2016年12月18日 星期日

東京の旅第三回:拜訪多啦A夢親生父親/漫步上野動物世界

圓圈加一點~圓圈加一點~下面畫支波板糖再畫個呼拉圈~再畫個呼拉圈~今集,我跟姑姑將會帶大家到川崎市拜訪卡通界超級巨星多啦A夢的親生父親!然後,我們還會到日本歷史最悠久的動物園跟一眾動物來一次近距離的接觸!🌳

出發前為大家送上一個溫馨提示,所有有興趣到《藤子·F·不二雄博物館》參觀的朋友必須要注意囉!因為這間博物館本身是採取預約制的,而在館內亦沒有提供即時的票券販售,所以你們就先要到日本當地的《Lawson便利店》購票及選定場次!這種做法的主要原因我想應該是為了控制人流吧!另外,大家亦記緊要在開場後的30分鐘內進館,千萬不要遲到啊!⏰
嗨~早晨啊烏鴉先生!請問你能給我們帶路嗎?謝謝!🌞
如果閣下跟我們一樣都是住在新宿的話,那麼你就可以先從新宿搭小田急線到登戶車站……🚈
然後,從車站南口出來後你就會見到一個接駁巴士店……🚏
距離巴士到達的時間還有45分鐘,正好可以讓我們到附近的咖啡店吃一頓豐富的早餐!☕
好!吃飽飽,速速上車往博物館進發!Let's Go!🚍
Yeah~到站了!事不宜遲,我們現在就要進去囉!👫
大家好!歡迎來到我的博物館,請隨便參觀!👌
各位70、80後的朋友,看到玻璃櫃內的那些擺設,有沒有勾起你們的一些童年回憶呢?😉
小朋友,每天吃一塊記憶麵包,保證你考試測驗次次攞滿分!💯
進入博物館之後,我們就先來到一樓參觀,這一層除了有藤子·F·不二雄先生的生平介紹之外,還擺放了一些珍貴的漫畫手稿、彩色繪圖以及他所用過的畫具、畫桌給訪客觀賞。另外,裡面有一排3D投影的動畫櫥窗也是頗有趣的,那些動畫的內容主要是講述一頁漫畫的完稿過程,並由多啦A夢大雄分多個步驟為我們親自解說,整段介紹做得相當細緻,非常值得一看!👍(請注意!這部份大家可以借用他們所提供的多聲道耳機來作導覽,但就不能拍照!📷)
嘩~這本《少太陽》光看封面便知是歷史悠久!⌛
由漫畫大師手塚治虫親手畫給藤子·F·不二雄的簽名畫作,各位觀眾~尖叫聲!📣
這是博物館為慶祝成立五週年而特別推出的「多啦A夢名作原畫展」。🎨
在這個原畫展入面,大家可以親身見證著一眾《多啦A夢》角色們的成長歷程,你們看!初登場的多啦A夢原來是長這樣的!哈哈~簡直就是一隻完全沒有線條的超級大肥貓!👀
什麼?兩個野比大雄?這到底是發生什麼回事?👥
KO技安、痛毆阿福,一個如此好勇鬥狠的大雄,你們見過沒有?😨
咦~這隻狸貓是誰?難道是多啦A夢的祖先?非也非也!這隻貓咪其實是藤子·F·不二雄另一套作品的主人翁,牠的名字叫做叮噹貓。🐹
看完畫展,接著我們就去了「樵夫之泉」朝拜靚仔男神技安!😜
各位賓客你們好!這裡是二樓的互動區域,大家可以隨便逛、隨便坐、隨便玩、隨便拍!📹
喔~這座超大型的扭蛋機真是好吸引人啊!就讓我們一起去試試手氣吧!✊
嘩嘩嘩~想不到姑姑竟然一擊即中!就這樣得到一隻小Doraemon!😱
誰能告訴我~誰能告訴我~這隻無面人到底是什麼?😰
在扭蛋機附近的一些模型擺設,你們比較喜歡哪一款?😁
Woo~我真的好想好想把他們全部帶回家啊!😍
三塊木頭,可以演繹出三種截然不同的生活態度!😂
Hello Hello~Over Over~我想買兩張10:00的戲票!Arigatō~📞
要準備入場囉!嘻嘻~這兒的小朋友真的很乖,他們會自動自覺地守秩序和排隊等候,不會打尖也不會亂發脾氣,實在抵讚!😘
進入影院後,我們就看了一部片長約15分鐘的《多啦A夢 X 叮噹貓》微電影,還聽了多首藤子·F·不二雄動畫系列的主題曲及片尾曲。然後,影片播放完畢,銀幕就會自動打開,我們就可以從那邊直接出去!👉
離開影院之後,我們就走上了這一條螺旋形樓梯往三樓探望藤子先生的一班仔仔女女……😄
各位哥哥姐姐你們好!我是Dorami,又名小叮鈴,是多啦A夢的妹妹!💛
Hey~好久不見!大家還記得我嗎?👻
喂喂喂~我叫做貔貅,坐在我旁邊那位就是神奇小子!你們聽到嗎~嗎~嗎?📢
逛了那麼久,你們的肚子應該也餓了吧!不如就等我波仔來帶兩位到Café吃點東西吧!🍴
每間Café餐廳~每個人的嘴裡~見面第一句話~就是歡迎歡迎~歡迎歡迎歡迎你呀~歡迎歡迎歡迎你~🎤
呼~天氣那麼熱,一坐下當然就要先來一杯透心涼的冰凍飲品解解喝吧!🍹
這麼可愛的拉花圖案,叫人怎麼捨得喝下去呢?😶
本以為這間Café的食物只是虛有其表,但吃下去之後發覺味道還真不錯呢!😛
死胖子!自己吃自己的!別碰我的午餐!🙅(這次是設計對白!呵呵~😈)
吃完Lunch,我們就去了這間《ギフトコーナー藤子屋》選購手信……🎁
來來來~好好吃的豆沙餅~¥210~¥210~🔊
小姐~麻煩妳~這裡的東西每樣各一件,謝謝!✋
謝謝惠顧~歡迎下次再光臨!💞
哎吔~糟了!有點尿急……我得去方便一下!失陪了!🚹
由於知心好友眾多,所以,小解完畢之後,我跟姑姑就決定回到一樓的精品區繼續掃貨!💑
吓~世紀歌王技安的絕版專輯?呵呵~當然不是!盒裡面擺放的其實只是朱古力!😌
要用多少錢才可以將一隻特大的多啦A夢公仔帶回家?答案是¥12960,即港幣約$872左右。💵
登登登登~藤子·F·不二雄作品要角大集合!👐
那隻多啦A夢水晶真的很搶眼呢!買來做情人節禮物就最適合了!💎
埋嚟睇!埋嚟揀!各種經典日本原版漫畫、精選大全集、動畫電影特刊等書籍共冶一爐,任君選擇!📚
情與義~值千金~刀山去地獄去有何憾~😢
正所謂千里送鵝毛,物輕情義重,不如就買幾張精美Postcard回去做手信吧!✉
嗯~時候都不早了!掃完貨,我們馬上就要往下一個目的地出發……👉
先生好~小姐好~你們要到哪裡啊?讓我來為兩位帶路,請跟我來!👋
波依乜Q嘢呀?唔記得咗呀!哦~波依波囉咪~波多野結衣~📡
嘿嘿~一眨眼,我們就來到位於東京都台東區的著名旅遊景點《上野動物園》。✌
這間動物園的開放時間為每日上午9時30分至下午5時,入場費用方面,成人(高中生以上)為600日圓,老年人(65歲以上)為300日圓,中學生(13至15歲)為200日圓,而小童(12歲或以下)就一律免費。💁
Are You Ready?我們現在就要進去跟一班動物見面囉!👣
對面的Panda看過來~看過來~看過來~🐼
朋友,你精我都精,飲杯竹葉青!🌿
哎~我該如何稱呼以上這四位朋友好呢?我只知道右上角那位是浣熊!🐻
噓~小心!北極熊出沒注意! ⚠
嘰嘰~那位帥哥到底是何方神聖?實在是酷得讓人不敢正視!🙈
哦~你的樣子怎麼長得那麼像卡通人物姆明?😮

