2012年5月14日星期一

食在「紅磡」

而家喺出面食飯,有時都幾頭痕……
無論去到邊度,都差唔多要畀成四十幾蚊左右先食得到一個正常嘅飯餐,
早排有網民喺某知名論壇貼出一張《大家樂》嘅新餐牌出嚟,
其中有一個名為「金牌燒鵝髀套餐」就要成七十蚊先有交易,簡直係離撚晒大譜!

數數手指,我都有好多年冇去過D連鎖快餐店度食晚餐,
比如去《大家樂》,我都只係會幫襯佢哋個下午茶餐。
就喺前幾日,我經過公司附近間
《大家樂》
居然就畀我發現我食開嗰個「雞脾 + 紅豆冰茶餐」突然〝變相加價〞,
價格貴咗不特止,仲將杯紅豆冰轉埋做檸樂,真係頂佢個肺呀!

因工作關係,經常都會喺紅磡到處〝覓食〞,
上次推介完當地一間好有特色嘅車仔麵店,
今次又介紹下紅磡另一D平民化嘅抵食好去處畀各位啦!

大家好~係你哋今日靚女導遊 - 喵喵,就等我嚟帶咁多位去四處〝搵食〞。
朝早食D乜嘢好?不如先去啪返個豐富嘅港式早餐!
呢間位於紅磡黃埔街嘅《民食燒味漢堡茶餐公司》,係一間開張冇耐嘅新舖,
裡面所賣嘅茶餐同飯餐,味道合格之餘,價錢亦算合理。

想向大家大力推介呢《民食燒味》嘅「炒蛋茶餐」,
D炒蛋香滑夠大份,個蒜蓉包又好香脆,若果你唔鍾意食蒜蓉包嘅話,
亦可以將佢轉做厚多士,然後將D炒蛋同火腿夾埋一齊食,個口感仲正!
至於個叉燒通粉就不過不失,冇乜特別。
呢個〝大件夾好食〞
茶餐,價錢賣廿八蚊,都尚算OK,
唯一比較美中不足嘅地方係D火腿太過〝凍冰冰〞。

價值$28嘅腩仔飯,D腩仔都還算OK,但D飯就稍為硬咗少少。
《民食燒味漢堡茶餐公司》 

地址:紅磡黃埔街6號地下
電話:2766 3666
營業時間:
星期一至日11:00 - 22:00

各項評分(五個
為滿分)

食物質素:

抵食程度:
服務態度:  
環境: 
衛生:

受女朋友影響,有段時間我瘋狂迷上食酸辣粉,貪佢夠醒胃,又能夠驅寒,
而講到食酸辣嘢,紅磡就有一間相當唔錯嘅舖頭叫做《川粵米線大王》
《川粵》主要以供應麻/酸辣米線同紅薯粉為主,並採用車仔麵嘅模式等客人自選配料,
我自己就幾鍾意食佢哋個口水雞同埋紅薯粉,貪佢隻雞夠惹味,D薯粉又夠煙韌好咬口,
配料方面,呢度嘅蘿白、粵式腩肉同麻辣魚蛋都十分值得推介。

以前我成日都會嚟呢間嘢買外賣返公司食,同呢度D員工都算幾熟,
我覺得以一間人流算係幾多嘅食肆嚟講,《川粵》班阿姐嘅服務態度都稱得上係極之優質,
招呼周到之餘態度又好友善,就算係幾繁忙嘅時間都唔會見到佢哋黑口黑面,
仲會自動自覺幫你個外賣D粉同湯分開放添!

近排因為要戒口嘅關係,基本上我都有成半年冇去過《川粵》度食嘢,
儘管呢間嘢之前曾經傳出過「一滴香」事件,仲畀某D網民質疑佢喺D檸茶度落香精,
不過個人認為,出得街食飯,我就一向都係「冇眼屎乾淨盲」,
好老實講,市面上有好多食物其實都有落化學用品同埋嗰D乜乜素㗎啦!根本上就避唔到……
學我一個做廚房嘅老友話齋,D白雲鳳爪同牛柏葉咪又係用D雙氧水溝白醋漂出嚟!
D彈牙嘅牛丸呀~爽口嘅墨丸呀~絕大多數都係用硼砂打成嘅!
仲有香港人好鍾意食嘅麥當勞同即食麵,都係含有大量防腐劑,
計我話,除非係自己親手煮,唔係嘅話,出得去開飯真係唔驚得咁多,
全港大大話話有咁多間食肆,有D可能只係未畀人爆料唧!
如果下下都要驚,咁你返到大陸咪樣樣都唔使食?

《川粵米線大王》

地址:紅磡黃埔街22號地下
電話:2994 8871
營業時間:
星期一至日11:30 - 00:00

各項評分(五個
為滿分)

食物質素:
 
抵食程度:
服務態度:
環境:
衛生:

朝頭早唔想食太多嘢又想搵D嘢頂下肚嘅話,
坐低食碗熱辣辣嘅魚蛋粉或者係雲吞麵就最好不過!
呢間位於紅磡必嘉街嘅《榮發粉麵專家》,係當地嘅一間三十年老號,
呢度時常都人來人往、客似雲來,事關有好多人都貪佢哋D嘢平平哋又幾好食。

特別推介《榮發》嘅鳳城水餃麵畀大家,雖然比唔上《麥文記》嗰種水準,
但就一定超越《好旺角》級別,而更重要嘅係,佢只係賣十七蚊碗咋!
另外都想讚一讚佢哋嘅魚蛋粉,聲稱D魚蛋係親手打嘅,
咬落去彈牙得嚟又幾有魚味,但個河粉就認真唔多掂,又粗又乾身。
個牛腩撈麵就尚算可以啦!喺冇湯底襯托之下,D鹼水味都幾明顯。
四年之內加咗三次價,但以整體嚟講,價錢都算係可接受水平。
《榮發粉麵專家》

地址:紅磡必嘉街88號
電話:2142 0918
營業時間:
星期一至日:07:00 - 01:00

各項評分(五個
為滿分)

食物質素:

抵食程度:
服務態度:
環境:
衛生:

我頭先都講過,家陣喺外面叫個普通飯餐,分分鐘要成四十幾蚊先至有交易,
好似某D茶記賣嘅嗰D所謂「經濟客飯套餐」,絕大部分都係搵鳩人笨柒居多,
即係碟餸就細細碟,碗飯就細細碗,咁就收人四十幾五十蚊,確實係好過去搶!

