2009年9月12日 星期六

兒時的偶像 - 郭富城

唔係同我一齊成長嘅朋友,
應該都冇乜人會知道我細個嗰陣嘅偶像係邊個....
佢唔係克勤,唔係Alan,亦唔係姐.....
呢個人...係我哋嘅「亞洲舞王」郭富城!~
尋晚同小玲傾電話,傾番好多以前細個嘅嘢....
講起郭富城,就勾起我好多童年回憶!~
我細個嗰陣,最紅嘅歌星就係四大天王!~
當年我表姐好迷劉德華,而佢D朋友就好迷黎明
所以佢哋見親面都一定會鬥過沒完沒了....
鬥人多啦!鬥多獎啦!總之就都鬥一餐....
時...大家都好想拉攏我呢個細路「入會」,
但我同佢講,劉德華黎明我兩個都唔鐘意!~
我最鐘意就係聽郭富城D歌!~
原因?好簡單!就係懶有性格!~
個個都鐘意劉華老黎
我咪擇個上位冇耐嘅著褲城囉!~
可能你哋會問...咁點解你又唔揀張學友呢?
嗯~因為...覺得同人講自己偶像係學友唔夠IN囉!~
就係咁...講下講下...到後來.....
我就真係變咗做郭富城嘅歌迷!~
會儲錢買佢D Cassette帶,上堂嗰陣抄佢D歌詞,
逢親份做嘅電影我都會租番屋企睇!~
咁都唔只...當時仲要剪埋佢個招牌中分髮型添!~
(但每次剪完出嚟都會變咗龍珠悟飯細個個冬菇頭....)
細個陣我真係覺得郭富城係全宇宙最靚仔人類!~
後生杜拉格斯Look真係迷倒唔少台妹....
佢當時就靚仔到好似漫畫入面D王子咁,
就算係今時今日嘅吳尊羅志祥都完全唔係嗰皮!~
靚仔就靚仔喇!~咁唱歌呢
雖然陣有好多人都批評城城有把「雞仔聲」
但我陣鬼識聽咩!總之D歌詞夠Touching....
佢又唱得夠深情我咪收貨囉!~ 
陣少男懷春呀嘛個就學人聽歌解苦,
聽到D(自以為)好中嘅歌詞仲會流馬尿添...哈哈~~
但老實講,就算係而家聽番....
我依然都覺得
天王D糖衣情歌....
真係只有佢先可以唱出嗰種傻更更少男情懷!~
(只係當年嘅佢,
而家嘅郭富城...唱歌仲粗豪過劉德華!~)

就算係當年唱藝高超嘅克勤學友校長....
相信都未必可以演繹到青瀝味道
一告別童年....
我就已經冇再將郭富城當做偶像喇!~
點解?因為我睇過MJ跳舞囉!~哈哈~~

我最喜愛的郭富城經典歌曲

1.臨行 試聽
2.到底有誰能夠告訴我(國語試聽
3.我是不是該安靜的走開國語試聽
4.我為何讓試聽
5.純真傳說 試聽
6.情 試聽
7.愛你的流浪貓 試聽
8.狂野之城 試聽
9.愛你國語試聽
10.天涯凝望無線電視劇『烈火狂奔』主題曲試聽
11.雨中感嘆號 試聽
12.夢難留
國語試聽
13.其實我真的愛妳 試聽
14.聽風的歌 試聽
15.我想偷偷對你說我愛你
國語試聽
16.強 試聽
17.痛哭 試聽
18.我心狂野
國語試聽
19.難道你現在還不知道
國語試聽
20.渴望
國語試聽

我最喜愛的郭富城遺珠
1.心現在還在跳國語試聽
2.留下句號的面容電影『赤腳小子』主題曲試聽
3.舊傷口 試聽
4.Beautiful Girl國語試聽
5.明天你會在誰的懷裡國語試聽
6.午夜的吻別國語試聽
7.不只一次 試聽
8.付出國語試聽
9.如果聽到這首歌國語試聽
10.用一首歌的時間懷念你 試聽
11.想你的心情(國語)試聽
12.
痴情畫家 試聽
13.情愛之間國語試聽
14.仍然掛念 試聽
15.
冰山夢美人 試聽
16.是雨還是眼淚國語試聽
17.千古愁國語試聽
18.情非得已離開你
國語試聽
19.就算是情人
電影『天若有情II』插曲試聽
20.今夜我有點壞
國語試聽

