2020年6月21日 星期日

史詩般的歌德變奏 - Estatic Fear《A Sombre Dance》

Estatic Fear於1994年成立,是一支來自奧地利的交響金屬樂隊,他們的作品涵蓋了多種不同音樂風格的元素,例如是Classical、Doom Metal、Gothic Metal、Black Metal、Neofolk,所演唱的語言就以英文、拉丁文和德語為主。在1996年,Estatic Fear就與一家南非音樂娛樂公司CCP Records簽約,並正式發行了首張專輯Somnium Obmutum,可惜這張唱片在當時就未有得到外界的半點重視,更讓一眾樂隊成員經歷了長達三年的沉寂期。直到1999年,身兼鋼琴手、結他手的創團人Matthias Kogler就用Calix Miseriae這個名義邀請了幾位優秀的音樂人與一些仍選擇留下來的團友共同錄製出他們的第二張心血結晶A Sombre Dance,成功引起了小部分搖滾樂迷的追隨。



專輯分為九個章節,所有曲目均被視為“Chapter”。Intro的琵琶段落具有非常濃厚的民族氣息,聽起來很清脆,無縫進入第一章後,一把優美的女聲伴著輕量的鼓聲一同踏上琵琶的和弦線上,隨後即興的結他演奏徐徐響起,配上一段甚有黑色金屬味的雄性咆哮,將Classical與Doom Metal完美交織在一起,營造出一份朦朧而浪漫的氛圍。第二章用一場雷雨揭開序幕,淒楚的鋼琴聲此起彼落,活像Swan Lake中的獨舞橋段,其後黑金屬男的突入就觸發起白與黑之間的分裂戰爭。第三章猶如潺潺流水,極富詩意的演唱與大提琴、鋼琴、電結他、長笛和偶爾飄來的琵琶音互相交替,攜手創造一個可聽見的天堂。第四章整段時間為10分31秒,可說是狂野與典雅的絕妙結合,我特別喜歡此章節的人聲表現,雌雄兩極的衝突散發出一種超現實的美感,既迷離又淒美。來到第五章,本為點綴的長笛變成了一個相當重要的角色,與此同時,天國的光境也在這兒漸漸的黯淡下去,這種接近破壞式的宣洩在第六章入面就更見明顯,尤其當黑死腔再度出現,我們就恍如置身於一個由暗黑魔王統治的平行宇宙。至於緊接下來的第七章就彌漫著一陣文藝復興時期的獨特色彩,霎時令一切回歸靜謐。第八章開段驟耳聽來有點像Church Music,一股高尚脫俗的貴氣油然而生,使人印象深刻。最後一段樂章Chapter IX不禁令我聯想起舊約聖經Genesis,經過一輪哥德式墮落之後,抬頭遙望旭日昇起,重新喚起人性的光輝。在49分鐘之內,Estatic Fear運用了多種變奏手法,並以美女與野獸的意念構成一齣史詩式的音樂劇,整個流程一氣呵成,毫無滯澀之感,還為聽者拼湊出一條無窮無盡的幻想之路。


完成了一張不可多得的小眾經典後,Estatic Fear就徹底遠離大眾的視線,然而,他們的作品卻持續在互聯網上廣泛流傳,時至今日更陸陸續續產生出7000多個國際fans社區,儘管距離A Sombre Dance發行的日子已有21年之久,可是全世界數十個國家的樂迷就還是對它念念不忘。
如對類似的文章感興趣,請移玉步到以下網址:

你/妳能感受到他的寂寞和痛苦嗎?誤墮塵世的暗黑使徒 - Nattramn
http://timeischanging2013.blogspot.com/2019/09/Nattramn.html

190 則留言:

  1. 呢層樓係留嚟推介Estatic Fear嘅一啲Cover Version同埋一堆極正斗嘅Gothic Rock/Metal Music比大家,敬請留意!🎼

    回覆刪除
    回覆
    1. Estatic Fear出道首支作品名為“On A Cold Winter’s Morning“,收錄在由Linz市政府資助的雜錦搖滾合輯《Exit》內。🤟🏻
      https://youtu.be/9CmbOAWspEA

