飛前一Post！✈️

埋嚟埋嚟～9月送禮益街坊！Indie X Latte 絕版四格Postcard，一人一張，派完即止！🫶🏻

This is the end～Beautiful friend～This is the end～My only friend, the end～Of our elaborate plans, the end～Of everything that stands, the end～No safety or surprise, the end～I'll never look into your eyes again～🚪

There's a feeling I get when I look to the West～And my spirit is crying for leaving～In my thoughts I have seen rings of smoke through the trees～And the voices of those who stand looking～Ooh, it makes me wonder～Ooh, really makes me wonder～🎸

月尾再度進行斷捨離整理，多件圖案別緻嘅T-Shirt、外套，現已速遞到台南一位朋友嘅府上。💁🏻‍♂️

各單位請注意！隨住「樺加沙」逐步迫近本港，你哋謹記要做足防風措施，仲要好好愛護街上一班無家可歸嘅浪浪啊！🥺

㗅～廢話少講！即刻去攞罐罐同零食畀我！You！Go！Now！Quick！Meow～💢

好痕呀～好痕呀～好痕呀～好痕呀～啦啦啦啦啦～快啲同我梳毛毛～🐈

嗯～奴才！Everything Is OK！呢度冇你嘅事喇！咪阻住阿姐瞓晏覺！喵～🐈‍⬛

照顧好兩位小公主嘅日常生活，就正式開始呢篇Blog嘅Topic！📢

不要問，不要說，一切盡在不言中，這一刻偎著燭光讓我們靜靜的度過～莫揮手，莫回頭，當我唱起這首歌，怕只怕淚水輕輕的滑落～願心中永遠留著我的笑容，伴你走過每一個春夏秋冬～🍂

823軒仔Farewell Party菜單一覽，壽司、刺身、Pizza、炸物、肉丸任君選擇，另加啤酒放題無限飲。🍻

正所謂男人唔補好易老，隊罐黑啤至啱數，小朋友，咪諗住側側膊唔多覺，快啲乾！嘿嘿嘿～😈

難離難捨想抱緊些，茫茫人生好像荒野，如頑童能伏於哥哥的肩膊，誰要下車？呵呵～少年你太年輕了！你估咁易可以甩到我？一於過埋年尾先再諗啦！😌

嗱好乖乖瞓落床～除晒衫褲～小娃娃～你可知道～世紀鹹濕歌王搲賓周，祝你生入快樂，以後繼續唱多啲好歌。🫡

每月指定動作，孖埋大婆四圍滾，位於沙田新城市廣場一期6樓嘅八合里牛肉火鍋，食材每日新鮮直送，特別推介佢哋嘅牛筋丸，大粒彈牙又多汁，試過包你返唔到轉頭！🤤

$188至尊鮮肉四寶，包括四款常見嘅潮汕牛肉部位：吊龍、三花趾、匙肉、匙柄，望落去紋理清晰，色澤鮮艷，口感爽滑肉質鮮嫩，簡直係冇得輸！🤩

$288超豪華黑金海鮮拼盤，乳山活生蠔➕四頭活飽➕九節蝦➕手釣東山火箭魷。😛

嘩～打完邊爐仲嘆埋甜品添！開工前食到咁Heavy得唔得㗎？咪靠害好喎Darling～😬

有了您開心啲～乜都稱心滿意～鹹魚白菜也好好味～我與您永共敍～分分鐘需要您～您似是陽光空氣～🌞

陪完大婆搵四奶，方為敢愛敢認真漢子，講起上嚟，我哋都有成三年冇嚟過麥文記食雲吞麵。🥢

有鑑於之前喺大自然素食飽到幾乎要畀人打橫抬出去嘅經驗，今次小弟就決定call埋老母過嚟幫拖，乘機畀姑姑同阿娘兩個聚吓。🤗

上星期去觀塘攞衫，再踩入淘大Donki掃貨，為Indie同Latte嘅零食櫃補倉，沿途路經呢一間首度進駐香港嘅台灣米芝蓮名店阿城鵝肉，見冇乜人排隊，就嗱嗱臨入去霸個靚位坐定定開餐。🪿

呢一款全日供應嘅「$289全鵝宴‧二人餐」包含山藥鵝骨湯、鵝油拌飯、櫻花蝦麻醬A菜、滷肉時蔬、鵝頭同招牌燻鵝或白切鵝 (大份)，睇落全部都好足料啵！😲

整多碟滷鵝胗加支酸梅湯消吓滯，連埋服務費埋單四舊水有找，認真係抵到爛。😋

擺咗喺衣櫃N年嘅舊波衫一過水啲燙字龜裂剝落應該點搞？仲使問！梗係立刻拎去萬年工業大廈12樓搵VINTAGE MOMENTS店主Ricky幫啲衫進行“翻新”！👈🏻

唉～本來見件2006主場歐聯版背後啲金色印字氧化成咁，心諗都99％冇得救，勢估唔到呢個後生仔嘅功夫又幾到家，唔只恢復件衫嘅原貌，仲順便幫手修補埋姑姑喺十四年前送畀我嘅一件生日禮物，呢幾百蚊確實係畀得超值！👏🏻

