2014年12月19日星期五

《狂小子之2014過山車歷險記》

歡迎登上小弟的2014號過山車,大家記住要緊握扶手~緊握扶手~安全第一~La La La~

《Fighter》
瘋狂掉髮、紅疹滿佈、牛皮纏腳、渾身發熱、咳嗽吐血、
胃酸倒流、胸口劇痛、四肢無力、呼吸困難、暴肥暴瘦、夜夜失眠……
前陣子我的身體突然響起了一個重大警號,我的臉經常腫得像豬頭一樣,
全身癢到不行,痛得要命,我完全無法集中精神工作,
更一度懷疑自己患上淋巴癌,幸好最後證實只是虛驚一場。
雖然只是一場虛驚,但可以肯定的,是我體內的免疫系統經已全面失調,
我清楚知道自己必須要克服長久以來的「求醫恐懼症」,
因為面對當前困況,除了勇往直前和忍痛戰鬥之外,我根本別無選擇。
自幼已被這個怪病苦苦困擾,從廿年前開始,我的病情就不斷反反覆覆……
今年稍為好轉,下年又立刻反彈,為了治療此怪病,
我看過多位中西醫生,花了近六位數字的醫藥費,呑過數萬粒藥丸,
喝過數萬杯苦茶,嘗試過數十種治療方法,都始終未能徹底撃退病魔。
為了自身的健康著想,我決定要將家事、私事通通放下來專心休息,
無論過程有多艱難,我都決心要徹底治好這個病,還要克服長年以來的「求醫恐懼症」,
為此,我不惜長途跋涉、翻山越嶺、趟水過河、明査暗訪…… 
再匯集多方意見,輾轉之下,我就終於找到了一名位於紅磡街坊會的隱世醫師。
上面這張地獄清單是集合了我和關醫師的個人見解而成。
早在幾年前,我都曾經試過決心戒口,對上面這張清單亦絕不陌生,
只是那時候還未碰到合適的醫師,才反令病情急速加劇,那種無助無援的感覺真是叫人沮喪!
古語有云:皇天不負有心人,難得遇上這位真命醫師,我一定要好好把握這次機會扭轉乾坤。 
呵呵~真的忍不住要跟大家分享一下我在這半年努力得來的成果!
現時我的康復進度極之理想,惟在乾燥的天氣下就還是會有皮膚爆裂的情況出現。
在飲食方面,除了假日跟女友/朋友飯聚時會偶然破一破戒,平日我的三餐都是以素食為主,
而朱古力、茄子、芒果、咖啡和奶茶等食物/飲品,則將會成為本人「一輩子的禁忌」。

關醫師,在往後的日子我會好好加油的!非常感謝您的幫忙。
右眼視力持續衰退,已經接近全盲,對此我並不意外,也沒有害怕,這都是我意料中的事。
現在我開始無法長時間集中精神專注看一樣東西,故此,在未來我的發文數量亦會相對上減少。
一年前,在電影《盲探》看後感中我曾寫道:以往,我很介意跟別人談及我眼睛的事,
不論下意識還是潛意識都是想盡辦法去逃避和隱瞞真相,
還會故意在他人面前說謊,之後多得一位朋友在多年來不停冷嘲熱諷,
我才懂得放下心房去接受這個「別人看不見的缺陷」,並學會如何釋懷和放下此事。
當朋友正在享受校園生活時,我就要擔起沉重的家庭債務,終日疲於奔命;
當朋友在社會努力打拼時,我卻不斷要為自己的身體而戰,
這種感覺真是既無奈又感慨,在此真的很想跟每一位和我有相同遭遇的人說聲加油!
我明白,皮膚患者的痛苦旁人是難以理解的,儘管這樣,也請不要因此而放棄任何希望,亦不要逃避,
千萬別以為不碰不管就會不藥而癒,要治癒就要忍著痛,縱然治療過程絕不容易,但願我們共勉之。 

《永保安康》
十月圍城,思潮跌宕,爸爸嚴重貧血,需要留院數天接受觀察;
嫲嫲心臟病發,命懸一線;戲院餘震仍在持續,群魔亂舞,更一度令我萌生去意。
我就這樣在醫院公司兩邊走,兩邊忙,忙足一整月,弄得心力交瘁……
而在這個關鍵時刻,我內心就赫然湧起了一股無比的勇氣和決心,
我決定要抛開所有問題,只為做好一件事,我要完成一個極艱難的不可能任務,
就是將一班本來已經四分五裂的家人全部團結起來。
正所謂萬眾同心,其利斷金,
一班久別重逢的家人集結出一股前所未有的強大威力,
這一顆神奇的「元氣彈」真是不禁令我想大叫一聲:
「本人最期待的畫面終於出現了啦!」
回想先前的風風雨雨,我想說的是:我是在這個家長大的,即使離開多久……
這份情都不會隨著時間而改變,保護家人是一種發至內心的本能反應,是無需言謝的。
在孩童年代我得不到父母的愛,是嫲嫲讓我首次感受到血濃於水到底是什麼一回事。
從小到大,無論在外面受了多大痛苦和委屈,嫲嫲永遠都是我在世上唯一的避風港,
她對我的恩情,我今生今世都無以為報。家人們,這些年大家都辛苦了!
何謂痛在心裡口難開?這種心情我是絕對清楚、明白和了解的,或許我們都是口硬心軟的人。 
我認為誤會只是一時,親情卻是一世的,我一向都很怕說一些窩心和溫暖的話,
我還是喜歡將所有愛藏在心底,然後遠遠守護著各位,怎樣說都是一家人嘛!
我看過去的恩恩怨怨不如就到此為止吧!相信這也是老人家最想看到的。
先是姑姐和嫲嫲的事,再到媽媽的兩次小手術,接著就是我的皮膚問題,今次又輪到爸爸……
這幾年,我們喬家還真稱得上是多災多難,在一切還未明朗的情況下,
我只有誠心祈求老豆能再一次大步檻過,並祝願家人、朋友和貓貓各自都平平安安、身體健康,
這是我每年最想實現的生日願望,也是我人生最大的夢想,以後都是。
補上一句到今日仍在我家搬弄是非又愛拿小便宜的那個左右不是人,我是不會祝福妳的妳去仆街死啦!

《想到您就心酸酸》
好花不常開,好景不常在,世事何曾是絕對……
本以為在完成兩次手術之後,嫲嫲從此就可以遠離病痛安享晚年,
殊不知在上星期,她的病情又突然急轉直下,入院後更一度昏迷,情況危殆……
幸好經過一輪搶救後,目前已順利脫離危險期。
然而,她在甦醒後第一件事並不是擔心自己的安危,
而是關心眼前的我睡得飽不飽、穿得暖不暖,
看著面前神智不清的嫲嫲,心裡不禁一陣心酸,
心想上天為何不斷要一個如此善良慈祥的老人家受這種痛苦?
她苦候多年才等到一家團圓的那一天,為什麼偏要在這個時候給她補上一刀?
難道就不能讓她好好生活下去嗎?常言道:「善惡到頭終有報」,
這句話還真是騙了不少天真的善心人,敢問全能的上帝,要是真的有因果報應這回事,
何解現時正在受苦的不是那些卑鄙小人而是我嫲嫲?祢說這個世界還有天理嗎?  

《冚家拎》
是不是只要一手拿著聖經,一手拿著槍,妳的罪就能得到神的赦免?
妳這件騎牆怪物為什麼會突然信主?大家心照吧!
我想說,妳多年來所幹的「好事」,粗俗點說:「真係耶穌都保妳唔住!」
拜託妳不要那麼無聊好唔好?天天計算著別人的探望次數,現在是在儲印花嗎?
況且,妳在立什麼心腸,嫲嫲根本早就已經一清二楚!
別以為我什麼都不知道,我只是懶得理妳而已!不過妳放心!
只要嫲嫲一日健在,這啖氣無論有多難嚥我都會照樣把它呑下去,
但也請妳不要妄想能得寸進尺,也不要在我面前再作什麼小動作!
俗語有云:「人不犯我,我不犯人;人若犯我,禮讓三分;人再犯我,我還一針;
人還犯我,斬草除根。我允許你們走進我的世界,卻不許你們在我的世界上走來走去。」
做人不要太過份,得些好意須回首,有風不要駛盡艃,
若然以後再給我聽到妳在嫲嫲面前說三道四阻礙她休息,我就馬上一腳伸妳落地獄!