      刪除
    2. Estatic Fear的首張專輯《Somnium Obmutum》全長57分鐘,全部錄音都由Matthias Kogler來完成,其中原創的民謠和古典主題部分就是在他的父親幫助下完成。🎸
      https://youtu.be/YoUqWkxI-Wo

      刪除
    3. 在2003年,Matthias Kogler就為Hrossharsgrani的專輯《Schattenkrieger》做了一首短歌,名為“Sechster Schattenzyklus /Wenn Winters Sang und Klang Verstummt”。🌬
      https://youtu.be/0RtGnv4UzFA

      刪除
    4. 樂隊成員Stauff和Beowulf曾組過一隊名叫Astaroth的Band,後來因為各人被生活、家庭、事業等佔據了不少時間及精力,已於2005年解散。🤟🏻
      https://youtu.be/j1DEhx6gJHA

      刪除
    5. 2016年11月,一隊來自聖彼得堡的年輕Doom Metal樂隊Shadow Suite就在舞臺上致敬了Estatic Fear,他們對Estatic Fear那首長達32分鐘的史詩巨作《Somnium Obmutum》進行了一次完整的全長表演,在2017年5月至6月,現場視頻發布在YouTube上後更得到了不少Estatic Fear樂迷的眾多好評。👍🏻
      https://youtu.be/8am_LbvR8PU

      刪除
    6. 今日就分享住咁多先,明天繼續!😴🤟🏻

      刪除
    7. 辛苦哂狂兄,經你介紹又令我認識到好多唔一樣嘅音樂...但,點解停止咗更新??

      刪除
    8. 臨近生日私事繁忙,有時間先再分享!😂

      刪除
  2. 多謝介紹
    我聽左少少, 呢D先係音樂, 我而家真係好怕好多機器聲 auto-tune, 聽到耳痛

    回覆刪除
    回覆
    1. 而家啲音樂同電影都太多味精,連人都係一樣……🧂

      刪除
  3. 越聽越另類,叫人點答咀?🤔

    回覆刪除
    回覆
    1. 我不嬲都係隨著心情嘅變化去揀歌聽,你哋可以齋聽歌,唔一定要搭嘴㗎!😌

      刪除
    2. 你份人日日都鬧情緒㗎啦😒

      刪除
    3. 😘😘😘😘😘😘😘😘😘😘

      刪除
  4. 謝謝推介給門外漢的我欣賞!Gothic Rock/Metal Music!!!

    回覆刪除
  5. 聽咗少少,我感覺樂隊利用樂章來說故事,旋律時快時慢,時澎湃,時低沉,給聽者無限想像空間。

    回覆刪除
  6. 多謝版主分享正band
    佢地冇再出碟真係好可惜
    唔知而家班成員嘅動向如何呢?

    回覆刪除
    回覆
    1. Matthias Kogler喺2007至2009年間有回覆幾位Estatic Fear死忠fans的email,佢話喺過去十年內做咗好多草稿同旋律,但係因為自己喺電信行業嘅工作太繁忙,所以就一直冇時間整合同錄製呢堆作品,再加上資金欠奉,要推出實體專輯並唔係一件咁容易嘅事。😔

      刪除
  7. 奧地利的音樂給我留下最深印象嘅係維也納合唱團。

    回覆刪除
  8. 一路欣賞音樂一路觀看你的解說,很享受,謝謝你的特別分享。

    回覆刪除
    回覆
    1. 也不能稱為是什麼解說,只是憑著感覺亂寫一通……😅🚬🥃

      刪除
    2. 寫得很到位,邊聽邊看好有感覺。

      刪除
  9. Good choice!Symphonic is the most beautiful!😍

    回覆刪除
  10. 聽咗一陣,唔難接受喎,重幾好聽,至少唔係嗰種淨係撕心裂肺嘅吼叫!

    回覆刪除
    回覆
    1. 第七章聽完仲可以令到你嘅心靈得到平靜……🎼

      刪除
  11. 你聽歌d口味真係廣泛到一個點~
    不過呢類音樂唔係太啱我,都係較鍾意你推介d冷門華語歌~

    回覆刪除
    回覆
    1. 如無意外下一篇Blog應該係我同CoCo嘅生活雜誌,到時應該會有好多華語靚歌推介!👆🏻😃😸

      刪除
  12. 封面有啲似鬼片但係聽落就有啲超時空味道!!

