2014年10月18日 星期六

澳門覓食之旅(26/8/2014 - 27/8/2014)


前陣子應姑姑邀請到澳門散心,說起來,我應該都有廿年以上沒有踏足此地了……

小時候我十分抗拒旅遊,因為每次出遊我都會有水土不服的情況出現……
所以到長大後,那種「離家出走」的念頭就從來沒有在我腦海中出現過……
不過,近年在媽媽、女友和幾位朋友多次推波助瀾之下,

我才漸漸改變初衷,並開始慢慢認同他們的話……
其實當一個人被壓抑太久的時候,偶然離開一下,對自己的身心來說都是一件好事!
於是,我就決定暫時忘記在香港的所有不快,拋開一切跟女友盡情開懷地去吃喝玩樂!
很奇怪……在這次澳門之旅當中,我不但沒有水土不服的情況出現,
而且就連
一直以來的皮膚過敏問題大有改善,真是十分神奇呢!

在觀光塔所拍下的澳門全景照有點反光!~XDXDXD~)……



時間來得正好!剛好能夠捕捉到曲終的一瞬間……

在威尼斯人偶遇三位金髮美女,
她們用小提琴合作演奏一曲「上海灘」,十分動聽,非常精彩!
唉~為什麼這個路牌要挑起我們一眾利迷的傷心事呢?
嗚呀~到底是什麼回事?我忽然控制不了自己的手……
很多人來澳門都會到賭場賭兩把和逛盡當地的旅遊景點,
但對於我這個不愛逛街又極度討厭賭博的人來說,

來這兒的最大目的,就當然是要吃盡澳門的地道美食吧!
好!一連兩日的澳門覓食之旅現在正式開始!
第一站我們就來到這間位於氹仔舊城區地堡街13-14號的《新好利美食餅店》。

向來對甜食不太感興趣的我們並沒有order這兒最馳名的葡撻和燕窩蛋撻,
只是隨便點了兩碟碟頭飯。看!大大碟的魷魚菜飯,絕無偷工減料!
正所謂魷有魷味,菜有菜味……哎喲~顧著拍照……一不留神就被人偷吃了!

「天色已漸沉,落日如霧燈,深深深……」
澳門覓食之旅第二站我們來到這間位於氹仔舊城區地堡街279號的《波爾圖葡國餐廳》。

我認為這兒的食物平均質素都屬中上,而且價錢方面亦算合理,
我跟姑姑和她的二哥三個人order了滿滿一檯的食物,埋單也只需300多元。

我敢肯定這絕對是本人有生以來吃過最美味的一碟羊架!
肉質鮮嫩柔軟,羶味更遠低於一般羊,真是讓人回味無窮啊!

好!先回酒店好好睡一覺,明天繼續覓食!

太陽伯伯出來了!嘩!這位小朋友一面享受的樣子,真是悠閒寫意呢! 

嘻嘻~沒有吃過《大利來記》的豬扒飽,又怎能跟人說你來過澳門呢?

$42一個豬扒飽餐,不算便宜,不過真的很好吃!

雞翼外皮香口,相當惹味,但非常熱氣,我只吃了一件便停口了……
還有很多很多東西……下次再來吃吧! 
接下來就是姑姑的重點推介!位於新馬路福隆新街18號地下《添發碗仔翅》。

招牌花膠海參煲仔翅,非常足料!價錢又大眾化,真是一級棒!
來澳門買手信不一定要去《鉅記》或《咀香園》,
這間位於氹仔舊城區官也街14號的百年老號《晃記餅家》,
他們的鮑魚酥、肉切酥、雞仔餅和杏仁餅都是遠近馳名,而且還要排隊排很久才能買到。

很快我們就來到覓食之旅的最後一站,就是「360°旋轉餐廳自助餐」……

坦白說,我認為這間餐廳最大的賣點,就是可以多角度盡覽澳門的迷人景色,
不過整體來說就完全沒有令人Encore的意欲
……
為什麼我會這樣說呢?理由很簡單!對!這兒的食物味道還算不錯,種類都算多……
但大部分就都是比較平凡大路的東西,而且還沒有生蠔供應!吃自助餐沒有生蠔……
感覺就好像去聽李克勤演唱會沒有聽到「月半小夜曲」一樣,真是讓人失望空虛又遺憾啊!

