2011年5月13日星期五

真心朋友


,謝謝你在這段時間對我的支持和鼓勵,
一句「撐」字,絕對不是嘴巴隨便說說就算,
要像你這樣說到做到,並不是一件容易的事。


今時今日跟一些舊友飯聚,
所談及的話題,總是離不開「名」與「利」,
你說你賺得多,他就說他賺得比你更多,
在我眼裡,他們都好像很怕被人看見其脆弱的一面。
我有時在想,只是一個普通飯聚,
為甚麼大家都要穿上整套盔甲上陣呢?
記得有一次飯聚,有一個朋友問我有沒有玩股票,
我說:「沒有,我從來不碰,也不會讓自己懂!」
幾位朋友聽到我的回答後,面上均出現甚為驚訝的表情,
然後,朋友A就語重心長的跟我說:「阿迪!你這樣不行啊!」
接著,朋友B又說:「阿迪這個人是這樣的!他就連麻雀都不打!」
對!我就是這樣的一個人!我不愛賭博,也不愛埋堆,
這麼多年以來,我一直都堅持著這個信念……
我從不賭馬、不投機股票、什麼打牌
、過大海通通都不是我杯茶!
我無論賺多賺少都沒有申請過一張信用卡,
現在……我甚至連六合彩也沒有買,
你們可以把我當作怪人般看待,但就請勿妄想試圖去改變我!
若以後再有人跟我說一大堆自以為
語重心長的說話,
久而久之,只會讓我漸漸地遠離你們的圈子而已。

在這個社會打拼了一段時間,
我看著身邊那些滿懷雄心壯志的人,
到最後賭到妻離子散,還要經已退休多年的媽媽幫忙,
有些老人家更要把他們的房子和儲蓄都押了來幫兒子還債。
我常在想,這班天天都在發夢的病態賭徒,
永遠只會記住今天贏了多少,卻永遠不會記起自己昨天輸過幾多,
也許,你們有一天真的會得到一個東山再起的機會,
可是,要家中的老人家為了一些遥不可及
的理想而終日勞心勞力,
累人又累己,難道你們就連一點羞恥之心都沒有嗎?
我當然明白,像我這種保守派,名成利就一定沒我份,
老實說,看見一班已經有所成就的朋友……
自卑我不會,出去吃飯從來都是自己出自己那份,我的想法是:
「你要看不起我,請隨便!我又不會向你借,更不會向你乞,
你有你的富貴生活,我有我的平凡人生,
互不相干,我不需要做什麼來配合你們!」
我實在不需要向任何人交待我的財政狀況,
假若每次出來都一定要比身份比高低的話,
那出來飯聚時,是否人人都要隨身帶備一本存摺在身?

為了家庭,我十五歲便要出來工作,
那時候,我沒有親人支持,身邊亦鮮有貴人相助,
也許是長得不可愛又不好看的關係,
所以,從來沒有人會對我產生憐憫之心,
我的每一步,都是靠我自己一個人辛辛苦苦捱過來!
家中的負債、幾年前爸爸的手術費,都是由我本人一力承擔!
我就是這樣的一個人,就算有一天我撐不住要倒下來,
我都不需要其他人的施捨和同情!
說真的,我出來社會做事也不是一時三刻的事……
什麼是對的?什麼是錯的?哪個是好人?哪個是壞人?

難道我會不知道嗎?誰人正在默默關心,誰人向我送上親切慰問;
誰人背著我冷言冷語、惡意中傷,難道我心裡面會不清楚嗎?

有時候,看見許多
虛偽陰險的大人渣,偏偏就交遊廣闊且極受歡迎,
對此我都曾經檢討過自己是否出了什麼問題?
到後來,我確定問題不是出於自己,於是我就決定維持原判,
並繼續堅守自己的做人原則,拒絕為一群不愛我的損友失去自我,
你/妳喜歡我,不喜歡我,是你/妳的自由!
直到有一天,當發現被人惡意中傷,而我又完全沒有絲毫感覺的時候,
我就知道這個人在我的生活中,是可以不存在的。

我以後,就只會珍惜那些真的把自己當成是知己的真心朋友。

在半醉半醒時,人的意識卻是最清醒的,
我有時覺得,其實上天對我都還算是公平的!
八年前,祂把我最愛的伴侶和最親的摯友都帶走,
但在八年後的今日,祂又送我幾個什麼都奉陪到底的知心好友;
我一出生,祂就給予我一幅殘缺不堪的面孔,
但又經常都會給我碰上一班「酷愛怪物的女人」,
因為你們,所有難關我都會咬緊牙關撐過去!
謝謝各位 & 無言感激,一切在心中。