幸好,最近多得公司一位好同事介紹,
我就發現紅磡曲街嗰度原來有一間經濟又實惠嘅港式大排檔,
入面所賣嘅客飯套餐,正宗係大件夾抵食,完全係貨真價實。
四餸一湯,白飯任裝(呢個講笑咋~XDXDXD~),都只係二十七蚊,
而且D餸又嚟得快去得快,保證新鮮,但係我就略嫌佢D嘢落得太多油。
《錦記粥粉麵飯》

地址:紅磡曲街37號地下
電話:2330 7672
營業時間:星期一至六:10:00 - 13:00,17:00 - 23:00


各項評分(五個
為滿分)


食物質素:
抵食程度:
服務態度:
環境:
衛生:

話咁快就嚟到「紅磡覓食之旅」嘅最後一站,呢間快餐店我諗都唔使細佬再多作介紹喇啩!
《時新快餐店》喺紅磡呢區都算係出晒名㗎喇!喺openrice.com得到超過八百個好評,
個老闆印喺飯盒個標語仲好串咁話:「喺香港未食過時新漢堡包,點算係食過漢堡包!」
或者係我個人向來都唔係太好呢類快餐嘅關係,
所以我嚟《時新》嘅次數真係一隻手數得晒,
但可以同大家肯定嘅係,呢度D嘢食味道確係唔錯,絕對係值得推介。

《時新快餐店》

地址:紅磡黃埔街1A地下
電話:2362 1279
營業時間:星期一至日:06:00 - 21:00


各項評分(五個
為滿分)

食物質素:
抵食程度:
服務態度:
環境:
衛生:

歡樂嘅時光過得特別快,又係時候講拜拜喇!
我係靚女喵喵……條仔夜貓子,拉閘!放貓!閃閃~886~

「妖~有好嘢食都唔預埋我~你點做人大佬㗎?」
死肥仔~好心你就減下肥啦!一日到黑淨係掛住食!

PS:部份照片是取自OpenRice.com。

170 則留言:

  1. 秋山女!:)2012年5月14日 上午6:15

    嘩你的研究好詳細!真棒!

    回覆刪除
  2. 秋山女!:)2012年5月14日 上午6:16

    KFC貴麼?
    [版主回覆05/17/2012 22:23:00]
    好耐冇食KFC了....

    回覆刪除
  3. 早晨啊! 謝謝你的回應及分享, 補祝母親節快樂!

    回覆刪除
  4. Hong Kong's Foods,miss it so much.

    回覆刪除
  5. 早晨迪哥!冇介紹檀香山既?D咖哩超正喎!

    [版主回覆05/17/2012 22:23:00]
    因為檀香山D野唔平....

    [Ryan Wong回覆05/18/2012 02:02:00]
    佢個下午茶OK平喎!

    [版主回覆05/18/2012 20:22:00]
    但份量少到喊....

    回覆刪除
  6. 火鳳凰自言自語2012年5月14日 上午7:21

    早排有話「金牌燒鵝髀套餐」,
    就要成五十蚊在機場快餐店先有交易!
    而家竟然要成七十蚊先有交易!真係離撚哂大譜!
    講真!我很少幫趁連鎖快餐店度食晚餐……
    比如去《大家樂》,我都只係會間中幫襯佢哋個下午茶餐,
    嗰個「雞脾 + 紅豆冰茶餐」!如果價格貴咗不特止,
    仲將杯紅豆冰轉埋做檸樂!咁就不會再幫襯佢哋,真係頂佢個肺呀!
    紅磡真係好少到,無地鐵很吊腳!
    多謝靚女喵喵,帶大家四處〝覓食〞啦!
    [版主回覆05/17/2012 22:22:00]
    真係轉埋做檸樂!!!!~太可惡了!!!!!~

    回覆刪除
  7. 真好介紹!...謝謝!
    我一定去!...

    回覆刪除
  8. 哈哈!!「妖~有好嘢食都唔預埋我~你點做人大佬架?」
    你呢個大佬連貓話都識講,勁呀!!

    回覆刪除
  9. 我以前都係曲街附近住,新中華國貨公司經常光顧,
    這間國貨公司好似執著,蕪湖街就好多嘢食。

    回覆刪除
  10. 早晨..謝謝你的好介紹..喇...正..

    回覆刪除
  11. 存在宇宙中肉眼看不见的世界,是怎样的一个世界!!
    欢迎光临~敬祝平安

    回覆刪除
  12. 早晨!謝謝您!我祝您開心快樂每一天事事吉祥!

    回覆刪除
  13. 早晨 ! Bo .. 你好嗎 !
    最近咪也經常在外吃飯 , 價錢真的步步高陞 ;
    不止 , 服務呢... !? 冇喇 ...
    你好有心喎... 好詳細分亨....

    回覆刪除
  14. 早晨.謝謝!您好!新的一週又開始...
    祝開心安康過每一天!....謝謝分享....好介紹!

