2015年10月14日 星期三

泰園極品泰式風味餐 & BBQ 7080滋味韓燒夜

兩條麻甩去開餐,泰韓美食輪住嘆!
上星期,適逢細傻華Dee呢個十月壽星牛一,作為大哥嘅我就梗係要帶佢去擦番餐勁啦!
好!事不宜遲,即刻就帶大家嚟到我哋「麻甩覓食兩人行」嘅第一站,
就係位於尖沙咀金馬倫廣場2樓嘅呢一間名叫《泰園》嘅泰國餐廳。
呢度嘅裝修同格局都幾high-class,完全有別於一般嘅泰國餐廳。
哈哈~嚟到泰國餐廳第一時間就梗係要試下佢哋個生蝦刺身($108)先啦!
我絕對認同華Dee所講!呢度嘅生蠔真係仲新鮮過唔少日式居酒屋!
而更重要嘅係……佢哋只係賣$88半打咋!嘩~嘩~屌你正呀喂!
泰式酸辣無骨鳳爪($88)爽口又滑牙,
伴埋唐芹、生菜、蔥同番茄,用嚟做開胃前菜就最一流!
嗯~一口氣食咗咁多生冷嘢,
都係時候要飲番碗熱辣辣嘅冬蔭功($98)驅驅寒先!
沙嗲串燒半打(牛、豬、雞),售價$108,
咬落去肉質嫩滑兼唔乾身,並且肥瘦分明,再配埋黃芥辣,
味道濃郁,十分之惹味,真係好食到停唔到口!
呢個菠蘿炒飯($128)無論係賣相同味道都相當有水準,我畀90分!
呢碟蝦醬通菜炒鮮魷($90)就唔多掂喇!
味道過鹹又唔夠鑊氣,咬落去仲成口渣!
再一次印證一樣嘢,就係最簡單嘅食物往往係最難煮得好味!
好!既然兄弟生日咁開心,就破戒飲番杯透心涼嘅啤酒賀一賀佢!
呢款白啤味道清甜,仲帶有芳香果味,飲落去個口感就好似啤酒混香檳咁!
非常適合一啲好少飲酒或者係唔鐘意飲苦味啤酒嘅朋友。
嗱!華仔,又大一歲喇!喺度先祝你生日快樂,身體健康,
再祝你戀運亨通,溝女成功!喂老友~你咪成日諗住個暴胸老蟹先得㗎!
計我話,做人應該向前望!一於飲番杯忘情水,再唱番首活得比妳好
待日出時讓戀愛終結,睇下朱朱幾時同你講你是我的小呀小蘋果,
一齊生番個笨小孩,咁到時咪佢的名字,你的姓氏,然後咪愛是永恆囉!
信我啦!你終有一天等到佢㗎!Come On Vincent!Cheers!
《泰園》

地址: 尖沙咀金馬倫道23-25A金馬倫廣場2樓A號舖
電話: 3746 9966
營業時間:星期一至日:12:00 - 15:00 ;18:00 - 23:00

各項評分(五個為滿分)