《用餘生去愛》
一轉眼,我和姑姑就正式攜手踏入第十二個年頭……
相信來到今日,我倆之間的愛經已不需要再用言語來表達,
因為我始終深信,口講無憑,每個愛都是認真做出來的。
踏入2014年的情人節,我和姑姑依舊都是在工作中渡過,
我們沒有特別慶祝,只是在情人節前夕到某Food Court吃點東西,
然後就如常地談談天、說說笑……哈哈~
說到底我跟她都是那種完全沒有節日觀念的人,
什麼情人節、紀念日於我倆而言根本上就跟平日沒兩樣,
但跟往年不同的是,向來出了名不解溫柔及便秘多年的我……
竟然就心血來潮送了一顆頗名貴的鑽戒給姑姑,
而姑姑亦禮尚往來回送我一部平版電腦!呵呵~
好一對相敬如賓的老夫老妻!說真的,隨年漸長,
我真的越來越享受這種淡如水的感情生活,
至於那種刺激的色慾世界,我看還是留給年輕一輩吧!
學張家輝話齋,無論愛得有幾深,買粒鑽石至均真!咦~睇過!
又真係幾閃喎!計我話,姑姑您就唔應該再將佢收埋喺床下底度餵曱甴喇!
喺適當時候都要畀佢出嚟見下光先得㗎嘛!~XDXDXD~

屌~講呢啲!我同您仲邊度有計㗎衰鬼!~XDXDXD~ 

反斗星》
不知不覺,我家的喵星人CoCo已經有九歲大了!
現在胖得像一隻黑白加菲貓的他,仍是那麼調皮搗蛋、精力旺盛,
還經常把我們弄到哭笑不得,我說CoCo啊CoCo
你這個百厭星一定要繼續將我們家搞到天翻地覆才行啊!
因為這樣就代表你的身體依然是健康強壯得很嘛!知道嗎?~XDXDXD~

老死》
人生有幾多個超過十年以的朋友?
人生有幾多個超過十五年的朋友?
人生有幾多個超過廿年的朋友?

人生有幾多個願意免費為你的電腦做一世保養的好朋友?

人生有幾多個可以跟他開任何玩笑和互相坦白一切的知心友
人生有幾多個肯為你赴湯蹈火、兩脅插刀的好兄弟? 
人生有幾多個跟你心靈相通卻又只存在純友誼關係的紅顏知己?



人生有幾多個肯陪你嬉戲唱遊到下世紀的超級好K友?

人生有幾多個素未謀面卻處處對你關懷備至的好網友/blog友?
我可以很驕傲的告訴大家,我全部都擁有了!
  
黑風暴雨》
公司在今年九月尾上映了一幕峰迴路轉的人事大地震,
令本來平靜安寧的避風港,頓時掀起一番腥風血雨,有時候我真不明白……
何解有些人就算是躲在一間小小的戲院裡面都照樣要玩辦公室政治?是《半澤直樹》看太多嗎?
一天到晩跟身邊的同事鬥生鬥死、爭名逐利、互揭陰私,到頭來還不是一無所有?
看著一個個談得來的同事相繼離去,內心確實是有點不捨,
但在現階段,我就仍然堅持留守在這間公司。對!這兒的薪水和福利都算不上豐厚,
不過我就頗喜歡這種自由無壓力的工作模式,可以讓我安心養病,又能與電影同行,
至於有關風波在公司一輪大換血之後,是否就能平息並回復昔日的風平浪靜?
這並不是我現時首要思考的問題,正所謂「合則來不合則去」,凡事還是順應天意比較好!
反正將來不管是誰人上任,我都同樣會秉承著一貫少說話、多做事的工作態度。

球迷奇遇記》
2014巴西世界盃於今年七月十三日正式落幕,德國在決賽於加時階段以1-0擊敗老對手阿根廷,
首次以德國名義贏得第四次世盃冠軍,並成為了史上第一支在美洲國家舉辦的世足賽裡奪冠的歐洲球隊。
藝高人膽大的萬能門神紐亞憑著其出色表現獲得本屆賽事的金手套;
年屆36歲的老將高路斯則以16球超越朗拿度,成為世盃歷史上入球最多的球員;
一班昔日的德國U21小國腳如卻奧斯湯馬士梅拿和舒韋恩史迪加在今屆賽事當中綻放光芒,
踢出極具機動性和觀賞性的漂亮足球,直接用行動告訴全世界,足球並不是一個人踢的。

阿叔,你睇唔睇到呀?德國真係贏咗世界盃呀!你唔使再打電話畀你老友福士喇!

「Don't cry for me Argentina~The truth is I never left you~All through my wild days~
My mad existence~I kept my promise~Don't keep your distance~」
在今屆賽事經常抽到超靚籤的阿根廷分組賽憑著美斯的精彩表現一路過關斬將,
豈料這位新一代球王於淘汰賽階段就突然儲氣留力,四處散步而在決賽當日他就更加變成了失蹤人口,
最終,阿根廷繼06、10年之後三度敗給德國屈居亞軍,但美斯本人卻離奇成為本屆的金球獎得主。

東道主巴西於分組賽表現平平,一直到半準決賽才漸漸露出其真面目,
但想不到,這支曾經令人聞風喪膽的森巴兵團在準決賽竟然會慘遭德軍血洗,
更以1-7的比數創下巴西國家隊歷史上的最大敗仗為這個足球王國一個恥辱性的烙印
今屆季軍荷蘭在分組賽表現勢兇夾狼,於淘汰賽階段更是大打爭氣波,令一眾中外球評跌破眼鏡。
能夠得到如此佳績,老牌教頭雲高爾可說是功不可沒,縱然筆者是一名忠心利迷,
但對於這位曼聯現任領隊在本屆賽事裡面機關算盡的神級調動實在是無話可說,
尤其是在八強淘汰賽的一次「十二碼換龍行動」,更是令人拍案叫絕, 頓成一時佳話。
球員方面,返「老」還童的洛賓在球場就上演了一幕幕令人拍案叫絕的奇幻逆緣,
而在分組賽頻頻失準的史尼達在十六強淘汰賽就以一記火焰射球射跨墨西哥。
另外,於分組賽首場施展海狗式飛頂的雲佩斯、依舊拼命的金霸王鐵人古治
穩定的通天老倌白蘭特,他們在今屆世界盃的優秀表現亦令我留下深刻的印象。
嘩阿叻哥……乜咁嘅樣呀!唔係呀嘛~阿Keyman阿迪麻煩你哋幫我安慰吓叻哥啦
與巴西同是南美地頭蟲的哥倫比亞的成績讓人為之驚豔,
他們不論在踢法及組織方面都比巴西來得更具森巴本色,
而10號仔占士洛迪古斯光芒四射的演出就絕對是一鳴驚人,
隊中的六朝元老蒙達干以43歲的年齡於分組賽對日本後備登場5分鐘,
則打破了喀麥隆傳奇球星米拿在1994年美國世界盃創下的42歲最年長上陣紀錄。
葡萄牙的表現依舊令人失望,C.朗拿度負傷上陣,孤掌難鳴,兩大球王齊齊於巴西駕崩;
98年世界盃冠軍法國雖然在分組賽演出耀眼,在八強卻無法攀越德國高牆,黯然出局。
傳統強隊相繼陣亡,西班牙繼1966年巴西、2002年法國及2010年意大利後,
成為第四支首圈出局的衞冕球隊,持續八年的足球王朝終於正式倒下,
同時亦代表著一個時代的終結,不過,他們之前所留下的輝煌佳績仍是讓人懷念不已。
歐洲四大聯賽當中有三支國家隊伍共同葬身於世盃首圈,
其中英格蘭更是自1958年之後首次止步於世界盃分組賽;
與英格蘭同組的哥斯達尼加則被外界形容為本屆賽事的最大黑馬,
不但成功在死亡D組入面殺出重圍,還未有讓三支冠軍隊伍從他們身上全取3分。
外表激似吳鎮宇的墨西哥門神奧祖亞於今屆世界盃一戰成名,
這位昔日的FM妖人雖個子不高卻反應奇快,屢有神奇撲救,
可惜的是,任由「Sam哥」表現再神勇,墨西哥就仍是無法突破十六強出局的宿命;
超級悶蛋足球王國希臘再創神話,他們除了歷史性殺入十六強,
終極大巴戰術更足以讓車路士串咀領隊摩連奴深感汗顏;
非洲黑星加納仍舊是空有體能,毫無頭腦,而美國則繼續發揮其巨人殺手本色,
縱使來到十六強不敵新秀精英雲集的歐洲紅魔比利時,但門將侯活耀眼奪目的表現就仍是叫人喝彩。
亞洲球隊全軍覆沒,而跟亞洲有著密切關係的澳洲,就成為我在本屆世界盃最欣賞的一支國家隊伍,
儘管在分組賽以0分包尾出局,但這班袋鼠兵團的那份熱血和拼勁就贏得球迷們的擊節讚賞。
此外,年屆34歲並於今屆賽事串演中鋒的卡希爾,其威猛無比的出色表現曾一度令到荷蘭門前風聲鶴淚,
而他在此場賽事所射入的那球「雲巴士頓式窩利」更可以稱得上是本屆世界盃的最佳金球。
曲終人散,成王敗寇,塵埃落定……
若要選出今屆世界盃的風雲人物,肯定非占士洛迪古斯莫屬!
這位火速上位的哥倫比亞超新星在主將法卡奧缺陣下肩負重任,
除帶領球隊晉身八強之外,更以6個入球榮膺神射手。
有人歡喜自然有人愁,要數今屆世界盃令人最失望的球員,卡斯拿斯和科蘭必定是榜上有名。
前者由當日的國家英雄變成今日的發瘟門神,並成為了西班牙小組出局的千古罪人,
而後者雖貴為上屆世界盃的金球獎得主,但放眼現在卻給人一種英雄遲暮之感。

隨著球隊出局,多位名將如保方、派路、謝拉特、林柏特、杜奧巴和古治亦決定結束其國家隊生涯。
今年有不少球員都因為自己的傷患問題而緣盡世界盃,除了事先張揚的列奧斯、
列貝利、法卡奧和雲達華治外,尼馬和迪馬利亞在今屆世界盃的遭遇亦同樣叫人痛惜。

談到今屆世界盃的經典場面,又豈能不提蘇亞雷斯的咬人事件呢?