    回覆刪除
  15. 你集貓好像不滿咁喎
    [版主回覆05/17/2012 22:20:00]
    佢無聲抗議呀!~

    回覆刪除
  16. 以後去開紅磡,就知地方搵食喇~
    大記同麥記,我諗我兩年冇去過!

    回覆刪除
  17. 果70幾蚊既"金牌燒鵝髀套餐"係咪附送曱甴 ,
    天花板老鼠之類既野味架...食左可能曉飛定了
    對呢類成日變相加價既鋪最好就係抵制佢唔好去幫襯
    出得去食, 預左一定有添加啦..自己整都係要買好料先食得安心咋.
    [版主回覆05/17/2012 22:19:00]
    可能真係有塊金牌...要聰明人先睇到架!~

    回覆刪除
  18. 你好, 朋友, 新的一天, 新的開始, 大家要開心喔。

    回覆刪除
  19. 只怪仆街凸首成日都欺壓1d 小商店,先至令到1d 連鎖食市可以進一步獨大..
    [版主回覆05/17/2012 22:18:00]
    唉~~~一切在心中啦~~~

    回覆刪除
  20. 早晨小子,多謝好介紹.我都好鐘意食水餃麵.

    回覆刪除
  21. Time is Changing, 早安.
    以後去紅磡, 識得去邊度搵好食的. 謝謝分享.
    新的一週, 事事順利, 時刻開心.
    ╔══ ೋღ✰ღೋ ══╗
    .....♡♡ Happy Day ♡♡
    ╚══ ೋღ✰ღೋ ══╝

    回覆刪除
  22. 紅磡個邊,啲野係扺食D架!

    回覆刪除
  23. 謝謝Time Is Changing 實用 的 分享! 祝 天天 快樂 !

    回覆刪除
  24. ice may may 雪美美、子格格2012年5月14日 上午11:44

    謝謝你的好料....有排試食喎!

    回覆刪除
  25. 出外吃飯真是要份外小心,有時候想一想,還是在家千日好。
    [版主回覆05/17/2012 22:17:00]
    當然!~

    回覆刪除
  26. Happy if Yahoo HK blog works2012年5月14日 下午12:38

    想知有老伯那幅相老伯看餐牌後價錢後的面容.
    牛油多士要17 元?? 真是懷念 60, 70 年代......
    [版主回覆05/17/2012 22:17:00]
    我自己拍完........也覺得那幅相很悲....

    回覆刪除
  27. Happy if Yahoo HK blog works2012年5月14日 下午12:40

    超值 = 超出本身價值!
    [版主回覆05/17/2012 22:16:00]
    說得太好了!~

    回覆刪除
  28. 蜓子...................2012年5月14日 下午1:01

    嘻嘻,,我鍾意靚女貓貓多過食野,,,,,,,,,,,,,,,,,

    回覆刪除
  29. 嘩! 呢處有咁多好嘢食推介 ! 唔該晒 !

    回覆刪除
  30. 好介紹啊...假期你有時間,
    可以在網誌整一項飲食指南, 益吓D網友容易揾到食就好了!
    [版主回覆05/17/2012 22:13:00]
    有一項叫"飲飲食食"就是了....

    回覆刪除
  31. 阿貓個樣好似好唔順超咁喎

    [版主回覆05/17/2012 22:12:00]
    無聲抗議呀!~

    [Ki回覆05/18/2012 02:26:00]
    唔怪得之佢而家咁嗲啦

    [版主回覆05/18/2012 13:21:00]
    對佢老豆就係囉!對佢阿媽同佢大佬我就惡到死啦!

    回覆刪除
  32. 出面d客飯就把鬼la!自己煮好過!

    [版主回覆05/17/2012 22:12:00]
    咁妳就日日煮俾我食囉!~

    [Ki回覆05/18/2012 02:28:00]
    你就想 慳D啦

    [版主回覆05/18/2012 12:46:00]
    妳日日煮俾我食我咪可以慳D囉!

    回覆刪除
  33. 我只知Hung Hom黃埔街有檔雞蛋仔好好食!成日都有好多人企住等。
    [版主回覆05/17/2012 22:11:00]
    我唔食雞蛋仔的....

    回覆刪除
  34. 狂兄呢篇野真係岩哂我用!唔該哂!
    我都成日去榮發開餐的,呢間野D雲呑面水餃面的確又正又抵食!
    但比較遺憾既係佢地入面冇炸醬面賣,我好鐘意食炸醬面

    [Eminem回覆05/18/2012 17:51:00]
    唔識去,請問有冇地址?

    [版主回覆05/18/2012 20:25:00]
    紅磡寶其利街41號地下

    [Eminem回覆05/19/2012 01:03:00]
    oh thx..

    回覆刪除
  35. 大膠鑊呢D無良企業,欺騙食客又欺壓員工!
    真係睇見佢個招牌就眼火爆!永久blacklist..

    回覆刪除
  36. 多謝TIC介紹紅磡美廉好食遊 .
    但好少去紅磡, 近年去過兩之, 飲喜宴及紅磡警察局(交通問題)

    回覆刪除
  37. 依家外出食餐飯都幾貴,是因食材加價,舖租加價,生活水準不斷下降呢......

    回覆刪除
  38. 剃刀・魯鐸克2012年5月14日 下午3:46

    唉~其實我都唔想成日食M記㗎!
    之但係鬼叫我窮咩?廿蚊個餐去邊度搵呀!

    [版主回覆05/17/2012 22:09:00]
    但成日食....喉嚨會痛死.....

    [剃刀・魯鐸克回覆05/18/2012 15:23:00]
    喉嚨痛死好過餓鳩死....

