姑姑的生日大餐 - 焱丸水產（2020-3-10）

Happy Birthday～哈哈哈～嘿嘿嘿～恭祝您一歲兩歲三歲四歲長命百歲～煩惱丟掉～蛋糕吃掉～撕掉日曆～生日快樂喲～為慶祝古墓派第三代掌門人小龍女嘅20 (+25) 大壽， 所以今次巨鵰過兒就決定要以一種最簡潔嘅方式嚟完成呢篇Blog！Everybody～Are You Ready？即刻坐上本人嘅時光機～Let's Go！⏳

吓～乜嘢話？山長水遠嚟到荃灣就係為咗探呢隻扁嘴企鵝！成件事會唔會開玩笑咗少少呀？不過話晒今日都係姑姑嘅牛一，當然就要畀壽星女揸晒Lift啦！😉

嘩～救命呀媽咪～呢度有拐子佬呀！仲一次過打孖起雙飛添！😨

有冇人可以話畀我知激安首廣東話主題曲到底係邊Q個唱㗎？真係超撚難聽呀喂～🙉

好似拳頭咁大嘅日本新興梨，直頭一包分三餐食都得！😆

一見到呢個檔口，姑姑就急不及待行埋去左睇右睇……🤭

疫難當前冇得去打邊爐？唔打緊！我哋可以喺呢度買啲黑毛和牛返屋企兩個人一齊Shabu-Shabu！🤗

買完黑毛和牛，再整多Pack北海道帆立貝用嚟熬湯底就啱晒喇！😁

日版杯麵集中營，等我買啲返去孝敬老豆先！🤓

呢度啲壽司居然賣到成$198一Set？睇落麻麻哋咋喎！🙄

冇諗過呢條$10橫丁小食街個用途原來係拎嚟養烏蠅，實在係失覺晒！🙇🏻‍♂️

喺激安逗留咗接近一個鐘頭，我哋就起行去下一個目的地尖沙咀！👉🏻

嗯～趁仲啲時間，不如就去荃灣其他地方四周圍逛逛先！😜

你老醒你叉飯就叉飯啦！加多隻荷包蛋畀盡你咪廿二元碗！黯咩然銷咩嘢魂飯呀？咪懶有型啦𡃁仔！😤

咦～呢間Cafe個設計又幾盞鬼喎！立場鮮明得嚟又唔會表現得太浮誇，認真係頂呱呱！👍🏻

Wo～話咁快就嚟到尖沙咀！既然行到嚟The ONE門口，就梗係要乘機入去昅下嘢同放低幾両先啦！💩

辦完工之後，我同姑姑就喺AEON間精品超市度打咗個白鴿轉……👫

我一直都有一個疑問，究竟呢間位於金馬倫道2-4B嘅節拍Cheapy係靠乜嘢生存到今時今日？佢嘅CD種類少得可憐，價錢又貴過出面咁多，跟住個老闆仲要不分晝夜開行個喇叭瘋狂Replay #FOLLOWMi 鄭秀文世界巡迴演唱會嘅Creo en Mi同信者得愛嚟折磨班街外人，學姑姑話齋，除非間舖本身係自己物業又或者班熟客係死忠到每個月都會定期入嚟進貢，如果唔係根本就冇可能維到皮！🤔

哈哈～行返出彌敦道又見到呢隻死人扁嘴企鵝，妖！真係陰魂不散……🤣

啲藍鰭吞拿魚壽司望落去好正咁喎～使唔使買盒返去做宵夜呀？(姑姑嘅真實對白) 🤷🏽‍♀️

正您個頭！夠鐘開飯喇衰婆～嚟～等過兒帶您入去食好西！🥰

都未行入門口就見到我最尊敬嘅炮王叻哥，確係精神為之一振！至於喺玻璃上面嘅貼紙寫住啲乜？我唔知！我睇唔到！唔關我事！🤪

焱丸水產嘅環境都算唔錯，木系裝修風格配上各式各樣嘅得意擺設，令人恍如置身於日本嘅居酒屋一樣。🇯🇵

好～難得咁高興，一於整返杯Whisky Soda ($58) 賀賀佢！🥃

呢個係黑松露蟹肉甲羅燒 ($68)，裡面有好多好多好多蟹膏！🤤

呵呵～有專人服侍真好！唔需要自己落手落腳！😎

淨係要一份甲羅燒個爐會好寂寞㗎～計我話嗌多客白蜆殼燒 ($45) 就差唔多喇！👆🏻

姑姑最愛嘅吞拿魚刺身 ($120) 同油甘魚刺身 ($68)，睇落色澤一般但就有唔錯嘅口感，而更重要嘅係塊塊厚切，咬落去冇筋又冇腥味，十分抵讚！😋

登登～今期料理長推介 - 銀鱈魚西京燒 ($150)，肉質結實嫩滑，入口煙韌無比，絕對係一流嘅佐酒小食！👏🏻

等咗咁耐，我嗰五粒白蜆終於都燒好喇！喂喂喂～臭姑姑！乜您咁快就偷食咗隻嗱！😠

漁師每日特選壽司盛合，售價為$268，當中最令我驚喜嘅一定係嗰件肥美肉厚又充滿鮮味嘅海膽軍艦，呢種食完陣陣回甘、齒頰留香嘅feel簡直係Ichiban！😍

爽口彈牙嘅芥末八爪魚軍艦 ($50)，賣飛佛！😌

姑姑本來話想試埋呢個名叫龍神號嘅薄切刺身+細卷，但可惜我哋個肚已經裝唔落任何嘢了！🤦🏻‍♂️🤦🏽‍♀️

焱丸水產（Flame Japanese Cuisine）

地址：尖沙咀棉登徑23號華楓大廈地下5 & 6號舖

點去：港鐵尖沙咀／尖東站 N3出口，步行約兩分鐘

電話：26548200／26519400／69621398

星期日至四營業時間：12:30 - 15:00；18:00 - 00:00

星期五至六、假期前夕營業時間：12:30 - 15:00；18:00 - 01:00

Facebook專頁：請按此進入畀返個Like佢哋！<--------

歲月無聲消逝，唔經唔覺就攜手走入第十七個年頭，喺呢段日子，感謝您無限嘅包容同支持，希望喺未來嘅每一年我哋都能夠開開心心咁陪喺對方身邊慶祝生日，Ki，Happy Birthday。💝