如果要選出今屆世界盃的最感動時刻,個人就會選擇這一幕。

「屌!收工未㗎?我要返屋企瞓覺覺豬呀!」
讓我來介紹大家認識……他就是我的球壇新偶像,人稱「hea王之王」的安耶馬。
最後想在此奉勸各波友,沉迷賭波等於倒錢落海,
開講都有話十賭九騙,若不想成為下一個少年廚神的話,還是盡早戒賭吧! 

熱血最強》

論盡世盃後,又順便回顧一下2014年的歐洲球壇大事
今年,西甲球隊於歐洲戰場重振聲威,成功奪回世界第一聯賽的寶座。
在2013/2014年歐洲聯賽冠軍盃中,皇家馬德里一路過關斬將,並成為首支十奪歐聯冠軍的球會。
至於西維爾就繼2006及07年的兩連霸後第三度稱霸歐霸盃,
而賽後隊長拿傑迪和隊友丹尼爾卡列高基情四射的深深一吻更是激爆全球。
西甲冠軍馬德里體育會是本人認為在2014年最神奇的一間球會,
作為近十年唯一一支能夠打破巴塞、皇馬壟斷的球隊,
他們在歐聯四強次回合於史丹福橋完美拆巴的那一幕,至仍是教人津津樂道。

高低一起》
等了又等,等了24年的英超錦標,最終還是落在他人手中,
自英超成立以來,利物浦就總是與冠軍無緣……
在這些年來,利記雖曾分別拿下歐聯、歐協、歐超、足總盃及聯賽盃錦標,
但偏偏英超就好像成為了紅軍和神奇隊長謝拉特的宿命,
縱使球隊在季表現脫胎換骨,並曾數度在落後的情況下努力追趕,
可惜最後還是與這座英超獎盃擦身而過。

 
儘管事與願違,但作為上屆亞軍,利記又的確是打出了多場讓人拍爛手掌的代表作,
例如是雙殺死敵曼聯、九蛋贈熱刺,還於晏菲路強姦兵工廠及同巿宿敵拖肥。
此外,多場的絕地反勝,再加上兩位紅軍外借兵在英超戰場分途殺敵,
令利物浦的最大競爭對手曼城和車路士都相繼失分……
種種跡象加起來,讓沉睡多年的紅軍重新燃起了奪冠的希望。
然而,在利記奪冠呼聲最高之時,向來理性的我卻一直保持著冷靜的心態,
直到球隊於「天王山之戰」險勝曼城之後……
隊長謝拉特所流下的男兒淚以及他對眾隊友一段極具感染力的激勵宣言,
那份滿腔的熱血就瞬間將我心底裡面的冰塊徹底融化。

正當天時、地利、人和都萬事俱備之際,
神奇隊長的「離奇一跣」,就讓本來近在咫尺的聯賽錦標白白溜走……

對於這個結果,我非但沒有失落,反而還感到有點欣慰,
能夠看著球隊在上季兵源嚴重不足的情況下仍上下一心拼盡十二分努力去爭取錦標,
並重拾昔日「Spice Boys」年代的那份衝勁和活力,於我而言,這都比贏得一個聯賽冠軍來得更重要,
因此,身為利迷其實就只需要給予一眾紅軍戰士最大的掌聲和支持就足夠,
輸掉比賽是不要緊的,但就千萬別失去我們最引以為傲的YNWA精神!
小弟由伊雲斯年代開始成為利迷,期間曾陪伴利記經歷過大大小小的起起跌跌,
說句真心話,一個見證過「學神之亂」的利迷,真沒有什麼好怕的!
更何況利物浦是上季英超唯一一支能與「億萬大軍」曼城力戰到最後一刻的球隊,
所以,我認為一眾球員是絕對可以光明正大的抬起頭步出球場,並盡情享受球迷的掌聲和喝彩。
在此非常感謝你們為利迷獻上一場比「525」更為感動人心的「Make Us Dream」奇妙旅程,
在38場的漫長觀戰過程中,利迷們雖不知撳爆了多少個平安鐘和吃了多少箱「救心」,
但對我們一眾球迷來說,這確實是一個讓人難以忘懷的經典球季。

的而且確論激烈程度,屆的英超都算得上是近年之最,
無論是爭標區、中游區還是護級區,都要爭逐到最後幾輪賽事才能分出勝負。
雖沒有像11/12球季曼城在補時階段反勝昆士柏流浪力壓曼聯奪冠那種峰迴路轉的場面,
也沒有05/06年球季的「熱刺集體中毒事件」那麼富娛樂性,
但是對於一班球迷來說(特別是利迷),毫無疑問是一個讓人看得血脈沸騰的刺激賽季。
在聯賽開鑼前夕,試問又有誰可以想得到,於季前被外界一致看淡……
在季中還頻頻爭兵失敗的褪色勁旅利物浦,來到季尾居然會成為一隊爭標大熱呢?
不過說到底,還是要恭喜上屆的冠軍曼城,
若果你問我,輸給曼城你服嗎?我會答你:
「輸給曼城這間富豪球會,我絕對不服!這支球隊根本是用金錢堆砌出來的!」
只是,當我每一次想起曼城球迷為希斯堡事件所做的一切,
還有他們的主帥柏歷堅尼被利記擊敗後在看台等待謝拉特並緊緊握住他的手給他鼓勵,
單是這兩點,已經值得我們一眾利迷給予無限量的尊重和掌聲。
既是英超神射手,又是英格蘭雙料足球先生,阿蘇在2014年可謂贏盡光榮,
可惜的是,在上個球季破盡紀錄的他,就始終未能為球隊奪得首個聯賽錦標,
而他在作客以3:3賽和水晶宮之後抱頭痛哭的那一幕,
就成為了不少利迷在上個英超球季最深刻的一個感動場面。

先有SAS,後有SSS再有SSSS(Suarez + Sturridge + Sterling + Skrtel)……
話說回
,在13/14年球季,利記強勁的攻力實在令一眾英超守衛聞風喪膽!
上季表現如狼似虎,來到今季,利物浦又再度變回一條生猛海鮮,
雖然在季前利用蘇亞雷斯那筆巨大的轉會費一口氣簽入九位新兵,
惟球隊
現時暫時踢出來的表現確是令人大失所望,
更被外界一致看衰他們將會步上熱刺的後塵。
事實上,在缺少阿蘇的情況下,球隊就瞬間失去了上季令人望風而逃的攻力,
整個進攻體系也頓然變得死氣沉沉,果真是「十個他不如一個蘇」。

聯賽跌落中游,歐聯出局,進攻模式毫無板斧,防線依舊一塌糊塗……
老實說,作為一個資深利迷,對於球隊的起起伏伏早就司空見慣,
只是,領隊羅渣士極為偏執的個性,真是叫我們一眾利迷無所適從!
為什麼硬是要巴神打單前鋒?為什麼總是要年屆34的謝拉特打足全場?
為什麼經常要狀態大勇的拉蘭拿當後備?為什麼執意要起用錯漏百出的路夫蘭統領後防?
為什麼要堅持用眼神制敵戰術來防守角球?為何每次都要用燒鵝的價錢來買一大堆蔗渣水貨?
為何還是遲遲不肯解決中門大開的問題?我當然明白重建之路是很漫長的,
要知道現時英超爭逐日漸激烈,各支球隊的實力亦開始越來越接近,
先不說鋭不可擋的車路士以及陣容完整的衛冕冠軍曼城,
光是「前四狂魔」阿仙奴、「爭標黑馬」熱刺和同巿宿敵愛華頓就經已夠難纏了!
再加上在今季大打溪錢足球的永遠皇者曼聯與一眾勢兇夾狼的中型班和升班馬,
利記要守住上季辛苦得來的Big 4位置,確實是難上加難。
球隊接連失利,球迷憤怒之聲不絕於耳,並希望羅渣士早日退位讓賢。
在喝倒采的同時,大家有沒有用心想過?執教利物浦是需要承受常人難以忍受的巨大壓力,
而且球會又沒有無限資金(扣除阿蘇的轉會費,今季利記其實只付出了34萬英磅來擴軍),
還看世界球壇,還有哪個領隊會願意冒這個風險呢?賓尼迪斯?人家在意甲發展好好的,何須回來當炮灰?
高普?我勸你們還是不要幻想好了!波亞斯?為什麼要請一個曾經慘呑羅渣士9隻光蛋的手下敗將?
昔日副隊加歷查?他考了教練牌沒有?昔日隊長希比亞?請問現時白禮頓在英冠排名第幾?
綜合以上種種因素來看,在現階段我就還是支持羅渣士繼續執教利記的,
而我們一眾利迷亦不應該因為上季突飛猛進的驕人成績而沖昏頭腦,
可是,如果渣哥依然要選擇執迷不悟下去的話,相信他距離離開晏菲路的日子也不遠矣。 
記得我一位Blog友貝加兄曾說過,要成為一個稱職的利迷,若然你沒有坐過山車的膽量,
那就請你盡快轉會到車路士/曼城/皇馬/拜仁,別再浪費自己的時間了!
本人十分同意他的這番說話,並願意坐一世雲霄飛車,要我講多少次我還是那一句:
「I am very proud to say I am a Liverpool supporter!
一生一隊波,高低也一起,是足球的浪漫。愛利,是我一生無悔的選擇。」

Goodbye》
「如果命運能選擇,十字街口你我踏出的每步更瀟灑……」
21歲加盟,29歲離開,八年半的紅軍歲月……
感謝艾加願意將球員生涯中最寶貴的那段黃金時間全部奉獻給利記。
你對球會的那份忠誠和尊重,一眾利迷將不會忘記。
再見了!最靚仔的副隊長!祝你在家鄉生活愉快,YNWA!
 