食物質素:㊣㊣㊣㊣㊣
抵食程度: ㊣㊣
服務態度:㊣㊣㊣㊣
環境: ㊣㊣㊣㊣㊣
衛生:㊣㊣㊣㊣


嘆完一餐咁豐富嘅極品泰菜之後,
隔幾日我哋就去咗一間位於旺角兆萬中心13樓嘅人氣韓燒店《BBQ 7080》度一嘗地道嘅韓式滋味
一踏入間舖,我就已經覺得呢度嘅裝修非常特別!
無論係牆上嘅手繪壁畫擺設同銀色嘅圓檯、煙囪同燒烤爐都充滿著韓國嘅風貌!
再加上一首首綿綿不絕嘅K-Pop同一班親切有禮嘅韓籍侍應,真係會令你仿如置身韓劇世界一樣。
啱啱入座櫈都未坐暖,侍應就已經為我哋呈上各式各樣嘅韓式冷盤配菜……
登登登登~主角嚟喇!首先出場嘅就係烤羊架($88)同埋濟州島黑毛豬五花腩($156)!
跟著就係烤辣醬魷魚($118)同烤雞腎($98)
個人溫馨建議(一):
啲魷魚最好就烤到有少少燶燶哋先夾嚟食, 咁就可以完全辟走陣雪味。
個人溫馨建議(二):
兩個麻甩佬坐埋開開心心傾下計,然後一邊食烤雞腎,一邊飲韓國清啤,真係人生一大享受!
是日重點推介 - 煎海鮮蔥餅($88)
試咗咁多款「小食」,最後就梗係要嗌番煲石鍋什錦飯($98)暖下個肚啦!
總括嚟講,呢度嘅食物質素同服務態度都算唔錯,
不過啲食物個份量就較為細咗啲!
另外,我哋嗰日兩個人嗌咗唔係好多嘢埋單都要成九舊水,
對比起上面間《泰園》個價錢就好似貴咗少少!
但係又話分兩頭,其實我哋去《泰園》都差唔多要成千蚊先落到樓,
只係人哋收$1000就有新鮮刺身同生蠔供應,仲可以食到你打横抬出去!
而喺你哋嗰度擺低$900就只係可以食到一啲好普通嘅大路嘢,
仲要碟碟都咁鬼細件,真係食完都唔覺飽!
《BBQ 7080》

地址:旺角西洋菜南街1N至1X號兆萬中心13樓
電話: 2612 1682
營業時間:星期一至日:16:00 - 02:00

各項評分(五個為滿分)

食物質素:㊣㊣㊣㊣
抵食程度:
服務態度:㊣㊣㊣㊣㊣
環境: ㊣㊣㊣㊣
衛生:㊣㊣㊣㊣

同場加映 - 大傻 & 細傻Neway再Encore!
由於我同二傻柏盛喺上個月所舉行嘅紀念癲唱會造成空前嘅震撼同迴響……
因此,為咗滿足一眾歌迷,喺上星期我就特意搵咗已經退隱歌壇多時嘅二傻華Dee……
同我臨時舉辦咗呢一場《Holiday爛聲王之華麗喊驚懷舊癲唱會》。
不過真係非常抱歉,因為版權問題,所以喺呢度我就只能夠節錄當晚癲唱會嘅部分內容畀大家睇……



率先為大家帶嚟嘅就係細傻嘅首本名曲「狂潮」,聽完包你哋個個有高潮!



再嚟就係2015年度金曲大熱,殺死人冇命陪嘅催淚湯氏情歌「像我這一種傻撚」。



為咗四日後嘅「台北炫迷同樂會」,小弟決定先嚟個熱身!
試唱呢一首位列林志炫玩命歌曲排行榜十大嘅「Killing Me Throat With His Song」……



最後為大家帶嚟嘅……就係一首我每次去唱K都必定會唱嘅NO.1飲歌,
而呢一首歌同樣亦都係本人最愛嘅「林夕作品」。


哈哈~飲飽食醉,唱個夠皮之後,都係時候要同大家講聲Bye Bye喇!
各位,我哋喺下一篇《Trip To Taipei》再見啦!See you all soon!

176 則留言:

  1. 既豐富且滋味!謝謝分享!

    回覆刪除
  2. 我而家喜歡重口味嘅啤酒,最好係夠澀夠苦仲要酒精夠高呢!

    回覆刪除
    回覆
    1. Siu兄,德國黑啤啱唔啱?我有隻好推介!└(=^‥^=)┐

      刪除
    2. 咁叫乜嘢名?不過我怕這裡未必買到!
      但在新西蘭有一隻我很喜歡的啤酒,叫tuatara beer ,在超市買一小樽也要6元咁上下,至於其它歐洲啤就只在2至4元之間。

      刪除
    3. 個牌子叫《Erdinger》,有白啤同黑啤兩款,係我老豆嘅至愛。

      刪除
  3. 盤生蠔睇落真係勁吸引,7080半年前去過尖咀果間一次,印象中D嘢食都幾好嘅,不過學你話齋咁嘅價錢食呢D嘢真係唔多值囉!最後想講,你首綿綿實在唱得好好,いぢばん,一級棒!

    回覆刪除
    回覆
    1. 除非你係超級韓食迷,如果唔係我覺得真係唔太值。

      刪除
  4. 菠蘿炒飯、煎海鮮蔥餅好吸引呀!