一場來到澳門,本來理應毫無顧忌的盡情吃喝一番!
但由於本人的皮膚病仍在康復當中,所以這幾天就只能適量的破戒一下!
因此,一些地道美食例如是《誠昌飯店》的水蟹粥、《陳勝記》的陳皮鴨、
《龍門辣雞美食》的辣雞煲……今次我就未有機會可以嘗到!

不過,總括來說我還是吃得相當滿足!㊣㊣㊣㊣㊣
一連兩日的澳門之旅轉眼結束,
這兩天真是非常感謝姑姑二哥的熱情款待!
有空我會再來的!Goodbye Macau!


A餐、B餐還是C餐?經過兩天的放肆生活之後,回到香港我又繼續自己的素食人生……

168 則留言:

  1. 不要上旅遊書的當去《誠X》,食品差且員工無禮

    回覆刪除
    回覆
    1. 收到!謝謝!不過其實我本身都唔食得水蟹粥!嘻嘻~

      刪除
  2. 三個去旅行?阿嫂二哥一家住係澳門?煲趐好X吸引!

    回覆刪除
    回覆
    1. 唔係!佢二哥喺澳門做嘢,佢班屋企人全部喺香港。

      刪除
  3. 以前去澳門嗰啲海水好黃好濁,今次看到的似乎靚咗好多。
    而你說到沒水土不服,這也不是出奇的事,好似我姨甥的兒子,皮膚敏感得好厲害,只要跟母親回臺灣就乜事都冇…

    回覆刪除
    回覆
    1. 今次去澳門我都覺得有好大陣死海味!

      刪除
  4. 《大利來記》的豬扒飽其門如市,你買到是你幸運!
    很開心分享你的兩日遊!

    回覆刪除
    回覆
    1. 其實都冇乜人排隊,唔算有好多人買!

      刪除
  5. 澳門好多好嘢食呀,不過其實計埋交通都幾貴吓.

    回覆刪除
  6. 這篇好呀! 你食到淋漓盡致, 大快朵兒啊!

    回覆刪除
  7. 澳門近年多咗好多食嘢嘅地方!

    回覆刪除
  8. 你應該多d出去行下, 對你心情同病情都有幫助 .
    對呢次淫賤亂個痰尿盅借利記既YNWA, 俾人鏟到飛起, 你一定都有共嗚吧 !

    回覆刪除
  9. 心景對病情都好重要,放眼看,放腳走.....就忘記
    豬扒包加到48,好貴~

    回覆刪除
    回覆
    1. 最近學會兩個字,就是抽離,凡事懂得抽離,人就會活得開懷一點。

      刪除
  10. 我去親Macau一定會食豬扒包同燕窩董撻~

    回覆刪除
  11. 呢篇好正!對間碗仔翅好有興趣啊!

    回覆刪除
  12. 識食水蟹粥一定係去沙梨頭中國名粥

    回覆刪除
    回覆
    1. 多謝一龍兄猛料,下次帶姑姑去試!

      刪除
  13. 我上次去 澳門 還是 在回歸之前呢!
    好記得地道的咖喱蟹呀

    回覆刪除
  14. 得嫻輕鬆下,身體都健康D。

    回覆刪除
  15. 我要豬扒飽我要豬扒飽~Yummy Yummy~~

    回覆刪除
  16. 大利豬扒飽真的好大塊豬扒, 好想食呀!
    香港好多扒飽變肉片飽了 lu ...

    回覆刪除
    回覆
    1. 魚柳包也變成豆沙包size了!