我最喜愛的郭富城大碟
1.《狂野之城》
2.《夢難留》國語
3.《沒有你的愛》
4.《到底有誰能夠告訴我》國語
5.《純真傳說》
6.《對你愛不完》國語
7.
《渴望》國語
8.《跳不完‧愛不完‧唱不完》
9.《愛妳》國語
10.《我的開始在這裡》
國語

我最喜愛的郭富城電影
1.《父子》
2.《伴我縱橫》
3.《三岔口》
4.《C+偵探》
5.《赤腳小子》


對你愛愛愛不完~為咗要向自己兒時偶像致敬....
馬鞍山世紀爛聲王喺呢個Moment....終於都忍唔住要爆喇!~



究竟Roy最後會選擇Ivy定Gigi呢?唔知點解....唱完首歌之後,佢哋全部就唔見哂!~



據院方透露,呢條友已經無藥可救!~只要音樂響起,佢就會自動進入城城Mode....

~乜今日係青山開放日咩?有咁多癲佬周街走嘅?(設計對白)

82 則留言:

  1. 我最喜歡"狂野之城"
    仲有果隻.........誰人大大力 , 誰人.....((唔記得叫乜名))

    最怕果隻乜野爬啦爬拿.......
    [版主回覆09/12/2009 00:39:00]
    我都好怕爬啦爬拿.......
    誰人大大力 , 誰人做.......大大力果首係「鐵幕誘惑」!

    回覆刪除
  2. 係呀係呀係鐵幕誘惑

    回覆刪除
  3. 對你愛不完

    回覆刪除
  4. 爆裂旋風 個個讚你乖
    [版主回覆09/13/2009 23:29:00]
    爆裂旋風.......

    回覆刪除
  5. 呢首都好正

    其實我真的愛你

    斜陽夕照晚燈裡
    霓虹象勸我歸去
    情懷亂眷戀心態暗地下垂
    從來沒怨你一句
    從來沒說你不對
    緣盡便要放手不會問為誰
    那日臨行不講不捨
    只因我扮瀟灑的引退
    無法跳出夢廢墟
    思想你正愛著誰
    忘掉那天你刻意淌淚
    說偽裝祝福句
    悔恨臨行不講不捨
    怎麼要扮瀟灑的引退
    離去那天漸看真
    方知道最愛是誰
    長夜雨水似因我淌淚
    勸喻早點歸去
    [版主回覆09/13/2009 23:28:00]
    識貨wo!~

    回覆刪除
  6. http://static.nownews.com/newspic/2125/i2125147.jpg
    巨鵰"城城#love#
    [版主回覆09/13/2009 23:26:00]
    果陣報紙話係神鵰呀!~XD

    回覆刪除
  7. 我最初仲以為你中意校長同克勤tim.城城佢有d歌都真係好正,我而家唱k都成日唱佢d歌.
    可能我入世未深啦,其實我想問一問點解90年代最紅好似係華仔而唔係學友?我覺得學友唱歌好過華仔.
    [版主回覆09/13/2009 23:27:00]
    劉德華最多fans,但張學友賣碟最多!~

    回覆刪除
  8. 唱這歌/無忌/野草/飛
    [版主回覆09/13/2009 23:13:00]
    Come On~~ Generation Next~~~

    回覆刪除
  9. 佢後生時算係男生女相果種TYPE,
    老左後無咁白, 髮型成個地盤佬咁

    回覆刪除
  10. 1. 當我知道你們相愛

    2. 十指緊扣

    3. 痴情畫家

    4. 愛的呼喚

    5. 信鴿

    6. Tell Me Why

    7. 望鄉

    8. 妳是我的1/2

    9. 誰能代替你

    10. 我是不是該安靜的走開

    回覆刪除
  11. 冷門一點的我只想到有標準時間、在我眼裡你最特別和一顆心碎了,大碟我只買過他的城意三部曲精選。
    [版主回覆09/13/2009 23:02:00]
    「標準時間」其實仲有兩個版本,
    分別係國語版本「無法自拔」同另一個粵語版「忘不了」....
    但我就覺得「標準時間」D詞係三首當中最好嘅!~

    「一顆心碎了」....
    我有呢餅Cassette帶,叫《AK47》!~哈~
    首歌好正,但郭富城唱功始終有限...
    同埋玉置浩二個原版真係實在太正啦!~