蘇神,此時此刻,我只想跟你說一句話,就是:「沒有你,就算賺了一億又如何?」

Pepe,祝你在德國生活愉快,我們一眾利迷會永遠懷念你的。

馬田基利,感謝你對球會的付出,希望你可以早日重拾狀態,傷患從此遠離你!All The Best!

一眾小伙子如Adam Morgan、Jack Robinson、Krisztian Adorjan、Michael Ngoo
Conor Coady、Kris Peterson,你們在新球會都要好好加油啊!
各位利迷,還記得這位昔日紅軍9號嗎?這個曾先後效力過多間球會的法國足球浪人,
於早前就正式宣布自己將會在今個球季完結之後退役。唉~只能說傷患真是每一位球員的最大噩夢,
堂堂一代法甲神射手兼大國腳,到今日卻因為長期的傷患問題而被迫黯然引退…… 
施斯,你的確是球壇上一名典型的悲劇人物啊!衷心祝願你能夠及早痊癒並重過新生!加油!

在今年宣布退役的前紅軍還有他永不言敗的熱血勇者比拿美。
還有澳洲名將基維爾以及罰球好手奧利里奧這兩位容易受傷的紅軍。 
傑斯、辛尼迪、亨利、李華度、佩奧爾、岩布仙尼、迪拿達利、祖雲奴域、
布歷治、菲臘斯、賓特利、朴智星、前多蒙特、拜仁主帥希斯菲特……
數數手指,原來在2014年
宣布退役的球圈人士還真不少呢!
呵呵~說到退休,我又怎可能數漏你這個忠肝義膽的曼聯名宿呢?~XDXDXD~

「Would you know my name?If I saw you in heaven……」
除了一眾退役名將之外,在今年亦有多位球圈人士不幸離世,
首先是葡萄牙一代球王尤西比奧(Eusébio da Silva Ferreira)……
奪得五座歐聯獎盃的皇馬傳奇球星迪史提芬奴(Alfredo Di Stéfano)
曾執教過基輔戴拿模二隊的前烏克蘭中場胡辛(Andriy Husin)。
烏超球會薩克達的巴西前鋒馬干奧利華拉(Maicon Pereira de Oliveira)。
高路托尼、耶耶托尼的親弟伊巴謙托尼(Ibrahim Oyala Touré)。
在約翰內斯堡慘遭劫殺的南非國家隊隊長兼門將美爾華(Senzo Meyiwa)。
在90年代效力本港球會東方星島南華的英格蘭門將希福特(Iain Hesford)。
前巴塞隆拿主帥維拿路華(Tito Vilanova)。
西班牙傳奇名帥阿拉干尼斯(José Luis Aragonés Suárez)。
曼聯持有者格拉沙家族的領導人格拉沙(Malcolm Glazer)。 

明星》
「當你見到光明星星,請你想想起我當你見到星河燦爛,求你在心中記住我。」
Philip Seymour Hoffman、Robin Williams、Mike Nichols、Shirley Temple、
Harold Ramis、Dave Legeno、Johnny Winter、Donald Ashley、Corey Griffin、
邵逸夫、張耀榮、周志坤、午馬、高凌風、李泰祥、李香蘭、高倉健……
2014年,我們先後目送了多位世界名人及演藝人員離世遠去,
其中更包括不少歌王歌后、好演員和賢達人士,著實讓人感到萬分惋惜。

後會無期》
2014年有不少食肆都因為租金問題而被迫執笠,例如是這間位於彩雲商場的《陽光快餐店》,
唉~真的很懷念這兒的炸薯條、炸雞脾椒鹽豬扒飯呢!
地獄之門終於關上了!位於旺角銀城廣場2樓,以創新為宗旨、以騎呢作賣點,
多年來因推出多款驚天地,泣鬼神的古怪壽司而廣為人識的《明將迴轉壽司》,
於今年5月6日正式結束營業,從此一班劣食愛好者就少了一個破地獄的「好地方」。
談到劣食,著名地溝油火鍋專門店《譚魚頭》於今年10月就突然宣布全線結業,
更拖欠約40多名員工的人工及遣散費接近70多萬元,認真無良!
此外,在今年難敵貴租而執笠的食肆還有以下數家,
像是位於北角新光戲院旁邊的小食店《13座牛雜》。
點心馳名港九新界,位於大圍積信街1-3號的裕富小廚
食物水準每況愈下,位於沙田正街21-27號沙田廣場3樓的《唯一麵家》。
食完一次,絕無下次!位於大埔安慈路2號八號花園第1座地下的高麗軒韓國料理
有「韓版明將」之稱,位於紅磡寶其利街47號地舖的木槿韓國料理
昔日邊爐聚腳處,位於旺角塘尾道61號《榕榕客家棧》。
屹立深水埗欽州街55年的老字號茶餐廳《榮發餐廳餅店》。
有某位Blog友經常都戲稱我為「Blog壇比利」,
即是但凡被本人「欽點」過的歌手、演員、球員和店舖,
在下一年通常都會一沉不起或是永不超生,
嘿嘿那麼現在我就鄭重的跟大家預告一下
憑著招牌名菜「李滷味臭蟹」和非禮學生妹而聲名狼藉,
並曾經贏得網民5000個負評的喜記蟹將軍
於2015年將有機會會因為經營不善、生意慘淡而導致債務纏身,
更有可能會走上全線執笠的厄運,唉真是令人不禁倒抽一口涼氣呢!~XDXDXD~

《地球很危險》
馬航MH370、MH17連環嚇機事件、伊朗141空難、8.1高雄氣爆慘案、
昆山8.2爆炸事故、昆明火車站大屠殺、黑雨怪風巨雹相繼襲港…… 
這個地球越來越危險,我們還是快點搬到火星吧!

雞蛋羔羊》
港人們記緊要好好認住這兩個賣港賊,它們就是加重中港矛盾的罪魁禍首!
為什麼香港會滿街藥房/金舖、遍地「黃金」?
為什麼一些良心小店會一間接一間倒閉?為什麼通脹會快過光速?
為什麼我們每天都要捱貴價早餐/午餐/晚餐?為什麼會有那麼多黑心食物?
為什麼要打開中門給水貨客、雙非孕婦來搶走我們的奶粉、益力多、床位、學位和飯碗?
你是否願意淪為二等公民?你是否接受港鐵服務永遠為你遲啲啲?
假若一定要你從孽瘤、元秋和一嚿雲之間選一個人做特首,你會選擇投票還是移民?
或者你們會答我:「唉屌~食撚晒~唔驚!」可是各位有沒有想過……
若果各人都漸漸將逃避變成是一種生活習慣,那麼以上這堆問題亦會慢慢變得理所當然,
到時香港就會正式步入淪陷階段,並成為白皮書裡面的其中一頁。
到時候,你的下一代便會天天接受北韓式洗腦教育,然後有一天……
他們更可能會指著你說:「六四是不存在的!沙士事件是內地派八國聯軍下來平息的!」
怎樣?夠誇張嗎夠荒謬嗎?你們還是要選擇繼續沉默下去嗎?
曾幾何時,我都是一個對政治極度冷感的人,為了家庭,我十五歲便要日捱夜捱,
到今日,我成功守住了自己的家,卻看著自己身處的地方一步步的走向滅亡,
希望大家和我一樣可以早點覺悟,不要到真正成了一個啞巴之後才懂得後悔。

撐起雨傘》
歷時79日的雨傘革命(Umbrella Revolution)總算是告一段落,
這場革命最終導致警民關係徹底破裂,而藍色亦從此正式變成黃色的對比色。
我不知道其他人的想法是什麼,個人的立場是……
那管你是紅黃藍白黑,請勿忘初衷,勿忘信念,
勿忘真相,但更要勿忘親恩,勿忘友誼,別非黑即白。知己難求,親情可貴,
你當我是家人/朋友,我便當你一世家人/朋友,絕不會忘記你們曾給予的愛和鼓勵。
不要緊,你回你的家,我走我的路。你想你的,我想我的。
你無須認同我,也無須改變我。大家不必爭論,不必unfriend,不必割席。
割席不能將根本問題解決,只是態度上的無視。各位,請別急,再給點耐性吧!
你們先去睡一睡,然後,未來的歷史會告訴你們/我們誰是對的。
喂~喂~你坐開啲啦!屌你老母~議員乜撚嘢議員呀?冇人識你喎!人起朵你起朵! 