    回覆刪除
    回覆
    1. 喺90年代可以做出咁多元化嘅音樂真係唔簡單!🎼

      刪除
  13. 其實呢d唱片你係喺邊度搵返嚟ga?~

    回覆刪除
  14. 聽了一點點,比想象中容易接受。:)

    回覆刪除
  15. 仲以為好詭異風格,聽落有啲似搖滾樂.

    回覆刪除
  16. 對比起你之前推介嘅Nattramn,呢隊BAND嘅音樂算好正常喇😂

    回覆刪除
  17. 我邊聽邊畫畫,啱聽喎!謝謝分享。

    回覆刪除
  18. 聽落好高級咁款,學到嘢

    回覆刪除
  19. 好聽喎!聽到第四章中段,覺得好似講緊故事咁,有史詩式嘅感覺。
    btw,以前唔知點解冇睇過Crow就買咗Crow第二集嘅Soundtrack,後來唔見咗隻碟,最後諗起就上網搵返嚟聽,呢首我好鍾意,有啲詭異、又有啲狂野感覺︰
    https://www.youtube.com/watch?v=tXTfy9b4CKI

    回覆刪除
    回覆
    1. 呢隻OST的確幾正,喺出呢篇嘢之前我都曾經拎過烏鴉第一集李國豪隻figure擺喺隻碟後面做陪襯,但之後影嚟影去都唔啱feel,最後就放棄咗……😅

      刪除
    2. 講返Crow套第二集其實都幾爛,個男主角本身好似唔係全職演員嚟,但有一點幾過癮就係Iggy Pop喺戲度嘅本色演出。😆

      刪除
  20. 1994年成立奧地利交響金屬樂隊Estatic Fear

    回覆刪除
  21. 做迪哥讀者真係幸福,定時定刻就有好歌聽!

    回覆刪除
  22. 輕彈結他有點牛仔風情, 又似三味線, 清清哋聽得舒服! :)

    回覆刪除
    回覆
    1. 試吓成隻碟聽晒,會有非常之唔一樣嘅感覺!😌🎧

      刪除
  23. 我都記得呢支有唯美色彩嘅 neoclassical metal 樂團!dark wave 時代湧現了很多 symphonic metal band,但很多都曇花一現;能夠像 nightwish 般維持到今日仍能保持幾名初創骨幹成員的團實是少數。

    回覆刪除
    回覆
    1. 你一提到Nightwish呢隊Band我就即刻去Spotify搵咗佢哋嘅幾隻碟嚟聽,感覺幾正喎!再望真啲原來隊Band上幾個月仲出咗隻新碟!🤟🏻

      刪除
    2. Nightwish - Noise
      https://youtu.be/LczGSoibRe8

      呢隻勁正!頭先喺公司不停Loop!希望可以搵到實體唱片!😍🤟🏻

      刪除
    3. http://inanna2013.blogspot.com/2016/04/nightwish-endless-forms-tour.html

      http://inanna2013.blogspot.com/2016/06/tarja-turunen-brightest-summer-2016.html

      唯願再有機會再置身現場喔!

      p.s. 2020 專輯 "human.:II:nature"依然好聽;我有朋友訂咗全套 box-set,很精美。
      p.p.s. "地板姐" floor jansen 與樂團是天作之合,我成日覺得二者之相遇是宿世之緣。

      刪除
    4. 比 estatic fear, nightwish 更早出道的 therion 係我最鍾意並一直 follow 到今日的 symphonic death metal樂團。聽吓呢首,睇吓有性趣冇?

      https://www.youtube.com/watch?v=USIjL6he2SU

      刪除
    5. https://www.youtube.com/watch?v=9kjmjkKjXo8

      :)

      刪除
    6. 作者已經移除這則留言。

      刪除
    7. https://www.youtube.com/watch?v=knqeI807ZlY

      "my walden" live.