偶然給我捕捉到斑馬與羚羊這一剎那的美妙……🐐
這兩位英氣逼人的百獸之王果真是霸氣側漏!🐯
大地在我腳下~國計掌於手中~哪個再敢多說話?🐾
嗨嗨嗨~請問如來佛祖玉皇大帝觀音菩薩指定取西經特派使者花果山水簾洞美猴王齊天大聖孫悟空在哪裡啊? 🐒
你以為躲在這裡我就找不到你嗎?沒用的!像你這樣出色的男人,無論在哪兒,就好像漆黑中的螢火蟲一樣,那麼鮮明、那麼出眾……💡
吼吼~我們就是型到癲的金剛孖寶兄弟!💥
為大家介紹,牠們就是「上野動物紀律部隊」!🐧
至於這班小可愛就是「上野賣萌大聯盟」!😗
各位觀眾,新一屆《上野動物園》園長選舉現在正式開始!這位就是上一任園長涼震鷹!🔱
首先,我們有請1號候選佳麗憤怒的葡萄鳥出場,接著就是2號候選佳麗O RLY叔叔,然後就是3號候選佳麗孔雀石綠,最後就是4號後補佳麗,他的名字叫做志在鎅票。☑
「唉~選什麼鬼啊?到頭來根本就是一個被高度嚴密操控的小圈子選舉!」三位袋鼠平民正在竊竊私語。💦
一隻那麼大的長頸鹿就住在這一間小小的「劏房」裡面?有沒有搞錯!💢
抗議!嚴重抗議!非常時期,用非常手段!衝啊!殺啊!🔥
勇武抗爭?嗯~先等我吃完午餐再說吧!不然你先去,我殿後!You OK dude?🐴
打打殺殺不要預我,有時間不如潛潛水好過……💤
夜の森林?這是什麼東東來的?且讓我們進去一探究竟!😎