52 則留言:

  1. 狂小子
    認同,別人怎看????懶理,一於我行我素.
    難得好友,,,,,珍惜

    回覆刪除
  2. 過去的事情,就讓它過去!珍惜真正對你好的每一個人。
    他們不可能從你腦海中消失,但你卻可以努力將這種思念化成一種能量……加油!
    還有,我覺得你的面孔絕對不是殘缺不堪……Please take care yourself 。
    [版主回覆05/18/2011 02:36:00]
    謝謝Tina,我會努力!~

    回覆刪除
  3. 在FB的留言不見了!不知為何?
    [版主回覆05/18/2011 02:37:00]
    Fb呢排short short地....

    回覆刪除
  4. 講得好!撐你呀!狂兄原來你同我有某d野都好相似
    [版主回覆05/18/2011 02:37:00]
    Cheer Up!!!!Eminem兄!~

    回覆刪除
  5. 喂你唔好漏左我wor!我都好真心ga~~
    [版主回覆05/18/2011 02:38:00]
    放心!~係美女o既我唔會忘記!~

    回覆刪除
  6. 唉~自己友..我身邊都有好多呢D自吹自擂,冇料扮四條既麻煩人!
    如非工作需要,我都會選擇skip左呢班屎契弟!
    另外,晏菲路大帝終於正式登基la!

    回覆刪除
  7. 你終於肯開放給blog友留言了!!!!!
    我認為現在的社會很難找到真正的朋友,很多都是互相利用!!!!!
    生病我本身朋友都不多,但我覺得知心朋友不用多,一個便足夠啦!!!!!
    [版主回覆05/18/2011 02:40:00]
    之前寫D野都係私人性質居多....所以就無開放....

    回覆刪除
  8. 神奇女俠Natalie2011年5月14日 下午12:29

    做自己喜歡的事‥過自己的生活‥
    我都有你的同感‥
    自己覺得對的‥就堅持吧‥十卜!
    [版主回覆05/18/2011 02:39:00]
    謝謝妳!~

    回覆刪除
  9. 朋友... You'll never walk alone...老呆都係唔賭...唔股票既...!!
    生活都係快樂... !! 但"現金" 社會...呢條路真係難行...
    忠直比人笑仆直...不過...我地勝在笑的開懷....問心無愧o麻~!!
    你仲有一個好友...更勝數十投機友係身旁啦..呵呵~!! 加油~!!
    [版主回覆05/18/2011 02:41:00]
    共勉之!~We'll never walk alone!!!~

    回覆刪除
  10. 不同人有不同的價值觀,無可否認,現今的人多會用賺多少錢,
    住什麼屋,穿什麼來衡量一個人的成敗,但實在太片面了。
    [版主回覆05/18/2011 02:35:00]
    好耐無見!~
    衡量一個人的成敗,只有那個人自己本人才有資格!~

    回覆刪除
  11. Time Is Changing,

    從心底欣賞你!

    活活
    [版主回覆05/18/2011 02:34:00]
    謝謝你活活!~

    回覆刪除
  12. 謝謝分享!
    帶來長洲平安包, 願你歲歲平安!

