2016年3月30日星期三

請別再為該死的惡魔辯護!

 

「Little Susie」這首歌是收錄在Michael Jackson於1995年6月發行的《HIStory》專輯中。據說此歌的創作靈感是來自一個真實的悲慘故事,1972年,一個名叫Susie的女孩被殺害了,不過整首歌的歌詞並沒有明確的說出這位小女孩的致死原因,也未有指出誰是兇手,只知道這位不幸的小女孩是出身於一個破碎家庭,她一出生便被父親離棄,然後她的母親和爺爺亦相繼離世。她孤單一人,沒人關心愛護,她不曾被愛過,一生就這樣匆匆地結束……

「這世界不應該是這樣的!但個世界……本來……就是這樣。」 我的座右銘,多年來從來都沒有改變過。 Susie小悦悦小凱晴小皓博、順天邨貓貓、荃灣貓貓衰仔、在廣西玉林狗肉節被屠殺的所有狗狗,還有近日所發生的內湖女童命案,完全揭露了地球每個角落的陰暗一面。現在科技日漸發達,我們都清楚明白,這些事件其實只是冰山一角,在這個物質社會裡,人人都開始養成了一種事不關己的態度,還漸漸失去人性。一件件慘絕人寰的兇案,並沒有喚醒世人的冷漠……我想,有很多人跟我一樣,對這個殘酷的世界都曾經存有一絲希望與期盼。可是,隨著年紀漸長,歷練的世事漸多,我們就會深深感受到理想與現實之間的那道鴻溝到底有多深多闊,每當聽到人類嘶啞著喉嚨高呼:「我深愛這個世界!」,世界卻每每以殘忍、冷酷、背棄來回報眾人,不管大家如何花盡心力去擁抱這個世界,所換來的卻往往都是無窮無盡的背叛與不公。這好像已經變成了一件平常不過的事……正所謂世途險惡,人心難測,生活上,有些事情是永遠無法去改變,人只能去適應環境,再強行去改變自己才能絕處逢生,久而久之,這副冷冰冰的面具便會慢慢成為了人們不可缺少的防衛工具。那當然,當一個人長期戴著面具,逐漸將自己在人前的虛偽當作是生活的方式,這絕對是一件相當可悲的事。所以在這幾天我就選擇暫時躲進Michael的音樂空間裡休息一下,我堅信,此時此刻,只有他的歌聲才能撫慰我受傷了的心靈。 
「如果不喜歡我,請離開我。留下,只會讓我繼續難過。」 
我想說,能對小孩和小動物下毒手的,基本上已不配被稱為「人」,因此,請不要再給機會讓任何一頭惡魔企圖用精神病和宗教信仰來沖洗自己的心靈罪孽,而大眾也不要再花時間和心神來分析他們的行兇動機,因為他們就是一群十惡不赦的人渣敗類,沒有別的。
小妹妹,請原諒這個荒謬的世界,願妳安息,並在另一個地方生活愉快。

172 則留言:

  1. 願劉小妹妹安息,願妳在另一個不再有人渣敗類世界生活。

    回覆刪除
  2. 很悲痛, 很悲痛﹗
    極度心痛孩子的父母、家人﹗
    願小妹妹安息﹗

    回覆刪除
  3. 這個世界猶如一個個的殺戮戰場,有時心想…生活在這裡究竟有多少是人類?
    RIP !

    回覆刪除
  4. 祝願小妹妹在天堂快樂地過…
    那裡沒有惡魔狂徒…

    回覆刪除
  5. 年紀愈長愈發現原本應該的慢慢變到唔係必然。人性如斯,世界如斯。

    回覆刪除
  6. RIP,不過響強國,呢D事可能每日都響度發生緊

    回覆刪除
  7. 善惡盡頭終有報不單今生有報應,死後且有審判.
    只可憐孩子受害了是無法改變的事實.