由於現場環境實在是太暗了!因此,小弟就只好藉著以上這段影片將「夜の森」裡面的面貌分享給大家觀賞!🎥



嘶~再讓你們一窺裡面的豹貓到底是長什麼模樣的!🐈 
參觀完「夜の森」,我們就離開了動物園!但臨走前,當然就例牌要到他們的紀念品店四處看看吧!💝
平生第二次到動物園遊玩,離開之後心情卻莫名地有點忐忑……因為這間《上野動物園》真是好熱好臭,而且空間又不夠大,以致有很多動物都被關在一個小小的區域裡,有些還被逼要孤單地獨自生活。坦白說,當我看著這班可愛的動物時,當下的心情確實是非常愉悅的!但看完之後又覺得很不忍心也不太舒服……你們可以說我矛盾,也可以說我偽善,不過我就確定自己是不會再來了!也不會再想去任何一間動物園參觀!我真心認為,有某些野生動物始終還是應該讓牠們回歸大自然的。🌎

同場加映 - 上野動物園附近的優美景點⛅

東京國立博物館/國立科學博物館/國立西洋美術館/東京藝術大學美術館/上野恩賜公園 🌴
位於《上野恩賜公園》內的《上野東照宮》在西元1627年所建造,經歷了江戶時代300年歷史,是一間將德川家康(江戶幕府第1代將軍)、德川吉宗(江戶幕府第8代將軍)、德川慶喜(江戶幕府第15代將軍)當作神明祭祀的古老神社,也是日本其中一個非常重要的歷史文化遺產。如果你們參觀完動物園還有點空閒時間,就不妨可以順道到此朝聖一下!💐
東京の旅第三回:拜訪多啦A夢親生父親/漫步上野動物世界(完),To Be Continued……🚪

下期預告 - 東京の旅第四回:迷失Yamashiroya玩具天堂/血拼阿美橫丁商店街💸

206 則留言:

  1. 日本漫畫叮噹是我最熟悉,陪伴兒女觀看,自己也希望有叮噹成護身符。
    多謝好分享!

    回覆刪除
    回覆
    1. 我相信火姐姐妳這個好媽媽保護兒女的力量肯定會比叮噹更為強大!💟

      刪除
  2. Time Is Changing,其實我都幾認同你響最尾寫嗰段嘢,
    以前我每次去完動物園都會有一種內疚感,嗰種感覺真係好難形容,
    而家就畀你完全寫曬出嚟!而你會有呢種感覺,亦證明咗你真係一個好有善心嘅人。

    回覆刪除
    回覆
    1. 喂喂,仲有,我都好想將D多啦a夢模型全部帶曬番屋企呀!嘻。

      刪除
    2. 我絕對唔係一個好有善心嘅人,只係純粹想表達當下嗰種忐忑嘅感覺。

      刪除
    3. 玩模型係一個黑洞嚟!我已經玩咗唱片呢一辮,如果玩埋模型我肯定會破產!哈哈哈~😂

      刪除
    4. 歡迎加入模型發燒友大本營,嚟啦嚟啦!XD

      刪除
  3. 我鐘意Q太郎架, 最記得佢身邊果隻老友, 淨係識講"快d拉打"~~~
    動物園尤其馬戲團, 我絕對唔會去睇, 為咁令人歡笑, 風光背後, d動物好慘=.=

    回覆刪除
    回覆
    1. 我對Q太郎嘅感覺反而就唔太強烈,記憶亦唔係太深刻,但我有一個成日周圍去旅行嘅女仔朋友話Q太郎啲周邊產品而家已經買少見少!唉~早知係咁我就買多一兩隻公仔返嚟啦!😣

      刪除
    2. 以前幾歲嗰陣去荔園動物園,當時可能年紀仲少,所以就完全冇呢種感覺。但今次去完上野之後,我成個觀感就即刻唔同晒……🍃

      刪除
  4. 雖然多啦A夢不是我的年代,但日本卡通我還是喜歡看。
    除叮噹外,其它如IQ博士,和蠟筆小新我也會追看!