    回覆刪除
    回覆
    1. 個蔥餅配清啤一流!└(=^‥^=)┐

      刪除
  5. 你似乎又破左戒喎XXD
    韓燒我淨係食牛, 好怕D肥之肉..而海鮮/蔥餅就必食.

    回覆刪除
    回覆
    1. 毛毛,可能係我最近多咗做運動同keep住均衡飲食呢個習慣啦!再加上我近年又戒咗煙,所以而家我就算間唔中飲一兩杯啤酒個身都唔會有乜反應,咁那當然就唔可以過量啦!好坦白講,如果比著以前,上面嗰一大杯白啤我就真係閒閒哋要飲六杯左右先至夠喉!不過而家就……一杯夠皮喇!哈哈哈~

      刪除
    2. Btw,我嚟緊去台北都會繼續過著破戒嘅生活,哈哈~不過呢~我諗我去完番嚟應該都要等到下年先至會再出飲食post,因為我預咗自己要食番排長齋!( ̄∇ ̄)

      刪除
    3. 咁既然係咁可唔可以一杯都唔飲呢喬生?

      刪除
    4. 做和尚做得耐間唔中都要放下假啦!係咪?└(=^‥^=)┐

      刪除
    5. 乜有和尚咁鹹濕同口賤ge咩?

      刪除
    6. 酒肉和尚呀!有冇聽過呀古代人?⊙_⊙

      刪除
    7. 自己番去左古墓反省下!去!←_←

      刪除
  6. 啤酒少少苦味 OK 既! 不喜歡太濃!

    唱得幾好!

    回覆刪除
  7. 呢隻法國白啤超好飲,狂小子你真識貨!!

    回覆刪除
  8. 台北睇騷兼玩得開心啲^^

    回覆刪除
    回覆
    1. 冇騷睇,去開騷!哈哈哈哈哈~└(=^‥^=)┐

      刪除
    2. 開騷仲正,又可以練下歌喉^0^

      刪除
    3. 真係去咗開騷,Gael兄真係預言家!└(=^‥^=)┐

      刪除
  9. 嘩... 好多嘢食喎 , 食唔食得晒呀 ?

    回覆刪除
    回覆
    1. 所以要分兩日食!└(=^‥^=)┐

      刪除
  10. 睇完你篇blog對間泰園好有興趣,好想好想同班老友狂掃佢個海鮮吧,韓燒我自己就麻麻,不過睇見你舊黑豬五花腩我就立刻流哂口水。另外,真心覺得狂兄你首綿綿真係唱得超好,果然係飲歌喎。

    回覆刪除
    回覆
    1. 我都好想狂掃佢個海鮮吧,有機會一定會再Encore!

      刪除
  11. 回復健康後,要好好享受人生啦!

    回覆刪除
  12. 美食好豐富^^但有冇影響皮膚呀!?

    回覆刪除
    回覆
    1. 謝謝火姐姐關心,適量的放縱是OK的,但不能過量。

      刪除
  13. 午安小子,呢篇blog真係色香味俱全,超掂呀.

    回覆刪除
  14. 日安愉快,Teddy!
    吃喝愉快,不吃...很容易拜拜!

    回覆刪除
  15. 你個胃真係慘,成日要做嘢 :P

    回覆刪除
    回覆
    1. 正所謂辛苦搵嚟至在食呀嘛!└(=^‥^=)┐

      刪除
  16. 哈哈,真係好鐘意睇你d佈滿食物圖ge飲食blog,次次都落足料,好鬼正。

    回覆刪除
    回覆
    1. 呢類Blog有名堂㗎!叫做邪惡放毒post!└(=^‥^=)┐

      刪除
  17. 完全係殘忍post囉。。。。我要去搵啲嘢咬下啦。。。

    回覆刪除
  18. 有食有飲有唱有旅行,多姿多彩嘅生活,羡煞旁人喇!

    回覆刪除
    回覆
    1. 康復後要好好對待自己!└(=^‥^=)┐

      刪除
  19. 認真,我去BBQ7080燒雞翼都係為左望下D韓國囡囡,泰菜我多數會去泰消遙,都係響尖咀果頭,D野相當靠得住。

    回覆刪除
    回覆
    1. 我覺得嗰度啲韓妹麻麻哋咋喎!係咪我問題?(^_-)

      刪除
  20. like~like~like~

    回覆刪除
  21. 食物好豐富!去玩得開心啲啦,不過都要好好照顧自己身體呀!