時間過得真快,一眨眼,我從Yahoo轉會到Blogspot這個新天地已經有一年零三個月,
因為養病的關係,我在整個2014年就只寫了17篇Blog文,成功創下本Blog的歷年新低,
但只論平均瀏覽人次的話,在今年,我的Blog文流量比起2013年就明顯上升了不少,
特別是我在年中所發表的一篇「愛利宣言」,其瀏覽人次之高真是遠遠超乎我的預期和想像,
看到有不少球迷和足球專頁都不約而同在Facebook分享此文,
還引起多位利迷的共鳴,證明我先前所付出的心血和精神都是值得的。

我在Blogspot累積瀏覽最高的文章(到現時為止)
1. You'll Never Walk Alone  按此觀看
2. Welcome to my food court! 按此觀看
3.《我是歌手2》看後感:驚豔不再,感動仍在。 按此觀看
4. 2013回顧(電影篇 2) 按此觀看
5. 2013回顧(音樂篇 2) 按此觀看
6. 2013回顧(電影篇) 按此觀看
7. 繼續沉醉於光影世界之中  按此觀看
8. 越美麗的東西越不可碰 - 失蹤罪(Gone Girl) 按此觀看
9. 穩中求勝的未完成品 - 李克勤《紙牌屋》 按此觀看
10. 再度沉醉於光影世界之中  按此觀看

我在Blogspot回應數量最多的文章(到現時為止)
1. 新Blog開張第一炮 - 講故風雲之火爆仔重出江湖! 按此觀看
2. You'll Never Walk Alone  按此觀看
3. 2013回顧(電影篇 2) 按此觀看
4. 歸來  按此觀看
5. 2013回顧(音樂篇) 按此觀看
6. 2013回憶列車之一首歌一個故事  按此觀看
7. 名副其實長話短說 之 乜都噏大集匯  按此觀看
8. 繼續沉醉於光影世界之中  按此觀看
9. 再度沉醉於光影世界之中  按此觀看
10.
2013回顧(電影篇) 按此觀看

這些年來》
最後在這兒,預祝各Blog友冬至、平安夜及聖誕快樂,
並和大家再次重溫小弟在這些年來的一些大、小事回顧吧!

嘩~這應該是我史上最長最唚的一篇年顧Blog文!
只能說,我這個死性不改的臭頑固真的是無藥可救啊!哈哈哈哈哈~
夠喇!唔好再講喇!我要瞓覺呀!Shut Up!Meow~Zzzzzzzzz~

195 則留言:

  1. MY █▄❤vE 好朋友\(◕ヮ◕)/•*☀早晨+黃昏好⊹☁*゚
    笑嘻嘻♥*¨❣•開心星期五喇喂¤*♫*♬°•♩。♪*
    我瞓醒起身嚟⊹✾*・現在都係有徹微細雨ღ*°•
    真係凍冰冰到¨*♦傻傻地。˚*大家著暖D啊⌒Ѽ╮
    ┏━┓ ┏━┓ ┏━┓
    ┃聖┣━┫節┣━┫樂┃¸.•*¨`*•❤
    ┗━┫誕┣━┫快┣━┛
     :┗━┛:┗━┛:.*¨`*•❤
     ♡   .♡   .♡

    回覆刪除
  2. 各位好友\(◕ヮ◕)/•*⊹晚上好☁*゚
    ⌒Ѽ╮時刻笑笑°享受天天美好的時刻⌒Ѽ╮
    大家•*°瞓得❥食得❥玩得❥開心萬事得*•
    ╔╗═╔╗¤*¨❤¸„星期六ø¤º°¨ƸӜƷ♥
    ║║═║║⊹✾*・*❤冬至¸„ø¤º°¨ʚïɞ♥
    ║╚═╝╠══╦══╦══╦╗─╔╗
    ║╔═╗║╔╗║╔╗║╔╗║║─║║¨*♦
    ║║═║║╔╗║╚╝║╚╝║╚═╝║
    ╚╝═╚╩╝╚╣╔═╣╔═╩═╗╔╝。•*´*✿
    ═══════║║═║║═╔═╝║
    ═══════╚╝═╚╝═╚══╝*´❀聖誕節

    回覆刪除
  3. 希望你以超級無敵之神力克服一切病痛,逐漸完全康復 !!! 重享人間各種美食!!!
    愛你既人永遠平安 , 相伴永遠 !!!
    愛貓日日同你反轉間屋, 等你慢慢執XXD
    願所有小人永遠遠離你 !!!
    友情永駐 !!!
    OMG!!!竟然睇到自己個blog頭相, 超級無比榮幸呀~~~呀~~~呀~~~^0^
    對d無良商鋪食肆既預測, 可以誠你貴言!!!
    經過呢次既79日, 黃色已成為一個時代既標誌, 一種信念 ,更加明亮 !!!
    All the best , buddy!!!

    回覆刪除
  4. 狂兄其實你個blog個風格真係好特別,係我喺出面任何一個blog度都搵唔到嘅。今年出文少唔緊要啊,最重要係貴精不貴多嘛!呢篇回顧有笑有淚有起有落,我睇到好鬼enjoy!

    回覆刪除
    回覆
    1. 謝謝徐大導,不過如無意外下年應該會繼續減產。

      刪除
  5. 一向以來你的blog文都水蛇春咁長架啦~~
    預祝你2015發光發亮,生活得很美好

    回覆刪除
  6. 記得分享過這篇網誌,我以依然送上,衷心祝福你一家以後都平平安安、快快樂樂、身體健康……

    回覆刪除
  7. 努力活著,感恩祝福,安心快樂。世事豈能盡如人意,但求安心。

    回覆刪除
  8. 一切都過去了, 好日子一定跟住你的, 好好加油啦! 你還年青呀! 晚安!

    回覆刪除
  9. 好detail ar~我一字不漏睇哂~so brilliant!

    回覆刪除
  10. Time Is Changing,每年嚟到年尾就係等你嘅經典年度回顧啦!喺呢度首先祝你一年好過一年,病痛小人通通遠離你,同姑姑繼續甜甜蜜蜜,工作順順利利!成個回顧我最鐘意抗病同打小人果part,好熱血,超掂!再睇埋你寫你嫲嫲果part,好感動,我完全feel你果種無奈同埋心酸,你真係好錫你嫲嫲..

    哈哈,之前世界盃完咗我見唔到你寫手記仲好鬼失望添..估唔到而家一次過補番哂,仲有埋歐洲足球大事回顧添..正正正!

    利記今季真係唔知發乜鬼波瘟,一冇咗咬人蘇成隊波就踢到不知所謂!但最離奇都係羅渣士,買個巴神番嚟打單箭頭,跟住又低價放走忠臣艾加再高價買件垃圾懦夫蘭,真係今年英超球壇最大笑話!

    喂喂,好期待你嘅年度音樂同電影回顧呀!快D出爐啦!

    回覆刪除
    回覆
    1. 其實世界盃嗰陣我真係諗住完全唔寫,但嚟到年度大事回顧又冇可能唔提世界盃㗎嘛!最終就一舖過玩死自己!哈哈~

      渣哥真係......唉!打單前鋒都算啦!而家仲要打無鋒陣!正式係前又攻唔到後又守唔穩!不過好在路夫蘭近排傷咗,呢個真係利迷近日嘅最大喜訊啊!

      刪除
    2. 音樂篇已經出爐喇!不過暫時只係出得一半,過幾日會出埋後半段!

      刪除
    3. 篇音樂篇真係好精彩,多謝哂!

      係呢!利記上塲對史雲斯打得好好喎,
      我想講拉蘭拿真係你哋今季嘅最佳收購,前晩睇佢踢波D腳法好到呢!

      刪除
    4. 佢加盟冇耐我就已經覺得佢得!喺啲舊post度我都有提過,佢絕對係老麥之後帶波最黏腳嘅英格蘭球員。

      刪除
  11. 生老病死呢D野係好難避免,亦唔到我地控制,
    凡事試下睇開D啦!我諗呢個都係阿嫲最想睇到ge!

    回覆刪除
  12. 你真的好堅強,又重親情和友情,更愛公道和真理,也愛家人愛人朋友和自己,加油.

    回覆刪除
  13. 可以做個總結真係唔錯,明年繼續加油!

    回覆刪除
    回覆
    1. 一到年尾就做回顧,已經漸漸變成了一種習慣!XDXDXD~

      刪除
  14. 看著你和你grandma的舊合照,再看完整篇文,感動隨即湧上心頭。Bondi,衷心祝福你和你的所有家人,包括你的女友和貓咪。

    回覆刪除
  15. 祝你新一年健康快樂!

    回覆刪除
  16. 睇睇下睇到你同叻哥、阿叔講嘢同鬧四方西班19議員嗰度,笑撚死我!雞蛋與羔羊嗰段,精彩!如果一定要我喺私煙、孽瘤同靜心條臭閪之間屌一個,我會選擇即刻跳落海!

    回覆刪除
  17. 看畢回顧 , 不曉得再說甚麼安慰說話 , 只希望喬生繼續努力 , 不要令嫲嫲擔心 , 因為只有你健康愉快咁生活才讓她老人家安心 !! 你與姑姑的細水長流 / 感情盡在不言中 , 我實在羨慕 , 祝永遠幸福....