    回覆刪除
    回覆
    1. 我從來不相信報應這回事,不然的話一班狗官又怎會一直風流快活的過活……

      刪除
  8. 完全感受到大哥你嘅無奈同心痛,呢個世界D壞人真係殺極都殺唔完,衷心希望劉小妹妹可以早日安息…

    回覆刪除
  9. 連串不幸事件,令我想起 Reflection of my life 的歌詞:
    .........
    The world is a bad place, a bad place
    A terrible place to live, oh but I don't wanna die
    All my sorrow, sad tomorrow
    Take me back to my old home
    All my cryin', feel I'm dyin', dyin'
    Take me back, to my old home
    ..............

    回覆刪除
  10. 太令人感到難過與痛心!!! 精神病人殺人事件,聽說以往在元洲村的一家幼稚園發生過,在美國的校園內也發生過! 真是很殘忍的。

    回覆刪除
  11. 社會究竟有什麼病? 之前有地鐵斬人, 今日又有另一慘劇, 只希望傳媒不要再打攪小女孩的家人

    回覆刪除
    回覆
    1. 社會向來都有病,只是現時的人抗壓性和免疫力越來越低,才無法抵抗病毒……

      刪除
  12. RIP~前幾日睇到新聞忍唔住喊左出黎~個小妹妹真係死得好慘~~

    回覆刪除
  13. 願小燈泡妹妹安息,btw,佢媽咪好堅強。。

    回覆刪除
  14. 法律沒平等生命這回事, (除自衛) 殺人者死(死刑) 才公平!

    回覆刪除
  15. 願她妹妹安息
    真係唔敢相信會發生這種事情,多關心逃離現實生活既人

    回覆刪除
    回覆
    1. 這點實在很難,因為現今社會很多人都喜歡一沉百踩,一切以利字行頭,早就已經忘了何謂愛。

      刪除
  16. Rip,呢首歌好冷門,估唔到你都識

    回覆刪除
  17. 看到有關報導真的很難過,願小妹妹在天國活得安好。

    回覆刪除
  18. 唉,真係唔想再見到呢啲事發生

    回覆刪除
  19. R.I.P.
    What an amazing song from the King of Pop, King of Music!
    Michael's heart was so beautiful.

    回覆刪除
  20. 我哋有時對貓貓狗狗會賦予同情心,相比食用的禽畜,或會受到虐待屠殺,這就未必有人去理會佢地的感受...
    相當之矛盾,理應是否一視同仁咁呢!!

    回覆刪除
    回覆
    1. 搭口講句,我覺得任何非素食者都無資格討論呢個議題#bye#
      如果照呢個理論,係咪只要肚餓就人食人都得?個人意見O:-)
      仲有點解無人幫米,菜,老鼠,小強,蛇同埋其他可供食用既植物平反?
      其實佢地都好慘架,sad but ture根本好多動動都好慘
      so係咪要全部唔洗食???都係果句啦,食個陣唔好浪費咪得lor[sosad]

      刪除
    2. 森伯有森伯嘅道理,但我自己就始終都認為殺生同折磨動物呢兩個議題實在好難拉埋一齊去比較,對於一啲被食用嘅禽畜嚟講,犧牲於大自然畀其他生物食係佢其中一個命運,但額外飽受折磨同侮辱,就算佢有冇思想都唔會有生物會渴望痛苦。其實歸根究底就係講緊人性問題,以折磨比自己弱小嘅生命去獲取快感根本就連禽獸都不如。

      刪除
    3. 補充:弱肉強食係大自然法則,即使有人覺得人類應該為此而內疚,但全個食物鏈都係沿住呢個法則,如果要認真同深入去分析同探討,咁就算一草一木都有佢本身嘅生命存在,所以如果人類堅持唔想殺生就等於唔想生存,除非有人覺得生存本來就係一種罪。

      刪除
    4. tommy仔:大致認同你嘅睇法,因為喺正常嘅情況之下,我哋根本就冇可能會同雞牛羊豬等生物交朋友同將佢哋當成寵物,整個差別就喺呢度。咁當然,如果有人堅持覺得你養隻狗或者貓到一定時候你就可以殺咗佢嚟當晚餐,咁我真係冇辦法再討論落去……