    回覆刪除
  22. 間泰園好似好正咁喎!仲有估唔到你唱醫神D歌又幾好聽..

    回覆刪除
    回覆
    1. 真係好得!豬仔有機會可以試下!

      刪除
  23. 個生蠔好吸引。。。個菠蘿炒飯個look好cute。。。(>﹏<)。。。

    回覆刪除
  24. 食得咁豐富仲要唱K直落添!
    嗱都話廚房仔先係你大婆架啦!

    回覆刪除
    回覆
    1. 大婆係CoCo,二奶係華Dee,三奶係輝輝,四奶係盛盛,計正嚟講……五奶奶您好!└(=^‥^=)┐

      刪除
    2. 其實你都係六公公呵呵呵

      刪除
    3. Btw,大婆係電視,二奶係張床,三奶係手機,四奶係廚房,五奶係廁所!係咪?└(=^‥^=)┐

      刪除
  25. 補祝你個兄弟生日快樂,想食無骨鳯爪,期待你的台北之旅

    回覆刪除
  26. 每次去食泰國菜,生蝦刺身,炸蝦餅同青咖哩濕炒都係必點的

    回覆刪除
  27. ...可以解禁?!!...你唔係話要食得清淡些嗎?!!
    不過始終都係病從口入喎!!!
    去台北,玩得開心啲嘞~~

    回覆刪除
    回覆
    1. 現在偶然放肆下都ok的,不會那麼容易翻發!不過,開心歸開心,十月過後還是要好好調適過來,畢竟才剛康復不久,哈哈~因為這幾個月真是太放縱了!

      刪除
  28. 最吸引絕對係盤生蠔,齋睇個賣相已經覺得好正…

    回覆刪除
  29. MY █▄❤vE Friend♦・゚☼早晨&午安*☁`☀
    時間真係過得好鬼快Ѽ◇。゚星期四嚟- ҈ -•*¨¤
    兩條麻甩真係好吃得...滋味韓燒夜正呀

    回覆刪除
  30. 生蠔正呀 我去親一田都例牌會買半打黎食
    首綿綿唱得好好聽喎 好有感情
    好期待小子既台灣之旅 等你既遊記blog啊

    回覆刪除
  31. 個波羅炒飯成座山咁無得輸!!hahha
    兩條麻甩佬影張咁暖昧既相,好有打你哋既衝動..hahhahahahha
    祝你兄弟生日快樂,有你咁既兄弟唔話得,破晒戒,要小心皮膚呢!

    回覆刪除
    回覆
    1. 佢係我大婆呢件事早就已經係廣為人知!(╯з╰)

      刪除
  32. 好豐富的泰國菜^^你們二人真擦得 ~ 勁 !!

    回覆刪除
  33. 我已經bookmark左間泰園~我要食生蠔我要食生蠔!!!
    韓燒我自己同班fd多數就會去韓東子~BBQ7080我好少去~
    hey我真係越來越like睇你地d唱K片~睇得出你地真係好enjoy唱K~
    仲有就係你首綿綿唱得真係好有feel ar~我自己都loop左幾次~真ga!!!
    最後,好期待你ge台灣遊記blog~nice trip~同姑姑玩得開心d!!good luck~

    回覆刪除
    回覆
    1. 多謝豬迷,嚟緊嘅台北之旅應該都會加插一啲唱K片入去,敬請留意!(╯з╰)

      刪除
  34. 再說一次. 次次看這 bog 都突然肚餓. 兩人可食到這麽多, 你有食物黑洞的胃?