    回覆刪除
  18. 哈好波喎 ! 引用埋我講既野 ... 唉,今年利迷咪當係發咗場夢囉 !
    講真呀!歐聯連隊魚腩都贏唔到 , 出局簡直就係對BR當頭棒喝啦 !
    洗哂阿蘇個錢去組成一班一億後備團 , 成日無情情無鋒陣同鳩斬又係激死人 ...
    屌那媽 ! 你要打高Q大棍當初又點解要放走C9?
    事實上就是你已經無計可施 , 技窮 , 慌啦 ! 被人睇透啦 !
    唉 .. 今季前四都係無望架喇 ! 我已經有哂心理準備 ..
    不過暫時睇到而家最down嘅都係上場還番三隻蛋比班獌狗 ! 嗰晚真係勁想打爆個mon !

    回覆刪除
    回覆
    1. 自己友 , 最後祝你響2015年一切順利 , 家庭和睦身體健康 , 同女朋友早日拉埋天窗啦 !

      刪除
    2. 先謝謝貝加兄,不過呢啲嘢都係隨緣啦!

      刪除
    3. 講真,嚟到呢一刻,我有唔開心,但就冇失望,因為的確係利記自己技不如人,所以就算今季打到最後入唔番前四我都冇嘢好講!好似對獌狗場波咁呀!有好多人話黑哨,但有時候我就覺得......如果隊波係打得有隊型有衝勁嘅,就算傷邊個、吹黑哨其實都唔會阻到你去路!你睇下我哋上季就知啦!季初冇咗阿蘇我哋咪一樣掂!講到尾就打道氣!今季道氣就係洩咗!希望隊波喺2015年可以嚟個鯉魚翻身啦!

      刪除
    4. 而家成隊波死氣沉沉 , 連對般尼都要負負碌碌先贏到 , 我真係完全睇唔到隊波可以有乜起色 !

      刪除
    5. 隊長宣佈季尾走人,喺打法上可能會順啲!但我就幾擔心而家隊波咁後生,個士氣可能有機會會受到好嚴重嘅影響,不過其實早啲畀佢哋適應下都啱嘅!一隊球隊始終都係需要一代傳一代。

      刪除
  19. 回覆
    1. 係囉!都唔知點解大個之後會變到咁樣衰!

      刪除
  20. 祝Teddy健健康康,吃得下睡得穩!

    回覆刪除
  21. TEDDY,
    還有阿嫲錫, 比我幸福, 祝福你, 琪琪和COCO新年快樂,萬事如意,更勝舊年!

    回覆刪除
  22. 迪哥祝你新一年乜都好!最緊要係身體健康,財源滾滾來!

    回覆刪除
  23. 狂小子、人生得一好友已經相當難得、而你有咁多好朋友那就應該好好診惜喇!祝身體健康!

    回覆刪除
  24. 非常精彩的一篇年度回顧,又是用歌名作引,既巧妙又有心思。看到雞蛋與羔羊一段有一感想,就是當一個大話說一百遍就開始會有人相信。真不明白有些香港人為何可以默默忍受被自由行佔領十多年,但就不能接受別人為香港的自由而抗爭,這到底是什麼心態?我真是百思不得其解。

    回覆刪除
  25. 祝您2015更健康更開心,聖誕快樂!

    回覆刪除
  26. 好精彩,睇完成篇blog好似睇咗ㄧ個新聞特輯咁,值100個like!!

    回覆刪除
  27. 堅強的狂小子,請謹記要小心飲食,保持心境健康,預祝你會有個開心美滿的2015年。

    回覆刪除
  28. 昨日,就像一場煙花,一閃即逝。
    最緊要對自己重要同在乎嘅人(們) 可以陪伴在身邊,不論天大地大,都不會寂寞。
    希望你在來緊嘅新一年,所有事只會越來越好,健健康康,幸福美满!

    回覆刪除
  29. 加油,努力生活,活得精彩

    回覆刪除
  30. 晚安小子,你細個踩住車仔張相眼仔碌碌咁好可愛,follow你個blog都有好多年,所以一路睇篇回顧真係好似睇緊你既成長故事咁.冇錯你今年既經歷的確係好似過山車一樣,但我深信呢D經歷將會令你更加堅強,祝你係未來一年ㄧ切順利.

    回覆刪除
  31. DiDi點解朋友回顧度冇我張blog頭相ga??你偏心!!!嬲死你ar!!!哼哼哼哼~~~

    回覆刪除
    回覆
    1. X2,點解冇我架巴打?正一小氣猁!:o):o):o)

      刪除
    2. 新地妹,啲相係隨機抽,唔好咁執着,更何況妳已經喺上面出現咗兩次!仲唔心足?XDXDXD~

      刪除
    3. 小強tommy哥,請問你係咪玩嘢呢?你張相咁鬼細我點放呀!XDXDXD~

      刪除
    4. 唔得!!我要連中三元~~~~

      刪除
  32. 你真厲害! 祝福 你啊身體健康!

    回覆刪除
  33. 你好厲害喎! 寫blog好似拍咗套微電影咁
    你嘅經歷令我諗起:你的日子如何 你的力量也必如何

    回覆刪除
    回覆
    1. 我嘅經歷令我諗起:你的樣子如何,你的力量也必如何。XDXDXD~

      刪除
  34. 好喜歡你同嫲嫲的那張舊合照。。。so touching。。。
    你和姑姑真的很襯。。。都是靚仔靚女。。。。
    我好羨慕你們之間細水長流的感情。。。so sweet。。。^_^。。。

    回覆刪除
  35. Hey Fighter! You're a tough man!
    I hope you celebrated the new years with your nearest and had a good new start!

    Amazing WORLD CUP 2014! ...
    If Argentina win the World Cup, it will be an amazing moment.

    "God Bless. RIP Corey Griffin."
    May this angel of a man rest in peace- so sad for his family and friends.

    回覆刪除
    回覆
    1. 美斯始終都係爭一個世界盃,今年已經算係最有機會,可惜又係差臨門一腳!

      刪除
  36. 人地大陸人就避開毒野來買我地香港造既港貨,我地香港人就被迫食大陸既野。
    呢個唔係政治問題,係尊嚴問題,你會唔會比人強姦果陣都唔反抗下???

    Wishing you all the best in 2015!Good Luck!

    回覆刪除
    回覆
    1. 冇錯!而家係我哋香港人比人恰,比人恰係咪仲要企喺度唔撚還拖?老實講,要我打不還手罵不還口我真係做唔出囉!

      刪除
  37. 親情、愛情、友情都齊備,邦邦無憾了,恭喜!

    回覆刪除
  38. 一年做齊咁多東西, 吃美食, 看足球, 你好精彩啊!
    訂閱你的文章連結很按下去, 彈回自己資訊主頁, 真奇怪啊!

    回覆刪除
  39. 除了講波一段,其它的我哽哂呀,真的是好超長的一篇回顧!

    回覆刪除
  40. 狂兄,你今年呢篇大事回顧真係好詳盡,仲講多左好多時事,我好buy
    好榮幸自己有機會出現係你既年度紀錄裡面,你講朋友ㄧpart好簡潔但又好有力
    荷蘭今屆既表現絕對係自98年之後最好既,今年佢地既人腳其實麻麻但就勝在夠熱血
    你唔講真係唔知,原來係今年死既球星同藝人同執笠既鋪頭都真係唔少
    你話自己係blog壇比利果度好正,鬧班仆街議員果下直頭係笑死我,超掂,心聲呀

    回覆刪除
    回覆
    1. 哈哈~其實一路睇住荷蘭喺世界盃打得咁好個心真係有少少矛盾,因為一睇見已經係獌狗嘅Van Pussy同將會做獌狗嘅雲鳩爾、白撚突就有啲眼冤!不過好在我一向都係重球隊多過重球員嘅人,所以我好快就可以調節到自己嗰種極唔平衡嘅心態!XDXDXD~

      刪除
  41. 仲有狂兄,我今日帶左條女去左大埔間武藏野度開餐,D野真係好正,果然冇介紹錯,thx

    回覆刪除
    回覆
    1. 咁Eminem兄你哋有冇叫佢哋個醬燒魷魚筒同拖尾三文魚壽司?

      刪除
    2. 有呀!條三文魚真係長到嚇死人!直頭要分兩啖先食得哂成舊..

      刪除
    3. 哈哈哈~冇錯!一啖呑落口一定會噎死!XDXDXD~

      刪除
  42. 先祝你喺2015年身體健康,平安大吉,工作順利!!剛剛喺主場和咗間廠,今季基本上已經正式可以同前四講bye bye!講真如果班美國佬繼續堅持佢哋嘅Moneyball理念,咁班波就真係同等死冇分別!!而家完全係一個似曾相識嘅情節,直程係翻番賓sir最後一年個時咁!!喂你哋下下要睇住條數玩牛奶仔,你估我哋係阿記咩??人哋領隊係邊個呀??係雲大師呀!!不過呢個羅記都係唔抵爭㗎喇!!係死要打無鋒陣,咁而家前面咪入唔到波囉!!你明明係睇到巴神係要搵人夾住嚟打,但要偏偏就要迫佢玩單打獨鬥!!米仔今季不穩係事實,但利物浦堂堂一間大球會就竟然搵個連喺英冠都未必可以立到足嘅鐘斯打正選龍,喂你係要鬥氣都玩第樣呀大佬!!