    回覆刪除
  39. 隻喵喵真係好靚女ar~~你隻肥喵仔都好型仔~~D眼神好盞鬼ar~~
    [版主回覆05/17/2012 22:08:00]
    肥喵仔不嬲都係model王!~

    回覆刪除
  40. ❤♥ஜ♪♪•..•¸.•´☀ℒ ℴ ν ℯ☀•.¸¸.•´•.¸♪♪•ஜ♥❤
    ღ嘻嘻...好朋友✿早晨啦✿開開心心又新一天喔ღ

    回覆刪除
  41. 謝謝好介紹喎!我都鐘意酸辣麵.

    回覆刪除
  42. 你寫食評一樣掂喎!
    我覺得時新D野大部分都正!唯獨係佢個薯條就真係好唔掂當!

    回覆刪除
  43. Pandora 香傭講法文2012年5月14日 下午6:25

    唔貴喎^^

    回覆刪除
  44. thanks for your sharing! really want to try!

    回覆刪除
  45. 謝謝有用資訊分享,有機會去開紅磡一定會試吓!
    其實買開餸嘅人都知食材一d都唔貴,
    只係d無良奸商為咗賺到盡,通常都會將價錢mark up成本一倍,
    所以我而家都好少喺街食飯,費事益咗班友。

    回覆刪除
  46. 多謝介紹, 第日過到尼, 就唔駛通度搵了..........

    回覆刪除
  47. 炒蛋餐跟garlic bread!Cool!Thanks!

    回覆刪除
  48. 第一個炒蛋哥個餐真係好q抵囉!!!
    28蚊...依家澳門都搵唔到....

    回覆刪除
  49. 嘩!紅磡都好多野食哦!

    回覆刪除
  50. 晚安.謝謝!您好 !新的一週又開始...祝開心安康過每一天!....
    有夢想便有希望.有風雨更加堅強.
    有了愛便有溫暖.有了你便有方向.

    回覆刪除
  51. um。。。yummy yummy。。。^^

    回覆刪除
  52. 迫我們在家食仲好 - 慳錢又對身體好!
    [版主回覆05/17/2012 22:04:00]
    工作逼人...三餐都被逼要在外面吃....

    回覆刪除
  53. 晚安你好謝謝, 祝你晚安快樂

    回覆刪除
  54. Kenix 小菠蘿昕2012年5月14日 下午9:13

    大家樂呢D質素都咁貴....

    回覆刪除
  55. 狂小哥呢篇正野 個炒蛋餐睇落真係好吸引
    [版主回覆05/17/2012 22:03:00]
    真係好正!~D炒蛋仲大大份架!~

    回覆刪除
  56. 唔掂 睇完篇野好肚餓 即刻打電話叫個外賣上黎先

    回覆刪除
  57. 而家快餐店價錢一d唔平架.

    回覆刪除
  58. 這麼多好介紹..真讓人食指大動啊:P

    回覆刪除
  59. 住在紅磡的人看到你這篇食評,真是如獲至寶。
    [版主回覆05/17/2012 22:01:00]
    見到有平靚正的東西,所以就想分享一下!~

    回覆刪除
  60. 紅磡寶石戲院附近有間自選壽司店好似叫做出前一D,
    TIC你有冇試過啊?我覺得佢哋D壽司價錢經濟得來味道都算唔錯,
    尤其係佢D三文魚刺身,超級肥美新鮮呀!

    [版主回覆05/17/2012 22:00:00]
    有呀!~行兩步就到!~我都覺得味道都算唔錯!~不過佢地D飯真係好鬼細舊!~(

    [Mihiro回覆05/18/2012 03:05:00]
    係呀!所以我多數都係買刺身。

    [版主回覆05/18/2012 12:44:00]
    刺身我都係鐘意堂食。

    回覆刪除
  61. 紅磡最出名食酸辣嘢,應該近火車站個間傷心酸辣粉,不過真係好Q辣。

    [版主回覆05/17/2012 21:58:00]
    冇去過....因為食完我個肚一定會山泥傾瀉~~~~

    [Mihiro回覆05/18/2012 03:04:00]
    我就由佢山泥傾瀉!

    [版主回覆05/18/2012 12:43:00]
    是勇者,不必怕!

    回覆刪除
  62. 晚安.謝謝!您好 !新的一週又開始...祝開心安康過每一天!....
    有夢想便有希望.有風雨更加堅強.
    有了愛便有溫暖.有了你便有方向.

    回覆刪除
  63. 我喜歡蔡瀾美食坊!
    [版主回覆05/17/2012 21:58:00]
    冇去過添....

    回覆刪除
  64. $時新漢堡雞肶,賣飛佛!
    [版主回覆05/17/2012 21:56:00]
    I love雞堡 & 雞肶!~

    回覆刪除
  65. $70?????漢堡包看來很好味哦!
    [版主回覆05/17/2012 21:56:00]
    真係離撚哂大譜!

    回覆刪除
  66. 新的一週, 事事順利
    ╔══ ೋღ✰ღೋ ══╗
    .....♡♡ Happy Day ♡♡
    ╚══ ೋღ✰ღೋ ══╝

    回覆刪除
  67. 祝媽媽節快樂!
    以前愛廚係紅磡返學都係果邊搵食!

    回覆刪除
  68. DiDi你呢篇blog俾一d減肥人仕睇到~~直程係一種折磨ar~~
    你害人不淺ar~~~哼~~~
    [版主回覆05/17/2012 21:52:00]
    都話妳根本就唔需要減肥囉!!~

    回覆刪除
  69. Bondi,你真的有很多可愛的貓朋友啊。

    回覆刪除
  70. TIC你好!謝謝分享!
    嘩!食物越來越貴!