      刪除
    5. https://m.facebook.com/story.php?story_fbid=991916637560513&id=417044128381103

      最後再share一段片,呢個就係我自己嘅著眼點。食用禽畜同虐待禽畜,兩者係有好大差別,所以我相信每一個正常人睇完上面條片都應該會感到好難過同好心寒……

      刪除
    6. 食肉我一向幾飽都盡力食哂, 畢竟為左食肉而殺死條生命
      如果食唔哂當垃圾就好折墜, 算係一點自欺欺人既敬意啦[sosad]

      刪除
    7. 上面條片真係睇到好X嬲
      殺就殺,食就食,過程以外攪任何花臣,都應受報應#fire# #fire# #fire#
      大陸共匪養出一班死賤種,根本所有人都泡在一個大咀咒
      污染整個世界,呢個種族係應該受到報應滅絕xx( xx( xx(

      刪除
  21. 禽日睇新聞見劉小妹妹媽媽咁平靜,好平伏咁面對記者#adore#
    點解一個媽媽,個女係面前俾人斬死,仲要係身首異處都可以咁快出黎見記者...
    係咪有宗教信仰???可以咁冷靜???點解冷靜到我直頭心都寒@_@
    好恐怖,理性得太可怕,唉,希望佢唔係假裝堅強:~(:~(:~(

    回覆刪除
    回覆
    1. 咁講真,而家就算將個兇手斬開十九碌,佢個女都唔會翻生,我覺得話個媽媽有問題嘅人不妨可以睇番好多年前嘅寶馬山雙屍案。只可以講本人同大眾嘅情操同道行唔夠本案死者嘅媽媽同雙屍案嘅家屬高,但大家亦唔可以一下子去否定呢個世界真係會有呢種咁理性既人……

      刪除
    2. 其實都岩既
      小朋友已經死得咁慘
      不如比佢家人安安靜靜咁同佢個女永別 :-( :-(
      之後既事大人會幫佢拎返公道 :-( :-(

      刪除
  22. 兄弟估下我係邊個?2016年3月31日 下午4:53

    RIP,支持死刑

    回覆刪除
    回覆
    1. 現時的法律是否公正得可以承托死刑制度?我有點懷疑……

      刪除
  23. 祝願小妹妹安息 , 更希望佢媽媽盡快走出唔開心嘅片段~!!

    回覆刪除
  24. 深深哀悼,兇徒正仆街!一定不得好死!!

    回覆刪除
  25. 看到上面這張貓貓相片,人更傷,願劉妹妹安息,忘記這個荒謬的世界。

    回覆刪除
  26. 沒有規矩,不成方圓,賞罰不分,天下必亂,替代被害者廢除刑罰,不是慈悲,而是越矩。沸沸揚揚的死刑存廢論戰,來自智慧未開,自以為文明的無知法規。先進的人權氾濫,造成了歐美的各種失心慌的殺人魔王不斷創紀錄。媒體的爭相報導重複播放,恐怖的行徑,犯罪心態,行凶細節,卻獨缺了真正合理的懲罰。這無非鼓勵犯罪的創意。
    殺人不必死,是對殺人者的鼓勵。結局只有更糟。犯罪者可遮掩臉龐,這是對善良百姓的殘酷。精神異常就能免責,這是對身心健康者的侮辱。反觀之,嚴刑峻法卻造就了新加坡的平靜,而在平靜中顯揚國際,創造奇蹟。臺灣啊台灣,人權是給行為如人者之權,請勿濫用。天祐臺灣...

    回覆刪除
    回覆
    1. 但如果執法的人本身就已經是一群惡魔,那麼所謂的酷刑又是否能夠公正地讓每一個平民都得到合理的保障呢?就像在中國,數年來就不知有多少被誣捏成惡魔的天使死在一群披著羊皮的魔鬼執法者手上……

      刪除
  27. 小燈泡妹妹,祝福妳一路好走,妳在那邊要當個快樂的小天使,不再害怕,不再痛苦。

    回覆刪除
  28. 去世嘅人固然可憐,留在世上嘅仲痛苦

    回覆刪除
  29. 「這世界不應該是這樣的!但個世界……本來……就是這樣。」
    說得太真實了!