    回覆刪除
  13. 我也沒有一個可以經常保持關係的真心朋友!通常他們間中聯絡我食飯聚聚而已。

    回覆刪除
  14. 迪,你呢篇 Blog 開宗明義有 輝哥 呢位真心朋友,已經贏晒喇!!!!
    我到今日都唔敢大聲講有邊位係我 "真心好友".......
    先敬你同 輝哥 一杯!!再講,每人價值觀都唔同,鹹魚清菜各有所好;
    你唔可以睇低我碗街邊十二蚊三個"食送"嘅車仔麵、
    我亦唔會羨慕你三百幾蚊食一粒麻雀咁大粒嘅牛柳加兩滴白松露汁。
    但係最可悲嘅人,會將世俗定位嘅所謂有 "正確" 嘅價值觀強加於自己身上........
    (及夾硬要其他人都認同......)做我呢行尤其是,齋靠份糧一定餓唔死,
    但要發達就呢世唔駛恨,所以身邊有90%以上同事都有投資(機),
    OK, 美其名係理財。但我份人又係一世穩陣,又唔喜歡冒險,
    有家室後更冇本錢去搏,所以一直都只係安份守己打工,
    食得飽,穿得暖,有瓦遮頭就已經覺得萬分幸福,時刻感恩。
    對,我呢世應該都唔會揸到寶馬BENZ,唔會住到半山豪宅,
    但我每晚訓得安樂,亦唔駛時刻睇住個市,唔駛因佢起而樂、跌而憂......
    好多人眼中我唔上進,冇鬥心,但我係所感受嘅知足快樂我亦相信比好多人多好多 ~ ~
    迪,You'll Never Walk Alone!!!
    [版主回覆05/18/2011 02:32:00]
    司徒sir真係講中哂!!~
    我係獨仔,所以凡事都會好小心....
    響幼兒/少年時代.....
    我無享受過旁人眼中以為萬千寵愛o既獨仔生活....
    所以而家大o左終於有機會同父母相處我會好珍惜....
    而自我出黎做野之後,家中o既理財責任就一向都響我身上!~
    因為我老豆之前因為一D事而一直未有工作...
    幸好後來終於無事,可以重新投入社會!~
    而我阿媽就係果種好大洗o既人....
    即係一塊pork chop$20,另一塊pork chop$200....
    我地而家手上只有$250買野....
    但我阿媽都係會買$200果塊....
    同埋佢仲會係堅持自己o岩果種人!~哈哈~~
    所以早響7,8年我地就已經協議o左家中理財責任要歸我!~
    因為全家我最識計數同最穩陣!~

    老實講,如果我響出黎做野呢12年裡面....
    有一個唔好或者好勝o既念頭....
    可能成個家就會散....
    而之後我老豆o既手術費同我老死o既身後事.....
    我相信我真係會搞唔掂!~

    所以真係....
    我真係唔反對人投資同賭....
    講真亦無權反對......
    你賺到,我恭喜你......
    但唔該真係唔好將你地D價值強加於人身上.......
    (仲要夾硬要其他人都認同......)
    都係果句....我銀行有多少,我唔使講你知.....
    你要點睇我,隨便.....
    老實講,你睇死我....唔通我又能話....
    你地有D人,一路食屋企....
    食到成25歲人先出黎工作.....
    而且咩野都有父母安排咩?
    所謂好醜命生成,富貴由天定.....
    我唔係扮睇得開.........
    我都曾經唔開心過.........
    但唔開心唔係因為我覺得自己唔夠人好命.....
    而係我對某D朋友好失望!!~
    好失望點解你地成日都要人人模仿你同捧到你上天....
    你地以前唔係咁架!!?

    回覆刪除
  15. 小子,你好嘢!

    回覆刪除
  16. 狂哥,但係呢個世界從來都係只睇外表同身家,我都想學似大佬你咁型!
    但問題係從來都冇一個人肯睬我!我差唔多三十歲人啦..
    女人朋友一個都冇!我只係眾人眼中嘅廢人同小丑.

    唔好意思見到你篇blog我身同感受所以"勞穌"多少少
    [版主回覆05/18/2011 02:56:00]
    係!~我都認同呢個世界係只睇外表同身家.....
    但我成日都同人講一句野:
    「個個都鐘意麥當勞叔叔,都總有人鍾意滑嘟嘟架?」
    我都唔好樣....我皮膚差...髮質差...唔高大唔威猛.....
    仲要生成一幅惡人相!~成日都俾人誤會.....
    但我唔會因為咁而放棄自我!~
    我希望一個女人/朋友愛我....
    係愛我o既內面而唔係外面!~

    仲有,我亦都真係遇到一D愛怪物o既女人……
    所以,我可以,我相信你都可以!~加油!!~

    回覆刪除
  17. 朋友不需多,那怕只有一個半個,最緊要真心~~

    回覆刪除
  18. 晚安,TIC!=]
    其實你自己早已有定論了,對嗎?
    別想太多,珍惜現在,為自己而活!

    回覆刪除
  19. 人生有一知己, 係好重要嘅事, 加油!
    [版主回覆05/18/2011 02:43:00]
    thx nic!~

    回覆刪除
  20. support you。。。^^
    [版主回覆05/18/2011 02:43:00]
    thx小妹!~^^

    回覆刪除
  21. 能夠對你支持與鼓勵的朋友不多,要多加珍惜呀!!