      刪除
  17. 好開心*¨❤•好友Teddy Kiu 回BLOG
    ・゚☾又係甜夢安睡時候★☁*¨晚安喇喂

    回覆刪除
  18. 去澳門必到添發食盅魚翅來浪浪口!

    回覆刪除
  19. 遍嚐美食,真是羨慕 ! 看船票上寫著"氹仔" ,原來可以不去"新口岸", 而先到”氹仔"的嗎?
    真好啊。幾年前去過澳門一天遊,遺憾沒有時間去氹仔。

    回覆刪除
    回覆
    1. 阿姨,那張船票是回程的!

      刪除
  20. 去過澳門輕鬆下,碗仔翅, 豬扒飽真的好想食呀!

    回覆刪除
  21. 新好利有隻店長貓,有無見到?

    回覆刪除
    回覆
    1. 有啊!不過太多人所以冇影!XDXDXD~

      刪除
  22. 哈哈,自助餐一段狂兄形容得相當到位。

    回覆刪除
  23. 喜歡吃乳鴿嗎? 毛記的鹽焗乳鴿別處沒法吃到!

    回覆刪除
  24. Portuguese egg tarts & Pork chop bun is my favorite food !

    回覆刪除
  25. 冇去睇水舞間?大利來豬扒包真係越來越貴,一個包餐仲貴一碟碟頭飯,離譜!

    回覆刪除
    回覆
    1. 叫我去水舞間即係叫我耍盲雞,哈哈哈~

      刪除
  26. 走出香港好開始,嘗到美食合心意,繼續開心呀!

    回覆刪除
  27. 我去澳門都冇食豬扒包,過番D健康生活,對你身體有幫助

    回覆刪除
  28. 睇到你對住獌狗logo伸中指張相當堂笑到流眼水!!

    回覆刪除
  29. 好友•*☀*¨早晨+黃昏好・゚☁◇ *¨•¤
    ❤\(^▽◕。)/❀ ¤・゚✿天天╠ ╣ a Ρpy喇喂

    回覆刪除
  30. Teddy每一篇圖文寫得詳盡而精采!
    祝健康愉快!

    回覆刪除
  31. 非常支持你繼續走你的素食人生。偶然出遊對身心健康都大有幫助,不妨多去。

    回覆刪除
    回覆
    1. 計劃下一站台灣!然後去找當地的朋友K聚!

      刪除
  32. 新濠天地睇龍騰 #good#威尼斯人條運河好撚多錢[sosad]
    千其唔好去十月初五街,好噏耷架咋,去過嚇親你:o)
    手信街,空肚入,飽肚出[sosad]行上大三巴必經 #good#
    所以去之前唔洗食太飽 #hehe#特別係鉅記d人會塞d餅比你[sosad]

    btw,去澳門玩住真係好貴[sosad]天氣又熱撚到仆街,又曬[sosad]

    回覆刪除
    回覆
    1. D錢唔知真定假嘅呢!

      我去手信街淨係狂攻D豬肉乾,勁正!

      係!澳門D酒店真係堅貴!

      刪除
    2. 豬牛肉乾我次次去都買[bomb][bomb][bomb]

      刪除
    3. 我都係!杏仁餅嗰D我通常都只會食少少,所以唔會買好多!

      刪除
    4. 我都唔會買太多我驚唔擺得耐:o)

      刪除
    5. 我唔擔心!因為我會好快消滅哂佢哋!XDXDXD~

      刪除
  33. 食豬扒包仲大利, 梗係去青洲劉記啦#yup#
    另外青洲個頭,嘉應花園附近個間 洪圖麵家#good#
    次次去澳門都食#good#炸雲吞 魚角 #good# 不過都幾貴[sosad]
    食完再去祥記麵家食蝦子撈麵, 鯪魚球#yup#
    仲有一間食荳類製品 叫榮記 都唔錯咖[bomb] d豆腐花勁滑[bomb] [bomb]
    至於葡撻,其實我真係覺得kfc D葡撻係好食過哂佢地[sosad][sosad]

    回覆刪除
    回覆
    1. 好多人都係好似你咁講,又係話情願去KFC,不過我本身唔太鐘意賴撻,所以好難知道你哋講得啱唔啱!