    回覆刪除
  12. 哈~ 真沒想到你兒時的偶像會是郭富城!(因看你喜歡的歌手都是超級實力派 ~ )
    四大天王中,我最喜歡的正是郭富城! 雖然沒有經歷過他們當紅的年代,
    但他們年輕時,個人認為城城是最型最靚的!而且跳舞也好看!(我最喜歡他的快歌!)
    學友唱歌雖好聽,但其他方面 —— 包裝、舞臺表演等就是差了一點點 ~
    劉華是很有魅力,演藝以外還會很多東西,算是有才華,但我就是不喜歡(總是覺得他很偶像派 feel ,到了現在仍是!) ~
    至於黎明,除了靚仔白馬王子 look 之外,我不知道他還有什麼(其實我覺得他演技不太好) …
    至於郭富城的歌,我常聽的有: 失憶諒解備忘錄 狂野之城 鐵幕誘惑 愛的呼喚 唱這歌

    PS : tommy baby 張相 有 殺死人的威力!
    [版主回覆09/13/2009 22:33:00]
    郭富城其實都係實力派....
    不過唔係響唱歌方面囖!~哈哈~~

    題外話,
    我唔係太鐘意佢「愛的呼喚」開始嘅果種粗豪唱腔...

    回覆刪除
  13. 四大天王中我還是最喜歡張學友。

    回覆刪除
  14. 雖然郭富城唔係我偶像, 但我覺得佢係四大天王之中係最靚仔一個,
    而跳舞就更加唔駛講! 不過, 唱歌就認真麻麻地啦....而我兒時偶像係劉德華!
    [版主回覆09/13/2009 22:07:00]
    郭富城個頭形同輪廓真係好完美,
    光頭都一樣咁靚仔!~

    回覆刪除
  15. 情果陣好似係鎮金店既廣告歌黎
    [版主回覆09/13/2009 22:01:00]
    好似係.......

    回覆刪除
  16. 經典歌 我是不是該安靜的走開 童話小公主 第四晚心情 情
    遺珠 唔知
    大碟 無買過
    [版主回覆09/13/2009 22:01:00]
    XDXDXDXD~

    回覆刪除
  17. 同埋我覺得四大天王裡面除左黎明之外佢算係唱得最差果個
    [版主回覆09/13/2009 21:58:00]
    其實數嚟數去唱歌都係得張學友一個勁!~
    劉德華唱歌個腔好哥哥,但就全沒線條,假音就嚇死人....
    不過就勝在夠蒼桑,有男人味!~
    郭富城聽碟就可以,因為佢唱Live把聲真係勁唔入咪....
    至於黎明就.....算把啦.......
    但前排佢首梅蘭芳主題曲「是我」又幾好聽!~哈~~

    回覆刪除
  18. 我覺得城城係四大天王入面最遲令人覺得佢真係好紅,
    佢舞台皇者個朵都係2000年之後開左幾次好好睇既CONCERT先爆出黎
    城城後期真係好多垃圾歌,2000年仲有黃腳雞事件,
    之後唔唱歌專心做演唱會同電影先有好成績
    [版主回覆09/15/2009 23:15:00]
    城城後期D歌真係認真麻麻....
    咩野「爆裂旋風」、 「Para Para Sakura」、
    「I AM ARRON KWOK」、「水手裝與機關鎗」....
    真係聽到我........

    回覆刪除
  19. 你好~雖然我係第一次留字,但係我一直都好鐘意睇你個blog!
    [版主回覆09/15/2009 22:44:00]
    謝謝!~

    回覆刪除
  20. 其實郭富城係有音樂感的, 但唱歌唔夠氣及走音, 聲太薄,
    可能佢係跳舞的, 佢d音樂感甚至比張學友好, 因有感性的原素,
    dance梗係好, 不過佢的身型有d怪, 膊頭太濶人太矮,;有時睇到我眼都突,
    我覺得佢做戲都可能得, 至少好過劉及黎....
    [版主回覆09/15/2009 22:57:00]
    聲太薄....係呀!~
    所以佢把聲唔係太入到咪....
    做戲我覺得佢而家開始有戲味,但文戲仲係差D....

    回覆刪除
  21. 到底有誰能夠告訴我 係我其中一隻至愛!~
    [版主回覆09/15/2009 22:43:00]
    「伴我縱橫」的主題曲....
    配上電影悲傷的結局,更有共鳴.....

    回覆刪除
  22. 「四大天王」係九十年代真係紅極一時......
    小弟個陣時得幾歲人,已經開始聽佢地d錄音帶,仲跟住唱跟住跳
    不過個陣連咩係偶像都可能未知,所以冇你咁瘋狂,
    髮型都跟埋 講番起,真係幾懷念90年代
    [版主回覆09/15/2009 22:38:00]
    佢個中分頭真係好經典!~
    記得果時有本漫畫叫《A CLUB》....
    有期封面就用咗郭富城一張唱片封面個造型,
    但就配上《龍珠》杜拉格斯個頭,
    因為當時城哥同杜拉格斯個形像有D似....
    標題仲寫住「深深愛你的杜拉格斯」....真係笑死!~

    回覆刪除
  23. 超搞笑!~ 我同你同一個年代啦, 好似講緊自己咁呀!!