    回覆刪除
  22. 人生得一知己,無憾了

    回覆刪除
  23. 認同你的看法,隨波逐流只會遇溺。
    我的朋友月薪多過我年薪,但大家聚首只談近況,彼此關心。
    [版主回覆05/18/2011 02:44:00]
    你的朋友真好!~

    回覆刪除
  24. 巴打講得好#yup#做男人應該有番底線同尊嚴#hoho#

    回覆刪除
  25. 有時候,看見一些自己心裡面覺得虛偽和陰險的人……
    朋友偏偏就比自己多!也比自己受歡迎……

    有同感:-( 人越大真係越覺得自已朋友變得好小,了解自己既人就更小:-(
    [版主回覆05/18/2011 02:46:00]
    無錯.....所以要努力學識自己解結!~

    回覆刪除
  26. 為食妹和百厭仔2011年5月17日 下午9:43

    最不堪...反而係帶上假面具既人..........
    知己...係珍貴既財富...珍惜 ~

    回覆刪除
  27. 我成日都話呢班人仆街架la
    [版主回覆05/19/2011 06:59:00]
    呢班人你唔識的!~
    只有朋友AB你叫做知邊個!~
    同埋我唔覺得呢兩個人係仆街!~
    最多只可以話係價值觀唔同....
    但其餘果D就真係仆街中o既仆街了!~

    回覆刪除
  28. 原來回應會過長…

    上次留言所講既欣賞你係因為你識得珍惜對你好既人,
    對金錢有好好既自制能力。我未能好似你咁,
    始終都會浪費金錢在美食同玩物當中…不過已經改咗好多了。
    我以前真係會一件 polo 買五隻色架!你話死唔死…

    最後,想提一提你,錢放在戶口係會貶值架,
    如果你有朋友做保險公司,問吓佢地吖,
    每一間保險公司都一定有一D保證回報既儲蓄計劃 (唔係投資),
    最少都有5 - 8 % (每年) 既保證回報,同時送埋人壽,
    每個月幾百蚊去供都得,咁樣,起碼唔會貶值先啦。
    將來你成家既話,都叫做比屋企人一份保障呀麻。
    而且就算你朋友之後無做都好,呢D儲蓄計劃就算無人跟都無所謂,
    因為到時到期就攞錢,就係咁簡單。

    雖然我有保險牌,但係唔係SALES你同我買呀,
    因為我唔做朋友單,而且近年我已經唔再做呢行,
    因為我發覺好多呢行既人好好好黑人憎。只係顧住開單,咩都昆人!

    我呢排見緊兩份新工,聽朝都有一份見,希望見得成啦。

    今晚一個在家對啤,好想搵人講野,唔好意思,左你咁耐添…哈哈…
    我諗你唔會覺得我好肯煩卦。(最多都係好煩啫)

    活活
    [版主回覆05/19/2011 06:55:00]
    活活,你所講個儲蓄計劃,我好多年前就買了!~哈哈~~
    都供左好多年啦!~個女sales都無做了!~

    最後,祝你見工成功!~見成後記得通知我啊!~

    仲有就係....唔煩唔煩.....
    呢個世界....唔會有人煩得過我!~

    回覆刪除
  29. 死…第一篇佢話我過長,跟住自動轉咗公開。。。
    麻煩幫我 Delete 咗佢啦。唔該唔該,唔好意思呀。

    Time Is Changing,

    今晚再睇你呢篇野,真係想同你講,唔好再覺得自己個樣點點點,
    個人又點點點… 無論係做朋友定伴侶,只睇外表而唔睇內涵,棄之不惜!

    二 零零一年,我爸爸生意失敗,我賣咗自己層樓,放晒所有 Stock ,
    去避免爸爸比人申請破產,自己留返十萬作為租樓同生活費。
    點知個市差到無輪,當時因為頂唔住個A字膊Director,
    一時之氣已經無做野既我,成一年 半都搵唔到工,唔係我唔肯做低級既文職工作,
    而係高級既凍結晒唔請住,低級既因為我既學歷、經驗唔會請。
    呢年半入面,我先至真正睇清楚我既所謂朋友 / 伴侶。

    有幸兩位好友主動開聲,加埋借咗二十萬比我,
    仲要幾時還都得 (佢地只係搵萬幾蚊一個月)。
    但係,阿哥、家姐連爸爸都唔幫,
    只係每人出幾萬幫阿爸,不過佢地全部都年薪過百萬!