    回覆刪除
  35. 哈,朋友,每次看到你的飲食文都會有一種想放縱自己體重的衝動,尤其是看到那盤新鮮肥美的生蠔。

    回覆刪除
  36. 祝狂兄台北之行愉快順風,並預祝高普執教利記首場能夠旗開得勝

    回覆刪除
    回覆
    1. 多謝,但我自己對利記就依然都係處於一個觀望態度,咁當然我對高普係好有信心,不過亦都清楚改革並唔係一朝一夕。

      刪除
  37. 個菠蘿炒飯嘅份量真係超大! 韓燒店嘅食物份量,相對就細咗好多同埋無咁精緻!如果兩間俾我揀,我都係鍾意泰園多啲。

    回覆刪除
  38. 間泰園好似好鬼正咁,大哥你對D兄弟真係好好!唉,估唔到一個國際賽期我哋就傷咗兩個重要主力,不過高普講野就真係會令人好有信心,從佢D訪問可見佢有自信但不自大,又好清楚球隊問題所在,面對現實不作逃避,但同時又有夢目標亦清晰,暫時嚟睇真係無野可挑剔…

    回覆刪除
    回覆
    1. 前多蒙特教練高普(Jurgen Klopp)頂代紅軍前主帥羅渣士的席位,令球迷充滿憧憬,然而過檔至今3戰皆和,他賽後說:「足球不是童話故事(Football is not a fairytale),有時候,你這樣寫的情節,到最後未必會發生。」

      「當修咸頓追和後,大家都見到球員臉上的失望表情,」紅軍賽後升上第9位,高普繼續保持一貫淡定:「足球是一球定勝負,就像你生命中最後的東西。」

      刪除
  39. 生蠔好食咪好食囉 , 駛唔駛講粗口呀))))))))) 比你笑屎我喇 ~!!!!!!!!!

    回覆刪除
    回覆
    1. 因為一足要用粗口先能夠形容到嗰種感覺!╮(╯▽╰)╭

      刪除
  40. 生蠔睇落超正冇得輸!!聽晚就係高普首戰喇!!好緊張好緊張!!!

    回覆刪除
    回覆
    1. 我而家仲回味緊!有機會一定要再Encore!╮(╯▽╰)╭

      刪除
  41. 嘩、有泰餐、又有韓餐、仲有卡拉ok、正到痺啦!

    回覆刪除
  42. DiDi,Have a nice trip~~~~手信手信!!!!!!!!!

    回覆刪除
  43. Good trip in Taipei.Your voice is amazing on "綿綿".

    回覆刪除
  44. 泰國菜真係好撚好食:P
    蝦餅 豬頸肉 鳳爪 條魚:P
    椰汁 屌 真係好撚正:P
    仲有糯米雞翼 冬蔭公 炒飯:P
    香港d泰國餐廳仲要好多都好食#love#
    我甚至覺得香港d泰國菜好食過泰國個面[sosad]

    尖沙咀BBQ7080, 個WASABI沙律好正,麥茶都好好飲#yup#
    btw其實韓國街好多都係菲律賓人做xx( xx( xx(

    回覆刪除
    回覆
    1. 我未去過泰國唔太清楚,但無可否認香港啲泰國菜真係越做越出色。至於韓燒我其實一直都唔太好,不過間中食下就ok!

      刪除
  45. 「神奇隊長」謝拉特近日透露在當日上演「世紀滑倒」後,時任紅軍主帥羅渣士於更衣室內對全隊上下的訓示。

    謝拉特說:「整個上半場利物浦均很努力,蘇亞雷斯亦然。不過,車路士持續的壓制我們,之後我就滑倒了,隨後在中場休息時,整個更衣室鴉雀無聲。接著,羅渣士便打破這一片死寂。」

    「他指著我,然後說:『大家認為認為隊內最需要被拯救的是誰?你們的隊長如今需要你們的協助,需要他們幫助爭取勝利,誰人願意挺身而出?』」

    「『他以前拖著利物浦前進,將球隊在最低谷中拉出來,他改變了不可能的局面,為對手帶來極大的麻煩。如今,是你們報答他的時候了,你們有45分鐘的時間完成任務。』」

    然後,羅渣士獨自的跟我說:「失誤發生了,但我們需要的是走出困境,贏下比賽並全取3分,你願意率領他們繼續作賽嗎?」

    雖然利物浦最終以0:2不敵車路士,但羅渣士半場如此的訓話,確實對紅軍上下作出極大的激勵。

    羅帥係幾熱血[bomb]#adore# #adore# #adore# #adore# #adore# #adore# #adore#

    回覆刪除
    回覆
    1. 到今日我依然覺得嗰季嘅成功渣哥絕對係居功至偉!只係人走茶涼……某啲球迷嘅說話實在係太刻薄太難聽!所以我衷心希望佢哋真係可以好好珍惜高普,唔好又畀自己啲精液蓋過理智!