    回覆刪除
    回覆
    1. Shu兄就是因為有一顆時常年輕的心,所以才可以一直保持長青不老!😆👍

      刪除
  5. 手塚治虫親手畫給藤子·F·不二雄的簽名畫作,so amazing~

    回覆刪除
    回覆
    1. 簡直係正到爆!👏👏👏👏👍

      刪除
  6. 藤子·F·不二雄博物館,簡直就係藤子fans嘅天堂、樂園!羨慕!羨慕!

    回覆刪除
    回覆
    1. 絕對係!就連我呢個非動漫迷都覺得好正!☝😆👍

      刪除
  7. 個博物館好似好正咁,有機會一定會去

    回覆刪除
  8. 隻熊貓個屎忽大到可以擺到幾圍!

    回覆刪除
  9. 是神奇小子既變身替身呀

    回覆刪除
  10. 博物館好多嘢睇,精彩!

    回覆刪除
    回覆
    1. 真是毫無悶場,處處都是樂趣!👍👍👍

      刪除
  11. 以前最想有記憶麵包, 唔駛讀到CC下
    Q太郎, 我都識架, 點解無忍者小靈精?

    回覆刪除
    回覆
    1. 我細個嗰陣每逢考試測驗就會有呢個諗法!哈哈哈~🍞

      刪除
    2. 忍者小靈精係藤子不二雄先生嘅作品,佢同藤子.F.不二雄係兩個人嚟,不過佢兩個就曾經係一對拍檔!👬

      刪除
  12. 喜歡叮噹真的不要錯過﹗

    回覆刪除
    回覆
    1. 絕對要,肯定會樂而忘返!😉

      刪除
  13. 狂兄呢篇旅遊記事有好多細節位都寫得好有心思,例如係用隨意門送到動物園同暗喻近期既特首跑馬仔熱話,好認真咁講,睇完你寫既一段感想,我對動物園都有另一種唔同既體會,相信我都會效法你,唔會再去了..

    回覆刪除
    回覆
    1. 寫到後面我承認我係有少少hea,開始有少少天花龍鳳嘅味道!😂

      刪除
    2. 唔係喎,我覺得寫得好有趣呢

      刪除
  14. I want visiiiitttttt to Fujiko F. Fujio museum=D

    回覆刪除
  15. 睇落個叮噹博物館好好玩,有機會一定會去!係呢~嚟緊打比Blog主你點睇先??

    回覆刪除
    回覆
    1. 每場都唔敢有期望,呢個係知心利迷嘅通病……😂

      刪除
  16. 手塚治虫聽聞是藤子F不二雄本人的偶像,這張畫像真是別具意義。另外,那個無面人是神奇小子的替身,比那隻小多啦a夢其實還珍貴。

    回覆刪除
    回覆
    1. 呵呵~原來我係執到寶!😄

      刪除
    2. 絕對是,在香港很難找到的,真的要好好收藏。

      刪除
  17. 好好睇,
    繼續跟住逛,
    期待。

    對動物園的看法,
    有同感,
    也許
    最好是人在車裡讓動物看那種。

    回覆刪除
    回覆
    1. 一邊寫,一邊在懷念,轉眼就寫到第三篇,還有兩篇就完結了。📝

      刪除
  18. 叮噹好有趣~ 動物好可愛,但甚或可憐。 

    人為了滿足自己的慾望,還做了多少自私的事情?
    當我們去看動物時,有沒有去關心牠們?

    回覆刪除
    回覆
    1. 有些動物在街上流浪的確是會被人欺負,但我認為一些野生動物例如是獅子、老虎、長頸鹿、大笨象、大猩猩和貓頭鷹等,牠們就還是比較適合在大自然生活,這絕對是一個相當矛盾的議題。然而,作為一個普通的人類,我也不懂得去分對與錯……😑