    愛侶因為錢,離開咗我。

    當時駿駿只得一個半月,狗瘟,使咗我三萬幾…你話日子點過?

    結果年半後,朋友介紹之下去佢公司做 Telesales (電話銷售員),
    在我屋企對面返工,一個月七千蚊老底。做咗三年,做返上去經理個位,
    跟住走人,轉工去馬會 (2007年),先至去返2001年既人工多少少。

    如果唔係我呢班好朋友,我唔會自閉一個星期就出關,
    唔會咁易過渡呢個難關,亦唔會有一份七千蚊既工可以重頭開始。

    所以我好珍惜我既好朋友,亦好錫駿駿,
    因為我最低潮既時候亦係佢生命懸於一線既時候,大家相依為命。

    如果朋友係要黎互相較量既,不要也罷。
    呢種無關痛癢既人既一切舉動亦不值得放在心上。

    ....續
    [版主回覆05/19/2011 06:46:00]
    無論係做朋友定伴侶,只睇外表而唔睇內涵,棄之不惜!

    活活這句說話,令我非常感觸....
    我想這個....就是我一直都沒有跟我的八年女友分手的主要原因.....
    記得七八年前,我因為之前日夜不停工作後吸食毒品....
    把我的皮膚弄得非常差.....
    (我中學時期皮膚己經開始不好,只有16-19歲那段期間好過....)
    即使到現在....仍是時好時壞....
    而我現任女友剛認識我時,就是我皮膚和情緒最差的時候!~
    她由開始至現在,都沒有嫌棄過我的種種....
    所以即使到後來....我們因為種種波折而分分合合.....
    但到現在,我們依然是沒有離開對方!~
    雖然我現在對她,老實說已經沒有愛的感覺了.....
    而她家裡和自己的問題相信亦不能解決!~
    所以...到現在也不知道彼此是不是能走到最後一步.....
    但不論最後的結果是怎樣,我還是非常感謝她!~

    活活,也許我比起你....還要"一時之氣"多幾倍....
    那時候....家中的負債....我是一早就決意拒絕所有人的幫助!~
    但當然....最後是一個人都沒有幫我.....
    當時就只有我的死鬼老死同前度女友支持我!~
    但他們當時....一個是無業,一個是負家剷(哈哈哈哈~~)!~
    所以....我也不好意思要他們幫忙!~

    活活,我有時覺得....這些經歷是慘痛的!~
    但也讓我們看清楚和賺到一些東西!~

    你看清楚你的愛侶,我就看清楚我的所謂好兄弟,好朋友....

    你賺到兩個真心朋友,我也是....
    雖然現在...他們已經不在人世了!~
    但....我還是非常感謝他們當時的支持!~

    因為那時候,連我的父母也把我出賣....
    雖然現在關係已經修好...我亦了解他們當時的苦衷.....
    但老實說,那根刺是仍在的!~

    對!~我們都要珍惜所有對我們好的所有!~
    我都非常珍惜我的衰貓,真心朋友和愛我的家人!~

    至於那些無關痛癢的人,其實我寫這篇文章時....
    基本上我就己經決定把他們放開了!~哈哈~~~

    活活,謝謝你啊!~共勉之。

    回覆刪除
  30. Time Is Changing,

    原來已經早有準備,我仲諗住,
    死啦,你咁樣儲錢在銀行,蝕棹呀!哈哈…

    因咩樹你早得咁緊要就起身既?返咁早架你原來?
    Anyway,希望無煩親你。尋晚突然間情緒好差,唔知搞咩。
    不過今朝起身無事 Lu。多謝你既時間去陪我傾計。

    吸毒呢家野,好多時都係個人未成熟時受到壓力就比較容易去嘗試,
    返而人大咗就未必會去試第一次。搣甩咗未呀?我諗應該好辛苦先至搣得甩卦。

    從你D相睇起黎,唔覺得你皮膚好差喎,可能都係遠鏡多D啦。
    有無睇過醫生呀?係內分泌既問題定係敏感或者咩原因?