      刪除
  46. 利物浦新任領隊高路普,可能是該市近期最受歡迎人物,因為在他早前物色房子的地區福姆比,當地一間餐廳Hop and Horn亦為了這名德國籍主帥特別推出了「高路普漢堡」。「高路普漢堡」由德國國旗的黑、紅及黃色組成,外層為黑色麥包,中間有牛肉漢堡、蕃茄和芥末,餐廳方面並表示歡迎高路普隨時來免費品嘗,可見這位紅軍新帥的熱潮是如何厲害。

    利迷同呢隊西波真係恐怖 一場波都未踢 高普就J上天[sosad][sosad][369][369]

    回覆刪除
    回覆
    1. 所以我成日覺得利記嘅沉淪其實或多或少都同球會班管理層同一班急功近利嘅球迷有關……

      刪除
  47. 高普一句話咩4年帶冠軍俾猁知仲唔J到班猁迷出血咩:o) 成地精啦:o) :o)
    bewteen,以高普鐘情多仔既程度,佢係唔撚會帶任何多仔球員去猁:o):o):o)
    你班猁撚咪撚再J Reus啦,咁大個人咪咁多幻想啦:o):o):o)
    真係發夢冇咁早,人地肯走都唔會踢你隊垃圾猁啦:o):o):o)
    仲有猁有撚錢咩,請完kloop即刻係facebook fan page賣野[sosad][sosad][sosad]
    不過如果佢帶音樂比利,黑拉莫斯果d過黎既話,你仲驚啦#hehe# #hehe#

    bewteen again,nice trip巴打#good# #good# #good# #good# #good#

    回覆刪除
    回覆
    1. 前多蒙特教練高普(Jurgen Klopp)頂代紅軍前主帥羅渣士的席位,令球迷充滿憧憬,然而過檔至今3戰皆和,他賽後說:「足球不是童話故事(Football is not a fairytale),有時候,你這樣寫的情節,到最後未必會發生。」

      「當修咸頓追和後,大家都見到球員臉上的失望表情,」紅軍賽後升上第9位,高普繼續保持一貫淡定:「足球是一球定勝負,就像你生命中最後的東西。」

      刪除
  48. 食物看來幾吸引, 但似乎唔平喎.

    回覆刪除
  49. 回覆
    1. 圖太多,要整理一下!哈哈哈~(^_-)

      刪除
  50. 祝狂小子在台北玩得盡興,等待你的台北旅遊記事。

    回覆刪除
  51. 哈哈!你寫嘅嘢好睇過開飯喇!讚讚讚◠‿◠

    回覆刪除
  52. 靚仔~拋開一切盡情吃喝玩樂~enjoy~
    響FB睇到你去台北d相~十分期待你ge trip blog ar~

    回覆刪除
  53. 間泰園我好有興趣,下星期就帶條女去試下,thx TIC!
    坐等你嘅台北系列呢!一定又係好精彩好詳細,祝你旅途愉快!

    回覆刪除
    回覆
    1. 我正諗緊到底分三part出定一口氣post……(^_-)

      刪除
    2. 好!就照您意思去做!(╯з╰)

      刪除
  54. 看到你Facebook這幾天的分享,真的很想快點看到你的貓神村遊記呢。

    回覆刪除
    回覆
    1. 這幾天工作比較忙,找天再分享。

      刪除
  55. 那生蠔看來很好吃,謝謝小子分享美食,祝你有個愉快的旅行。

    回覆刪除
    回覆
    1. 謝Dr.,的確愉快,有空再分享。

      刪除
  56. 嘩呢間泰菜好似真係幾得咁喎!

    回覆刪除
    回覆
    1. 的確係正,貝加兄一定要帶埋老婆去試下!