    回覆刪除
    回覆
    1. 唉~鬼叫米仔又中咗晏菲路嘅千年鋼門發瘟魔咒咩?利記近廿年有邊個門將係可以一直keep住穩定水平㗎?佢哋喺第一季就算係打到曉飛都冇用,一到第二季就會自然急速跌watt!韋仔係咁!杜迪克係咁!占士就更加係唔使講!咁多年裡面係連拿叫最好!但最後都係逃唔過呢個厄運!至於鐘斯我覺得佢其實都幾慘!明明係萬年後備料但就成日都要喺啲重要關頭出嚟孭鑊!不過都唔緊要啦!因為渣哥上場又突然踢番佢落後備喇!真係吹撚漲!

      刪除
  43. 眼部問題是否看西醫?? 是否眼角膜或視覺神經綫?? 希望你盡早救治. 香港醫療包不包費用??

    飲食與運動真是很重要, 要好好照顧身體, 但也不要太多擔憂, 影響心境.

    人總有春, 夏, 秋, 冬, 但希望你嫲嫲早康復. 我所有祖父祖母巳離世多年. 因當年在外國不能陪伴到最後, 遺憾~~~

    回覆刪除
    回覆
    1. 手術始終都會有風險,我自己都去睇過唔少醫生,佢哋都有同我講話做完呢個手術係有輕微嘅機會會變成全盲,而過去亦都有人試過有呢種案例,講真,淨係手術費嗰度已經可能要洗我半份身家,洗完仲要唔係包生仔!我個人向來討厭賭博,我怕我會承受唔到呢個後果。

      刪除
  44. 歡歡樂樂過❤冬至❤聖誕節❤新年喔 !

    回覆刪除
  45. 聖誕將至,在此祝你聖誕快樂,身體健康!

    回覆刪除
  46. 冬至快樂,你每篇blog都寫得好有心機好有心思,香港好少你呢種blogger,要好好加油啊!

    回覆刪除
  47. 你最新一篇删除咗?入唔到....

    回覆刪除
    回覆
    1. No!係Blogspot發咗瘟咁成日同我亂咁更新啲文!XDXDXD~

      刪除
  48. 冬至快樂! 祝你和嫲嫲身體健康!預祝你和喵星人聖誕快樂!
    _.____.____.✯_____._____,
    _____._.__☉✺☉___.___.___
    ___.__.__❄☉✺❄☉____.___
    _.___._❄☉✺❄☉❄☉___.__
    __.__✺❄☉✺❄☉❄✺☉.___._
    _._✺❄☉✺❄❄☉☉❄✺☉_.___
    .................♟☦♟ .........MERRY CHRISTMAS!!

    回覆刪除
  49. 大哥先補祝你冬至快樂,再預祝你聖誕快樂。
    好好好欣賞你做人呢一份執著堅強同唔放棄嘅態度,我會繼續向你學習。

    我始終覺得利迷對Agger感情實在太深,事實上佢呢一兩年真係跌哂watt!
    反而我好想free雀斑王子番黎,揾佢黎搭巴神或史獨效果應該會唔錯!

    回覆刪除
    回覆
    1. 多謝鐸兄!其實情感上一直都好想王子番嚟,但現實歸現實,要望佢鹹魚翻生不如望巴神會打番起仲好啦!咪當係留個美好回憶畀大家囉!咁樣對大家都好!同埋最重要嘅係,如果而家叫番佢番嚟,感覺上就真係好似拎盆冷水一嘢淋落艾加度咁!你話咁又何必呢?

      刪除
  50. 狂小子 知不知 你就是2015年最耀眼的一顆幸運星

    有情人的 你們將會一生情不變 戀足一百分
    沒情人的 你將會在2015找到個愛到你發狂的人
    工作上跌倒 終有一天一定可以從後趕上
    人生滿希望 做個最愛笑的人 笑看人生
    令世界戀得更暖 其實你可以 創造命運 活得瀟灑
    朋友 最佳福星 左鄰右里 我永遠祝福你

    回覆刪除
  51. 你邊一次篇 blog 唔駛花我好多時間去睇吖 ? 不過今次睇得最開心 , 因為知你身體好返九成 , 加上屋企家事又有起色 , 同小龍女又keep 住細水長流 , 仲要咁比面登我張相最大 , 哈哈............所以希望你新嘅一年..............會越來越好 , 收到未?
    我今年係成世女流最多眼淚嘅一年 , 爸爸七月走咗 , 要獨力去執佢留下來間公司嘅蘇周屎 , 好煩好唔開心 , 家人又唔信任你 , 仲有個小人响度搞風搞雨 , 我真係好無助 , 我知我做幾多嘢對小人好都得唔到回報 , 我自問"問心無愧"就算數 , 對得天地 , 對得住爸爸 , 我唔想再理咁多是非 , 一句講哂都係錢作怪 , 好彩身邊有咕碌仔一直陪住我 , 唔係都唔知點捱得過 , 寄望明年是非遠離我 , 身體會好啲 , 唔好成日病 , 唔想再理小人做咩嘢 , 自己一家人開心過每一天就滿足呢~!!

    回覆刪除
    回覆
    1. 多謝圓咕碌媽媽!唉~睇完妳寫段嘢,我只能夠講句:「身同感受。」有時候做人真係但求無愧於心就算!下下要同啲卑鄙小人計較,真係命都短幾年!希望喺新一年大家都可以盡快遠離呢啲是是非非啦!

      刪除
  52. 我今年都起起跌跌咁~不過最後都收到成果~希望我自己呢個小秘密可以一路順利啦~

    回覆刪除
  53. 難忘事1:終於可以轉工,2:跟暗戀了16年的對象說話 :D
    狂小子新年也要繼續加油啊!祝福!

    回覆刪除
  54. 狂兄,新一年我祝你:
    一月成功開好頭,
    二月幸福滿枝頭,
    三月平和不離手,
    四月萬事不煩憂,
    五月歡樂時時有,
    剩下都是好時候,
    12個月的幸福,
    52個星期的樂趣,
    365天的成功,
    8760小時的健康,
    52600分鐘的好運,
    3153600秒鐘的歡樂……就這些!

    我在2014的難忘事:接近無限溫暖的黃

    最後予言:
    我們的敵人不是低級警員,不是前線警員,
    是那些躲在背後的警隊高層和那些政府高官。
    大家都要互相體諒,不管是在防守的警員還是示威者。

    回覆刪除
  55. 好詳盡嘅一篇回顧文,今年香港人真係特別多深刻嘅回憶

    商業抬頭,唔再係7、80年代,純粹憑足球實力
    今時今日,大城市、大先進球場、一流營運能力、
    再而好成績、高人工係班霸必需條件,利物浦以上既野完全冇!
    已經不能留戀7、80年代既日子,當年冇咁大差距。
    現在,頂星不會來,我地又請唔起,
    一日冇大球場增加收入,一日都冇可能追到其他班霸。
    阿記係非常值得借鏡,但地理位置借唔到,
    利物浦始終不如倫敦等一線頂級城市
    因為利物浦多年已經無重要冠軍(特別係英超,從未拎過)
    連踢歐聯近幾年都唔係常客 人望高處好正常

    摩根,踢左十年紅軍都唔受重用
    u21破紅軍入球紀錄都要放走佢

    托利斯離隊本來有機會做下後備
    點知打孖上買S7同卡路爾,這就是命運

    2014年退役嘅足球名將仲有強哥李海強

    回覆刪除
    回覆
    1. 摩根當年有個朶叫新科拿,我曾經都對佢寄予厚望,可惜......另外仲有一個當年畀人吹到係威係勢嘅德國超新星Yesil,嚟到利記之後又係傷多過踢!唉~

      刪除
  56. 祝聖誕愉快, 主內平安!
    ...*__██__
    。˛. ( ´• ̮• )˚❉* _Π_____。*˚*• ˚ ❀.˛* ..*
    。.°( .... • ) •˚ /______/~..\。˚•❥ ❀.˛*✿ ..*.
    。*(...'....•'.).|田田 |█...| ˚ ღ˛°...✿ ❀
    ▓╬▓╬▓╬▓╬▓╬▓╬╬╬╬╬╬╬╬╬▓╬▓
    ♣ø¤º°¨°º¤ø♧„ø¤º°¨°º¤ø♣ø¤º°¨°º¤ø♧„ø¤º°¨°

    回覆刪除
  57. 今年感到最難忘的事?
    1)你知ga 2)你知la 3)你知ar

    回覆刪除
  58. 2015,悲しみにさよなら(向悲哀說再見),あなたが万事顺调であれば、なによりです。
    英國老牌搖滾歌手Joe Cocker不敵肺癌逝世,終年70歲。在今年去世的歌王又多了一位。
    真可惜,他的《You Are So Beautiful》是史上我聽過唱得最富感情的一首經典英語情歌。

    回覆刪除
  59. goodluck 2015 handsome boy~你同姑姑一定要繼續幸福落去ar!睇到你寫grandma同你屋企人真係好心酸~因為前幾年我婆婆走個陣又係受左好多折磨~而身邊又有好多9年唔見ge小人響度從中作梗仲想乘機攞著數~~當時我真係喊左好耐~~真係激Q死我~~所以我諗我會好明白你ge感受!呢個世界永遠都係小人當道~個天永遠都只會保佑呢d人渣~真係好唔公平ar~~~~

    回覆刪除
  60. 繼續努力加油 !
    祝好運 ! 身體健康 !
    聖誕快樂 !