      :)

      刪除
    8. therion呢首好正啊!淨係個intro已經好吸引人,把女聲好得!個世界真係好大!thank for your sharing!😌🎧🤟🏻

      刪除
    9. 另外,個人感覺floor jansen把聲的確係比較match nightwish啲音樂,即係如果單獨抽出嚟嘅話,tarja turunen把聲同唱功絕對係冇得輸,直頭有一種暗黑版Sarah Brightman嘅feel,但係floor jansen嘅歌聲聽起嚟就先係同佢哋嘅作品貼住同一條線,聽完佢有份參與嘅作品之後再睇返之前嗰啲,就覺得好似有少少人歌分離之感,呢個係我嘅第一身感覺,再聽多幾次唔知會唔會有唔同嘅觀感。🤣🎧

      刪除
    10. therion 很多作品都與以喚醒潛能的瑞典神秘教派"紅龍"(dragon rouge) 扯上關係。如對這樂團有興趣,可聽聽公元二千年的"deggial"專輯,此作有強大的重金屬交響歌劇搖滾氣焰,個人覺得是他們最佳專集之一。而包括了'midgard'的"secret of the runes"專集也是力作,其歌德黑死金屬已逼近無堅不摧之境。

      刪除
    11. last but not the least, an immortal dark pop song, if u r interested :)

      https://www.youtube.com/watch?v=ANbyXGc0z4U

      刪除
    12. 好好聽!你推介得嗰啲好少唔正!🤪

      刪除
    13. 呢幾日喺公司已經不停用Spotify聽緊Therion歷年嚟嘅作品!👍🏻🤟🏻🔊

      刪除
  24. 曲子比預期溫柔悅耳。
    「彌漫著一陣文藝復興時期的獨特色彩」、「哥特式墮落」(有別於其他形式的墮落?),哈哈哈,即係點?好文青呢。

    回覆刪除
    回覆
    1. 如果聽晒成隻碟,感覺可能會好唔一樣。🤪

      刪除
    2. 哥德式(又譯作哥特式藝術)最早是文藝復興時期被用來區分中世紀時期(公元5-15世紀)的藝術風格,以恐怖、超自然、死亡、頹廢、巫術、古堡、深淵、黑夜、詛咒、吸血鬼等為標誌性元素。哥德式風格用黑暗、恐懼、孤獨、絕望的藝術主題,來往於內心世界神聖與邪惡的邊緣,描繪在愛與絕望之間的掙扎,嘶叫的痛苦和清醒。👻

      刪除
    3. 其中一段文藝復興時期的音樂🎻
      https://youtu.be/o2nr401xYTM

      刪除
    4. 哥德風格在建築、繪畫、小說、電影、次文化等都不盡相同,但多數人將其當成野蠻、恐怖、神秘的近義詞,似乎唔係好妥當,譬如哥德式建築的巴黎聖母院顯示的是高伸空間凸顯人神距離的敬畏感和細雕裝飾的華麗,而不是怖慄、野蠻。所以哥德式可以跟精神昇華有關,不必跟墮落有關。哥德風格可以是正面的,倘若以「墮落」形容,不如說其遺世獨立,不屑隨俗。

      又如果「哥特式墮落」框限為負面情緒如恐怖哀傷絕望孤獨無助之類的想像,很多人都不時有這種being alienated的感覺,可以難得是眾人皆醉我獨醒的反照,但可故被視為「墮落」?如果有人提出「羅馬式墮落」、「希臘式墮落」,我地又點理解?

      「文藝復興時期的獨特色彩」,文藝復興有諸多代表或象徵元素,所謂「獨特色彩」指哪些?

      我會說,你用那些文藝修辭好靚,但細想卻難以理解指乜。請諒。(笑)

