巧，祝妳新婚快樂。

巧，識咗妳都有五、六年，
眨下眼妳而家已經變得好成熟，
再唔係以前我哋識嗰個大笑姑婆喇！
喺呢度，感謝妳對我哋嘅祝福，
雖然我哋暫時完全冇結婚嘅打算。

哈～話時話我都好耐冇試過飲到咁醉，
飲完紅酒又隊白蘭地，我返到屋企直頭就想暈低咁滯……
講起嚟～噚晚真係辛苦晒我身邊嗰位喇！ 
不過，見到阿巧可以搵到個好歸宿，
作為朋友實在好替佢哋開心！

巧，再一次祝妳新婚快樂！
祝你哋白頭到老，永結同心，早生貴子，三年抱兩！