2016年3月19日 星期六

姑姑的生日大餐 - 伊賀日本燒肉料理(2016-3-10)

Happy birthday~哈哈哈~嘿嘿嘿~
恭祝您一歲兩歲三歲四歲長命百歲~
煩惱丟掉~蛋糕吃掉~撕掉日曆~生日快樂喲~
為慶祝深山姑姑嘅20(+21)大壽, 

所以今次巨鵰過兒就決定要以一種最簡潔嘅方式嚟完成呢篇Blog!

上個禮拜適逢姑姑生日,
我就帶咗佢去呢一間位於尖沙咀The Hart 3樓嘅《伊賀日本燒肉料理》度開餐……
呢度嘅放題分三個時段,分別係早段(6 - 8pm)、
中段(8 - 10pm)同宵夜時段(10pm後),可以食足110分鐘
成人收費為$228及$258,而星期五、六、日、公眾假期及假期前夕就要另加$40,
至於小童就一律每位收費$168(90cm以下免費)。
另外,特別值得一提嘅係,呢度每張檯都會有一部平板電腦,係用嚟畀客人點餐嘅!
咁樣,大家就唔使成日要飛紙仔同走出去攞嘢飲,既方便又環保,認真抵讚!
坐低冇耐,店員就搬咗一隻巨型嘅刺身船上檯畀我哋食住先!└(=^‥^=)┐
呢個係「伊賀盛合拼盤」,裡面有牛小排、牛舌、一口牛、牛肋肉、
五花肉、豬柳蓋片同豬頸肉,全部都係姑姑嘅至愛!
姑姑話:「淨係一碟小拼盤邊度夠我攝牙罅呀?
嗱嗱臨整多碟牛牛拼盤嚟先啦!另外再整多碟海鮮拼盤畀我隔離條麻煩友添唔該!」
嘿嘿~開爐囉!開爐囉!嗱嗱嗱!我要三隻呀吓!唔好同我爭!( ̄∇ ̄)
嗯~面對美食當前……等我整番碟辣辣螺肉醒醒胃先!
咦喂~乜呢度啲壽司咁鬼微型嘅!⊙_⊙
刺身再Encore!甜蝦、蟹肉棒、帶子、三文魚、榮螺、北寄貝、鮑片味道確不錯!
嘩~原來話咁快姑姑已經嗌咗成檯嘢㗎嗱!
整番粒啦~整番粒啦~好好味㗎!嘻嘻~
喺姑姑呢隻大魔鬼不斷慫恿之下,本人終於都受唔住誘惑破戒“啪”咗三粒一口牛落肚!←_←
呵呵呵呵~健康蔬果什菌放題時間到!Y(^_^)Y
Last Order:枝豆、芝麻湯圓燒、花生湯圓燒
歡樂嘅時光過得特別快,又係時候講Bye Bye喇!
臨走食番杯冰凍嘅瑞士Mövenpick士多啤梨味雪糕,十分満足する!( ´▽` )ノ
 《伊賀日本燒肉料理》

地址:尖沙咀赫德道4號The Hart 3樓
電話:2887 1028
營業時間:星期日至四:12:00 - 00:00;星期五至六:12:00 - 01:00


各項評分(五個為滿分)


食物質素:㊣ ㊣ ㊣ ㊣

抵食程度:㊣ ㊣
服務態度:㊣ ㊣ ㊣ ㊣ 

環境:㊣ ㊣ ㊣ ㊣ 
衛生:㊣ ㊣ ㊣ ㊣

同場加映 - 良師益友來探班!
喺上個月尾,有一位從澳洲遠道而來嘅老朋友突然返咗嚟公司探我班,大家估下佢係邊個?
登登登登~佢就係我嘅良師益友施老先生啦!
嗚嗚~施公呀施公!我真係好掛住您呀!(╯з╰)

233 則留言:

  1. 食物相當吸引, 不過要煮熟D呀. 周未愉快!

    回覆刪除
    回覆
    1. 放心,除咗牛之外都係熟透先食!(=^・^=)

      刪除
  2. 呢篇寫得唔多唔少,就好似啲食物啱啱夠喉!
    真係好正,如果要三、四、五百吃個自助餐我就寧願吃佢。

    回覆刪除
    回覆
    1. 講真,呢種質素嚟講,兩個人六百蚊左右其實算ok!