    回覆刪除
  71. ★╭═══╮~吃飽...暖暖心...我也去睡一睡...喇...¨¨˜”°º★
    ╭╯ѼѼ║ ~快樂時間...過得好鬼快...又係時間講...明天再見
    ╰⊙══⊙╯。o0○。My ℒⓄ℣ℰFrien 早抖...啦...

    回覆刪除
  72. 其實大記唔夠太興貴架, 唔知點解又無人鬧太興喎!
    [版主回覆05/17/2012 21:51:00]
    因為太興一向都貴!~大記係狂加價!~

    回覆刪除
  73. 紅豆冰轉做檸樂???差好撚遠喎大佬!!!
    [版主回覆05/17/2012 21:50:00]
    咪臭係!!!~

    回覆刪除
  74. 你真唔話得..介紹好嘢,我都要介口....
    年尾至今/過量朱古力---炸雞(家香雞)...
    再榴槤過多吃腳板好痕......一睡就痕...
    看醫生..只給消炎藥...冑藥...可能糖份過量...
    我一次食兩盒m&m朱古力..加朱古果仁....雞蛋/每天
    2...碰榴槤...即痕...第二天...不敢再吃芒果...爆場。
    你分享的...我常吃鵝...燒煵...唔香不食......
    旺角...周處都貴.....大家樂...樣樣都唔得...多謝分享..
    [版主回覆05/17/2012 21:50:00]
    我一碰芒果、朱古力、牛同鵝我就大單了!~

    回覆刪除
  75. 早晨,祝您身體健康!生活愉快

    回覆刪除
  76. 紅磡有咁多唔同種類嘅食肆,
    住o個區 d 人和在o個區返工 d 人真有口福 ...
    隻貓淨係食貓糧, 你真殘忍呀 ~~
    [版主回覆05/17/2012 21:48:00]
    貓貓最近俾佢老豆寵壞啦!~
    成日食到唔知飽....所以最近要節制下佢!~

    回覆刪除
  77. 炒滑蛋,我鐘意m記個隻:P

    [版主回覆05/17/2012 21:46:00]
    我覺得太鹹....

    [tommy baby回覆05/18/2012 01:35:00]
    唔好落餐桌鹽lor#good# #hoho#

    [版主回覆05/18/2012 12:42:00]
    唔落都好鹹!

    回覆刪除
  78. 時新係得d漢堡熱狗好味,佢d 飯....好撚難食[sosad]
    仲有可能而家愈來愈出名,就愈來愈貴,塊漢堡扒就愈來愈細:o)
    同埋個肥西收銀同果個戴眼鏡既阿叔真係串過馬撚!
    入去食野好似係欠左佢咁

    [版主回覆05/17/2012 21:46:00]
    我去果陣又冇野喎!~可能係因為我個樣仲串過十條馬撚啦!~

    [tommy baby回覆05/18/2012 01:33:00]
    真係串過馬撚

    回覆刪除
  79. 香港曾經有十五蚊一個燒鵝飯。xx(
    望住大家樂燒鵝飯餐牌,我睇唔清香港ge未來:-(:-(
    大家樂#good#誓要賺多果兩蚊#good# #hoho#
    良心企業 :~( :~( :~( $70皇恩浩蕩呀xx(真係送都唔食 #bye#

    [版主回覆05/17/2012 21:45:00]
    黯然燒鵝飯 ... 你老味鴨飯就鴨飯啦!!~
    俾多碗味精湯你最多咪廿二蚊碟,黯咩然燒咩鵝呀, 咪懶有型啦o靚仔!!~

    [tommy baby回覆05/18/2012 01:32:00]
    你條友[sosad][sosad][sosad][sosad]

    [版主回覆05/18/2012 12:41:00]
    搶錢呢樣嘢,好講天分嘅!

    回覆刪除
  80. 哈,
    點解講親野
    都係咁詳盡嘅呢!
    去紅磡食野,
    睇住你嘅網誌搞掂。
    [版主回覆05/17/2012 21:41:00]
    只係我長氣~~~

    回覆刪除
  81. 下午茶,我鐘意食吉野家,15蚊有碗飯食仲有杯茶。

    [版主回覆05/17/2012 21:40:00]
    在屯門工作時,他的雞麵和珍菌米下午茶餐可以說是陪伴我不少個晚上!~

    [Jeana Ho回覆05/18/2012 02:00:00]
    有飯有麵有烏冬揀,加埋七味粉,正。

    [版主回覆05/18/2012 12:37:00]
    我有時肚餓得滯會食兩個下午茶當一個晩餐,
    另外你提到烏冬,我自己就真係好鐘意佢哋個雞粒昆布烏冬!一支棒呢!

    回覆刪除
  82. 我覺得香港最好食既漢堡包係Burger King,
    甚至連D薯條都比老麥好食好多,至少係熱辣辣既.
    只係可能Burger King冇老麥咁多分店又唔太就腳,先至冇咁多人留意je.
    [版主回覆05/17/2012 21:38:00]
    我冇食過Burger King,下次去試下先!~
    不過我一向都麻麻地鐘意食老麥D薯條,又鹹又乾......
    薯條....我好鐘意食哈迪斯果D~~~只可惜.....

    回覆刪除
  83. 早晨你好謝謝你, 祝你身體安康幸福快速

    回覆刪除
  84. 我覺得薯條都好正
    [版主回覆05/18/2012 12:30:00]
    下次有機會去試下先!不過齋睇呢度大家嘅評價好似都麻麻咋喎!