      刪除
    2. 真架#yup#信我#yup#我賴撻之王#yup##yup##yup#

      刪除
    3. 果然係小強tommy!足跡遍佈各地!

      刪除
    4. 巴打你而家係咪好忙?忙到要用Auto-Reply?[369][369]
      完全唔match喎你呢個回覆同我句野[sosad][sosad]

      刪除
    5. 哈哈~冇錯!我係Time Is Robot!

      刪除
  34. 自助餐我食過最正係新葡京果間,幾多野食,不過好多人,連野食都要排隊。:~(
    觀光塔果間旋轉餐廳D野食就麻麻地喇,同埋間野好似轉得好快咁[sosad]
    4季就超搵笨,埋單一個4百幾 種類又唔多,又係冇生蠔食,只係出品質量好同幾精緻:-[
    最呃錢系美高梅, 一來到硬整個大包系你枱面, 一時間想埋飽你, #kill# #kill# #kill#
    野食種類少, 數量又少, 得個名牌, 又貴到仆街..... #kill2# #kill2##kill2#

    回覆刪除
    回覆
    1. 睇嚟tommy你係澳門通喎!堅料!

      刪除
    2. 我都係拎住本Macau Map鳩行咋[sosad][sosad][sosad]

      刪除
    3. 果然係小強tommy!足跡遍佈各地!

      刪除
    4. tommy已經比blog壇比利咒死左啦#kill# #kill# #kill#

      刪除
    5. 好喇!我承認我係blog壇烏鴉咀喇OK?XDXDXD~

      刪除
  35. 真不好了, 昨天遊旺角時, 見到街頭小檔生意差了, 就特地買些魚蛋牛丸等小食, 當是支持小商戶, 誰知食後疴了, 嘿..... 好心無好報.

    回覆刪除
  36. 以我為例, 生活在加國, 總大少少風土病, 如某粒暗瘡不好,回港後, 就會好番平復了, 只是住在香港太久, 就有香港的風土病, 就得回加國了, 哈哈, 最健康是, 每年出遊幾星期, 風土病就會好了. 回去後, 就更健康

    回覆刪除
    回覆
    1. 唉~咁到底我應該何去何從呢?

      刪除
  37. 午安小子,$42一個豬扒飽餐真係好貴.

    回覆刪除
    回覆
    1. 係呀!聽完一眾blog友嘅意見之後相信下次唔會去了!

      刪除
  38. 間中破下戒如果無乜病理反應都ok嘅^^
    晃記牛耳肉切酥好味
    十年八年前澳門仲未係太多人時我都會去的,又多平野食呢,喜愛那舊日的小鎮風情

    回覆刪除
    回覆
    1. 間中破戒一下ok嘅!冇乜大問題!

      刪除
  39. 澳門我都2年冇去過喇~家下去都好多人~感覺冇以前咁好玩呢~!

    回覆刪除
  40. 間中行開吓既感覺都唔錯架 , 澳門又近近哋 , 我9月尾都去過一次.....

    回覆刪除
    回覆
    1. 係!又唔使passport又唔使回鄉咭,超方便!

      刪除
  41. 我都認為間中出外旅遊下都好, 嗰幾日乜都唔使諗...盡情玩!!!

    回覆刪除
  42. 我對上一次去澳門係三年前參加半馬賽事,澳門沒有特別令人一去再去的吸引力,因為只消一兩天已經可以盡遊當地名勝,而近年消費也不便宜呢!

    回覆刪除
    回覆
    1. 我本身都係諗住去食下嘢算!

      刪除
  43. 食豬扒包最好去金馬輪,大利來記只係開黎呃香港人錢!