      刪除
  57. 叉開少少講下高普

    其實我覺得佢係一個完成強化版既br,兩人有唔少相似之處,

    1/一樣係信念堅定既領隊,但兩者信既足球理念好唔同,br信了一套巴塞式既控球踼法,呢種踼法,除非你有夢幻般既陣容,如果夾硬要學,其實係捨易取難,而且容易不倫不類,焗限性太大,所以br既利記表現最好時就係最唔巴塞既時候,
    原則上,英超巴賽係一個好令人響往既夢,但可能永遠只係一個夢,
    再加上br大理念有,但細節嚴重不足
    相反,重視高速高效既高普,所行既路係易好多,呢種踼法只需少量天才,加一班高效實用既球員就有效果,而對於逼搶同走位既細節,高普亦係一流

    2/一樣係比較少針對部署同埋臨場換人較欠新意既領隊,呢點高普一欂土係弱的,所以唔好期望佢會有神換人,不過又老實,高普一套對強隊合格,但對弱隊都好恰到的,起碼對中遊球隊唔駛驚先

    至於球員方面,最擔心的會係米奴列,高普高位逼搶其實好需要一個出擊力強既門將的,所以最近傳龍門我係信的,因為米如列係典形的白界龍門

    期望方面,我唔會樂觀到高普一定會幫我地贏冠軍,但佢應該有足夠能力幫我地重返一線強隊的

    回覆刪除
    回覆
    1. 要令一支早就已經從根部腐爛嘅昔日班霸復興,真係唔係一朝一夕……不過暫時都睇到有幾位球員有明顯改善。尤其係Lucas喺高普之下就真係唔同哂,以前佢截完波多數都係求撚其比隔離就算,而家長短棍都有,另外摩仔防守又係明顯改變咗好多!anyway,我覺得某班利迷都係繼續畀D耐性啦!咁難得先等到一個好領隊!唔好一陣又屌走佢!

      刪除
  58. 好想將D生蠔吞哂落肚!!

    回覆刪除
  59. 個生蝦刺身($108)正夾坻食喎!
    期待你下一篇《Trip To Taipei》,祝旅途愉快!

    回覆刪除
    回覆
    1. Hea到今日才開始整理圖片,應該可以趕及在11月前推出!

      刪除
  60. 癲喪唱K之夜,睇到都興奮呀

    回覆刪除
    回覆
    1. 最近都是吃喝玩拉唱睡,很爽!╮(╯▽╰)╭

      刪除
  61. 好友♦・゚☼早晨&午安*☁`☀快樂星期六嚟
    - ҈ -•*¨¤今天我有些精神出門買鎹菜喇Ѽ◇。゚
    大家天天發放正能量 ೋ✱ 將愛心互送哦
    齊齊窩心錫錫又快樂抱抱享受幸福開心人生喔
    ╔════ ೋ•*¨ღೋ♦ ════╗
    ❀█▄█.█▀█.█▀█.█▀█.█▄█❀
    ✿█▀█.█▀█.█▀▀.█▀▀.─█_✿
    ╚════ ೋ♦•*¨ღೋ ════╝
    ¸„ø¤♪♩º°¨ʚïɞ♡*¨`*❣♥¸„ø♬♫¤º°¨ƸӜƷ

    回覆刪除
  62. 好介紹,thx巴打

    回覆刪除
  63. ⊹。゚- ҈ -好友♦・゚☼早晨&午安喎*☁`☀
    ┏┓┏┓。・゚゚・。。゚♥\(。◕ヮ^)/
    ┃┗┛ appy❥又一天開始•❣美麗星期曰
    ┃┏┓┃.•*¨`*•`*•❀*¨*ƸӜƷ¸.•*✿¨*ʚïɞ
    ┗┛┗┛♡唔少得❤開心萬事得呢ღ
    ♧╬═╬♣╬╬═♧╬╬═╬♣╬═╬♧╬╬♣╬═

    回覆刪除
  64. 我之前食過bbq7080...不過我覺得麻麻~

    回覆刪除
  65. 我成日只係去真心泰國菜 下一次可以試下呢間
    生蝦刺身好吸引啊 成日諗起都好想食

    回覆刪除
  66. (。◕ヮ^)つ━- ҈ -・。好友♦・゚☼早晨&午安*☁`☀
    ❤•*¨¤我起身嚟♡*¨`*❣大家周六快樂。・゚゚・。。゚♥ღ

    回覆刪除
  67. 食物好正喎~~我都好鐘意泰國野GA!!
    唱K~~我好鬼耐無去了~~ >.<

    回覆刪除
  68. 好好味呀, 不過, 我回港後氣管有敏感, 食不到這些美味了

    回覆刪除