    回覆刪除
  85. 出去食,冇得咁揀擇, 填飽個肚就算~~

    回覆刪除
  86. 大家樂........唔該我要半碟吖....收半價嫁可..........(發夢)
    [版主回覆05/17/2012 21:35:00]
    基本上佢個份量已經係得半碟....

    回覆刪除
  87. 時新快餐的時新漢堡。It is the most delicious hamburger of my life。
    [版主回覆05/17/2012 21:36:00]
    我覺得他的雞堡很好吃!~

    回覆刪除
  88. 早晨您好!哈哈哈..................
    我祝您笑口常開!祝您身體安康愉快!

    回覆刪除
  89. 十七蚊碗水餃麵 ~~ 好抵食呀 ~~

    [版主回覆05/17/2012 21:34:00]
    抵食就旺角先達果間$10碗抵D....不過.....

    [徐文光回覆05/18/2012 11:15:00]
    先達個間你食埋我個份啦

    回覆刪除
  90. 吃過次時新,感覺上名大於實,只有漢堡和熱狗較為像樣。
    [版主回覆05/17/2012 21:33:00]
    時新我只吃過他四五款東西而已!~

    回覆刪除
  91. 十七蚊水餃麵...平通港..九..
    [版主回覆05/17/2012 21:31:00]
    而且仲好好食!~

    回覆刪除
  92. 域 流亦詩 Louis Rick2012年5月15日 下午2:03

    講起一滴香哩家嘢、那個衛生局長周先生話唔會食壞人喎。
    有些鋪頭聲明冇味精、原來加咗一濟香、咁即係......
    [版主回覆05/17/2012 21:30:00]
    一諗起周一鑊,就會諗起佢連一粒熊仔餅都唔敢食o既果個驚青樣!~

    回覆刪除
  93. 原來紅磡都幾多野食架喎~
    [版主回覆05/17/2012 21:29:00]
    係呀!~

    回覆刪除
  94. 土耳其他他 - TATA2012年5月15日 下午2:57

    又幾多好野食wor~他他祝你天天快樂! ~( ̄▽ ̄)~*
    ╭。☆║ 週.二.愉.快! ║☆。╮

    回覆刪除
  95. My Love FRIEND...我起身...啦...抱抱...錫錫...啦...
    早晨...知足常樂天天都是歡樂日...好朋友係要常常鼓勵與關懷...
    幸福健康快樂全給你...和快樂一起出發...吧...

    回覆刪除
  96. 為食貓做導遊

    回覆刪除
  97. 我鍾意食米線... 好食+抵食~~

    回覆刪除
  98. 腦友晚上好:祝您新的一週更加好。

    回覆刪除
  99. 晚安.謝謝!您好 祝開心安康過每一天!....
    惡劣環境是人生的挑戰,正面看待就會勇往直前

    回覆刪除
  100. 資料齊全.....謝謝.....
    大家樂不再是平民化....食餐快餐比餐廳更貴.....

    回覆刪除
  101. TIC,你既一句「離撚哂大譜」實在深得我心呀!…
    十七蚊碗水餃麵好抵食呀!雖然我少去呢區,
    不過有機會既我會試吓呢個麵同埋時新快餐!
    我同你岩岩相反,你張相既四樣野我都岩食,
    尤其係漢堡!多謝你既好介紹。
    [版主回覆05/17/2012 21:23:00]
    活活,因為唔加果個字,真係好難表達我內心o既感受呀!!~

    回覆刪除
  102. 睇見大家樂果個價錢牌貴到已經唔想再去食.

    回覆刪除
  103. 晚安:您好!謝謝分享!祝安康快樂!

    回覆刪除
  104. 冇錯, 樣樣野都貴著好多~~

    回覆刪除
  105. Good morning wor time is changing.
    Yummy..yummy..

    回覆刪除
  106. 早晨呀!謝謝您!我祝您身體安康事事吉祥!笑口常開!

    回覆刪除
  107. 午安 Time is changing, 大家樂貴過茶餐廳真過份呢

    回覆刪除
  108. 午安, 謝謝分享~ 祝你有愉快的一天~ 大家樂真係好貴~
    [版主回覆05/18/2012 18:36:00]
    早已不再是平民快餐店了!

    回覆刪除
  109. 狂小子你好
    你也要來玩呀
    請多多指教
    魚兒 《春日》
    春花燦爛映山紅,大地飄香送暖風。
    遍遍江河顏美秀,春回處處自然同。
    魚兒 《春晚》
    湖平水靜起春風,陣陣花香沁草叢。
    我把心扉明皎月,揚帆灑脫一陶翁。

    回覆刪除
  110. 好朋友☀週三愉快☀...我又起身...啦...
    生命因快樂...哦...大家又來...天天歡樂...笑...呵呵...
    開心的時刻到...又來錫錫抱抱先...喇...嘩...哈..哈..哈...

    回覆刪除
  111. 碗水餃麵好似好細碗咁ge~
    [版主回覆05/18/2012 18:32:00]
    都大碗過麥奀記嘅!

    回覆刪除
  112. 很有用,謝謝詳細的食評,arigatou。
    [版主回覆05/18/2012 20:29:00]
    客氣!

    回覆刪除
  113. 時新漢堡包㊣㊣

    [版主回覆05/17/2012 18:29:00]
    我只吃過他們的雞堡,我不吃牛的!他們的牛肉真的很好吃嗎?

    [Joan回覆05/18/2012 15:17:00]
    很好㊣㊣

    回覆刪除
  114. * * * * * *
    *▶◀┌───┐
    ◀^ㅡ^▶GoodDay
    *▶◀└───┘
    * * * * * *
    晚安喇老友記time is changing,
    祝你有個愉快的週四 (^-^) ♡
    真係有好多好介紹呀!

