2009年1月1日星期四

我的2008

話咁快又一年喇!同上年一樣……
倒數時間我依然都係喺工作中渡過,
哈~同07年自我回顧句開場白幾乎係一模一樣!
不過基本上近四、五年都係咁㗎喇!
講真呀~喺呢個時勢,有得撈其實都係一種幸福嚟。
回顧08年,總括嚟講同07年嘅分別都唔算好大,
係轉咗公司之後工作就比以前更加忙囉!
而我喺08年頭承諾會改下自己啲臭脾氣,
嚟到今日我覺得我都算係做到一半啦!
愛情方面,冇乜特別,
同女朋友各有各忙,見面少咗,但溝通反而就多咗。 
喺工作方面,雖然有啲前輩一早提醒過我,
話《The Grand》係一個龍潭虎穴,叫我萬事小心!
起初,我諗住我應該可以handle到裡面嘅嘢,
咪唔理三九廿七膽粗粗入去見識下囉!
終於就賴咗鑊甘,估唔到我會咁快畀班PK睇到我弱點,
但係冇計啦!若果要我做衰仔親手出賣自己師父,
我就真係寧願好似而家咁一走了之!
正所謂東家唔打打西家,反正有手有腳我又唔怕冇嘢撈喎!
唉~只可惜到後來昌哥自己又唔生性,
搞咗一大輪卒之都係要畀人揼落油鑊做豉椒炒魷,
喂~大佬呀!我明明已經幫你搞掂咗單嘢㗎啦!
你做乜仲要唔識死走去同人打官司呀?
屌~你咪戇鳩鳩咁啦!人哋堂堂一間大公司,
齋用錢都打撚死你啦!你睇下你家吓似乜?
幾十歲人搞到嘢又冇得撈,仲要連堂費都蝕鳩埋!
你話你呢鋪係咪柒到出煙先?但好彩個天都算公平,
想當日你班仆街高層用埋啲下三流手段去欺壓班基層員工,
勢估唔到間戲院開咗唔夠一年就畀《邵氏》接管返嚟做,
然後點呢?咪一Q過炒柒晒你班粉腸囉!
鬥鬥鬥……鬥乜春呀?你哋同我一樣都係人哋嘅condom嚟咋!
離開咗呢個鬼地方,我就單人匹馬殺咗入《屯門凱都戲院》,
眨下眼返咗呢份工都有一段時間,感覺上都唔錯,
幾自由又冇之前咁大壓力,而平均工作時間亦唔算好長,
每日都係返六、七個鐘左右,係有時候要開午夜場嘅話,
就會返多兩粒幾鐘,同埋放工就要搭啲「亡命極速小巴」,
而喺同事放假嗰陣我就要一條友負責三條院線。
另外,呢度堆放映機嘅款都幾鬼舊,
有啲款我之前仲從來都冇接觸過,
但玩咗一個禮拜左右我總算可以一支公獨立工作,
嗯~我諗,我大概會喺度做多兩三年左右啦!
事關呢度離屋企實在係太遠喇!喺交通方面確實係好唔方便,
所以我嚟做嗰陣就一早同搵我幫手位朋友講咗,
我嚟呢度只係過渡性質,學埋嗰三成放映功夫,
再操熟部NEC數碼機,如無意外我就會即刻閃人。
喺家庭同朋友方面,
上年我身邊就有好多朋友同家人嘅身體都唔多健康,
好似我老母呀!盛恩呀!柏盛呀!小玲呀!愛綾呀等等……
希望咁多位喺新一年都要好好保重身子呀!
至於今年我嘅心願就只有一個,
就係希望我每一個家人、朋友……
包括我自己同隻貓貓個個都身體健康、快快樂樂。
好~再見喇!不過不失嘅2008年……
09年大家繼續捱啦!哈哈~

6 則留言:

  1. 此處不留人,自有留人處。
    [版主回覆01/05/2009 22:33:00]對!~天涯何處無影院!~哈哈~~

    回覆刪除
  2. 09快樂
    [版主回覆01/05/2009 22:32:00]多謝!~

    回覆刪除
  3. 好鍾意同貓貓玩,摸下佢地頭、身、同手仔,抱下佢地係懷裏,感覺很舒服、很温暖。

    回覆刪除