    回覆刪除
    回覆
    1. 所以做人還是不要太真實,要虛假一點才能與這個荒謬的世界抗衡。

      刪除
  30. 公平正義尚未來臨,天災人禍卻接踵而來,一再折磨著人民,實在令人憂心,痛心。

    回覆刪除
    回覆
    1. 要等待公平正義來臨,似乎比沒有天災人禍還困難。

      刪除
  31. 願她走快步, 人生莫如冷, 冷若似刀鋒.....

    回覆刪除
  32. 晚安小子,願小燈泡妹妹安息,毒品真是萬惡源頭!

    回覆刪除
  33. RIP~~好令人心痛~~好令人髮指~~~

    回覆刪除
  34. 週末好,Teddy!
    小童何辜????

    回覆刪除
  35. 最近類似慘案就好似病毒佈滿全球,真係唔知要蔓延到幾時先肯停止??

    回覆刪除
  36. 凡係對d細路同貓貓狗狗落手嘅人,通常都係d冇賓周嘅死毒撚,呢d死賤種真係抵佢做死一世懦夫,一世都唔駛旨意抬得起頭

    回覆刪除
    回覆
    1. 但荒謬的世界卻不停叫我們包容這種人……

      刪除
  37. 社會病了,是因為這世界上的人已不再仁慈,不再遵守人應有的常規,而規範行為的律法也已傾斜,人民過著沒有禮義的生活,一切利益為主導歸向。

    回覆刪除
  38. 呢個世界早就痴撚哂線,
    希望小妹妹可以去到自己理想的天國做一世天使,
    唔好再投胎,因為呢個世界真係好骯髒好核突冇得救

    回覆刪除
  39. 狂兄你點睇今年的金像獎個得獎名單?都幾爆..

    回覆刪除
    回覆
    1. 大致上正路,尤其係金燕玲拎女配角真係不作她人之選。不過,當睇完暗色天堂之後,我認為張學友同林嘉欣就絕對比春夏同郭富城更配得上影帝、影后之名。特別係郭富城喺踏血尋梅入面比我個感覺就只係喺到不停咁模仿緊智叔,而且可以發揮嘅機會亦唔算好多,基本上喺成套戲入面白只就比佢更加似男主角。

      刪除
    2. 另外,如果撇除政治因素唔講,我認為十年就真係唔係好值得拎最佳電影。不過我聽到有某幾位離哂地嘅電影人話:「好怕十年攞獎之後金像獎就會開始畀政治綁架!」我就真係覺得好好笑!我心諗:「乜一直以嚟政治本身唔係就已經綁架咗電影好多年啦咩?」哈~你淨係睇下而家可以拍嘅題材越來越少就知啦!但咁都係好正常嘅!而家乜都要顧及個大陸市場呀嘛!只係你班所謂電影人唔敢坦白je!屌那媽!你班生意佬好心就大方啲啦!只係區區一套小成本製作攞個獎,成班人啲醜態就立刻走曬出嚟!

      刪除
  40. 人類一直很努力嘗試張一個冷酷嘅世界改變成一個充滿愛嘅世界。奈何人類在另一方面又不斷做出冷酷無情的事情來。鳴呼哀哉!

    回覆刪除
  41. 希望以後都不會再發生此種事!

    回覆刪除
  42. 呢D人粉應該一世都唔好放佢出嚟!!!