    回覆刪除
  24. 爆裂旋風都唔知幾yo 唔識野
    我要與你硬踫 哪怕被你高速進攻 狂龍風中起舞 捲起天火撲面送到
    [版主回覆09/17/2009 00:38:00]
    留番俾你聽!~

    回覆刪除
  25. 一顆心碎了的原版我沒有聽過,
    但八、九十年代的歌手的確是有不少作品都是改篇玉置浩二的。
    [版主回覆09/17/2009 00:35:00]
    「一顆心碎了」原版 - 玉置浩二 -「閉上你的眼睛」
    http://www.kuwo.cn/yinyue/533120/

    回覆刪除
  26. 關於Aaron....第一印象係超靚仔,但都好記得佢曾經同羅文伴舞的,亦都係因為太靚仔喇!!
    在台灣紅返過黎香港,城城都算係表表者,是一個電單車廣告是嗎?
    一首對妳愛不完,唱到街知巷聞,人人都記得果幾part舞咁滯 ~
    一個杜拉格斯頭,亦成為萬千少年模仿樣版 (當年我頭髮多,都剪過下~~)。
    在所謂 四大天王 中,佢一直係最唔起眼 (紅) 一個,大獎永遠冇佢份,
    但相對地永遠唔會有太大壓力於佢身上。 講到舞蹈功力,當年整個樂壇...
    應該話娛樂圈,似乎得杜德偉同張立基可以同佢一鬥,但佢兩個輸在又係遠遠不及 Aaron 靚仔 ~ ~
    城城似乎未大紅過,但又唔覺佢沉過喎 ~ 默默地經過咁多年努力,在我個人看來,
    所謂四大天王中,仍能保持活力朝氣及新鮮感,似乎只剩佢一個,而論樣貌,又係得佢仲保持到。
    講到做戲,我覺得Aaron亦係四人中最好的 (其實佢唔係剩係識演歇斯底里的 ~);
    唱歌來講,其實四個我都係麻麻喜歡,不過講到勁歌快歌,城城 贏幾十條街。
    我唔係特別喜歡 Aaron,不過講講下又講左咁多。
    如果我好似咁佢嘅年紀 (其實佢唔大我好多~) 仲可以咁 fit,真係夫復何求?
    最喜歡歌曲: 純真傳說 (節拍勁到冇朋友呀~); 強 (做左老豆先覺勁)
    遺珠:你是我的一切 - 劇場版;春眠不覺曉 處處聞啼鳥...(算嗎?)
    最喜歡大碟: 精選的,所以唔算 ~
    [版主回覆09/18/2009 00:21:00]
    電單車廣告?係呀係呀!~
    你是我的巧克力...哈哈~~~
    另外,你講到杜德偉同張立基,
    呢兩個歌手其實真係好可惜....
    尤其係張立基....
    杜德偉都話叫響台灣紅過下呀....
    但張立基....
    跳得外型ok又唱得唔錯,
    但就一直沉到底...
    到而家我都好鐘意佢果首「震撼」同「盼你此刻奔向我」....

    我覺得郭富城響台灣都算叫做大紅過o既....
    至少都有唔少代表作,好過黎明!~哈哈~~
    佢果首「對你愛不完」響台灣真係紅到爆!~

    「純真傳說」真係好正,可以話係雷大盜難得震撼之作!~
    城城o既演繹又夠激,但佢而家就每次現場唱呢首歌都要降key!~哈~
    另外「強」又係正,林振強填呢D詞真係有一手!~
    「你是我的一切」我覺得都算遺珠o既....
    因為首歌都無紅過,當年俾佢自己首「望鄉」打到七個一皮!~哈哈~

    回覆刪除
  27. Time is Changing,

    四大天王入面,我都係鍾意城城!
    仲有一隻歌都好好聽,叫做:難道你現在還不知道。
    [版主回覆09/20/2009 23:46:00]
    劉錫明 - 是緣是債是場夢國語版.....
    但我覺得都係城城個版本正D!~

    回覆刪除
  28. 又好似唔係鎮金店係周生生
    [版主回覆09/20/2009 23:34:00]
    唔記得啦!~

    回覆刪除
  29. 郭先生聲線有何家勁影子,演繹跳舞歌則顯然更出色。
    [版主回覆09/20/2009 23:31:00]
    哈哈~~講開又好似真係有D似!~

    回覆刪除
  30. 坊間反而有人說,何家勁唱腔「抄襲」郭富城。
    [版主回覆09/28/2009 04:00:00]
    可能因為係郭富城唱歌先.......

