因為呢位小妹妹完全冇星味,所以先令成套戲個真實感更加強烈。
而缺點呢……就係佢真係完全冇演技囉!哈哈哈~
不過佢本身喺戲入面嘅戲份其實都係得好少……
 
寫完女演員,又寫下呢套戲嘅主線男角彭敬慈!
個人認為,佢今次做呢個變態仆街角色實在係做得唔係好夠投入!
特別係佢D眼神就真係似陰濕多過似鹹濕!哈~

唔知點解,忽然間我就諗起一位演變態仆街演到上哂身嘅男演員!
佢就係當年喺影圈被人稱為「四大惡人」之首嘅何家駒!
唉~老實講,呢類演員而家喺香港真係已經賣少見少喇!

另外,喺呢套戲入面仲有唔少演員參與客串演出……
而其中張兆輝Benz雄用嚟做閒角就實在係太浪費! 
至於羅芷晴、鄧上文呂慧儀呢個組合就更加係完全唔掂
簡直係全部錯配
呀!公仔箱味極重之餘又無演技
聽聞《短暫的生命》呢齣戲係改篇至真人真事……
我對呢段新聞都好似有少少印象,但就唔太記得個詳情……
講真
睇到呢D令人心痛風化虐殺案……
喺戲中
一幕經典對白就真係完全可以代表我心聲……

「我唔X理你攞你個X去俾邊個X,
你攞X埋你個屎「忽」窿都唔關我事!
但係你唔可以搞你個女!佢得十一歲咋!」



佩服羅導演有如此膽量,但無奈就力不從心……
我覺得呢類題材如果交俾邱禮濤同陳果去拍,個效果就一定會更為討好!
哈哈~話時話都好耐都冇寫過一篇咁長嘅電影看後感喇!
不過點都好啦繼續支持有誠意香港電影 

 
題外話,呢張Poster我一開頭驟眼睇仲以為個女人係楊千嬅嚟!真係好鬼似!

6 則留言:

  1. 不好意思呀!因為我唔敢看,但係我又有好多野想知,不知道你能否解答我呢?
    我想知,為什麼要咁多人張開唐寧對眼?
    為什麼邵美琪忽然要查番單案?
    還有的是,那小女孩真的被打死嗎?為什麼唐寧要打死她呢???

    希望收到你的回覆,感激不盡!

    回覆刪除
  2. TO BEE:

    那小女孩真的被打死了.....
    因為唐寧演的母親~
    眼見同居男友性侵犯自己女兒~
    不但啞忍當看不見~
    反正還認為女兒為甚麼不自我反抗!~
    因而將怒火發洩在女兒身上!~
    最後更錯手將她打死了!~

    邵美琪演的角色,其女兒也是曾被性侵犯的!~

    咁多人張開唐寧對眼是因為她一直不肯講真話...
    所以她們(女警)便逼她看她同居男友的自拍影片~
    內容就是性侵犯她女兒!~

    希望能解答到你的疑問啦!~

    回覆刪除
  3. 真的十分感謝你的解答,現在我明白了,謝謝!

    回覆刪除
  4. 唉! 我一向都唔睇戲的, 叫我點回應你呢? 唔好怪我少來啊! 一有合我的文章定必早到, 謝謝分享!

    回覆刪除
  5. 你寫的影評樂評一向出色呢~
    相信你的分析力啊 ~~

    回覆刪除