      刪除
    5. 話時話,我尋晚係整首曲聽晒才留言的。有些節拍急速、爆響的樂段我用2倍速度聽,更能鼓動情緒,更有味道!不妨試試。

      刪除
    6. 頭先喺公司一路偷飲梅酒一路用你講嗰種速度嚟聽,感覺好過癮!🤣

      刪除
    7. 我寫文章一向都有一個好嚴重嘅弊病,就係會好似而家啲填詞人咁為求啱feel而夾硬塞一啲懶有意境嘅文字落去,後生嗰陣反而冇咁多呢啲嘢……🤣

      刪除
    8. 而我當初之所以會用呢個名詞,主要係因為我以前聽過好多Gothic Rock/Metal,佢哋全部畀我嘅感覺都係好頹廢好墮落,再加上所謂嘅歌德式打扮就大部分都係以陰森、詭異、神秘、恐怖為主,而且仲會採用黑暗嘅色調去表達,呢種意境同之前曾經有人用希治閣式去形容一啲事物一樣,你要我好明確去分析,我就只能用當時嘅第一個感覺去回答你。死啦!好似越講越九唔搭八……🤣

      刪除
    9. 同埋我應該將哥特式修改成哥德式,哥特式係中國大陸所用嘅講法,我哋香港人係應該用返香港嘅譯法。😆

      刪除
    10. 原來咁,謝謝道出用詞緣由。又你提及的「頹廢、墮落、陰森、詭異、神秘、恐怖為主,而且仲會採用黑暗嘅色調去表達…」,除了不是恐怖,而代之以驚悚,以上特色也是黑色電影(Film Noir)所重視、呈現的,還有如「晦暗、悲觀、憤世嫉俗、夢幻、神秘、奇怪、性慾、愛恨、善惡交織的矛盾、殘酷、黑夜、低光源照明、陰影、下雨、紅顏禍水、煙霧瀰漫、攝影機低攝、男角訴怨般獨白、虛無」,等等。(你做電影業你實知,不贅。)
      摘自維基【黑色電影】。
      https://bit.ly/3eFG4he

      但黑色電影卻不是哥德式恐怖(小說)電影(文藝片如簡愛、咆哮山莊,涉及鬼怪的如吸血殭屍、科學怪人)。總之以上特色並非哥德風格所獨有,其在不同範疇也有差異含意,並不統一,甚或跟其他藝術風格相混淪,例如另有一藝術風格叫頹廢派(Decadence)。
      https://bit.ly/2Nu6mH1

      樂隊Estatic Fear宣稱玩Gothic Metal,完全無問題,因為這是他們將自己標籤化,別人管不著,但解說他們的樂曲內涵,gothic本身意義已不統一,加上重用同一標籤(「哥德式」墮落),就等於什麼都沒說過,如同描述一個香港藍絲的行為是「藍絲式墮落」,難以明白。

      你文筆好,有時寫得太抽象、詩意,讀者或會跟不上。祝你愈寫愈好。^^

      刪除
    11. 多謝鼓勵,我都會繼續跟大家好好學習!😄😸🤝🏻

      刪除
  25. 我最鍾意就係睇你呢啲冷門音樂/電影分享,雖然成日都搭唔到咀,但就的確係因為睇你個Blog而認識到好多好歌好戲。

    話時話我哋訂嘅生活雜誌仲要等幾耐?今年內仲會唔會推出呢?😷

    回覆刪除
    回覆
    1. 如無意外7月中就會出版,敬請留意!😌😸

      刪除
    2. 正呀!等咗勁耐!(記住係兩把聲嚟㗎呢度)

      刪除
    3. 跟住又拖到7月尾先出……🤣🤣🤣🤣🤣

      刪除
  26. 妙不可言,係香港樂隊一世都做唔到嘅境界

    回覆刪除
    回覆
    1. 香港樂壇最大嘅問題就係班音樂人嚴重故步自封,同埋廣東話本身可以玩到嘅音樂其實唔係咁多,再加上香港人又唔習慣畀錢買音樂,於是咪搞到啲有實力嘅歌手個個要北上發展……😔

      刪除
    2. 如果講香港樂隊嘅話,其實佢哋大部分玩緊嘅都係Pop Song,冇辦法,呢個係市場大勢所趨。🔊

      刪除
    3. 響我心目中林夕之後香港再冇填詞人,音樂就算吧啦
      Twins同雞丁呢堆垃圾都紅到就抵佢永遠受終正寢啦
      都未講果啲扮曬另類實則戇鳩當有趣嘅my little airport