喺返屋企途中望到「啟德雙紅會」嘅宣傳燈箱，發現個陣容當中有謝隊、路加、史sir同Riise，講真都有少少意欲想入場支持吓，不過可惜當日我個人經已飛咗去慕尼黑，整定同班名宿無緣。🫣

講開利記，前晚欣賞完一場乾脆利落嘅「默西賽德郡打吡」，睇住愛隊成功全取3分兼且冇人受傷，仲喺隊波未磨合好嘅情況下意外刷出六連勝佳績，實在係可喜可賀，而最令我意想不到嘅係，喺季前畀人一致睇低嘅Ekitiké竟然係多位新兵裏面踢得最對板嘅一個，尤其係墮後攞2nd Ball嘅能力同埋Finishing，真係全面屌打轉戰沙地嘅傻紐，如果以“點對點收購”嚟講，呢單交易絕對值80分以上。👍🏻

上季玩養生，今季玩絕殺，只要能夠繼續坐穩榜首位置，仲Keep住連續39場聯賽有波入，就算場場硬食救心又如何？😏

要數現役最佳球員，暫時踢到曉飛嘅Gravenberch肯定走唔甩 (其次係傻波)，唔止護波攔截頂呱呱，佢嗰招“Half Turn轉身”直程係如入無人之境話過就過，喺呢一季仲要連「射波掣」都有埋，完美示範何謂制霸中場。🙌🏻

Salah話：「懶理班勝利球迷日屌夜屌，我都照樣交得出2G+3A冠絕全隊嘅靚靚數據，哼！問你服未？😎」

究竟Wirtz同Isak係咪水貨？喺現階段咁快下定論，又未免言之過早，雖則話利物浦每次用超高價買入嘅嗰堆攻擊手，無論係「傷追人」Keïta，或者係硬件一流嘅Núñez同Carroll，再數返去90年代只係威咗一季嘅Collymore，似乎都係閪多過Like，但話晒一個喺德甲嗰邊浸咗五年，另一個就畀紐記雪到硬晒舦，唔通真係唔需要花啲時間去適應英超個節奏咩？喂！大佬！你估而家打緊FIFA呀？🎮

啱啱收到球迷會新一年嘅「525廿週年限定版會員證」，坦白講，入會咁耐，我參與主辦所搞嘅睇波活動可謂屈指可數。🖖🏻

至於對上一次係幾時？冇記錯好似係2010年10月，當時正值「鶴臣之亂」，全港九成利迷長期面如死灰，十足漏氣春袋咁款，嗰陣莫講話救心，唔使跌落降班區已經要切燒豬還神。😂

回首當日，試問我又點會諗得到，自己喺若干年之後居然會一支公飛咗去Anfield朝聖，嚟緊仲話要親臨【The Talented Mr. Ripley】取景地Procida觀摩一番⋯⋯🇮🇹

人到中年先至真正領略到旅行嘅意義，遲就遲咗啲，但係起碼叫做圓咗個夢、了咗件事，總之喺熄燈前唔好留低太多遺憾，想做乜嘢馬上去做，最緊要係盡情享受過程中嘅風景。🙂

除咗想試吓身處Munich食住大肉腸嘆返杯正宗黑啤，同埋去Procida扮吓Jude Law、Matt Damon之外，喺呢次嘅歐洲之旅Part II入面，我仲會找數印件Isak殺入Strawberry Arena (Isak本人係AIK青訓) 嚟個終極自拍，再順道觀賞當地嘅鐵路藝術。🇸🇪

選擇丹麥為尾站，主要原因有三個，一係想親身感受一吓「全世界快樂指數最高城市」哥本哈根嘅開心氣氛；二係因為我愛Agger；三係想去Home of Carlsberg飲返杯純正嘉士伯。 🇩🇰

10月歐遊過後，我又會馬不停蹄拖住姑姑走入吉卜力公園參觀，然後喺名古屋Hea返兩晚，先搭新幹線去大阪狂買狂飲狂食。👩🏽‍🤝‍👨🏻

直到今時今日，有好多人對於我同姑姑嘅相處模式依然抱有極大疑問，大家都好好奇，點解一對相愛超過廿二年嘅情侶仲成日會分開去旅行／睇演唱會？其實答案好簡單，之唔係相敬如賓周有禮囉！互相尊重彼此嘅習慣同喜好，凡事包容，多啲體諒，切勿刻意或企圖改變對方嘅思想同價值觀，學啲老人家話齋，有時候忍吓忍吓就一世㗎喇。 ☺️