      刪除
  19. 我細個好鍾意Dorami ga。。
    因為咁仲比班fd改左個花名叫小叮叮。。^_^ 。。

    回覆刪除
    回覆
    1. 我覺得個花名同妳成個人都好襯喎!😄

      刪除
  20. 戥啲動物慘,你以後唔再去動物國睇動物,就要去南非睇野生動物了

    回覆刪除
    回覆
    1. 睇過就算了,真係好奇怪,睇嗰陣明明係歡天喜地,離開之後嗰種忐忑嘅感覺就一直留存到而家,唔知點解……😔

      刪除
  21. 兄弟估下我係邊個?2016年12月19日 上午12:05

    兄弟你咁大個仔竟然先係第二次去動物園玩?認真估唔到

    回覆刪除
    回覆
    1. 因為我本身對呢樣嘢唔係太感興趣,當日係因為仲有啲空閒時間又諗唔到下一站目的地,所以先臨時plan呢個行程……👫

      刪除
  22. 回覆
    1. 細個嗰陣都算係嘅,但大個咗之後,我最鐘意睇嘅漫畫係《幽遊白書》。📔

      刪除
  23. 好友♦・゚☁瞓覺豬呢🌛💤╠╣aΡpy週一🌟・゚🌙
    ╔══╗────╔╗╔═╦╦╗─╔╗╔╗
    ║╔═╬═╦═╦╝║║║║╠╬═╣╚╣╚╗
    ║╚╗║╬║╬║╬║║║║║║╬║║║╔╣🌟
    ╚══╩═╩═╩═╝╚╩═╩╬╗╠╩╩═╝
    ──────────────╚═╝✨

    回覆刪除
    回覆
    1. 🌈好友⛅・゚☀我的早晨☕你的午安好☁*`🌞
      🌸眨吓眼時間過得好快嚟🌺又冬至啦🌼🌹🌻
      ╔═════╗°¨°💗
      ║░═══░║💙*¨`*•💚
      ╚═════╝╔═╩═╗💖•*💘
      ░══╬══░⊹╬╬⊹¨`*💛
      ░░░║░░░⊹╚╬═💜⊹
      💞週一╠╣aΡpy💕💒🎄
      ❥*¨❣時刻開心萬事得♥。゚♡
      🏡🌲天天都過得歡樂精彩
      ❉•ೋ*¨*✾.¸¸。゚ღഐ❤🐈

      刪除
    2. 仲未收工啊!陰功陰功!😣

      刪除
    3. 現在收工瞓覺豬呢♦・゚☁好友🌛💤晚安✨╠╣aΡpy週二🌟・゚🌙

      刪除
    4. 早安,話咁快又起身食早餐!🍳🍞☕

      刪除
    5. 🌈好友⛅・゚☀我的早晨☕你的午安好☁*`☼
      💛*¨*💞・゚。💚。・゚゚💗・。。゚💝
      ╔╗╔╦══╦═╦═╦╗╔╗💘星期二
      ║╚╝║══║═║═║╚╝║💕冬至
      ║╔╗║╔╗║╔╣╔╩╗╔╝💜聖誕節
      ╚╝╚╩╝╚╩╝╚╝═╚╝。⊹*。
      💟*¨◇💖∴º°¨💙¤*¨∵💓

      刪除
    6. 冬至快樂啊!我又係喺工作中渡過……😆

      刪除
    7. 好友🌟・゚✨晚晚甜夢安睡囉☁*¨*🌙
      ╔╗╔╗╔╗╔╣✬*¨*🌛💤
      ╚╣╚╝╚╝╚╝⊹¨*☆。。゚★
      ╚╝.___☆╔╗─╦─╔╗─╦╦─╔╦╗
      ____★__║║─║─║╗─╠╣──║
      __☆____╩╚─╩─╚╝─╩╩──╩。♦
      💞齊齊╠╣aΡpy聖誕節💕
      💜*¨◇💛∴º°¨💙¤*¨∵💚

      刪除
  24. 如果龍珠同美少女戰士都有博物館~一定會仲多野玩~~

    回覆刪除
    回覆
    1. 如果未來有鳥山明博物館,肯定會有好多意想唔到嘅setting,真係諗起都覺得過癮!😆

      刪除
    2. 咁一定要搵人扮肥布歐先得wor~我好鍾意肥布歐ga~~!

      刪除
    3. 小心佢變妳做朱古力新地喎!💩😂

      刪除
    4. 哈哈~你唔講我都唔記得左佢有呢個絕招添!!!~~

      刪除
  25. 哆啦A夢陪伴許多人度過童年,當時許多孩子都幻想自己能夠像大雄擁有哆啦A夢這樣的好朋友。

    回覆刪除
    回覆
    1. 我細個當咗我嫲嫲係多啦A夢!😆👶👵

      刪除
  26. 你啲節目都幾宅,不過好啱我 :P

    回覆刪除
  27. 我只記得藤子F不二雄最初是安排技安的妹妹嫁給大雄,但就忘了叮噹以前原來是長這樣的。

    回覆刪除
    回覆
    1. 幸好後期藤子先生決定放過大雄!哈哈哈~😂

      刪除
    2. 去到後來技蘭的戲份也被縮減了很多,變成一個可有可無的閒角。

      刪除
  28. 真是太精彩了,不知道那一天到我去朝聖呢,...