    回覆刪除
  61. Time Time今年ge回顧超超超好睇呀!完全可以用包羅萬有來形容!

    回覆刪除
  62. 聖誕快樂!永遠都會記得副隊紋喺手指上面嘅YNWA!

    回覆刪除
  63. 迪哥哥,,_ 平安夜啦,,會去邊呢..........

    回覆刪除
  64. 朋友不用愁的, 很多也是被一些事纏繞著, 我前年一年, 就在牙齒上, 用了相等5萬港元, 這多年來, 超過十萬也不出奇. 還有, 我對食物雖沒有如你般的嚴重過敏, 但一些食物是我永遠不吃的, 一吃了, 我就知道後果不妙, 如竹筍, 紫薑, 朱古力, 尤魚絲, 炸腰果, 花生, 海產, 咖啡.....

    回覆刪除
  65. 你問難忘的事...回想起來,沒有。但這並不代表今年沒甚麼重要的事發生。剛好相反,今年發生了許多事,受了許多刺激、驚嚇,亦做了一些極為大膽的事,但難忘嘛?沒有。

    世事無奇不有,甚麼事情都有可能發生,會發生甚麼事也不奇怪了。對於生活,只有勇往直前,享受當下每分每刻。與其往回望,更多、更重要的是向前望。

    另一方面,當一個人各方面都有所提升時,就越發覺許多事情都不值一提。

    ~~~~~~~~~~~~~~~~~~

    每個人都說著要做甚麼,但現實總是殘酷的、甚或可怕得要命,而人是感情動物,會有軟弱的時候,很多時候,都會被心理情感所折服....如人有惰性...如人怕寒冷....每個人都想要舒服、美滿的生活...愛舒適感...生活關鍵並不在於你是否活得舒適容易、或艱困可怕,而是在面對種種處境時,你是被心理情感所折服,定或是,用自己的意志努力去克服它,走自己要走的路,使自己的心不會被磨蝕。老實說,我覺得這很是現實而殘酷,但就是要做到!因為,你總不能因為冷或過於舒適,而一動不動的,很難受,但始終要踏出去,才可以活著。而當你發現問題時,總是要去解決它,放任不管,就只是等待著它漸漸擴大,然後被解決;你可以短暫地忽視問題,卻不能無視問題,很煩人、很惱人,但始終要面對。

    回覆刪除
  66. 好多回憶,喜記一段笑死咗!

    回覆刪除
  67. Teddy,未及看你的文章,先來祝你聖誕快樂,身體健康,來年勝舊年~

    回覆刪除
  68. 今年最難忘的事?第一是離開了做了8年的舊公司,第二是好姊妹結婚,最後就是雨傘革命,那87枚無情的催淚彈,真是令人難以忘懷。

    回覆刪除
  69. 巴打其實你細個都幾cute,乜解究大個咗會成個山口組頭目咁既?[banghead] [banghead]
    最奇怪既係就連你隻貓咁睇起黎都好有殺氣,D眼神 @_@ @_@ @_@

    不過講真我都好明白你對你嫲嫲份感情點解會咁深,因為我細個都係俾阿嫲湊大既
    但希望你保重啦巴打,呢個世界從來都係唔撚公平架啦[sosad] [sosad] [sosad]

    回覆刪除
    回覆
    1. 又乜嘢山口組呀頂你!你唔得咁樣㗎!成日冤枉我!我係良好巿民嚟㗎!

      刪除
    2. 你係良好巿民我就係十大傑青[369][369]

      刪除
  70. 世界盃巴西果場真係好深刻[sosad][sosad]
    第一次見馬會即場波膽黑撚晒[sosad][sosad]
    oscar喊到:-( :-(CESAR心諗:比我抖下得唔得[sosad][sosad][sosad]

    仲有keyman:叻...叻哥好平靜[sosad] [369] [banghead]
    鍾仔:嘩阿叻哥…乜咁既樣呀!唔係呀嘛[sosad] [369] [banghead]
    鍾仔呢下killer pass[369]直情係瘋狂前場緊迫,壓到叻哥收皮[sosad] #adore#
    唯有2018俄羅斯見 [369]不過黃金一代,下屆玩完叻哥唔知仲等唔等到新黃金一代出現:-(

    講真雖然我平時都會笑鳩佢,但係而家見到佢咁,我又覺得佢果種忠心好值得尊敬:-(

    安耶馬真係好撚HEA[sosad] [sosad] [sosad]
    不過某程度上呢種先係霸氣ge表現傲視對手,對自己ge守龍能力有信心[sosad][sosad]
    同埋佢反應真係好快#adore##adore##adore#
    唯一可以挑剔係見到一兩球接地波手法不太正宗有少少甩漏,
    不過個波彈返出黎佢又勁快彈起身解返#adore# #adore#

    唔知hea碧同佢1 on 1會係點呢[sosad][sosad] [sosad]
    一吹雞2個即刻訓底休息?定係一人一條柱?[sosad]

    安耶馬好片重溫#hoho#
    https://www.youtube.com/watch?v=DCaL82Au1wU

    回覆刪除
    回覆
    1. 段片好正!其實我都好奇怪點解從來都冇大會要佢!明明佢就好撚勁!喂~佢同Hea碧今季應該真係有機會碰過頭㗎喎!因為安耶馬好似都過咗法甲!

      刪除
    2. 佢喺Lille,今季比人借左去以巴列,陰功豬[sosad][sosad]

      刪除
    3. 唔係呀?好心利記就簽佢番嚟啦!

      刪除
  71. 你班猁迷醒下啦[369] [369][369] [369]
    季前唔係有歐聯打買到Big name好巴閉架咩[369] [369] [369]
    打到pat屎咁仲成日J big name, 而家又J 5000萬買賓周馬[369] [369]
    咁同毒撚話好想同淫K瘋狂做愛有乜分別:-(:-(:-(

    同埋人渣士都係ON撚尻#ng# #ng# #ng#
    作為一個領隊成日公開屌柒自己球員,講真,真係連做領隊既資格都無:o)

    人渣士:史達寧身邊已無世界級隊友

    一野屌晒全隊係垃圾,呢d咪名帥風範囉V92 敢唔敢?[369]
    其實佢講得冇錯 :-( 只不過有半隊垃圾係你買返黎 :o)

    BTW,支持人渣士一世教猁#yup# #yup# #yup#
    比D時間人渣啦猁迷 我信佢係有料既#yup#[369] [369]

    回覆刪除
    回覆
    1. 賓斯馬?而家隊利記連歐陽耀沖都未必肯過嚟啦!

      刪除
    2. 仆街笑死我,而家連君子特都離棄你地班猁迷[369][369]

      刪除
    3. 咁樣對大家嚟講都係最好嘅結局!

      刪除
  72. 喂~喂~你坐開啲啦!屌你老母~議員?乜撚嘢議員呀?冇人識你喎!人起朵你起朵!
    你老味笑到噴水[sosad][sosad] [sosad][sosad][sosad] [sosad]

    明將真係日本野FUSION始祖:~(:~(:~(冇左明將我去邊到破地獄:~(:~(:~(
    不過都要強烈恭賀及恥笑blog壇比利又咒死一間唯一麵家,真係好撚強#adore# #adore#
    喜記臭蟹呢次hihi鳥[sosad] [sosad] [sosad]好波巴打#good# #good# #good#

    Between,比利哥你個一年一度音樂回顧搞掂未?
    每年真係睇你嗰個好過睇時下D濕鳩頒獎禮#yup# #yup# #yup#

    回覆刪除
    回覆
    1. 未呀!最近好忙,而家出住半個先!如果下年喜記真係畀我咒到執笠嘅話,咁我就即刻個網名改做Blog壇比利!XDXDXD~

      刪除
    2. 留名睇走數#yup# #yup# #yup#

      刪除
  73. Rickie Lambert真係一個另類傳奇,由非職業聯賽打到英國最大球會之一..

    因為譚耀宗,無意中search到 YNWA mixed umbrella movement 既片,
    睇段片,睇埋歌詞,再加埋一點對利物浦的感情,即刻眼濕濕..

    回覆刪除
  74. 華~你寫得超有心機~大事回顧~
    補祝你聖誕快樂~

    回覆刪除
  75. 今年難忘ge事有轉工、又做人表姑媽、收左隻名貴戒指、仲有就係有人終於肯同我去旅行,雖然只係去澳門!哈哈~

    回覆刪除
  76. 哎漏左最近香港ge跌錢事件...

    回覆刪除
  77. 假期關係所以遲了看你這篇網誌~~
    雖然寫blog大家都是素未謀面, 但透過文字也可得到一點點的正面能量!
    見你寫返2014回顧, 覺得你才是生命的勇者~~在反反覆覆的病情中, 仍可樂觀面對, 真正能人所不能…見你真的有心想戰勝病魔, 只要肯努力總會有收穫!
    <<<<>>>>
    衷心祝你來年一切平安, 人生路上總見曙光, 日子又會安順起來~~

    回覆刪除
    回覆
    1. 點解最重要嗰句冇咗?!!!<<<<>>>>裡面是寫上: 謹記要keep住呢團火呀!!!!

      刪除
    2. 謝謝森源兄,也謝謝你一直以來的留言鼓勵!

      刪除
    3. 不過,我2015年給自己的首項課題反而>>>>收下把火!哈哈哈~

      刪除