      刪除
  3. 補祝姑姑生日快樂!快高長大!嘻嘻!

    回覆刪除
    回覆
    1. 細細聲話你聽,佢其實係一隻永遠都長唔高嘅妖精!~XDXDXD~

      刪除
    2. 哈哈哈…lQ高咪得囉!

      刪除
    3. 細細聲話你知呀!佢IQ就麻麻啦!不過EQ就異於常人!⊙_⊙

      刪除
    4. 多謝生日祝福(某人講完我壞話未?)

      刪除
  4. 回覆
    1. 一改以往長氣風格!(=^・^=)

      刪除
  5. 祝你姑媽生日快樂! 食福齊天! :D

    回覆刪除
    回覆
    1. 姑媽????⊙_⊙哈哈哈哈哈哈哈哈哈哈哈哈哈哈~

      刪除
    2. 多謝祝福(我唔係佢姑媽)

      刪除
  6. 祝你姑姑生日快樂!
    咁多野, 真係好抵食

    回覆刪除
  7. 祝你女友生日快樂!食完一口牛感覺如何呢?哈

    回覆刪除
  8. 生日快樂!放題豐富啊!

    回覆刪除
  9. 祝狂兄另一半生日快樂,架刺身船好似好正咁喎!

    回覆刪除
  10. 今日Google出現嚴重問題加唔到Link同人分享,唔知其他Blog友有冇呢個問題呢?

    回覆刪除
  11. 大嫂生快,間放題睇落好吸引,不過我就食唔起啦!……

    回覆刪除
  12. 生日快樂!又有食神啦!
    加唔到Link我無,但係久不久响人哋度留咗言,google可能無食放題食,餓得滯,留言都照食。。。

    回覆刪除
    回覆
    1. Google其實一向都有呢個問題,只係最近比較嚴重咗!

      刪除
  13. Yummy yummy! happy birthday to your GF!!!

    回覆刪除
  14. 咁多款式一枱都係,肯定唔少人參加了。

    回覆刪除
  15. 回覆
    1. 唔係㗎!⊙_⊙佢成日恰我㗎!(︶︹︺)

      刪除
  16. 姑姑生日快樂,炭燒放題?好特別喎!

    回覆刪除
  17. 哈哈!今次你呢篇網誌純綷講食,我以為你會搭多少少,講講紅軍近況添!

    回覆刪除
    回覆
    1. 呢排大腦閉塞寫唔到咁多字!哈哈哈~

      刪除
  18. 祝琪琪DAY DAY HAPPY, 青春常駐, 想個樣得個樣!
    施生好年青呢!你們友誼長存啊!

    回覆刪除
    回覆
    1. 我可能肯定,施生如果而家出嚟玩都仲會係溝死女冇命陪!

      刪除
  19. 兄弟估下我係邊個?2016年3月21日 下午12:04

    九嬸生日快樂,青春永駐

    回覆刪除
    回覆
    1. 你叫佢九嬸佢會屌鳩你㗎!⊙_⊙

      刪除
    2. 多謝祝福(唔好再毀滅我形象)

      刪除
  20. kiki生日快樂~祝你同DiDi愛多一百個世紀~~~

    回覆刪除
    回覆
    1. 姑姑心諗:唔X係下化?下一百個世紀都仲要對住呢條麻煩友?⊙_⊙

      刪除
    2. 多謝祝福(相信下世你會係一隻多咀馬騮)

      刪除
  21. 祝姑姑生日快樂...身體健康 !!

    回覆刪除
  22. 祝你女朋友生日快樂啊,架大大刺身船睇到我流口水呢~

    回覆刪除
  23. 祝Blog主女朋友生日快樂,亦多謝你嘅好介紹!!

    回覆刪除
  24. 祝姑姑生日快樂ar!!!~~祝你地繼續sweet sweet!!!~~
    你ge形容好生動好搞笑~~~睇得我好開心!!!~~

    回覆刪除
    回覆
    1. 多謝豬迷,一路寫,越寫就越肚餓……⊙_⊙

      刪除
  25. 祝琪生日快樂,Wishing you a lovely,wonderful day。

    回覆刪除
  26. 祝姑姑生日快樂!身體健康, 青春常駐, 繼續開心!

    回覆刪除
  27. 生日快樂姑姑 , 有狂小子一直相伴在身邊 , You'll Never Walk Alone !!