    回覆刪除
    回覆
    1. 到時你係咪要改名做「看見叮噹」?😂😂😂

      刪除
  29. 對動物園段最後感想好有同感!!

    回覆刪除
    回覆
    1. 原來咁多人都有呢種感覺……😶

      刪除
  30. 整篇文加插了好多周星星對白和時事話題,好有娛樂性,讚。

    回覆刪除
    回覆
    1. 係喎!你同星爺套西遊2就快上喇喎!有乜嘢期望先?😎

      刪除
    2. 不需要宣傳啦,淨係周星馳三個字就已經是票房保証,哈。

      刪除
    3. 唔好咁謙啦!我覺得你嘅部分重要啲囉!話晒都係香港動作片大師喎!😆

      刪除
  31. 又叮噹/多啦A夢又動物園好童真好開心喎!

    最記得時光機、時空門, 好多想像好回憶的卡通!
    碗卡通麵一見就笑! :D

    回覆刪除
    回覆
    1. 係呀!望住碟意粉真係成個人都開心晒!😆

      刪除
  32. 那間 Café的食物外表真的好特別 , 味道好就 OK 。
    我都認為動物園困著動物不是好的安排 ,
    應該將牠們回歸自然 、生活 。

    回覆刪除
    回覆
    1. 我起初都以為會好難食,點知結果令我喜出望外!😄👍

      刪除
  33. 睇完真係好似同你地一齊去咗動物園同博物館咁,
    你寫動物園ge總結感言實在語重心長,非常值得人反思。
    d設計對白同突入ge歌詞依舊應景,多謝你ge詳細分享~

    回覆刪除
    回覆
    1. 因為我真係唔係太識寫遊記,所以寫到後尾就開始亂噏一通……哈哈哈哈哈~😂

      刪除
  34. cafe啲嘢食做得好靚好可愛呢

    回覆刪除
  35. 回覆
    1. 我其實麻麻地鐘意睇佢,雖然佢真係有些少似林志玲……😑

      刪除
  36. 你真係每篇Blog都寫得好有心機,
    就連咁普通嘅旅遊記事都可以描繪得咁生動,令我好想繼續追看落去

    回覆刪除
    回覆
    1. 多謝支持,仲有兩篇就完結了!😆

      刪除
  37. 講真、籠子裡的猛獸通常都是有神冇氣的。所以我唔鍾意逛動物園、因為我覺得動物應在野外生長才對。

    回覆刪除
  38. 呢一日d行程洗唔洗分兩篇寫呀?仲有咁多野寫咩?

    回覆刪除
    回覆
    1. 因為暫時仲未知玩具城同埋購物街嗰度我會寫幾多嘢同放幾多相,嗰度都有好多好特別嘅嘢想同大家分享!😆

      刪除
    2. 有幾特別?果幾件衫?我都忘記左有乜lu!

      刪除
    3. 我本身個人就係咁無聊!😋

      刪除
  39. 做乜無啦啦出人地個樣?好俾番d肖像權費用我喎!

    回覆刪除
    回覆
    1. 好嘢怕乜嘢比人睇?正所謂真金不怕洪爐火,靚姑唔怕比人望!😚

      刪除
    2. 作者已經移除這則留言。

      刪除
    3. Ok冇問題!您下半身嘅幸福以後就包喺我身上!😘

      刪除
    4. 死賤咀又借d意講咸濕野

      刪除
  40. 「樵夫之泉」,呢個故仔回想返都好好笑呀,好記得真技安比個神仙非法禁錮左,wakakaka~~~
    拉花咖啡,麵,果餐真係全部唔捨得食呀!

    回覆刪除
    回覆
    1. 我反而對呢個故仔唔係十分有印象,等我返屋企試下搵唔搵嚟睇下先!😆

      刪除
  41. 不得不佩服日本人的創意和智慧,這種充滿著童真氣息的博物館,是絕對可以讓孩子開心的成長。但很不幸地,在另一邊廂,中國就竟然曾經很不爭氣地開設過一間仿文革年代的紅衛兵餐廳來幸災樂禍及從中取利,幸好聽說最後倒閉了,真謝天謝地。

    回覆刪除
  42. 我愛叮噹, 家中有叮噹擺設
    我不會主動去動物園, 除非個別環境好又為保育、教育, 動物應屬於大自然

    回覆刪除
  43. 晚安小子,叮噹肥頭得意,真係大人細路都咁鍾意.