    回覆刪除
  31. 下面城城張相好性感呀!
    [版主回覆09/28/2009 03:59:00]
    男人的夢想.......

    回覆刪除
  32. 何家勁1982年已推出個人大碟呢。
    [版主回覆09/30/2009 18:30:00]
    那他也頗冤的.......

    回覆刪除
  33. 何先生聲底薄,舞藝絕對比不上郭先生,星途就是這樣。
    [版主回覆10/05/2009 22:23:00]
    基本上何生連演技都係麻麻地,得個「型」字!~

    回覆刪除
  34. 包青天中的展昭,算是何先生事業高潮,歌唱則早已完了。
    [版主回覆10/20/2009 04:13:00]
    年尾的《風雲Ⅱ》,何家勁會出演無名一角!~

    回覆刪除
  35. 謝謝分享你的兒時偶像, 我就沒有偶像的, 只要做得好, 個個我都喜歡啊!

    回覆刪除
  36. 亦係我兒時偶像,仲要著住印左佢樣既T出街,型爆!haha

    回覆刪除
  37. 到底有誰能夠告訴我,my favourite。

    回覆刪除
  38. 真的好少有咁靚仔, 我相信只有林志穎可以同佢有得揮下。
    那些好搞笑的自我表演, 唱得都幾好呀......

    回覆刪除
    回覆
    1. 我覺得林志穎同佢冇得比!

      刪除
  39. 城城D戲最鐘意赤腳小子,首主題曲都好聽。

    回覆刪除
  40. AARON唱歌並非突出,相比下跳舞係好勁,始終佢係DANCER出身,也難怪杜德偉要去到台灣先可以發圍,張立基的聲勢已經不行了,如果今年杜德偉開演唱會,你會買票聽嗎?

    回覆刪除
  41. 又熊黛林又苟芸慧又Mango又藤原纪香,做男人做到佢咁真係此生無憾!

    回覆刪除
    回覆
    1. 大哥和受成哥才是男人的最大夢想!

      刪除
  42. 兒時偶像! 四大天皇中我最愛黎明...嘻嘻 !!

    回覆刪除
  43. 你是我的巧克力 ..........點解可以咁靚仔架 ..........

    回覆刪除
  44. Aaron is very talented, handsome and sexy。。。^^。。。

    回覆刪除
  45. 四大天王當紅的時候,我卻喜歡許志安。

    回覆刪除
  46. 哈哈..你扮城城真係好鬼似!

    回覆刪除
  47. 狂小子原來係Aaron 迷 , 我只覺得佢靚仔 , 我比較鐘意聽學友啲歌多啲呢~!!

    回覆刪除
  48. 郭富城好野的地方, 就係能夠Keep住外表…而且唔會畀人覺得過時~~
    我同著褲城都係同一星座…呢樣反而印象深刻啲~~~~XXXD

    回覆刪除
    回覆
    1. 佢好嘢在乜髮型都handle到!就連光頭一樣都係咁靚仔!

      刪除
  49. 超勁ar你~扮阿王扮得仲似過羅主任~叻~

    回覆刪除
  50. 在《三岔口》演得最好的是羅嘉良。

    回覆刪除
    回覆
    1. 單是臨死那個表情已值一個金像獎提名!可惜沒有!

      刪除
  51. 回覆
    1. 撥開鳩毛,拿出鳩頭,咆哮插月亮!

      刪除
  52. 我喜歡聽張學友的歌。唔多留意明星,無得比較。

    回覆刪除
    回覆
    1. 呵呵~四大天王又的確是只有張學友懂唱歌!

      刪除
  53. 我鐘意愛的呼喚同鐵幕誘惑!!

    回覆刪除
    回覆
    1. 愛的呼喚我麻麻!接受唔到佢個唱腔!

      刪除
  54. 郭富城能歌善舞的風格,現今無任何一位歌手可以相比。

    回覆刪除
  55. 哈哈, 估唔到你都係佢FANS呀, 而家見到你POST佢啲碟出黎, 我都好掛住啲碟
    不過屋企地方有限, 惟有斷捨離LU

    細個聽佢唱歌覺得好聽架
    不過而家唔知點解就覺得....麻麻..可能因為我老喇
    但點都好, 我都好鐘意佢跳舞,同埋佢既靚仔樣!

    回覆刪除