    回覆刪除
  43. 慘..依家小妹妹已經成為個班反廢死人士借題發揮去批鬥廢死團體既政治工具

    回覆刪除
  44. 歌王之戰幫幫唱敲定!林子祥、葉倩文、尼歐(Ne-Yo)、朴志妍(Gummy)、林俊傑、阿肯(Akon)、陳偉霆、汪峰、周曉鷗、欒樹、丁武、高旗、李延亮、馬上又、陳勁等15位嘉賓,與7位歌王候選人組建四季以來最龐大的總決賽陣容 

    回覆刪除
    回覆
    1. 陳偉霆這個名字讓「歌王之戰」四個字看起來顯得格外諷刺……難道幫唱就不用考慮到歌藝方面嗎?

      刪除
    2. 另外,送禮勤跟Lam叔是擦不出什麼火花的!在幾年前的拉闊經已證明了這一點!再看看他在第二輪的選曲,我就更肯定他根本就無心戀戰,但求參與就算。

      刪除
    3. 勤勤+林子祥+葉倩文夾得咁好竟然輸俾第四果隊大陸老人院組合,之後去到final唱到咁完美都輸俾歐巴件脱衣舞男,可以話係雖敗猶榮!

      刪除
    4. 此留言已被作者移除。

      刪除
    5. 冇計啦!呢個世界乜嘢都係樣行先㗎啦!基本上條韓仔一除衫我就已經知佢贏咗九成!但事實上愛是永恆呢首歌又真係畀人唱到爛哂!不過克勤今次喺編曲上特登加插咗幾段紅日嘅melody落去,然後再逐個樂隊介紹嗰下就真係令我幾感動!

      刪除
    6. 隊老人院組合就算鳩數把啦!成班好似去晨運仲未瞓醒咁!個個甩beat走音亂Q咁嗌!唉~容祖兒真係慘……

      刪除
  45. 李克勤《爱是永恒》-我是歌手第四季第13期单曲纯享20160408 I AM A SINGER 4 【官方超清版】
    https://www.youtube.com/watch?v=rzuOg4g3cPc

    回覆刪除
    回覆
    1. 雖然未算完美,但難得真情流露,實屬少見!

      刪除
  46. 李克勤《左林右莉走一回》 -我是歌手第四季第13期精選單曲20160408 I AM A SINGER 4 【官方超清版】
    https://www.youtube.com/watch?v=Hl9YFGgibdo

    回覆刪除
    回覆
    1. Sally真係風韻猶存,風采依然!而阿Lam就更加係唔使多講!佢啲咬字雖然冇克勤咁準,但喺tempo同Rhythm方面就真係贏足送禮九條街!仲有「1004」個高音,送禮完全係投哂降交曬俾佢上!😂

      刪除
  47. 狂兄,唔知點解響上面回唔到你,所以響呢度回.
    因為受打壓,而家普遍戲院都唔敢播十年.不過佢地越打壓套戲就越多人想睇,而你地越打壓亦越証明套戲入面既內容並唔係誇張失實,而且中共同你班老屎忽仲好驚套戲所講既野會成真.所以你即管禁la.你地越禁套戲就只會更强大!

    回覆刪除
  48. 願小女孩,及無辜受害的動物安息。狂徒們惡有惡報。

    回覆刪除
  49. 這個究竟是甚麼世界 ? 有時真係唔知應該用咩態度面對 !!

    回覆刪除
  50. 點解你的新post,冇得畀人講吓意見?!
    現在睇你blog,先知今早新聞所講的歌手係prince~~

    回覆刪除
    回覆
    1. 不好意思森伯,在一般情況下,我的悼文一向都是不設留言的。🌹

      刪除
  51. Prince是個難得ge天才,真可惜

    回覆刪除
  52. Prince,一路好走,祝你安息,華麗舞台將永記你的美聲。你不曾被忘記,時代將保存樂迷對你的思念~

    回覆刪除
  53. 其實, 我們是很幸福的, 雖然最近我開始身體不適, 進出了醫院和醫務所多次, 但始終都係果句, 我是個幸福的人.

    回覆刪除
  54. 廣西玉林狗肉節? 有節日?
    我都有個節:鐵拳打爆死鏟個頭節!

    回覆刪除
  55. Popstar ,藝人太依靠 addictive 的止痛藥.

    回覆刪除