    回覆刪除
    回覆
    1. 再講返少少題外話,今季英超應該都係車仔天下,干地的確係掂.如果利記要保住前四,今晚對拖肥就真係不容有失,我都希望你地可以踢走熱刺同間廠坐穩阿二位置,最重要係唔可以俾班曼聯球迷再囂張落去,連續咁多年冇歐聯,睇佢地最後會唔會破產收場成為下一隊列斯,哈哈.

      刪除
    2. 多啦A夢應該係全日本最老少咸宜嘅一個卡通角色!👍

      刪除
    3. 曼聯呢啲金錢足球點會咁易死?睇下佢哋近年嘅收購,仲好意思話車仔同曼城玩無限金錢!😈

      刪除
    4. 曼聯呢幾季洗錢仲多過車仔,有乜資格出聲?

      刪除
    5. 青訓皇者就是任性!😎

      刪除
  44. 同學仔,好多童年回憶都走曬出嚟~

    回覆刪除
    回覆
    1. 我有好多個同學仔,請問你係邊一位?😮

      刪除
  45. 又想睇動物,又不忍牠們被困, 想點喎你!哈哈!

    回覆刪除
    回覆
    1. 睇緊嗰陣冇呢種感覺,睇完步出動物園之後個心就有啲"銀住銀住",尤其係諗起一班需要喺一個好細嘅地方孤獨渡過餘生嘅野生動物……🐯

      刪除
  46. 回覆
    1. 一個好有心思同好講究細節、禮節嘅國家!👆

      刪除
  47. 勁幸福呀可以比咁多叮噹包圍, 我都好想去呀!!><
    我都記得男神技安個故仔, 勁攪笑!!!

    回覆刪除
    回覆
    1. 有時間可以去走一轉,真係好值得去!😆👍

      刪除
  48. 以前在麗的電視看的叮噹,就是你相中沒有線條的那隻了, 當時還Q太郎, 現在多拉A夢畫得線條好一點, 經修飾一番

    回覆刪除
    回覆
    1. 我睇嗰陣時已經係無線播,即係林保全叔叔做配音嘅時期!😆

      刪除
  49. 尋晚又贏一場,認真開心!
    能夠幫漫畫人物開設博物館,其他國家就係冇日本咁有創意!

    回覆刪除
    回覆
    1. 絕殺死敵個感覺特別爽,希望勝利可以陸續有嚟!😬✌

      刪除
    2. 講起嚟外國又真係比較少有呢類型嘅博物館或旗艦店……😮

      刪除
    3. 外國好似都有marvel博物館!

      刪除
    4. 我反而想知外國有冇憤怒鳥旗艦店!😂😂😂

      刪除
  50. 日本D模型做得真係好細緻
    你個動物園感想我大致認同
    但一D動物冇人悉心照顧就會好快死
    有時候真係睇你點睇 針無二頭利
    不過如果間動物園好似你所講環境咁差又另計

    回覆刪除
    回覆
    1. 真係好熱同好臭,我凳隻北極熊慘!😓

      刪除
  51. 喜歡叮噹的朋友,這間博物館真的不容錯過!我剛去完台北動物園,那些動物{牛牛豆豆},毫無表情.你說得對,將動物困在籠中,實在不人道!

    回覆刪除
    回覆
    1. 我早幾日睇過一段新聞,話有個細路去動物園貪玩入咗猩猩個籠裡面,然後隻猩猩本來係想救個小朋友,驚佢會跌倒,但點知啲職員諗都唔諗就一槍射瓜隻猩猩,睇完個心真係好唔舒服……😟

      刪除
  52. 回覆
    1. 真係好有型!尤其係最大嗰隻,真係好有老大feel!👍

      刪除
  53. 《藤子·F·不二雄博物館》都好值得參觀喎~~~~
    祝冬至愉快!

    回覆刪除
  54. Teddy:上野動物園啲動物好可愛呀!
    祝冬至愉快!

    回覆刪除
    回覆
    1. 多謝KaKa!有時間就多啲上嚟坐下啦!😆👋

      刪除
  55. 啲嘢食整得好靚,要煮都要有一定嘅功夫同心機先得!
    個冇面人係神奇小子嘅分身,冇記錯呢套嘢當年係喺ATV嗰邊播!

