2016年8月14日 星期日

痛痛快快醉一回!

埋嚟睇!埋嚟揀!壽司層層疊!午夜大放送!

呢間位於旺角通菜街75-77號地下嘅《六丸居酒屋日本料理》,喺最近就推出咗一個「宵夜時段六折大優惠」。
坦白講,論食物質素,呢間《六丸》啲嘢絕對唔稱得上係一支棒,但就至少比《金太郎》之流好得多,而且價錢都算合理。另外,呢間舖嘅地點對於我呢個長期都要開夜班嘅紅磡夜遊人嚟講亦十分就腳!大家須知道,要喺深宵時份嘅油尖旺搵一間比較似樣嘅平民日式料理店,實在唔係一件容易嘅事!
好!廢話少講!就先嚟一客味付螺肉開開胃先!
再嚟半板貴夾唔飽嘅海膽刺身!
好兄弟華Dee嘅至愛,牛油果軟殼蟹卷!
足足有三隻手指加埋咁長嘅原條海鰻壽司!哈哈~點解阿華仔鐘意親啲嘢都咁鬼重口味嘅?
每次去日式料理店我都必定會點嘅汁燒原隻魷魚筒!
咬落去煙煙韌韌,入口鹹中帶甜、甘香味美嘅雞泡魚干,可能係全世界最正嘅一味佐酒小食!
最近,有一位家庭成員因為長年嘅負債問題因而比人告上法庭,呢件事實在令本人相當困擾!所以,我而家嘅心情真係好鬼肉酸呀!不過,正所謂醜婦終須見家翁,要面對嘅就終須都要面對!唉~仲諗乜Q呀!反正諗嚟都係嘥鬼氣!不如痛痛快快飲返晚好過啦!
《六丸居酒屋日本料理》

地址: 旺角通菜街75-77號地下
電話: 3105 0006
營業時間:星期一至日:12:00 - 00:00

各項評分(五個為滿分)

食物質素:㊣㊣㊣
抵食程度㊣㊣㊣
服務態度
環境㊣㊣㊣
衛生㊣㊣㊣

吓~乜嘢話?李慧詩炒車?孫楊1500米自由泳提前出局?人稱「火雞姐」嘅傅園慧又係乜水?喺巴西里約奧運進行得如火如荼之際,我憤怒鳥個心就卻老早飛咗去利物浦度!梗係啦!今晚話哂都係利記嘅英超首戰喎!對手仲要係非常惡哽嘅阿仙奴!作為利迷,我話唔緊張就呃你嘅!

165 則留言:

  1. 汁燒原隻魷魚筒,我鍾意呀!

    回覆刪除
    回覆
    1. 講開又講,記得以前百佳有隻魷魚筒飯真係好鬼好食,但唔知點解近年就唔見佢哋有賣……😣

      刪除
    2. 非常回味,唔知點解佢唔再出……😣

      刪除
  2. 紅磡夜遊人係呼坐紅van出MK?

    回覆刪除
    回覆
    1. 對對對!阿毛你也坐過?😮

      刪除
  3. 人有時要狂歡一下,否則好易壓力爆煲,不過飲酒要適可而止.

    回覆刪除
    回覆
    1. Philip兄:冇啦!而家仲邊度敢咁放肆呀?😷通常最多都係三支左右就收手……😅

      刪除
    2. 大夫:此時此刻,但願長醉不願醒!🍷🍸🍹

      刪除
  4. 我諗跟你「搵食」就一定冇得輸,重口味都啱我㗎!

    回覆刪除
    回覆
    1. Siu兄,講飲講食你先係專家!👍👍👍👍👏

      刪除
  5. 嘩,個壽司層層疊真係好掂呀!睇到我流哂口水!

    回覆刪除
    回覆
    1. 徐大導搵日都去挑戰下!😎

      刪除
  6. 哈~憤怒鳥bb你真係一個名副其實ge壽司怪~

    回覆刪除
    回覆
    1. Bingo!👏👏👏😬🍣🍣🍣🍣🍣

      刪除
  7. 咦 好似幾正咁喎
    不過睇到你尾二寫果段 唉 保重啦腦友

    回覆刪除
  8. 回覆
    1. 呵呵呵~未來的東京和台北遊記將會有更多誘惑帶給妳!😈😈😈

      刪除
  9. 哈睇見個層層疊已經飽哂,你覺得間野抵食嘛?平均人頭消費如何?