    回覆刪除
  115. 午安呀!謝謝您的欣賞同分享!天氣酷熱多飲水!
    我祝您身體安康愉快!開心喜樂安康常伴隨!

    回覆刪除
  116. 行完公園...了...☀太陽走了☀....呵..呵.呵...
    大家帶上微笑和快樂一起出發吧...☀Happy每天☀
    我在等契女...出們...行下街...吃下飯...呵..呵.呵...

    回覆刪除
  117. 晚安!好介紹!謝謝分享!

    回覆刪除
  118. 謝謝靚女貓, 大家樂的70元餐太貴, 真是不合理.
    [版主回覆05/18/2012 20:28:00]
    對啊!

    回覆刪除
  119. ☆”*。゚★。・o゚。☆”*・。゚★。o゚・。☆”*。゚
    ★。・o゚。☆”*・。゚★。o゚・。☆・。゚★。
    My l❤Ve Friend 又係說晚安...
    錫錫..抱抱...美好甜睡眠..啦..早抖...啦...
    大家愉快地度過每一天...每一分...每一秒...
    開開心心迎接...明天...啊...

    回覆刪除
  120. 我突然想試試鏞記燒鵝飯盒,好像只需$50。
    紅磡舊區的確多食肆,時新漢堡包想去試,
    但經常不知道它的位置。($10一個漢堡包,絕對超值)
    [版主回覆05/18/2012 20:28:00]
    上面有地址呢!

    回覆刪除
  121. 你睇下d 超巿賣的燒味幾錢.........
    最離譜的就係賣甜酸齋那些......
    只得幾件.....就已經.........
    多d 自己整野食啦,一來省錢,二來又健康d.....
    [版主回覆05/18/2012 20:29:00]
    有時在外工作真係好難避免要出去食啦!

    回覆刪除
  122. 紅磡這地方 !? Sky 真的一点都不熟識架
    但原來都有不少小店提供特式美食 wor ^^

    回覆刪除
  123. 燒鵝真係不知為甚麼會這樣貴,
    酒家一隻燒鵝賣$400蚊,還須預定,
    燒鵝碟頭飯,許多飯店都無得賣,
    大家樂賣 60蚊都算是可以接受;
    現時出街食一個午飯,一般都接近50蚊,
    真是苦在心裡‧扖王之王的套餐,比大家樂還抵食‧
    [版主回覆05/20/2012 13:39:00]
    所以喺紅磡同旺角附近做嘢真係有度好!就係食嘢夠平!

    回覆刪除
  124. hello,我無聊探吓班咋!我對呢個post只想講︰我冇錢呀!
    [版主回覆05/20/2012 13:32:00]
    冇錢咪食平D囉!

    回覆刪除
  125. 早晨呀!謝謝您!我祝您週末快樂身體安康愉快!

    回覆刪除
  126. 你好, 週六下午好.....

    回覆刪除
  127. 見到你既介紹, 下次我去「紅磡」,
    都要試下 川粵米線大王及時新快餐店.

    回覆刪除
  128. 狂小子,鳳城火餃

    回覆刪除
  129. Time Is Changing 晚上好,
    祝週末及週日開心愉快。
    餐廳老闆都唔想加價㗎,
    奈何舖租人工上升!
    [版主回覆05/20/2012 13:34:00]
    唉~~~~

    回覆刪除
  130. 晚安你好,謝謝你.
    祝好朋友週六愉快.

    回覆刪除
  131. "大掠水"果然好掠水, $70都夠膽死!!!

    回覆刪除
  132. Have a nice sunday !

    回覆刪除
  133. haha~~~ 你都叫死肥仔....
    咁我咪係......" 重量級死肥婆"...kaka~~
    你住紅磡架???
    咁熟既???
    我都成日在紅磡黃埔兩邊...食, 食...同食架....
    [版主回覆05/21/2012 15:27:00]
    我話隻喵咋!~我喺紅磡工作架!~

    回覆刪除
  134. 早安, 來搵吃的. 想試最後果間. 週日愉快.
    ✿ღ¸.*”˜ƸӜƷ˜”*★•.•★*”˜ƸӜƷ˜”*°•..¸ღ✿
    ❀░H░A░P░P░ Y ░D░A░Y░❀
    .★¨¨˜”°º★¨¨˜”°º★¨¨˜”°º★¨¨˜”°º★¨¨˜”°º★.

    回覆刪除
  135. 而家出去食餐午飯起碼都要40幾蚊,重未計早餐呢?份人工都唔知點用好
    [版主回覆05/21/2012 15:27:00]
    加埋都追唔到個通漲....

    回覆刪除
  136. 大家樂越來越離譜,抵制佢!

    回覆刪除
  137. ...真係要抵制大記....

    回覆刪除
  138. Time Is Changing 早晨呀!我來探望您!
    謝謝您的分享同祝福!記得笑口常開呀!我祝大家喜樂安康常伴隨喔!

    回覆刪除
  139. 收廣告費都夠你食。(開玩笑)
    [版主回覆05/21/2012 18:36:00]
    係就好啦!

    回覆刪除
  140. 午安呀!多謝你的分享!祝好朋友心裏有陽光!

    回覆刪除
  141. 第一隻貓好清秀! 第二隻就似希特拉

    回覆刪除
  142. ice may may 雪美美、子格格2012年5月22日 下午9:28

    早晨! 你好!謝謝分享!祝天天愉快!