    凡事鍾意親力親為,唔鍾意靠人呢一點其實我同你都好似,
    不過我天性比較樂觀,所以我份人唔會有太大既壓力,
    或者真係有,都好快會過去。如果你唔係呢種人,
    你就要學吓點樣舒緩自己比自己既壓力,對情緒、健康、皮膚都好。

    情侶之間既愛情經過時日既洗禮會變成好似好朋友般既感情,
    要重拾愛情既感覺實在太難了,真係要雙方好努力同放好多時間先至做到。
    希望你唔好有一種隨緣既心態去處理,否則只會越來越淡。只係我個人既意見咋。

    今朝見工差D遲到呀,好彩無咋。過程都算順利既,希望有好消息啦。
    搞掂既話請你去大排檔食飯飲野!(唔係慳錢呀,貪佢食得煙咋) 哈哈…

    活活
    [版主回覆06/09/2011 05:03:00]
    我D皮膚一時時.....
    呢幾年可能情緒加失眠的關係....
    明顯係差左好多好多....

    我想....都是時候要的起心肝好好調理和修護了!~
    就先從飲食做起.....

    首先就一定要戒酒...其實我對酒係好敏感.....
    所以一定要先揮底酒呢關先.......

    係呢?你份工而家點?

    回覆刪除
  31. 現實與自我,通常都是很難共存的。

    回覆刪除
  32. 人生得一知己,可說是死而無憾。
    人生的意義不是你意氣風發時有多少人捧場,
    而是你大小便失禁面容損毀行動不便病入膏肓一無所有的時候,
    曾經對你不離不棄的那些人那些時間。
    [版主回覆06/09/2011 04:57:00]
    對.....

    回覆刪除
  33. 你們可以把我當作怪人般看待,但就別妄想可以改變我!
    對此我有同感, 一般人都喜歡求同, 卻不能存異..
    例如我愛書如命, 一天不看書總是不自在,
    但往往會給人當話題, 有一次gathering 想早走,
    居然換來一句"你趕住研究柏拉圖定想同中國古人談戀愛? 睇書咁悶係你先啱"
    志趣相投的朋友不多, 耍好珍惜
    [版主回覆06/09/2011 04:57:00]
    我還是享受做自己!~

    有段說話我有天無意中看到的!~非常受用....也送給各位:

    有些人不必理會,無論他說什麼,做什麼,多幼稚,又多討厭,真的不需要在乎。
    有些人永遠成不了你的敵人,不必抬舉他,這種人太看得起自己了,
    以為傷害你,就能夠被你所恨。有些人不必等待,
    你心裡其實清楚得很,這個人不必再等了,隻是你放不下。

    回覆刪除
  34. 有D朋友係需要過濾一下
    [版主回覆06/09/2011 04:54:00]
    一龍兄,好耐唔見!~仲以為你消失左....
    認同有D朋友真係需要過濾一下!~

    回覆刪除
  35. 午安,TIC!=]
    來探探你,最近可好?
    [版主回覆06/09/2011 04:53:00]
    不太好....皮膚問題非常嚴重........
    是時候要的起心肝好好調理和修護了!~
    先從飲食做起.....

    回覆刪除
  36. 很久沒去你部落試探...嘿!
    找到真心又有共鳴的朋友是最有福的! 好感動啊..

    回覆刪除
  37. 又何必急功近利?我的座右銘也是一樣,知足常樂,何必貪圖本不屬於自己的名與利?
    [版主回覆06/09/2011 04:51:00]
    說得非常對!~

    回覆刪除
  38. HI....我回來了...很久沒見
    [版主回覆06/09/2011 04:51:00]
    Welcome back again!~

    回覆刪除
  39. 真心難遇,

    是 celebration!

    回覆刪除
  40. Time Is Changing,

    戒煙戒酒啦你想好既就。不過我都唔得。哈哈…

    未有咁快知架,通常都見三次,個幾月先至有答案。

    活活
    [版主回覆06/15/2011 08:51:00]
    活活....
    戒酒就必須架啦!~ 其實我一向都好想戒......
    因為我對酒一向都頗敏感,
    同埋我一飲超過某個位我就會做出好多瘋狂舉動......
    前幾日我先響間酒吧度同人衝突,仲差D搞到好大....

    雖然我其實好難醉....但最好都係可免則免啦!~

    回覆刪除
  41. 狂兄你唔明架啦!,我班人渣fd只係拎我去做佢地扮好人嘅工具!

    "成面暗瘡同肥其實好少事!人地好咪得!"
    "點解你食咁少野都咁肥嘅?點解你塊面醫極都唔好嘅?"
    "我覺得你做人好負面lor!都唔知點解你會咁唔堅強?"
    "次次約你出去你都唔出去,我都唔知仲可以點幫你?"