    回覆刪除
    回覆
    1. 岩岩有冇睇波?好彩葛斯唔黎咋,否則邊會買文尼。爆一段快得黎下盤又穩,拉都拉唔住,左右腳都射得,射球winning式入球,岩哂高普d戰術

      刪除
    2. 認同,Mane無病無痛的話右路長期正選應該走唔甩,可能遲下帶起埋馬高域,到時Mane真係可以當Aubameyang咁用!

      刪除
    3. 作者已經移除這則留言。

      刪除
    4. 貝加兄:普通抵食啦!我諗如果你唔嗌其他嘢例如係海膽刺身同啤酒等等,我估計一個人百幾蚊應該可以食到飽飽離開!😜

      刪除
    5. 貝加兄2:啱啱收到最新消息,文尼傷咗!頂!永遠fit嗰個傷嗰個!次次都係咁!真係屌那媽!😠😠😠😡

      刪除
    6. 鐸兄:話口未完佢就真的受傷鳥……(^_-)

      刪除
    7. Sadio Mane's scan on his shoulder has revealed muscle damage rather than a dislocation he is set to miss one game. (Sky Sports)

      刪除
    8. 利記最衰就係呢樣嘢!成日都靠死某幾個球員食糊!希望高普可以慢慢改變呢個問題啦!

      刪除
  10. 題外話:利記進攻爽朗,新球季勝出漂亮首仗,恭喜!

    回覆刪除
    回覆
    1. 其實近幾年開季都好順,係去到中段隊波就開始會散散地……(^_-)

      刪除
  11. 宵夜放題,飽到上心口,瞓唔瞓得著㗎?

    回覆刪除
    回覆
    1. 睇錯添,原來唔係放題。。。

      刪除
    2. 當晚真係瞓唔著!哈哈哈~

      刪除
    3. 如果係放題,啲食物款式就冇咁多lu!😆

      刪除
  12. 汁燒原隻魷魚筒,我家人必吃,
    對!好友齊飲要盡情,不如痛痛快快飲返晚好過啦!

    回覆刪除
  13. 又同廚房仔去威呀?隻憤怒鳥真係愈望愈似你啊

    回覆刪除
    回覆
    1. 我都覺得係……哈哈哈哈~😂😂😂😂

      刪除
  14. 近年都唔敢再食壽司,驚唔乾淨.....

    回覆刪除
    回覆
    1. 而家就連食舊豬肉都可能會中毒,講真都真係唔驚得咁多!😅

      刪除
  15. 牛油果軟殼蟹, 鰻魚仲有炸蝦卷都係賣飛佛^^
    你既心情點鬼樣"肉酸"呀???

    回覆刪除
    回覆
    1. 煩緊好多嘢,例如係老母比人告上法庭……✋✋✋

      刪除
    2. 民事,但暫時未知仲有幾多手尾跟,所以現階段諗太多都係無謂……

      刪除
    3. 我在巡理府工作了二十多年,如果有疑問,我相信可以給你解答!

      刪除
    4. 好,先謝謝,不過近年其實我都甚少有機會跟她碰到面!

      刪除
    5. My Office Telephone No.: 2582 3081

      刪除
    6. 問題已解決了,但還是要大大謝謝你的熱心。💞

      刪除
  16. 大哥保重,尋晚隊波真係打得勁爽,係衰條摩仔,左路大放題..

    回覆刪除
    回覆
    1. 多謝關心,我覺得如果比摩蘭奴繼續打左後衛,後防死穴實在係太大。所以我對球隊今季嘅成績就依然唔係咁睇好!因為無論聯賽定杯賽,穩定性同防守力都係非常重要。

      刪除
    2. 對熱狗球千里走單騎係我之前支持佢嘅原因,但只可以講....經過聯賽盃決賽,歐霸決賽同阿仙奴呢場,再加上之前N場......我真係支持佢唔落了,IM SORRY........🌚

      刪除
    3. 其實高普應該都開始有啲頂佢唔順,唔係又點會用米拿做替工呀?所以,我真係唔明……球會同高普點解就係死都唔肯買左閘?