      刪除
    4. Twins絕對係香港樂壇步向死亡嘅開端人物,雞丁就算把啦!香港人出名偽善,見佢係細路先個個唔敢出聲講心裡面嗰句啫!my little airport佢哋自己啲作品我都唔係好識欣賞,但早排佢哋Cover LMF首今宵多珍重又改編得幾正喎。🤔

      刪除
    5. my little airport - 今宵多珍重 🚬
      https://youtu.be/bhhQ9ugtRtA

      刪除
  27. 睇到個封面當堂嚇一嚇,聽落原來幾巧聽~~~😅

    回覆刪除
    回覆
    1. 就好似有啲人望落去八尖四角咁,但其實識落個人都唔錯㗎!就好似我咁!🤪😂😂😂

      刪除
  28. 多謝Blog主推介!返屋企再慢慢聽!
    利記和咗拖肥之後仲有二十分優勢,嚟緊你點睇??

    回覆刪除
    回覆
    1. 作為長年利撚永遠都會有一種悲觀嘅心態,到呢一刻都係唔敢諗啲乜……😅

      刪除
  29. 彷彿第五章前幾年已經聽緊,第六章現在才開始聽。

    回覆刪除
  30. 第一次聽,感謝好奇妙,多得你令我首次接觸這類音樂。

    回覆刪除
  31. 來同小子講聲:端午節安康!

    回覆刪除
  32. 比想像中好聽:D

    回覆刪除
  33. 回覆
    1. 應該冇乜可能搵到,就算搵到都會好貴……😅

      刪除
  34. 我大概聽到Chapter VI開始受唔住..
    仲差兩分就拎冠軍,希望今晚車仔幫下手咁就等都唔使等!

    回覆刪除
    回覆
    1. 大吉利是講句,就算今日曼城贏我哋再輸畀佢,返去主場照計都唔會贏唔到維拉啩?😅

      刪除
  35. 個封面好得人驚。。嚇死我。。。。😖

    回覆刪除
  36. 依家好多樂隊歌手我都唔識,屋企仲有剩下的幾張CD 唱片是梅艷芳,以前有張黑膠唱片是30多年前去西班牙旅遊時買的,移民時冇帶来送了给朋友,歌手是Julio Iglesias.

    回覆刪除
    回覆
    1. 梅姑舊時CD而家都炒到好貴,我屋企都係得返三四隻左右,其他嗰啲因為搬咗幾次屋所以唔見晒……😭

      刪除
    2. 西班牙歌王Julio Iglesias有一首名叫Abrázame嘅歌好好聽,仲曾經畀張學友改編過。👍🏻

      刪除
    3. 吓,梅豔芳舊CD 都有人炒,我仲有鄧麗君/徐小鳯的唔知有冇人炒?
      張學友改編過Abrazame 唔知喎,我只識張學友一首歌相思風雨中。以前我學過西班牙文一段時間,仲可以講些鹹濕有味笑話,西班牙人比較熱情,見面就攬頭攬頸,所以今次新冠疫情非常厲害,三十幾年冇講,已經忘記了很多。

      刪除
    4. 梅姑、鄧麗君同埋小鳳姐嘅舊版CD如果保存得好新淨嘅話就肯定可以賣到一定嘅價錢。🤭

      刪除
    5. 張學友 - 如沒有你(改編自Abrazame)
      https://youtu.be/FJ3dhJWuLds

      刪除
  37. 恭喜曬,每一個願意等待嘅利撚響我眼中都係真男人真漢子!

    回覆刪除
    回覆
    1. 呢點我唔會謙虛,我覺得自己完全受得起呢個稱號!😌🤪

      刪除
  38. 恭喜恭喜,今屆由高普率領嘅利物浦,絕對值得贏盡光榮.

    回覆刪除
    回覆
    1. 多謝山sir,都要多謝車仔隊冧鏝城,免得我哋夜長夢多,今季你哋簽咗幾個勁人,實力一定有增冇減,下季大家再鍊過!🏆💪🏻

      刪除
    2. 🤝🏻🤝🏻🤝🏻🤝🏻🤝🏻

      刪除
  39. 迷軒是無道理2020年6月26日 下午8:49

    終於等到喇!軒巨萬歲!

