劉青雲等足13年爆冷封王

【星島日報報道】

「第26屆香港電影金像獎頒獎禮」昨於尖沙嘴香港文化中心舉行，今年共頒發21個獎項，邵逸夫爵士奪得世紀影壇成就獎，但邵爵士卻未有前來領獎，由兒子邵維銘代領。劉青雲憑《我要成名》一片封帝，而影后則由鞏俐以《滿城盡帶黃金甲》的出色演技奪得，兩人均是首度一嘗帝后滋味。而《父子》一片則成為全晚的大贏家，除得到最佳電影及最佳導演，合共奪得5個獎項，唯郭富城則未能憑《父子》成雙料影帝，但小演員吳景滔更連奪最佳新演員及最佳男配角。去年奪得影后的周迅，今年再憑《夜宴》捧走最佳女配角。

於83年加入娛樂圈的劉青雲，86年首次接拍《聽不到的說話》加入電影圈，曾於98年憑《高度戒備》獲得香港電影評論學會最佳男演員，2000年憑《再見阿郎》奪第5屆金紫荊最佳男主角一獎。亦曾憑《新不了情》、《怒火街頭》及《七月十四》三度提名金像獎最佳男主角，

但等了11年才以《我要成名》一片，首度封帝。宣布他得獎時，青雲先與鄰座的偉仔握手，然後上台時便與從後台跑出來的秋生擁抱，但青雲卻說想與頒獎嘉賓周迅擁抱多些。他表示，今年大會場刊主題是「薪火相傳」，要多謝秋生哥哥、梁朝偉哥哥、郭富城哥哥，他打趣說﹕「我會接棒，繼續努力﹗」更特別多謝太太和經理人。青雲與太太郭藹明手拖手結伴出席大會的慶功，郭藹明在宣布老公得獎時，於台下喊了出來，兩人接受訪問時亦感動至眼濕濕，青雲表示，沒有想過會攞獎，每次也是抱着來看的心態，他打趣說﹕「也不是等了很久，仲有很多機會。」問郭藹明如何與青雲慶祝時，她說未知。而他們亦應記者要求親嘴拍照。

我唔算係劉青雲嘅影迷，但係佢有份演出嘅電影其實我都睇過唔少。一直以嚟，大家都公認劉青雲嘅演技好好，但與此同時，佢又好似缺乏咗一份好濃烈嘅個人演戲風格，可能係因為呢個原因，佢喺電影圈就一直都上唔到一個頂峰嘅位置。

無論係梁朝偉、梁家輝、黃秋生、周潤發、吳鎮宇、周星馳，甚至係曾志偉、劉德華同張學友，佢地都有自己好獨特嘅一套演戲方式，但係劉青雲一直以嚟畀我嘅感覺就好「綠葉」，佢嘅演技自然而內斂，從來都唔會刻意同人搶戲，係一個「極具生活化」嘅好演員。我再打個比喻……即係如果劉青雲係一個歌手嘅話，咁佢就係一個唱歌好叻兼且好鬼有heart嘅實力派唱將，可惜喺辦識度方面就比較低，所以好多時就會畀人哋低估同忽視咗，不過好彩，等咗13年，佢今次都總算係吐氣揚眉喇！睇到佢攞獎嗰一刻，我自己都有少少感動！

平心而論，《我要成名》呢齣戲雖然唔係劉青雲從影以嚟最精彩嘅一次演出（個人選擇係暗花、暗戰或者係目露凶光），但就一定係最適合佢去演嘅一套電影。佢喺戲入面充分咁演繹出男主角潘家輝嗰一份懷才不遇同鬱鬱不得志嘅心情，我認為呢個角色，真係需要有返咁上下資歷同經驗嘅演員先可以駕馭得到。

哈～點講都好啦！一個遲嚟嘅獎項肯定，一早畀人認定嘅好演技，再一次恭喜晒出爐影帝劉青雲！