      刪除
  17. 我雖然係阿仙奴粉絲,但對於呢次俾利記重槌KO,都有啲心涼!你雲加慳家嘛!唔捨得買球員嘛!最好連跟住個禮拜日,都輸埋俾李輸十成!

    回覆刪除
    回覆
    1. 對李斯特城應該唔成問題,我估今季呢隊神奇球隊應該會打回原形!但噚晚場波就真係完全睇到銀河唯一基奧特嘅重要性,講真,我一見到阿仙奴擺無鋒陣就知道利物浦今舖應該有啲機,因為利記向來最大嘅弱點除咗左路之外就係高球防守,所以今場阿記冇擺個中鋒喺前面,仲諗住同利記快打快,呢下真係好蝕章!(話時話,韋碧克同埋基奧特其實係咪傷咗?)

      刪除
    2. 韋碧克傷咗,基奧特好似雲加俾佢放多日假。

      刪除
    3. 其實近幾年阿記開季成績都係好差,跟住就會順返,然後就順利入返Big 4!哈哈~

      刪除
  18. 可惡,你又出放毒post?個壽司層層疊排得好靚ar~

    回覆刪除
    回覆
    1. 偶然排排毒對身心都有幫助!😛

      刪除
  19. 宵夜六折,真係好抵喔!
    可惜我唔好生野,但d牛油果軟殼蟹卷、燒魷魚筒... 同其它熟食我都食!當然,唔少得支冰凍 Asahi 啤一啤佢!

    回覆刪除
    回覆
    1. 但香港啲日本料理店啲熟食多數都整得麻麻地!

      刪除
  20. 唉!強強對壘我真係唔驚,對中下游老鼠拉龜先係真正考高dad牌嘅時候,同埋我都冇睇奧運,完全冇興趣!!

    回覆刪除
    回覆
    1. 只要有古仔,贏波無問題!😆😆😆

      刪除
  21. 嘩好正呀!唉我附近無呢d開得夜既舖頭,如果有我肯定肥過而家100倍!ha

    回覆刪除
    回覆
    1. 香港地實在有太多誘惑了!😂😂😂

      刪除
  22. 兄弟估下我係邊個?2016年8月15日 下午10:03

    下次預埋我

    回覆刪除
    回覆
    1. 咁首先你要話比我知你係邊個先,事關我太多兄弟,真係估唔到你係乜水……(^_-)

      刪除
  23. 我都話...味美嘅雞泡魚干...好正呀
    好友★。゚☾又瞓覺時候嚟☁¨*☆晚安♦・゚✬
    💖*¨💘眨吓眼又💜。゚💕╠╣aΡpy星期二💞

    回覆刪除
    回覆
    1. 晚安my friend!💖💖💖💖

      刪除
    2. ☁¨*☆好友★。゚☾晚晚甜夢安睡喇喂♦・゚✬╠╣aΡpy星期四

      刪除
    3. 好友★。゚☾又瞓覺時候嚟☁¨*☆晚安♦・゚✬
      💖*¨💘眨吓眼又周末💜。゚💕大家╠╣aΡpy喇喂💞

      刪除
    4. 好友♦・゚☼早晨&午安☁*`☀
      💞大家💖*¨💜周末╠╣aΡpy💘。゚💕
      ❥*¨*❣齊齊❤°¨ღ開心萬事得♥。゚♡
      瞓醒吃飽早餐◇同大家Hi Hi完¤我逛街樂了

      刪除
    5. Thx x3!💓💓💓💓💓💓💓

      刪除
  24. 英超開鑼球迷又有排忙la!Time Is Changing小心身體唔好飲咁多酒呀,凡事適可而止啊!

    回覆刪除
    回覆
    1. 其實又唔會好忙,因為我只會睇利記啲比賽!