    回覆刪除
    回覆
    1. 啲飲品同食物應該係用一部特別嘅機器整出嚟!🍲☕🍹

      刪除
    2. 其實套神奇小子係喺乜嘢年代播嘅?我真係冇乜印象……😶

      刪除
    3. 冇記錯應該係喺80年代初播嘅…

      刪除
  56. 嘩~好想去啊~好想攬住隻巨型叮噹影相~😍
    我諗如果有小丸子旗艦店我肯定會發曬癲~😍

    回覆刪除
    回覆
    1. 台場有間小丸子cafe,不過我哋冇去到……😆

      刪除
  57. 絶對認同 , 其實回歸大自然係最好嘅事 , 我好鐘意叮噹架 , 杯叮噹飲品真係好正呢~!!

    回覆刪除
    回覆
    1. 真係好靚,當時好想叫姑姑停多幾秒唔好飲住等我可以望多幾眼!☕😂

      刪除
  58. Teddy,你身為熱愛日本動漫一分子,這個行程大有收獲吧!
    不過我睇,你都係意猶未盡。😂😂😂

    回覆刪除
    回覆
    1. 咁我又唔算係非常熱愛動漫,但我就的確對日本同台灣呢兩個旅程有啲意猶未盡,真係好想立刻離開香港去另外一個地方鬆一鬆,但奈何最近公事同家事都好忙!😅

      刪除
  59. Time Time,我嚟緊一月都會去東京,你寫咗三篇我最有興趣就係呢個叮噹博物館,遲d一定會跟住你個schedule去行,thx u so much~

    回覆刪除
    回覆
    1. 唔使客氣!希望你到時會玩得盡興!😆

      刪除
  60. 老實說我都喜歡多啦A夢,我想你們是自己去還是跟團去?

    回覆刪除
  61. 介紹你去鬼太郎茶屋,在深大寺元町那邊,很好玩。
    另外,在富山縣冰見市中央町有《忍者小靈精》 作者藤子不二雄的展品看,千萬不要錯過。

    回覆刪除
  62. 預祝你聖誕節快樂~
    好羨慕你去左多啦a夢既博物館呢~~~

    回覆刪除
  63. 睇嚟下一篇係最啱我睇,正

    回覆刪除
    回覆
    1. 第四回因為某種原因而需要延遲推出!😆👋

      刪除
  64. 叮噹的故事到今天都好看, 可以天馬行空創作百寶袋,隨意門.作者的想像力真厲害.

    回覆刪除
    回覆
    1. 祝你聖誕快樂!!!
      順心如意!身體健康!
      co仔貓咪開開心心!

      刪除
  65. 羨慕.多啦A夢公仔要¥12960?貴了些, 不過喜歡.
    那隻雄猩是"阿頭"?
    日食好少不好吃, 但日本人食的份量比較少(我個人不是大吃的人, 但覺得日食份量比較少).

    聖誕快樂.

    回覆刪除
  66. 上次來看未及留言,今勻要拉到咁後先至見到個留言位,幾乎手都軟了。講吓笑啫,都係證明Teddy你人緣好,粉絲多。 在80年代我都看過不少的叮噹片,當中個個人物都好好睇,叮噹就梗係最得人鍾意啦。一丘小和尚更加令人難忘。小丸子與爺爺也很好看。

    回覆刪除
    回覆
    1. 作者已經移除這則留言。

      刪除
    2. 可能是因為大家都很有共鳴,所以留言比前幾篇多了。😆

      刪除
  67. Teddy,首先祝你和姑姑聖誕快樂!時時Happy開心!
    上次來看未及留言,今勻要拉到咁後先至見到個留言位,幾乎手都軟了。講吓笑啫,都係證明Teddy你人緣好,粉絲多。 在80年代我都看過不少的叮噹片,當中個個人物都好好睇,叮噹就梗係最得人鍾意啦!一丘小和尚更加令人難忘。小丸子與爺爺也很好看。
    (希望這個留言不會無故消失!)

    回覆刪除
  68. 整乜鬼嘢我個留言又失踪了!
    Merry Christmas!

    回覆刪除
    回覆
    1. 可能是Google先生肚子餓了!😂

      刪除
  69. 多拉A夢(叮噹)香港人的朋友 , 兒時回憶...
    聖誕快樂 !!

    回覆刪除
  70. 新年快樂!
    .......... ¸¸♡♡祝福您 ♡♡¸¸¸
    ╔════ღೋ❤ღೋ════╗
    ....ღღ2017年ღ幸福愉快ღღ
    ╚════ღೋ❤ღೋ════╝

    回覆刪除