    出去?出去咪可以俾佢班衰人盡情數落
    仲可以利用我去扮好人討好D女仔添!
    自從我知道佢班人所幹嘅每一樣"真相"之後
    我就同自己講我寧願一個人等死
    都唔會再俾呢班人利用同傷害

    有班人好好命,又靚仔,皮膚又好
    就算心腸幾壞做幾多衰事,D女照樣都係會仆去佢班賤種度
    如果個天係有眼,我真係好想佢班賤種試下暴肥爛面嘅滋味
    不過可惜呀..個天選中我,佢班賤種就好命水

    唔好意思,只係想借個位呻下..
    [版主回覆06/16/2011 01:27:00]
    鐸兄,有時間中去看你的blog,
    都覺得你個人負能量應該都好重.....
    當然在現實中我們是不認識....
    所以我知道你內心有好多野,
    我們旁人是很難去完全理解的!~

    我想說的是,我個人的性格...
    可能比你和所有blog友都還要悲觀....
    但我常跟好友說,這是我的另類人生哲學!~
    我將這種想法稱之為「灰暗至極的樂觀」!~
    即是我會先把所有事情都想到最壞....
    然後當不好的事來了!~我就早有了防備....
    而當事情沒有想像中那麼壞的時候....
    那種快樂,是雙倍的...
    我自己認為,人可以悲觀,但一定要堅強!~
    於我而言,我的不快樂,大多我都會記在文字上!~
    當負能量爆標時,我會選擇遠離所有朋友獨處一段時間!~

    鐸兄,想跟你分享一下我的經驗....
    我分享的原因,不是要比較....
    而是我想你知道....
    我其實和你一樣,都在戰鬥....
    只是要面對東西不同...
    人到最後,總需都係要靠自己!~

    我未出生就已經好唔順...
    我阿媽話生我個陣...
    我臍帶纏頸嘅問題非常嚴重...
    醫生仲話,我只要人一動,或遲多幾秒出來就會死!~
    到最後順利出生,但身體和皮膚自細就差到仆街!~
    D牙又唔整...但果陣邊有多餘錢搞呢D野呀!?
    到後來出黎做野跑數,仲搞到個身體機能都差哂....
    我最鐘意隊酒,但而家就連酒都唔飲得....
    而家唔只酒,連食野我都好多要戒.....

    同埋醫生話我皮膚差係同我脾氣心情差有好大關係....
    但又真係,我心平氣和訓得好心情好果陣,
    塊面又真係白白淨淨!~
    但我而家係濕疹,所以先要強制戒口.....

    鐸兄,心情好壞其實同皮膚係好大關係....
    所以...我地都要努力呀!!~要靠自己!!~
    要做個寧死不屈,血戰到底的fighter!~加油!~共勉之。

    回覆刪除
  42. 菲安咖啡分享店2011年6月16日 上午12:06

    狂小子,好耐沒有過來看看,今次過來看到你這篇,也很讚同你所講的;
    那些虛偽和陰險的人也時常出現在工作環境內,表面對著你好像沒什麼,
    但在背做的却是另一套。我也時常提醒自己,最重要做好自己本份。
    HEY,繼續加油!
    [版主回覆06/16/2011 01:29:00]
    好耐無見啦!~哈哈~~共勉之。

    回覆刪除
  43. 腦友記午安,
    近來少上網 皆因無事忙,
    現在才有暇 特來問候吓。
    祝父親節開心愉快。

    回覆刪除
  44. 謝謝你呀..

    回覆刪除
  45. 係一個急功近利既社會、競爭激烈既職場、人際關係滿是人與人的比較....
    可以識到真正朋友根本很難,所以要好好珍惜你這位知己~

    回覆刪除
  46. 朋友都有好多種。謝分享!
    http://hk.myblog.yahoo.com/Fa-Cha/article?mid=8567
    http://hk.myblog.yahoo.com/Fa-Cha/article?mid=8483

    回覆刪除
  47. 你一開始打從心底把他/她當成朋友的人,通常都是把你害得最慘和傷害你最深的那個人。
    你一開始對他/她沒有好感和想隔離的人,到後來往往會成為你生命中不可缺少的那個人。
    Why?
    [版主回覆12/30/2011 03:38:00]
    個人感受而已......

    回覆刪除
  48. 人生能夠擁有一個懂自己的朋友是幸運的事
    [版主回覆02/23/2011 14:27:00]
    謝謝allen!~

    回覆刪除