    回覆刪除
    回覆
    1. 呵呵~喺佢眼中我只係一個多嘴又口賤嘅臭小子!( ̄∇ ̄)

      刪除
    2. 多謝祝福(某人係一隻多咀馬騮仔🐒)

      刪除
  28. 題外話 , 個人覺得大抽真係可以賣了…
    一直都係勇猛有餘 , 現在歲月催人
    佢啲毛手毛腳已經好多次
    真心失望 , 想唔到托尼仲好用過佢

    仲有阿軒仔成日都踢得咁保守…
    由加盟時已經係甘 , 真心從來唔覺佢勁過
    就算早兩年大家所謂嘅「成材」
    都係覺得佢最多只係後備料
    當然即時俾好多軒迷插

    再講 , 一個後生仔踢埋啲擦鞋仔波
    一個上唔到腳、攞到波好似抬炸彈嘅所謂中場球員
    要黎做乜 ? 見底矣 !!!
    可以賣既真係唔該快啲賣走佢 !!!
    佢嘅身價應該有8-10M ' 即係佢本護照嘅價錢 !!!

    回覆刪除
    回覆
    1. 大抽踢法一向衝動魯莽,平時喺禁區又多小動作,所以當冇咗艾加逗住佢,佢嘅缺點就會完全暴露哂出嚟!

      刪除
    2. 軒仔而家喺利物浦嘅狀況就只可以用四個字嚟形容,就係「唔上唔落」!佢而家最大個問題係……球隊比左個隊長佢做,所以有時就算佢狀態唔好,領隊都唔好意思將佢放落後備席,另外,佢隻腳長期嘅傷患問題亦都經常會影響到佢喺場上嘅表現!唉~佢仲咁後生,又打得唔係好差,你話放走佢咩?又肯定唔會賣到好多錢……但留佢喺到佢又好似未夠班做球隊嘅必然主力……總括嚟講,就係食之無味,棄之可惜!(^_-)

      刪除
  29. 祝姑姑生日快樂!身體健康~~~~

    回覆刪除
  30. 好正嘅放題分享,響度同你女朋友講聲生日快樂

    回覆刪除
  31. 食住先...的前菜都好豐富喎~~
    咁姑姑今個生日都好飽肚~~~哈哈

    回覆刪除
    回覆
    1. 快飽肚又快肚餓……因為冇乜飯落過肚……(^_-)

      刪除
  32. Happy birthday~~~~~!!!撐枱腳食乜都開心^^
    平板電腦落單又真係夠環保喎,會唔會漏單?

    回覆刪除
  33. 深山姑姑,生日快樂!
    並祝您們復活節愉快!

    回覆刪除
  34. 祝Time Is Changing姑姑生日大快樂,望見D一口牛同刺身真係好想即刻帶埋女朋友去食呀!

    回覆刪除
  35. 好友♦・゚☼早晨&午安*☁`☀
    ∵♣♧♣∴快樂星期三ʚïɞ・゚。ƸӜƷ
    ╔══•ೋ*¨*•.¸¸。゚ഐ•══╗
    ❀█▄█.█▀█.█▀█.█▀█.█▄█✿
    ✿█▀█.█▀█.█▀▀.█▀▀.─█_❀
    ╚══•ೋ*¨*•.¸¸。゚ഐ•══╝

    回覆刪除
  36. 好豐富喔!
    祝Teddy姑姑年年有今日,歲歲有今朝,健康快樂!

    回覆刪除
  37. 這家放題我也曾光顧過、食物幾靠得住。祝Teddy兄及姑姑天天都咁開心。

    回覆刪除
  38. 祝Time Time嫂生日快樂,願Time Time能一生永遠陪伴您~

    Time Time,勤勤下場終於都出超必搵埋郎朗幫手仲拎埋冠軍,希望佢同Joey喺決賽都會有成績la!不過我比較好奇ge係佢到底會唱乜歌同搵邊個做幫唱嘉賓lei?校長?華仔?歌神?好期待好期待~~~

    回覆刪除
    回覆
    1. 多謝豬仔!我估會爆大冷!佢會搵慧嫻姐姐!