    回覆刪除
  143. 您有沒有到過上環X香..那裡出名但招呼十分差及無禮貌,
    我曾經在那兒叫一碟豬什炒河,佢竟然對話,問我三次之多及講四十多元,
    問我係唔係食,我當時火即上我話壹仟元我都食我起..
    現在呢人為了小小錢開口得罪人.另一間是中環,六X鏽記隔條街,
    入門有個亞星守住,咁我當時坐落,突然有個部長身份,
    走埋來問我有沒有預約,冇就叫我即走,態度賴慢出人傷人.
    我即場講叫廚房大廚出來見我..即時叫人開茶打賞伍拾元,
    同時話我有帶私家茶葉,那裡的點心最低消費33元,
    那裡茶費16元壹位,現收費廿六元因為加了價.那裡食物收費好昂貴,
    我玩呢個遊戲消費320元正.再有一間是上環喜X酒樓夜總會,三樓,
    事因我約朋友在那裡食飯,由於朋友未到所以 我叫餸,
    涼瓜掛骨煲給人即回話問了多次此餸七十多元問了多次有冇錢找數...
    我講每事都是真實無誤.我的朋友當時為之氣極.
    [版主回覆05/26/2012 17:25:00]
    沒有去過呢!

    回覆刪除
  144. 謝謝好介紹呀!!而家D食店靜雞雞加價,無良呀...

    回覆刪除
  145. 燒臘檔飯盒連湯都係25蚊樓下,好抵架
    [版主回覆05/26/2012 17:26:00]
    經常吃燒臘飯很辛苦呢!

    回覆刪除
  146. 香港現在d野真係好貴下喎, 我下次回港,
    都係找d街坊茶餐廳食了. 隻猫係你養? 佢好似喜歡四圍走呀

    [版主回覆05/26/2012 17:27:00]
    係呀!呢隻正一百厭星嚟!

    [JJ先生回覆05/6/2012 21:17:00]
    百厭好呀, 討人喜歡

    回覆刪除
  147. 「金牌燒鵝髀套餐」, 七十蚊真係好離撚窒貴,
    我好有興趣試吓佢有幾把炮!
    紅磡現時仲有平嘢食, 不過沙中線一通,
    紅磡一帶租金必上揚, 到時又無啖好食了.
    [版主回覆05/26/2012 17:28:00]
    唉~~到時候才算吧!

    回覆刪除
  148. 金牌燒鵝髀套餐@@真系食佢鹵味好過!!

    回覆刪除
  149. 其實好多地方既食物比連鎖嗰d好食,
    而且又平又要多幾分人情味呢!!!!!
    ( 所以我都唔中意去幫襯「有牌子」嗰d架!!! )
    [版主回覆05/26/2012 17:29:00]
    係呀!

    回覆刪除
  150. 嘩, 快餐店套餐可攪到咁貴! 咩世界.........

    回覆刪除
  151. good morning at the 2012/5/27/AM:06:24

    回覆刪除
  152. d野咁貴,唔食好過喇
    [版主回覆05/28/2012 18:54:00]
    有時候在外面工作很難避免呢!

    回覆刪除
  153. 70蚊........0....我煮個公仔麵好啦。

    回覆刪除
  154. 午安你好祝福你, 日日笑口常開, 健康幸福快樂

    回覆刪除
  155. 好少見你放食的相.
    最後那間很出名.
    現在出去吃很頭痛, 太貴了.
    七十蚊就像到"花圓餐廳"吃個最低消費的晚餐.
    大家樂我有幾年沒去. 很多原因.
    要是去連銷店, 只去CANTEEN,
    美心, 大快活的下午茶餐事段.
    [版主回覆05/30/2012 21:24:00]
    心血來潮就寫了!

    回覆刪除
  156. 你之前介紹的蒙麵真的是非常好的介紹,不過當經常吃之下,有點悶。
    反而最近去多了隔幾間鋪位的米粉/薯粉,
    名字不記得, openrice 亦沒有,質素反而不錯。
    必嘉街最近開了魚米家,經常高朋滿坐,看來其他鋪頭有難了。

    [版主回覆05/31/2012 02:17:00]
    蒙麵而家D料同個麵底都少左好多,唔加底真係唔夠飽。
    隔幾間鋪位嘅米粉/薯粉?嗰間鋪我諗就係《新川》!
    不過我覺得《新川》D米線只係麻麻,
    D米線成日煮得太"林".....D炸菜又多"渣"!
    《魚米家》冇去過,下次去下先!

    [Sloppy Joe回覆05/31/2012 06:16:00]
    對,新川! 去那裡只吃紅薯粉,我喜歡那裡的湯底沒有味精。

    [版主回覆05/31/2012 12:20:00]
    也是!而且他的菜真的很抵食!$6大大碗又少油。

    回覆刪除
  157. 睇到我都想去紅磡一轉搵食tim

    回覆刪除
  158. 通常舊區至有好食嘅小店,好似深水埗、荃灣等地,
    可惜紅磡極小去,否則跟你推介咁食都幾正。
    [版主回覆06/06/2012 15:42:00]
    深水埗都好多好嘢食~

    回覆刪除
  159. 現在新的食店,汲什麼好吃,又貴,
    你推介紅磡區,又真係好少去,有機會都要去試下!

    回覆刪除
  160. 仲有雞蛋仔大王, 真係食過先至明白點解d人排隊.
    [版主回覆06/17/2012 19:43:00]
    我也不知道呢!因為我不愛吃雞蛋仔的。

    回覆刪除
  161. 真係好貴.. 食個 早餐, 要 成 30 元 架..
    [版主回覆07/08/2012 14:27:00]
    係呀!

    回覆刪除
  162. 食咁多會唔健康!!我覺得香港醫學抗衰老中心個啲產品都唔錯,
    特別係iformula營養補充劑!!!仲好過我去萬寧呀,屈臣氏呀,
    同埋嗰啲美容中心啲傳銷產品啊!!可以試試啊!!

    回覆刪除