2009年1月1日 星期四

我的2008

話咁快又一年喇!同上年一樣……
倒數時間我依然都係喺工作中渡過!
哈~同07年自我回顧句開場白幾乎係一模一樣!
不過基本上近四、五年都係咁㗎喇!
講真呀~喺呢個時勢……有得撈其實已經好幸福!
回顧08年,查實同07年分別都唔算好大!
係轉咗公司之後工作比以前更加忙咗囉!
至於我喺08年承諾會改下自己啲臭脾氣……
我覺得我都算係做到一半啦!
愛情方面,冇乜特別!
大家各有各忙,見面少咗,但溝通反而就多咗! 
喺工作方面,雖然有啲前輩一早已經提醒過我……
話《The Grand》係一個龍潭虎穴,叫我萬事小心!
不過我就諗住自己應該可以handle到裡面嘅嘢!
所以就決定要入去見識下!但到最後……
我承認我今次就真係完全挑戰失敗!
估唔到我會咁快俾班友睇到我弱點……
但係冇計啦!要我做衰仔親手出賣自己師父……
講真我就真係寧願好似而家咁一走了之!
東家唔打咪打西家囉!反正有手有腳我又唔怕冇嘢撈喎!
唉~只可惜後來昌哥自己又唔生性……
所以到最後就一樣都係俾人豉椒炒魷!
唉~大佬呀!我明明已經幫你搞掂咗單嘢㗎啦!
你做乜仲要唔識死走去同人打官司呀?
喂!你咪戇鳩鳩咁啦!人哋堂堂一間大公司……
齋用錢都打撚死你啦!你睇下你而家!
搞到嘢又冇得撈……仲要連堂費都蝕埋!
唉~咁又何必呢?不過好彩個天都算公平!
你哋班仆街當日用埋啲卑鄙嘅手段去欺壓啲基層員工!
但勢估唔到後來公司就竟然會俾《邵氏》接管番嚟做!
咁最後點呢?咪一Q過炒鳩哂你班粉腸囉!
所以話呀!鬥鬥鬥……你哋班死契弟鬥乜春呀? 
離開呢個鬼地方之後,我就一個人殺咗入《凱都戲院》!
眨下眼已經番咗呢份工有一段時間,感覺上都唔錯……
幾自由又冇之前咁大壓力!而平均工作時間亦唔算好長…… 
每日都係番六、七個鐘左右!係有時候要開午夜場嘅話……
就會番多兩粒幾鐘同埋放工就要搭「亡命極速小巴」
至於有同事放假嗰陣我一個人就要負責三條院線!
另外,雖然呢度啲放映機啲款都幾舊……
有啲款我之前仲從來都冇接觸過!
但到而家我就已經差唔多算係全部上哂手!
嗯~我諗……我應該會喺度做多兩三年左右啦!
事關呢度離屋企實在係太遠喇!交通真係好唔方便!
因此我嚟做之前就已經一早同搵我幫手位朋友講咗……
我嚟呢度只不過係過渡性質……學埋嗰三成放映功夫……
同埋操熟埋部數碼機之後,如無意外我應該就會閃人!哈~ 
喺家庭同朋友方面,
上年我身邊就有好多朋友同家人嘅身體都唔多健康!
好似我老母呀!盛恩呀!柏盛呀!小玲呀!愛綾呀等等……
所以希望喺新嘅一年大家都要好好保重身子!
至於今年我嘅心願就只有一個
就係希望我每個家人、朋友……
包括我自己同隻貓貓個個都身體健康、快快樂樂!
好!再見喇!不過不失嘅2008年……
09年大家繼續捱啦!哈哈~

6 則留言:

  1. 此處不留人,自有留人處。
    [版主回覆01/05/2009 22:33:00]對!~天涯何處無影院!~哈哈~~

    回覆刪除
  2. 09快樂
    [版主回覆01/05/2009 22:32:00]多謝!~

    回覆刪除
  3. 好鍾意同貓貓玩,摸下佢地頭、身、同手仔,抱下佢地係懷裏,感覺很舒服、很温暖。

    回覆刪除