      刪除
  25. 咁食得嚟!咪好夜?!!
    希望你的煩事盡快成過去~~~

    回覆刪除
  26. 因為你, 憤怒鳥多左幾分可愛。哈哈~~~

    你介紹嘅六丸實在吸引,夜食好去處,某夜定會去試試啊﹗

    回覆刪除
    回覆
    1. 哈哈~幸好不是可惡!😂😂😂

      刪除
  27. 綜合報導:根據多位負責利物浦的記者報導(包括 Times 的 Tony Barrett 及 Telegraph 的 Chris Bascombe),高普將繼續重用摩蘭奴。

    報導指高普滿意摩蘭奴的態度,並認為這位西班牙左閘非常肯學習,而摩蘭奴的後上意識及助攻能力是不能替代的。

    高普原欲收購李斯特城的小將 Ben Chilwell,但用意只為替補,所以高普認為 1000 萬鎊的價錢太高,結果放棄。今季高普會暫時以占士米拿作替補左閘。

    http://www.thetimes.co.uk/edition/sport/moreno-attacked-from-all-sides-but-klopp-still-has-faith-0r59dwhxz (需付費)

    http://www.telegraph.co.uk/football/2016/08/15/alberto-moreno-criticism-will-not-force-jurgen-klopp-to-sign-new/

    回覆刪除
    回覆
    1. 高普可能係睇中米拿左右腳都出到靚波,而且夠勤力又有無限體能。

      刪除
  28. 其實都係意料之內,高普唔似會因為一場波而改變自己嘅決定,睇到韋拿杜姆同神軒上場輪流去包摩仔D位,似乎係高普嘅戰術!嗯,咁大家現階段唯有寄望佢地儘快適應呢個安排啦!!

    回覆刪除
    回覆
    1. 總覺得高普係想將摩仔打造成第二個Bale!

      刪除
    2. 第二個高捷司機就有佢份!!

      刪除
    3. 咁又好難有人差得過高捷斯基條粉腸!

      刪除
  29. 食咗先至算,今朝有酒今朝醉。生肉壽司+美酒,受得就好嘞!

    回覆刪除
    回覆
    1. 一個月間中一兩次ok的!嘻嘻~

      刪除
  30. 完全唔知旺角有間咁既野,等我下次去試下先,thx dude

    回覆刪除
  31. 那個層層疊真誇張!感覺上好像是一些日本大胃王比賽的競賽餐目(笑)。

    回覆刪除
    回覆
    1. 幸好那天很忙沒有吃晚餐!哈哈~

      刪除
  32. 預祝你們東京和台北旅遊愉快, 滿載而歸!

    回覆刪除
  33. 最近天氣變幻莫測,要小心皮膚的狀況呢!

    回覆刪除
  34. 宵夜時段有六折都幾抵食喎

    回覆刪除
  35. 牛油果軟殼蟹卷我鐘意!

    今屆奧運開幕禮都幾好睇! :)

    回覆刪除
    回覆
    1. 有咁多blog友都喜歡呢個軟殼蟹卷,咁可能係我唔識欣賞佢!😂😂😂

      刪除
  36. 看來好好味喎, 不過, 我現在越來越少食生冷野.... 胃消化能力差左.

    回覆刪除
  37. 午安小子,多謝你又介紹好野比大家.

    回覆刪除
  38. 六折又真係抵食嘅 , 不過我無消夜習慣呢~!!
    醉還醉 , 醉醒都係要接受事實 , 加油呀)))))))))

    回覆刪除
  39. 壽司真是你的至愛,我想未來的日本之行你必定會盡興而歸。

    回覆刪除
    回覆
    1. 希望吧!最近倒霉事實在太多了!真是需要充喜一下!

      刪除
  40. 6折真係好抵~~~~
    希望你屋企人快d無事啦!

    回覆刪除
  41. 又多個宵夜好去處,些些blog主!!

    回覆刪除
  42. 上場波除咗前面果幾個打得好,我反而最欣賞卡拉雲
    好耐冇一個咁淡定嘅中堅,分分鐘佢會係利記今季ge中堅鐵膽

    回覆刪除
  43. Avocado Soft Shell Crab Roll , my favorite !!! 💜

    回覆刪除
  44. Kiu兄、有酒今宵醉、別想煩腦事、勝嘅!祝身體健康!

    回覆刪除
  45. Time Time最近ge blog文都係比較多走輕鬆style!~
    我真係好掛住你ge音樂電影分享啊~幾時有得睇?