    回覆刪除
  40. 今年嘅利物浦絕對係值得拎冠軍

    回覆刪除
  41. 睇到你FB、Whatsapp勁happy~~~😂

    回覆刪除
    回覆
    1. 我到而家仲好happy,至少要J返佢一頭半個月!🤪

      刪除
  42. 我當晚喊死咗!心情激動到唔識形容!等咗咁多年終於等到!但同時又諗到當愛隊首奪英超冠軍我都未有女就...唉!

    回覆刪除
    回覆
    1. 只要有恆心,鐵柱磨成針!只要有毅力,有心唔怕遲!💪🏻

      刪除
  43. 開心到傻咗!!你話如果謝隊可以有份捧杯你話幾好!!!

    回覆刪除
  44. 30年嘅等待!Klopp乃萬能之神!cheer UP🍻

    回覆刪除
  45. 恭喜新一季英超冠軍,真是遲來的肯定呢。

    回覆刪除
  46. 恭喜Time Time同一眾利迷~🤝

    回覆刪除
  47. 追咗樓主個blog好多年,後來先發現原來你係利記死忠
    真係等咗好多年喇,今次可以講得上係吐氣揚眉!

    回覆刪除
  48. 長情球迷,長情男友,恭喜。

    回覆刪除
  49. 陪伴愛隊高低起跌始終如一,真係男人的浪漫,佩服佩服!

    回覆刪除
  50. 利物浦等咗30年終於一嘗英格蘭頂級聯賽冠軍滋味,好多利迷真係等到頭髮都白埋,但其實利迷已經算係「幸運兒」,因為英超「Big 6」之中有1隊,等咗59年都未捧過聯賽冠軍,就係熱刺。
    利物浦、曼城、車路士、曼聯、阿仙奴、熱刺屬英超一線勁旅,統稱「Big 6」,隨住利物浦捧盃之後,得番熱刺未曾贏過英超冠軍。最慘係呢支倫敦老牌球隊對上1次奪得頂級聯賽冠軍,已經係1961年,亦係球隊第2次獲得聯賽冠軍。
    熱刺曾經5次獲得聯賽亞軍,最近1次係2016/17年球季,該季落後冠軍車路士7分。就算熱刺下季奪得英超冠軍,都等咗60年,換言之比利物浦多1倍時間,更何況以熱刺目前頹勢,恐怕下季都無力圓夢。

    恭喜熱狗成功取代猁狗嘅位置😆😆😆😆

    回覆刪除
  51. Between,見到有好多人成日屌FSG,我就有唔同睇法:
    首先佢地係玩moneyball,靠嘅係精密管理,唔係錢
    從管理角度嚟睇,10年net spend 200幾m有而家咁嘅成績,根本係任何球會都想學嘅model,仲未計呢十年壯大咗嘅贊助同商業價值。

    球迷就梗係想無限金錢嘅,但係咪一定可以持續發展先
    好似車路士呢三四年又老化又莫財,管理極混亂
    今年用咁多錢都係因為洗埋上年啲錢
    所謂油王足球,有利有弊啦,再唔係列斯都有版你睇

    脷申非股東😷

    回覆刪除
  52. 恭喜哂Time Is Changing,利物浦呢兩年真係威盡全球呢。

    回覆刪除
  53. 從緬恩斯時期已經非常欣賞Klopp,衷心替一班利迷感到高興。

    回覆刪除
  54. 但願香港有一日都能夠像利物浦一樣破繭而出,重見天日。

    回覆刪除
  55. 你聽歌既範疇好闊,勁!

    回覆刪除
  56. 呢段時間真係晚晚都有慶祝,同成班昔日利友一齊話當年,真係好過癮!🍻

    等你嘅詳細感想呀!🍺

    回覆刪除
    回覆
    1. 要寫嘅多年感想喺2014年嗰篇幾萬字長文入面已經寫晒,今次要寫嘅應該就唔會好多……😬

      刪除
  57. 多年紐迷前來道賀,希望高普可以繼續帶領利記創造另一個皇朝!

    回覆刪除
    回覆
    1. 最驚佢教多一兩年就走然後畀謝拉特接棒……😅

      刪除
  58. 又長了見識。謝謝分享喔。

    回覆刪除