    回覆刪除
  44. 印象中好似都係第一次睇你寫遊記喎,我去親Macau都會入賭場打下老虎機同去晃記買好多盒杏仁餅同雞仔餅番屋企。

    回覆刪除
    回覆
    1. 因為我呢廿年都冇乜去過旅行!XDXDXD~

      刪除
  45. 華~你咁耐無黎澳門喇~~歡迎你~~
    其實澳門人都不去大利來記的.....哈哈~

    回覆刪除
    回覆
    1. 呵呵~現在知道了!下次一定唔會再中伏!

      刪除
  46. 我愛燕窩撻,一次可以食五個!!

    回覆刪除
  47. 晚安. 我好耐無去澳門了. 見到你有咁多美食, 此行相當唔錯哩.
    ╔══ ೋღ✰ღೋ ══╗
    ...✰✰ Happy Always ✰✰
    ╚══ ೋღ✰ღೋ ══╝

    回覆刪除
  48. 在觀光塔拍下的澳門全景照幾靚呀!
    澳門兩、三年未去過喇!

    回覆刪除
  49. 這個吃蕈的籍口不錯!: )

    回覆刪除
  50. 贊成出外走走對身體有幫助 , 最懷念嗰豬扒包呢~!!

    回覆刪除
  51. 360°旋轉餐廳個buffet真係齌食個view....

    回覆刪除
  52. 我都有十年以上沒有踏足澳門了。

    回覆刪除
  53. 係澳門最正就緊係賭錢屌鬼妹,要遊山玩水吃喝玩樂就返大陸啦

    回覆刪除
  54. 招牌花膠海參煲仔翅的賣相相當吸引。

    回覆刪除
  55. 牛記咖喱、蟹皇撈麵、芬記叉燒、勝利豬扒包、葡國餐佛笑樓、李康記豆腐花
    ㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣㊣

    回覆刪除
    回覆
    1. Mark低咗下次去試下先!thx!

      刪除
  56. 我很想吃那碟沒有羶味的羊架!美味しい~

    回覆刪除
  57. 花膠海參煲仔翅看來不錯.
    有時真是做貓好過, 牠好 relax.

    香港現在亂, 去澳門玩玩還好.

    回覆刪除
    回覆
    1. 貓貓比我們更悠閒呢!XDXDXD~

      刪除
  58. $42一個豬扒飽餐?咪即係=兩個M記超值套餐?

    回覆刪除
  59. 大利來記豬扒菠蘿包!Good Good Good!

    回覆刪除
    回覆
    1. 菠蘿豬扒包?有嘅咩?聽落好正咁喎!

      刪除
  60. 誠昌同大利來記其實主要都係做遊客生意,澳門人一般都好少會入去。

    回覆刪除
  61. I LOVE葡撻、I LOVE豬扒、I LOVE雞翼。。。

    回覆刪除
  62. 《陳勝記》陳皮鴨、花蛤、蟶子皇還有瀨尿蝦,這幾道撚手小菜都是絕頂人間美味。

    回覆刪除
  63. 當人心情好,眼前看到的東西、吃的食物也會變得好!
    (不好意思,太久沒來探你了,請見諒!)

    回覆刪除
    回覆
    1. 唔緊要!得閒先嚟坐下囉!

      刪除
  64. 以前我很喜歡澳門,感覺悠閒,物價也低,但近年跟香港一樣被洗禮……沒有太大吸引力了

    回覆刪除
  65. 好喜歡個隻可愛的懶訓貓~~hehe
    睇o黎澳門都係人頭湧湧喎~~

    回覆刪除
    回覆
    1. 係呀!佢真係好鬼寫意!XDXDXD~

      刪除
  66. 回覆
    1. 睇完你既分享同朋友仔D回應都係幫我慳返好多時間, 超實用, 多謝晒你

      刪除
    2. 唔好客氣!寫blog就係至在分享!

      刪除