    回覆刪除
    回覆
    1. 希望短期內可以出到一兩篇音樂blog,電影看後感短期內應該唔會再有!

      刪除
  46. 狂小子,願煩惱快快遠離你,令你心情唔再肉酸,乾杯!

    回覆刪除
    回覆
    1. 呢幾日仲係好肉酸,希望過咗八月會好啲!

      刪除
  47. 壽司層層疊排得好靚+美酒,乾杯!等我下次去試下先 ....

    回覆刪除
  48. 女人街d日本野,d刺身全部喺後巷溶雪,食你唔痾真係笑呵呵:o)
    六丸呢間野,同咩一休,七本,數字字頭個幾間野都係同一group
    btw,食過六丸,撇除衛生問題d野其實唔錯[sosad][sosad]

    回覆刪除
    回覆
    1. 出去食嘢不嬲都係眼不見為乾淨㗎啦!

      刪除
  49. 睇咗兩場之後發覺獌今季真係好屈
    最正就係簽咗伊巴,前伊巴,龍ddg同拎冠都冇咩分別:-( :-(
    伊巴值錢在對中下游隊d入波數字一直有保證,贏聯賽就係靠呢d ga je:-(:-(
    三場三球,屈中下游都應該屈到個聯賽番黎:-( :-(
    相反利d老問題就一d都冇改變過,防守一樣係咁sexy
    講真,對垃圾利駛乜係中路攻,左邊都夠輸拉[369]
    同埋冇硬淨中場肉腸,根本搶唔贏普巴爆炸狗或者姦迪馬迪呢d組合…
    照咁睇今年big 4幾格劍,利應該冇阿仙奴死得咁慘……[sosad][sosad]
    哈哈,希望下場對般尼唔好又幫d中下游搶分la :-( :-( :-(

    回覆刪除
  50. 今年奧運我有留意火雞姐,公道D講,強國多幾個呢D kai下kai下既運動員
    少幾個酸羊呢D柒頭,就唔會咁多人反你,記得以前強國d運動員囉第三
    都要對住鏡頭話對唔住教練對唔住祖國,打網球個個已經有版你睇xx(
    不過依條火雞姐講既野,我覺得遲d分分鐘可以記入中華運動史冊入面[sosad]
    佢代表住依一代既運動員終於開始似番個人,係為作為一個人而比賽,而唔係一部國家機器:)

    回覆刪除
    回覆
    1. 祖國啲嘢……都係當一場戲睇下就算啦!

      刪除
  51. 今日有酒今朝醉?不過要適可而止才對。近來身體好嗎?狂小子。

    回覆刪除
    回覆
    1. 好久不見,最近身體不錯,謝謝你的關心。

      刪除
  52. 別想太多,美酒佳餚,品嚐過後再算。

    回覆刪除
  53. 多謝狂兄宵夜好介紹,
    利記兩場可以失到五球波,高普認真要諗諗計
    不過我地紐記都唔好得好多,落到英冠都係打唔返起

    回覆刪除
  54. 六丸不過不失la,總括係一間又平質素又ok既日本餐廳,卷物幾好味,不過d員工就不X知所謂!

    回覆刪除
  55. 燒雞泡魚乾真是佐酒之選NO.1,好有口感。

    回覆刪除
  56. 又好久不見。。。希望你的難題可以早日迎刃而解。。。。
    祝福你。。。good luck。。。^_^。。。。

    回覆刪除
  57. 我見到樓上既Ruby2149既留言, 真係笑鬼死我...
    我一直睇個post就諗有冇人同我一樣咁諗,佢簡直講哂我d感受出黎....
    下下上親黎都見到壽司post..
    我有個疑問 :到底一年你食左幾多次壽司? 有冇50次? 其實我都知壽司既魔力好大.....
    九月啦....心情仲有冇咁肉酸呀?

    回覆刪除
    回覆
    1. 應該有十幾次啦!但醫皮膚病嗰陣試過一年冇食過!⊙_⊙……

      刪除
  58. 燒汁原隻魷魚筒 & 牛油果軟殼蟹卷....好正!

    回覆刪除