      刪除
    2. Btw,噚晚佢唱我不會唱歌真係好癲!啲音同拍子仲準過CD!本來以為林志炫而家高班過克勤好多,但經過噚晚之後,我諗我又要重新估計克勤嘅實力!哈哈~真係估唔到條友原來唔hea唱都仲係咁癲!頂佢!唱咗11場而家先嚟認真!😂😂😂

      刪除
  39. 看來很吸引,多謝好介紹,並祝福你的女友生日快樂,身體健康。

    回覆刪除
  40. 香港真係好多放題食~
    祝你姑姑生日快樂~~~~

    回覆刪除
  41. H-B-Day to your lover。。。^_^。。。

    回覆刪除
  42. 回覆
    1. 其實片片都切得好薄……(^_-)

      刪除
  43. 祝狂小嫂子生日快樂 吉祥安康
    movenpick雪糕味道真係very good
    雲呢拿朱古力味我唔敢講
    但生果味黎講sure係movenpick>>>haagen dazs
    Haagen Dazs最正係得綠茶同朱古力味

    回覆刪除
    回覆
    1. Haagen Dazs抹茶味雪糕真係冇得輸!(=^・^=)

      刪除
  44. 見到咁多嘢食真係開心了! 見到你兩位吃得咁開心,真係“e che bang!”
    Happy birthday to your lover !

    回覆刪除
  45. 祝你女友生日快樂!!!用pad嚟點餐真係好IN呀!!!

    回覆刪除
  46. Happy birthday to your 姑姑~

    回覆刪除
  47. 在此跟你的最愛說聲生日快樂,有機會我也會帶太太去試試這間放題。

    回覆刪除
  48. 不過, 110分鐘裡, 又真係食得唔多呀

    回覆刪除
  49. 許久不見,近來無恙?誠心祝福你女友生日快樂。不過,你在公開場合唱生日快樂歌,有可能要付錢嗎?哈~

    回覆刪除
    回覆
    1. 近來還好,多謝俗流兄關心。但請問唱生日歌為什麼有可能要付錢?:)

      刪除
    2. 哈哈~我明白你的意思了!不過可惡的23條已經被暫時撒回了!(雖然未來肯定會再度歸來!)

      刪除
  50. 早晨小子,先祝你女朋友仔生日快樂,再多謝你推介一間咁正既放題俾大家,thx thx.

    回覆刪除
  51. ♥•.♫.¸.✫¨´`'*°☆.--•╬•
    (\~~/)♥•.♫.♥•.♫.♥•.♫.
    .(='.'=)祝復活節愉快!
    .(")~(").✫¨´`'°☆.-•╬•
    ♥•.♫.¸.✫¨´`'*°♥•.♫.¸.✫¨

    回覆刪除
  52. 祝你條女生日快樂,祝你哋早日拉埋天窗,呢間放題我去過,真係唔錯不過衰就實在食物款式比較少咗D

    回覆刪除
  53. 祝姑姑生日快樂!永遠美麗!

    回覆刪除
  54. 姑姑生日快樂!!!
    好似係你自己想食多d喎XXD

    回覆刪除
  55. 祝姑姑生日快樂!
    恩愛幸福每一天 :)

    回覆刪除
  56. 遲來的祝福,祝姑姑生日快樂!身體健康!同呢個狂小子幸福地過每一天!

    回覆刪除
  57. 多謝狂兄無私好介紹,祝狂嫂生日快樂,
    幾時再有你ge樂評影評睇?餓左好耐

    回覆刪除
    回覆
    1. 由於眼疾問題,所以今年想休息一下,唔想再寫咁長嘅文章,除非係聽到/睇到一啲唔寫唔痛快嘅好唱片/好電影啦!(=^・^=)

      刪除
    2. 明白,多多保重狂兄.

      刪除
  58. 姑姑生日快樂牙~~~~呢間放題D野感覺上都幾企理wor~~~~

    回覆刪除
  59. 呢間食過一次,D牛好食,但係其他野一般:)
    bewteen,雪糕仲係哈根大師#good##good##good#

    回覆刪除
    回覆
    1. 以呢個價錢嚟講我覺得算合格!

      刪除
  60. 祝姑姑生日快樂,お誕生日おめでとう。
    辣味螺肉一向是我吃日式放題的至愛,愛吃這種彈牙的口感。

    回覆刪除
    回覆
    1. 不過而家喺出面真係好難食到好食嘅螺肉,呢間已經算係唔錯了!

      刪除
  61. 姑姑,咁咪即是小龍女.生日快樂!

    回覆刪除